საარსებო პენსიაზე დადებული ინკასო

საზოგადოება

საარსებო პენსიაზე დადებული ინკასო

14 ივლ. 2011, 09:54:35
ოზურგეთის მუნიციპალიტეტის სოფელ სილაურში მცხოვრებ 84 წლის ნევრო დარჩიას ერთადერთი საარსებო წყარო _ კუთვნილი პენსია 100%-ით შეუჩერდა.

სოციალური მომსახურების სააგენტოს, გურიის საკოორდინაციო ცენტრის უფროსის, ვასილ ხომერიკის თქმით, პენსიის შეჩერება სააგენტოდან არ მომხდარა. იმ დოკუმენტში, რომელიც მან "ლიბერთი ბანკისაგან" მიიღო, ვკითხულობთ, რომ დარჩიას, სს "ლიბერთი ბანკის" ოზურგეთის ფილიალში გახსნილ საბარათო ანგარიშზე ადევს საქართველოს ფინანსთა სამინისტროს ინკასო თანხით _ 360 ლარი და 418, 32 ლარი, სულ 778 ლარი და 32 თეთრი (ს.ს. კ.243-ე მუხლის პირველი ნაწილის თანახმად, 03.06.2011წ), რომლის ნაწილობრივი განაღდება, 90 ლარის ოდენობით, მოხდა 15.06.2011 წელს. ამ ეტაპზე, დავალიანება 688 ლარს 32 თეთრს შეადგენს.

ფინანსთა სამინისტროს შემოსავლების სამსახურის ერთ-ერთი თანამშრომლის, კახა კოსტავას, თქმით კი, ეს სიმართლეს არ შეესაბამება!

"ნევრო დარჩიას პენსია არ აქვს დაკავებული და მას საგადასახადოში პრობლემა არ ჰქონია", _ ამბობს ის. დარჩია კი აცხადებს, რომ მას პენსია ასი პროცენტით დაექვითა და მეტიც, საურავიც დაეკისრა.

"84 წლის მოხუცებულმა რა ვქნა, ვიმათხოვრო, ვიქურდო? თბილისში წავალ, დავჯდები პარლამენტის წინ, პროტესტს გამოვხატავ, ხომ მაქვს ამის უფლება?! ვიღაცა მაინც ხომ მომაქცევს ყურადღებას? ყველას გავაგებინებ, ოზურგეთში სამართალი და კანონი რომ არ არსებობს", _ ამბობს დარჩია და ჰყვება, რომ ბახმაროში ალპურ საძოვარზე მიწის ფართობს ჩოხატაურის გამგეობასთან გაფორმებული იჯარით სამი წელი სარგებლობდა. იხდიდა გადასახადს, რომლის დამადასტურებელი ქვითრებიც აქვს.

_ მიბარებს მაშინდელი მიწის მართვის სამმართველოს უფროსი ნოდარ ტაკიძე და მეუბნება, შენ შეცდომით გაქვს გაფორმებული მაგი ფართობი, ჩოხატაურს არ ჰქონდა უფლება იჯარა გაეფორმებინაო, ეს მიწა ოზურგეთის საკუთრებაა და ჩამოგართვესო. მიწა უკვე ჩამორთმეული გაქვს და გადავეცით სხვასო. ეს იყო 2000 წლის ბოლოს. ამის შემდეგ, 2001 წელს, გაზაფხულზე, დავწერე განცხადება ოზურგეთის გამგებლის ღელეყვას სახელზე, რომელმაც დამიბარა და ტაკიძეს გამოჰკითხა, რაში იყო საქმე. მან დაუდასტურა, რომ მიწა უკვე სხვისთვის იყო გადაცემული. მე რა გიყო, ბიძია, ამათ უკვე სხვაზე გადაუფორმებიათ, ვეღარაფერს დაგეხმარებიო, _ მითხრა გამგებელმა. რა ვიცოდი, ათი წლის მერე რა მოხდებოდა _ დავანებე თავი და სახლში წავედი. სოფლის გამგებელს ვუთხარი, იჯარა შემიჩერეს, მიწა სხვას გადაუფორმეს-მეთქი. მან მითხრა, დოკუმენტები მისთვის მიმეცა და იჩივლებდა შესაბამის ორგანოებში; ასეც მოიქცა, თუმცა ვერაფერს გახდა, _ ამბობს 84 წლის მარტოხელა პენსიონერი.

მისი თქმით, 2010 წელს საგადასახადოდან გაფრთხილება მიიღო, მიწის გადასახადი გადაუხდელი გაქვს და უნდა გადაიხადოო:

_ მივედი საგადასახადოში და ავუხსენი მდგომარეობა, ვაჩვენე დოკუმენტები, რომ მიწა ჩამორთმეული მქონდა. ვუთხარი, ჩემთან რა გინდათ, მე მიწა 10 წელია აღარ მეკუთვნის-მეთქი. რამდენიმე ხნის მერე ისევ მივედი საგადასახადოში; თან ჩემი სოფლის დეპუტატი მახლდა. მითხრეს, ჩოხატაურიდან ცნობა მივიღეთ, 60 ჰექტარი გაწერია და მიწის გადასახადი უნდა გადაიხადოო. შემდეგ ჩოხატაურში წავედი, შესაბამის სამსახურებს წარვუდგინე დოკუმენტები, რომ 30 ჰექტარი მქონდა გაფორმებული და არა 60 და ისიც ჩამორთმეული მქონდა ათი წლის უკან. მითხრეს, შეცდომა ოზურგეთმა დაუშვა, ჩვენი ბრალი არააო. მითხარით, რა უნდა მექნა _ ვერსად ვიპოვე კანონი და სამართალი, ვიწვალე და დავანებე თავი. ახლა კი პენსია სრულად დამიკავეს: ერთი თვის წინ მივედი ბანკში პენსიის ასაღებად. იქ კი მითხრეს, შენ პენსიას ვერ მიიღებ, შენზე გაფრთხილებაა მოსული საგადასახადო სამსახურიდანო. ერთადერთი შემოსავალი 100%-ით დამიკავეს. მივედი საგასახადოში და ვეკითხები, რატომ დამიკავეთ-მეთქი, დავალიანება გაქვსო, მითხრეს; რაოდენობის გაგება მინდოდა ასე მიპასუხეს: _ თუ ახლა გინდა მაგის პასუხი, უნდა გადაიხადო 250 ლარი, თუ 2 დღის შემდეგ _ 150 ლარი, თუ ათი დღის შემდეგ, მაშინ უფასოდ მიიღებო. ფული სად მქონდა და ვუთხარი, 10 დღის შემდეგ მოვალ-მეთქი.

ათი დღის შემდეგ, დარჩიას შედარების აქტი გადასცეს, რომლის მიხედვითაც მას 750 ლარის ოდენობის დავალიანების გადახდა აკისრია. როგორც თავად ამბობს, ოზურგეთის მუნიციპალიტეტის გამგებელმა გია ტაკიძემ ადვოკატებთან მისვლა ურჩია.

_ ადვოკატებმა მითხრეს, ამას არაფერი ეშველება, ან დავალიანება უნდა გადაიხადო ან სასამართლოს უნდა მიმართოო. როგორ მივმართო, სასამართლოში სარჩელის შეტანას ფული ხომ უნდა?! არასამთავრობო ორგანიზაციებში მითხრეს, ბანკიდან მოიტანეთ ცნობა, რის საფუძველზე დაგიკავეს პენსიაო. ბანკმა ოფიციალური პასუხი მომაწოდა, სადაც აღნიშნულია, რომ ჩემს ანგარიშს საქართველოს ფინანსთა სამინისტროს ინკასო ადევს.

ახალგაზრდა იურისტთა ასოციაციის ოზურგეთის ოფისის ხელმძღვანელი თამაზ ტრაპაიძე "გურია ნიუსთან" საუბარში აღნიშნავს, რომ აღნიშნული ფაქტიდან გამომდინარე, კანონი სამართლებრივად ასეთ ფორმას ითვალისწინებს, თუ რამდენად სამართლიანია კანონი ეს საზოგადოებამ განსაჯოს, არ შეიძლება პენსიონერს, პენსია 100 %-ით დაუკავდეს.

_ სამწუხაროდ, ეს ადამიანი ჩვენთან დასახმარებლად ძალიან გვიან მოვიდა. ვადები დარღვეულია. როცა მას მოუვიდა საგადასახადო შეტყობინება, ერთი თვის ვადაში ადმინისტრაციული საჩივრის წესით უნდა გაესაჩივრებინა. იმის გამო, რომ დარჩია ასე არ მოიქცა, საგადასახადომ გამოიტანა გადაწყვეტილება არა მარტო დავალდებულების საგადასახადო შესრულებით, არამედ, შესაბამისი საურავის დაკისრებით.

ოზურგეთის მუნიციპალიტეტის გამგეობის მიწის მართვის სამსახურის თანამშრომელი თამაზ ცერცვაძე "გურია ნიუსთან" საუბარში ამბობს, რომ აღნიშნულ საკითხს კარგად იცნობს:

_ თავის დროზე, მე მას გავუგზავნე მიწერილობა, დავუზუსტე ყველაფერი და ვუთხარი სასწრაფოდ წასულიყო ჩოხატაურში.

მე მოწმე არ ვარ, მაგრამ ვიცი, რომ ეს ასეც მოხდა. ნამდვილად ვიცი, რომ იჯარით აღებული მიწა სხვას გადასცეს, მაგრამ ეს ჩემი მუშაობის დროს არც გაცემულია და არც გაყიდული. ერთადერთი გამოსავალი არის, მიმართოს სასამართლოს და მე ამ სიტყვებს სასამართლოზეც ვიტყვი.

ოზურგეთის მუნიციპალიტეტის გამგეობის ეკონომიკისა და ინფრასტრუქტურის სამსახურის მთავარი სპეციალისტი ომარ ჩხარტიშვილი "გურია ნიუსთან" საუბარში აღნიშნავს, რომ საკითხი სასამართლოს წესით უნდა გადაწყდეს, რადგან დაშვებულია გარკვეული შეცდომები.

_ ბატონო ომარ, თუ შეიძლება გვითხარით, კონკრეტულად რა შეცდომებზეა საუბარი?

_ მე მიწის მართვის სამმართველოს საიჯარო კომისიის ერთ-ერთ წევრი ვიყავი. ფაქტობრივად, იჯარა, რომელიც ჩოხატაურის გამგეობის მიერ გაიცა ნევრო დარჩიაზე, არასწორი იყო.

დარჩიამ ბახმაროში იჯარით ალპური საძოვრის აღების მოთხოვნით ოზურგეთის გამგეობას მიმართა. მაშინდელმა მიწის მართვის სამმართველოს სპეციალისტებმა ჩათვალეს, რომ ეს ფართობი ჩოხატაურის საზღვრებში იყო მოქცეული. ამიტომ, გაუგზავნეს წერილი ჩოხატაურის გამგეობას, რომ მათ გაეცათ იჯარით ფართობი. როცა შემოწმდა საიჯარო ფართობები ალპურ საძოვრებზე, აღმოჩნდა, რომ ეს ფართობი ოზურგეთს ეკუთვნოდა. ამის შემდეგ, დარჩია დაიბარეს და უთხრეს, წადი ჩოხატაურში და გააუქმე ხელშეკრულებაო, რაც არ მოხდა სინამდვილეში; ოზურგეთის საიჯარო კომისიამ და გამგეობამ, აღნიშნული ფართობი გასცა სხვა პიროვნებაზე. ამის შემდეგ, ნევრო დარჩიას არაერთხელ შეატყობინეს ჩოხატაურიდან, რომ, იჯარის გადასახადი გადაეხადა; არ გაარკვია საკითხი დროულად და ახლა სასამართლოს გარეშე ეს საკითხი არ გადაწყდება. სასამართლოზე კი, ყველა მას დაუდგება გვერდით.

სოციალური მომსახურების სააგენტოს გურიის საკოორდინაციო ცენტრის უფროსი ვასილ ხომერიკი ამბობს, რომ აღნიშნული მოქალაქის მიმართ სააგენტოს მიერ არანაირი ქმედება არ არის გახორციელებული და ფიზიკურად თუ ვინმე ვერ იღებს პენსიას, ეს აუცილებლად უნდა გაირკვეს მომსახურე ბანკში.

უცნაურია, მაგრამ ფინანსთა სამინისტროს შემოსავლების სამსახურის ერთ-ერთი თანამშრომელი კახა კოსტავა ინფორმაციას, რომ დარჩიას პენსია საგადასახადომ, დავალიანების გამო შეუჩერა, უარყოფს და აღნიშნავს, რომ პენსიის შეჩერება არ შეიძლება. მისი თქმით, არც ერთ პენსიონერს პენსიის აღებაზე პრობლემა არ აქვს!

_ ვისაც ჰქონდა რაიმე პრობლემა პენსიის აღებაზე, ყველას მოეხსნა ეს პრობლემა. არ აქვს მნიშვნელობა ჯარიმა ჰქონდა გადასახდელი თუ არა, პენსიას აიღებს ნებისმიერი პენსიონერი. რა უნდოდა რედაქციაში, მოსულიყო ჩვენთან და გავარკვევდით საკითხში. მოვიდეს ეგ ადამიანი ჩვენთან და ვანახვებთ მას, რომ ინკასო არ აქვს და პენსიას იღებს.

_ მას აქვს ბანკიდან მიღებული წერილი, რომ საბარათო ანგარიშზე საქართველოს ფინანსთა სამინისტროს მოთხოვნით ინკასო ადევს.

_ პენსიის შეჩერება არ შეიძლება, ეს არის სახელმწიფო პროგრამა, რომ პენსიონერს არ შეეშალოს ხელი პენსიის აღებაში. არცერთ პენსიონერს პენსიაზე აღებაზე პრობლემა არ გააჩნია, _ ირწმუნება კოსტავა. ჩვენ ამ ფაქტს ისევ დავუბრუნდებით და კომპეტენტურ იურისტებთან გავარკვევთ, რამდენად კანონიერად შეუჩერა საარსებო პენსია 84 წლის პენსიონერს ფინანსთა სამინისტრომ. მკითხველებს კი ვთხოვთ, თუ მსგავსი პრობლემა მათაც შეექმნათ, აუცილებლად მოგვაწოდონ ინფორმაცია გაზეთის ოფისებში.




 ახალი ამბები
  • "ძლიერებმა სუსტებს ვაპატიოთ, თუ ისევ წამოყვეს თავები, მერე იმ თავებსაც მიეხედებათ" ,,ძლიერებმა სუსტებს რაღაცეები ვაპატიოთ, თუ ისევ წამოყვეს თავები, მერე იმ თავებსაც მიეხედებათ“, _ ამის შესახებ ბოდბელმა ეპისკოპოსმა დღევანდელი ქადაგებისას განაცხადა. მეუფე იაკობმა,  პოლიტიკურ ძალებს მოუწოდა, რომ თავი შეიკავონ წინასაარჩევნო არეულობისგან და „ნუ დაძაბავენ ნურც ხალხს და ნურც ერთმანეთს. „კიდევ ერთხელ მინდა, ვთხოვო ჩვენს პოლიტიკოსებს, არჩევნები ახლოვდება და ნუ ძაბავენ ერთმანეთში უერთიერთობებს და ხალხსაც ნუ ყოფენ. არ შეიძლება, ხალხო, ჩვენ რომ გავიყოთ, ჩვენ ერთობა თუ არ გვქონდა, შანსი არ არის, ვერავინ გვიშველის. ძალა არ არის საქართველოში დაყოფილზე უშველოს ვინმეს რამე. ერთობა თუ გვექნება, ხო,  გვინდა არ გვინდა უნდა გავერთიანდეთ. როგორ? ამგის გამო დავსხდეთ და დავილაპარაკოთ, როგორ უნდა გავერთიანდეთ“, _ განაცხადა ქადაგებისას მეუფე იაკობმა მან ასევე აღნიშნა, რომ მტრის ხატი შექმნეს, იმას ვებრძვით და საქართველოს ვამარცხებთ საბოლოო ჯამში ,,ეროვნული იდეოლოგია, რომ არ აქვს ერს, დღევანდლამდე 30 წელია დამოუკიდებლები ვართ. ერთი მთავრობა არ ყოფილა, პირველი ხელისუფლება იყო და უცბად ჩამოაგდეს, დანარჩენ მთავრობებში ხომ სულ მარტო ის არის, მტრის სახე შექმნეს, მაგასაც სწორად შევხედოთ. იმიტომ, რომ თუ არ გავერთიანდებით რაღაცებზე, ვინც ძლიერები ვართ, იმ სუსტებს რაღაცები დღეს ვაპატიოთ და თუ ისევ წამოყვეს თავები, მერე იმ თავებსაც მიეხედებათ. გავაკეთოთ ისე, რომ ღმერთს ვანახოთ, რა.“ - განაცხადა ბოდბელმა ეპისკოპოსმა.     ... ...
  • "მადლობელი ვარ, დამბადებელო" _ ლეიბორისტულმა პარტიამ მაჟორიტარობის კანდიდატები წარადგინა,,ლიბორისტული პარტიის“  ლიდერმა, შალვა ნათელაშვილმა, დღეს  მეტეხის ეკლესიის ეზოში მაჟორიტარი დეპუტატობის კანდიდატები წარადგინა. ქვეყნის პირველმა ლეიბორისტმა კანდიდატების წარდგენისას, პრემიერ-მინისტრობის კანდიდატად თავისი თავის წარადგინა და  ვაჟა-ფშაველას სიტყვებით დაიწყო კანდიდატების წარდგენა. ,,როდესც ვუყურებ ჩვენს გუნდს, ჩვენს პარტიას, მე მახსენდება დიდი ვაჟას უკვდავი სტრიქონები. ,,მადლობელი ვარ დამბადებელო, ჩვენიდან შექმენ ისეთი გუნდი, როგორიც ამ დღეს საჭიროა, სამშობლოს წყლულებს როგორიც უნდა.“  დიახ, ჩვენ ის გუნდი ვართ,  რაც სამშობლოს წყლულებს სჭირდება, _ განაცხადა ნათელაშვილმა. ასევე, მან აღნიშნა, რომ 10 რჩეულს კანდიდატს წარადგენდა. ნაძალადევი - გაერთიანებული ოპოზიციის სახელით მაჟორიტარობის კანდიდატი, შალვა ნათელაშვილი; ,,ვიქნები არა მარტო თქვენი დეპუტატი, არამედ ოჯახის წევრი“, - აღნიშნა ნათელაშვილმა. თელავი, ყვარელი, ლაგოდეხი, ახმეტა -  ნიკა ვარდოშვილი; რუსთავი - მიხეილ ქუმსიშვილი; ,,20 ივნისის მებრძოლი, ახალგაზრდების ღირსეული წარმომადგენელი, ქართული პოლიტიკის მომავალი“, - განაცხადა ნათელაშვილმა; მარნეული - ალი ბადიროვი; ,,მაჟორიტარად ვასახელებ, მაგარ აზერბაიჯანელს, მაგარ ქართველს, იურისტს, ადვოკატს და ქართულად კარგად  მოსაუბრეს“, _ აღნიშნა წარდგენისას პირველმა ლეიბორისტმა. თეთრიწყარო, წალკა,დმანისი, ბოლნისი - თემურ წიკლაური წარდგენისას  ნათელაშვილმა, მის დამსახურებაზე ისაუბრა და აღნიშნა, ჯვარას ტყეში მილიონი ხის აღმოჩენაზე, რომელის წყალობითაც ,,იქაურობა საყდრისივით აღარ ააფეთქეს. მესხეთი _ გიორგი ჩიტაური; პირველმა ლეიბორისტმა აღნიშნულ ოლქს უწოდა, ქართული პოლიტიკის სამშობლო ,,კანდიდატად ვაგზავნი ჭეშმარიტ, მაგარ ქართველს, რომელსაც იცნობს ჩვენი საზოგადოება, როგორც მთის ფოლკლორის საუკეთესო შემსრულებელს, გიორგი ჩიტაურს“, - განაცხადა ნათელაშვილმა მცხეთა-მთიანეთი - ბექა ნათელშვილი   ,,ჩვენ პოლიტიკაში მამა-შვილი არ ვართ, ჩვენ ვართ თანამებრძოლები, საქართველოზე შეფიცულები“, _ აღნიშნა შალვა ნათელაშვილმა. ზესტაფონი, ტყიბული, თერჯოლა - სამსონ გუგავა ,,პარტიის თვალსაჩინო სახე და წესიერებით სავსე ადამიანი“ ,- ამ სიტყვებით წარადგინა ნათელაშვილმა, აღნიშნული კანდიდატი. გურია - დავით მამლაძე მას, ნათელაშვილმა ,,აჯაყებული გურული“ უწოდა; აჭარა - ტარიელ კალანდარიშვილი; ის, ნათელაშვილმა სახელოვანი გვარის წარმომადგენლად დაახასიათა ,,ლეიბორისტული პარტიის“ ლიდერმა, ასევე აჭარის უზენაესი საბჭოს არჩევნებზე სიის ხელმძღვანელად  ზურაბ ლომია წარადგინა. ქუთაისის მერობის კანდიდატად კი, ირაკლი კიკვიძე, ხოლო კასპის მერობის კანდიდატად _ ოთარ ქოსაშვილი. პირველი ლეიბორისტის თქმით,  თბილისის საკრებულოში კრწანისის გამოკლებულ დეპუტატს მამუკა ჯუღელი ჩაანაცვლებს. ნათელაშვილმა რეგიონებში, საკრებულოს სამი ქალი კანდიდატი წარადგინა და აღნიშნა, რომ მათ მხარს, მხოლოდ გარეგნული სილამაზის გამოც დაუჭერენ ,,გემრიელი ლუკმა, ულამაზესი ლუკმა შემოვინახეთ ბოლოსთვის, სამ უმშვენიერეს, გოგონას, ახალგაზრდას ვასახელებ საკრებულოებში წევრობის კანდიდატად. ონში  - მარიამ გოჩალეიშვილი თელავში - თამარ მენაბდიშვილი მანგლისში -თათია მაისურაძე ,,მარტო ამ სილამაზის გამო მოგცემენ ხმას“ - უთხრა შალვა ნათელაშვილმა. როგორც ცნობილია, საარჩევნო ცვილელებების შემდეგ,  2020 წლის 31 ნოემბრის არჩევნები, 120/30-ზე სისტემით ჩატარდება, რაც იმას ნიშნავს, რომ 30 მაჟორიტარული წესით არჩეული დეპუტატი იქნება საქართველოს პარლამენტში( 8 თბილისში და 22 რეგიონებში) და 120 პროპორციული სიით არჩეული დეპუტატი საკონსტიტუციო ცვლილებების მიხედვით ე.წ. 40%-იანი ჩამკეტი მენიზმი იქნება, პარტია რომელიც 2020 წლის საპარლამენტო არჩევნებზე პროპორციული სისტემით 40.54%-ზე ნაკლებ მხარდაწერას მიიღებს, ის პარტია მთავრობას დამოუკიდებლად ვერ ... ...
  • შსს თელავის საკარანტინო სივრცეში გარდაცვლილი პირის შესახებ ინფორმაციას ავრცელებსშინაგან საქმეთა სამინისტრო თელავის საკარანტინო სივრცეში გარდაცვლილი პირის შესახებ ინფორმაციას ავრცელებს. შინაგან საქმეთა სამინისტროს კახეთის პოლიციის დეპარტამენტმა თელავში, საკარანტინო სივრცეში მამაკაცის გარდაცვალების ფაქტზე გამოძიება სისხლის სამართლის კოდექსის 115-ე მუხლით დაიწყო. ჩატარებული საგამოძიებო ღონისძიებებით ამ ეტაპზე დგინდება, რომ ქალაქ თელავში ერთ-ერთ სასტუმროში, სადაც კოვიდპანდემიის გამო საკარანტინო სივრცე არის განთავსებული, 1991 წელს დაბადებული გ.გ. სასტუმროს პერსონალმა გარდაცვლილი ნახა. აღნიშნული პირი 24 სექტემბერს საფრანგეთიდან დაბრუნდა საქართველოში, რის შემდეგაც თელავში სასტუმროს საცხოვრებელ ნომერში იყო გადაყვანილი. გარდაცვლილი გადასვენებულია ექსპერტიზაზე კვლევების ჩატარების მიზნით. მომხდარ ფაქტზე გამოძიება სსკ-ის 115-ე მუხლით ... ...
  • არჩილ თალაკვაძე და ვასილ ჩიგოგიძე ჩოხატაურში ახალგაზრდებს შეხვდნენპარლამენტის თავმჯდომარე არჩილ თალაკვაძე და ,,ქართული ოცნების" მაჟორიტარობის კანდიდატი ვასილ ჩიგოგიძე ჩოხატაურში მუნიციპალიტეტის ახალგაზრდებს შეხვდნენ. შეხვედრაზე განათლების სფეროში არსებულ პროგრამებზე, ახალგაზრდების დასაქმების ხელშეწყობის მნიშვნელობაზე და სპორტის საკითხებზე ისაუბრეს. „სახელისუფლებო გუნდის მთავარი პარტნიორები არიან ახალგაზრდები და სწორედ ახალგაზრდებთან ერთად ვგეგმავთ იმ მნიშვნელოვანი საქმის გაგრძელებას, რომელიც დაწყებული გვაქვს. ჩვენ ვართ მომავალზე ორიენტირებული გუნდი და ახალგაზრდები არიან ჩვენი ქვეყნის განუყოფელი ნაწილი," - განაცხადა არჩილ თალაკვაძემ. „მქონდა ძალიან საინტერესო შეხვედრა ჩოხატაურში ახალგაზრდებთან, სადაც ვისაუბრეთ განათლების, დასაქმების და სპორტის საკითხებზე. მათ ასევე გავაცანი ჩემი სამომავლო გეგმი. ახალგაზრდებთან მექნება მჭიდრო ურთიერთობა და ჩვენს გუნდთან ერთად ვიზრუნებ მათი კეთილდღეობისთვის", - განაცხადა ვასილ ჩიგოგიძემ. შეხვედრა „ქართული ოცნების" ჩოხატაურის ახალგაზრდული ორგანიზაციის წევრების ინიციატივით ... ...
  • ისევ რთულ მდგომარეობაშია - მეჭაურის მძღოლის დაკითხვის უფლება პოლიციას დედამ არ მისცაპოლიციას ამ დრომდე არ დაუკითხავს თიანეთის მერის, თამაზ მეჭიაურის მძღოლი, რომელმაც რამდენიმე დღის წინ თვითკვლელობა სცადა. 22 წლის გიორგი ხუმარაშვილი კლინიკადან გუშინ, 25 სექტემბერს გაწერეს, თუმცა მის გამოსაკითავად მისულ სამართალდამცველებს ხუმარაშვილის გამოკითხვის უფლება დედამ არ მისცა. არაადეკვატურია ჩემი შვილი, გუშინ ფსიქოლოგს რომ ველაპარაკე და გამომძიებელს შესაძლებელი იყო, რომ დაეკითხათ. ვერ იგებს ბავშვი რატო იყო, სად იყო, რამდენი ხნით, რომ დაიკითხოს სერიოზულ სტრესს მიიღებს ბავშვი, - თქვა გიორგი ხუმარაშვილის დედამ, ნენე ხერხელაურმა. ხუმარაშვილის მშობლების და თიანეთის გამგებლის მტკიცებით, ახალგაზრდა მამაკაცის მხრიდან თვითმკვლელობის მცდელობის მიზეზი "ქართული ოცნების" წარმომადგენლების მხრიდან ფსიქოლოგიური ზეწოლა გახდა. მათი ინფორმაციით, თიანეთის საკრებულოს თავმჯდომარე, ზურაბ ბექაური ახალგაზრდას თამაზ მეჭიაურის შესახებ ინფორმაციის მიწოდება სთხოვდა. თამაზ მეჭიაურის მძღოლის თვითმკვლელობის ცდამდე მიყვანის საქმეზე შინაგან საქმეთა სამინისტრომ გამოძიება საქართველოს სისხლის სამართლის კოდექსის 115-ე მუხლის პირველი ნაწილით დაიწყო. წყარო: ... ...

არქივი

ტესტები

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...
free polls