ისინი ამ სახელმწიფოს არ ეკუთვნიან

საზოგადოება

ისინი ამ სახელმწიფოს არ ეკუთვნიან

2010 ნოე 25 22:58:54

საქართველოს პარლამენტის წევრს კორნელი კუკულავას,
ჩოხატაურის საკრებულოს თავმჯდომარეს ანტონ ხუნდაძეს,
ჩოხატაურის მუნიციპალიტეტის გამგებელს მამუკა დოლიძეს
ყოფილი #2 ჩაის ფაბრიკის ბინების მცხოვრებთა კოლექტიური განცხადება
აღნიშნულ მისამართზე ვცხოვრობთ ათი ოჯახი, რომლებიც გადანაწილებულები ვართ ოთხ კორპუსში. გაუსაძლისი პირობების გამო, საცხოვრებელი დატოვა რამდენიმე ოჯახმა, რომლებიც მცირეწლოვანი ბავშვებით შეკედლებულნი არიან უახლოეს ნათესავებთან. ჩვენი გასაჭირი მდგომარეობს შემდეგში: ბინები აშენებულია გასული საუკუნის 50-იან წლებში, რის შემდეგაც არანაირი სარემონტო სამუშაოები არ ჩატარებულა. ამიტომ, სახურავი გაიცრიცა და როგორც გარეთ, ისე წვიმს ოთახებში. არ ვარგა არც იატაკი და არც კარ-ფანჯრები. უმორჩილესად გთხოვთ, გულთან მიიტანოთ ჩვენი გასაჭირი და დაგვეხმაროთ აღნიშნული საკითხის მოგვარებაში.
განცხადებას ხელს აწერს ცხრა ოჯახი.

ეს განცხადება 2009 წლის 29 ივნისს არის დაწერილი. მსგავსი განცხადება #2 ჩაის ფაბრიკის ბინების მცხოვრებთა მიერ არაერთხელ გაგზავნილა რაიონის ხელისუფალთა სახელზე, მაგრამ, როგორც განმცხადებლები ამბობენ, დღემდე მხოლოდ დაპირებებია.
არ შეიძლება, მსგავსი გაუსაძლისი პირობები იყოს სადმე. “არ ვარგა არც იატაკი და არც კარ-ფანჯარა”, _ წერია განცხადებაში, თუმცა, იატაკს ვერ დაარქმევთ უსწორმასწოროდ ჩაგებულ ფიცრებს, რომელიც ბევრ ადგილზე სიდამპლისგან ჩავარდნილია. კარებს, რომელიც თხელი ფანერისგან არის შეჭედილი, ნიავიც კი აღებს, ფანჯრები, რომლებზეც პოლიეთილენის პარკებია გაკრული, არ იკეტება და თოკით აქვთ დაბმული. რაც შეეხება საოჯახო ჭურჭელს, სხვენზე აქვთ ატანილი, რომ წვიმა ოთახში არ ჩამოვიდეს.
შენობები სახურავჩამონგრეული, კედლებმორღვეული, განადგურებულია, პატარა ნაკვეთები ფიჩხითაა შემოფარგლული და საერთოდ, აქაურ მცხოვრებთა ეკონომიკური მდგომარეობა შემაშფოთებელია. ნანგრევებში მოყოლის შიშით ზოგი სხვადასხვა სოფლებში ნათესავებთან გადავიდა საცხოვრებლად, ზოგიც _ ნაქირავებში.
მობინადრეების უმრავლესობა პენსიონერია, მათ პურის ფული ენატრებათ და ბევრი თხოვნის მიუხედავად, არანაირ დახმარებას არ იღებენ.
ვარდო სიხარულიძე: _ როცა არჩევნები მოდის, მაშინ ვახსენდებით. ასეთ გაუსაძლის პირობებში როგორ გამაქვს თავი, გასაკვირია.
აქ ახალგაზრდა ოჯახებიც ცხოვრობენ, მარტოხელა დედებიც, ერთ, ორ და სამ შვილთან ერთად.
ხათუნა დოლიძე: _ მე საერთოდ ჰაერში ვარ გამოკიდებული _ უდედმამო, უქმარშვილო და ამ სიტუაციიდან გამომდინარე, უპატრონოც. როცა დათო ბარამიძის სახერხი საამქრო მუშაობდა, დასაქმებული ვიყავით და არც შეშის პრობლემა გვქონდა, არც არავინ შეგვიწუხებია. სამადლოდ შემიფარეს, ოთახს, რომელშიც შევედი, კარ-ფანჯარა არ ჰქონდა და გაუკეთეს. სოციალურმა აგენტმა, რომელიც ოზურგეთიდან გახლდათ, მშვენივრად ცხოვრობ და რა დახმარებაზე საუბრობო, მითხრა. ვარ ასე ღვთის შემწეობის იმედზე. განცხადება რომ დავწერო და სამსახური ვითხოვო, ვინმე დამეხმარება? _ მეკითხება უმაღლესი განათლების მქონე ქალბატონი.
წლები გადის, მდგომარეობა მძიმდება. აქაურების ამბის მკითხავი შიგადაშიგ გამოჩნდება ხოლმე, თუმცა, ეს მათ ყოფას არ ცვლის. გასულ კვირას, ბოლო განცხადების დაწერიდან ოთხი თვის შემდეგ, პარლამენტის წევრი კორნელი კუკულავა ყოფილა მათთან, მაგრამ...
როგორც რაიონის არქიტექტორმა გოგი ბოლქვაძემ (რომელიც ადგილზე გვახლდა, რა თქმა უნდა ჩვენი თხოვნით) გვითხრა, რომ 2011 წლისათვის დაგეგმილია ორი საცხოვრებელი სახლის შეკეთება, რის შემდეგაც იქ მცხოვრებლებს შეექმნებათ ცხოვრების ნორმალური პირობები.
2011 წლამდე წინ დიდი ზამთარია და მეტად საეჭვოა, ამ სახლებმა დიდ თოვლს გაუძლონ, ხოლო მობინადრეებმა _ ყინვას.
საინტერესო კი ის არის, რომ დაბის ხელისუფლებამ, ჩოხატაურში არსებული ყველა საცხოვრებელი ბინა გაარემონტა, გარდა #2 ჩაის ფაბრიკის ბინებისა. რატომ არ დაეხმარნენ მძიმე მდგომარეობაში მყოფ მოსახლეობას, გაუგებარია. ამიტომაც ამბობენ აქაური მცხოვრებლები _ ჩვენ, ალბათ, ამ სახელმწიფოს არ ვეკუთვნით!




 ახალი ამბები
  • ტელეწამყვანი თემურ ჩხიკვაძე გარდაიცვალასაქართველოს პირველი არხის ყოფილი წამყვანი, ქართული ტელევიზიის ლეგენდა, თემურ ჩხიკვაძე გარდაიცვალა. ის 70-იანი წლების მეორე ნახევრიდან მუშაობდა საქართველოს პირველ არხზე. თემურ ხიკვაძე თითქმის სამი ათეული წლის განმავლობაში იყო დიქტორი, ასევე საინფორმაციო პროგრამა „მოამბის“ ... ...
  • საქართველოს პრეზიდენტს მაცხოვრის საფლავის მცველის ორდენი გადაეცასაქართველოს პრეზიდენტს იერუსალიმის პატრიარქმა, მისმა უნეტარესობამ თეოფილე მესამემ იერუსალიმის მართლმადიდებელი ეკლესიის უმაღლესი ჯილდო- მაცხოვრის საფლავის მცველის ორდენი გადასცა, _ ინფორმაციას პრეზიდენტის ადმინისტრაცია ავრცელებს. იერუსალიმის მართლმადიდებელი ეკლესიის უმაღლესი ჯილდო საქართველოს პრეზიდენტს იერუსალიმის პატრიარქმა დღეს რეზიდენციაში გამართულ შეხვედრისას გადასცა. პრეზიდენტმა და პატრიარქმა იმსჯელეს ასევე ქართველი მეცნიერების შესახებ და გადაწყდა, რომ ქართველ მეცნიერებს იერუსალიმის ეკლესიაში დაცულ ხელნაწერებზე და ხელოვნების ნიმუშებზე კვლევების ჩატარების შესაძლებლობა მიეცემათ და მათ საქმიანობას პატრონაჟს საქართველოს პრეზიდენტი გაუწევს. აღნიშნული საკითხის შესახებ საქართველოს პრეზიდენტმა დახმარება იერუსალიმის პატრიარქს, მის უნეტარესობა თეოფილე მესამეს სთხოვა, რომლისგანაც საკითხის მოგვარების თანხმობა მიიღო. სალომე ზურაბიშვილს იერუსალიმის პატრიარქი პირადად წარუძღვა მაცხოვრის საფლავის ეკლესიაში, სადაც სიწმინდეები მოილოცეს. საქართველოს პრეზიდენტმა იერუსალიმის პატრიარქს ფოკის მონასტერში დაწერილი ღვთისმშობლის ხატი ... ...
  • მღვდელმონაზონს, რომელმაც სასულიერო იერარქები მამათმავლობაში ამხილა, მსახურება აუკრძალესმღვდელმონაზონ ანდრია სარიას მღვდელმსახურება აეკრძალა. ამ საკითხთან დაკავშირებით საპატრიარქოში ბრიფინგი გაიმართება. საქართველოს კათოლიკოს-პატრიარქის ბრძანებაში, რომელიც 20 იანვრით თარიღდება, წერია, რომ ანდრია სარია გაფრთხილების მიუხედავად, მედიით საპატრიარქოსა და ეკლესიის იერარქთა მიმართ შეურაცხმყოფელ განცხადებებს აკეთებდა.  „საქართველოს მართლმადიდებელი ეკლესიის იერარქთა და საქართველოს საპატრიარქოს მიმართ მასმედიის საშუალებით კვლავ გაკეთებული შეურაცხმყოფელი განცხადებებისა და დაუსაბუთებელი ბრალდებების გამო მღვდელმონაზონ ანდრიას (სარია) აეკრძალოს მღვდელმოქმედება და მიეცეს დრო სინანულისთვის“, - წერია ბრძანებაში.  მღვდელმონაზონი ანდრია სარია ჭყონდიდის ეპარქიიდან 2019 წლის 13 დეკემბერს გაათავისუფლეს. მაშინ ეს გადაწყვეტილება მას ახალმა მიტროპოლიტმა მეუფე გრიგოლმა გააცნო. ეპარქიიდან გათავისუფლებამდე რამდენიმე დღით ადრე ანდრია სარიამ გამოაქვეყნა ეროვნული არქივიდან 1982 წელს ამოღებული წერილი, რომელშიც საუბარია მამათმავლობის პრობლემაზე, კერძოდ კი, მაშინდელი 5 მოქმედი ეპისკოპოსი მიმართავს პატრიარქს და ამ ცოდვით შეპყრობილ 3 ეპისკოპოსსა და 1 დაბალ სასულიერო იერარქს ამხელს. წყარო: ... ...
  • აპატურაი: ნატო რუსეთთან ყოველთვის წამოჭრის საქართველოს საკითხს„ნატო რუსეთთან კომუნიკაციის დროს ყოველთვის წამოჭრის საქართველოს საკითხს და მეზობლების მიმართ რუსეთის აგრესიულ პოლიტიკას დაგმობს, “- ეს განცხადება კავკასიასა და ცენტრალურ აზიაში ნატო-ს გენერალური მდივნის სპეციალურმა წარმომადგენელმა, ჯეიმს აპატურაიმ „ქრონიკასთან“ ექსკლუზიურ ინტერვიუში გააკეთა.  დღეს ბრიუსელში ნატო-საქართველოს კომისიის სხდომის დაწყებამდე ჯეიმს აპატურაიმ ქრონიკასთან“ საუბარში განაცხადა, რომ დღის წესრიგშია ორი საკითხია: წლიური ეროვნული პროგრამის შეფასება და ოკუპირებული ტერიტორიები.  „ნატოს წევრი ქვეყნები პოზიტიურად აფასებენ სამშვიდობო ინიციატივებს და ხედავენ საქართველოს ხელისუფლების მცდელობას. ეს პოზიტიურადაა შეფასებული. ჩვენ ვიცით, რომ ეს არ არის მარტივი. სეპარატისტები და რუსული მხარე ართულებენ სიტუაციას. გრძელდება ბორდერიზაცია. გადასასვლელები დაკეტილია სექტემბრის შემდეგ და მძიმე ჰუმანიტარული სიტუაციაა ადგილზე,“- განაცხადა ჯეიმს აპატურაიმ.  მისი თქმით, ნატოში რუსეთთან მიმართებით პოზიცია არ შეცვლილა: „ორგანიზაცია აჩვენებს ერთიანობას ამ საკითხზე. ჩვენ გვაქვს ძალიან მტკიცე სტრატეგია, რომელიც მოიცავს თავდაცვის გაძლიერებას და მეორეს მხრივ ვცდილობთ გვქონდეს დიალოგი, რომელიც არსებითი ხასიათის შედეგებს მოიტანს.“ ჯეიმს აპატურაიმ „ქრონიკასთან“ საქართველოში 2020 წლის საპარლამენტო არჩევნებსა და მისი მაღალი სტანდარტით ჩატარების აუცილებლობაზე ისაუბრა:  „საქართველო ყოველთვის იყო მოწინავე სახელმწიფო დემოკრატიულ რეფორმებში და აჩვენებდა, რომ პოლიტიკური სისტემის ტრანსფორმაციას ქვეყანა მიჰყავს ახლოს დასავლურ ღირებულებებთან, ნატოს წევრ ქვეყნებთან. ამიტომაც ამ არჩევნებს ასე ყურადღებით აკვირდებიან ნატოს წევრი სახელმწიფოები. ეს ქართული არჩევნებია, მაგრამ აქვს ფართო რეზონანსი საქართველოს ევროპული და ევროატლანტიკური მისწრაფებებისთვის. ამიტომ საჭიროა ყველაზე მაღალი სტანდარტის ჩვენება,“- განაცხადა ... ...
  • ბათუმში სამი ტყუპი დაიბადაჯანმრთელობის ცენტრ „მედინაში“ სამი ტყუპი დაიბადა. აღნიშნულ სიახლეს ტვ25 ავრცელებს. საკეისრო კვეთის შედეგად სამყაროს 2 გოგო და 1 ვაჟი მოევლინა. ახალშობილები ამ დროისთვის  ინკუბატორში არიან მოთავსებულები და მათი ჯანმრთელობის მდგომარეობა სტაბილურია. ერთი  გოგონას წონა 2,500 გრ შეადგენს და 45 სმ-ია. მეორე  გოგონა 1,70 გრამია და მისი სიგრძე 44 სმ შეადგენს. რაც შეეხება ვაჟს - იგი 44 სმ-ია და 1,800 გრამს იწონის. ... ...

არქივი

ზაფრანი

ქალი, მამაკაცი... ასტროლოგია

ვერძი თუ ვერძს უყვარხართ, წუთით...

რამდენჯერ უნდა გათხოვდეს ქალი

პირველი ქორწინება 18-20 წლის ასაკში...

„საშიში ვარსკვლავები“

ამერიკულმა ინტერნეტ უსაფრთხოების კომპანია McAfee-მ...

დილით დასვენებულმა რომ გაიღვიძოთ

ორგანიზმი ძილის დროს ახალგაზრდავდება, დუნდება...

ფინანსური სტაბილურობა და ასტროლოგია

გთავაზობთ იმ ნიშნების ჩამონათვალს, რომლებიც...

როგორ დავგეგმოთ წარმატებული კვირა

ვედურ ასტროლოგიაში არსებობს კონკრეტული რჩევები...
კარმიდამო ჩემი

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...