მოსახლეობამ ქუჩა გადაკეტა

საზოგადოება

მოსახლეობამ ქუჩა გადაკეტა

2011 ივლ 22 22:36:23

აქცია მეგრელაძის ქუჩაზე

სოციალური პრობლემების მოგვარების მოთხოვნით, ქალაქ ოზურგეთში, კიტა მეგრელაძის ქუჩის მცხოვრებლებმა აქცია 22 ივლისს გამართეს და დაახლოებით, ორი საათით ქუჩა გადაკეტეს.

"გზა, წყალი, გაზი _ ყველა არჩევნების წინ ამ საკითხების მოგვარებას გვპირდებიან. თუმცა, დღემდე არაფერი გაკეთებულა. სად მიდის ბიუჯეტის ფულები, რას ხმარდება? მოვითხოვთ მოგვიგვარონ პრობლემები!", _ აცხადებდნენ იქ შეკრებილები.

"წყალს მატლები და მწერები მოჰყვება, ქუჩაში ვერ გამოუშვებ ბავშვს, გადათხარეს ყველაფერი, ამის მიზეზი კი ის მანქანებია, რომლებსაც კარიერიდან მასალები გააქვთ. ქვაც აღარ დაგვიტოვეს ჭალაში", _ ამბობდნენ აქციაზე.

"წყალმა წაგვიღო, გზა არაა, მტვერში ვიხრჩობით. ჭიაყელებიან წყალს ვსვამთ! რაღა არ გამოდის წყალში, გახეთქილია მილები. ადგილობრივი არჩევნებზე შეგვპირდნენ, აგვისტოში გაგიკეთებთო, მეორე აგვისტო მოვიდა და სად არის გაკეთებული რამე? სადაა მთავრობა?! თავისი ჯიბისთვის ფიქრობს ყველა. დადიან ეს დიდი მანქანები, ჭალაში ქვაც აღარ დატოვეს გაუყიდველი. იყიდება საქართველო! საპარლამენტო არჩევნების წინ რომ დაიწყეს ქუჩის გაზიფიცირება, ჯერ არ დაუსრულებიათ", _ გვითხრა 65 წლის ლამზირა ჯუღელმა.

"დარია თუ ავდარია, ჩვენთან წყალი მაინც დამდგარია", _ თქვა "გურია ნიუსთან" საუბარში 72 წლის ქალბატონმა.

" პრობლემების მოგვარებას ვითხოვთ. აღარც ღამით გვაქვს მოსვენება ამ კარიერის გამო. გზაც დახეთქილია და წყლის მილებიც. წყალი, გზა და გაზი _ ესაა ჩვენი მოთხოვნა. დღესაც ვიყავით "სოკარის" ოფისში და ცოტა შეჩერდითო! რამდენ ხანს შევჩერდეთ?!" _ კითხულობდა ქალბატონი, რომელმაც ვინაობის გამხელისგან თავი შეიკავა.

"სანაგვე ურნები, ქუჩის განათება და სახლის ნუმერაცია გვაქვს. ამისთვის მადლობა, მაგრამ ეს საკმარისია?" _ ამბობდა მაყვალა ქარცივაძე.

"მე ბერძენი ვარ, ასეთი რამ სხვა ქვეყანაში არ ხდება. ჭიაყელა კისერში შემრჩა, შეიძლება ასე ან შეიძლება ამ წყლის დალევა? გზა არ გვაქვს და კვალი", _ აღნიშნა "გურია ნიუსთან" საუბარში ალინა შალიკაშვილმა.

"პირველ რიგში, ვითხოვთ ნორმალურ წყალს, რომელსაც მატლები არ გამოყვება; გზაც არ გვაქვს; გაზიფიცირება რამდენი ხანია მიმდინარეობს და ჯერ არ დაუსრულებიათ. კარიერზე მომუშავე მანქანებმა დააზიანეს და ბოლო მოუღეს გზას _ დადის 40-ტონიანი მანქანები და მილებიც ამის გამო დასკდა", _ თქვა "გურია ნიუსთან" საუბარში მეგრელაძის ქუჩის ერთ-ერთმა მცხოვრებმა.

"გუბერნატორის და გამგებლის სახელზე განცხადება შევიტანეთ. სად მიაფუჩეჩეს, რა უქნეს, არ ვიცით?! სად მიდის ბიუჯეტის ფულები?!" _ ამბობდა ერთ-ერთი ქალბატონი.

"ახლა "დრაბილკა" (ქვის გადამამუშავებელი საამქრო) დადგეს ქუჩის ბოლოს და მტვერი გვახრჩობს", _ შემოგვჩივლა ასაკოვანმა მამაკაცმა.

საკრებულოს სხდომა დატოვეს და აქციაზე მოვიდნენ ოპოზიციონერი ლიდერები თემურ სალუქვაძე და ლელა ნაცვალაძე. აქციის მონაწილეებს შეხვდნენ ადგილობრივი ხელისუფლების წარმომადგენლები, მათ შორის მუნიციპალიტეტის გამგებელი გია ტაკიძე და წყალმომარაგების კომპანიის ოზურგეთის წყალმომარაგების სერვისცენტრის მენეჯერი იასონ ცინცაძე.

"გაზი ჩვენ არ გვაქვს და გზა. პატრონი ჩვენ არ გვყავს. რამდენი თანხა გამოიყო ბიუჯეტში გზაზე, წყლის სისტემის მოწესრიგებაზე? გზას ის ხალხი გაგვიკეთებს, ვისი მანქანებიც აქ დადის?" _ უთხრეს გამგებელს აქციის მონაწილეებმა.

გია ტაკიძე: _ არავინ არ გაგიკეთებთ არაფერს. ჩვენ უნდა გავაკეთოთ ეს გზა.

მოქალაქე: _ არ გამოვა ეს დალაპარაკება. არჩევნების წინ გვითხარით, მოგვეხმარეთო და მოგეხმარეთ;Eშეგვპირდით, პრობლემებს მოგიგვარებთო. რამდენმა არჩევნებმა ჩაიარა? წლებია გვპირდებით და არაფერი გაგიკეთებიათ. თქვენ რა გენაღვლებათ?! _ ეუბნებოდა მოსახლეობა ადგილობრივი ხელისუფლების წარმომადგენლებს.

ოზურგეთის წყალმომარაგების სერვისცენტრის მენეჯერის იასონ ცინცაძის თქმით, აღნიშნული ქუჩის წყალგაყვანილობის მოწესრიგებისთვის ტენდერი გამოცხადებულია და სექტემბრიდან უკვე დაიწყება არსებული პრობლემის მოგვარება.

ტაკიძე მოსახლეობას შეჰპირდა, რომ აღნიშნული პრობლემები მოგვარდება: "ჩვენ ვიღებთ ვალდებულებას, რომ წყლის სისტემის მოწესრიგების შემდეგ, გზას დავაგებთ. ორშაბათს საინიციატივო ჯგუფს შევხვდებით და დეტალურად განვიხილავთ თითოეულ პრობლემას".

აქციის მონაწილეებს, ადგილზე მისულმა საქართველოს იურისტთა ასოციაციის ოზურგეთის ოფისის ხელმძღვანელმა თამაზ ტრაპაიძემ საჭიროების შემთხვევაში სამართლებრივი დახმარება აღუთქვა.

აქციას შორიდან შინაგან საქმეთა სამინისტროს კონსტიტუციური უსაფრთხოების დეპარტამენტის თანამშრომლები აკვირდებოდნენ.




 ახალი ამბები
  • “მორიგი სუპერ-ამბავი"-ვინ გახდნენ “გურული დღიურების“ სტიპენდიანტები“მორიგი სუპერ-ამბავი,“ - ასე ავრცელებს სოციალურ ქსელში “გურული დღიურების“ დამფუძნებელი გიორგი კეკელიძე. “დღეს გურული დღიურების ფონდის სტიპენდიატი ეს უნიჭიერესი ტყუპი გახდა: დათა და რენე გაბრიჭიძეები. ისინი ყველაზე პატარა, პირველკლასელი წევრები არიან ჩვენი ფონდის კლუბში"_ წერს გიორგი ... ...
  • "ოცნების" მხარდამჭერებმა პარლამენტთან კარავი დადგესთბილისში პარლამენტის შენობის წინ კიდევ ერთი კარავი დაიდგა. ამჯერად კარავი „ქართული ოცნების“ მხარდამჭერმა მოძრაობამ „შევინარჩუნოთ სიცოცხლე“ დადგა და ასე მოუწოდა ოპოზიციას დესტრუქციული ქმედებების ... ...
  • ლევან დავითაშვილი: „სიცრუე და საზოგადოების შეცდომაში შეყვანაა“საქართველოს გარემოს დაცვისა და სოფლის მეურნეობის მინისტრი ლევან დავითაშვილი სიცრუესა და საზოგადოების შეცდომაში შეყვანას უწოდებს „საერთაშორისო გამჭვირვალობა - საქართველოს“ მიერ თანამდებობის პირთა დეკლარაციების შესახებ გამოქვეყნებულ კვლევის შედეგებს, რომლის თანახმად გარემოს დაცვისა და სოფლის მეურნეობის მინისტრს საკუთარ დეკლარაციაში არასრულად აქვს გასაჯაროებული მისი და ოჯახის წევრების სამეწარმეო საქმიანობა. „მინდა აღვნიშნო, რომ დეკლარაციის შევსების შემდგომ, საჯარო სამსახურის ბიუროს მიერ განხორციელდა ჩემი დეკლარაციის მონიტორინგი. მათ დეტალური კვლევა ჩაატარეს და მივიღე დადასტურებული პასუხი, რომ დეკლარაციის შევსების კუთხით შენიშვნა არ არსებობდა. აბსოლუტურად ცრუა ინფორმაცია, რომ ჩემი დეკლარაცია რამეს მალავს, ან უზუსტობაა. მხოლოდ ჩემი სიტყვები რომ არ იყოს მტკიცებულებად, გთხოვთ, თავად მიმართოთ საჯარო სამსახურის ბიუროს ობიექტური პასუხის მისაღებად“, _  ამის შესახებ გარემოს დაცვისა და სოფლის მეურნეობის მინისტრმა ჟურნალისტების კითხვის პასუხად ... ...
  • “მაი ერთსქესიანთა ქორწინების აქციაა?!“ - რა შეუთვალა გურულმა მამაკაცმა სახალხო დამცველსდღეს ოზურგეთში სახალხო დამცველის აპარატის ორგანიზებით ადამიანის უფლებათა საერთაშორისო დღე აღინიშნა. ასევე დღეს დასრულდა 16-დღიანი კამპანია ქალთა მიმართ ძალადობის წინააღმდეგ, წლევანდელი კამპანიის დევიზი იყო “არა სექსუალურ შევიწროებას“. სახალხო დამცველის წარმომადგენელმა გურიაში თამარ ოგანოვამ კამპანიის ფარგლებში არაერთი მოქალაქის კითხვას გასცა პასუხი და ასევე დაარიგა სხვადასხვა საკითხებზე მომზადებული ბუკლეტები. სავარაუდოდ, ერთ-ერთი მოქალაქე კამპანიის არსს ვერ მიხვდა და გაღიზიანებულმა დატოვა შეხვედრის აქცია. “მაი ერთსქესიანთა ქორწინების აქციაა? თქვენი უფროსია (საუბარია სახალხო დამცველზე, ნინო ლომჯარიაზე) მაგათი დამცველი. მაგას გადაეცით ხალხის უფლებები დაიცვას,“_ თქვა ... ...
  • რა უჯდება ოზურგეთს საახალწლო მორთულობების დადგმაოზურგეთში საახალწლო მზადება უკვე დაიწყო. ქალაქის ცენტრში ნაძვის ხის დეკორაციას აწყობენ. ოზურგეთის მუნიციპალიტეტის მერიის პრესსამსახურის, ეკატერინე მგელაძის ინფორმაციით, ნაძვის ხის განათება 27 ან 28 დეკემბერს მოხდება. ასევე ჩვენ დავინტერესდით რა ჯდება ნაძვის ხის და საახალწლოდ მორთულობების დადგმა. მერიის  პრესსამსახურის უფროსის თქმით, ამისთვის ბიუჯეტიდან 15 000 ათასი ლარია ... ...

არქივი

ზაფრანი

როგორ ვებრძოლოთ დაღლილობას

თუ ხშირად გრძნობთ დაღლილობას, გტანჯავთ...

ჯენიფერ ლოპესის სილამაზის საიდუმლო

ცოტა ხნის წინ უბერებელმა კინომსახიობმა...

რა დაავადებისგან იცავს ვარჯიში მამაკაცებს

რეგულარული ვარჯიში კონკრეტული დაავადებების რისკს...

დღეში, რამდენი ფინჯანი ყავის დალევა შეიძლება

რამდენიმე თვის წინ ამერიკელმა მკვლევარებმა...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...

საპარლამენტო არჩევნების რომელ მოდელს უჭერთ მხარს