ოზურგეთში მომხდარ ავტოსაგზაო შემთხვევაზე შსს "გურია ნიუსთან" პირველ კომენტარს აკეთებს

gurianews.com

სამართალი

ოზურგეთში მომხდარ ავტოსაგზაო შემთხვევაზე შსს "გურია ნიუსთან" პირველ კომენტარს აკეთებს

2018 აპრ 15 22:17:19

ავტოსაგზაო შემთხვევის შესახებ, რომელიც ცოტა ხნის წინ ოზურგეთის მუნიციპალიტეტის სოფელ ბაილეთში მოხდა,შსს-მ გურია ნიუსთან კომენტარი გააკეთა.
უწყების ცნობით, გამოძიება მიმდინარეობს სისხლის სამართლის კოდექსის 276 მუხლის მე-5 ნაწილით, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ადამიანის სიცოცხლის მოსპობა.
გზის სავალი ნაწილიდან მსუბუქი მანქანა გადავარდა და არის ერთი გარდაცვლილი. ჩანიშნულია შესაბამისი ექსპერტიზები, _ გვითხრეს პრესსამსახურში.
შეგახსენებთ, რომ ავტოსაგზაო შემთხვევა, ოზურგეთის მუნიციპალიტეტის სოფელ ბაილეთში ცოტა ხნის წინ მოხდა.  თვითმხილველთა თქმით, მანქანა, რომელშიც ოჯახის წევრები ისხდნენ, სოფლის ეკლესიასთან ხრამში გადავარდა. შემთხვევის შედეგად დაიღუპა 13 წლის გოგონა, დანარჩენი ოჯახის წევრები სხვადასხვა დაზიანებებით ოზურგეთის მედალფას კლინიკაში არიან გადაყვანილი.


ნახვა: 1307


 ახალი ამბები
  • ადვოკატ გიორგი მდინარაძის ცემისა და "ციანიდის საქმე" აშშ-ის სახელმწიფო დეპარტამენტის ანგარიშში მოხვდა ამერიკის შეერთებული შტატების სახელმწიფო დეპარტამენტის ანგარიშში, რომელიც 21 აპრილს გამოქვეყნდა, მიმოხილულია ადვოკატ გიორგი მდინარაძის ცემისა და დეკანოზ გიორგი მამალაძის საქმეები. აშშ-ის სახელმწიფო დეპარტამენტის ანგარიში ეყრდნობა საქართველოს სახალხო დამცველისა და არასამთავრობო ორგანიზაციების მიერ მიწოდებულ ინფორმაციას. ადვოკატ გიორგი მდინარაძის ცემისა და ე. წ. ციანიდის საქმეები ადამიანის უფლებათა ცენტრის წარმოებაშია. აშშ-ის სახელმწიფო დეპარტამენტის ანგარიშში ნათქვამია, რომ გიორგი მდინარაძის საქმის სასამართლო პროცესები რამდენჯერმე გადაიდო, რადგან მოწმეები, რომლებიც სამართალდამცავები იყვნენ, არ გამოცხადნენ სასამართლოში.  2017 წლის 23 ოქტომბერს თბილისის საქალაქო სასამართლომ ადვოკატ გიორგი მდინარაძის ცემის საქმეზე ბრალდებულ ლაშა კვირკვაიას სასჯელის სახედ მხოლოდ 10000-ლარიანი ჯარიმის გადახდა დააკისრა. სასამართლომ ვაკე-საბურთალოს პოლიციის მეხუთე განყოფილების ყოფილი უფროსი დამნაშავედ მხოლოდ უფლებამოსილების გადამეტებაში ცნო და გაამართლა ძალადობის განხორციელების ნაწილში. ეს გადაწყვეტილება სააპელაციო სასამართლოში გაასაჩივრა პროკურატურამაც და ბრალდებულმაც. სააპელაციო სასამართლომ უცვლელად დატოვა საქალაქო სასამართლოს მიერ გამოტანილი განაჩენი, რაც ადამიანის უფლებათა ცენტრმა გააპროტესტა და ოფიციალურ განცხადებაში აღნიშნა, რომ მსგავსი ქმედებით სასამართლო, პერსპექტივაში, საფრთხეს უქმნის პოლიციის განყოფილებაში სამსახურეობრივი მოვალეობის შესასრულებლად მისულ უფლებადამცველებს, რომლებიც შესაძლოა, გახდნენ პოლიციელთა მხრიდან ძალადობის მსხვერპლი. პოლიციელთა მხრიდან უფლებამოსილების გადამეტების ფაქტების გამოძიების მოთხოვნით, ადამიანის უფლებათა ცენტრმა FIDH -თან ერთად ერთობლივი განცხადება გაავრცელა. ორგანიზაციებმა მოუწოდეს შინაგან საქმეთა სამინისტროს, უზრუნველყოს აქამდე ჩადენილი დანაშაულების სწრაფი და ეფექტური გამოძიება და აგრეთვე, უზრუნველყოს სწრაფი და ეფექტიანი გამოძიება მომავალშიც. აშშ-ის სახელმწიფო დეპარტამენტის ანგარიშში ასახული ე.წ. „ციანიდის საქმე“ 2017 წლიდან მაღალი საზოგადოებრივი ინტერესის საგანს წარმოადგენს. საზოგადოებამ დღემდე ვერ მიიღო პასუხები ლეგიტიმურ კითხვებზე და იმ უფლებადარღვევებზე, რაც საქმეზე ბრალდებული სასულიერო პირის, დეკანოზ გიორგი მამალაძის მიმართ განხორციელდა. ანგარიშში ნათქვამია რომ სახალხო დამცველი და არასამთავრობო ორგანიზაციები საუბრობდნენ ხელისუფლების მაღალჩინოსების მხრიდან, მათ შორის პრემიერ-მინისტრის მხრიდან, ბრალდებულის უდანაშაულობის პრეზუმფციის დარღვევაზე, ასევე სასამართლო სხდომების დაუსაბუთებლად დახურვაზე და საეჭვო მტკიცებულებზე. აღნიშნული დარღვევები უფლებას ართმევდა ბრალდებულს და მის ადვოკატებს რომ სათანადოდ დაეცვათ მისი ინტერესები და - სამართლიანი სასამართლოს უფლება. ორივე ინსტანციის სასამართლოში საქმე საზოგადოებრივი კონტროლის გარეშე წარიმართა, რაც სასამართლო სხდომების დაუსაბუთებელ დახურვაში გამოიხატა. სასამართლომ არ გაიზიარა სახალხო დამცველის რეკომენდაცია და ბრალდებულის ადვოკატების მოთხოვნა, რომ სასამართლო პროცესის მიმდინარეობისას დახურულიყო მხოლოდ სხდომების ის ნაწილი, სადაც პირადი ცხოვრების ამსახველი მონაცემები ქვეყნდებოდა. გიორგი მდინარაძისა და დეკანოზ გიორგი მამალაძის საქმეების გარდა, აშშ-ის სახელმწიფო დეპარტამენტის ანგარიშში ყურადღება გამახვილდა საქართველოს ოკუპირებულ ტერიტორიებზე არსებულ ადამიანის უფლებების მძიმე მდოგომარეობასა და  საზღვრისპირა სოფლებიდან საქართველოს მოქალაქეების გახშირებულ გატაცებებზე. ანგარიში ყურადღებას ამახვილებს აფგან მუხთარლის საქმეზე, მედიის თავისუფლებაზე, პენიტენციურ დაწესებულებაში მსჯავრდებულთა უფლებრივ მდგომარეობასა და სხვა მნიშვნელოვან ... ...
  • ბათუმში ხანძრის შედეგად დაზარალებულებს მერია დაეხმარებაბათუმში, სასტუმრო ლეროგრანდთან, შავშეთის ქუჩაზე  ხანძარი  ლოკალიზებულია. შემთხვევის ადგილას ბათუმის ვიცე-მერის თენგიზ პეტრიძე მივიდა. მისი თქმით, ბათუმის მერია ხანძრის შედეგად დაზარალებულებს დაეხმარება. ამ დროისთვის ხანძრის გამომწვევი მიზეზი უცნობია. დაიწვა, დაახლოებით, 700კვმ ფართობი. მსხვერპლი არ არის. ... ...
  • ბათუმში საცხოვრებელი სახლები იწვისამ წუთებში ძლიერი ხანძარია ბათუმში. არსებული ინფორმაციით, შავშეთის ქუჩაზე ბარაკის ტიპის რამდენიმე საცხოვრებელი სახლი ... ...
  • ოზურგეთის საკრებულოს თავმჯდომარის მოადგილე: „მობილობის პროცესი გახორციელდა კანონდარღვევით“დღეს, ოზურგეთის მუნიციპალიტეტის საკრებულოს ბიურომ დღის წესრიგით გათვალისწინებული შვიდი საკითხი მოისმინა, რომელთა შორის არცერთს არ გამოუწვევია ისეთი კამათი, როგორიც მოჰყვა დღის წესრიგით გათვალისწინებული საკითხების შემდეგ, ერთ-ერთი დამატებითი საკითხის განხილვას.  იგი  შეეხებოდა  ოზურგეთის მუნიციპალიტეტის მერიის თანამდებობის პირთა და სხვა მოსამსახურეთა თანამდებობრივი სარგოების ოდენობის განსაზღვრულ საშტატო ნუსხაში ცვლილებების შესახებ მოსმენას. პროექტის, რომლის ინიციატორიც ოზურგეთის მუნიციპალიტეტის მერიაა, საკითხის სახით განხილვა დაევალა კომისიებს და ფრაქციებს. როგორც იურიდიული სამსახურის უფროსმა  ლაშა თავაძემ აღნიშნა, საჭიროა რიგ რანგებში, ასევე, რამდენიმე თანამდებობის კატეგორიის ცვლილება, რაც მოქმედ კანონს უნდა მიესადაგოს. აღნიშნული ცვლილება, თავაძის თქმით, აუცილებლად გამოიწვევს ხელფასის ცვლილებას. დეპუტატმა „ნაციონალური მოძრაობიდან“ ბესო ქათამაძემ გამოთქვა მოსაზრება, რომ უკვე ყოფილ ქალაქ ოზურგეთის მუნიციპალიტეტის მერიას, სანამ არჩევნები იქნებოდა, მანამ ჰქონდა განსაზღვრული, ვინ სად უნდა დაენიშნა. მერე კი, როცა მათთვის არასასურველი შედეგი დადგა, აღმოჩნდა, რომ რანგირება ისეთ თანამშრომლებსაც ჰქონდათ მინიჭებული, რომლებსაც ცენზი არ გააჩნდათ და დღეს ამის გამო 39 მუშაკს ხელფასი უმცირდება. ლაშა თავაძემ განმარტა, რომ მობილობის პროცესი მოქმედ კანონმდებლობასთან  შესაბამისობაში უნდა იყოს: საკრებულოს თავმჯდომარის მოადგილე გიორგი ღურჯუმელიძე კატეგორიულად არ დაეთანხმა თავაძეს და თქვა, რომ სახეზეა მობილობის პროცესის გახორციელება კანონის უგულებელყოფით. მისივე თქმით, სწორედ კანონდარღვევამ გამოიწვია ეს ყველაფერი და საჯარო სამსახურის ბიურომ  ჯერ კიდევ გასულ თვეებში მიმართა მერიას წერილობით, რომ ხარვეზი გაესწორებინა. _ თუმცა, ეს არ გაითვალისწინეთ პირველ აპრილამდე. ამიტომ სრული პასუხისმგებლობა ამ პროცესზე გეკისრებათ თქვენ, _ მიმართა  ღურჯუმელიძემ საკრებულოს ბიუროს სხდომაზე მყოფ მერიის ... ...
  • ფიზიკური დაპირისპირება მოსწავლეებსა და მოქალაქეს შორის _ ამოღებულია ცივი იარაღითბილისში 24-ე საჯარო სკოლასთან ფიზიკური დაპირისპირება მოხდა. შელაპარაკება მოქალაქესა და მოსწავლეებს შორის ფიზიკურ დაპირისპირებაში გადაიზარდა.დაპირისპირებისას ერთ-ერთმა მონაწილემ მსუბუქი დაზიანება მიიღო. არსებული ინფორმაციით, მოქალაქემ მოსწავლეებს, რომლებიც სკოლასთან იდგნენ შენიშვნა მისცა. 24-ე სკოლის დირექტორი ჟურნალისტებთან კომენტარს არ აკეთებს, თუმცა პირად საუბარში აცხადებს, რომ შემთხვევის ადგილიდან ცივი იარაღი ამოღებულია. დირექტორის ვარაუდით, მისი გამოყენება ვერ შეძლეს. ასევე გავრცელებული ინფორმაციით, 24-ე სკოლის მოსწავლეს ხელი ჰქონდა გაჭრილი, თუმცა არ იციან, დანით მიაყენეს მას ჭრილობა, თუ ჩხუბისას დაზიანდა. როგორც შს სამინისტროდან „რუსთავი2“-ს განუცხადეს, მომხდარში ცივი იარაღი არ ფიგურირებს. უწყების ცნობით, სკოლის მოსწავლეებსა და მოქალაქეს შორის დაპირისპირების შესახებ შეტყობინება 112-ში შევიდა. სამართალდამცველებმა ინციდენტის მონაწილე პირები გამოკითხვაზე გადაიყვანეს. წყარო: ... ...

არქივი

ზაფრანი

მსხლის სამკურნალო თვისებები

მსხალს ადამიანი უკვე ორი ათასი...

დაუჯერებელი სამედიცინო რეკორდები

ყველაზე მაღალი ტემპერატურა დაუფიქსირდა ამერიკელ...

სილამაზის რამდენიმე საიდუმლო

გოგონები ხშირად იყენებენ დამატენიანებელ კრემებსა...

რატომ უნდა შეწყვიტოთ ყავის სმა

რამდენს გახსოვთ დილის საუზმე ბოლოს...

კაზუარი - საშიში ფრინველი დედამიწაზე

კაზუარი - ერთადერთი სახეობაა კაზუარისებრთა...

როგორ შევაწყვეტინოთ ბავშვს ტირილი?

ბევრი ახალგაზრდა მშობელი შეშფოთებულია იმის...
კარმიდამო ჩემი

როგორ ავიმაღლოთ იმუნიტეტი

იმუნიტეტი ეს არის ორგანიზმის დამცველობითი...

ბროკოლი გულს დაავადებებისგან იცავს

ორთქლზე მომზადებული კომბოსტო ბროკოლი გულის...

ეთნოგრაფიული ნივთების კოლექციონერის მიზნები და გულისტკივილი

დღეს საქართველოში მრავალი ეთნოგრაფიული მუზეუმი...

როდის დავთესოთ და როგორ მოვუაროთ ბოსტნეულს ღია გრუნტში

მარტის ბოლოს და აპრილის დასაწყისში...

შინაური პირუტყვის პროფილაქტიკა საგაზაფხულოდ

გამოზამთრებულ შინაურ პირუტყვს, მსხვილფეხა თუ...

თხილის პირველი საგაზაფხულო წამლობის პრინციპი

ვაგრძელებთ რჩევების მიცემას იმ ადამიანებისთვის...

გრძელდება თხილის პლანტაციების შეწამვლა გულის სიდამპლის წინააღმდეგ

ოზურგეთის მუნიციპალიტეტის სოფლებში გრძელდება  თხილის...

ფლორა გულის სამსახურში

თქვენი "გულის" ჯანმრთელობის შენარჩუნებაში დაგეხმარებათ...

დავიცვათ დედაბუნება _ ვუნახავთ თუ არა ტყეს შვილებს?

ბუნებასთან ადამიანების ურთიერთობა ყოველთვის იყო,...