"ბაჩო ახალაია გაცოფებული მივარდა, _ "მტყუანის დედაცო" და პირში იარაღი ჩაუდო"

სამართალი

"ბაჩო ახალაია გაცოფებული მივარდა, _ "მტყუანის დედაცო" და პირში იარაღი ჩაუდო"

2012 ივლ 3 11:21:47

შემდეგ, ავალიანთან მიდის ვიღაც თანამშრომელი, რომელსაც ხელში ვიდეო გადამღები ეჭირა. ეკითხება, დღეს რა რიცხვიაო. სკამზე მჯდომი ავალიანი ჩუმად პასუხობს, არ მახსოვსო. ამ დროს, მასთან მიიჭრა გაცოფებული ბაჩო ახალაია, სახეში სილა გააწნა და დაუყვირა _ "მტყუანის დედაო"... ამ გინებისა და დარტყმის მერე, წამოიჭრა შეურაცხყოფილი ავალიანი და ახალაიას თავისი მძიმე მუშტი, მთელი ძალით ყბაში უთავაზა (ავალიანი ყოფილი ძიუდოისტია). იქვე მყოფი სპეცნაზელები, ავალიანს, ვიბლიანს და მამარდაშვილს დაერივნენ და სასტიკად სცემეს, ხოლო გამწარებულმა ახალაიამ, ავალიანს პირში იარაღი ჩაუდო. იქ მყოფმა მისმა თანამშრომლებმა, მისი დაშოშმინება ძლივს შეძლეს, ამათ გულისთვის შარს არ გადაეკიდოო. ბოლოს, სპეცრაზმელებმა ისე სცემეს დასახელებული პატიმრები და იქვე მდგარი ცინდელიანიც, რომ ბაჩო ახალაია იქით აჩერებდა, არ შემოგაკვდეთ, მაგათი დედაცო... ამ ცემის შედეგად, მანამდე ფეხზე მოსიარულე ვიბლიანი, ინვალიდის ეტლს მიეჯაჭვა და დღესაც ასეთ მდგომარეობაშია" , _ ადვოკატი გელა ნიკოლაიშვილი ციხის გახმაურებული ბუნტის დროს, ე.წ კანონიერ ქურდს", მალხაზ ზედელაშვილს იცავდა.

2006 წლის 27 მარტს, სასჯელაღსრულების დაწესებულებაში მასობრივი არეულობა მოხდა. 7 მსჯავრდებული დაიღუპა, სხეულის დაზიანებები მიიღეს სპეც-რაზმისა და სასჯელაღსრულების სპეც-სამსახურის დაცვის წევრებმა.

მაშინ, სასჯელაღსრულების დეპარტამენტის თავმჯდომარე ბაჩო ახალაია იყო, ახალი შს მინისტრი, რომელიც ოფიციალურად იქნა უკვე წარდგენილი ამ პოსტზე.

თბილისის საქალაქო სასამართლოში, სასჯელაღსრულების დაწესებულებაში ბუნტის მოწყობისთვის, განსასჯელის სკამზე ე.წ "კანონიერი ქურდები": მალხაზ ზედელაშვილი, პლატონ მამარდაშვილი, ნიკოლოზ მახარაძე და კრიმინალური "ავტორიტეტები", ზურაბ ვიბლიანი, გიორგი ავალიანი და ლევან ცინდელიანი ისხდნენ.

ოფიციალური ვერსიით, "პატიმართა და მსჯავრდებულთა სამკურნალო დაწესებულებიდან, სასჯელაღსრულების დეპარტამენტში შეტყობინება შევიდა იმის შესახებ, რომ ციხის საავადმყოფოში მყოფი კანონიერი ქურდები და კრიმინალური "ავტორიტეტები", მასობრივ არეულობას უკეთებდნენ ორგანიზებას. პატიმართა სამკურნალო დაწესებულების დირექტორი, შესაბამისი ღონისძიების გატარებას ითხოვდა. ღონისძიების გატარების შედეგად, საპყრობილეში სპეც-დანიშნულების რაზმის წევრები შევიდნენ".

სასამართლოზე, ბრალდებულმა გიორგი ავალიანმა, ოფიციალური ვერსიისგან აშკარად განსხვავებული ჩვენება მისცა. მან განაცხადა, რომ ბაჩო ახალაიამ სახეში სილა გააწნა და დედაზე შეაგინა. რა თქმა უნდა, ვალში არც ის დარჩა და სასჯელაღსრულების დეპარტამენტის თავმჯდომარეს, გვარიანად უთავაზა. გაბრაზებულმა ახალაიამ იარაღი მოიმარჯვა, მაგრამ სპეც-რაზმელებმა იმის შიშით, პატიმარი არ შემოაკვდესო, იარაღი წაართვეს...

ბაჩო ახალაია მაშინ, ბრალდების მოწმეთა 26 კაციან სიაში ფიგურირებდა. მან, რა თქმა უნდა, სასამართლოზე ყველაფერი უარყო.

საბრალდებო დასკვნის მიხედვით: "ციხის რესპუბლიკურ საავადმყოფოში მყოფი პატიმრები, "კანონიერი ქურდები": მალხაზ ზედელაშვილი, პლატონ მამარდაშვილი, ნიკოლოზ მახარაძე და კრიმინალური "ავტორიტეტები": ზურაბ ვიბლიანი, გიორგი ავალიანი და გოჩა ცინდელიანი, დაწესებულებაში ყოფნისას, დანაშაულებრივად დაუკავშირდნენ ერთმანეთს და იმის გათვალისწინებით, რომ ისინი ვერ სარგებლობდნენ პრივილეგიებით, რაც სასჯელაღსრულების სისტემაში დაწყებული რეფორმის შედეგად შეუძლებელი გახდა, მათ განიზრახეს სასჯელაღსრულების დაწესებულების საქმიანობის დეზორგანიზაცია და ამავე დაწესებულებების ადმინისტრაციაზე თავდასხმის მიზნით დანაშაულებრივი ჯგუფის შექმნა, რასაც უნდა გამოეწვია სასჯელაღსრულებით სისტემაში მიმდინარე რეფორმების შეჩერება, მითითებული რეფორმების გამტარებელი გუნდის კომპრომიტირება, ქურდული ტრადიციებისა და ავტორიტეტის აღდგენა-გაძლიერება. ამ მიზნით, ზემოხსენებულმა პირებმა, გადაწყვიტეს სასჯელაღსრულების დეპარტამენტის დაწესებულებებში მოთავსებული სპეცკონტიგენტისათვის მოეწოდებინათ არეულობისა და მასობრივი დაუმორჩილებლობისაკენ, შეერჩიათ დანაშაულებრივი დაჯგუფების აქტიური წევრები, რომელთა მოქმედებაც გამოიწვევდა უმართავ პროცესებს სასჯელაღსრულების დეპარტამენტის დაწესებულებებში, რასაც საბოლოოდ მოჰყვებოდა დეპარტამენტის ხელმძღვანელობის შეცვლა და ძველი, ე.წ. "ქურდული ტრადიციების აღდგენა".

2006 წლის 26 მარტს, სასჯელაღსრულების დეპარტამენტში მიღებული იქნა შეტყობინება პატიმართა და მსჯავდებულთა სამკურნალო დაწესებულებიდან იმის თაობაზე, რომ მითითებულ დაწესებულებაში განთავსებული "კანონიერი ქურდები", მალხაზ ზედელაშვილი, პლატონ მამარდაშვილი, ნიკოლოზ მახარაძე და კრიმინალური "ავტორიტეტები" გიორგი ავალიანი, ზურაბ ვიბლიანი, ლევან ცინდელიანი ორგანიზებას უკეთებდნენ მასობრივ არეულობას.

დასკვნაში აღნიშნულია, რომ ციხის საავადმყოფოს დირექტორმა სწორედ აქიდან გამომდინარე ითხოვა შესაბამისი ღონისძიების გატარება, რის საფუძველზეც სასჯელაღსრულების დეპარტამენტის ხელმძღვანელობა, ოპერატიულ თანამშრომლებთან ერთად საავადმყოფოში გამოცხადდა. მათი მიზანი იყო, ზემოთაღნიშნული პირების იზოლირება მოეხდინათ სხვა სასჯელაღსრულების დაწესებულებაში.

2006 წლის 27 მარტს, ღამის პირველ საათზე, დეპარტამენტის ხელმძღვანელობამ, ზედელაშვილის, მამარდაშვილის, მახარაძის, ავალიანის, ცინდელიანისა და ვიბლიანის მიმართ, შესაბამისი ღონისძიებების გატარება დაიწყო. მათ წინააღმდეგობა გაუწიეს ადმინისტრაციის მოთხოვნებს და ციხის საავადმყოფოში მყოფ პატიმრებს, მასობრივი არეულობისკენ მოუწოდეს. ისინი საპყრობილის სხვა დაწესებულებაში გადაიყვანეს. ციხის საავადმყოფოში დარჩენილმა პატიმრებმა, დაუმორჩილებლობა გამოაცხადეს. დაიწყეს ყვირილი, რკინის საგნების ერთმანეთზე დარტყმა, ფანჯრის მინების ჩამსხვრევა, საყოფაცხოვრებო ნივთებისათვის ცეცხლის წაკიდება. არეულობა გადაედო #1 და #5 საპყრობილეებს.

#5 საპყრობილეში გაჩნდა ხანძრის კერები, პატიმართა სიცოცხლე საფრთხის წინაშე აღმოჩნდა.

7 დაღუპული მსჯავრდებულების საქმეზე დღემდე არავის გაუცია პასუხი.

ეს ამბავი ბაჩო ახალაიას სასჯელაღსრულების დეპარტამენტის თავმჯდომარეობის დროს ხდებოდა...

მისსავე სახელს უკავშირდება ე. წ"კანონიერი ქურდის" პლატონ მამარდაშვილის საქმეც, რომელმაც მაშინდელ სახალხო დამცველთან, სოზარ სუბართან სკანდალური განცხადება გააკეთა ბაჩო ახალიას შესახებ.

კიდევ ერთ ფრაგმენტს ამჟამად უკვე შსს-ს ახალი მინისტრის "მოღვაწეობიდან" წერილის მეორე ნაწილში შემოგთავაზებთ.




 ახალი ამბები
  • ,,ჩვენ ერთად ვირჩევთ მომავალს“ - განათლებისა და თანასწორობის ცენტრმა ოზურგეთში ახალ პროექტი დაიწყო ,,ჩვენ ერთად ვირჩევთ მომავალს“ - ასე ეწოდება პროექტს, რომელიც არასამთავრიბო ორგანიზაცია განათლებისა და თანასწორობის ცენტრი, საარჩევნო სისტემების განვითარების, რეფორმებისა და სწავლების ცენტრის დაფინანსებით ახორციელებს. პროექტის მიზანია ოზურგეთის მუნიციპალიტეტში მცხოვრები უმცირესობების წარმომადგენლებისთვის დემოკრეტიულ ღირებულებებზე დაფუძნებული არაფორმალური განათლების შეთავაზება და სამოქალაქო კულტურის განვითარების ხელშეწყობა. 15 ნოემბერს დემოკრატიული ჩართულობის ცენტრში მორიგი შეხვედრა გაიმართა. შეხვედრის ფორმატი მოიცავდა დისკუსიას თემაზე: რამდენად ახდენს გავლენას არჩევნების შედეგზე დემოკრატიულ ღირებულებებზე დაფუძნებული საარჩევნო კამპანია. დისკუსიაში  მუნიციპალიტეტში მომქმედი პოლიტიკური პარტიებთან:  პარტია ,,ქართული ოცნება-დემოკრატიული საქართველო“, მოქალაქეთა პოლიტიკური გაერთიანება  ,,ევროპული საქართველო“, პარტია  ,,სამართლიანობისთვის“, პოლიტიკური პარტია ,,ლეიბორისტული (შრომის) პარტიასთან“  ერთად მონაწილეობდნენ ოზურგეთის მუნიციპალიტეტის საკრებულოსა და  სამოქალაქო სექტორის წარმომადგენლები, ოზურგეთის საარჩევნო ოლქის წევრები და ჟურნალისტები. შეხვედრა საინტერესოდ წარიმართა, დამსწრე საზოგადოებამ ერთმანეთს გაუზიარეს შეხედულებები დემოკრატიულ ღირებულებზე დაფუძნებული საარჩევნო კამპანიის მნიშვნელობაზე. პროექტი ნოემბრის ბოლოს დასრულდება და  არა ერთ აქტივობას პირდება ... ...
  • სემეკმა დანახარჯების მარეგულირებელი აუდიტის წესი დაამტკიცასაქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) ელექტროენერგეტიკის, ბუნებრივი გაზისა და წყალმომარაგების სექტორებისთვის დანახარჯების მარეგულირებელი აუდიტის წესები დაამტკიცა. წესის საფუძველზე დანახარჯების მარეგულირებელი აუდიტის ფარგლებში დადგინდება, თუ რამდენად სრულყოფილად ასრულებს კომპანია მასზე დაკისრებულ ვალდებულებებს კონკრეტული რეგულირებადი საქმიანობისათვის საჭირო დანახარჯების წარმოშობის, დასაბუთების, გონივრულობის და  სათანადოდ აღრიცხვის კუთხით. სატარიფო რეგულირების პროცესში სემეკი ითვალისწინებს კომპანიის მიერ წარმოდგენილ, დამოუკიდებელი აუდიტორის მიერ შედგენილ აუდიტის ანგარიშს, რომლითაც აუდიტორის მიერ დადასტურებულია კომპანიის ყველა სახის დანახარჯი და არა ამ დანახარჯის მიზანშეწონილობა კონკრეტული რეგულირებადი საქმიანობისთვის. „დანახარჯების მარეგულირებელი აუდიტის წესი“ კი ადგენს პრინციპებს, კონკრეტულ რეგულირებად საქმიანობასთან დანახარჯის კავშირისა და მისი გონივრული ოდენობით განსაზღვრის შესახებ.  ... ...
  • საქართველოს ბანკის მხარდაჭერით Fuckup Nights Tbilisi გაიმართა (R)საქართველოს ბანკის პარტნიორობით რიგით მეჩვიდმეტე Fuckup Nights Tbilisi გაიმართა. ღონისძიება განკუთვნილია მეწარმეებისთვის, ბიზნესმენებისთვის, აღმასრულებელი დირექტორებისთვის, მენეჯერებისთვის. მათთვის, ვისაც სურს ისწავლოს სხვის შეცდომებზე, ისაუბროს პროფესიული მარცხის შესახებ, დრო სასიამოვნო გარემოში, საინტერესო ადამიანებთან ერთად გაატაროს. Fuckup Nights Tbilisi არის სივრცე, სადაც მონაწილეები ისმენენ ბიზნესისტორიებს, რომლებსაც მოჰყვა მარცხი და იმედგაცრუება, განიხილავენ პარტნიორულ ურთიერთობას, რომელიც გაფუჭდა, საუბრობენ პროდუქტზე, რომელიც წარუმატებელი აღმოჩნდა.  Fuckup Nights Tbilisi-ის წლევანდელი სპიკერები იყვნენ:  ლაშა ანთაძე, Shelf Network-ის დამფუძნებელი. Shelf არის ბლოქჩეინ სტარტაპი, რომლის საშუალებითაც ნებისმიერი გასაყიდი ნივთი მსოფლიოს ნებისმიერ წერტილში ერთდროულად თავსდება ონლაინ მარკეტფლეისებზე და ტარდება სინქრონული აუქციონი ან ვაჭრობა. 2018 წელს სტარტაპმა მოიპოვა $1.6 მილიონი ინვესტიცია.  მარიამ რუსიშვილი, QuickCash AI-ის დამფუძნებელი და ხელმძღვანელი. QuickCash AI ღრუბლოვანი ბიზნეს ბანკინგის მაღალტექნოლოგიური ალგორითმული პლატფორმაა (www.lightspeed.ge), რომელიც ემსახურება მცირე და საშუალო კომპანიების კრედიტუნარიანობის ონლაინ შეფასებას. 2019 წელს კომპანია EMERGING EUROPE AWARDS-ზე, ლონდონში  საუკეთესო სამეულში, როგორც წლის ინოვაციური ინიციატივა მოხვდა.  კრისტინა ავსარქისოვა, მუსიკოსი, რომელიც ცნობილია როგორც Dudey.  ის არის მომღერალი, მუსიკოსი, კომპოზიტორი, რომელმაც house-მუსიკის მიმართულების სინთეზი მოახდინა გოთურ სიმღერასთან, ტექსტებთან და ცოცხალ ვოკალთან.  წარუმატებლობის კიდევ ერთი ისტორია გააზიარა დამსწრეებთან სანდრო გაბელიამ, Metro Production-ის დამფუძნებელმა და აღმასრულებელმა პროდიუსერმა.  Fuckup Nights Tbilisi-ის სცენა ღიაა მათთვის, ვინც არ უშინდება ფართო აუდიტორიასთან საკუთარ მარცხზე საუბარს. Fuckup Nights -ის სცენამ 16 შეხვედრის დროს უკვე უმასპინძლა სტარტაპებს, არქიტექტორებს, ანტრეპრენერებს, ეკონომისტებს, სპორტსმენებს, ხელოვანებს, ჟურნალისტებსა და პრომოუტერებს, უამრავ სხვა საინტერესო პროფესიის ადამიანს, რომლებმაც წარუმატებლობის საკუთარი ისტორია გააზიარეს.  Fuckup Nights არის გლობალური მოძრაობა და ღონისძიებების სერია, რომელიც გადმოსცემს პროფესიული მარცხის ისტორიებს. თვეში ერთხელ, მსოფლიოს სხვადასხვა ქალაქში 3-4 წარმატებული ადამიანი საკუთარ საქმიან წარუმატებლობას ფართო აუდიტორიას უზიარებს. Fuckup მოძრაობა 2012 წელს მექსიკაში დაიწყო. დღეს ღონისძიებები ყოველთვიურად მსოფლიოს 300-ზე მეტ ქალაქში იმართება. საქართველო გლობალურ მოძრაობას 2018 წლის 13 აპრილს შეუერთდა და დღეს უკვე მთელი მსოფლიოს მასშტაბით 86 ქვეყანასა და 318 ქალაქში მიმდინარეობს.  ... ...
  • რა მდგომარეობაა საქართველოში კორპორაციული პასუხისმგებლობის მიმართულებით კომპანიებშიCSR- კორპორაციული სოციალური პასუხისმგებლობა, ბიზნეს მოდელში ინტეგრირებული თვითრეგულაციის ფორმაა. სოციალური პასუხისმგებლობა კი მნიშვნელოვანია ნებისმიერი კომპანიისთვის. ეს განსაკუთრებით დიდი ბიზნესის წარმომადგენლების პრ საქმიანობას ეხება. უფრო პატარა კომპანიები ხშირად მთელი პროცესის მაგივრად მხოლოდ ცალკეულ საქველმოქმედო აქციებს მიმართავენ. აღსანიშნავია, რომ საქართველო ევროკავშირთან ასოცირების შეთანხმების მიხედვით, ვალდებულია ეკონომიკური თანამშრომლობისა და განვითარებისთვის,  ხელი შეუწყოს კორპორაციულ სოციალურ პასუხისმგებლობასა და ანგარიშვალდებულებას. CSR კვირეულის ფარგლებში, ქორთიარდ მარიოტში  კორპორაციული პასუხისმგებლობის კვლევის პრეზენტაცია გაიმართა, რომელიც არასამთავრობო ორგანიზაცია სიდა-ს დაკვეთითა და შვედეთის მთავრობის ფინანსური მხარდაჭერით მომზადდა. პროექტის მიზანს წარმოადგენდა საქართველოში მოქმედი ბიზნესების გამოკვლევა კორპორაციული პასუხისმგებლობის კუთხით. კვლევა საშუალებას აძლევს ყველა დაინტერესებულ მხარეს, დაინახოს თუ რა მდგომარეობაა საქართველოში მოქმედ მსხვილ, საშუალო და მცირე ზომის კომპანიებში ამ თვალსაზრისით. ორგანიზაციული სტრუქტურა და კორპორაციული პასუხისმგებლობა, კორპორაციულ პასუხისმგებლობასთან დაკავშირებული საქმიანობის/აქტივობების დაგეგმვის, აღსრულებისა და მონიტორინგის პროცესი, კორპორაციულ პასუხისმგებლობასთან დაკავშირებული რეპორტინგი და საქმიანობის/აქტივობების გაშუქება, ადამიანის უფლები და შრომითი უფლებები,  გარემოს დაცვა და ნარჩენების მართვა, კორუფციასთან ბრძოლა, ქველმოქმედება, სპონსორობა, სხვადასხვა სფეროს განვითარების მხარდაჭერა, პარტნიორობა საჯარო და არასამთავრობო სექტორთან_ ეს ის რამდენიმე ძირითადი ნაწილია, რისგანაც კვლევის კითხვარი შედგებოდა. რა მდგომარეობაა საქართველოში კორპორაციული პასუხისმგებლობის მიმართულებით კომპანიებში_ ამ საკითხზე „გურია ნიუსი“ არასამთავრობო ორგანიზაცია „სიდას“ აღმასრულებელ დირექტორს, სალომე ზურაბიშვილს ესაუბრა. ზურაბიშვილის თქმით, საქართველოს მასშტაბით ჩატარებული კვლევის ფარგლებში 1000-ზე მეტი, მსხვილი, საშუალო და მცირე ზომის  კომპანია გამოიკითხა. „გამოვიკვლიეთ ისეთი მიმართულებები, როგორიცაა, კორპორაციული მმართველობა, ადამიანის უფლებების დაცვა, შრომის უფლებების სტანდარტების მიმართულებით რას საქმიანობენ კომპანიები, გარემოს დაცვა, კორუფციასთან ბრძოლა. მათ შორის, გამოვიკვლიეთ ამ მიმართულებებით რა ღონისძიებებს ახორციელებს კომპანია პარტნიორულად სხვა კომპანიებთან ან არასამთავრობო სექტორთან ან სახელმწიფო სტრუქტურებთან. გარკვეული შედეგები დაიდო ამ კუთხით. ერთის მხრივ კომპანიების 26%-მა თქვა, რომ მათ აქვთ გათვალისწინებული კორპორაციული პასუხისმგებლობა სტრატეგიულ დონეზე და ყურადღებას აქცევენ, რომ ამ მიმართულებით გარკვეული საქმიანობა განახორციელონ. 26% ძალიან მცირეა, მაგრამ ამ მიმართულებით გასულ წლებში უფრო ცუდი მდგომარეობა იყო. რაც შეეხება ადამიანის უფლებების სტანდარტებს, კომპანიების დიდი ნაწილი ამბობს, რომ ისინი არა მხოლოდ ითვალისწინებენ ადამიანების უფლებების სტანდარტებს, არამედ თავიანთ კონტრაქტორებს სთხოვენ, რომ სტანდარტები გაითვალისწინონ. გამოვიკვლიეთ, შრომითი უსაფრთხოების სტანდარტები რამდენად არის გათვალისწინებული კომპანიების შიდა დოკუმენტებში და საქმიანობაში, ბავშვთა შრომის საკითხები, ასევე გამოვიკვლიეთ გაერთიანების თავისუფლება და სხვა. მდგრადი განვითარების დღის წესრიგის  შესრულების საკითხიც  იქნა გამოკვლეული და კომპანიების უმრავლესობა აცხადებს, რომ მდგრადი განვითარების პირველ ორ მიზანზე ახდენს ზეგავლენას ძირითადად საქმიანობით, რომელიც არის სიღარიბის დაძლევა და შიმშილის აღმოფხვრა“,_ ამბობს ზურაბიშვილი. როგორც „სიდას“ აღმასრულებელ დირექტორი ამბობს,  კორპორაციული პასუხისმგებლობა არის ძალიან მრავალმხრივი და ამიტომაც  ყველა აღნიშნულ მიმართულებაზე გამოწვევები არსებობს. ადამიანის უფლებების სტანდარტების სტატისტიკური მონაცემები არის ძალიან დაბალი. კომპანიებში ხშირად არ არსებობს საჩივრის მექანიზმები, რაც ადამიანის უფლებების დარღვევის გამოვლენას ხელს უშლის. „რამდენი კომპანია ახორციელებს, რამდენ კომპანიას აქვს პოლიტიკის დონეზე დანერგილი ეს სტანდარტები, რამდენად ახორციელებენ იმის მონიტორინგს ნამდვილად ხორციელდება ის, რაც გაწერილია დოკუმენტში. რამდენად არსებობს საჩივრის მექანიზმები ამ მიმართულებით. ხშირად კომპანიებში არ არსებობს საჩივრის მექანიზმები იმისთვის, რომ გამოვლინდეს ადამიანის უფლებების დარღვევები. შრომის უფლებების დარღვევების სტანდარტების მიმართულებით, მიუხედავად იმისა, რომ გარკვეული სტანდარტები არის უკვე საკანონმდებლო დონეზე გაწერილი. მაგალითად, შრომითი უსაფრთხოების სტანდარტების დანერგვა და შრომითი ზედამხედველობის მენეჯერის არსებობა კომპანიაში მსხვილი ზომის საწარმოების დიდ ნაწილშიც კი არ არის ეს საკითხი გათვალისწინებული“,_ ამბობს ზურაბიშვილი. სალომე ზურაბიშვილი ასევე კომპანიებში ნარჩენების მართვის მიმართულებით არსებულ პრობლემებზეც საუბრობს. „მიუხედავად იმისა, რომ ნარჩენების მართვა საკანონმდებლო დონეზე გვაქვს გათვალისწინებული, დიდი რაოდენობა კომპანიების ამბობს, რომ ამ საკითხზე ისინი არ მუშაობენ და არანაირ ნაბიჯს არ დგამენ იმისთვის, რომ გარემოზე მინიმალური ზეგავლენა ჰქონდეთ“,_ ამბობს ... ...
  • უზენაესი სასამართლოს მოსამართლეობის კანდიდატი: უფრო მეტად, შვილების შემხედვარე, „ბასტი-ბუბუს“ ვუყურებ ხოლმეპარლამენტში, სადაც, ამ წუთებში, უზენაესი სასამართლოს მოსამართლეობის კანდიდატის, პაატა სილაგაძის მოსმენა მიმდინარეობს, "ევროპული საქართველოს" დეპუტატი ოთარ კახიძე დაინტერესდა, იცნობდა თუ არა „თიბისი ბანკის“ საქმეს  პაატა სილაგაძე, რაზეც მან უპასუხა, რომ ფაქტის შესახებ ტელევიზიიდან გაიგო. „საქმეს არ ვიცნობ. ფაქტი ვიცი, რომ მიმდინარეობს. ტელევიზიიდან გამომდინარე, მაგრამ დეტალები არ ვიცი“, _ აღნიშნა სილაგაძემ, რომლის განცხადებას დეპუტატი ხათუნა გოგორიშვილის გამოეხმაურა და აღნიშნა, რომ სილაგაძე არის პირველი კანდიდატი, ვინც თქვა, რომ ტელევიზორს უყურებს. "უფრო მეტად, შვილების შემხედვარე, „ბასტი-ბუბუს“ ვუყურებ ხოლმე“, _ ასე უპასუხა გოგორიშვილის რეპლიკას ... ...

არქივი

ზაფრანი

რა მოხდება მაშინ, თუ ყოველდღე ორ ბანანს მივირთმევთ

ბანანი მნიშვნელოვნად არეგულირებს არტერიულ წნევას,...

არ მიირთვათ ხილი ჭამის შემდეგ

ხილი მიირთვით საჭმლის მიღებამდე, რადგან...

რამდენიმე რჩევა ბავშვის მოვლის შესახებ

როგორ დაიჭიროთ ბავშვი ხშირად მშობელს...

როგორ მოვიშოროთ ნეგატიური ენერგია?

სალბი ( სამკურნალო მცენარე) შორეულ...

ჰოლივუდელების საყვარელი წიგნები

ბრიუს უილისის რჩეული წიგნია, ჰეროდოტეს...

ყველაზე მომხიბლავი ქერა მსახიობები

ქერა თუ შავთმიანი? სხვადასხვა გამოკვლევებით...
კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...