რა ღირს მიწის ფართობი საფლავისთვის

საზოგადოება

რა ღირს მიწის ფართობი საფლავისთვის

10 ივლ. 2013, 16:38:52

ქვეპროგრამის ფარგლებში ფინანსდება ა(ა)იპ "სასაფლაოების მართვის ცენტრი", რომელიც ახორციელებს აბაშის მუნიციპალიტეტში ქალაქის ტერიტორიაზე სასაფლაოების მოვლა-პატრონობას, სუფთავდება სასაფლაოსთან მისასვლელი გზები, უპატრონო და მიტოვებული საფლავები იწმინდება მწვანე საფარისაგან; ნებაყოფლობითი ხელშეკრულების საფუძველზე შესაძლებელია საფლავების მოვლა.

ქვეპროგრამის ფარგლებში გახორციელდება რელიგიური ორგანიზაციების ხელშეწყობის მხარდაჭერის მიზნით ჭყონდიდის ეპარქიის სუბსიდირება.

ჩვენ ა(ა)იპ "სასაფლაოების მართვის ცენტრის" დირექტორს მიხეილ ჟვანიას ვესაუბრეთ.

_ თქვენს სამსახურს ევალება უპატრონო და მიტოვებული საფლავების გაწმენდა მწვანე საფარისაგან, მაგრამ სასაფლაოს თუ გადავხედავთ, ვნახავთ, რომ ბევრი საფლავია ბალახით დაფარული.

_ როგორც ასეთი, რომ უპატრონო საფლავების დასუფთავება გვევალებოდეს, დებულებაში არ გვიწერია. ეს იყო ჩვენი ინიციატივა. გამოვედით ამ ინიციატივით და დავიწყეთ უპატრონო, მიტოვებული საფლავების აღრიცხვა, მაგრამ სიზუსტეს მაინც ვერ მივაღწიეთ, რადგან წლების მანძილზე რომ არ გამოჩენილან მიცვალებულის პატრონები, ბოლო დროს გამოჩნდნენ. კიდევ წავაწყდით ერთ პრობლემას _ საფლავი, რომელიც წლების მანძილზე მიტოვებული იყო, ჩავთვალეთ უპატრონოდ და გავასუფთავეთ ბალახისგან. ამ დროს ვიყენებთ შხამ-ქიმიკატებს. მერე პატრონი რომ გამოჩნდა, პრეტენზიები გამოთქვა, რატომ მოწამლეთ, აქ ყვავილიც აღარ გაიხარებსო. საფლავებთან მისასვლელ გზებს სისტემატურად ვწმენდთ. ახლაც ახალი გაწმენდილია, მაგრამ წვიმები რომ იყო, ბალახი ისევ წამოვიდა.

_ ნებაყოფლობითი ხელშეკრულების საფუძველზე შესაძლებელია საფლავების მოვლა. რა თანხა უნდა გადაიხადოს საფლავის დასასუფთავებლად პატრონმა?

_ კი, ხელშეკრულების საფუძველზე შესაძლებელია. საკრებულომ დაგვიმტკიცა ტარიფი და ამის მიხედვით ერთი კვადრატული მეტრის გასუფთავება 17 თეთრია. თუ გავითვალისწინებთ, რომ საფლავი დაახლოებით 12 კვადრატული მეტრია, წელიწადში მის დასუფთავებას ღირს 23 ლარამდე.

_ თქვენს ვალდებულებებში შედის სასაფლაოს შემოღობვა.

_ კი, ეს პროექტიც გვაქვს და თუ იქნება დაფინანსება, იმ შემთხვევაში გაკეთდება. ახლახანს ჩვენი ძალებით შემოვღობეთ საკაჭარაოს ახალი სასაფლაო. იქ დიდი არხია და მოსახლეობის მხრიდან შემოდიოდნენ ძროხები. ამიტომ, დაახლოებით, 150 მეტრის სიგრძის ეკლიანი მავთულით შემოვღობეთ და დავიცავით ტერიტორია.

_ მოსახლეობა ამბობს, რომ საფლავისთვის მიწის შეძენა საკმაოდ დიდ პრობლემებთან და ხარჯებთან არის დაკავშირებულიო. რა ღირს ერთი კვადრატული მიწა საფლავისთვის?

_ ერთი კვადრატული მიწის ფართი ღირს 5 ლარი. ეს 12 კვადრატულ მეტრამდე, რომელიც არის სტანდარტული, ოთხადგილიანი საფლავი. 12 კვადრატის ზევით 20 ლარია ერთი კვადრატული მეტრი. პრობლემები საერთოდ არ არსებობს.

_ სულ რამდენი თანამშრომელი გყავთ?

_ 12 თანამშრომელი გვყავს. ძალიან შრომატევადი სამუშაოა. თუ მომავალში სხვა სასაფლაოებიც შემოვიდა ჩვენს დაქვემდებარებაში, ალბათ, საჭირო გახდება ახალი შტატების დამატება. ამჟამად ჩვენს დაქვემდებარებაშია მხოლოდ ქალაქის 7 სასაფლაო. ჩვენ 2017 წლამდე გვაქვს შედგენილი ბიუჯეტი, სადაც დაგეგმილი გვაქვს, რომ თუ იქნება ფულადი სახსრები სოფლების სასაფლაოებიც შემოგვიერთდება. საკმაოდ ცუდ მდგომარეობაშია ნორიოს სასაფლაო, განკარის სასაფლაო, უნდოდათ დაესუფთავებინათ, მაგრამ ბიუჯეტში ვერ მოინახა თანხა და ამ ეტაპისთვის არ მოხერხდა.

_ კვათანაში მცხოვრებმა ერთ-ერთმა მოქალაქემ გვითხრა, რომ მის საკუთარ მიწის ფართობზე გაკეთდა ახალი სასაფლაო, რამაც ამ ადამიანის პროტესტი გამოიწვია, ის ამბობს, რომ უკანონოდ წაართვეს კერძო საკუთრება.

_ ეს იყო შარშანწინ, მაშინ მე აქ არ ვმუშაობდი, მაგრამ ვიცი ეგ საქმე. ეს მიწა არ არის კერძო საკუთრება. საკრებულომ გამოყო ნაკვეთი, რომელიც არც სახლთან არის მიერთებული და არც სამოსახლოსთან. პიროვნება, რომელიც დაობს, არის დევნილი და ისეა დასახლებული მაგ ადგილზე, პატრონი კი გარდაცვლილია. ეს მიწა არ შედიოდა კერძო მფლობელობაში და საკრებულომ გამოყო. ახლა დადგინდება წითელი ხაზი და ამის შემდეგ შემოვა ჩვენს დაქვებდებარებაში. წითელი ხაზის დადგენის შემდეგ შემოვღობავთ. კიდევ ვიმეორებ, არანაირი კანონდარღვევა არ მომხდარა.

_ ქალაქის სასაფლაოზე საფლავების პატრონები ამბობენ, რომ იქ ერთ-ერთი ხე მოსაჭრელია _ ქარის დროს ტოტები ტყდება და საფლავებს აზიანებს.

_ მე უკვე გავაკეთე ანგარიში საკრებულოს სხდომაზე. ახლა დავწერ მოხსენებით ბარათს საკრებულოს თავმჯდომარის სახელზე. ასეთივე მდგომარეობაა კვათანის და პატარა კვათანის სასაფლაოებზეც. შედგება კომისია და ავარიულ ხეებსაც მივხედავთ _ თუ დადგინდა, რომ მოსაჭრელია, მოიჭრება.

_ ბატონო მიხეილ, ცოტა უცნაურია სასაფლაოების მართვის ცენტრი რელიგიური ძეგლების მოვლა-პატრონობაში რომ შედის.

_ გასული წლის მაისში, როცა ეს სამსახური ჩამოყალიბდა, მაშინ უკვე გაწერილი იყო ბიუჯეტიც და მხოლოდ ამიტომ მოხდა, რომ აქ დაგვაქვებდებარეს.




 ახალი ამბები
  • "წაგვიღო წყალმა" _ ჩოხატაურში დუმბაძის ქუჩის #24-ში მცხოვრებლები დახმარებას ითხოვენუამინდობამ პრობლემები შექმნა ჩოხატაურში. როგორც "გურია ნიუსს" დუმბაძის 24-ში მდებარე მარავალბინიანი საცხოვრებელი სახლიდან შეატყობინეს, ადიდებული მდინარე ორპირა კალაპოტიდან გადმოვიდა და საცხოვრებელი სახლის ქვეშ მიედინება. "თუ ჰყავს ვინმე პატრონი რაიონს, მოგვხედონ. რამდენჯერ მივმართეთ განცხადებით, მაგრამ შედეგი არაფერმა გამოიღო. მოვლენ, გადახედავენ-გადმოხედავენ, წავლენ. ვფიქრობთ, ეს იმიტომ ხდება, რომ კორპუსის მცხოვრებლებს ოპოზიციონერებად მოგვიაზრებენ, რატომ ესეც არ ვიცით, მაგრამ რა უბედურებაა პოლიტიკური შეხედულების მიხედვით ადამიანების დაყოფა. თუ ოპოზიციონერები ვართ, ამიტომ უნდა წაგვიღოს წყალმა და დაგვეხრჩონ ბავშვები. ვინმემ მოგვხედოს, _ ამბობს "გურია ნიუსთან" ბინის ერთ-ერთი მცხოვრები. პრობლემაზე სასაუბროდ "გურია ნიუსი" მუნიციპალიტეტის მერს, ირაკლი კუჭავას დაუკავშირდა. კუჭავას თქმით, აბსურდია ბრალდება, რომ პოლიტიკური შეხედულების გამო არ ეხმარებიან ვინმეს. "მაგ ტერიტორიაზე გაკეთებულია დიდი პროექტი, მოწესრიგდება ორპირას ნაპირები და მოეწყობა ბულვარი, მაგრამ ეს წელს ვერ განხორციელდება. ასეთ დროს უნდა დარეკონ მერიაში, ჩვენი კომისია გავა ადგილზე, დასურათდება მდგომარეობა და მოვითხოვთ სტიქიის სალიკვიდაციო ხარჯებში. ამ შემთხვევაში ახლავე გავლენ ჩვენი სპეციალისტები შემთხვევის ადგილზე. ხოლო რაც შეეხება პოზიცია-ოპოზიციად ადამიანთა დაყოფას და ამ ნიშნით დახმარებას, ეს არის აბსურდი. არასოდეს გაგვირჩევია ადამიანები. შეგიძლიათ თუნდაც მაგ ქუჩაზე იკითხოთ, რამდენჯერ დავხმარებივართ იმ ადამიანებს, მათი ოჯახის წევრებს, თითონ რომ მოიაზრებენ თავს ოპოზიციონერებად, _ გვითხრა მუნიციპალიტეტის ... ...
  • “მაგნიტში“ მომხადარ ქურდობის ფაქტზე ერთი პირია მხილებულიდღეს ქალაქ ოზურგეთში სუპერმარკეტების ქსელის მაღაზია გაქურდეს. შინაგან საქმეთა სამინისტროს პრესსამსახურის ინფორმაციით, მომხდარ ფაქტთან დაკავშირებით გამოძიება სისხლის სამართლის კოდექსის 178 მუხლით მიმდინარეობს, რაც ძარცვას გულისხმობს. მხილებულია ერთი პირი. მიმდინარეობს ინტესიური საგამოძიებო მოქმედებები. “გურია ნიუსის“ ინფორმაციით, მოპარულია 5 ბოთლი ალკოჰოლური ... ...
  • რაჭაში სტიქიამ ცენტრალური მაგისტრალი დააზიანა„ონის მუნიციპალიტეტში, უხვი ნალექის შედეგად ადიდებულმა მდინარე ჭანჭახმა სოფელ გლოლაში საავტომობილო გზის ცენტრალური მაგისტრალი დააზიანა", _ აღიშულ ინფორმაციას რაჭა-ლეჩხუმის და ქვემო სვანეთის სამხარეო უწყება ავრცელებს. უწყებისვე ცნობით, შემთხვევის ადგილას დილიდან ოპერატიულად დაიწყო აღდგენითი და პრევენციული ... ...
  • როდიდან აღდგება საზოგადოებრივი ტრანსპორტის მოძრაობათბილისის მერის, კახა კალაძის განცხადებით, საზოგადოებრივი ტრანსპორტი მოძრაობას, სავარაუდოდ, ივნისის დასაწყისში გაანახლებს. მერის განცხადებით, ტრანსპორტის ამუშავებისთვის აუცილებელია მითითების მიღება, თუ როგორი უნდა იყოს წესები ეპიდემიის დროს. „ზუსტი თარიღი უცნობია.  ჩვენ არ გვაქვს ეს ინფორმაცია. დღეს საკოორდინაციო საბჭოს სხდომა გაიმართა, სადაც პირადად მე დავსვი საზოგადოებრივი ტრანსპორტის ამუშავების საკითხი, რადგან ძალიან დიდი მოთხოვნაა საზოგადოებაში. ველოდებით მითითებებს, ჯერ არანაირი მითითება არ არის ჩვენთან შემოსული. თუ როგორ უნდა იყოს წესები საზოგადოებრივ ტრანსპორტის მუშაობის დროს, ხალხმა როგორი წესებით უნდა ისარგებლოს ავტობუსით, მეტროთი, მიკროავტობუსით მგზავრობის დროს და ა.შ.“_ თქვა კალაძემ ... ...
  • საქართველოს დამოუკიდებლობის დღეს მასშტაბური ღონისძიებები არ გაიმართება საქართველოს დამოუკიდებლობის დღის აღსანიშნავად მასშტაბური ღონისძიებები წელს არ გაიმართება. ამის მიზეზი ეპიდვითარება და ხალხმრავლობის თავიდან აცილებაა. პრემიერ-მინისტრის პრესსპიკერის, ირაკლი ჩიქოვანის განცხადებით,  საქართველოს დამოუკიდებლობის დღეს სახელმწიფო უწყებები სხვადასხვა ფორმატის მცირემასშტაბიანი ღონისძიებებით აღნიშნავენ. პრემიერ-მინისტრი კი 26 მაისს საქართველოს თავდაცვის ძალებთან ერთად აღნიშნავს, ვაზიანის მე-4 მექანიზებული ბრიგადის ბაზაზე. „26 მაისი ჩვენი ქვეყნის ისტორიაში და საქართველოს თითოეული მოქალაქისთვის უმნიშვნელოვანესი თარიღია. მოგეხსენებათ, ბოლო წლების განმავლობაში 26 მაისი გახდა მასშტაბური საერთო სახალხო ზეიმი, რომელშიც ათასობით ჩვენი მოქალაქე მონაწილეობდა. წელს, მსოფლიო პანდემიიდან გამომდინარე, ამ მნიშვნელოვანი თარიღის აღნიშვნა განსხვავებული ფორმატით გვიწევს. ხალხმრავლობის თავიდან აცილების მიზნით, წელს 26 მაისის აღსანიშნავი მასშტაბური ღონისძიებები არ გაიმართება. სახელმწიფო უწყებები დამოუკიდებლობის დღეს სხვადასხვა ფორმით აღნიშნავენ. რაც შეეხება საქართველოს მთავრობას, პრემიერ-მინისტრი 26 მაისს საქართველოს თავდაცვის ძალებთან ერთად აღნიშნავს, ვაზიანის მე-4 მექანიზებული ბრიგადის ბაზაზე“, _  განაცხადა ... ...

არქივი


კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...


რას ფიქრობთ სოფლის მეურნეობის დახმარების პროგრამაზე?