ზღვეული "ალფას" წინააღმდეგ

საზოგადოება

ზღვეული "ალფას" წინააღმდეგ

31 აგვ. 2011, 00:46:26
ჩოხატაურის მუნიციპალიტეტის სოფელ ქვენობანში მცხოვრები შოთა ბოლქვაძე სადაზღვევო კომპანია "ალფას" წინააღმდეგ სასამართლოში სარჩელის შეტანას გეგმავს _ როგორც "გურია ნიუსის" ოზურგეთის განყოფილებაში მოსულმა ბოლქვაძემ გვითხრა, მას აღნიშნული სადაზღვევო კომპანია, ხელშეკრულებით ნაკისრი ვალდებულების შესრულებაზე, უარს ეუბნება.

"საარსებო შემწეობას ხუთ წელზე მეტია, ვიღებ. ჯერ "იმედი L"-ში ვიყავი დაზღვეული და პრობლემა არასდროს შემქმნია. თუმცა, შემდეგ, ჩემს დაუკითხავად გამხადეს "ალფას" ზღვეული და შესაბამისი პოლისი მომიტანეს. ეკითხათ მაინც? შარშან დამჭირდა შვილის მკურნალობის დაფინანსება. 2010 წლის ნოემბერში რომ მივმართეთ და ჩაეწერა რიგში, წელს, 2011 წლის აპრილში დააფინანსეს. ესეც იმის შემდეგ მოხდა, რაც ყველგან დავრეკე, სადაც შემეძლო.

"ალფასთან " დაკავშირებული ჩემი ისტორია ამით არ დამთავრებულა _ 20 დღის წინ ცუდად გავხდი და უბნის ექიმს მივმართე. მან მიმართვით ჩოხატაურის ცენტრალურ საავადმყოფოში გამაგზავნა. გადამიღეს ექოსკოპია. მარჯვენა თირკმელი დაბლა მაქვს დაწეული და თან კენჭი მაქვს. პასუხი ექიმს მივუტანე, რომელმაც მითხრა, სასწრაფოდ უროლოგს უნდა გაესინჯოო. ჩოხატაურში "ალფას" წარმომადგენელთან, ფატიმა ბაიაჯანთან მივედი, მომცა მიმართვა და ბათუმში გამიშვა კონსულტაციაზე, ანუ მხოლოდ ექიმთან კონსულტაციის დაფინანსებას დათანხმდა", _ გვითხრა შოთა ბოლქვაძემ.

"ექიმმა მითხრა, თქვენ რენტგენის გადაღება გესაჭიროებათ, მხოლოდ კონსულტაცია არ არის საკმარისი და მიმართვა უნდა გამომიგზავნონ, რომ გაფინანსებენო. დავრეკე კომპანიის ცენტრალურ ოფისში. მითხრეს, ჩვენს წარმომადგენელთან მიდიო. თუმცა, მითითებულ მისამართზე არავინ დამხვდა. რა უნდა მექნა? დავბრუნდი ჩოხატაურში და ისევ ქალბატონ ფატიმას მივმართე. მან სადღაც დარეკა და ასე მიპასუხა, მაგას ჩვენ არ ვაფინანსებთო. ამის შემდეგ პოლისი ვაჩვენე, სადაც გარკვევით წერია, რომ ექიმის დანიშნულებით ფინანსდება ელექტროკარდიოგრაფიული, ექოსკოპიური და რენტგენოლოგიური გამოკვლევები. მიპასუხა, ეს მაშინ ფინანსდება, თუ წინასაოპერაციო მომზადებააო. ვერაფერი რომ ვერ გავარკვიე, მედიაციის სამსახურს დავუკავშირდი. მითხრეს, ჩვენ გადავცემთ მათ და ცხრა დღეში დაგაფინანსებენო. ვუთხარი, ავადმყოფი ვარ, ცხრა დღე როგორ მოვიცადო, ტკივილგამაყუჩებლებს ვსვამ და ტკივილი მაინც არ მასვენებს,-მეთქი. რა ვქნათ, ამას დროს სჭირდებაო.

სამართალი ვერც მედიაციის სამსახურში და ვერც კომპანიაში ვიპოვე, ამიტომ, ჩემი უფლებების დაცვას სასამართლოს გზით შევეცდები. სახელმწიფო მეხმარება და ესენი ფულს "მიჭამენ". გთხოვთ, თქვენ გამარკვევინოთ, როცა ეს ხელშეკრულებაში მიწერია გარკვევით, რას მიფინანსებს მე სახელმწიფო და რა ვალდებულებები გააჩნია კომპანიას, რატომ არღვევენ ხელშეკრულების პირობებს?", _ ამბობს 55 წლის შოთა ბოლქვაძე, რომლის ოჯახის სარეიტინგო ქულა 46 000-ს შეადგენს.

როგორც კომპანია "ალფას" წარმომადგენელმა ჩოხატაურში, ფატიმა ბაიაჯანმა ჩვენთან სატელეფონო საუბარში აღნიშნა, მას დაურეკეს ცენტრალური ოფისიდან და უთხრეს, რომ გამონაკლისი დაუშვეს შოთა ბოლქვაძის დაფინანსებასთან დაკავშირებით. როგორც ის ამბობს, პაციენტის გამოკვლევების დაფინანსებას კომპანია საკუთარ თავზე იღებს.

_ ქალბატონო ფატიმა, ზღვეული თქვენი კომპანიის წინააღმდეგ სასამართლოში სარჩელის შეტანას აპირებს და ამის მიზეზი, როგორც თავად ამბობს, ხელშეკრულებით ნაკისრი ვალდებულებების შეუსრულებლობაა.

_ ეს არის ექსკრეტორული უროგრაფია, რომელიც არ შედის პოლისში, თუმცა, კომპანია უკეთებს მას გამონაკლისს. მე დამირეკეს, გაუკეთეთ მიმართვაო. იმ შემთხვევაში ვაფინანსებთ ამ გამოკვლევას, თუ ოპერაციას უკეთებენ ავადმყოფს. შოთა ბოლქვაძეს ეს სჭირდებოდა დიაგნოსტიკისთვის. ჩოხატაურში ეს არ კეთდება, მე როგორც კომპანიის წარმომადგენელს, არ მაქვს უფლება, სხვაგან გავაგზავნო, _ გვითხრა ბაიაჯანმა.

ამის შემდეგ, ფატიმა ბაიაჯანი თავადაც დაგვიკავშირდა და გვითხრა, რომ ის პედიატრია და ძალიან უყვარს ჩოხატაურელებს: "მაგრამ ზოგ უმწეოს, როცა ვერ ვაფინანსებთ, რადგან ამას ხელშეკრულება არ ითვალისწინებს, მისი მტერი ვგონივარ. რისი უფლებაც არ მაქვს, ხომ ვერ გავაკეთებ? აქვე მინდა, განვმარტო, რომ ექსკრეტორული უროგრაფიის დროს, ვენაში შეჰყავთ კონტრასტული წამალი და შემდეგ უღებენ რენტგენს. ეს არ არის უბრალო რენტგენი და არ შედის დიაგნოსტიკურ გამოკვლევაში. ზღვეული ძალიან ნაწყენი დარჩა, შემდეგ ვიღაც დაეხმარა, დარეკა და კომპანია ფეხზე დააყენა. დამირეკეს და მითხრეს, დაუშვით გამონაკლისი და მიმართვა მიეცითო. ჩემი ბრალი არაფერი არ არის", _ გვითხრა ქალბატონმა ფატიმამ.




 ახალი ამბები
  • არჩილ თალაკვაძე: ოკუპაცია აუცილებლად დასრულდება„ოკუპაცია არის დროის და საერთაშორისო სამართლის წინააღმდეგ და აუცილებლად დასრულდება. მავთულხლართებით ხელოვნურად გაყოფილი საზოგადოება გაერთიანდება", - ამის შესახებ საქართველოს პარლამენტის თავმჯდომარე არჩილ თალაკვაძემ გმირთა მემორიალთან განაცხადა. არჩილ თალაკვაძემ აღნიშნა, რომ 27 სექტემბერი არის ერთ - ერთი ყველაზე  ტრაგიკული დღე ქვეყნის ისტორიაში. მისი თქმით, ტერიტორიული მთლიანობა და ქვეყნის დეოკუპაცია უმთავრესი  პრიორიტეტია. „მე მჯერა, რომ დემოკრატიული განვითარებით, მშვიდობიანი პოლიტიკით საერთაშორისო მხარდაჭერის მობილიზებით შევძლებთ ქვეყნის გაერთიანებას და შევძლებთ ჩვენი ქვეყნის ტერიტორიული მთლიანობის აღდგენას. მჯერა, რომ დევნილები დაბრუნდებიან სახლში, დღეს ჩვენი ამოცანა არის მაქსიმალურად ვიზრუნოთ მათზე და შევუქმნათ ღირსეული პირობები, სანამ დაბრუნება იქნება შესაძლებელი. მიუხედავად იმისა, რომ არაერთი გამოწვევა არსებობს, ტერიტორიული მთლიანობა, ქვეყნის დეოკუპაცია რჩება ჩვენს უმთავრეს პრიორიტეტად და ამოცანად და ამისთვის ვაკეთებთ ყველაფერს. დღეს ოკუპირებულ ტერიტორიაზე მცხოვრები თითოეული ადამიანი გრძნობს, რომ ოკუპაცია არის დროის და პროგრესის წინააღმდეგ, ჩვენ აუცილებლად შევძლებთ მოვახდინოთ ჩვენი ქვეყნის დეოკუპაცია, ეს რჩება ჩვენს ძირითად ამოცანად,"- განაცხადა არჩილ ... ...
  • 27 სექტემბერი სოხუმის დაცემის დღეა (R)დღეს სოხუმის დაცემიდან 27 წელი გავიდა. ამ დღესთან დაკავშირებით, ვეტერანების საქმეთა სახელმწიფო სამსახურის დირექტორმა, ვლადიმერ იმნაძემ, პრემიერ-მინისტრ გიორგი გახარიასთან, თავდაცვის მინისტრ ირაკლი ღარიბაშვილთან, თბილისის მერთან, კახა კალაძესთან და მთავრობის წევრებთან ერთად, გმირთა მოედანზე, საქართველოს ტერიტორიული მთლიანობისთვის დაღუპულ გმირთა მემორიალი გვირგვინით შეამკო და სამშობლოს ერთიანობისთვის დაღუპული მებრძოლების ხსოვნას პატივი კიდევ ერთხელ მიაგო. „დღევანდელი დღე არის უმძიმესი ტკივილის დღე. ჩვენ ყველას კარგად გვესმის, რომ ეს უმძიმესი ტრაგედიაა ქართველებისთვის და აფხაზებისთვისაც. ამ ომში გამარჯვებული არ არსებობს და ეს ომი ტრაგედიაა ჩვენთვის ყველასთვის ... დღეს საქართველოს ტერიტორიების 20 პროცენტი ოკუპირებულია და შესაბამისად, ჩვენ ყოველდღიურად უნდა ვიშრომოთ იმისთვის, რომ ჩვენი შვილებისთვის, აფხაზებთან ერთად, აფხაზებმა, ქართველებმა, ჩვენ, ყველამ ერთად, ვიცხოვროთ ეკონომიკურად ძლიერ, სამართლიან, ევროპულ, განათლებულ სახელმწიფოში. ეს ჩვენი მოვალეობაა ჩვენი შვილების წინაშე და დარწმუნებული ვარ, ჩვენ ამას გავაკეთებთ", - განაცხადა პრემიერ-მინისტრმა გიორგი გახარიამ. სამშობლოსათვის დაღუპულთა ხსოვნისადმი პატივის მისაგებად, გმირთა მოედანზე, ასევე, იმყოფებოდნენ, ვეტერანების საქმეთა სახელმწიფო სამსახურის დირექტორის პირველი მოადგილე, ნიკოლოზ კვეზერელი, მოადგილე, ჯანდრი უბირია, უწყების თანამშრომლები, დიპლომატიური კორპუსის წარმომადგენლები, ვეტერანთა არასამთავრობო ორგანიზაციების წარმომადგენლები, ომისა და თავდაცვის ძალების ვეტერანები, აფხაზეთის ომში დაღუპულთა და უგზო-უკვლოდ დაკარგულთა ოჯახის წევრები, მოქალაქეები. დღესვე ვეტერანების საქმეთა სახელმწიფო სამსახურის წარმომადგენლებმა ჟიული შარტავას საფლავი გვირგვინით შეამკეს და ეროვნული გმირის ხსოვნას პატივი მიაგეს. სოხუმის დაცემის 27 წლისთავთან დაკავშირებით და აფხაზეთის ომში დაღუპულთა ხსოვნის პატივის მისაგებად, ყველა სახელმწიფო უწყების შენობაზე სახელმწიფო დროშები დაშვებულია . სამხედრო დაპირისპირება აფხაზეთში 1992 წლის 14 აგვისტოს დაიწყო. საქართველოს ერთიანობისთვის აფხაზი სეპარატისტების, ჩრდილო- კავკასიელი კონფედერატების, კაზაკებისა და რუსული შენაერთების წინააღმდეგ ბრძოლა, 13 თვე და 13 დღე გაგრძელდა და 1993 წლის 27 სექტემბერს, სოხუმის დაცემით დასრულდა. ქართული მხარის მიერ, ამ დრომდე, დაუზუსტებელი მონაცემებით, 10 ათასზე მეტი ქართველი ჯარისკაცი და მშვიდობიანი მოქალაქე დაიღუპა; 300 ათასი კი საკუთარ ქვეყანაში, დევნილად იქცა.   https://www.youtube.com/watch?v=OCYG-dpU0yA&feature=share&fbclid=IwAR2CGxpA6dgwV8HsnCG3h4-a1POARx_LlWPKLdTKt61XM7rEAXKvkBSkDDE ... ...
  • ეს ომი ტრაგედიაა - პრემიერი სოხუმის დაცემის დღესთან დაკავშრებითამ ომში გამარჯვებული არ არსებობს და ეს ომი ტრაგედიაა ჩვენთვის ყველასთვის - აფხაზებისთვისაც და ქართველებისთვისაც, - ამის შესახებ საქართელოს პრემიერ-მინისტრმა გიორგი გახარიამ, სოხუმის დაცემის დღესთან დაკავშრებით, ჟურნალისტებს განუცხადა. გიორგი გახარიამ დაღუპულ გმირთა მემორიალი გვირგვინით შეამკო. მთავრობის მეთაური გმირთა მოედანზე თბილისის მერთან და მთავრობის წევრებთან ერთად იმყოფებოდა.  „დღევანდელი დღე არის უმძიმესი ტკივილის დღე. ჩვენ ყველას კარგად გვესმის, რომ ეს უმძიმესი ტრაგედიაა ქართველებისთვის და აფხაზებისთვისაც. ამ ომში გამარჯვებული არ არსებობს და ეს ომი ტრაგედიაა ჩვენთვის ყველასთვის - აფხაზებისთვისაც და ქართველებისთვისაც. დღეს საქართველოს ტერიტორიების 20 პროცენტი ოკუპირებულია და შესაბამისად, ჩვენ ყოველდღიურად უნდა ვიშრომოთ იმისთვის, რომ ჩვენი შვილებისთვის, აფხაზებთან ერთად, აფხაზებმა, ქართველებმა, ჩვენ, ყველამ ერთად, ვიცხოვროთ ეკონომიკურად ძლიერ, სამართლიან, ევროპულ, განათლებულ სახელმწიფოში. ეს ჩვენი მოვალეობაა ჩვენი შვილების წინაშე და დარწმუნებული ვარ, ჩვენ ამას გავაკეთებთ", - განაცხადა გიორგი ... ...
  • გახარია - საკარანტინო სივრცეებში მდგომარეობას ვაკონტროლებთჩვენ საკარანტინო სივრცეებში მდგომარეობას ვაკონტროლებთ დეტალურად, - ამის შესახებ საქართველოს პრემიერ-მინისტრმა გიორგი გახარიამ ჟურნალისტის კითხვის პასუხად განაცხადა, რომელიც საკარანტინო სივრცეებში არსებულ მდგომარეობას შეეხებოდა. მთავრობის მეთაურმა აღნიშნა, რომ შესაძლოა, რაღაც გამონაკლისები იყოს, თუმცა რეაგირება არის მომენტალური და სწრაფი. „შეიძლება იქ რაღაც გამონაკლისები იყოს, მაგრამ რეაგირება არის მომენტალური და სწრაფი, ამიტომ რაღაც დიდი გადახრები ვერ იქნება,"- განაცხადა ... ...
  • საჭიროა წესების დაცვა და ვირუსთან თანაცხოვრების სწავლა - გახარიაპანდემია არჩევნებს ხელს ვერ შეუშლის, - ამის შესახებ პრემიერ-მინისტრმა გიორგი გახარიამ ჟურნალისტის კითხვის პასუხად განაცხადა - თუ რა კეთდება იმისთვის, რომ პანდემიამ ხელი არ შეუშალოს არჩევნების ჩატარებას. მთავრობის მეთაურის თქმით, დღეს განვითარებულ მსოფლიოში პირბადეზე, დისტანციასა და ჰიგიენის ელემენტარული ნორმების დაცვაზე უკეთესი პრევენცია ვირუსის გავრცელებისა ვერავინ მოიგონა, ამიტომ საჭიროა წესების დაცვა და ვირუსთან თანაცხოვრების სწავლა. „პანდემია არჩევნებს ხელს ვერ შეუშლის. ჩვენ ყოველთვის ვამბობდით, რომ მეორე ტალღა იქნება. ეს ხომ არ არის რაღაც სიახლე. ყოველთვის ვამბობდით, რომ მეორე ტალღა იქნება. ყოველთვის ვამბობდით, რომ ელემენტარული წესები უნდა დავიცვათ. მარტივი რამ მინდა გითხრათ - დღეს განვითარებულ მსოფლიოში ვერავინ პირბადეზე, დისტანციასა და ჰიგიენის ელემენტარული ნორმების დაცვაზე უკეთესი პრევენცია ვირუსის გავრცელებისა ვერ მოიგონა, ამიტომ ეს წესები უნდა დავიცვათ და მიუხედავად იმისა, რომ მოსალოდნელი იყო, ჩვენ ეს ვიცოდით, გეგმას მივყვებით, ინფიცირების რაოდენობის ზრდა გვაქვს და გვექნება კიდევაც, უნდა მივეჩვიოთ ვირუსთან თანაცხოვრებას, რასაც ვგეგმავდით და რასაც ყოველთვის ვამბობდით. მარტივია ინფექციის გაჩერება, მარტივად შეგვიძლია იგივე მკაცრი ზომების მიღება, საგანგებო მდგომარეობის გამოცხადება, კიდევ ბევრი რაღაცები, მაგრამ ჩვენ ხომ ეს არ გვინდა, ჩვენ გვინდა, რომ განათლება გაგრძელდეს, ეკონომიკა გაგრძელდეს, პოლიტიკური პროცესი გაგრძელდეს, ამიტომ უნდა დავიცვათ ელემენტარული წესები, არ არის ეს რთული. ვატაროთ პირბადე, დავიცვათ დისტანცია და ჰიგიენის ელემენტარული ნორმები. კიდევ ერთი რამ უნდა გავითვალისწინოთ, ჩვენ, სამწუხაროდ, ქვეყანაში გვყავს საკმაოდ დიდი რაოდენობა ქრონიკული დაავადებების მქონე ადამიანების, ეს უნდა გავითვალისწინოთ. ჩვენი ოჯახების სოციალური სტრუქტურა ისეა, რომ რამდენიმე თაობა ცხოვრობს ერთად და პირველ რიგში უნდა გავუფრთხილდეთ მაღალი რისკის მატარებელ სოციალურ ჯგუფებს, მოხუცებს, ქრონიკული დაავადებების მქონე ადამიანებს და აქ განსაკუთრებული ყურადღება უნდა გამოვიჩინოთ. უფრო მეტიც, ალბათ სწორია რეკომენდაცია, აჭარაში განსაკუთრებით, რომ ხანდაზმული ადამიანები დარჩნენ სახლში, ეს ძალიან სწორი რეკომენდაციაა,"- განაცხადა ... ...

არქივი

ტესტები

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...
free polls