ჯანმრთელობაშერყეული პატიმრის ოჯახი შველას ითხოვს

სამართალი

ჯანმრთელობაშერყეული პატიმრის ოჯახი შველას ითხოვს

5 ნოე. 2012, 10:34:47

მანამდე ცინცაძემ 5-წლიანი პატიმრობა მოიხადა. ციხეში იგი ტუბერკულოზით დაავადდა და სასჯელის ნახევარზე მეტი, მძიმე დიაგნოზით, ქსნის იზოლატორში გაატარა.

2012 წლის ივნისში ლაშა ცინცაძე ლანჩხუთის პოლიციის სამმართველოს განყოფილების თანამშრომლებმა ხელმეორედ დააპატიმრეს _ რამდენიმე ახალგაზრდამ ერთად დალია ღვინო, რომელიც მოპარული აღმოჩნდა. პატიმრის ძმა თემურ ცინცაძე ამტკიცებს, რომ ლაშა ცინცაძის წინააღმდეგ ერთ-ერთ მოწმეს პოლიციაში ძალით მიაცემინეს ჩვენება.

ახლობლების თქმით, პოლიციის განყოფილებაში ცინცაძე საღსალამათი მიიყვანეს, იქედან კი ციხეში სასწრაფო დახმარების მანქანით გადაიყვანეს. პატიმრის ოჯახი ლაშა ცინცაძის ცემაში ლანჩხუთის პოლიციის თანამშრომელს, ლაშა ჩხაიძეს ადანაშაულებს: "ისე იყო ნაცემი, ფეხზე ვერ დგებოდა. ეტყობა, ცემის გამო ხერხემალი დაუზიანდა და სასწრაფო სამედიცინო დახმარების გამოძახება გახდა საჭირო. ჯერ ერთი, ცრუ ჩვენების გამო დაიჭირეს ჩემი ძმა, მერე არაადამიანურად აწამეს და სამუდამოდ შეურყიეს ჯანმრთელობა. რამდენიმე დღის წინ, ოზურგეთში სასამართლო პროცესზე ჩამოიყვანეს, იგი შეზღუდული შესაძლებლობის მქონეებისთვის განკუთვნილ ეტლში იჯდა, მაგრამ ისე ცუდად იყო, პროცესი არ ჩატარდა. მასთან მიახლოების საშუალება ბადრაგმა არ მოგვცა. ცუდად ყოფნის გამო, იძულებული გახდნენ, ისევ ციხის საავადმყოფოში დაებრუნებინათ", _ ჰყვება პატიმრის და, ლიკა ცინცაძე.

სიტუაციაში უკეთ გარკვევის მიზნით, ცინცაძეებს სახლში ვესტუმრეთ. ოჯახი უმძიმეს პირობებში ცხოვრობს. ლანჩხუთის მუნიციპალიტეტის გამგეობამ, გია გოგუაძის გამგებლობის პერიოდში, მათ საცხოვრებელი ფართის უქონლობის გამო, ე. წ. მეურნეობის კორპუსში ერთოთახიანი ბინა გამოუყო. თუმცა, ამ ბინაში მრავალსულიანი ოჯახის და ბავშვების ცხოვრება წარმოუდგენელია _ იქ არ არის ელექტროენერგია, წყალი, სველი წერტილები. ოჯახში მცირეწლოვანი ბავშვი ცხოვრობს, აივანს კი მოაჯირებიც არ აქვს და გამუდმებით არსებობს ბავშვის გადავარდნის რისკი.

ოჯახის ერთადერთი შემოსავალი სოციალური დახმარებაა, რომელიც ხუთსულიანი ოჯახისთვის რამდენიმე დღის სამყოფი პურის ფულია. როგორ უნდა შეინახოს ასეთ მდგომარეობაში მყოფმა სოციალურად დაუცველმა ოჯახმა ავადმყოფი პატიმარი, ძნელი წარმოსადგენია.

მათი თქმით, ლანჩხუთის მაჟორიტარი დეპუტატობის კანდიდატი, გიორგი გოგუაძე წინასაარჩევნოდ ყოფითი პრობლემების მოწესრიგებას ჰპირდებოდა ოჯახს, რომლის წევრები ხანშიშესული, ავადმყოფი ბებია და მცირეწლოვანი ბავშვები არიან. ეს დაპირებები დაპირებებად დარჩა, ისინი კი კვლავ უმძიმეს მდგომარეობაში იმყოფებიან.

ლიკა ცინცაძეს ერთ-ერთი პატიმრის მშობელმა დაურეკა და აცნობა, რომ მისი ძმის ჯანმრთელობის მდგომარეობა ძალიან რთულია. ცინცაძე საქმის გარკვევას ითხოვს.

მძიმე სოციალური მდგომარეობის გამო, ოჯახმა კერძო ადვოკატის აყვანა ვერ შეძლო და ცინცაძის ინტერესებს ამის გამო, სახაზინო ადვოკატი, დავით მამალაძე იცავს. პატიმრის და ადვოკატს მისი ძმის მიმართ გამოჩენილ გულგრილობაში ადანაშაულებს: "ერთხელაც არ ჩასულა და არ მოუნახულებია მისი დაცვის ქვეშ მყოფი პატიმარი, რომელიც ციხის რესპუბლიკურ საავადმყოფოში უმძიმეს მდგომარეობაშია", _ ამბობს ლიკა ცინცაძე. ადვოკატი კი განმარტავს, რომ მართალია, თბილისში არ ჩასულა, რადგან ამის აუცილებლობა არ დამდგარა:

_ მე სატელეფონო კავშირი მაქვს მის ექიმებთან და ვიცი, რომ ამჟამად მკურნალობის ქვეშ იმყოფება. მას აქვს მემკვიდრეობითი ტუბერკულოზი და როგორც ექიმები ამბობენ, ამან გამოიწვია ხერხემალთან დაკავშირებული პრობლემები და ის, რომ მას ამ ეტაპზე მოძრაობა შეზღუდული აქვს, _ ამბობს მამალაძე, _ მე გვიან ჩავერთე ამ საქმეში და არანაირი დოკუმენტი არ მაქვს, ვამტკიცო, რომ მისი ჯანმრთელობის შერყევა დაკავებისა და ცემის შემდეგ მოხდა.

_ ლაშა ცინცაძის ნაცნობები ამბობენ, რომ პატიმრობამდე მას არ ჰქონდა მოძრაობის და გადაადგილების პრობლემა.

_ ხომ გითხარით, რომ საქმეში გვიან ჩავერთე. მასთან ერთად დაკავებულმა ორმა ეჭვმიტანილმა აღიარა დანაშაული და ამჟამად მიმდინარეობს მოლაპარაკება საპროცესო შეთანხმებაზე. ცინცაძე ბრალს არ აღიარებს, ამიტომ, მისი საქმე ცალკე უნდა გამოიყოს. სასამართლო 7 ნოემბრისთვისაა ჩანიშნული. ამჟამად ლაშა ცინცაძე ციხის რესპუბლიკურ საავადმყოფოშია. მაქვს ინფორმაცია, რომ ეტლით გადაადგილდება და ინტენსიური მკურნალობა უტარდება. რამე რომ გართულებულიყო, აუცილებლად დამიკავშირდებოდნენ და შემატყობინებდნენ, _ განმარტავს ცინცაძის ადვოკატი.

სასოწარკვეთილებამდე მისული პატიმრის ოჯახის წევრებისთვის ბოლო იმედად სახალხო დამცველის აპარატი რჩება. ისინი იმედით ელიან, რომ "გურია ნიუსში" გამოქვეყნებული მასალის შემდეგ, სახალხო დამცველის ოფისის წარმომადგენლები დაინტერესდებიან ავადმყოფი პატიმრის მდგომარეობით.

_ თითქმის ყოველდღე მირეკავენ პატიმართა ახლობლები. უკვე რამდენიმე დღე გავიდა, ჩემი ძმის ბედით კი არავინ ინტერესდება. ვიცი, რომ იგი ციხეში არავის მოუნახულებია. ამიტომ, მხოლოდ თქვენს იმედზე ვართ, რომ ვინმე წაიკითხავს ამ წერილს და დაინტერესდება ჩვენი ბედით, _ ამბობს პატიმრის და.




 ახალი ამბები
  • "წყალმა ფიზიკის კანონები უნდა დაარღვიოს და არხში ისკუპოს? ლანჩხუთში სოფელ  ჩიბათში ბოლო პერიოდში გაკეთებული სანიაღვრე არხების ამსახველ ფოტოებს სოციალურ ქსელში მომხმარებელი მარიამ კოიძე ავრცელებს. "აქ წყალმა ფიზიკის კანონები უნდა დაარღვიოს და არხში ისკუპოს? "- კითხვას სვამს ის. როგორც მისი კომენტარიდან  ირკვევა აღნიშნული სანიაღვრეები ე.წ. რკინიგზის უბანში გაკეთდა და მოსახლეობაც უკმაყოფილოა განხორციელებული სამუშაოებით. "უკმაყოფილო ვართ, მე და ჩემ მხარეს მცხოვრები ყველა მეზობელი. ასევე უკანა მხარეს მცხოვრებნიც. იმიტომ, რომ სანიაღვრეები გააკეთეს არა იმ მხარეს, სადაც დახრა იყო, არამედ საპირისპირო მხარეს, სადაც მიწა მაღალია. რაც იმას ნიშნავს, რომ როგორც კი ღელე ადიდდება, ჩემ ეზოში შემოვა და წაიღებს ყველაფერს. ასევე წაიღებს ჩემს უკან მცხოვრები ადამიანების ეზოებს, რომელსაც სანიაღვრე არხები არ გაუკეთეს (ყოველ შემთხვევაში, ჯერ არა)" - წერს მარიამი. ... ...
  • აგვისტოში კომერციული ბანკების წმინდა მოგება 32 870 მლნ ლარით გაიზარდაეროვნული ბანკის მიერ გამოქვეყნებული სტატისტიკის მიხედვით, კომერციულმა ბანკებმა 2020 წლის აგვისტო 96,363 მლნ ლარის წმინდა მოგებით დაასრულეს, რომელიც,  წინა თვესთან შედარებით 32,870 მლნ ლარით მეტია, ივლისში ბანკების წმინდა მოგება 63,493 მლნ ლარს შეადგენდა. ეროვნული ბანკის სტატისკის მიხედვით, 2020 წლის აგვისტოში კომერციული  ბანკების მიერ ჯარიმა/საურავებიდან მიღებულმა შემოსავალმა 32,843 მლნ ლარი შეადგინა. საკონვერსიო ოპერაციებიდან მიღებულმა წმინდა მოგება/ზარალმა 71,858 მლნ ლარი შეადგინა. როგორც სტატისტიკაშია აღნიშნული, წინა თვეში კომერციულმა ბანკებმა საკომისიოებიდან და გაწეული მომსახურეობებიდან 30,976 მლნ ლარის შემოსავლი მიიღეს. ასევე ეროვნული ბანკის სტატისტიკის მიხედვით, 2020 წლის აგვისტოში სულ ბანკების შემოსავლები  399,955 მლნ ლარი შეადგინა, საიდანაც საპროცენტო შემოსავლები იყო 330,845 ლარი. აგვისტოში კომერციული ბანკების ხარჯებმა კი, 293,344 მლნ ლარი შეადგინა. ცნობისთვის, გასულ წელს კომერციული ბანკების წმინდა მოგება 953,635 მლნ ლარს შეადგენდა, დღეის მდგომარეობით ქართულ ბაზარზე 15 კომერციული ბანკი ... ...
  • საზოგადოებრივი მაუწყებლის დირექტორის ხელფასი 4-დან 10 ათას ლარამდე გაიზარდასაზოგადოებრივი მაუწყებლის სამეურვეო საბჭოს გადაწყვეტილებით, მაუწყებლის გენერალური დირექტორის პოზიციაზე ხელფასი 10 000 ლარი გახდა (საუბარია ხელზე ასაღებ თანხაზე). აქამდე ანაზღაურება 4 000 ლარი იყო.საზოგადოებრივი მაუწყებლის გენერალური დირექტორის პოზიციაზე თანამდებობრივი სარგოს გაზრდის შესახებ გადაწყვეტილება მაუწყებლის სამეურვეო საბჭომ დღეს, 22 სექტემბერს მიიღო.მრჩეველთა საბჭოს თავმჯდომარის ირინა ფუტკარაძის თქმით, დირექტორის ხელფასი ძალიან დაბალი იყო და მისი გაზრდის შესახებ დიდი ხანია მსჯელობენ."კონკურსის გამოცხადებამდე ჩვენ ჩამოყალიბებული ვიყავით, თუმცა, მიზანშეწონილად არ ჩავთვალეთ, რომ ხელფასი ერთგვარი მოტივატორი არ გამხდარიყო. ვიმსჯელეთ საბჭოში და მივიღეთ გადაწყვეტილება, რომ დღევანდელ სხდომაზე გაგვეტანა ეს საკითხი. რაც შეეხება ოდენობას, ვფიქრობთ, რომ ეს არის ძალიან გონივრული თანხა. ჩვენ, უბრალოდ, თავს უფლებას ვერ მივცემდით, რომ უფრო მეტით გაგვეზარდა,   არ ვართ კერძო ტელევიზია და ამიტომ გარკვეულ ჩარჩოებში ვზივართ ხელფასებთან დაკავშირებით", - განუცხადა "მედიაჩეკერს" ირინა ფუტკარაძემ კითხვაზე, ახლა, ახალი დირექტორის არჩევის წინ რატომ გაიზარდა დირექტორის ხელფასი.ჩვენს კითხვაზე, მის უფლებამოსილებებში რაიმე ხომ არ იცვლება ან ემატება, რაც წინა დირექტორს არ ჰქონდა, ფუტკარაძემ გვიპასუხა:  “რჩება იგივე უფლებამოსილება, რაც განსაზღვრული აქვს კანონით, ბუნებრივია.  მაგრამ, მე პირადად, ვთვლიდი, რომ საკმაოდ არაადეკვატური (ანაზღაურება) ჰქონდა წინა დირექტორს და შესაბამისად, იმიტომ გაიზარდა, რომ ვინც იქნება ახალი დირექტორი, მას უკვე ჰქონდეს ღირსეული და ადეკვატური ანაზღაურება".შეგახსენებთ, მიმდინარე კვირაში მრჩეველთა საბჭომ მაუწყებლის ახალი გენერალური დირექტორი უნდა აირჩიოს. კონკურსში სულ 8 განმცხადებელი მონაწილეობდა, თუმცა, დირექტორობისთვის ბრძოლას I ტურის შემდეგ 4 კანდიდატი აგრძელებს. წყარო: ... ...
  • შინაგან საქმეთა მინისტრმა საპარლამენტო არჩევნებთან დაკავშირებით ბრძანება გამოსცაშინაგან საქმეთა მინისტრმა, ვახტანგ გომელაურმა საქართველოს პარლამენტის 2020 წლის 31 ოქტომბრის არჩევნების თავისუფალ, უსაფრთხო და მშვიდ გარემოში ჩატარების უზრუნველსაყოფად, ასევე, სამართალდარღვევათა  პრევენციისა და  მათზე  რეაგირების მიზნით, ბრძანება გამოსცა.   ბრძანების თანახმად, საქართველოს რეგიონებში, პოლიციის დეპარტამენტების სამოქმედო ტერიტორიებზე შეიქმნება სამართალდარღვევების პრევენციისა და მათზე რეაგირებისთვის პასუხისმგებელი ჯგუფები.  არჩევნების უსაფრთხო და თავისუფალ გარემოში ჩატარების ხელშეწყობის მიზნით, შესაბამის ჯგუფებს დაევალათ  სამოქმედო ტერიტორიაზე უზრუნველყონ სათანადო ზომების მიღება,  წინასაარჩევნო აგიტაციის მშვიდ და თავისუფალ გარემოში ჩატარება და „პოლიციის შესახებ“ საქართველოს კანონის შესაბამისად პრევენციული საპოლიციო ღონისძიებების განხორციელება. აღნიშნული ბრძანება პოლიციელებს სამსახურებრივი მოვალეობის შესრულებისას პოლიტიკური ნეიტრალიტეტის პრინციპის მკაცრად დაცვას ავალდებულებს. ბრძანების თანახმად, დაუშვებელია, პოლიციელის ქმედება პირდაპირ ან არაპირდაპირ იყოს მიმართული რომელიმე პოლიტიკური პარტიის საწინააღმდეგოდ ან ... ...
  • საქართველში საპარლამენტო არჩევნებს IRI-ის წარმომადგენლები დააკვირდებიანდღეს საერთაშორისო რესპუბლიკურმა ინსტიტუტმა (IRI) გააკეთა განცხადება არჩევნების ტექნიკური შეფასების საერთაშორისო მისიის  ჩამოსვლის შესახებ. მისია შეაფასებს 2020 წლის, 31 ოქტომბრის საპარლამენტო არჩევნებს. შეფასების მისია საქართველოში ჩამოდის ცენტრალური საარჩევნო კომისიის მოწვევის საფუძველზე.  საერთაშორისო რესპუბლიკური ინსტიტუტი (IRI) დაახლოებით 25 წელია საქართველოს პარტნიორია და ბოლო ათწლეულის მანძილზე განახორციელა თითქმის ყველა არჩვნების მონიტორინგი და შეფასება. „ოქტომბერში დაგეგმილი საპარლამენტო არჩევნები წარმოადგენს მნიშვნელოვან ნაბიჯს საქართველოს დემოკრატიული განვითარებისთვის და გამოცდას ქვეყნის ევრო-ატლანტიკური მისწრაფებებისთვის. IRI-ს მისია ყურადღებას გაამახვილებს იმ საკვანძო საკითხებზე, რომლებიც მნიშვნელოვანია საარჩევნო პროცესის სრულყოფისთვის, მათ შორის როგორიცაა საარჩევნო ადმინისტრაცია, მედიის თავისუფლება და გამჭვირვალობა, პოლიტიკური პარტიების კამპანია და დაფინანსება. გარდა ამისა, მისია ყურადღებას გაამახვილებს კორონავირუსის პანდემიის პერიოდში, ამომრჩევლის უსაფრთხოების დასაცავად შემოღებული ზომების შესრულებაზე.“ - განაცხადა საერთაშორისო რესპუბლიკური ინსტიტუტის ევრაზიის დირექტორმა სტივენ ნიქსმა. მისია (TEAM) შედგება მრავალმხრივი გამოცდილების მქონე ხუთი გრძელვადიანი ტექნიკური ანალიტიკოსისგან, რომლებიც დააკვირდებიან და შეაფასებენ საარჩევნო პროცესის ყველა ფაზას. მათ მიგნებებზე დაყრდნობით, IRI გამოაქვეყნებს ანგარიშებს, რომლებიც მომზადდება  მთავრობისა და საარჩევნო ადმინისტრაციის წარმომადგენლებთან, პოლიტიკური პარტიის ლიდერებთან, სამოქალაქო საზოგადოებისა და მედიის წარმომადგენლებთან სიღრმისეული ინტერვიუების საფუძველზე. ტექნიკური შეფასების ჯგუფი იმუშავებს არჩევნების საერთაშორისო სადამკვირვებლო პრინციპების დეკლარაციისა და საერთაშორისო დამკვირვებლების ქცევის კოდექსის მიხედვით. მისიის მიგნებები და რეკომენდაციები დაეფუძნება საქართველოს კანონმდებლობას, საერთაშორისო სტანდარტებსა და პოლიტიკური პარტიების მიერ ქცევის კოდექსის ფარგლებში აღებულ ვალდებულებებს. კორონავირუსი პანდემიასთან დაკავშირებული საფრთხეების გათვალისწინებით, IRI-მ მიიღო უსაფრთხოების ყველა საჭირო ზომა, რომლებიც თანხვედრაშია საქართველოს მთავრობის მიერ დაწესებულ რეგულაციებთან.   ... ...

არქივი

ტესტები

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ ყველაზე, ყველაზე...

იცი თუ არა გეოგრაფია

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...