მოქმედებს თუ არა ,,ქართული ოცნების“ პირობებში შერჩევითი სამართალი

gurianews.com

სამართალი

მოქმედებს თუ არა ,,ქართული ოცნების“ პირობებში შერჩევითი სამართალი

2017 ნოე 13 16:07:34

იუსტიციის უმაღლესმა საბჭომ 34 მოსამართლე უვადოდ დანიშნა. საბჭო სულ 38 მოსამართლის კანდიდატურას განიხილავდა. ოთხმა მათგანმა _ ირაკლი აბშილავამ (ზუგდიდის რაიონული სასამართლო),  ეკატერინა გაბრიჩიძემ (თბილისის საქალაქო სასამართლო),  ელისო ტუკვაძემ (თბილისის საქალაქო სასამართლო) და როინ კახიძემ (ცაგერის რაიონული სასამართლოს თავმჯდომარის მოვალეობის შემსრულებელი) საბჭოს წევრების მხარდაჭერა ვერ დაიმსახურა. კენჭისყრაში მონაწილეობა საბჭოს 4 წევრს არ მიუღია, მათ შორის საბჭოს თავმჯდომარე ნინო გვენეტაძეს, არამოსამართლე წევრს, ნაზი ჯანეზაშვილს, ვახტანგ მჭედლიშვილს და მოსამართლე ლევან თევზაძეს.

უვადოდ დანიშნულ მოსამართლეთა შორის არის სააპელაციო სასამართლოს მოსამართლე თამარ ალანია, რომელიც არასრულწლოვანი გვანცა ყუფარაძის საქმეს განიხილავდა. აღსანიშნავია, რომ თამარ ალანია სპეციალურმა სამთავრობო კომისიამ სხვა ოთხ კანდიდატთან ერთად, ადამიანის უფლებათა ევროპული სასამართლოს წევრობის კანდიდატად შეარჩია. თუმცა, საქართველოს მთავრობამ სტრასბურგს მისი კანდიდატურა არ წარუდგინა. ამას გარდა, უვადოდ განმწესებულ მოსამართლეებს შორის არის  დიმიტრი გვრიტიშვილს, რომელსაც 2012 წელს სკანდალური  გადაწყვეტილება აქვს მიღებული. სკანდალური გადაწყვეტილება მან კომპანია “მენეჯმენტ სერვისის“ მიმართ მიიღო. აღნიშნული  კომპანია მაშინ “ქართული ოცნების“ რეგიონულ ოფისებში სარემონტო სამუშაოებს ასრულებდა. გვრიტიშვილმა  მოწმეების დაკითხვის გარეშე, მაშინდელი ხელისუფლებისთვის სასარგებლო გადაწყვეტილება მიიღო და ოპოზიციური პარტია დააჯარიმა.

სასამართლო სისტემაში არსებულ მანკიერებაზე იუსტიციის საბჭოს წევრი ნაზ ჯანეზაშვილი  საუბრობს. მისი თქმით,  სასამართლო ჩაკეტილი სისტემაა და იუსტიციის უმაღლეს საბჭოში განსხავებული აზრი იდევნება. თავად კი ბულინგის მსხვერპლია.

სასამართლო სისტემა ხდება ჩაკეტილი ორგანო, რაც  ძალიან სერიოზული პრობლემაა ნებისმიერი მოქალაქისთვის. სასამართლო სისტემა არის  ხელისუფლების ერთ-ერთი შტო, ამიტომ ანგარიშვალდებული უნდა იყოს  საზოგადოების წინაშე“,  _ აცხადებს  ჯანეზაშვილი.

,,გურია ნიუსი“ დაინტერესდა  იუსტიციის უმაღლეს  საბჭოში და, ზოგადად, სასამართლო სისტემაში არსებული მდგომარეობით. საკითხებზე სასაუბროდ ,,ქართული ოცნების“ მაჟორიტარ დეპუტატს  ზაზა პაპუაშვილს, ადვოკატთა ასოციაციის პრეზიდენტს ზაზა ხატიაშვილსა და პოლიტოლოგ სოსო ცისკარიშვილს დაუკავშირდა.

_ ბატონო ზაზა (პაპუაშვილი), საზოგადოების მხრიდან ხშირად ისმის ბრალდებები, რომ სასამართლო ხელისუფლება დარჩა ისეთი  მდგომარეობაში, რა სახითაც ,,ნაციონალური მოძრაობის“ დროს არსებობდა, რას უპასუხებთ ამ ბრალდებებს?

_ სასმართლომ ფერი უკეთესობისკენ იცვალა. ვფიქრობ, რომ ნელ-ნელა გამოვდივართ  ამ  ტაბუდადებული ვითარებიდან.  სასამართლო გამოვიდა იმ მდგომარებიდან, როცა მოსამართლეები გადაწყვეტლებას სხვისი შუამდგომლობით იღებდნენ.  დღეს  შესაძლებელია ნებისმიერი დავის ღირსეულად წარმართვა.  

სასამარლომ  საზოგადოებაში უფრო მეტი  ნდობა დაიმსახურა, ვიდრე იმსახურებდა უწინ. რაც შეეხება, ჯანეზაშვილის ბრალდებეს, დეტალურად ნამდილად ვერ ვისაუბრებ, რადგან არის თემები, რომლებშიც კარგად გარკვეული არ ვარ. სასამართლო ხელისუფლებისგან მთავრობის ნებისმიერი წევრი დისტანცირებულია. არ არსებობს შემთხვევა, რომელიმეს ტელეფონი აგვეღოს და  მოსამართლეს  გავსაუბრებოდით გარკვეულ საქმესთან დაკავშირებით. ამით არ მისარგებლია და არც მომავალში ვაპირებ, ვისარგებლო.

ჩინჩალაძეებისა და მურუსიძეების სამართალს ადარებს სასამართლო ხელისუფლებას ადვოკატთა ასოციაციის პრეზიდენტი ზაზა ხატიაშვილი.

_ ბატონო ზაზა,  იუსტიციის უმაღლესმა საბჭომ 34 მოსამართლე უვადოდ განამწესა,  ოთხი მოსამართლე კი დაიწუნა, როგორია თქვენი დამოკიდებულება სასამართლო სისტემის მიმართ, აღდგა ,,ქართული ოცნების“ პირობებში დაპირებული სამართიანობა?

_ დღეს ჩვენ გვაქვს მურუსიძეების და ჩინჩალაძეების  სამართალი. ჩემი შეფასებით, ეს ხალხი იყო სააკაშვილის რეჟიმის საყრდენი. ივანიშვილმა რომ დაინახა, ერთ-ერთი დამონებული სისტემის ერთ-ერთი შემადგენელი ნაწილი ეს ხალხია, დატოვა სისტემაში. ვსამ კითხვას _ ივანიშვილს რომ ეთქვა წინასაარჩევნოდ ლევან მურუსიძეს და ჩინჩალაძეს დავტოვებ სასამართლო სისტემაშიო, ვინმე მისცემდა ხმას? რა თქმა უნდა, არა.  სისტემა ჩააბარეს  ორ საკმაოდ ცუდ ადამიანს.  34 მოსამართლეს დანიშნავენ თუ 54 -ს რა მნიშვნელობა აქვს? ეს იქნება ჩინჩალაძის და მურუსიძის მიღებული გადაწყვეტილება. როცა ვთქვი _ ხალხო, ქუჩაში გამოდით, ივანიშვილი  მურუსიძეს გაურიგდა და ნიშნავს-მეთქი,  ხალხმა ლანძღვა დამიწყო. ახლა  87-ე ადგილზე ვართ დამოუკიდებლობის ხარისხით, რაც სამარცხვინოა.  საქალაქო სასამართლოს ყოფილი  თავმჯდომარეს მამუკა ახვლედიანს განსხვავებული აზრის გამო და ყოველგვარი პროცედურების დარღვევით შეუწყვიტეს  სასამართლოს თავმჯდომარეობა.  გამოვიდა ადამიანი და დაუპირისპირდა სისტემას, რაზეც საბჭო გაუსწორდა. ფაქტია, რომ სააკაშვილის როგორ რეჟიმსაც ვებრძოდით, ის რეჟიმი დარჩა  სასამართლოში. აქედან გამომდინარე, სასამართლოსგან  რაიმე სიკეთეს არ უნდა ველოდოთ.

პოლიტოლოგი სოსო ცისკარიშვილის განცხადებით, სასამართლო დახურული სივრცეა, სადაც თითოეული გადაწყვეტილება ,,ქართული ოცნების“ სასარგებლოდ არის მიღებული.

_ ბატონო სოსო, როგორ ფიქრობთ, იმსახურებდა თუ არა 34-ვე მოსამართლე მანტი ტარებასა და უვადოდ განმწესებას?

_ ბედნიერი იქნებოდა ქვეყანა თუ 34 მოსამართლე ძალიან პატიოსანი და მაღალი კვალიფიკაციის მქონე იქნებოდა. სასამართლო არ გახლავთ თავისუფალი სივრცე. ასე იყო წინა ხელისუფლების პირობებშიც. იქ, სადაც მურუსიძე გაისეირნებს, სამართლიანობას ვერ დავინახავ. მიუღებელია საკონსტიტუციო სასამართლოზე რაიმე სახის ზეწოლა. საინტერესო იყო პოლიტიკური ვნებების ამოფრქვევა, სანამ მეოცნებენი უმრავლესობას მოიპოვებდნენ. ახლა, რასაკვირველია, კენჭისყრა კარგად იციან და გამიკვირდება თუ  რაიმე ისეთი საქმე იქნება მიღებული საკონსტიტუციო სასამართლოს მიერ, რომელიც გულზე არ მოეფინება მეოცნებეებს.  დღევანდელი რეალობა გვაჩვენებს, რომ მივიღეთ ის, რაც არსებობდა წინა ხელისუფლების პირობებში.

შეგახსენებთ, რომ იუსტიციის უმაღლესი საბჭოს უზენაესი სასამართლოს თავმჯდომარემ საბჭოს სხდომაზე განაცხადა, რომ ის ძალადობის მსხვერპლია.  როგორც ნინო გვენეტაძემ აღნიშნა, იუსტიციის საბჭოს წევრები ცდილობენ, გააგრძელონ „ხელების გადაგრეხვის“ პოლიტიკა და საბჭოს თავმჯდომარეს მიაღებინონ მისი ნების საწინააღმდეგო გადაწყვეტილება. იუსტიციის უმაღლესი საბჭოს თავმჯდომარემ გაურკვეველი მიზეზების გამო იუსტიციის უმაღლესი საბჭოს გადაწყვეტილებას 34 მოსამართლის უვადოდ დანიშვნასთან  დაკავშირებით ხელი დაგვიანებით, ორი კვირის შემდეგ მოაწერა.




 ახალი ამბები
  • სალომე ზურაბიშვილი: მე არა ვარ თერგდალეული, მე სენადალეული ვარ (R)მე არ ვარ თერგდალეული, მე ვარ სენადალეული და თურმე ეს არის ამ ქვეყანაში დანაშაული,-ასე მიმართა ყაზბეგელებს პრეზიდენტობის კანდიდატმა სალომე ზურაბიშვილმა ყაზბეგში ამომრჩეველთან შეხვედრისას. პრეზიდენტობის კანდიდატმა ამომრჩევლებთან შეხვედრისას ემიგრანტების დაბრუნებაზე გაამახვილა ყურადღება და აღნიშნა, რომ ამ ქვეყანაში დაბრუნება შესაძლებელია. _ მე არ ვარ თერგდალეული,მე ვარ სენადალეული და თურმე ეს არის ამ ქვეყანაში დანაშაული ვიღაცეებისთვის, ყველასთვის არა. ძალიან ბევრია წასული ჩემსავით, თუნდაც აქედან ყაზბეგიდან და სხვადასხვა ქვეყნებში არიან დღეს გადასულნი საცხოვრებლად, სამუშაოდ თუ სტუდენტებად და ჩვენი ქვეყნის მომავალი დიდ წილად დამოკიდებული არის იმაზე თუ იმათ როგორ დავუბრუნდებით. როდის დავაბრუნებთ,როგორ დავაბრუნებთ,რამდენად ღირსეულად დავაბრუნებთ და ამ კუთხით მე ერთგვარი სიმბოლო ვარ ამ დაბრუნების რომ შეიძლება ამ ქვეყანაში დაბრუნება. თუნდაც დღეს როცა ჯერ არ არის ფეხზე ისე დამდგარი როგორც ყველა ვისურვებდით, მაგრამ არის ის რასაც ჩემები ისურვებდნენ თავიანთ დროს. დამოუკიდებელი არის, თავისუფალი არის და აქვს ყველა საშუალება, რომ თვითონ განვითარდეს ბოლომდე. ჯერ არ ვართ მიღწეული იმ დონეზე რაც ყველას გვინდა. ჩვენ დავინახოთ საქართველო იმავე დონეზე როგორც არიან სხვა ევროპის ქვეყნები, ესეც მოვა მაგრამ ეს არის დიდ წილად ჩვენზე დამოკიდებული, ყველა ჩვენგანზე და შეიძლება ცოტა მეტი მომავალ პრეზიდენტზე, რათა მას ექნება მეტი პასუხისმგებლობა ამ კუთხით,- განაცხადა სალომე ... ...
  • მერაბ ჭანუყვაძე: სალომე ზურაბიშვილი სამშობლოს სიყვარულით დაბრუნდა და იბრძვის უკეთესი ხვალინდელი დღისთვის (R)პრეზიდენტობის დამოუკიდებელი კანდიდატის, სალომე ზურაბიშვილის წინასაარჩევნო კამპანიის ფარგლებში, ოზურგეთის მოსახლეობასთან შეხვედრები აქტიურ რეჟიმში მიმდინარეობს. უმრავლესობის ლიდერი, ოზურგეთის მაჟორიტარი დეპუტატი არჩილ თალაკვაძე, პარტია „ქართული ოცნება - დემოკრატიული საქართველოს“ ოზურგეთის საოლქო ორგანიზაციის თავმჯდომარე მერაბ ჭანუყვაძე და ორგანიზაციის წევრები, სოფელ ცხემლისხიდის და სოფელ დვაბზუს მოსახლეობას შეხვდნენ.  „სალომე ზურაბიშვილი არის ღირსეული კანდიდატი, რომელიც პირნათლად შეასრულებს პრეზიდენტისთვის კონსტიტუციით დაკისრებულ ფუნქცია-მოვალეობებს. ის თვითონ არის ნამდვილი ევროპელი საქართველოდან, ვინც სამშობლოს სიყვარულით დაბრუნდა და იბრძვის უკეთესი ხვალინდელი დღისთვის”, _ აღნიშნა შეხვედრაზე მერაბ ... ...
  • თამრიკო ჭოხონელიძე: "თურმე ქვეყანაში ისეთი რამე ხდება, რომელიც დაუჯერებელია, არ გინდა დაიჯერო""თურმე ქვეყანაში ისეთი რამე ხდება, რომელიც დაუჯერებელია, არ გინდა დაიჯერო“-ასე ეხმაურება თამრიკო ჭოხონელიძე ბოლო დროს ქვეყანაში განვითარებულ მოვლენებს. მათ შორის ის ასახელებს როგორც სკანდალურ ჩანაწერებს, ასევე დავით სარალიძისა  და თემირლან მაჩალიკაშვილის საქმეებს. მომღერალმა პარალელი გაავლო 2012 წელთან და აღნიშნა, რომ  მაშინ ის იყო ერთ-ერთი პირველი, ვინც გარეთ გამოვიდა და ახლაც ის არის აღშფოთებული იმ მოვლენებით, რაც ქვეყანაში ხდება. „ფაქტი სახეზეა, რომ აღშფოთებლი ვარ, შეშინებული ვარ ძალიან როგორც ქალი. ამას ნამდვილად არ ველოდი. როდესაც თავის დროზე ციხის კადრები აჩვენებს მე პირველი გავედი. აღშფოთებას ვერ ვმალავდი და მოვუწოდებდი დედებს, რომ მოდით აქ და ვისაც შვილები გყავთ ნახეთ რა ხდება  და ა.შ. მერე ზოგი ამბობდა, რომ დადგმულია ...“-განაცხადა თამარ ჭოხონელიძემ და აღნიშნა რომ მაშინ წასასვლელები უნდა წასულიყვნენ და წავიდნენ კიდეც. მომღერალი აცხადებს, რომ პროკურატურას არ ენდობა. თამრიკო ჭოხონელიძისგანცხადებით  ობიექტური ჭეშმარიტების დადგენა ვერ მოხდება მხოლოდ ერთი მიზეზით - ისინი საკუთარ თავებს არ დაისჯიან. „ირაკლი კობახიძემ თქვა, რომ ამ საქმეს აუცილებლად გაეცემა პასუხი. ძალიან კარგი, გასცენ პასუხი. მე იმ საზოგადოების წევრი ვარ, რომელიც ველოდები მათგან პასუხს. თუმცა  მე ვთვლი, რომ ის გამოძიება, რომელიც უნდა ჩატარდეს, მათ არ უნდა ჩაატარონ იმიტომ რომ ეს არ იქნება ნამდვილად ობიექტური, იმიტომ რომ საკუთარ თავს თუ დასასჯელები არიან არ დასჯიან,“-განაცხადა თამრიკო ჭოხონელიძემ და აღნიშნა, რომ იმ ქვეყანაში სადაც ფონდ „იავნანას“ საქმეს იძიებენ, შეუძლებელია სხვა საქმეებზე ჭეშმარიტება დაადგინოს. ... ...
  • არჩილ თალაკვაძე: სალომე ზურაბიშვილის არჩევით საქართველო უფრო მეტად უახლოვდება ევროპას (R)პრეზიდენტობის დამოუკიდებელი კანდიდატის, სალომე ზურაბიშვილის წინასაარჩევნო კამპანიის ფარგლებში, ოზურგეთის მოსახლეობასთან შეხვედრები გაიმართა. უმრავლესობის ლიდერი, ოზურგეთის მაჟორიტარი დეპუტატი არჩილ თალაკვაძე, პარტია „ქართული ოცნება - დემოკრატიული საქართველოს“ ოზურგეთის საოლქო ორგანიზაციის თავმჯდომარე მერაბ ჭანუყვაძე და ორგანიზაციის წევრები, სოფელ ცხემლისხიდის და სოფელ დვაბზუს მოსახლეობას შეხვდნენ. „სალომე ზურაბიშვილის არჩევით საქართველო უფრო მეტად უახლოვდება ევროპას, პოლიტიკა ხდება უფრო მშვიდი და პრეზიდენტი უფრო მეტად - თქვენი. მას აქვს ძლიერი პირადი ისტორია, დიპლომატიური კავშირები და პოზიტიური დღის წესრიგი,“ _ მიმართა არჩილ თალაკვაძემ მოსახლეობას. როგორც შეხვედრაზე მერაბ ჭანუყვაძემ აღნიშნა: „სალომე ზურაბიშვილი არის ღირსეული კანდიდატი, რომელიც პირნათლად შეასრულებს პრეზიდენტისთვის კონსტიტუციით დაკისრებულ ფუნქცია - მოვალეობებს. ის თვითონ არის ნამდვილი ევროპელი საქართველოდან, ვინც სამშობლოს სიყვარულით დაბრუნდა და იბრძვის უკეთესი ხვალინდელი ... ...
  • „ელემენტარული სამედიცინო დახმარება აღმომიჩინეს და სანაცვლოდ გამოდის, რომ ტყავს მაძრობენ“"საავადმყოფოში, სადაც სასწრაფო დახმარებამ გადამიყვანა, ელემენტარული სამედიცინო დახმარება აღმომიჩინეს და სანაცვლოდ გამოდის, რომ ტყავს მაძრობენ., გადასხმა გამიკეთეს და ბოლოს 104-ლარიანი ქვითარი გამომიწერეს. მაინტრესებს რაში?! თან სოციალურად დაუცველი ვარ და ყველაფერს რომ თავი დაანებო, ამას მაინც არ უნდა ჰქონდეს მნიშვნელობა?! ვისთვის როგორ, მაგრამ ეს თანხა ჩემთვის ძალიან ბევრია. როგორ უნდა ღირდეს გადასხმის გაკეთება 104 ლარი ?!“ _ ამბობს ლანჩხუთში, სოფელ შუხუთში მცხოვრები გიორგი იმნაიშვილი, რომელიც, როგორც ირკვევა, სასწრაფო დახმარების ბრიგადამ შემდგომი სამედიცინო დახმარების გაწევის მიზნით ლანჩხუთის რეფერალურ საავადმყოფოში გადაიყვანა. იმნაიშვილი „გურია ნიუსთან“ საუბრისას ამბობს, რომ იმ თანხის ოდენობა, რომლის გადახდაც მას ლანჩხუთის რეფერალურმა საავადმყოფომ დააკისრა არაადაეკვატურია სამკურნალო დაწესებულების მხრიდან გაწეული სამედიცინო მომსახურების, მითუმეტეს, რომ მისი ოჯახი სოციალურად დაუცველია. „გურია ნიუსი“ აღნიშნულ ფაქტთან დაკავშირებით ლანჩხუთის რეფერალური საავალდმყოფოს ხელმძღვანელს თინიკო გოგუაძეს დაუკავშირდა. „ეს პაციენტი ალკოჰოლური ინტოქსიკაციით შემოიყვანეს ჩვენს სამედიცინო დაწესებულებაში. სხვათა შორის,  თვის განმავლობაში რამდენჯერმე შემოდის ეს პაციენტი ჩვენთან მსგავსი ინტოქსიკაციით და აქედან გამომდინარე, იგი ალკოჰოლდამოკიდებულად ითვლება. კანონის სრული დაცვით მოხდა მისთვის გაწეული სამედიცინო დახმარების კალკულაცია, რამაც, ჯამში, 104 ლარი შეადგინა. ეს პაციენტი არ ფინანსდება საყოველთაო ჯანდაცვის პროგრამიდან, თუმცა, იქედან გამომდინარე, რომ ის სოციალურად დაუცველია,  გადასახდელი თანხის ნახევარს ადგილობრივი მერია გადაიხდის,_  გვითხრა თინიკო ... ...

არქივი

ზაფრანი

იღბლიანი რიცხვები ზოდიაქოს ნიშნის მიხედვით

რიცხვების მაგია უხსოვარი დროიდან იღებს...

ერთი ჭიქა წყლის ძილის წინ დალევა ინსულტისგან გიხსნით!

სასმელი წყლის ფასეულობას ყველა აცნობიერებს,...

შემოდგომის დიეტა

შვეიცარიელი ექიმი დემოლი გვირჩევს, რომ...

მამაკაცის ფრაზები რომელსაც ქალი წონასწორობიდან გამოჰყავს

ვზივარ მეგობრის სახლში, უცებ სამზარეულოში...

როგორ შევაყვაროთ მოზარდს წიგნის წაკითხვა

ჩვენი შვილებისთვის, საიმისოდ რომ მათი...
კარმიდამო ჩემი

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

საშემოდგომო თესვის დაწყება და ნიადაგის გაფხვიერების თავისებურება

აგვისტოს მიწურულს და სექტემბრის დასაწყისში,...

"მოგვაშორეთ ტურები"

ოზურგეთის მუნიციპალიტეტის სოფელ ლიხაურის, ჭანიეთის,...

"ჩაი გავანადგურეთ, თხილის ხარისხი კატასტროფულად დაეცა... სადაა გამოსავალი?"

მსოფლიოში მეჩაიეობის დარგში ჩამოყალიბებული დადებითი...

ჩინური კუნგ პაო

ჩინური სამზარეულოს ნამდვილი შედევრია "გუმბაო"....

როგორ წარმოიშობა "უავტორო" ხანძრები

მსოფლიომ "უავტორო" ხანძრების მთელი სერიები...

საწებელი _ მარტივად და გემრიელად

გვიან ზაფხულში და შემოდგომის დასაწყისიდანვე,...

როგორ ვებრძოლოთ ფესვის კიბოს

ფესვის ბაქტერიული კიბო ბევრი კულტურული...

გურული მეურნის მიერ დამორჩილებული ცნობილი "ლედის თითები" _ იგივე ბამია

ოზურგეთის მუნიციპალიტეტის სოფელ მაკვანეთის მკვიდრი,...

მცენარეთა რძე და რძის პროდუქტები

ჩვენს წარმოდგენაში რძე და რძის...

ვის აძლევთ ხმას საპრეზიდენტო არჩევნებზე?