ლომბარდისგან დაზარალებული მოქალაქეები მესამე წელია სამართალს ეძებენ _ „მაგათ დიდი პატრონი ჰყავს“

სამართალი

ლომბარდისგან დაზარალებული მოქალაქეები მესამე წელია სამართალს ეძებენ _ „მაგათ დიდი პატრონი ჰყავს“

2019 მარ 14 15:47:20

ჩოხატაურში, წერეთლის ქუჩაზე მდებარე უკვე ყოფილი ლომბარდის მეპატრონე ნესტან ზაქრაძეს და ლომბარდის მოლარე-ოპერატორ ქეთევან ყაჭეიშვილს მოქალაქეები თაღლითობაში ადანაშაულებენ.

ადგილობრივები რამდენიმე წელია კუთვნილი ნივთების დაბრუნებას ითხოვენ, ჯერ კიდევ 2016 წელს, "გურია ნიუსში" შემოტანილ განცხადებებში აღნიშნულია, რომ მოქალაქეები, თანხის გადახდის მიუხედავად, კუთვნილ ნივთებს თვეებია უკან ვერ იბრუნებდნენ.

_ აღარ ვიცით ვის მივმართოთ. რამდენიმე თვეა გადახდილი გვაქვს დალომბარდებული ოქროს საფასური, თუმცა ოქროს არ გვიბრუნებენ. მათ "დღეს და ხვალე" არ დაუმთავრდათ. ახლა, როცა მივდივართ, გვეუბნებიან, რომ ნუ ვისაუბრებთ ხმამაღლა, რომ პასუხი არავის არ უნდა მოვთხოვოთ, რომ როცა იქნება დაგვიბრუნდება და .. მარტივად რომ ვთქვათ, დაგვცინიან! ვის არ მივმართეთ _ პოლიციას, გამგებელს, მაგრამ უშედეგოდ. თქვენი დახმარების იმედი გვაქვს მხოლოდ, _ აღნიშნულია 22 მოქალაქის მიერ ხელმოწერილ წერილში, რომელიც "გურია ნიუსს" 2016 წლის 8 ივლისს გამოუგზავნეს.

მსგავსი შინაარსის წერილი "გურია ნიუსში"  2016 წლის 11 ივლისსაც შემოვიდა, რომელსაც ხელს 14 ადამიანი აწერს:

_ ლომბარდის წარმომადგენელი ქეთევან ყაჭეიშვილი ყოველდღე სხვადასხვაგვარ ტყუილს გვეუბნება: თქვენი ნივთები გზაშია, მოდით, წაიღეთ _ ასეთი შეტყობინება სამჯერ გამომიგზავნა; მივედი და არ დამხვდა. ამ სიცხეში ყოველდღე ლომბარდში გვატარებს. აღარ ვიცით ვის მივმართოთ. დაგვეხმარეთ, სანამ რამე ცუდი მოხდება, _ აღნიშნულია წერილში.

ორმა მოქალაქემ "გურია ნიუსში" დაუმოწმებელი ხელწერილიც მოიტანა, რომელშიც აღნიშნულია, რომ "ქეთი ყაჭეიშვილი პასუხისმგებელია ნივთებზე". ამავე ხელწერილით ირკვევა, რომ ნივთები 5 ივნისს უნდა დაბრუნებულიყო, თუმცა, იმ ადამიანებს, ვისაც ყაჭეიშვილმა ხელწერილი მისცა, ოქრო დღემდე არ მიუღიათ.

დაზარალებულთა ნაწილი კი ამბობს, რომ ყაჭეიშვილმა ოქროს თანხა უკან დაუბრუნა და ლომბარდის სათაო ოფისში _ ქუთაისში, ლომბარდის მფლობელთან გაუშვა.

მოქალაქეების თქმით, ქუთაისში ჩასულებს თანხა ლომბარდში ისევ შეატანინეს, თუმცა ოქრო მაინც არ დაუბრუნეს და როგორც გვითხრეს, მას შემდეგ, ლომბარდის მეპატრონე _ ნესტან ზაქრაძე ტელეფონსაც არ პასუხობს.

ზოგიერთმა მათგანმა ისიც გაარკვია, რომ მათი კუთვნილი ნივთები გაცილებით მაღალ ფასშია დალომბარდებული, მაგრამ ვის მიერ, ამის დადგენა ვერ შეძლეს.

აღსანიშნავია, რომ დაზარალებულმა მოქალაქეებმა საკუთარი უფლებების დასაცავად პოლიციასაც მიმართეს, სადაც გამოძიებაც დაიწყო, თუმცა, უკვე მესამე წელია საქმეზე შედეგი არ დამდგარა.

სამართლის ძიებაში განვლილი უშედეგო წლების შემდეგ, დაზარალებულების ნაწილმა სასამართლოს კერძო საჩივრით მიმართა.

სასამართლო პროცესი ოზურგეთის რაიონულ სასამართლოში დღეს ჩატარდა.

მოსარჩელეების ნაწილი ნესტან ზაქრაძეს უჩივის, ნაწილი _ ქეთევან ყაჭეიშვილს.

“არანაირი ნივთები არ აუღია და არც თანხა აუთვისებია ქეთევან ყაჭეიშვილს. მე, როგორც მისი წარმომადგენელი, ვაცხადებ, რომ მას არანაირად არ ევალებოდა ნივთების დაბრუნება.  ნივთების დაბრუნება ევალებოდა ლომბარდის მეპატრონეს. ქეთევანი იყო მოლარე-ოპერატორი, რომელიც თავის მოვალეობას ასრულებდა ლომბარდის შინაგანაწესიდან გამომდინარე. ქეთევან ყაჭეიშვილი თანხას უგზავნიდა ლომბარდის მეპატრონეს და აქედან გამომდინარე, როდესაც კლიენტი თანხას სრულად დაფარავდა, ზაქრაძე იყო ვალდებული, ყველა კლიენტისთვის დაებრუნებინა ნივთები.  მას ნივთებზე შეხება არ ჰქონდა და ვერც ექნებოდა, რადგან ოქრო ინახება სპეციალურ საცავში, აქედან გამომდინარე, ქეთევანს სურვილიც რომ ჰქონოდა, ვერ დაუბრუნებდა კლიენტებს ნივთებს“, _ აღნიშნა ჩვენთან საუბრისას ქეთევან ყაჭეიშვილის ადვოკატმა ეკა ლატარიამ.

ლატარიას ამ პოზიციას არ ეთანხმებიან დაზარალებულები. მათი თქმით, არსებობს ბევრი მტკიცებულება, რომ თანხა უშუალოდ ქეთევან ყაჭეიშვილს მისცეს:

_ თვეების განმავლობაში ამბობდა ყაჭეიშვილი, რომ ნივთებს დააბრუნებდა, თუმცა უშედეგოდ. ჩვენ ნესტან ზაქრაძესთანაც დავაპირისპირეთ და სწორედ მაშინ გაირკვა, რომ მეპატრონისთვის ჩვენ მიერ გადახდილი თანხები არ იყო მიცემული. ასეთი ფაქტი ძალიან ბევრია. თვეების, წლების მანძილზე ითხოვდა ყაჭეიშვილი რომ გვედროვებინა და რომ პრობლემას მოაგვარებდა. ახლა ამბობს მე რა შუაში ვარო. თუ თავად არაფერ შუაში იყო, თავიდანვე ეთქვა, _ აღნიშნავენ დაზარალებულები ჩვენთან საუბრისას.

მათივე ინფორმაციით, ყაჭეიშვილმა, რამდენიმე ადამიანს გადახდილი თანხა დაუბრუნა:

_ იმათ, ვინც სახლში მიუვარდა თანხა დაუბრუნა. ნაწილს ოქროც კი მისცა. თუ თავად არაფერ შუაში იყო, ამას რატომ აკეთებდა? ათობით მოწმე არსებობს რომ ასე მოხდა და ახლა არ არის დამნაშავე და ახლა არ ჰქონდა ვალდებულებები?  _ ამბობენ დაზარალებულები.

მათი ნაწილის თქმით, ყაჭეიშვილის დაწყებული აფიორა წარმატებით გააგრძელა ნესტან ზარაძემ:

_ ნესტან ზაქრაძეც არის ამ ყველაფერში გარეული.  არ გამოვრიცხავთ, რომ შეთანხმებულად მოქმედებდნენ. 80 000 ლარის დავალიანება თუ ჰქონდა ერთ ლომბარდს მეპატრონე არ უნდა დაინტერესებულიყო? სამი წელია სამართალს ვითხოვთ, თუმცა უშედეგოდ. ჩვენ უბრალო ხალხი ვართ და როგორც ჩანს, მაგათ დიდი პატრონი ჰყავს. სხვა დასკვნა ვერ გამოგვაქვს, _ ამბობს დაზარალებული მოქალაქეების ნაწილი.

ნესტან ზაქრაძე, რომელსაც, სასამართლოს გარდა, შინაგან საქმეთა სამინისტროშიც უწევს ჩვენებების მიცემა, ამბობს, რომ ქეთევან ყაჭეიშვილი ლომბარდის კლიენტების თანხას ითვისებდა: "კლიენტების მოტანილი თანხები პროგრამაში არ იყო ასახული. მის მიერ მითვისებულია 36 000 დოლარის ნივთები. ახლა დარჩენილი მაქვს 2000 დოლარის ნივთი გასაცემი, დანარჩენი ჩემი ხარჯებით დავფარე. არსებობს უამრავი ფაქტი, რომ ამ საქმეში ქეთი ყაჭეიშვილი ჩადიოდა უკანონობას. ძალიან დიდი თანხები დავხარჯე ექსპერტიზაში, რადგან სიმართლე დამედგინა. სამხარაულის ექსპერტიზამ დაადგინა _ ყველა დოკუმენტზე ყოფილი მოლარე-ოპერატორის ქეთევან ყაჭეიშვილის ხელმოწერაა. ეს დასკვნა დევს სამოქალაქო საქმეში, რომლის განხილვა ახლა მიმდინარეობს ოზურგეთის რაიონულ სასამართლოში. ასევე, გურიის პოლიციის სამმართველოში მიმდინარეობს გამოძიება ერთ ჩემს განცხადებაზე და ველოდები გამოძიების დასრულებას.

აქვე მინდა ვთქვა, რომ ქეთევან ყაჭეიშვილმა ვალის გარკვეული ნაწილი გადაიხადა. ყველანაირად ვცდილობ, სიმართლე გაირკვეს და ყველაფერს თავისი სახელი დაერქვას. სტრასბურგამდე რომ დამჭირდეს ჩასვლა, ჩავალ აუცილებლად. სიმართლე ნამდვილად იზეიმებს, მე ამის იმედი მაქვს", _ გვითხრა ნესტან ზაქრაძემ.

როგორც უკვე აღვნიშნეთ, დაზარალებულების ნაწილმა სამართლის საპოვნელად სასამართლოს მიმართა. შინაგან საქმეთა სამინისტროს პრესსამსახურის ინფორმაციით, ამ საქმეზე 80 ადამიანია დაკითხული: "დაზარალებული მოქალაქეების შეტყობინების საფუძველზე გამოძიება მიმდინარეობს სისხლის სამართლის კოდექსის 180 მუხლით,
რაც გულისხმობს თაღლითობას და 2-იდან 4-წლამდე ვადის თავისუფლების აღკვეთას ითვალისწინებს. გამოძიების ფარგლებში 80 ადამიანი გამოიკითხა. ასევე, გამოძიების დროს დაზარალებულების ნაწილს ლომბარდიდან დაუბრუნდა ნივთები. გამოძიება ამ ფაქტთან დაკავშირებით გრძელდება", _ გვითხრეს პრესსამსახურში.
"გურია ნიუსი" ამ თემაზე მუშაობას აგრძელებს.




 ახალი ამბები
  • დვაბზუს ადმინისტრაციული შენობის დაზიანების ფაქტზე 1 პირი დააკავესშინაგან საქმეთა სამინისტროს გურიის პოლიციის დეპარტამენტის ოზურგეთის რაიონული სამმართველოს თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო მოქმედებების შედეგად, 1982 წელს დაბადებული ჯ.წ. ნივთის დაზიანების ან განადგურების ფაქტზე ამხილეს. დანაშაული 1-დან 3 წლამდე ვადით თავისუფლების აღკვეთას ითვალისწინებს. გამოძიებამ დაადგინა, რომ არაფხიზელ მდგომარეობაში მყოფმა ბრალდებულმა მიმდინარე წლის 17 მაისს, შურისძიების მიზნით, ოზურგეთის მუნიციპალიტეტის სოფელ დვაბზუს ადმინისტრაციული შენობის მინები ჩაამსხვრია, რის შემდეგაც ამავე შენობაში არსებული ინვენტარი _ ტელევიზორი, მოდემი, ვენტილატორი, ტელეფონი და კომპიუტერის პრინტერი დააზიანა. გამოძიება საქართველოს სსკ-ს 187-ე მუხლის 1-ლი ნაწილით მიმდინარეობს, სხვისი ნივთის დაზიანების ან განადგურების ფაქტზე, რამაც მნიშვნელოვანი ზიანი ... ...
  • გიორგი მიქაუტაძე უვადო მოსამართლედ განამწესეს იუსტიციის საბჭოს მდივანი გიორგი მიქაუტაძე თბილისის საქალაქო სასამართლოს ადმინისტრაციულ საქმეთა პალატაში მოსამართლედ უვადოდ გაამწესეს. მიქაუტაძის კანდიდატურას საბჭოს 11-მა წევრმა ერთხმად დაუჭირა მხარი. მიქაუტაძესთან ერთად საქალაქოს ადმინისტრაციულ კოლეგიაში ნიკოლოზ მარსაგიშვილი გაამწესეს. საქალაქო სასამართლოს ადმინისტრაციულ საქმეთა პალატაში 2 ვაკანსიაზე 28 კანდიდატი ... ...
  • WHO : მნიშვნელოვანია ყურადღების გამახვილება ურბანულ განვითარებაზეჯანდაცვის მსოფლიო  ორგანიზაციის ინფორმაციით, მსოფლიო მოსახლეობის ნახევარი ქალაქებში ცხოვრობს, 2050 წლისთვის კი, მოსახლეობის რაოდენობის ზრდის შედეგად, ქალაქებში კიდევ 2.5 მილიარდი ადამიანი იცხოვრებს. აღნიშნული ტენდენცია კი  ნიშნავს, რომ მნიშვნელოვანია ყურადღების გამახვილება ურბანულ განვითარებაზე, რომ ხელი შეეწყოს ჯანსაღ ცხოვრებას ქალაქში. როგორც ჯანდაცვის მსოფლიო ორგანიზაციაში ამბობენ, ხალხი ქალაქში საცხოვრებლად ცხოვრების გასაუმჯობესებლად გადადის. თუმცა, ურბანული ცხოვრება  საზოგადოების ჯანმრთელობის სფეროში ბევრ გამოწვევას ქმნის. მაგალითად, არის  ქალაქები, რომლებსაც არ აქვთ სუფთა წყლის, სანიტარიისა და ნარჩენების მართვისთვის ეფექტური სისტემები, სადაც შეგხვდებათ ისეთი დაავადებები, როგორიცაა ქოლერა და დიარეა. ქალაქები ასევე დგანან დაბინძურებული ჰაერის, არაჯანსაღი კვების და არასაკმარისი ფიზიკური აქტივობის წინაშე. გარდა ამისა, საგზაო უსაფრთხოება და ძალადობა არის მუდმივი შეშფოთების საკითხი, ისევე როგორც ფსიქიკური ჯანმრთელობა. ჯანმრთელობაზე გავლენას ახდენს მრავალი ფაქტორი, რომელიც ცდება ჯანდაცვის მომსახურების ხელმისაწვდომობას. ეს მოიცავს ინფრასტრუქტურულ საკითხებს, ასევე დასაქმების, განათლებისა და საკვებ პროდუქტზე ხელმისაწვდომობას. ჯანდაცვის მსოფლიო ორგანიზაციის განცხადებით,  უნდა შეიქმნას ქალაქები, რომლებიც მათი დიზაინით, პოლიტიკით და პროგრამებით ჯანმრთელობას ხელს შეუწყობენ.       ... ...
  • ევაკუაცია ყავლაშვილის ქუჩაზე_ ჩამონგრეულია სახლის ნაწილითბილისში, შოთა ყავლაშვილის ქუჩაზე 2-სართულიანი საცხოვრებელი სახლის ნაწილი ჩამოინგრა. როგორც საგანგებო სიტუაციების მართვის სამსახურში აცხადებენ, შემთხვევის შედეგად არავინ დაშავებულა. ადგილზე მისვლისთანავე მეხანძრე-მაშველებმა უსაფრთხოების მიზნით, ამავე შენობასა და მის მიმდებარედ მცხოვრები მოსახლეობის ევაკუაცია განახორციელეს. ადგილზე მიღებულია უსაფრთხოების ზომები.       ... ...
  • ჭიათურაში არსებული სიტუაცია არის მძიმე და მე ვიზიარებ ჩვენი მაღაროელების მოთხოვნას _ ბახტაძეჭიათურაში არსებული სიტუაცია არის მძიმე და მე ვიზიარებ ჩვენი მაღაროელების სამართლიან და ობიექტურ მოთხოვნას ისეთ საკითხებში, როგორიც არის შრომის უფლებები, უსაფრთხოება, სამედიცინო მომსახურება ადგილზე, კვება, - განაცხადა საქართველოს პრემიერ-მინისტრმა.პრემიერ-მინისტრმა მოუწოდა ორივე მხარეს, მისაღებ შედეგებზე დროულად ჩამოყალიბდნენ.„მე ვიცი, რომ ამავე დროს, კომპანიამ მიიღო გადაწყვეტილება, მათ გააკეთეს შეთავაზება და მინდა ორივე მხარეს ვთხოვო, რომ რაც შეიძლება მეტი ინტენსიური დიალოგის შედეგად დროულად ჩამოვყალიბდეთ მისაღებ შედეგებზე. ეს არის სისტემური მნიშვნელობის მქონე საწარმო ჩვენი ეროვნული ეკონომიკისთვის და მისი სრულფასოვანი ფუნქციონირება არის ძალიან მნიშვნელოვანი“, _ განაცხადა მამუკა ... ...

არქივი

ზაფრანი

მიირთვით ბევრი ვაშლი, კივი და ფორთოხალი

მწვანე ჩაი არა მხოლოდ აუმჯობესებს...

ბრიტანელმა სწავლულებმა სინათლის სხივების შენელება ისწავლეს

ბრიტანელმა სწავლულებმა კიდევ ერთი ნაბიჯით...

შაოლინის მონასტრის დიეტა

დიეტით მხოლოდ ლამაზი ქალბატონები როდის...

როგორ ვებრძოლოთ სლოკინს

სლოკინთან დაკავშირებით შესაძლოა ბავშვობა და...

როგორ მოვიშოროთ კბილის ტკივილი

ყველაზე მარტივი რეცეპტები: მოამზადეთ "სალბის"...

გინდათ, არასდროს გასუქდეთ?

ზოგიერთი ჩვენგანი თვით ბუნებამ დაასაჩუქრა,...
კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...