"ბავშვს რომ მოშივდება, გული ცუდად მიხდება"

საზოგადოება

"ბავშვს რომ მოშივდება, გული ცუდად მიხდება"

2011 აპრ 26 19:16:59

_ ხალხს თევზივით აქვს პირში წყალი ჩაგუბებული, გატრუნულები და დაშინებულები არიან. ურჩევნიათ, როგორც ცხოვრობენ, ისე იყვნენ. დღეს საქართველოში სიტყვის თავისუფლება თუ არის, რატომ არ უნდა ვისაუბროთ გაჭირვებაზე და იმაზე, რაც არ მოგვწონს? თუ ხელისუფლების საწინააღმდეგო ხმამაღლა თქვი, განსაკუთრებით არჩევნების პერიოდში, ისე შეგიქმნიან პირობებს, სოფელში არ გაგაჩერებენ, _ ამბობს "გურია ნიუსთან" საუბარში ოზურგეთის მუნიციპალიტეტის სოფელ ბოხვაურში მცხოვრები ზეინაბ ჩავლეშვილი.

_ სოციალური დახმარება მქონდა და ისიც მომიხსნეს. იცით, რატომ? კერძოდ ვმუშაობ. ნახეთ, ხელები როგორ მაქვს "მაზოლებით" მომსპარი _ დავდივარ და ბოსტანს ვბარავ, ხან სახლს ვულაგებ ვინმეს. ადრე თხილის ქარხანაში ვმუშაობდი სეზონურად, თხილს ვარჩევდი. მერე ისიც დაიკეტა. სოციალურმა აგენტმაც ნახა ჩემი მდგომარეობა _ ავადმყოფი დედ-მამა მყავს სახლში _ მამა ინსულტიანია, დედას ფეხი სტკივა, ძლივს დადის. რა ვქნა, რა ვუყო ჩემს შვილს? მარტოხელა დედა ვარ. მთელი ზამთარი ხელის "ტაჩკით" დავდიოდი და წვიმაში ვეძებდი ფიჩხებს. ფაქტობრივად, დედაჩემის პენსიით ვართ _პენსიიდან პენსიამდე ვსულდგმულობთ, მხოლოდ ფქვილს და შაქარს ვყიდულობ. 1200 მეტრი მიწის ნაკვეთი მაქვს, რომელზეც სახლი დგას და ნახევარი ეზო წყალს მიაქვს. რა ვქნა, თურქეთში წავიდე? მცირეწლოვანი შვილი ვის დავუტოვო?

არავის და არაფრის იმედი არ მაქვს, მით უმეტეს, ჩვენი ხელისუფლების. ვისთან არ ვარ ნამყოფი, ვინ არ შევაწუხე, ვის არ მივმართე. მივმართე გუბერნატორს, საკრებულოს თავმჯდომარესთანაც ვარ ნამყოფი. სხვათა შორის, ოპოზიციასაც მივმართე _ ქრისტიან-დემოკრატებს, თავისუფალ დემოკრატებსაც, მაგრამ ვერაფერს მივაღწიე. აუცილებლად უნდა აღვნიშნო _ როცა რამაზ ნიკოლაიშვილი იყო გუბერნატორი, მივმართე და დარეკა სააგენტოში, რის შემდეგაც მოვიდნენ, შემამოწმეს და დამინიშნეს დახმარება, რომელიც სამი წლის განმავლობაში მქონდა.

_ რას სთხოვდით ხელისუფლებას?

_ აღმიდგინეთ სოციალური დახმარება, მომეხმარეთ, რომ ბავშვს მაინც ჰქონდეს ლუკმა-პური, ვთხოვდი, სადმე დამლაგებლად მაინც მამუშავეთ,-მეთქი. ბავშვს რომ მოშივდება, გული მიჩქარდება. როცა ვაჭმევ და მეტყვის _ დედა, აღარ მშიაო და დაიძინებს, მაშინ ამოვითქვამ სულს. წელს მქონდა სოციალური დახმარება სექტემბრამდე და წიგნები მოგვცეს. მომავალში რა მეშველება, არ ვიცი.

ბოხვაურს პატრონი არ ჰყავს საერთოდ. ერთადერთი, რაც კარგი გაგვიკეთეს, ინდივიდუალური გამრიცხველიანებაა, შეცვალეს ბოძებიც და ალბათ, შუქის გადასახადზე ზედმეტს აღარ დაგვაწერენ.

ხალხს ხალხს სიმართლის თქმის ეშინია _ სული ხდებათ შიმშილში და ვერაფერს ათქმევინებ. სიმართლე რომ თქვას ვინმემ, შეიძლება რაიმე "უჩალიჩონ." ისე შეგიქმნიან პირობებს, რომ სოფელში არ გაგაჩერებენ. იძულებული გახდები, ან წახვიდე სოფლიდან, ან ვისაც შვილები ჰყავს და მით უმეტეს, ბიჭი, უნდა გაჩუმდეს.

მაგალითად, ჩვენთან "არჩევნების" პერიოდში დადიოდნენ _ არიქა, ხმა მოგვეცით და რაც გინდათ, იმას გაგიკეთებთო. თუ ჩვენ არ მოგვცემთ ხმას, ვისაც სოციალური დახმარება გაქვთ, მოგიხსნითო. ვეჭვობ, რომ დახმარება მაგისთვის მომიხსნეს.

_ ვინ გეუბნებოდათ ამას?

_ ისევ ჩვენი სოფლის მცხოვრებლები. მთავრობას ჰყავდა ხალხი გამოყოფილი მასეთ საქმეებზე. თვითონ არ ჩნდებოდნენ, ფულსაც უხდიდნენ და სანაცვლოდ სამსახურსაც ჰპირდებოდნენ.

ახლა ყოფილან გამგეობიდან მოსული ხალხთან შეხვედრაზე და მე არ გამაგებინეს. იცოდნენ, რასაც ვიტყოდი და იმიტომ არ მითხრეს. ისეთ ხალხს დაუძახეს, ვინც მათი მომხრეა და მხოლოდ კარგს იტყოდა. საკრებულოს თავმჯდომარეც და გუბერნატორიც ყოფილან. ერთი ქალი ამდგარა და გამოუთქვამს საწინააღმდეგო აზრი. გადარეულან, როგორ გაბედაო.

ოზურგეთის მუნიციპალიტეტის სოფელ ბოხვაურის რწმუნებული ნანა ბერიშვილი "გურია ნიუსთან" საუბარში აღნიშნავს, რომ ზეინაბ ჩავლეშვილი ძალიან გაჭირვებულად ცხოვრობს. იგი იმასაც ადასტურებს, რომ სოციალური დახმარება ჩავლეშვილს სათხილეში მუშაობის გამო მოეხსნა.

_ თავად აგენტმაც კი ნახა, როგორ უჭირს ზეინაბს, მაგრამ იგი სათხილეში სეზონურად მუშაობდა. თუმცა, ერთი წლის შემდეგ, შეუძლია, განცხადება ისევ დაწეროს.

_ ის ერთი წელი რა ქნას? როგორც ქალბატონი ზეინაბი ამბობს, საარჩევნოდ თუ სოფლის მცხოვრებლები "ხუთიანს" არ შემოხაზავდნენ, შეიძლებოდა, პრობლემები შექმნოდათ.

_ არ მჯერა, რომ ეს ზეინაბმა გითხრათ, ეჭვი მეპარება.

_ რა თქმა უნდა, ქალბატონმა ზეინაბმა გვითხრა, ჩანაწერიც გვაქვს.

_ არ ვიცი. არ მჯერა, რა თქმა უნდა, ეს ინფორმაცია სიმართლეს არ შეესაბამება.




 ახალი ამბები
  • ორი თვის წინ დაკარგული 23 წლის ბიჭი გარდაცვლილი იპოვესორი თვის წინ დაკარგული 23 წლის შოთა სამხარაძე გარდაცვლილი იპოვეს. აღნიშნულ ფაქტს შინაგან საქმეთა სამინისტროში ადასტურებენ. როგორც გარდაცვლილის მეგობარი ამბები.გე-სთან ყვება, შოთა სამხარაძე გუშინ კურორტ შოვთან ახლოს, ტყეში იპოვეს. შინაგან საქმეთა სამინისტროს ინფორმაციით, მომხდარზე გამოძიება სსკ-ის 115-ე მუხლით მიმდინარეობს, რაც თვითმკვლელობამდე მიყვანას გულისხმობს. გარდაცვალების მიზეზს ექსპერტიზა დაადგენს. ახალგაზრდა მამაკაცი ონის მუნიციპალიტეტში ორი თვის წინ დაიკარგა. სამაშველო სამსახურში შეტყობინება 14 იანვარს შევიდა. თვითმხილველების თქმით, ბიჭი ბოლოს სასტუმროების მიმდებარე ტერიტორიაზე გამართულ თოვლის ფესტივალზე ნახეს, მოგვიანებით ტერიტორია დატოვა და მას შემდეგ აღარ ... ...
  • ყალბი ფულის გასაღების მორიგი ფაქტი _ დაკავებულია 2 პირიშსს-ს თანამშრომლებმა, ჩატარებული საგამოძიებო მოქმედებების შედეგად, 1968 წელს დაბადებული ნ.ჟ. და 1975 წელს დაბადებული, პირობითი მსჯავრის ქვეშ მყოფი გ.ა. ყალბი ფულის წინასწარი შეთანხმებით ჯგუფის მიერ შეძენა-შენახვისა და გასაღების ბრალდებით დააკავეს. ამის შესახებ ინფორმაციას შსს ავრცელებს, სადაც ნათქვამია, რომ "ბრალდებულებმა ქალაქ ახმეტაში მდებარე სხვადასხვა მაღაზიაში სამი ყალბი ასლარიანი კუპიურა გაასაღეს". პოლიციამ, გ.ა.-ს მართვის ქვეშ მყოფი ავტომანქანის ჩხრეკისას ყალბი ასლარიანი კუპიურა ნივთმტკიცებად ამოიღო. გამოძიება ყალბი ფულის წინასწარი შეთანხმებით ჯგუფის მიერ შეძენა-შენახვისა და გასაღების ფაქტზე მიმდინარეობს. დანაშაული 7-დან 10 წლამდე ვადით თავისუფლების აღკვეთას ... ...
  • ლადო აფხაზავა ვარკის ფონდისა და გლობალური ჯილდოს ელჩი გახდა „მასწავლებლის ეროვნული ჯილდოს“ ფეისბუქგვერდზე გავრცელებული ინფორმაციით, ჩიბათის საჯარო სკოლის მასწავლებელი ლადო აფხაზავა, რომელიც მასწავლებლის გლობალური ჯილდოს ფინალურ ათეულშია, ვარკის ფონდისა და გლობალური ჯილდოს ელჩი გახდა. ვარკის ფონდი მასწავლებლის გლობალურ ჯილდოს 2015 წლიდან გასცემს, ფინალისტები კი ავტომატურად, ფონდის და გლობალური ჯილდოს ელჩები ხდებიან. ლადო აფხაზავა უკვე დუბაიში იმყოფება, სადაც ხვალ გლობალური ჯილდოს მფობელი მასწავლებელი  გამოვლინდება და პრიზის სახით მილიონ ამერიკულ დოლარს ... ...
  • ოზურგეთის საკრებულოს დეპუტატობას ლევან თოიძის შვილიც აპირებს _ "რაღაცეებს ველოდები"ოზურგეთის მუნიციპალიტეტის საკრებულოს დეპუტატობა, საკრებულოს ყოფილი წევრის, რამდენიმე თვის წინ გარდაცვლილ ლევან თოიძის შვილს, სოფო თოიძესაც სურს. როგორც ცნობილი იყო, მას კენჭისყრა "ქართული ოცნების" სახელით სურდა, თუმცა მმართველმა ძალამ არჩევანი დავით მდინარაძეზე გააკეთა. შესაბამისად, სოფო თოიძე, რომელიც ამჟამად ოზურგეთის მუნიციპალიტეტის მერიის თანამშრომელია, კენჭისყრას დამოუკიდებლად გეგმავს. "გურია ნიუსთან" საუბრისას აღნიშნავს, საბოლოო გადაწყვეტილება ჯერ არ მიუღია: "თავიდანვე, ეს გადაწყვეტილება მამაჩემის გამო მივიღე. ვიცი, რამდენიმე რამის გაკეთება სურდა და მინდოდა გამეგრძელებინა მისი საქმე. ახლაც მსურს და ვნახოთ. ჯერჯერობით საბოლოო გადაწვეტილება არ მიმიღია. რაღაცეებს ველოდები", _ აღნიშნა ჩვენთან საუბრისას თოიძემ. შეგახსენებთ, რომ  ქალაქ ოზურგეთის ყველაზე დიდ საარჩევნო ოლქში (60/01/03), რომელშიც რაიცენტრალური, სერი,  ექადია, ცენტრი 3  და ანასეული შედის, შუალედური არჩევნები მაისში უნდა ჩატარდეს უნდა ჩატარდეს. ამავე თემაზე: ა(ა)იპ-ის დირექტორი კენჭისყრას დამოუკიდებლად გეგმავს _ "აქ არ ვარ ცუდად, მაგრამ"... ... ...
  • EMC ზვიად რატიანის საქმეზე გიორგი გახარიას განცხადებას ეხმაურება _ მივმართავთ ევროპულ სასამართლოს 22 მარტს, ტელეკომპანია პირველის ეთერში, შინაგან საქმეთა მინისტრმა ზვიად რატიანის საქმეზე საუბრისას აღნიშნა, რომ ის არ ნანობს იმას, რაც მაშინ მოხდა. "ამ თემაზე კომენტარისას, მინისტრის მიერ გამოხატული პოზიციები, პრაქტიკულად გამორიცხავდა ზვიად რატიანის მიმართ უფლების დარღვევის ფაქტის აღიარების რესურსსაც კი და არ აკეთებდა მითითებას ამ საქმეზე მიმდინარე გამოძიების მნიშვნელობის შესახებ", _ აღნიშნულია განცხადებაში, რომელსააც ადამიანის უფლებების სწავლებისა და მონიტორინგის ცენტრი ავრცელებს/  "სამწუხაროა, რომ ამ შემთხვევიდან ერთი წლის და სამი თვის თავზეც კი, შინაგან საქმეთა მინისტრი და უწყება, ვერ ახერხებს აჩვენოს პოლიტიკური მზადყოფნა სათანადოდ უპასუხოს საპოლიციო სისტემაში ადამიანის უფლებების დარღვევის მძიმე შემთხვევას.  ნათელია, რომ ამ საქმეში მინისტრი და უწყება მუდმივად არაღიარების პოზიციაში იყო და მსხვერპლის დემონიზების ტაქტიკით მოქმედებდა. სამინისტრო არცერთ ეტაპზე არ აჩვენებდა რესურსს, ემოქმედება ზვიად რატიანის ღირსების დაცვის ინტერესების გათვალისწინებით.  მინისტრის და უწყების მხრიდან, ყოველ ჯერზე ხაზგასმა ზვიად რატიანის არაფხიზელ მდგომარეობაზე, პოლიციასთან ურთიერთობისას გამოყენებულ ლექსიკაზე, მუდმივად ერთ მიზანს ემსახურებოდა - საზოგადოებაში შეესუსტებინათ თანაგრძნობა და სოლიდარობა ზვიად რატიანის მიმართ. სწორედ ამ მიზანს ემსახურებოდა, 2017 წლის დეკემბერში, სამინისტროს მიერ ზვიად რატიანის უკანონოდ მოპოვებული ვიდეო ჩანაწერის მედიაში გავრცელებაც. აღსანიშნავია, რომ სამინისტროს ამ უკანონო ქმედებების საპასუხოდ, პერსონალურ მონაცემთა დაცვის ინსპექტორმა, უწყება სამართალდამრღვევად ცნო და 2000 ლარით დააჯარიმა. სამინისტროს უკანონო ქმედებით ზვიად რატიანისთვის მიყენებული მორალური ზიანის თაობაზე კი საქმის განხილვა სასამართლოში გრძელდება.  რაც შეეხება, საქმეზე ამ დრომდე განხორციელებულ სამართლებრივ რეაგირებას - გამოძიება პროკურატურაში ერთ წელზე მეტია გრძელდება, თუმცა, კონკრეტულ შედეგამდე ამ დრომდე არ არის მისული. მიუხედავად იმისა, რომ ჩატარებულმა გამოძიებამ გამოკვეთა რამდენიმე საკვანძო და პრობლემური ეპიზოდი პოლიციელთა მოქმედებებში, ამ დრომდე პასუხისგებაში მიცემული არ არის არცერთი მათგანი. უფრო მეტიც, ხუთჯერ მიმართვის მიუხედავად, პროკურატურამ ყოველ ჯერზე სრულიად დაუსაბუთებლად უარი თქვა ზვიად რატიანისთვის დაზარალებულის სტატუსის მინიჭებაზე. მისი უფლებების აღდგენის რესურსი არ აღმოჩნდა არც სასამართლოში, რომელმაც მიმდინარე წლის 21 მარტს, ასევე უარი თქვა ზვიად რატიანის დაზარალებულად ცნობაზე.    სამწუხაროა, რომ ზვიად რატიანის უფლებების დარღვევის მძიმე ფაქტებს ქვეყნის მართლმსაჯულების სისტემის ვერცერთმა რგოლმა ვერ უპასუხა და დაზარალებული პრაქტიკულად უფლების აღდგენის მექანიზმების გარეშე დატოვა. სწორედ ამიტომ, ზვიად რატიანის სახელით EMC უახლოეს პერიოდში ადამიანის უფლებათა ევროპულ სასამართლოს მიმართავს", _ აღნიშნულია ... ...

არქივი

ზაფრანი

ეს „მახინჯი“ ეიფელის კოშკი

პარიზში ეიფელის კოშკის მშენებლობის დაწყებისას...

ლონდონური „ექსპერიმენტი“

ცოტა ხნის წინ, ქალაქ ლონდონის...

„ახალბედა მწერალი“

ცნობილმა მსახიობმა მეთიუ მაკკონაჰიმ ცოტა...

“უცნაური” ვარსკვლავები

ნებისმიერ პიროვნებას გარკვეული უცნაურობები ახასიათებს...

ადამიანის თვალის უსაზღვრო ხედვა

ამერიკელმა მკვლევარებმა დააფიქსირეს, რომ ადამიანის...

ინტერპოლი ეძებს კატას

რამდენიმე დღის წინ გამოცემამ „The...
კარმიდამო ჩემი

ჟოლო გახდომაში დაგეხმარებათ

ჟოლოს ერთდღიანი დიეტა ორგანიზმს შლაკებისა...

თაფლი მხედველობას აუმჯობესებს

დღეისათვის კომპიუტერთან მუშაობა ჩვეულებრივ ამბად...

თხილის მცენარის დაავადებათა აფეთქება

თხილის დაავადების აფეთქებას ჩვენში მოსახლეობა...

მეფუტკრე და ადრიანი გაზაფხული

გაზაფხულის დადგომისთანავე განსაკუთრებული ყურადღება უნდა...

თხილის დამღუპველ დაავადებას წლევანდელი თბილი ზამთარი ეხმარება

თხილის კულტურას რომ ყოფნა-არყოფნის საფრთხე...

მოვამზადოთ სათესლე მასალა და დახურულ გრუნტში დავთესოთ

სხვადასხვა ბოსტნეულის დათესვა, უმჯობესია, თებერვლის...

სანამ გაგრძელდება მშრომელი ხალხის აბუჩად აგდება?

საქართველოში, დამოუკიდებლობის გამოცხადების შემდეგ, ჩვენ,...

როგორ უნდა იცხოვროთ ისე, რომ სიმსივნით არ დაავადდეთ

ადამიანები, რომლებიც სიმსივნით იტანჯებიან და...

ოხრახუშს უნარი აქვს განკურნოს დეპრესია, შიზოფრენია და ალცჰეიმერის დაავადება

ბიოაქტიური ნივთიერება, რომელსაც შეიცავს ოხრახუში,...

"ბარი უნდა იცნობდეს მთასა და საქმეზე შეყვარებული და-ძმას"

ოზურგეთის მუნიციპალიტეტის სოფელ მთისპირის მკვიდრი...