ოზურგეთის პირველი საჯარო სკოლის დირექტორს პროკურატურაში უჩივიან

gurianews.com

სამართალი

ოზურგეთის პირველი საჯარო სკოლის დირექტორს პროკურატურაში უჩივიან

2013 თებ 1 19:33:51
როგორც მაშინ აღვნიშნავდით, #1 საჯარო სკოლის ეზოში ნახევრადდანგრეულ, ისტორიული მნიშვნელობის შენობას შლიდნენ, რომელშიც ამავე სკოლის პედაგოგების და კურსდამთავრებულების განცხადებით, განთავსებული იყო მუზეუმი: _ ეს იყო გურიაში პირველი ვაჟთა სკოლა, სადაც ინახებოდა ისტორიული ექსპონატები, _ აცხადებდნენ "გურია ნიუსთან" პედაგოგები.

1 თებერვალს აღნიშნულ ფაქტთან დაკავშირებით ოზურგეთის რაიონული პროკურორს კახა კოჩივარს მარინე სუნგულიამ განცხადებით მიმართა:

"მოგახსენებთ, რომ ქ. ოზურგეთში, #1 საჯარო სკოლის ბალანსზე, ირიცხებოდა სკოლის ძველი კორპუსი, რომელიც აშენდა მე-19 საუკუნეში თავად გრიგოლ გურიელის დახმარებით.

აღნიშნული შენობა წარმოადგენდა ჯუმათის მონასტერთან არსებულ, ოზურგეთის სასულიერო სასწავლებელს, სადაც აღიზარდნენ არა ერთი ჩვენთვის საამაყო მამულიშვილები და საზოგადო მოღვაწეები. აღსანიშნავია ის ფაქტი, რომ სკოლა თავისი ისტორიული დატვირთვით გახდა იუნესკოს ასოცირებული წევრი. სკოლაში ფუნქციონირებდა მუზეუმი, რომელიც მდიდარი იყო ექსპონატებით, მაგრამ 2012 წლის აგვისტოში, მოხდა აღნიშნული ძველი შენობა-ნაგებობების "დანგრევა".

ბატონო კახაბერ, მინდა გაცნობოთ, რომ ქ. ოზურგეთში მცხოვრები მოსახლეობისთვის, აღნიშნული უძველესი შენობა წარმოადგენდა უძვირფასეს კულტურულ ფასეულებას. აღნიშნული ძველი სკოლის დანგრევის თაობაზე საკითხის შესწავლისას ნებისმიერ ადამიანს გაუჩნდება კითხვა, თუ რატომ მოხდა, რომ სკოლის დანგრევის გადაწყვეტილება მიიღო მხოლოდ #1 საჯარო სკოლის პედაგოგიურმა საბჭომ.

მინდა გაცნობოთ, რომ 2007 წლის 21 დეკემბერს, ქ. ოზურგეთის #1 საჯარო სკოლის დირექტორმა გამოსცა #40 ბრძანება, საინვენტარიზაციო კომისიის შექმნის თაობაზე, რომელსაც, ალბათ, უნდა განეხილა სკოლის უძველე ნაწილის დემონტაჟთან დაკავშირებული საკითხი, ვინაიდან ბრძანებაში მითითებული არ არის, თუ რა მიზანს ემსახურებოდა საინვეტარიზაციო კომისიის შექმნა. ასევე ფრიად საინტერესოა ის ფაქტობრივი გარემოება, რომ 2007 წლის 21 დეკემბერს, სკოლის დირექტორის მიერ #49 ბრძანების გამოცემიდან მესამე დღეს, შეიკრიბა ეს საინვენტარიზაციო კომისია, რაზედაც შედგა შესაბამისი აქტი და კომისიამ ყოველგვარი დოკუმენტაციის გარეშე, მხოლოდ სიტყვიერი მსჯელობის შედეგად მიიღო გადაწყვეტილება ძველი შენობის დემონტაჟის შესახებ.

2008 წლის 03 აპრილს, #1 საჯარო სკოლის დირექტორმა მ. თავართქილაძემ წერილობით მიმართა ოზურგეთის მუნიციპალიტეტის გამგეობის ეკონომიკისა და ინფრასტრუქტურის სამსახურის ყოფილ უფროსს გია ტაკიძეს და მოითხოვა შესაბამისი კომისიის გამოყოფა და სკოლის ძველი შენობის არსებული მდგომარეობის შესწავლა. ამასთან ჩვენ ხელთ გვაქვს 2008 წლის 16 აპრილით დათარიღებული შემოწმების აქტი, გაცემული ოზურგეთის მუნიციპალიტეტის გამგეობის მიერ, სადაც დასკვნის სახით წერია, რომ აღნიშნული სკოლის შენობის ექსპლუატაცია უსაფრთხოების მიზნით მიზანშეწონილი არ არის.

საინტერესოა, თუკი საინვენტარიზაციო კომისია შეიქმნა კონკრეტული ადამიანების შემადგენლობით, რომლებსაც უნდა განეხილათ და შეესწავლათ სკოლის ძველი შენობის დემონტაჟის საკითხი, მაშინ რატომ არ არსებობს ამავე კომისიის სხდომის ოქმები, რომელ კომისიასაც ერთხმად უნდა მიეღოთ გადაწყვეტილებები კონკრეტულ საკითხებზე, ან საერთოდ ვინ იქნა არჩეული აღნიშნული საინვენტარიზაციო კომისიის თავმჯდომარედ? ამის შემდგომ, 2008 წლის 27 ივნისს, გაიმართა პედაგოგიური საბჭო, სადაც სხვა საკითხებთან ერთად განსახილველად გამოტანილი იყო სკოლის ძველი შენობის დემონტაჟის საკითხი, დამსწრე პირებმა ამ საკითხთან დაკავშირებით ასევე გამოთქვეს აზრი, რომ შენობის ვარგისიანობის დასადგენად საჭირო იყო კომპეტენტური ორგანოს დასკვნა. საინტერესოა ის ფაქტობრივი გარემოება, რომ საქართველოს ზოგადი განათლების შესახებ კანონი გვაძლევს პედაგოგიური საბჭოს უფლებამოსილებისა და მათი ფუნქციების ჩამონათვალს, სადაც მათ ფუნქციებში საერთოდ არ შედის ისეთ საკითხებზე მსჯელობა, როგორიცაა სკოლის ქონება და მისის სამომავლო ბედი. ჩვენს მიერ #1 საჯარო სკოლიდან გამოთხოვილი იქნა ყველა ის დოკუმენტი რაც დაკავშირებულია აღნიშნულ ძველი ისტორიული შენობის დემონტაჟთან დაკავშირებით, რითაც განათლებისა და მეცნიერების სამინისტროს ექნებოდა შესაძლებლობა გამოეყო შესაბამისი თანხა აღნიშნული ძველი შენობის დემონტაჟზე.

შეგახსენებთ, რომ #1 საჯარო სკოლის შენობა, სადაც განთავსებული იყო სკოლის მუზეუმი, დაანგრიეს 2012 წლის აგვისტოს თვეში, წინასაარჩევნოდ, პოლიტიკურად ცხელ პერიოდში.

ბატონო კახაბერ, მინდა გაცნობოთ, რომ ამ საკითხის შესწავლისას ცალსახად ჩნდება კონკრეტული სკოლის მასწავლებლების დაინტერესება, ვინაიდან წარმოუდგენელია, სკოლის პედაგოგიურ საბჭოზე, მასწავლებლები წყვეტდნენ სკოლის ბალანსზე არსებული შენობის სამომავლო ბედს, რომელიც ამავდროულად წარმოადგენს სახელმწიფო საკუთრებას. ასევე, საინტერესოა, არსებობს თუ არა ქ. ოზურგეთის გამგეობის მიერ გაცემული შესაბამისი ნებართვა სკოლის დემონტაჟის საკითხზე, რადგან შენობის დემონტაჟი უცილობლად საჭიროებს შესაბამის ნებართვას. ასევე, საკითხის შესწავლისას იკვეთება უამრავი კანონდარღვევა და მავანთა ინტერესი აღნიშნული ტერიტორიისადმი.

ყოველივე ზემოთ აღნიშნულიდან გამომდინარე, გთხოვთ შეისწავლოთ ჩემს მიერ წარმოდგენილი განცხადება და თანდართული დოკუმენტები ყოველმხრივ სრულად და ობიექტურად.

საქართველოს კანონმდებლობით თქვენთვის მინიჭებული უფლებამოსილების ფარგლებში გთხოვთ მოახდინოთ ამ საკითხის სათანადოდ შესწავლა.

ამ განცხადებას თან ახლავს დანართი "6 " ფურცლად და 1 დისკი ასევე შემოწმების აქტი, ბრძანება #49 და კენჭისყრის შედეგად მიღებული გადაწყვეტილება", _ აღნიშნულია განცხადებაში.

მარინე სუნგულია: _ მე დავამთავრე ოზურგეთის #1 საჯარო სკოლა და ძალიან მტკივა გული, და არა მარტო მე. ამ საგანმანათლებლო კერის ბულდოზერებით გადასწორება საშინელებაა, როცა შეიძლებოდა მისი შენარჩუნება. ჩემთვის გამაღიზიანებელი აღმოჩნდა ის ფაქტი, რომ მათ ჰქონდათ დასკვნა, თითქოს ისტორიული ნაწილი რეაბილიტაციას ექვემდებარებოდა და ზედმეტი უნდა მოეშორებინათ. მათ დაშალეს ისტორიული ნაწილი და წინ მიშენებული უგვანი ნაწილი დატოვეს. არსებობს ინფორმაციები, რომ ამ ადგილით მავანნი იყვნენ დაინტერესებულნი. მე თუ შევატყობ, ამ საქმეზე გამოძიება არ იქნება ობიექტური, არ ვაპირებ თავის დანებებას და უზენაეს სასამართლომდე მივალ.

ამ ფაქტთან დაკავშირებით კომენტარი ვთხოვეთ ოზურგეთის # 1 საჯარო სკოლის დირექტორს მაია თავართქილაძეს, რომელმაც პროკურატურაში სარჩელის შეტანის შესახებ პირველად ჩვენგან შეიტყო.

_ არა, არა, არაფერი არ ვიცი, _ გვითხრა მაია თავართქილაძემ.

_ რა კომენტარს გააკეთებდით აღნიშნულ ფაქტთან დაკავშირებით?

_ მე ყველანაირი დოკუმენტაცია მაქვს, რაც ჩემს სამართლებრივ და კანონიერ ქმედებას ადასტურებს. შესაბამისი ორგანოები მოიკვლევენ და დაადასტურებს ყველაფერს.

ოზურგეთის მუნიციპალიტეტის #1 საჯარო სკოლის ერთ-ერთი პედაგოგი, 2012 წლის სექტემბერში, "გურია ნიუსთან" ამბობდა, რომ "2008 წლის საპარლამენტო არჩევნების წინ, მოქმედი გუბერნატორის რამაზ ნიკოლაიშვილის დროს, დაიწყო ამ შენობის ნგრევა. ეს იყო ეგნატე ნინოშვილის სახელობის #1 საშუალო სკოლა და ძირითადი ისტორიული კორპუსი, რომელიც არა მარტო ოზურგეთელებისთვის, არამედ მთელი საქართველოსთვის წარმოადგენდა ისტორიულ ძეგლს.

მაშინ დაიგეგმა ახალი თანამედროვე ღია დარბაზის მშენებლობა და დანარჩენი მიმდებარე კორპუსების რეაბილიტაცია, ჩვენ ვიცოდით მთლიანმა პედკოლექტივმა, რომ რამდენიმე თვეში დასრულდებოდა ეს სამუშაოები, მაგრამ ასე აღარ მოხდა. მას შემდეგ ოთხი წელი გავიდა და დღემდე აღნიშნული დაპირება და საქმე არავის გახსენებია.

დღეს კი, როგორც ხედავთ, აღნიშნული ობიექტიდან ნარჩენის დაშლა და ნაგვის გატანა დაიწყეს. ჩვენთვის, პედკოლექტივისთვის, ჯერჯერობით, უცნობია, ვისი ბრძანებით ხორციელდება მიმდინარე სამუშაოები. ჩემი აზრით, ეს პროცესი კვლავ წინა საარჩევნო კომპანიის ნაწილია", _ აღნიშნავდა "გურია ნიუსთან" საუბარში #1 საჯარო სკოლის ერთერთი პედაგოგი.

ოზურგეთის მუნიციპალიტეტის 1 საჯარო სკოლის დირექტორი მაია თავართქილაძე "გურია ნიუსთან" საუბარში აცხადებდა, რომ ამ შენობას არანაირი კულტურული ფასეულობები არ გააჩნია და მისი ნგრევის პროცესი სრულიად კანონიერად მიმდინარეობს:

_ ინგრევა იმიტომ, რომ ეს არის ძველი, ამორტიზებული შენობა. ეს არის აბსოლუტური საფრთხე ბავშვებისთვის _ ცვივა ქვები, ამოსულია ბალახები, მიწა და ნანგრევები არის ანტისანიტარიის, ქვეწარმავლების ბუდე და ყველანაირი საფრთხეა მოსალოდნელი აქედან. ამასთან დავამატებ, რომ არავითარ კულტურულ მემკვიდრეობას ეს შენობა არ წარმოადგენს. ჩვენ განათლებისა და კულტურის სამინისტროს ამ საკითხზე მივმართეთ კითხვით, რომ შენობას რაიმე კულტურული ფასეულობა ხომ არ გააჩნიაო, საიდანაც მივიღეთ პასუხი, რომ არანაირი.

ჩვენ გვაქვს ასევე დასკვნები, მივმართეთ ოზურგეთის მუნიციპალიტეტის გამგეობის შესაბამის სამსახურს _ მაქვს მათი დასკვნაც, რომ ეს არის ამორტიზებული შენობა. სხვათა შორის, ეს ოთხი წლის წინ იყო. ასე რომ, ყველანაირი მიდგომით შენობა ექვემდებარება დანგრევას.

_ ქალბატონო მაია, ამ შენობის ნგრევა 4 წლის წინ დაიწყეთ. რატომ შეჩერდა პროცესი და ახლა რატომ განაახლეთ? აქამდე არ იყო საშიში ბავშვებისთვის?

_ კი, 4 წლის წინ დავიწყეთ, მაგრამ, აქამდე, უბრალოდ, ფინანსები არ გვქონდა. ეს ძალიან დიდ თანხებთან არის დაკავშირებული _ ნგრევა, მერე ნაგვის გატანა და ა.შ. ახლა განათლების სამინისტროს მეშვეობით გავახორციელეთ ამ ამორტიზებული შენობის დემონტაჟი. თქვენ იცით, რომ მეორე კორპუსში მიმდინარეობს ასევე რეაბილიტაცია. ჩვენ, პედსაბჭოს გადაწყვეტილებით, მივმართეთ განათლების სამინისტროს, რომ დანგრევა არის აუცილებელი _ არაესთეტიკური შენობაა და, მით უმეტეს, არავითარი ღირებული ფასეულეობების მატარებელი არ არის, გარდა იმისა, რომ კურსდამთავრებულები ამბობენ, ეს შენობა რაღაც ყორის ქვებითაა ნაშენიო. მინდა გითხრათ, რომ ეს არაფერს არ ნიშნავს, იმიტომ, რომ ამ შენობის წინა ნაწილს ვაკეთებთ ჩვენ მუზეუმად და სააქტო დარბაზად. კი, ბატონო, ამ სკოლას უძველესი ტრადიციები გააჩნია და ამის შესანიშნავი მასალა გვაქვს, რომელიც ინახება ჩვენთან, _ აცხადებდა 2012 წლის სექტემბერში #1 საჯარო სკოლის დირექტორი "გურია ნიუსთან" საუბარში.




 ახალი ამბები
  • სალომე ზურაბიშვილი - დროა, გადავიდეთ ევროპულ ფორმატზე, რაც გულისხმობს, რომ საარჩევნო პლაკატებისთვის იყოს სპეციალური ადგილები...დროა, გადავიდეთ ევროპულ ფორმატზე, რაც გულისხმობს, რომ საარჩევნო პლაკატებისთვის იყოს სპეციალური ადგილები ან გამოვიყენოთ სარეკლამო ბანერები, – ამის შესახებ პრეზიდენტობის დამოუკიდებელმა კანდიდატმა სალომე ზურაბიშვილმა განაცხადა. სალომე ზურაბიშვილი გამოეხმაურა გიორგი ვაშაძის ბრალდებას, რომ დედაქალაქში მხოლოდ ოპოზიციის პრეზიდენტობის კანდიდატების პლაკატები ირეცხება. როგორც ზურაბიშვილმა აღნიშნა, მისი გადაწყვეტილებით, თბილისში არც ერთი მისი საარჩევნო პლაკატი არ არის. როგორც პრეზიდენტობის დამოუკიდებელმა კანდიდატმა აღნიშნა, ის სარეკლამოდ მხოლოდ ბანერებს იყენებს. „ჩემი გადაწყვეტილებით, ჩემი არც ერთი პლაკატი არ არის თბილისში, ვიყენებ მხოლოდ დიდ ბანერებს. დიდი ხანია ვფიქრობ ამაზე და მომხრე ვარ, რომ ჩვენი ქალაქი ასეთი პლაკატებით არ დავაბინძუროთ. დროა, რომ გადავიდეთ ევროპულ ფორმატზე, რაც გულისხმობს პლაკატებისთვის სპეციალურ ადგილებს ან ბანერების გამოყენებას“, – განაცხადა სალომე ზურაბიშვილმა. ... ...
  • სალომე ზურაბიშვილი სენაკში ამომრჩევლებს შეხვდა (R) “კაბინეტში, რომელსაც პრეზიდენტობის შემთხვევაში დავიკავებ, მსურს, სიმბოლურად ის სამფეროვანი დროშა იყოს, რომელიც საქართველოს აღდგენილ დამოუკიდებლობას წარმოადგენს”, – ამის შესახებ პრეზიდენტობის დამოუკიდებელმა კანდიდატმა სალომე ზურაბიშვილმა სენაკში მხარდამჭერებთან შეხვედრაზე განაცხადა. მისი თქმით, საპრეზიდენტო არჩევნებში გამარჯვების შემთხვევაში, სახელმწიფო სიმბოლიკის შეცვლას არ აპირებს. „თუ წინსვლა გვინდა, უნდა ვიცოდეთ ჩვენი ისტორია. ჩემს კაბინეტში, რომელსაც პრეზიდენტობის შემთხვევაში დავიკავებ, მსურს, რომ სიმბოლურად ის სამფეროვანი დროშა იყოს, რომლითაც გავიზარდე, რომლითაც თქვენ იბრძოდით და, რომელიც წარმოადგენს აღდგენილ დამოუკიდებლობას, რისთვისაც იბრძოდნენ ქართველები. სახელმწიფო სიმბოლიკას არ შევცვლი, ის ერთხელ შეიცვალა. თუ გვსურს ნამდვილ სახელმწიფოს დავემსგავსოთ და გავაძლიეროთ, არ შეიძლება, წამდაუწუმ შეიცვალოს სახელმწიფოს სიმბოლიკა. მე უბრალოდ მსურს, გვერდიგვერდ იდგას ძველი დროშა, დამოუკიდებლობის, წარსულის, მეხსიერების სიმბოლო, სახელმწიფო დროშა, რომელიც აღარ უნდა შეიცვალოს და დარჩეს დღევანდელი სახელმწიფოსა და სამომავლო გაძლიერების, დამოუკიდებლობის დროშად და ევროკავშირის დროშა, როგორც სიმბოლო ჩვენი ერთადერთი გზის, პერსპექტივის, რომელიც ღრმად არის ჩვენს ღირებულებებში, რადგან ნებისმიერი ქართველი ევროპელია. თუ ევროპელს აქვს იგივე ფასეულობები, რაც ქართველებს, სხვათა შორის, ჩვენთან ცოტა უფრო კარგად არის ეს ფასეულობები შენარჩუნებული, ვიდრე ევროპის ზოგ ქვეყანაში”, – განაცხადა სალომე ზურაბიშვილმა. ... ...
  • “კაბინეტში, რომელსაც პრეზიდენტობის შემთხვევაში დავიკავებ, მსურს, სიმბოლურად ის სამფეროვანი დროშა იყოს” (R) “კაბინეტში, რომელსაც პრეზიდენტობის შემთხვევაში დავიკავებ, მსურს, სიმბოლურად ის სამფეროვანი დროშა იყოს, რომელიც საქართველოს აღდგენილ დამოუკიდებლობას წარმოადგენს”, – ამის შესახებ პრეზიდენტობის დამოუკიდებელმა კანდიდატმა სალომე ზურაბიშვილმა სენაკში მხარდამჭერებთან შეხვედრაზე განაცხადა. მისი თქმით, საპრეზიდენტო არჩევნებში გამარჯვების შემთხვევაში, სახელმწიფო სიმბოლიკის შეცვლას არ აპირებს. „თუ წინსვლა გვინდა, უნდა ვიცოდეთ ჩვენი ისტორია. ჩემს კაბინეტში, რომელსაც პრეზიდენტობის შემთხვევაში დავიკავებ, მსურს, რომ სიმბოლურად ის სამფეროვანი დროშა იყოს, რომლითაც გავიზარდე, რომლითაც თქვენ იბრძოდით და, რომელიც წარმოადგენს აღდგენილ დამოუკიდებლობას, რისთვისაც იბრძოდნენ ქართველები. სახელმწიფო სიმბოლიკას არ შევცვლი, ის ერთხელ შეიცვალა. თუ გვსურს ნამდვილ სახელმწიფოს დავემსგავსოთ და გავაძლიეროთ, არ შეიძლება, წამდაუწუმ შეიცვალოს სახელმწიფოს სიმბოლიკა. მე უბრალოდ მსურს, გვერდიგვერდ იდგას ძველი დროშა, დამოუკიდებლობის, წარსულის, მეხსიერების სიმბოლო, სახელმწიფო დროშა, რომელიც აღარ უნდა შეიცვალოს და დარჩეს დღევანდელი სახელმწიფოსა და სამომავლო გაძლიერების, დამოუკიდებლობის დროშად და ევროკავშირის დროშა, როგორც სიმბოლო ჩვენი ერთადერთი გზის, პერსპექტივის, რომელიც ღრმად არის ჩვენს ღირებულებებში, რადგან ნებისმიერი ქართველი ევროპელია. თუ ევროპელს აქვს იგივე ფასეულობები, რაც ქართველებს, სხვათა შორის, ჩვენთან ცოტა უფრო კარგად არის ეს ფასეულობები შენარჩუნებული, ვიდრე ევროპის ზოგ ქვეყანაში”, – განაცხადა სალომე ზურაბიშვილმა. ... ...
  • ხულოში ხანძარს 2 ადამიანი ემსხვერპლახულოში სოფელ ჭახაურში, საცხოვრებელ სახლში გაჩენილ ხანძარს ორი ადამიანის სიცოცხლე ემსხვერპლა. გარდაცვლილია 18 წლის გოგონა და 72 წლის მამაკაცი. ამის შესახებ ინფორმაციას საგანგებო სიტუაციების მართვის სამსახური ავრცელებს. მეხანძრე - მაშველები ამ წუთებში, ხანძრის სალიკვიდაციო სამუშაოებს აწარმოებენ. ადგილზე მუშაობს 4 სახანძრო-სამაშველო ჯგუფი. მომხდარზე შინაგან საქმეთა სამინისტრომ საქმე სისხლის სამართლის კოდექსის 187-ე მუხლის მე-4 ნაწილით აღძრა, რაც გულისხმობს ნივთის დაზიანებას ან განადგურებას,  ჩადენილს ცეცხლის წაკიდებით, რამაც გაუფრთხილებლობით ორი ან მეტი ადამიანის სიცოცხლის მოსპობა ... ...
  • 28 ოქტომბრის არჩევნების შუალედური ანგარიში (R)ცენტრალური საარჩევნო კომისიის (ცესკო) თავმჯდომარე თამარ ჟვანიამ ადგილობრივ სადამკვირვებლო და საერთაშორისო ორგანიზაციებს, ასევე მედია წარმომადგენლებს 2018 წლის 28 ოქტომბრის არჩევნების შუალედური ანგარიში წარუდგინა. ანგარიში საქართველოს საარჩევნო ადმინისტრაციის მიერ პირველი აგვისტოდან პირველ ოქტომბრამდე  განხორციელებულ საქმიანობას ასახავს.  თამარ ჟვანიამ პრეზენტაციაზე მოწვეულ სტუმრებს 28 ოქტომბრის არჩევნებისთვის გაწეული საქმიანობა გააცნო. 2018 წელს ცესკომ გაზარდა ონლაინ რეგისტრაციების პროგრამის შესაძლებლობები და გარდა პარტიების წარმომადგენლებისა და საარჩევნო კომისიებში წევრების დანიშვნისა, პირველად, საქართველოს პრეზიდენტის არჩევნებისთვის რეგისტრირებულ დამკვირვებელ ორგანიზაციებს მისცა ალტერნატიული, გამარტივებული შესაძლებლობა, დამკვირვებლები დანიშნონ ონლაინ, ელექტრონული პროგრამის მეშვეობით. ცესკოს თავმჯდომარემ დეტალურად ისაუბრა ამომრჩეველთა ინფორმირების კამპანიის, საარჩევნო ადმინისტრაციის წევრთა კვალიფიკაციის ამაღლების, საარჩევნო პროცესის ორგანიზების, საარჩევნო და სამოქალაქო საგანმანათლებლო პროგრამების, ინკლუზიური საარჩევნო გარემოს, საარჩევნო პროცესში ჩართულ მხარეებთან თანამშრომლობის და სხვა მნიშვნელოვანი საკითხების შესახებ.  „ჩვენი საქმიანობა შეეხება ყველა იმ სასწავლო და სატრენინგო პროგრამას, საორგანიზაციო საკითხს, რომელიც უკავშირდება პრეზიდენტის არჩევნების ჩატარებას საქართველოში. ანგარიში მოიცავს ყველა იმ სატრენინგო პროგრამას რომელიც განახლებული მეთოდოლოგიით ემსახურება სწორედ საარჩევნო ადმინისტრაციის კვალიფიკაციის ამაღლებას, ასევე ჩართული მხარეების მომზადებას. წელს განსაკუთრებული აქცენტი იყო ახალგაზრდა ამომრჩეველზე და მათ აქტიურობაზე. ამავდროულად ანგარიშში ასახულია შშმ პირებისთვის მიწოდებული სერვისები, ასევე ეთნიკური უმცირესობების და სხვა ჩართული მხარეებისთვის, თითოეული ამომრჩევლისთვის მიწოდებული ყველა ის ინფორმაცია და სერვისი, რომელიც მათ თავისუფალ გარემოში არჩევნებში მონაწილეობის მიღებას შეუწყობს ხელს“, - აღნიშნა თამარ ჟვანიამ ჟურნალისტებთან საუბრისას. (R)   ... ...

არქივი

ზაფრანი

„უიღბლო“ ამერიკელი

კონექტიკუტის შტატში მცხოვრებმა ჩარლზ დადლიმ...

ახლო მეგობარი მოდელები

რატომღაც მივეჩვიეთ, რომ სამოდელო ბიზნესში...

რა დაგიცავთ ავი თვალისგან

ვერძმა სამოსში აუცილებლად უნდა შეიტანოს...

რატომ ტირიან მამაკაცები საკუთარ ქორწილში

მამაკაცები ხშირად მალავენ გრძნობებს, ალბათ...

დილით დასვენებულმა რომ გაიღვიძოთ…

ორგანიზმი ძილის დროს ახალგაზრდავდება, დუნდება...

ადამიანის იღბალი და მობილური ტელეფონის ნომერი

რიცხვების მაგია უძველესი დროიდან იღებს...
კარმიდამო ჩემი

ლობიოს რაგუ ბასკურად

ესპანური სამზარეულო მსოფლიოში ერთ-ერთი საუკეთესო...

გავამრავლოთ ქოთნის ყვავილები

შემოდგომის დასაწყისი, ოქტომბრის ბოლომდე, ქოთნის...

ბულგარული წიწაკის საწებელი ნედლი მწავანილეულით

მრავალგვარ საწებელს შორის, ჩვენს მიერ...

როგორ მოვამზადოთ წათხი

ყველის წათხის მოსამზადებლად საჭიროა: ერთი...

დანდური _ მხალეული, მწნილი, სამკურნალო მცენარე

ერთწლოვანი ბალახოვანი მცენარე დანდური საქართველოში...

ბოსტნეულის შენახვის რა მეთოდს იყენებდნენ წინაპრები

შემოდგომის დასაწყისიდან ყველა დიასახლისი ამზადებს...

როგორ დავიცვათ სიმინდი ფაროსანასგან

აზიური მავნებლის ფაროსანას წინააღმდეგ ბრძოლის...

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

ვის აძლევთ ხმას საპრეზიდენტო არჩევნებზე?