„101 წლის ვარ, ჩემი ასაკის მოიყარეთ, ჩემხელა ჯანმრთელობით“

საზოგადოება

„101 წლის ვარ, ჩემი ასაკის მოიყარეთ, ჩემხელა ჯანმრთელობით“

27 დეკ. 2017, 14:48:30

„მეტი რა უნდა ვინატრო, 101 წლის ვარ, ჩემხელა მოიყარეთ, ჩემხელა ჯანმრთელობით და იყავით   ჩემსავით _ წყევლა არ გეგონოთ, თვალშიც კარგად ვხედავ და  ეზოშიც მშვენივრად დავდივარ, ხანდახან შვილიშვილის გაკეთებულ მეორე ხელჯოხსაც ვიხმარ სიარულის დროს, მარა, აბა, რაფერ გინდა, საუკუნის აზიდვა პაწა საქმე არაა, ბებია“, _ ასე გვესაუბრება ოზურგეთის მუნიციპალიტეტის სოფელ მაკვანეთის მკვიდრი, 101 წლის  თამარ გოლიაძე.

 საუბარს მშვიდობასა და მშვიდობიან ცხოვრებაზე აგრძელებს. ომის სიმწარე ახსოვს და ამბობს, ალბათ, მშვიდობის ფასი  უფრო ომის დროის ცხოვრება ვინც ნახა, იმათ იციან.

მშვიდობა უპირველესია, გურულის მოგონილი კი გვგონია მარა, მსოფლიოში ყველა ნორმალური კაცი  ჯერ  მშვიდობას ინატრებს. ამიტომ მშვიდობიან ყოფნას ვუსურვებ მთელ სამყაროს, ჩვენს საფიცარ გურიას. ნაკლები ლაპარაკი და ბევრი საქმე ეკეთებინოს ყველას, დამიჯერეთ, ასე წავა საქმე ყველაზე კარგად, _ გვეუბნება ქალბატონი თამარი.

„უენო ქალი“, „ხელბარაქიანი და იქამდე მშრომელი, დაღლა რომ არ იცოდა“ _ ასე ახასიათებენ სოფელში.  „ხუთი შვილი, რვა შვილიშვილი,  შვილთაშვილები და 101 წელი სიცოცხლე“ _  თავად  ასე აღრიცხავს  საკუთარ სიმდიდრეს.

თამარ გოლიაძე იხსენებს, რომ ძალიან ახალგაზრდა მაჭანკლობით გაათხოვეს, სოფელ შემოქმედიდან.  სულ არ ვიცნობდი ჩემს ქმარს, მარა ისეთი სიყვარული ღმერთმა ყველას არგუნოს, ჩვენ რომ გვქონდა. გაჭირვება კი იყო, დიდხანს გაგრძელდა ომიც და მერე ომგამოვლილი ქვეყნის ყოფაც არ იყო სახარბიელო, მარა თუ ერთმანეთი უყვარს ცოლ-ქმარს, მთელი ცხოვრების მანძილზე შეყვარებულებად  რჩებიან და ყველანაირ საქმეს მოასწრებენო.

საკუთარი ნათქვამის ჭეშმარიტება თამარ გოლიაძემ თავადვე დაამტკიცა განვლილი ცხოვრებით.  მეუღლე ადრე გარდაეცვალა, თუმცა ხუთი შვილისთვის მამობის  ტვირთიც თავდ ასწია. სოფელში წარმატებულ მეჩაიედ ცნობილი, კუთხე-სამეზობლოში „თავიქალიც“ ჰქვიოდა  და ჭირისა და ლხინის „თავის მომბმელი“ იყო, როგორც მაკვანეთელები უწოდებენ.

 კიდევ რას გისურვებთ? – „ისევ სიამტკბილობას გისურვებთ ჯერ  ოჯახში, ისე არაფერი საქმე  არ  გაკეთდება  ქვეყნიზა“ გვეუბნება და    „ისეთი რძალი მყავს, უკეთესს ვერ ინატრებ. მერე კიდე, შვილებმა სულ უნდა იცოდნენ, სად გაჩერდა დედ-მამა, რომ მერე საკადრისად  გააგრძელონ საქმე“ _ ასეთია საუკუნეგამოვლილი ქალბატონის უტყუარი ლოგიკა.

ჩვენი მასპინძლის ოჯახში ახლაც უამრავი შინაური ფრინველი და საქონელია. „საყოლი“, როგორც გურიაში ამბობენ, მშრომელი კაცის არსებობის საფუძველია.

 დეკემბრისთვის უჩვეულო და მზიანი ამინდია და თამარ ბებია ეზოში გამოსასვლელად ემზადება, აქეთ თქვენ გაგაცილებთ და იქეთ ქათმებს გავხედავ, გული  შინ არ მიცდისო. თან რძალს გასძახის, არიქა, სტუმრები ჩქარობენ და ჩურჩხელა მოიტანე, ასე სტუმრის გაშვება რავა იქნებაო. ღიმილი სახიდან  არ შორდება და ჩემი ხნის ისე მოიყარეთ, სიმწარე არ  გენახოთო, _ ლოცვასავით იმეორებს.

ჩვენც  ბედნიერ შობა-კალანდას და კიდევ დიდხანს სიცოცხლეს ვუსურვებთ ქალბატონ თამარს, რომ მომავალ წელსაც „გურია ნიუსის“ მკითხველთათვის მისალოცი სეფე-სიტყვაც მას ხვდეს წილად.

გაისად კი დაგხვდებით, ასე ვატყობ და მერმისის გაისად ვილაპარაკოთო, ხუმრობა და ღიმილიც  გამოგვაყოლა  საუკუნის მემატიანემ.




 ახალი ამბები
  • "ლელოს" დეპუტატობის კანდიდატი გურიაში გიორგი სიორიძე იქნებალელოს დეპუტატობის კანდიდატი გურიაში გიორგი სიორიძე იქნება. სიორიძე სხვა კანდიდატებთან ერთად პოლიტიკურმა მოძრაობა "ლელომ" ამ წუთებში მცხეთაში წარადგინა. გიორგი სიორიძე – ოზურგეთის, ლანჩხუთისა და ჩოხატაურის რაიონების მაჟორიტარი დეპუტატობის კანდიდატი. კონსტიტუციონალისტი. კიოლნის უნივერსიტეტის სამართლის ფაკულტეტის კურსდამთავრებული, გერმანიაში ფედერალური მასშტაბით ლიცენზირებული იურისტი. არის საქართველოს მეცნიერებათა აკადემიის ახალგაზრდა მეცნიერთა საბჭოს თავმჯდომარე. უკანასკნელ წლებში მუშაობდა ერთ-ერთ უმსხვილეს საინვესტიციო ... ...
  • "15 სექტემბერს ვიწყებთ სწავლას" _ მიხეილ ჩხენკელისასწავლო წლის დაწყებას არანაირი საფრთხე არ შეექმნება. ჩვენ, როგორც განვაცხადეთ, 15 სექტემბერს ვიწყებთ სწავლას, - ამის შესახებ საქართველოს განათლების, მეცნიერების, კულტურისა და სპორტის მინისტრმა, მიხეილ ჩხენკელმა ქუთაისის საერთაშორისო უნივერსიტეტში ვიზიტისას განაცხადა. „სასწავლო წლის დაწყებას არანაირი საფრთხე არ შეექმნება. ჩვენ, როგორც განვაცხადეთ, 15 სექტემბერს ვიწყებთ სწავლას. რეკომენდაციები გამოქვეყნდება და ყველას გექნებათ საშუალება დეტალურად იხილოთ. სამედიცინო პროტოკოლი ზედმიწევნით იქნება დაცული, რადგანაც ჩვენთვის მთავარია ბავშვების ჯანმრთელობა. მინდა გითხრათ, რომ ყოველ ეტაპზე სამედიცინო პროტოკოლი ასახავს ეპიდ-სიტუაციას, რომელიც იმ მომენტისთვის არის აქტუალური. დღევანდელი ეპიდ-ვითარებიდან გამომდინარე, ჩვენ შეგვიძლია ვთქვათ, რომ არანაირი საფრთხე 15 სექტემბერს სწავლის დაწყებას არ ემუქრება. თუმცა, ყველამ უნდა გავაცნობიეროთ ის ამბავი, რომ თითოეული მოქალაქის ვალია გავუფრთხილდეთ ერთმანეთს. ჩვენი ყველას სურვილია, რომ ეს ვითარება არ გაუარესდეს და ამისთვის თითოეული მოქალაქის ძალისხმევა არის უაღრესად მნიშვნელოვანი. ჩვენ მზად ვართ ყველა სცენარისთვის“, - განაცხადა მიხეილ ... ...
  • IRI: უჭერს თუ არა მოსახლეობა მხარს განხორციელებულ საარჩევნო რეფორმას IRI-ს მიერ ჩატარებული კვლევის მიხედვით, საპარლამენტო არჩევნების წინ, მოქალაქეთა 54 პროცენტი ინფორმირებულია 8 მარტის შეთანხმებისა და ქვეყნის საარჩევნო სისტემის ცვლილების შესახებ. მათგან   77 პროცენტი - 41 % „ძლიერ“, ხოლო 36 % „მეტნაკლებად“, მხარს უჭერს განხორციელებულ საარჩევნო რეფორმას.  ცნობისთვის, საქართველოს პარლამენტმა დაამტკიცა საკონსტიტუციო ცვლილებები, რომელიც 2020 წლის საპარლამენტო არჩევნების მაჟორიტარული სისტემის მაგიერ პროპორციული სისტემით ჩატარებას ითვალისწინებს.  ოპოზიციური პარტიებიდან ერთიანმა მაციონალურმა მოძრაობამ და ევროპულმა საქართველომ, გასულ წელშიც დღის წესრიგში ჩამდგარი საარჩევნო სისტემის გამო მთავრობასთან წარმოებულ მოლაპარაკებებზე მიღებული დაპირებების არ შესრულების მიზეზის გამო კენჭისყრაში მონაწილეობა არ მიიღეს. მიღებული ცვლილების თანახმად, მომდევნო საპარლამენტო არჩევნებში 120 დეპუტატი პროპორციული, 30 კი მაჟორიტარული სისტემით იქნება არჩეული. არჩევნებში 40,54 პროცენტზე ნაკლები ხმის მიმღები პარტია მარტო ვერ შესძლებს მთავრობის ფორმირებას. ცვლილება ასევე მოიცავს პარლამენტში პარტიების ადგილების განაწილების და არჩევნების ბარიერთან დაკავშირებულ ... ...
  • IRI: მოსახლეობის 82 პროცენტი თვლის, რომ ეკონომიკური მდგომარეობა მნიშვნელოვნად გაუარესდაIRI-ს კვლევის მიხედვით, მიუხედავად სახელმწიფოს მხრიდან COVID-19-ის წარმატებული მართვისა, საქართველოს მოსახლეობის 82 პროცენტი თვლის, რომ ეკონომიკური მდგომარეობა მნიშვნელოვნად გაუარესდა პანდემიის გავრცელების შემდეგ. 65 პროცენტი მიიჩნევს, რომ ეკონომიკური მდგომარეობა მათ ოჯახში „ძალიან“ (22 %) ან „მნიშვნელოვნად“ (43 %) მძიმეა, ხოლო 67 % თვლის, რომ კორონავირუსის შედეგად, კიდევ უფრო გაუარესდა.  შეგახსენებთ, რომ საქართველოში კორონავირუსის პირველი შემთხვევა თებერვალში დაფიქსირდა. ამ დროისთვის, დაინფიცირებულთა სრული რაოდენობა 1278-ს შეადგენს, რომელთაგან  გამოჯანმრთელდა - 1058, ხოლო 17 ადამიანი გარდაიცვალა. კორონავირუსი ჯანმომ გლობალურ პანდემიად გამოცხადა და ვირუსთან საბრძოლველად სხვადასხვა შეზღუდვები დაწედა. ამავე თემაზე: IRI-ს კვლევა: კმაყოფილია თუ არა მოსახლეობა მთავრობის მოქმედებით პანდემიასთან ... ...
  • IRI-ს კვლევა: კმაყოფილია თუ არა მოსახლეობა მთავრობის მოქმედებით პანდემიასთან ბრძოლაშიIRI-ს მიერ ჩატარებული კვლევის მიხედვით მოსახლეობის 79 პროცენტი არის კმაყოფილი, მათ შორის „ძალიან კმაყოფილი“ (41 %) და „მეტნაკლებად“ კმაყოფილი (38 %) მთავრობის მოქმედებით პანდემიასთან ბრძოლაში. "მოსახლეობის 58 პროცენტი, მათ შორის 21 % „ძალიან“, ხოლო 37 პროცენტი „მეტნაკლებად“, კმაყოფილია იმ სოციალური პროგრამებით, რომელიც მთავრობამ შეიმუშავა პანდემიის მიერ გამოწვეული პრობლემების შესამსბუქებლად.  მოქალაქეთა აბსოლუტური უმრავლესობა ეთანხმება(94%) რომ დაავადებათა კონტროლისა და საზოგადოებრივი ჯანმრთელობის ეროვნული ცენტრის, საქართველოს ოკუპირებული ტერიტორიებიდან დევნილთა, შრომის ჯანმრთელობისა და სოციალური დაცვის სამინისტროს (91 %) და პრემიერ-მინისტრის ოფისის (81 %) მუშაობა პანდემიასთან ბრძოლაში იყო ეფექტური",_ ნათქვამია კვლევაში. ცნობისთვის, კვლევა ჩატარდა საერთაშორისო რესპუბლიკური ინსტიტუტის კვლევების ცენტრის სახელით, ბალტიის კვლევებისა და გელაპის ორგანიზაციის წარმომადგენლის დოქტორი რასა ალიშაუსკინეს მიერ, 2020 წლის 4 ივნისი - 2 ივლისის პერიოდში. საველე სამუშაოები ჩატარდა „აიფიემის“ მიერ. მონაცემები შეგროვდა სტრატიფიცირებული მრავალსაფეხურიანი შემთხვევითი შერჩევის მეთოდის გამოყენებით, პირისპირ ინტერვიუს გზით.  შერჩევა მოიცავდა საარჩევნო ხმის უფლებისა და ასაკის მქონე 1500 რესპონდენტს. მონაცემები შეწონილ იქნა ასაკის, გენდერის, რეგიონისა და დასახლების ზომის შესაბამისად.  ცდომილების ზღვარი წარმოადგენს +/- 2.5 პროცენტს, გამოპასუხების მაჩვენებელი - 66 პროცენტი. კვლევის განხორციელება შესაძლებელი გახდა ამერიკელი ხალხის მხარდაჭერით, აშშ-ის საერთაშორისო განვითარების სააგენტოს ... ...

არქივი

ტესტები

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...