"ნარკოტიკი, რომელიც მას აღმოაჩნდა, წამების და ძალადობის შედეგად მიაღებინეს"

სამართალი

"ნარკოტიკი, რომელიც მას აღმოაჩნდა, წამების და ძალადობის შედეგად მიაღებინეს"

2 დეკ. 2012, 16:39:37
ოფიციალური ინფორმაციით, აღნიშნული პირები, 2011 წლის 9 დეკემბერს, ნიღბებითა და ავტომატური ცეცხლსასროლი იარაღებით შეიარაღებულები ყაჩაღურად თავს დაესხნენ ოზურგეთის რაიონის სოფელ შემოქმედში მცხოვრებ აბაშმაძის ოჯახს. ბრალდებულებმა ე.წ "სკოჩის" გამოყენებით, ოჯახის წევრებს შეუკრეს ხელფეხი, გააცხელეს უთო და დაშინების მიზნით ითხოვდნენ ძვირფასეულობას.

ფიზიკური ზეწოლის შედეგად, ეჭვმიტანილებმა მოახერხეს ოჯახიდან ოქროსა და ვერცხლის ნივთების, მობილური ტელეფონის, სანადირო თოფისა და „მერსედესის" მარკის ავტომობილის გატაცება, რის შემდეგაც მიიმალნენ შემთხვევის ადგილიდან.

სამართალდამცავების თქმით, დაკავებულებმა დანაშაული უკვე აღიარეს. ამ ეტაპზე მიმდინარეობს მუშაობა იმის დასადასტურებლად, მონაწილეობდნენ თუ არა ეს პირები ჩოხატაურში მომხდარ ყაჩაღობებში. თუმცა, როგორც გვენეტაძე ჩვენთან საუბარში განმარტავდა, ამ ყაჩაღობების შესახებ ინფორმაციას არ ფლობდა.

"გურია ნიუსი" ამ ყაჩაღობის  საზოგადოებისთვის უცნობ დეტალებზე ერთი წლის წინათ წერდა.

ჩვენი წყაროს ინფორმაციით, სამართალდამცავებმა ჩხრეკა ისე ჩაატარეს დაკავებულ კობა და ლაშა ლომჯარიების ოჯახში, რომ მათი ნათესავები და ახლობლები ამ პროცესს არ დასწრებიან. როგორც ოჯახის წევრები ჩვენთან საუბრის დროს აცხადებდნენ, სამართალდამცავებმა მათ სიტყვიერი შეურაცხყოფაც კი მიაყენეს.

_შეაშინეს ბავშვები, არავის არ ერიდებოდნენ, პოლიცილები პირდაპირ შეურაცხყოფაზე გადადიოდნენ. ჯერ დააკავეს კობა ლომჯარია, მოგვიანებით კი დააკავეს ლაშა ლომჯარია და ედიშერ ცისკარიძე, რომლებსაც ბრალად ყაჩაღობა ედებოდათ. მათი აყვანა ლანჩხუთში, მოხდა, ისინი თბილისიდან მოდიოდნენ, მათ დასაკავებლად ჩაატარეს სპეცოპერაცია და დაპატიმრეს.  მათ წაუყენეს სხვადასხვა დანაშაულებში მონაწილეობა, _ აცხადებს „გურია ნიუსთან“ პატიმრების კობა და ლაშა ლომჯარიას ოჯახის წევრი თინათინ სირაძე და იმ დეტალებზე საუბრობს, რომელიც მისი თქმით არაკანონიერად მოხდა.

თინათინ სირაძემ კიდევ ერთხელ მოგვმართა, რათა მისი პოზიცია დაგვეფიქსირებინა და იმედი გამოთქვა, რომ მისი მაზლისთვის უკანონოდ გამოტანილ განაჩენს სათანადო ორგანოები შეისწავლიან და რეაგირებას მოახდენენ.

თინათინ სირაძე: ნარკოტიკი, რომელიც ჩემს მაზლს, ლაშა ლომჯარიას აღმოაჩნდა, ძალადობის, მუქარის და წამების შედეგად მიაღებინეს, იმ მიზნით, რომ უფრო დაემძიმებინათ მისთვის ბრალდება და შეეფადებინათ წინასწარი პატიმრობა, რაც სისრულეში მოიყვანეს, სასამართლო წარიმართა უსამართლოდ, ვინაიდან დეკემბერში დაპატიმრებულ-ბრალდებულებს აგვისტოში შეუფარდეს  სასჯელი, რომელიც ერთი ადამინის ჩვენებას და უსაფუძვლო ბრალდებებს ეყრდნობა.

იმედი მაქვს, დღევანდელ საქართველოში, სამართალდამცავების  ახალი გუნდი გადახედავს ბრალდებულების საქმეს და გაასამართლებს სამართლიანად. აღარ უნდა არსებობდეს საქართველოში მუქარისა და ზეწოლის შედეგად ადამიანების დაპატიმრებები.

რა მოხდა ერთი წლის წინ

ადვოკატმა გელა ნაცვალაძემ ჩვენთან საუბრისას განაცხადა, რომ 2011 წლის 11 დეკემბერს, საღამოს 9 საათზე, მას ლომჯარიების ოჯახის წევრებმა სამართლებრივი დახმარებისთვის მიმართეს:

_ საღამოს 10 საათისთვის უკვე გაფორმებული მქონდა ხელშეკრულება, გამაჩნდა ორდერი, მივედი პოლიციაში, სადაც ყურადღება საერთოდ არ მომაქციეს.

მორიგემ მითხრა, მიმართე პოლიციის უფროსსო და მეც მივმართე. რა თქმა უნდა, ყველამ მითხრა, ასეთი პიროვნება ჩვენთან არ არის დაკავებული, არაფერი ვიცითო. არადა, ნამდვილად დაკავებული იყო. შემდეგ დავურეკე გამომძიებლებს. ვეცადე, იქნებ ასე მაინც მიმეღო ინფორმაცია. ყველა მეუბნებოდა, არ ვიცითო. არც სამმართველოს გამომძიებელმა მაჩვენა პატიმარი. შემდეგ მითხრეს, საერთოდ არ არის შენობაში ასეთი პიროვნებაო. ერთი სიტყვით, არ მომცეს საშუალება, შევხვედროდი ჩემი დაცვის ქვეშ მყოფ პირს.

ამის მიზეზი, ჩემი აზრით, არის პოლიტიკური სიტუაცია. მონაწილეობას ვიღებდი ივანიშვილისა და მისი მეუღლის მოქალაქეობის აღდგენასთან დაკავშირებით ხელმოწერების შეგროვებაში. მე პოლიტიკაში არ ვერევი _ უბრალოდ, დავაფიქსირე ჩემი მოქალაქეობრივი პოზიცია.

რადგან ვერ მივაღწიე პატიმართან შეხვედრას, ხელშეკრულების ორდერი გამიუქმა დაზარალებულის პატრონმა _ შენ პატიმართან ვერ შეხვედი, ვერ ნახე და მე რას დამეხმარებიო. იგივე პიროვნებამ მიმართა სხვა ადვოკატს, რომელიც პატიმარს უპრობლემოდ შეხვდა. რატომ უნდა იყოს აქ პოლიტიკური ორიენტაცია განმსაზღვრელი? მე რას დავაშავებდი ჩემი პოლიტიკური ორიენტაციით? რატომ უნდა შეეშალათ ჩემთვის ხელი?, -ამბობდა გელა ნაცვალაძე ერთი წლის წინ „გურია ნიუსთან“.

_საფუძვლიანი ეჭვი მაქვს, რომ ჩემი დაბრკოლება ბიძინა ივანიშვილის პოლიტიკაში მოსვლას უკავშირდება. კონსტიტუციური უსაფრთხოების დეპარტამენტის აჭარა-გურიის სამმართველოს თანამშრომელმა ვანო საჯაიამ დამიძახა პოლიციის შენობის წინ და მითხრა, გავიგე, ივანიშვილის შესახებ ხელმოწერებს აგროვებო. ვაცხადებ საქვეყნოდ  _ რა განაჩენიც უნდა დადგეს მომავალში, იქნება უკანონო და უსამართლო, იმიტომ, რომ ის პიროვნება, რომელმაც დასაცავად მომმართა, იყო დაცვის გარეშე. ეს დაფიქსირებულია პოლიციაში ვიდეოკამერებით. 2011 წლის 11 დეკემბრის საღამოს ათი საათიდან, 2011 წლის 12 დეკემბრის დილის 5 საათამდე ვცილობდი, შევხვედროდი პატიმარს.

იმ დროს, როცა პატიმართან არ მიშვებდნენ და ვერ დავადგინე, ვისთან და სად იმყოფებოდა ჩემი დაცვის ქვეშ მყოფი პირი, მივედი მორიგესთან, სადაც დავინახე დაგდებული ქაღალდი _ დაკავების ოქმი, რომელიც პოლიციელებს დარჩათ მორიგესთან, _ ამბობდა ნაცვალაძე.

"გურია ნიუსთან" საუბარში დაკავებული კობა ლომჯარიას მეუღლე, თინათინ სირაძე მალის უდანაშაულობაზე საუბრობს:

_ ჩემი მაზლი უდანაშაულოა. არ მომცეს იმის საშუალება, რომ ადვოკატის მომსახურებით გვესარგებლა. ორდერის მქონე ადვოკატი არ შეუშვეს მასთან. დიდხანს გვაწვალეს, საღამოს 8-ის ნახევრიდან დილის 7 საათამდე ვიყავით პოლიციის შენობაში. პოლიციელები ხან იძახდნენ ქუთაისშიაო, ხან _ ჩოხატაურშიაო, ბოლოს შეურაცხყოფაც კი მიაყენს ჩვენს ადვოკატს და როგორც მათ უნდოდათ, ისე გააკეთეს.

_ რა გაძლევთ იმ განცხადების გაკეთების საფუძველს, რომ თქვენი მაზლი უდანაშაულოა?

_ როცა ყაჩაღობა მოხდა, ის სახლში იყო. ჩემს მაზლს ცხოვრებაში წამალიც კი არ აქვს დალეული, სისხლში ოპიუმი აღმოუჩინეს. მაქვს ინფორმაცია, როგორ მიაღებინეს წამალი, დაალევინეს რაღაც სითხის სახით. ადვოკატს მასთან შესვლის უფლება არ მისცეს და მიაყენეს ფიზიკური შეურაცხყოფა. პოლიციის თანამშრომლებმა კიბეზე რომ არ აუშვეს გელა ნაცვალაძე, ეს ხომ არის დაფიქსირებული ვიდეოთვალში? ტანსაცმელი, რომელიც ლაშას ეცვა, არ მოგვცეს. ამბობენ, ნაცემია და ტანსაცმელი ტანზე შემოაგლიჯეს. იმასაც არ მეუბნებოდნენ, ამ საქმის გამომძიებელი ვინ იყო.

მეტსაც გეტყვით _ მეც რომ ვყოფილიყავი იმ მანქანაში ჩემს მაზლთან ერთად, ალბათ, მეც ამიყვანდნენ და მეც ჩამიდებდნენ ნარკოტიკს. მაქვს ინფორმაცია, რომ ნარკოტიკის ჩადება ჩემთვისაც მზადდებოდა. მთელ ოჯახს წირავდნენ. მოვიდნენ და ახლაც გამწირონ, არ მეშინია. პასუხი არ უნდა მოეთხოვოს შეურაცხყოფისთვის? კი, ბატონო, ჩემმა მეუღლემ აღიარა, მე ჩემს ქმარზე პრეტენზია არ მაქვს, ჩემი მაზლი უდანაშაულოა.

ბრალდებულის სტატუსით დაკავებულის ბიცოლა "გურია ნიუსთან" საუბარში აღნიშნავს, რომ როცა აიყვანეს კობა ლომჯარია, მამამისს უთხრეს სიურპრიზი გელოდება: _ თურმე მეორე შვილის აყვანას აპირებდნენ. მე მიყვირეს, არ შემოხვიდე შიგნით, არ შეიძლება, აქ ისეთი რაღაცები ვნახეთ, არავის შემოსვლა არ შეიძლებაო. მერე ერთ-ერთმა პოლიციელმა აგინა დედას.

ეჭვმიტანილის ადვოკატი, დავით მამალაძე "გურია ნიუსთან" საუბარში ამბობს, რომ მოპოვებული მტკიცებულების ოფიციალური დოკუმენტაცია ჯერ არ გააჩნია, თუმცა რაღაც მონახაზები აქვს:

_ ეს უნდა იყოს აუცილებლად დაუშვებლად ცნობილი, რადგან ადვოკატის გარეშე ჩატარებული ყველა საგამოძიებო მოქმედება არის უკანონო.

_ როცა თქვენ ჩაერთეთ საქმეში, ეს პროცედურები ჩატარებული იყო?

_  კი. საგამოძიებო სამუშაოები ჩატარებული იყო, რაც უკანონოა. ექსპერტიზა ჩატარებული ჰქონდათ და მე შედეგები გამაცნეს, რაც დარღვევაა.

გელა ნაცვალაძე: _ მთავარი ისაა, რომ ადგილი არ ჰქონდათ, ოზურგეთის დროებითი მოთავსების იზოლატორში რომ მოეთავსებინათ პატიმარი. პირს დაკავების მომენტშივე უნდა განემარტოს დაცვის უფლების შესახებ.

"გურია ნიუსმა" ინფორმაციის გადამოწმება შინაგან საქმეთა სამინისტროს აჭარა-გურიის პრესსამსახურის უფროსთან, მაია გიორგაძესთან სცადა, თუმცა გიორგაძემ კითხვის დასმაც არ დაგვაცალა, ისე გადაგვამისამართა გვენეტაძესთან.

შინაგან საქმეთა სამინისტროს პრესსამსახურის მაშინდელმა ხელმძღვანელმა, ზურაბ გვენეტაძემ კი სატელეფონო საუბრისას "გურია ნიუსს" ერთი "რჩევა" მისცა: _ ჩვენს საიტზე დევს ყველანაირი ინფორმაცია და შეგიძლიათ, გადმოიღოთო, გვითხრა და ტელეფონი გაგვითიშა.

გურიის სამხარეო მთავარი სამმართველოს უფროსმა, დავით ცირეკიძემ "გურია ნიუსის" კითხვა მოისმინა და გიორგაძესავით, გვენეტაძესთან დაკავშირება "გვირჩია".

ჩვენ ასევე დავუკავშირდით შინაგან საქმეთა სამინისტროს კონსტიტუციური უსაფრთხოების დეპარტამენტის აჭარა-გურიის სამმართველოს თანამშრომელს, ვანო საჯაიას და ვკითხეთ, ადასტურებდა თუ არა გელა ნაცვალაძის მიერ გაკეთებულ განცხადებას:

_ ხუთ წუთში მე თვითონ დაგირეკავთ, _ გვიპასუხა საჯაიამ და რასაკვირველია, აღარ დაურეკავს.




 ახალი ამბები
  • სურამში მკვლელობა მოხდასურამში მკვლელობა მოხდა. არსებული ინფორმაციით, 30 წლამდე ქალი ქმარმა საკუთარ სახლში, ცეცხლსასროლი იარაღით მოკლა. მომხდარის სხვა დეტალები ჯერ უცნობია. მომხდარზე გამოძიება სისხლის სამართლის  კოდექსის 11-109-ე მუხლის მე-2 ნაწილის „ვ“ ქვეპუნქტით დაიწყო, რაც დამამძიმებელ გარემოებაში ოჯახის წევრის განზრახ მკვლელობას ... ...
  • ეროვნული გამოცდები: მღელვარე აბიტურიენტები და გულშემატკივართა სიჭრელე ოზურგეთის საგამოცდო ცენტრთანდღეს ერთიანი ეროვნული გამოცდები დაიწყო. გურიაში საგამოცდო ცენტრი ოზურგეთის მეორე საჯარო სკოლაშია განთავსებული. რეგისტრაციის დაწყებამდე აქ  თავი მოიყარეს აბიტურიენტებმა  გურიის სამივე მუნიციპალიტეტიდან. ღელავენ  მათი მშობლები. ბევრ აბიტურიენტს ის თანაკლასელები გულშემტკივრობენ, ვისაც დღეს არ აქვს გამოცდა. ზოგს მამიდა ახლავს, ზოგს კიდევ _ მეზობელი.  უგულშემატკივროდ  მოსული აბიტურიენტი  ვერ ვნახეთ. საგამოცდო ცენტრის წინ ასევე, მრავლად არიან მიუსაფარი ძაღლები, რომლებსაც დრო და დრო აბიტურიენები  ეფერებიან, რაო, თქვენც ჩვენი გულშემატკივრები ხართო? ლიკა კვაჭანტირაძე, აბიტურიენტი, რომელმაც ოზურგეთის მეოთხე საჯარო სკოლა დაამთავრა:  _ პირველი გამოცდა ქართულ  ენასა და ლიტერატურაში მაქვს. სტომატოლოგობას ვირჩევ.  _ რატომ? _ შემოსავლიანი პროფესიაა, ამავე დროს თეთრ ხალათზე  ვარ ძალიან  შეყვარებული.  ახლა , მარტო შემოსავლზე რომ ვფიქრობდე, ისე არ გამიგოთ. რა თქმა უნდა, მიყვარს ეს  პროფესია, თან _ გამორჩეულად, _ ღიმილით დაასრულა   მან თავისი   ორიგინალური პასუხი. მირანდა ქილიფთარი, აბიტურიენტი:   ცხემლისხიდის  საჯარო  სკოლა დავამთავრე.  ეკონომიურზე  ვაბარებ. არ ვღელავ. პირიქით. საკმაოდ ენერგიული და მშვიდი განწყობით ვარ მოსული. ანა დოლიძე, თამარ ყაზაიშვილი, თამარ თავართქილაძე, აბიტურიენტები: დღეს  ჩვენ არ გვაქვს გამოცდა. ვგულშემატკივრობთ კლასელებს. ჩვენ 9 ივლისს გვექნება პირველი გამოცდა და მაშინ უფრო ვინერვიულებთ.  სამაგიეროდ, სხვები გვიგულშემატკივრებენ, _ თქვეს მათ. _ აუუ, ვისაც ვიცნობ, ყველას ვგულშემტკივრობ. ამიტომ მოვედი და აქ ვიქნები მთელი დღე. მე მათემატიკურზე ვაბარებ და პირველი გამოცდა 9 ივლისს მაქვს, _ გვითხრა ოზურგეთის მეორე საჯარო სკოლის კურსდამთავრებულმა ლუკა ცხომელიძემ. ნინო ცქვიტინიძე, მშობელი: ჩემი ვაჟი აბარებს. ეკონომისტობა სურს. პროფესია თავისით აირჩია. არ ჩავრეულვართ. გაგვაცნო ოჯახში თავისი მიზნები და რა თქმა უნდა, მოვუწონეთ. ეროვნული გამოცდების  დაწყებისას,  თავის პოზიტიურ განწყობას გვიზიარებს, მეორე საჯარო სკოლის დირექტორი, ფატი სიორიძე: _ ყველაფერი არის ძალიან კარგად. ორ ბავშვს ემოციის ფონზე ჰქონდა სიცხე. ახლა კარგად არიან.  სიგრილე მაქსიმალურად არის.  განწყობა საუცხოოა, - გვითხრა ქალბატონმა ფატიმ. ახლახან დასრულდა  რეგისტრაცია მეორე საჯარო  სკოლაში განთავსებულ ცენტრში და პირველი გამოცდაც დაიწყო. ვრცლად  გურიაში ეროვნული  გამოცდების დაწყების შესახებ, საგაზეთო სტატიაში ... ...
  • ვინ ჩაირიცხებიან უმაღლეს სასწავლებლებში გამოცდების გარეშესაქართველოს მთავრობის გადაწყვეტილებით, ოკუპირებულ ტერიტორიაზე მცხოვრები აბიტურიენტები საქართველოს უმაღლეს სასწავლებლებში ერთიანი ეროვნული და საერთო სამაგისტრო გამოცდების გარეშე ჩაირიცხებიან მათ მიერ შერჩეულ უმაღლეს სასწავლებლებში. ამის შესახებ საქართველოს განათლების, მეცნიერების, კულტურისა და სპორტის მინისტრმა, მიხეილ ჩხენკემა განაცხადა. მინისტრის განცხადებითვე, სახელმწიფო მათი სწავლის საფასურს სასწავლო გრანტის მაქსიმალური ოდენობით სრულად დააფინანსებს. იგივე პირობებით ისარგებლებენ აზერბაიჯანის ტერიტორიაზე მცხოვრები ჩვენი თანამემამულე აბიტურიენტები. „მინდა გაცნობოთ, რომ საქართველოს მთავრობის გადაწყვეტილებით, ოკუპირებულ ტერიტორიაზე მცხოვრები აბიტურიენტები საქართველოს უმაღლეს სასწავლებლებში ერთიანი ეროვნული და საერთო სამაგისტრო გამოცდების გარეშე ჩაირიცხებიან მათ მიერ შერჩეულ უმაღლეს სასწავლებლებში და სახელმწიფო მათი სწავლის საფასურს სასწავლო გრანტის მაქსიმალური ოდენობით სრულად დააფინანსებს. იგივე პირობებით ისარგებლებენ აზერბაიჯანის ტერიტორიაზე მცხოვრები ჩვენი თანამემამულე აბიტურიენტები. მსურს წარმატებები ვუსურვო ყველა აბიტურიენტს ცხოვრების მნიშვნელოვანი და საპასუხისმგებლო დღეების დასაწყისში. მჯერა, რომ ცხოვრების გზა, რომელსაც ეს ახალგაზრდები დღეს დაიწყებენ, ახალი სასწავლო წლიდან უნივერისტეტებში გაგრძელდება და შემეცნებისა და პროფესიული სრულყოფისკენ სწრაფვა მათ ღირსეულ ადგილს დაუმკვიდრებთ საზოგადოებაში”,_ განაცხადა ... ...
  • ხანძარი მესტიის მუნიციპალიტეტშიხანძარია მესტიის მუნიციპალიტეტში. სოფელ ხაიშთან ცეცხლი ტყის მასივზეა გავრცელებული. ამის შესახებ საგანგებო სიტუაციების მართვის სამსახურის მიერ გავრცელებულ ინფორმაციაშია ნათქვამი. „შინაგან საქმეთა სამინისტროს საზოგადოებრივი უსაფრთხოების მართვის ცენტრ 112-ში შემოსული ინფორმაციის თანახმად, მესტიის მუნიციპალიტეტის სოფელ ხაიშთან, ტყის მასივში შეინიშნებოდა ძლიერი დაკვამლიანება. ტყის ხანძარზე რეაგირება უმოკლეს დროში მოახდინა საგანგებო სიტუაციების სამსახურმა. ადგილზე გამოცხადა ცოცხალი ძალა ჯვრის, წალენჯიხის და მესტიის განყოფილებებიდან, 20 მეხანძრე-მაშველის შემადგენლობით. სიტუაციის შეფასების შემდეგ, გადაწყდა ხანძრის ქრობის პროცესში შინაგან საქმეთა სამინისტროს სასაზღვრო პოლიციის ვერტმფრენის ჩართვა. პირველადი ინფორმაციით, ცეცხლი გავრცელებულია შერეული ტყის მასივზე. ამ დროისთვის ხანძრის ქრობის სამუშაოები უწყვეტ რეჟიმში მიმდინარეობს”,_ ამბობენ ... ...
  • "გავრცელდა ცრუ ინფორმაცია“ - ირაკლი ლომაძის დედა მედიასთან კომენტარს აკეთებსდაკავებული ირაკლი ლომაძის დედა, თამარ მორჩილაძე, მედიის წარმომადგენლებთან საუბრის დროს არ ადასტურებს, რომ მისმა შვილებმა მეგობრებთან ერთად ადამიანი გაიტაცეს. "გავრცელდა ცრუ ინფორმაცია, თითქოს მიტოვებულ სახლში მიიყვანეს ეს ბიჭი და აწამეს და ახლა საავადმყოფოში წევს. ეს არის სიცრუე, რადგან ვიცი ის არ წევს საავადმყოფოში. სინამდვილეში, მიტოვებულ სახლში არ მიუყვანიათ. მიიყვანეს იმ ოჯახში, ვისაც შეურაცხყოფა მიაყენა. შემდეგ ამ ბიჭს ტაქსი გამოუძახეს და გაუშვეს. დღემდე ფეხით დადის, არანაირი საავადმყოფო და ნაწამები არაა,"- თქვა ჟურნალისტებთან საუბრის დროს თამარ ... ...

არქივი

ტესტები

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...