"ტურისტს შარდის სუნით ვერ მოვიზიდავთ"

საზოგადოება

"ტურისტს შარდის სუნით ვერ მოვიზიდავთ"

2013 აგვ 15 17:22:03

_ უბრალოდ, სირცხვილია, რომ იქვე აშენებულია საპირფარეშო, რომლის გახსნას არ დაადგა საშველი. ქალაქი ხომ უნდა ჰგავდეს ქალაქს, რაც აქ ხდება, არ ჯდება არანაირ ცივილიზებულ ფორმებში. ტურიზმის განვითარებაზე თუ ვსაუბრობთ, დარწმუნებული ვართ, რომ ტურისტი შარდის სუნზე აქ არ მოვა, _ ამბობს ჩვენთან საუბრის დროს რამდენიმე ოზურგეთელი.

"გურია ნიუსი" ოზურგეთის ცენტრში ტუალეტის აშენების შესახებ გასულ წელს წერდა. საქართველოს მასშტაბით "საქართველოს გაერთიანებული წყალმომარაგების კომპანიამ" საპირფარეშოების შენება დაიწყო.

კომპანიის პრესსამსახურში გვითხრეს, რომ დღეის მდგომარეობით, 33 ტუალეტიდან 12 დასრულებულია მთლიანად, რეგისტრირებულია შენობიანად და არის "საქართველოს გაერთიანებული წყალმომარაგების კომპანიის" ბალანსზე. 21 ტუალეტში უნდა მოხდეს ცვლილებები:

-მაგალითად, აუცილებელია მიწების დაზუსტება, ვინაიდან ეს ტუალეტები აშენდა სხვა ადგილებში და არა იქ, სადაც პროექტის მიხედვით იყო დაგეგმილი. დღეს არსებობს მათი რეგისტრაციის პრობლემა, ორი ტუალეტის მშენებლობა არ არის დასრულებული - ჩოხატაურსა და ურეკში - ამ შემთხვევაში მოხდა მშენებელი კომპანიის - შპს "ოქტან-მედეას" დისკვალიფიკაცია და მას დაერიცხა ჯარიმები არადამაკმაყოფილებელი მუშაობის გამო. ხოლო რაც შეეხება დარჩენილ 10 ტუალეტს, უახლოეს ხანში გადაეცემა ადგილობრივ მუნიციპალიტეტებს, რაზეც თანხმობა უკვე მიღებულია ეკონომიკის სამინისტროდან.

საქართველოს წყალმომარაგების ახალ მენეჯმენტს მიაჩნია, რომ საზოგადოებრივი ტუალეტები არ არის წყალმომარაგების პროფილი. ამდენად დღეისათვის მიმდინარეობს მოლაპარაკებები ადგილობრივ მუნიციპალიტეტებთან ამ ტუალეტების ექსპლუატაციისთვის გადაცემის თაობაზე, მითუმეტეს, რომ ეს მუნიციპალიტეტების სურვილიცაა. მოლაპარაკებებში ჩართულია საქართველოს ეკონომიკის და ინფრასტრუქტურის სამინისტროები, ვინაიდან სწორედ მათი საბოლოო თანხმობაა საჭირო ამ ცვლილების გასახორციელებლად. დღეისათვის ყველა ტუალეტი დაკეტილია იქამდე, ვიდრე არ გადაწყდება თუ ვის დაქვემდებარებაში დარჩება ეს ტუალეტები _ წყალმომარაგების კომპანიის თუ მუნიციპალიტეტების.

2011 წლის ბოლოს, დეკემბერში 2 მილიონ 500 ათასი ლარი გამოიყო საზოგადოებრივი ტუალეტების მშენებლობაზე. 2012 წლის მაისში დაიწყო ტუალეტების სამშენებლო სამუშაოები, მთლიანობაში დაპროექტდა 33 ტუალეტის მშენებლობა და თანხა დაზუსტდა 2 მილიონ 300 ათას ლარამდე, _ წერია "გურია ნიუსისთვის" მოწერილი წერილში, რომელიც "საქართველოს გაერთიანებული წყალმომარაგების კომპანიის" პრესსამსახურიდან მივიღეთ.

ოზურგეთის მუნიციპალიტეტის გამგეობის პრესსამსახურის, ნინო სალუქვაძის თქმით, მუზეუმის უკან მდებარე საპირფარეშო არის გაერთიანებული წყალმომარაგების კომპანიის ბალანსზე. იგი მუნიციპალიტეტის საკუთრებაში არ არის, თუმცა მისი უკეთ მოვლა-პატრონობის მიზნით, საუბარია აღნიშნული ობიექტის მუნიციპალიტეტისათვის გადმოცემაზე.

_ რაც შეეხება ბიუსტების თემას, ჩვენთვის გასაგებია აღნიშნული პრობლემის შესახებ და ჩვენ ვეცდებით, რომ ეს პრობლემა უახლოეს პერიოდში მოვაგვაროთ, _ თქვა ჩვენთან საუბრის დროს ნინო სალუქვაძემ.

P.S. საპირფარეშოს თემაზე ერთი ფაქტი გამახსენდა. ლაგოდეხელმა მოქალაქემ 2011 წლის 16 ოქტომბერს, სოციალურ ქსელ ფეისბუქზე საპირფარეშოს გახსნის კადრები დააპატენტა. ლაგოდეხში ტუალეტის საზეიმოდ გახსნის კადრებმა დიდი პოპულარობა მოიპოვა: ორმა ლაგოდეხელმა ტუალეტის წინ წითელი ლენტი გაჭრა და ლაგოდეხელებს კიდევ ერთი "ტურისტული" ობიექტის გახსნა მიულოცა.

ტუალეტი, რომელიც საზეიმოდ გახსნეს, მიშა სიყმაშვილის საცხოვრებელი სახლის ეზოშია აშენებული, რომელიც სახუმარო ვიდეოკადრებში ტუალეტის გახსნას "საუკუნის პროექტს" უწოდებს.

2012 წლის წინასაარჩევნო პერიოდში, სიყმაწვილის "საუკუნის პროექტი" საქართველოს რეგიონული განვითარებისა და ინფრასტრუქტურის მაშინდელმა მინისტრმა, რამაზ ნიკოლაიშვილმა აიტაცა და 2012 წლის აპრილის თვეში, კახეთის ყოფილ გუბერნატორთან, გიორგი ღვინიაშვილთან ერთად, საზოგადოებრივი საპირფარეშოს მშენებლობის პროცესი დაათვალიერა.

"საქართველოს ყველა რეგიონში ევროპული სტანდარტების 50-მდე სანიტარული წერტილი აშენდება. საზოგადოებრივი სანიტარული წერტილების არარსებობა ანტისანიტარიას იწვევდა და დისკომფორტს უქმნიდა, როგორც ადგილობრივ მოსახლეობას, ასევე ტურისტებს", - განაცხადა მაშინ ნიკოლაიშვილმა.




 ახალი ამბები
  • ოზურგეთის მუნიციპალიტეტის მერიამ ბარამიძესთან და სარიშვილთან სააპელაციოში საქმე წააგოოზურგეთის რაიონული სასამართლოს მოსამართლის გიორგი ზვიადაძის გადაწყვეტილება ძალაში დატოვა ქუთაისის სააპელაციო სასამართლოს მოსამართლე გოჩა აბუსერიძემ. კონკრეტულად, ოზურგეთის მუნიციპალიტეტის მერიას დაავალა ქალაქ  ოზურგეთის მუნიციპალიტეტის ყოფილი მერიის თანამშრომლების კუკა ბარამიძისა და თინათინ სარიშვილის დასაქმება. როგორც კუკა ბარამიძემ გვითხრა, მოსამართლის გადაწყვეტილებით, უნდა მოხდეს ბარამიძისა და სარიშვილის მესამე რანგის პირველი კატეგორიის ტოლფასს თანამდებობაზე გადაყვანა და დასაქმება და ასევე, იძულებითი განაცდურის ანაზღაურება. მოსამართლემ დააკმაყოფილა სააპელაციო მოთხოვნა და ბათილად ცნო ოზურგეთის მუნიციპალიტეტის საკრებულოს 2018 წლის N45 დადგენილება, რომლითაც სადავო საშტატო ერთეულების კატეგორიები შეიცვალა. შეგახსენებთ, რომ ბარამიძე და სარიშვილი  მობილობის და რეორგანიზაციის პროცესში გამოცემული ოზურგეთის მუნიციპალიტეტის მერიის სამართლებრივი აქტების  და ოზურგეთის მუნიციპალიტეტის საკრებულოს 2018 წლის #45 დადგენილების ბათილად ცნობას; მობილობის წესით თანამდებობაზე გადაყვანის დავალდებულებას; მერიის უკანონო მოქმედებით გამოწვეული იძულებითი განაცდურის ანაზღაურებას და ამასთან ერთად    ხელფასზე დაკლებული ანაზღაურების  ნაწილის დაუყოვნებლივ ჩარიცხვის  დავალდებულებას ითხოვდნენ. გაასაჩივრებს თუ არა სააპელაციო სასამართლოს გადაწყვეტილებას მერია, უახლოეს დღეებში გახდება ... ...
  • სავაჭრო პალატის გურიის რეგიონული ოფისის კარი, ჯერჯერობით, დაკეტილიასაქართველოს სავაჭრო-სამრეწველო პალატამ, ორიოდე კვირის წინ, გურიის რეგიონული ოფისი გახსნა.  ამისთვის ოთახი ოზურგეთის მუნიციპალიტეტის მერიის ადმინისტრაციული შენობის პირველ სართულზე გამოიყო. გაკეთდა აბრაც, თუმცა, ოთახში, რომლის კარი, უბრალოდ, მიკეტილია, არანაირი ინვენტარი არ დგას. არაერთი დაინტერესებული მოქალაქე კითხულობს, ვინ და როდის დაიკავებს  კაბინეტს, რომ ხალხს პასუხი გასცეს. _ როდის იწყებენ მუშაობას? აკი, მეწარმეთა იმედად მოვდივართო. ვინ გაგვცემს პასუხს? ან ამ აბრის გაკვრას, ხომ სჯობდა, დაეწერათ, როდის იწყებენ მუშაობას, _ კითხულობენ რეგიონულ ოფისში მისული მოქალაქეები, რომლებსაც, ჯერჯერობით, მხოლოდ ცარიელი ოთახი და კარზე გაკრული აბრა ხვდებათ. „გურია ნიუსი“ საქართველოს სავაჭრო-სამრეწველო პალატის პიარმენეჯერს, თამუნა დემეტრაშვილს დაუკავშირდა და ჰკითხა, რატომ ჭიანურდება სავაჭრო-სამრეწველო პალატის რეგიონული ოფისის ამოქმედება. _ დღეიდან ათი დღის ვადაში რეგიონული ოფისი მუშაობას დაიწყებს, _ გვითხრა ... ...
  • საგარეჯოში ეროვნული სანავიგაციო პროექტის საველე–აღწერითი სამუშაოები დასრულებულია (R)ეროვნული სანავიგაციო სისტემის შექმნისა და განვითარების პროექტის ფარგლებში, საჯარო რეესტრის ეროვნული სააგენტოს საველე ოპერატორებმა  აღწერითი სამუშაოები  საგარეჯოს მუნიციპალიტეტის სოფლებში დაასრულეს.  სულ, 45 სოფელში აღწერილია 17137 მიწის ნაკვეთი, 31762 შენობა-ნაგებობა, 17137 სამისამართო ერთეული, 1054 ინტერესის ობიექტი და 824 საგზაო ნიშანი.  ამჟამად საველე სამუშაოები ლანჩხუთის მუნიციპალიტეტის სოფლებში მიმდინარეობს. სოფლის ტიპის დასახლებული პუნქტების საველე აღწერა ეროვნული სანავიგაციო სისტემის შექმნისა და განვითარების პროექტის მეორე ეტაპია.  პროექტის პირველ ეტაპზე, ქალაქისა და დაბის ტიპის ყველა დასახლებული პუნქტი აღიწერა.   საჯარო რეესტრის საველე ოპერატორები სოფლებში პლანშეტური კომპიუტერებით  გამოყენებით მუშაობენ და   როგორც სანავიგაციო, ისე სამისამართო მონაცემებს ერთიანად, ციფრულ ფორმატში  აღწერენ. ეროვნული სანავიგაციო სისტემა მომხმარებელს  ინფორმაციის მოძიებას, ადგილმდებარეობის იდენტიფიცირებას და დანიშნულების ადგილამდე მისასვლელი ოპტიმალური მარშრუტის შერჩევას გაუადვილებს. სანავიგაციო სისტემებსა და ციფრულ რუკებზე გამოსახული ინტერესის ობიექტები ადგილობრივი და უცხოელი ტურისტებისთვის გაცილებით ცნობადი და იოლად მოსაძებნი გახდება, რაც ტურიზმის განვითარებას, ქვეყნის პოპულარიზაციას და ადგილობრივ ბიზნესს შეუწყობს ხელს.  რაც შეეხება მოწესრიგებულ სამიმართო სისტემას,  მოსახლეობითვის ისეთი სერვისების მიწოდება გაუმჯობესდება, როგორიცაა პიროვნების, ნაკვეთის, შენობისა და ბინის რეგისტრაცია, სოციალური დახმარებების ადმინისტრირება, ფოსტა, სახანძრო, სამართალდაცვითი ღონისძიებები, სასწრაფო დახმარება და სხვა. ... ...
  • კომიტეტმა კობახიძის კანონპროექტს მოსამართლეების შერჩევაზე, მხარი დაუჭირა იურიდიულ საკითხთა კომიტეტმა ირაკლი კობახიძისა და "ოცნების" იდევ 6 დეპუტატის მიერ შემუშავებულ უზენაეს სასამართლოში მოსამართლეების შერჩევის კანონპროექტს მხარი დაუჭირა. პროექტის განხილვა კამათისა და დაპირისიპირების ფონზე წარიმართა. მმართველ გუნდის კანონპროექტს არ იზიარებდნენ ოპოზიციის წევრები, მათ შორის გედევან ფოფხაძე და ეკა ... ...
  • პირველი აპრილიდან მოქალაქეებს დაგროვებითი საპენსიო სისტემიდან გასვლა შეეძლებათპირველი აპრილიდან 40 წელს გადაცილებულ 200 ათასამდე მოქალაქეს უფლება აქვს დატოვოს საპენსიო სისტემა, თუმცა საპენსიო სააგენტოს ხელმძღვანელი იმედოვნებს, რომ რეფორმის მიღმა დარჩენილთა რაოდენობა მცირე იქნება.  როგორც „რადიო იმედის“ ეთერში ლევან სურგულაძემ განაცხადა, „დაინტერესებულმა პირმა 1-ელი აპრილიდან ერთი თვის განმავლობაში უნდა მიმართოს სააგენტოს განცხადებით და მოითხოვოს სისტემის დატოვება. მას სამი თვის დანაზოგიდან, მხოლოდ მისი შენატანი, უკან დაბეგრილი თანხა დაუბრუნდება", -  თქვა ლევან სურგულაძემ. „ვეცდებით თანხა დროულად დაბრუნდეს. მიმდინარეობს მოლაპარაკება სოციალური მომსახურების სააგენტოსთან, რომ მათ ოფისებშიც მოხდეს განაცხადების მიღება, განსაკუთრებით რეგიონებში“, - დასძინა სურგულაძემ. კითხვაზე, რატომ არ ხდება ელექტრონული განაცხადით სისტემის დატოვება, საპენსიო ფონდის ხელმძღვანელი განმარტავს, რომ ეს აუცილებელია იდენტიფიცირებისა და რისკებისგან დასაზღვევად. „ბანკში ვერ გახსნით ანგარიშს თუ პირადად არ მიხვედით. ჩვენც ამ პრინციპით ვხელმძღვანელობთ“, - განაცხადა სურგულაძემ. მისი თქმით, დარჩენილ დროში კიდევ ერთხელ შეეცდებიან ამ ადამიანების დარწმუნებას, თუ რა სიკეთე მოაქვს საპენსიო რეფორმას. ბოლო მონაცემებით, საპენსიო ფონდში 107 მილიონი ლარია აკუმულირებული. სისტემაში ჩართულია 620 ათასი დასაქმებული და 47 ათასზე მეტი კომპანია. რაც შეეხება 40 წელს გადაცილებულ დასაქმებულებს, მათი რაოდენობა 200 ათასია. შეგახსენებთ, რომ საქართველოში დაგროვებითი საპენსიო სისტემა 2019 წლის ... ...

არქივი

ზაფრანი

გერმანელებს ჭკვიანი ცოლები არ უნდათ

რამდენიმე დღის წინ გერმანულმა გამოცემამ...

ერთი ვაშლი დღეში სიმსუქნისგან გიხსნით

ცოტა ხნის წინ ამერიკელმა მეცნიერებმა...

სტრესის მოხსნის ყველაზე მარტივი ხერხი

ბრიტანელმა ექიმებმა, რომლებიც ცდილობდნენ ეპოვათ...

ბრედ პიტი - ახალი მოდის კანონმდებელი

ცოტა ხნის წინ ცნობილმა ამერიკელმა...

ბრიუს უილისი პაპარაცის წინააღმდეგ

ცოტა ხნის წინ, ცნობილი ამერიკელი...
კარმიდამო ჩემი

თაფლი მხედველობას აუმჯობესებს

დღეისათვის კომპიუტერთან მუშაობა ჩვეულებრივ ამბად...

თხილის მცენარის დაავადებათა აფეთქება

თხილის დაავადების აფეთქებას ჩვენში მოსახლეობა...

მეფუტკრე და ადრიანი გაზაფხული

გაზაფხულის დადგომისთანავე განსაკუთრებული ყურადღება უნდა...

თხილის დამღუპველ დაავადებას წლევანდელი თბილი ზამთარი ეხმარება

თხილის კულტურას რომ ყოფნა-არყოფნის საფრთხე...

მოვამზადოთ სათესლე მასალა და დახურულ გრუნტში დავთესოთ

სხვადასხვა ბოსტნეულის დათესვა, უმჯობესია, თებერვლის...

სანამ გაგრძელდება მშრომელი ხალხის აბუჩად აგდება?

საქართველოში, დამოუკიდებლობის გამოცხადების შემდეგ, ჩვენ,...

როგორ უნდა იცხოვროთ ისე, რომ სიმსივნით არ დაავადდეთ

ადამიანები, რომლებიც სიმსივნით იტანჯებიან და...

ოხრახუშს უნარი აქვს განკურნოს დეპრესია, შიზოფრენია და ალცჰეიმერის დაავადება

ბიოაქტიური ნივთიერება, რომელსაც შეიცავს ოხრახუში,...

"ბარი უნდა იცნობდეს მთასა და საქმეზე შეყვარებული და-ძმას"

ოზურგეთის მუნიციპალიტეტის სოფელ მთისპირის მკვიდრი...

რა გავაკეთოთ შემოდგომის მიწურულს საკარმიდამო ნაკვეთებში

ნოემბერ-დეკემბერში აქტიური სამეურნეო სამუშაოები ძირითადად...