სოსო პავლიაშვილის მიმართ სისხლის სამართლის საქმე აღიძრა

სამართალი

სოსო პავლიაშვილის მიმართ სისხლის სამართლის საქმე აღიძრა

29 მარ. 2013, 22:16:36
განსასჯელის სკამზე მომღერალ სოსო პავლიაშვილის დის ქმარი ვახტანგ ჩხაპელია სხვა ექვს ბრალდებულთან ერთად ზის; მათგან ოთხს, ჯგუფურად ჩადენილ შეკვეთილ მკვლელობაში ედება ბრალი, დანარჩენებს კი დანაშაულის შეუტყობინებლობისთვის ასამართლებენ.

როგორც პროკურორმა გრიგოლ ბიბილაშვილმა განაცხადა, სოსო პავლიაშვილის მიმართ საქმე ცალკე წარმოებად გამოეყო, თუმცა, დიდი ალბათობით, ის საქართველოში დაბრუნებას არ აპირებს.

ბიზნესმენი ავთო ადუაშვილი გასულ წლის 23 ნოემბერს, გიორგობა დღეს მოკლეს. ბიზნესმენის გვამი ზაზიაშვილის ქუჩაზე მიტოვებულ მისივე ჯიპში იპოვეს. ვახტანგ ჩხაპელია, რომელიც მოკლულთან მეგობრობდა, ჭირისუფლების გვერდით ტრიალებდა და როგორც ადუაშვილის ერთ-ერთი მეგობარი იხსენებს, პირადად შეარჩია მიცვალებულის ჩასასვენებელი საყინულე. ადუაშვილებისთვის მოულოდნელი იყო მკვლელობის ბრალდებით ჩხაპელიას დაკავება. სოსო პავლიაშვილმა, რომელმაც ბავშვობის მეგობრის გარდაცვალება ოჯახს ტელეფონით მიუსამძიმრა, ჩხაპელიას დაკავების შემდეგ, ადუაშვილებთან კონტაქტი შეწყვიტა.

ოჯახი დღემდე ეჭვობს, რომ მკვლელობის უკან სოსო პავლიაშვილი დგას, რომელსაც ადუაშვილთან სომხეთსა და უკრაინაში საერთო ბიზნესი ჰქონდა. მათ ეჭვს ამყარებს ის ფაქტიც, რომ სოსო პავლიაშვილმა, წყაროს ინფორმაციით, მომხდარიდან რამდენიმე დღეში, მშობლები და და _ მაკა პავლიაშვილი საქართველოდან რუსეთში წაიყვანა. პავლიაშვილის კვალზე ყველა მინიშნებით საუბრობს და კონკრეტული ფაქტების გამჟღავნებას ჭირისუფალიც კი სამომავლოდ სდებს.

"გურია ნიუსის" წყაროების ინფორმაციით, პავლიაშვილის დის ქმარმა ვახტანგ ჩხაპელიამ ადუაშვილის თავიდან მოსაშორებლად რამდენიმე ქილერი დაიქირავა და ამაში 50 ათასი გადაიხადა. წყაროსვე თქმით, ერთ-ერთ კაფეში მან პირადად გააცნო ქილერებს ავთო ადუაშვილი, რომელიც ამ შეხვედრიდან მოკლე ხანში, განსაკუთრებული სისასტიკით მოკლეს.

ვახტანგ ჩხაპელია დაბადებული 1967 წელს, წარსულში ნასამართლევი არ ყოფილა. ბრალი ედება განზრახ მკვლელობაში ჯგუფურად ანგარებით ან შეკვეთით. იგივე ბრალი აქვთ წარდგენილი ფოთელ კობა ყურუას, რომელიც წარსულში ნასამართლევია და ხობელ გელა უბილავას; მკვლელობაში ედება ბრალი ვლადიმერ ქარჩავასაც.

მურთაზ გერგაიას, თეიმურაზ ქობალიას და რამაზ ქარჩავას გამოძიება დანაშაულის დაფარვას ედავება.

ბრალდებულთაგან დანაშაულს მხოლოდ ქობალია აღიარებს, დანარჩენები კი, ძირითადად, გამოძიების მხრიდან მათზე გახორციელებულ ზეწოლაზე საუბრობენ.

დღევანდელ პროცესზე აშკარა გახდა, რომ ბრალდებულებს, მოკლულის ოჯახის მხრიდან, შურისძიების ეშინიათ _ კობა ყურუამ რამდენჯერმე გააპროტესტა ის ფაქტი, რომ ფართის სიმცირის გამო, სხვა განსასჯელების მსგავსად, ტყვიაგაუმტარ ჯებირს მიღმა ვერ მოხვდა,

"ვინ მაძლევს იმის გარანტიას, რომ ვიღაც არ შემოვარდება და იარაღს არ დამაჭედებს?! რატომ ვზივარ ადვოკატების გვერდით?! მოვითხოვ სხვების გვერდით ჯდომას. რატომ უნდა მომკლან, არ აინტერესებს დაზარალებულის ოჯახს, სინამდვილეში ვინ არის მკვლელი?! _ განაცხადა ყურუამ, რომელმაც გამოძიება ზეწოლაშიც დაადანაშაულა.

"მოტყუებით მიმიყვანეს პროკურატურაში; მითხრეს, მოწმედ უნდა დაგკითხოთო, ჩემგან სასურველი ჩვენება რომ ვერ მიიღეს, მარცხენა მხარეს თმა ამაგლიჯეს. ყველას გვემუქრებიან, ყველანი ზეწოლის ქვეშ ვართ," _ განაცხადა მან.

პროკურორის კომენტარს, თქვენთან პირადად შემოვალ და რა ზეწოლაა გავარკვევო, ბრალდებულთა მხრიდან პროტესტი მოყვა, მათ ბრალმდებელი მუქარაში დაადანაშაულეს და მოსამართლე ქეთევან ჯაჭვაძეს სათანადო რეაგირებისკენ მოუწოდეს.

ვახტანგ ჩხაპელიას ადვოკატი, ლევან ჯავახაძე "გურია ნიუსთან" საუბარში აცხადებს, რომ მისი დაცვის ქვეშ მყოფი უდანაშაულოა. ადვოკატის მტკიცებით "ზოგიერთი ირიბი მოწმის მხრიდან, სადღაც გაიჟღერა პავლიაშვილის გვარმა, მაგრამ ეს არ იყო პირდაპირი მტკიცებულება და შესაბამისად, მომღერლის ბრალეულობა არსად არ იკვეთება". "გურია ნიუსის" კითხვაზე, როგორ მოხდა ჩხაპელიას დაკავშირება ადუაშვილის მკვლელობასთან, ადვოკატმა კონკრეტული პასუხის გაცემისგან თავი შეიკავა.

"ეს ძალიან რთული საკითხია, რაც არსებითი განხილვის დროს უნდა გაიშალოს. როგორც ჩემთვის არის ცნობილი, უბილავას და ჩხაპელიას საერთო თხილის ბიზნესი ჰქონდათ და ჩემდა გასაკვირად მოხდა მათი ამ საქმეში მხილება".

ადვოკატის თქმით, პროკურატურის პოზიცია ჩხაპელიას მიმართ ძალიან სუსტია და ბრალი მხოლოდ მოწმეთა ჩვენებებს ეფუძნება.

საქმის არსებით განხილვამდე კომენტარისგან თავს იკავებს თითქმის ყველა ადვოკატი _ საქმის განხილვა ორი კვირით გადაიდო და ამ დროში გამორიცხული არ არის, მათი დაცვის ქვეშ მყოფებმა კვლავ შეიცვალონ პოზიცია.

როგორც "გურია ნიუსს" ინფორმირებული წყარო ეუბნება, გამოძიების პირველ ეტაპზე ბრალდებულთა ერთი ნაწილი დანაშაულს აღიარებდა, მათ შორის ჩხაპელიაც, თუმცა მათ მალე შეცვალეს პოზიცია და თავს უდანაშაულოდ მიიჩნევენ. ბრალდებულმა კი, რომელმაც ამ საქმესთან სოსო პავლიაშვილის კავშირი დაადასტურა, როგორც იგივე წყარო ამბობს, მოგვიანებით ჩვენება შეცვალა და დღეს დუმილის უფლებას იყენებს.

რუსეთში მოღვაწე მომღერალი მკვლელობასთან ყოველგვარ კავშირს უარყოფს.

პავლიაშვილი და ადუაშვილი ბავშვობის მეგობრები იყვნენ _ ისინი "ნახალოვკაში", ხუდადოვის ქუჩაზე ერთ ეზოში გაიზარდნენ.




 ახალი ამბები
  • ძაღლმა 5 წლის ბიჭი ყველაზე საშიში გველისგან გადაარჩინაძაღლმა 5 წლის ბიჭი ყველაზე საშიში გველის თავდასხმისგან გადაარჩინა. შემთხვევა თბილისში, ტაბახმელაში გუშინ მოხდა. მომხდარის შესახებ ინფორმაცია ცხოველთა მონიტორინგის სააგენტოს დირექტორმა, ვახტანგ ლომჯარიამ სოციალურ ქსელში გაავრცელა: “დღევანდელი დღე დატვირთული იყო განცდებით, ემოციებით, გულშემატკივრობით ერთ ჰასკზე. წარმოიდგინეთ ეზო ტაბახმელაში, სადაც მშობლებს ხუთი წლის პატარა უსაფრთხოდ ეგულებათ. თამაშობენ, მხიარულობენ და მოულოდნელად ძაღლი იწყებს წარმოუდგენელ ყეფას. ებრძვის ,,რაღაცას" ეს ,,რაღაცა" კი საქართველოში გავრცელებული ყველაზე საშიში გველი გიურზაა, რომელმაც ჩვენდა გასაოცრად ტაბახმელას გრილ ჰაერზე მოისურვა გასეირნება. სამწუხაროდ გველმა მოასწრო ძაღლისთვის ეკბინა, ოჯახის წევრებმა მალევე გაიაზრეს სიტუაციის სირთულე. განარიდეს ბავშვი ტერიტორიას, ჩართეს შესაბამისი სამსახურები და ძაღლი სასწრაფოდ გააქანეს კლინიკაში. მისი მდგომარეობა იყო ძალიან რთული და დღის განმავლობაში ბევრჯერ განვიცადეთ მისი დაკარგვის შიში. მის გადარჩენას მერიის მთელი ხელმძღვანელობა გულშემარკივრობდა. და მინდა სიხარულით გამცნოთ პატარა ჯარისკაცის გამარჯვების შესახებ. ვფიქრიბ საპატიოდ დაიმსახურა დღის გმირის წოდებაც. წარმოდგენაც კი მაშინებს რა შეიძლება მომხდარიყო ეზოში ბავშვი, რომ ძაღლის გარეშე ყოფილიყო. სახეზე დროებითი სასაცილო ასიმეტრიაა აქვს და სწორედ ეს ხდის სასაცილოს და მეტად საყვარელს“,_ წერს ... ...
  • ორი გარდაცვლილი და ერთი დაშავებული - ძლიერი ავარია ხობშიორი ადამიანი გარდაიცვალა და ერთი მძიმედ დაშავდა ხობის მუნიციპალიტეტში, სოფელ ჭალადიდში მომხდარი ავტოსაგზაო შემთხვევის შედეგად. თვითმხილველების ინფორმაციით, მერსედესის მარკის ავტომობილის მძღოლმა,სავარაუდოდ,საჭე ვერ დაიმორჩილა, გზის სავალი ნაწილიდან გადავიდა და ხეს შეეჯახა. რაც შეეხება დაშავებულს,იგი ამ დროისთვის ფოთის საავადმყოფოში გადაიყვანეს. შსს-მ გამოძიება სსკ-ის 276-ე მუხლით ... ...
  • ნიკა გვარამია კრიმინალურ პოლიციაში დაიბარეს"მთავარი არხის" დირექტორი, ნიკა გვარამია კრიმინალურ პოლიციაში დაიბარეს. მისი ადვოკატი, დიმიტრი საძაგლიშვილი რადიო თავისუფლებას ეუბნება, რომ ის 19 წლის ფეხბურთელის, გიორგი შაქარაშვილის გარდაცვალების საქმეზე დაიბარეს. საძაგლიშვილი ასევე აცხადებს, რომ გვარამია 17 საათზე დაიბარეს, თუმცა ის უწყებაში არ მივა. ადვოკატი განმარტავს, რომ გვარამია მზად არის მოსამართლის თანდასწრებით გამოკითხვას დათანხმდეს. 19 წლის ფეხბურთელის, გიორგი შაქარაშვილის გარდაცვალების საქმეზე, გამოძიება უკვე 4 მუხლით მიმდინარეობს: თავისუფლების უკანონოდ აღკვეთის, ძალადობის, ჯგუფური ძალადობის ორგანიზების და ჯგუფურად განხორციელებული განზრახ მკვლელობის მუხლებით. საქმეზე 17 პირს აღკვეთის ღონისძიების სახით პატიმრობა აქვს შეფარდებული. ისინი ბრალს არ აღიარებენ. წყარო: რადიო ... ...
  • ავარია ქვაბღასთან _ როგორია დაშავებულების მდგომარეობაბახმაროსკენ მიმავალ გზაზე, ქვაბღასთან, ავტომობილი, რომლითაც 6 ადამიანი, მათ შორის 8 თვის ბავშვი მგზავრობდა, ხიდიდან გადავარდა. დაშავებულები ჩოხატაურის სამედიცინო ცენტრებში გადაანაწილეს, რომელთაგან 1-მა კლინიკა ამ დროისთვის უკვე დატოვა, 1 დაშავებული კი ქუთაისში გადაიყვანეს. ჩოხატაურის მუნიციპალიტეტის მერის წარმომადგენლის თანაშემწის ნაბეღლავის ადმინისტრაციულ ერთეულში, ნოდარ ირემაძის ინფორმაციით, დაშავებულები ჩოხატაურელები არიან. „ავტოკატასტროფა მოხდა ღამით. მოხდა სწრაფი რეაგირება. შემთხვევის ადგილას იმყოფებოდა სამაშველო სამსახური. სასწრაფომ დაშავებულები გადაიყვანა საავადმყოფოებში. ცალკე წაიღეს ავტომობილი.   ავტოსაგზაო შემთხვევის შედეგად ჩოხატაურელები დაშავდნენ“,_ ამბობს ირემაძე. ჩვენს კითხვაზე, ხშირია თუ არა ავტოსაგზაო შემთხვევები გზის ამ მონაკვეთზე, ნოდარ ირემაძე გვპასუხობს, რომ გზა აღნიშნულ მონაკვეთზე კარგია და არც ავარიები ხდება ხშირად. „წელს ეს პირველი ავტოსაგზაო შემთხვევაა ამ ტერიტორიაზე. გზა ძალიან კარგია. მთავარია, მძღოლი იყოს ყურადღებით. რას უკავშირდება მომხდარი ავტოსაგზაო შემთხვევა, არ ვიცი“,_ გვპასუხობს ირემაძე. 6 დაშავებულიდან 2 _ მამაკაცი და ქალი "ჯანმრთელობის სახლ გურიაში“ გადაიყვანეს. კლინიკის მთავარი ექიმი თემურ კოროშინაძე: „ჩვენთან შემოიყვანეს 2 დაშავებული პიროვნება 1 მამაკაცი და 1 ქალი. მამაკაცს ჰქონდა ყბის ძვლის მოტეხილობა და გადაგზავნილი იქნა ქუთაისში ქირურგიული ჩარევისთვის. ქალს ტვინის შერყევა და ნეკნის მოტეხილობა აღენიშნება“,_ გვითხრა კოროშინაძემ. 4 დაშავებული, მათ შორის 8 თვის ბავშვი ჩოხატაურის სამედიცინო ცენტრ "მედალფაში" შეიყვანეს. „მედალფას“ დირექტორის, ანტონ ხუნდაძის თქმით, დაშავებულების სიცოცხლეს საფრთხე არ ემუქრება. 1 პაციენტი უკვე გაწერეს და 2 დღეში დანარჩენებიც დატოვებენ კლინიკას. „4 დაშავებული შემოიყვანეს ჩვენს კლინიკაში, 1 _ უკვე გავწერეთ და 3 _ რჩება. მათ სიცოცხლეს საფრთხე არ ემუქრება. ჩვენთან დაკვირების ქვეშ არის 8 თვის ბავშვიც. სერიოზული დაზიანებები არ აღენიშნება და 2 დღეში მასაც გავწერთ“, _ ამბობს ... ...
  • ნაპირზე ტანსაცმელი იპოვეს- რიონში დასაბანად შესულ 72 წლის კაცს ეძებენსამტრედიის შესასვლელში, აღმაშენებლის ქუჩის მიმდებარედ, მდინარე რიონის ნაპირზე 72 წლის როლანდ თვალაბეიშვილის ტანსაცმელი იპოვეს. მისი შვილის, ჯონი თვალაბეიშვილის განცხადებით, მამა გუშინ, დაახლოებით 16:00 საათზე გავიდა სახლიდან მდინარე რიონზე, დასაბანად. დღეს დილიდან უკვე მიმდინარეობს მდ. რიონზე საძიებო ღონისძიებები. ადგილზეა სამტრედიის და ქუთაისის როგორც ქვეითი, ასევე სამაშველო ჯგუფები საფრენი აპარატი დრონით და განსაკუთრებულ სიტუაციებზე რეაგირების მყვინთავთა ჯგუფი, წყალზე საძიებო სკანერი "ექოლოტით" აღჭურვილი გასაბერი და მოტორიანი ნავებით. ადგილზე იმყოფება მუნიციპალიტეტის მერი ვალერი ... ...

არქივი

ტესტები

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ ყველაზე, ყველაზე...

იცი თუ არა გეოგრაფია

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...