ყოფილი პატიმარი: "სამინისტრომ მშენებლობაზე დამასაქმა, ისე ორი უმაღლესის დიპლომი მაქვს"

საზოგადოება

ყოფილი პატიმარი: "სამინისტრომ მშენებლობაზე დამასაქმა, ისე ორი უმაღლესის დიპლომი მაქვს"

7 აგვ. 2013, 15:54:02

იუსტიციის მინისტრი თეა წულუკიანი აპრილში "გურია ნიუსთან" ინტერვიუში ამბობდა, რომ პროფესიული გადამზადებისა და ფსიქო-სოციალური რეაბილიტაციის სურვილი 600-მდე მსჯავრდებულმა გამოთქვა.

გუშინდელი პრეზენტაციიდან ირკვევა, ეს მონაცემები დიდად არ შეცვლილა, უფრო მეტიც _ 600 -650 მსჯავრდებულიდან 200 ან აღარ გამოეხმაურა ცენტრს, ან როგორც ცენტრის ხელმძღვანელი დავით მაისურაძე ამბობს, მათთან დაკავშირება ვერ მოხერხდა. მაისურაძის თქმით, პროგრამა 1 000 ბენეფიციარზე იყო გათვლილი, თუმცა, ყოფილ პატიმრებს ტრეინინგებზე და რეაბილიტაციაზე მეტად დასაქმების პრობლემა აწუხებთ.

მაისურაძე ამბობს, რომ პროგრამაში ჩართული 650 ბენეფიციარიდან დღემდე მხოლოდ 60 დასაქმდა, ძირითადად ტაქსების და სამშენებლო კომპანიებში, თუმცა არის წარმატებული გამონაკლისებიც: "რეაბილიტაცია-რესოციალიზაციაში ჩართული 650 ბენეფიციარიდან 60 დასაქმებულია. მათმა ნაწილმა გაიარა სხვადასხვა კურსები, მაგალითად, სოციალური უნარები, CV-ს მომზადება. ასევე, მათთვის ვამზადებთ რეკომენდაციებს დამსაქმებელთან წარსადგენად. ყოფილი პატიმრების დასაქმება, ძირითადად, კერძო სექტორში ხდება _ მაგალითად ტაქსების კომპანიებში. თუმცა, არის შემთხვევები, როდესაც ჩვენი ბენეფიციარები "აირზენასა" და "პეგასუსის" ოფისებში დასაქმდნენ ოფისმენეჯერებად."

გუშინდელი პრეზენტაციის დროს, სტატისტიკის სამსახურის შეთავაზებაზე მოსახლეობის საყოველთაო აღწერის პროგრამაში ყოფილი პატიმრების დასაქმების შესახებ, აღარაფერი თქმულა. დავით მაისურაძე ამბობს, რომ, სავარაუდოდ, ეს პროექტი სექტემბრიდან დაიწყება: "რამდენადაც მახსოვს, ეს პროექტი სექტემბერში უნდა დაიწყოს და თანაც სტატისტიკის დეპარტამენტი ამ ვაკანსიებზე ჩვენი ბენეფიციარების დანიშვნას გარკვეული ტრეინინგის გავლის შემდეგ აპირებდა. რეალობა ასეთია _ ბევრი ბენეფიციარის მოთხოვნაა, ყოველგვარი ტრეინინგის გარეშე პირდაპირ დასაქმება, ხოლო ჩვენი მთავარი მიზანია, რომ მათ დამოუკიდებლად შეძლონ საზოგადოებაში ინტეგრირება და შრომითი უნარების განვითარება. ამიტომ ვთავაზობთ ამ კურსებს, რომ თვითონ განახორციელონ ის პროცესი, რისთვისაც ჩვენ მოგვმართავენ," _ ამბობს "დანაშაულის პრევენციის და ინოვაციური პროგრამების ცენტრის" ხელმძღვანელი "გურია ნიუსთან."

ყოფილი პატიმრები, რომლებიც გუშინდელ ღონისძიებას ესწრებოდნენ, ცენტრის საქმიანობას დადებითად აფასებენ, მაგრამ მიაჩნიათ, რომ დაფინანსება საკმარისი არ არის.

გიორგი დოლენჯაშვილმა ციხე თებერვალში დატოვა, რამდენიმე თვეში გათავისუფლდა მისი მეუღლეც. ორივე მათგანი იუსტიციის სამინისტროს დახმარებით დასაქმდა, პარარელურად, გადიან კომპიუტერისა და მცირე ბიზნესის კურსებს: "ვისურვებდი, რომ უფრო მეტი უფლებები ჰქონდეთ, მეტი შტატი დაუშვან, მეტი დაფინანსება იყოს. თუნდაც იურისტები, როგორც სისხლის სამართლის, ისე სამოქალაქო სამართლის სპეციალისტები, არ არიან საკმარისი. პირადად მე, წლების მანძილზე იმდენი პრობლემა დამიგროვდა, რომ დავდივარ სხვადასხვა უწყებებში და ესენიც, რაც შეუძლიათ მეხმარებიან . მათი დახმარებით ძეხვის საწარმო "ბადრი კიკაბიძეში" დავსაქმდი, იუსტიციის სახლში დაასაქმეს ჩემი მეუღლე . მცირე ბიზნესის და მარტივ კომპიუტერულ კურსებზე დავდივართ ორივე. გვპირდებიან , რომ მცირე ბიზნესის დასაფინანსებლად გრანტები იქნება და ჩვენც ამის იმედი გვაქვს," _ ამბობს დოლენჯაშვილი "გურია ნიუსთან".

გაგა ჭიხორიაც ყოფილი პატიმარია, მან ციხე თებერვალში დატოვა. სკოლის დირექტორი და პედაგოგი ნარკოტიკული დანაშაულისთვის იხდიდა სასჯელს. იუსტიციის სამინისტროს მიერ გამოცხადებულ პროექტში თავიდანვე ჩაება, როგორც თავად ამბობს, დასაქმდა კიდეც და CV-ს წერის უნარებსაც ეუფლება:

_ ციხიდან გამოსვლისთანავე ჩავერთე პროექტში ფსიქოსოციალური რეაბილიტაციის კუთხით და ასევე სოციალური უნარების განვითარების კუთხითაც . ამ პროექტმა იმდენად დიდი დახმარება გამიწია, რომ ჩვენი პრემიერის მიერ პრიორიტეტად დასახულ აგრარულ მეცნიერებათა სამაგისტრო პროგრამებზეც კი ჩავაბარე და 100%-იანი სახელმწიფო გრანტი ავიღე.

_ გილოცავთ. შეგიძლიათ გვითხრათ, კონკრეტულად რა დახმარება გაგიწიეს რეაბილიტაციის ცენტრში?

_ თავს მივიჩნევ უდანაშაულო პატიმრად, მაგრამ ჩემი უდანაშაულობა სასამართლომ უნდა დაამტკიცოს საბოლოოდ. რეაბილიტაციის ცენტრი სარჩელის მომზადებაში დამეხმარა. მათი დახმარებით შევხვდი საქართველოში ყველაზე ცნობილ ადვოკატებს და გავიარე უფასო იურიდიული კონსულტაცია. აგრეთვე, დავდივარ სხვადასხვა ტრეინინგებზე, იქნება ეს CV-ს და სამოტივაციო წერილის მომზადება, სოციალური უნარების განვითარება თუ ფსიქოლოგიური რეაბილიტაცია. თუ მთავრობის ნება იქნება, ეს პროექტი გაცილებით წარმატებული გახდება.

_ ამჟამად მუშაობთ?

_ გასამართლებული ვიყავი ნარკოტიკული მუხლით. ნარკოტიკის ჩადება წარსულში მავნე პრაქტიკა იყო. ვმუშაობდი სკოლის დირექტორად და პედაგოგად, მაგრამ ახლა ვარ პრობაციონერი და ყველანაირი უფლება მაქვს შეზღუდული. სასჯელაღსრულების მინისტრის მოადგილე გიგა გიორგაძემ რეკომენდაცია გამიწია და მშენებლობაზე ვარ დასაქმებული, დღიურ მუშად, ისე, ორი უმაღლესის დიპლომი მაქვს.

_ ტრეინინგებზე სიარულს და მუშაობას როგორ ახერხებთ?

_ როდესაც ტრეინინგებზე დავდივარ, მშენებლობის ხელმძღვანელები ხელს მიწყობენ და მიშვებენ, უბრალოდ, იმ დღის ხელფასს აღარ მიხდიან, მაგრამ ჩემთვის იმდენად დიდია ამ ტრეინინგების მნიშვნელობა, ვერანაირი ხელფასი ვერ შეედრება.

"დანაშაულის პრევენციის და ინოვაციური პროგრამების ცენტრის" ხელმძღვანელი დავით მაისურაძე ამბობს, რომ პროექტს საკმარისი დაფინანსება აქვს.

"პროგრამის განსახორციელებლად ბიუჯეტი საკმარისია. მაგალითად, წლის დასაწყისში, როდესაც პროგრამის განხორციელება დავიწყეთ, სამიზნედ არჩეული გვყავდა 1000 ყოფილი მსჯავრდებული. ამ დროისთვის შეგვიძლია ვთქვათ , რომ საგრანტო კომპონენტს პლიუს პროფესიული გადამზადების კურსები, რომელსაც ჩვენ ვახორციელებთ, ეს ნიშნავს იმას რომ თითოეულ მსჯავრდებულს ჩვენი მხრიდან ჰქონდა მინიმუმ ორი შეთავაზება - ჩართულიყო ფსიქორეაბილიტაციის და პროფესიული გადამზადების კურსებში. წელს შეგვიძლია ვთქვათ, რომ ბიუჯეტი საკმარისია წლის დასაწყისში განსაზღვრულ ათასკაციანი სამიზნე ჯგუფის მომსახურებისთვის,"

ცენტრის მიერ შეთავაზებული პროფესიული გადამზადება ისეთ კურსებს მოიცავს, როგორიცაა: მცირე ბიზნესის მწარმოებელი, ბუღალტერიის საფუძვლები, ოფისის მენეჯერი, მარტივი კომპიუტერული უნარები, სადურგლო საქმე, ელექტრომემონტაჟე, ელექტროშემდუღებელი, სტილისტი და სხვა. სულ შემოთავაზებულია 18 დასახელების კურსი. თითოეული კურსი 2 - 3-თვიანი ხანგრძლივობისა და ყველა მათგანი თბილისში ტარდება. იგეგმება 40 ბენეფიციარისთვის კურსების თბილისთან ახლოს მდებარე რეგიონში ჩატარება. კურსები 2013 წლის ივლისში დაიწყო და 2013 წლის ნოემბრის ბოლომდე გაგრძელდება.

როგორც დავით მაისურაძე ამბობს, უახლოეს მომავალში ცენტრი ზუგდიდის იუსტიციის სახლშიც გაიხსნება. სულ მომავალი წლისთვის ხუთი ასეთი ცენტრის გახსნა იგეგმება სხვადასხვა რეგიონებში.

ტრეინინგების ჩატარებასთან ერთად იუსტიციის სამინისტრომ მცირე ბიზნესის ხელშეწყობის მიზნით საგრანტო კონკურსი გამოაცხადა. სულ დაფინანსდება 5 იდეა 3-4 ათასი ლარის ფარგლებში, დანარჩენი კი ყოფილი პატიმრის გადასახდელია. თუ რა თქმა უნდა ამის საშუალება ექნება.




 ახალი ამბები
  • ჩოხატაურში საბავშვო ბაღებში სააღმზრდელო პროცესი 12 ოქტომბრიდან აღდგებაჩოხატაურის საბავშვო ბაღებში სააღმზრდელო პროცესი 12 ოქტომბრიდან აღდგება, _ ამის შესახებ „გურია ნიუსს“  ა(ა)იპ ბაღების გაერთიანება "მომავალის" ხელმძღვანელმა ნინო ბარამიძემ განუცხადა. „როგორც დღეს გამოცხადდა და გაგვაგებინეს გუბერნიიდან, სააღმზრდელო პროცესი მუნიციპალიტეტის ბაღებში12 ოქტომბერს განახლდება“,_ გვითხრა ბარამიძემ. შეგახსენებთ, რომ სააღმზრდელო პროცესი საბავშვო ბაღებში 1 ოქტომბერს უნდა განახლებულიყო, მაგრამ საკოორდინაციო საბჭოს მიერ მიღებული გადაწყვეტილებით, აღსაზრდელებისთვის საბავშვო ბაღები 12 ოქტომბრიდან ... ...
  • ლანჩხუთის ყველა საბავშვო ბაღში სააღმზრდელო პროცესი 12 ოქტომბრიდან განახლდებალანჩხუთის სკოლამდელი საგანმანათლებლო-სააღმზრდელო ცენტრის ინფორმაციით, მუნიციპალიტეტის ყველა საბავშვო ბაღში სააღმზრდელო პროცესი 12 ოქტომბრიდან დაიწყება. ცენტრის ხელმძღვანელობის ინფორმაციით, ბაგა-ბაღებში ეპიდსიტუაციიდან გამომდინარე, ჩატარდა გენერალური დეზინფექცია. "კორონა ვირუსის გავრცელებასთან დაკავშირებით მსგავსი ღონისძიებები ეტაპობრივად გახორციელდება. ლანჩხუთის სკოლამდელი ცენტრის 21-ვე ბაგა-ბაღი ახალი მოქმედი რეგულაციების მიხედვით ახორციელებს შესაბამისს ღონისძიებებს ახალი სასწავლო-სააღმზრდელო პროცესის დასაწყებად", _ ამბობენ ცენტრში. მათივე ინფორმაციით, ადმინისტრაციის მიერ ბაგა-ბაღებისთვის შეძენილია საგანმანათლებლო რესურსები (ფერადი ფურცლები, მაკრატლები, ფერადი ფანქრები, ზეთოვანი პასტელები, გუაშისა და აკვარელის საღებავები, ფუნჯები, პლასტელინები და სხვა). "ახალი კორონავირუსით გამოწვეულ ინფექციასთან დაკავშირებული რეკომენდაციების ადრეული და სკოლამდელი აღზრდისა და განათლების დაწესებულებებისთვის შესაბამისად საგანმანათლებლო რესურსები უზრუნველყოფილი იქნება ბაგა-ბაღებში ინდივიდუალურად ბავშვებისთვის სახელოვნებო/გასართობი საქმიანობის დროს გამოსაყენებლად", _ ამბობენ სკოლამდელ სააღმზრდელო ... ...
  • საქართველოს ბანკის მხარდაჭერით ზუგდიდში ლოკოკინების ფერმა გაშენდასაქართველოს ბანკის ფინანსური მხარდაჭერით სამეგრელოში, კერძოდ, ზუგდიდის სოფელ ერგეტაში ნახევარ ჰა-ზე  ლოკოკინების ფერმა გაშენდა.  ფერმა პირველ, 8-12 ტონამდე მოსავალს უკვე დეკემბერში ელოდება. წარმოებული პროდუქციის რეალიზაცია ევროპაში, კერძოდ კი  იტალიაში მოხდება.  პროექტის განსახორციელებლად ბანკის მიერ გამოყოფილი თანხა 68,000 ლარს შეადგენს. დღესდღეობით ფერმაში 15 ადამიანია დასაქმებული.  „მოხარული ვართ, რომ გვაქვს შესაძლებლობა ფინანსური მხარდაჭერა გავუწიოთ ისეთ წამოწყებებს რეგიონში, რომელიც ერთის მხრივ, ხელს უწყობს განსხვავებული და რეგიონისთვის უნიკალური ბიზნესების წახალისებას, მეორეს მხრივ კი ადგილობრივი მოსახლეობის დასაქმებას, მათი შემოსავლების ზრდასა და ზოგადად, რეგიონის ეკონომიკური მდგომარეობის გაუმჯობესებას. ჩვენი ჩართულობით ზუგდიდის რაიონში ლოკოკინების ფერმა გაშენდა. ფერმა უკვე ფუნქციონირებს და მოსავლის მოლოდინის პროცესშია. პროექტი მნიშვნელოვანია იმით, რომ წარმოადგენს საექსპორტო პროდუქტიას, რაც ქვეყნისთვის, როგორც ექსპორტის ზრდის შესაძლებლობა, ძალიან მნიშვნელოვანია. გვინდა წარმატებები ვუსურვოთ კომპანიას სამომავლო განვითარების გზაზე“, - განაცხადა მერაბ ახვლედიანმა, საქართველოს ბანკის საცალო ბიზნესის საბანკო მომსახურების დეპარტამენტის დირექტორმა. ... ...
  • "ჩანაწერი, ჩემი ნასამართლებობის შესახებ, არის ტყუილი!" _ გელა კვარაცხელია“სრული პასუხისმგებლობით ვაცხადებ, რომ ჩანაწერი ჩემი ნასამართლებობის შესახებ, რის გამოც ცესკომ ჩემი 2020 წლის  არჩევნებიდან მოხსნა განიზრახა, არის ტყუილი! წინააღმდეგ შემთხვევაში, მიუთითონ სასამართლო, მოსამართლე, მუხლი, რომლითაც მე გამასამართლეს!“ _ აცხადებს პოლიტიკური მოძრაობა  “ტრიბუნას“ მაჟორიტარობის კანდიდატი სამცხე-ჯავახეში, გელა კვარაცხელია და საჯაროდ მიმართავს შსს-ს და ხელისუფლებას, რომ ცესკომ სასწრაფოდ გამოასწოროს ხარვეზი, უზრუნველყოს მისი, როგორც კანდიდატის რეპუტაციის აღდგენა და ხელი აღარ შეუშალონ საარჩევნო კამპანიაში. "როგორც ჩანს, ვანო მერაბიშვილის დანაპირებს, რომ გელა კვარაცხელიას, ყოფილი გუბერნატორს,  არასოდეს მისცემდა სადმე მუშაობის უფლებას, ახლა „ქართული ოცნება“ ასრულებს  და საკმაოდ წარმატებულადაც!" _ განაცხადა დღეს ბრიფინგზე „ტრიბუნას“ ლიდერმა დავით ჭიჭინაძემ. მისივე თქმით, გელა კვარაცხელიას გარდა, იგივე, ანუ არარსებული ნასამართლებობის მოტივით, „ტრიბუნას“ საარჩევნო სიიდან ასევე ამოღებული არიან: გარნიკ სიმონიანი, რომელიც თავის დროზე შევარდნაძის ცნობილი ტერაქტის საქმეში ერთ-ერთი იყო, ვინც პრეზიდენტი გადაარჩინა და ბორის მიქელაძე აჭარიდან, რომელიც 2012 წელს კანდიდატად იყო დარეგისტრირებული და მაშინ მსგავსი პრობლემა არ შექმნია. „ტრიბუნას“ ერთ-ერთი ლიდერის, ლია მუხაშავრიას განცხადებით კი: „ როგორც ჩანს, ეს ცესკოს ახალი „ტრენდია“ , თანაც უპრეცენდეტო, დაბლოკოს რეალური გამარჯვების მქონე ოპოზიციის ლიდერები.“  მისივე განცხადბით: „ცესკო არის ადმინისტრაციული ორგანო და ვალდებულია დაასაბუთოს გადაწყვეტილება არჩევნებზე არდაშვების შესახებ. ამ ადამიანებს კი, აქვთ გადაწყვეტილების გასაჩივრების უფლება, რაც ვერ ხერხდება, რადგან ცესკო არ იძლევა დასაბუთებულ გადაწყვეტილებას. რა თქმა უნდა, ამ საქმეს მსვლელობა მიეცემა, მანამდე კი ვაცხადებთ, რომ მომხდარ განვიხილავთ  პოლიტიკური დევნის და „ტრიბუნას „ წინააღმდეგ სახელმწიფო აქტივობის გამოვლენის მცდელობად“. ... ...
  • როგორი ამინდია მოსალოდნელი უახლოეს დღეებშიგარემოს ეროვნული სააგენტოს ინფორმაციით,  28-30 სექტემბერს დასავლეთ საქართველოში შენარჩუნებული იქნება თბილი და უმეტესად უნალექო ამინდი. ზოგან იქროლებს აღმოსავლეთის მიმართულების ძლიერი ქარი. ჰაერის ტემპერატურა +27, +32 გრადუსის ფარგლებში იქნება. 1 ოქტომბერს გაწვიმდება, ტემპერატურა +23, +28 გრადუსამდე დაიკლებს. აღმოსავლეთ საქართველოში კი მოსალოდნელია შედარებით გრილი და დროგამოშვებით ღრუბლიანი ამინდი. ზოგან შესაძლებელია მცირე წვიმა და ნისლი აღინიშნოს. ჰაერის ტემპერატურა +19, +24 გრადუსის ფარგლებშია მოსალოდნელი. თბილისში შესაძლებელია მცირე წვიმა და ნისლი. ჰაერის ტემპერატურა +21, +23 გრადუსი ... ...

არქივი

ტესტები

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...
free polls