ვინ არის ტერორიზმთან კავშირში ბრალდებული ანატოლი ბერძენიშვილი და რა კავშირი აქვს გურიასთან

სამართალი

ვინ არის ტერორიზმთან კავშირში ბრალდებული ანატოლი ბერძენიშვილი და რა კავშირი აქვს გურიასთან

23 იან. 2018, 16:48:58

სახელმწიფო უსაფრთხოების სამსახურის კონტრტერორისტული დეპარტამენტის თანამშრომლებმა გუშინ თბილისში ანატოლი ბერძენიშვილი დააკავეს.

უწყების ცნობით, გამოძიების ამ ეტაპზე  დადგენილია, რომ ბერძენიშვილი თურქეთში ახმედ ჩატაევის და მისი დაჯგუფების წევრების დასახმარებლად ჩავიდა.

„დაკავებულმა, ზურაბ გორნაკაშვილთან და ზურაბ იდოიძესთან ერთად, ახმედ ჩატაევს და  მისი დაჯგუფების წევრებს დახმარება გაუწია თურქეთ-საქართველოს საზღვართან, კირნათი-მარადიდის  მწვანე ზოლის მონაკვეთამდე გადაადგილებაში” _ აცხადებენ უწყებაში.

მათივე ინფორმაციით, გამოძიება საქართველოს სსკ-ის 331- ე პრიმა მუხლის  მესამე ნაწილით მიმდინარეობს, რაც გულისხმობს ტერორიზმის დაფინანსებას, ტერორისტული საქმიანობის სხვაგვარ მატერიალურ მხარდაჭერას ან რესურსებით უზრუნველყოფას, რამაც მძიმე შედეგი გამოიწვია.

დანაშაული, რომელიც სასჯელის ზომად  17 დან 20 წლამდე  ვადით ან უვადო თავისუფლების აღკვეთას ითვალისწინებს, ანატოლი ბერძენიშვილს არ უღიარებია.

მისი ადვოკატი ელდარ გვალია ჩვენთან საუბრისას ამბობს, რომ ბერძენიშვილი დუმილის უფლებას იყენებს.

დაკავებულის უფლებადამცველის თქმით, მისთვის საქმის მასალები უცნობია და შესაბამისად, გამოძიების მტკიცებულებებზე ვერ ისაუბრებს.

აღნიშნავს იმას, რომ ბერძენიშვილმა მხოლოდ თემურ მაჩალიკაშვილთან ნაცნობობა დაუდასტურა:

იცნობდა, თუმცა, ახლოს არა,“ _ გვითხრა გვალიამ.

ადვოკატი ამბობს, რომ ბერძენიშვილს იმდენი თანხა არ აქვს, რომ ტერორიზმი დააფინანსოს:

_ გამორიცხულია. მე როგორც ვიცი, ის საქართველოში ეკლესიებს აშენებდა და მხოლოდ ეს შემოსავალი ჰქონდა. მას არ ჰქონდა იმდენი ფული, სხვა დაეფინანსებინა, _ აღნიშნავს „გურია ნიუსთან“ საუბრისას ელდარ გვალია.

როგორც „გურია ნიუსმა“ გაარკვია, ანატოლი ბერძენიშვილი წარმოშობით გურიიდანაა. უფრო კონკრეტულად კი, ჩოხატაურიდან _ მას აქ ნათესავები ჰყავს და მათი ინფორმაციით, ანატოლი მორწმუნე ადამიანი იყო:

_ ჩვენთვის მოულოდნელი იყო ამ ამბის გაგება და სიმართლე გითხრათ, არც გვჯერა. წლებია, ის ჩოხატაურში არ ჩამოსულა. მასთან კონტაქტი ძირითადად სოციალური ქსელით გვქონდა, თუმცა, ბოლო დროს აქტიური კავშირი არ გვქონია, _ გვითხრა მისმა ერთ-ერთმა ნათესავმა, რომელსაც ვინაობის გამხელა არ სურს.

ის, რომ ბერძენიშვილს ჩოხატაურთან კავშირები აქვს, ადვოკატმაც დაგვიდასტურა:

_ როგორც ანატოლიმ მითხრა, წარმოშობით ჩოხატაურიდანაა. დედა ჰყავს პოლონელი, _ ამბობს ადვოკატი.

_ ბატონო ელდარ, ჩვენ გვითხრეს, რომ ანატოლი ჩოხატაურში 2010 წელს იმყოფებოდა და ის ასევე იცნობს ტერორისტთა სიაში მყოფ ჩოხატაურელს _ სოფელ ზოტის მკვიდრს თამაზ ჭაღალიძეს. ამის შესახებ თუ გაქვთ ინფორმაცია _ გამოძიებას ხომ არ უთქვამს რამე?

_ მსგავსი არაფერი მსმენია და ვინც ეგ გითხრათ, იმას ჰკითხეთ. მე ვიცი, რომ ის საქართველოში ტაძრებს აშენებდა.

_ ფოტოებში, რომლებიც ჩვენ მოვიპოვეთ, ჩანს, რომ ის ტაძრების მოსალოცად სხვა ქვეყნებშიც დადიოდა...

_ მე არ ვიცი, რას აკეთებდა 2010 წელს. მე ვიცი, რომ ბოლო წლებში საქართველოში აშენებდა ეკლესიებს.

_ ჩვენს მიერ მოპოვებული ინფორმაციით, მას კომპანიაც ჰქონდა და ბიზნესით იყო დაკავებული.

_ ამის შესახებ არაფერი მსმენია, _ გვითხრა ადვოკატმა.

ანატოლი ბერძენიშვილის ერთ-ერთი მეგობარი, რომელსაც ამ ეტაპზე მისი ვინაობის გახმაურება არ სურს, „გურია ნიუსთან“ საუბრისას ამბობს, რომ ბერძენიშვილის მიმართ წაყენებული ბრალი დაუჯერებელია:

_ შეუძლებელია ამის დაჯერება _ წარმოუდგენელია ასეთი ბრალდება. ჩვენ დიდი ხნის განმავლობაში ვმუშაობდით ერთად. მისი ყველაზე დიდი საქმიანობა ეკლესიის მშენებლობა და რწმენა იყო, _ გვითხრა ანატოლი ბერძენიშვილის მეგობარმა.

ანატოლი ბერძენიშვილს ელდარ გვალიას გარდა ადვოკატი მაია სირაძეც იცავს. "პირველი რადიოსთვის" მიცემულ ინტერვიუში სირაძე ამბობს, რომ  ბერძენიშვილი საკუთარი საქმიანობიდან გამომდინარე ხშირად დადიოდა თურქეთში:

"თურქეთში დადიოდა თავის საქმიანობიდან გამომდინარე. აშენებდა ეკლესიებს და ხშირი შეხება ჰქონდა თურქეთთან, მასალებთან დაკავშირებით. ხიზირ მარგოშვილთან ადასტურებს კავშირს. მეგობარი იყო და ბიზნესთან დაკავშირებით ურთიერთობა ჰქონდა ხშირი. ამ შემთხვევაში ტაძრების აშენებასთან არა, სხვა ბიზნესი ჰქონდათ," _ აცხადებს ადვოკატი მაია სირაძე.

კონკრეტული დეტალების გადამოწმება ჩვენ ანატოლი ბერძენიშვილის მეგობართან ვცადეთ. როგორც მან გვითხრა, მისთვის უცნობია, ეწეოდა თუ არა ბიზნესსაქმიანობას დაკავებული და ამის გამო უწევდა თუ არა თურქეთში ხშირად სიარული.

„გურია ნიუსმა“ ოფიციალური დოკუმენტებით გაარკვია, რომ 42 წლის ანატოლი ბერძენიშვილი რამდენიმე წლის მანძილზე ინდივიდუალური მეწარმე იყო. ბიზნესრეესტრის მონაცემებით, ის 2005 წლის 28 დეკემბერს დარეგისტრირდა, ხოლო 2014 წლის 23 დეკემბერს რეგისტრაცია გააუქმა.

რეესტრის თანახმად, ანატოლი ბერძენიშვილმა 2013 წლის 22 ოქტომბერს შეზღუდული პასუხისმგებლობის საზოგადოება შპს „გიორგი ლიზი“ დააფუძნა, რომლის 100%-იანი წილის მფლობელიც და დირექტორიც თავადაა.

ამ კომპანიაზე სხვა ინფორმაცია არ იძებნება და მისი საქმიანობის სტატუსიც უცნობია.

 




 ახალი ამბები
  • პენიტენციური სამსახურის ესკორტის ოფიცრებმა დავით ჭაკუას გადმოყვანა განახორციელესსპეციალური პენიტენციური სამსახურის ესკორტის ოფიცრებმა გერმანიის ფედერაციული რესპუბლიკიდან საქართველოს სამართალდამცავი ორგანოების მიერ ძებნილ დავით ჭაკუას (სასჯელაღსრულების დეპარტამენტის ყოფილი უფროსი) გადმოყვანა განახორციელეს. დავით ჭაკუას 2013 წლის 8 იანვრის დადგენილებით დაუსწრებლად წარედგინა ბრალი საქართველოს სისხლის სამართლის კოდექსის: 332-ე მუხლის მე-3 ნაწილის „ბ“ და „გ“ ქვეპუნქტებით (სამსახურებრივი უფლებამოსილების ბოროტად გამოყენება, ჩადენილი ძალადობით და დაზარალებულის პირადი ღირსების შეურაცხყოფით); 25,1443 მუხლის მე-2 ნაწილის „ა“, "ბ“, „დ“, „ე“ ,„ზ“ და „დ“ ქვეპუნქტებით (პატიმართა არაადამიანური და დამამცირებელი მოპყრობის მიზნით წაქეზება, რაც გამოიხატა პატიმართა დამცირებაში, იძულებაში, მათ არაადამიანურ, ღირსებისა და პატივის შემლახავ მდგომარეობაში ჩაყენებაში, რაც მათ ძლიერ ფიზიკურ, ფსიქიკურ ტკივილს და მორალურ ტანჯვას აყენებს, ჩადენილი მოხელის მიერ სამსახურებრივი მდგომარეობის გამოყენებით, ორი ან მეტი პირის მიმართ, ჯგუფურად დაკავებულის მიმართ და შეკვეთით); 25,145-ე მუხლით (დანაშაულთა პროვოკაციის მიზნით წაქეზება); 3691-ე მუხლის მე-3 ნაწილით (განსაკუთრებით მძიმე დანაშაულის შესახებ სისხლის სამართლის საქმეზე მტკიცებულებების ფალსიფიკაციის მიზნით წაქეზება); 372-ე მუხლის მე-2 ნაწილით (მოწმეზე ზემოქმედების განხორციელება, რაც გამოიხატა მოწმის იძულებაში ცრუ ჩვენების მისაცემად, რასაც ერთვის მისთვის და მისი ახლო ნათესავისთვის ძალადობა და სხვა მუქარა) გათვალისწინებული დანაშაულებისათვის. ქ. თბილისის საქალაქო სასამართლოს 2013 წლის 28 ოქტომბრის განაჩენით დავით ჭაკუა ცნობილ იქნა დამნაშავედ საქართველოს სისხლის სამართლის კოდექსის 1443-ე მუხლის მეორე ნაწილის „ა“, „ბ“, „დ“ ,„ე“ და „ზ“ ქვეპუნქტებით გათვალისწინებული დანაშაულის ჩადენაში და ძირითადი სასჯელის სახედ განესაზღვრა 3 წლითა და 9 თვის ვადით თავისუფლების აღკვეთა. დავით ჭაკუას მიმართ 2013 წლის 27 თებერვლიდან გამოცხადებული იყო საერთაშორისო ძებნა ინტერპოლის წითელი ცირკულარით. 2019 წლის 20 დეკემბერს საქართველოს გენერალურმა პროკურატურამ დავით ჭაკუას ექსტრადიციის შუამდგომლობით მიმართა გერმანიის ფედერაციული რესპუბლიკის კომპეტენტურ ორგანოებს. საქართველოს გენერალური პროკურატურის შუამდგომლობა გერმანიის ფედერაციული რესპუბლიკის მხარის მიერ სრულად დაკმაყოფილდა 2020 წლის 17 ივნისს. საქართველოს იუსტიციის, შინაგან საქმეთა და საგარეო საქმეთა სამინისტროების და გენერალური პროკურატურის კოორდინირებული მუშაობის შედეგად, მიუხედავად კოვიდ19-ის ვირუსით განპირობებული გამოწვევებისა, შესაძლებელი გახდა გერმანიის ფედერაციული რესპუბლიკის სამართალდამცავ ორგანოებთან ნაყოფიერი თანამშრომლობა მსჯავრდებულის ბერლინიდან საქართველოში ესკორტირების მიზნით. მსჯავრდებული თავდაპირველად მოთავსებული იქნება პენიტენციური სისტემის სპეციალურ სამედიცინო საკარანტინო სივრცეში. 21-დღიანი საკარანტინე პერიოდის შემდეგ, ის გადაყვანილი იქნება იმ პენიტენციურ დაწესებულებაში, რომელშიც მოიხდის ... ...
  • “იაკობ ბრეგვაძის ამ საქმესთან შემხებლობის შესახებ, 22 ივნისს, მისი დედისგან შევიტყვე“შინაგან საქმეთა სამინისტროს საზოგადოებასთან ურთიერთობის დეპარტამენტის ხელმძღვანელი ნინო გიორგობიანი სოციალურ ქსელში 19 წლის გიორგი შაქარაშვილის საქმესთან დაკავშირებით პოსტს აქვეყნებს. “პირველ რიგში, უდიდეს მწუხარებას გამოვთქვამ 18 ივნისს მომხდარ ტრაგედიასთან დაკავშირებით და ვუსამძიმრებ ოჯახს. ვადასტურებ, რომ ამ საქმის ერთ-ერთი დაზარალებული, ფოტოგრაფი იაკობ ბრეგვაძე არის ჩემი ნათესავი, უფრო ზუსტად მამაჩემის დის შვილიშვილი. დაზარალებულის დამნაშავედ გამოცხადება არ მიკვირს იმ ადამიანებისგან, ვინც წლების მანძილზე, უმძიმეს დანაშაულში მხილებული თანაგუნდელების უდანაშაულობას უმტკიცებდა საზოგადოებას. იაკობ ბრეგვაძე ამ საქმეში არის დაზარალებული და ამ რეალობას ვერაფერი შეცვლის. ის ერთადერთია რომელმაც პოლიცია გამოიძახა. ბოლო დღეების განმავლობაში ვხედავ, როგორ ხდება მის მიმართ ცრუ ინფორმაციების გავრცელება და როგორც ჩანს ახლა ახალი კამპანიის აგორება არის გადაწყვეტილი. ამასთან ერთად, მოსალოდნელი სპეკულაციების თავიდან აცილების მიზნით, თავს ვალდებულად ვთვლი, საჯაროდ განვაცხადო, რომ იაკობ ბრეგვაძის ამ საქმესთან შემხებლობის შესახებ, მე მხოლოდ 22 ივნისს, მისი დედისგან შევიტყვე, რის გადამოწმებაც, უმარტივესად არის შესაძლებელი. არ გამოგივათ! იაკობ ბრეგვაძე დაზარალებულია! დარწმუნებული ვარ, გამოძიება ყველა კითხვას გასცემს პასუხს.“ - წერს ნინო ... ...
  • გომისმთაზე მიწის ნაკვეთების რეგისტრაციასთან დაკავშირებით ოზურგეთის მერია განცხადებას ავრცელებს (R)დაბა გომისმთაში მიწის ნაკვეთების რეგისტრაციასთან დაკავშირებით ოზურგეთის მერია განცხადებას ავრცელებს როგორც ცნობილია, საქართველოს მთავრობის 2020 წლის 21 მაისს N825 განკარგულებით, ოზურგეთის მუნიციპალიტეტში შეიქმნა დაბა გომისმთის დასახლება. შედეგად „მიწის ნაკვეთებზე უფლებათა სისტემური და სპორადული რეგისტრაციის წესისა და საკადასტრო მონაცემების სრულყოფის შესახებ“ საქართველოს კანონის შესაბამისად, სსიპ „საჯარო რეესტრის ეროვნული სააგენტო“ მიმდინარე თვიდან დაბაში იწყებს მიწების სისტემურ რეგისტრაციას. ოზურგეთის მუნიციპალიტეტის მერია გაფრთხილებთ, აღნიშნული პროცედურების დასრულებამდე თავი შეიკავოთ გომისმთის მიმართულებით სამშენებლო მასალების ტრანსპორტირებისგან მშენებლობების განხორციელების მიზნით! წინააღმდეგ შემთხვევაში თქვენს მიმართ გამოყენებული იქნება კანონმდებლობით გათვალისწინებული პასუხისმგებლობის ზომები,“-აღნიშნულია ... ...
  • კოალიცია „მედიის ადვოკატირებისთვის“ მთავრობას მედიის პატივისცემისაკენ მოუწოდებსკოალიცია „მედიის ადვოკატირებისთვის“ მთავრობას მედიის თავისუფლების წინააღმდეგ წამოწყებული პროცესების შეწყვეტისა და ჟურნალისტთა პროფესიული გაერთიანების პატივისცემისაკენ მოუწოდებს ჩვენ, კოალიცია „მედიის ადვოკატირებისათვის“ წევრი ორგანიზაციები დაუშვებლად მივიჩნევთ მცდელობას სახელმწიფომ დასაჯოს და კონტროლის ქვეშ მოაქციოს მედიასაშუალებები. ვფიქრობთ, მსგავსს პრეცენდენტს ქმნის სახელმწიფო უსაფრთხოების სამსახურის მიერ „საბოტაჟის“ მუხლით წარმოებული გამოძიება. რომელიც მიმართულია „მთავარი არხის“ სიუჟეტის შინაარსზე. მიგვაჩნია, რომ წამოწყებული პროცესით, კიდევ უფრო ღვივდება მედიის მიმართ უნდობლობა, და სახეზეა ცენზურის საფრთხე. გავრცელებული ინფორმაციით, სუს-მა „საბოტაჟის“ მუხლით გამოძიება 2020 წლის 16 მარტს უწყებაში შესული ოპერატიული ინფორმაციის საფუძველზე დაიწყო. გამოძიების ფარგლებში უსაფრთხოების სამსახური სწავლობს 2020 წლის 20 ივნისს, ტელეკომპანია „მთავარი არხის“ გადაცემა „შაბათის მთავარში“ გასულ სიუჟეტს, რომელიც ეხებოდა მარნეულის მუნიციპალიტეტში პანდემიის წინააღმდეგ სახელმწიფოს მიერ მიღებული ზომების პირობებში ხელისუფლების წარმომადგენელთა მიერ უფლებამოსილებების შესაძლო ბოროტად გამოყენებას. გამოიკითხა სიუჟეტის ყველა ფიგურანტი და რესპოდენტი, ხოლო 2 ივლისს გავრცელებული ინფორმაციით, თბილისის საქალაქო სასამართლომ „მთავარი არხიდან“ რეპორტაჟის დაუმონტაჟებელი ვიდეო მასალის გამოთხოვის თაობაზე უწყების შუამდგომლობა დააკმაყოფილა. მიგვაჩნია, რომ არსებული რეალობა საგანგაშოა მედიის თავისუფლებისათვის და კრიტიკულად მნიშვნელოვანია დროულად მოხდეს დაშვებული შეცდომების გამოსწორება.სიუჟეტში პროფესიული გადაცდომის ან უზუსტობების შემთხვევაშიც კი სახელმწიფო ვალდებულია პატივი სცეს მედიის თავისუფლების ფუნდამენტურ პრინციპებს და ჟურნალისტთა პროფესიული გადაცდომების კორექციის საჭიროებისას უნდა გამოიყენოს მედიის თვითრეგულირების მექანიზმი, ისევე როგორც ჟურნალისტთა კოლეგიურ გაერთიანება - საქართველოს ჟურნალისტური ეთიკის ქარტია . კიდევ ერთხელ მოვუწოდებთ საქართველოს მთავრობას გასცეს დირექტივა მედიის თავისუფლების და უსაფრთხოების დასაცავად. ვითხოვთ, დროულად შეწყდეს მედიის თავისუფლების წინააღმდეგ წამოწყებული პროცესები და გაშუქების დეტალებზე პროფესიული სიზუსტის გამოკვლევისათვის საქმე გადაეცეს საქართველოს ჟურნალისტური ეთიკის ქარტიას ან /და შესწავლა დაიწყოს "მთავარი არხის" თვითრეგულირების მექანიზმის ... ...
  • ვინ არის 18 წლის ბიჭი, რომელიც მდინარე ტეხურუში დაიხრჩოცოტა ხნის წინ სენაკის მუნიციპალიტეტის სოფელ ნოქალაქევში, მდინარე ტეხურაში 18 წლის ბიჭი გადავარდა. როგორც გაირკვა, ის ადგილობრივი მკვიდრია.~ როგორც "გურია "ნიუსთან" თვითმხილველები ამბობენ, ბიჭს, სავარაუდოდ, გული გაუსკდა. შსს-მ მომხდარზე გამოძიება სსკ-ის 115-ე მუხლით აღძრა, რაც თვითმკვლელობამდე მიყვანას ... ...

არქივი

ტესტები

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ ყველაზე, ყველაზე...

იცი თუ არა გეოგრაფია

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...