დავა ფერმებისა და საყანე ფართობების მფლობელებს შორის

საზოგადოება

დავა ფერმებისა და საყანე ფართობების მფლობელებს შორის

24 სექ. 2011, 12:25:29

(გურია ნიუსი, ლანჩხუთი) _ რედაქციაში ლანჩხუთელი ფერმერი ვაჟა სარჯველაძე გვეწვია და თავისი გულისტკივილის შესახებ მოგვითხრო:

_ ძალიან გთხოვთ, დაგვეხმაროთ სიმართლის დადგენაში _ "ჭოლიპას" ტერიტორიაზე საძოვარია, რომლითაც ლანჩხუთის მოსახლეობის ნახევარი სარგებლობს, განსაკუთრებით, რკინიგზის სადგურის ახლოს მცხოვრებლები. იქვე, დაახლოებით, 10-12 მინი-ფერმაა განლაგებული, რომლებიც ამ საბალახოთი სარგებლობენ. "ჭოლიპას" საბალახოს ჩრდილოეთიდან ესაზღვრება საყანე ფართობები, რომელსაც ფლობს სოფელ მაჩხვარეთის მოსახლეობა. საყანე ფართობებსა და საძოვარს შორის მავთულბადის ღობეა, რომელიც 23-25 წლის წინ შეიღობა და მწყობრიდანაა გამოსულია. 2 000 მეტრი სიგრძის ღობიდან 1000 მეტრს ჩვენ _ მინი-ფერმების მეპატრონეები ვუვლით; ყოველწლიურად, სანამ ყანის მეპატრონეები მოსავალს არ დააბინავებენ, ჩვენ ვალდებულად ვთვლით თავს, რომ ამ ტერიტორიაზე ღობე არ დაზიანდეს და საქონელი არ შევიდეს ყანაში. 6 წელი სრულდება, რაც ჭოლიპას ტერიტორიაზე არსებულ საკუთარ ეზოსა და ბინაში ვცხოვრობ. ყოველ წელიწადს, როგორც კი საყანე ფართობების მეპატრონეები დააბინავებენ მოსავალსა და ჩალას, ტერიტორიას გამოაცხადებენ "გაშობილად", ორ ადგილას ვაღებთ შესასვლელს და ყველას აქვს უფლება აძოვოს საქონელი. ასე ხდებოდა ყოველთვის. წელს, რატომღაც, მოხდა გაურკვევლობა: იმ ერთკილომეტრიან ღობეს, ვერც ქალაქის მოსახლეობამ და ვერც მაჩხვარეთის მეყანეებმა ვერ უპატრონოს. ღობის გასწვრივ არსებული წყლიანი ღრმა თხრილიც ამოშრა და ყანები დაუცველი აღმოჩნდა.

როგორც კი ეს გავიგეთ, იმ წუთიდან სამი დღეა ვაკეთებთ ღობეს, რომელიც, თურმე, რამდენიმე წელია არც კი არსებულა. ღობის კეთებისას, ზედმეტად გაბრაზებული პირები მოვიდნენ, რომლებიც გვედავებოდნენ _ ჩვენი ყანა ხომ არ მოსულა თქვენს საქონელთან, თქვენი საქონელი შემოვიდა ჩვენს ყანაშიო. არანაირად არ იწამეს ის, რომ ეს სასაზღვრო ღობე საზიაროა და ორივე მხარეა ვალდებული შეღობოს და შეაკეთოს. ერთი დაგვემუქრა კიდეც: _ რამდენ ძროხასაც ვნახავთ ყანაში, მოვკლავთ და ავაყროლებთო. საქონლის დახოცვა რა თქმა უნდა, არაკაცური საქციელია, მაგრამ თუ ადამიანების დახოცვაში გადაიზარდა ეს დავა, აი, ეს იქნება ნამდვილი უბედურება. ჩვენი თხოვნაა, თუ შეგიძლიათ დაგვიდგინოთ, ვის მოვალეობაში შედის ამ 2-კილომეტრიანი ღობის შეღობვა _ ყანის მეპატრონეების თუ მესაქონლეების? ჩვენ ასე ვიცით, რომ საძოვრებს ყველა სოფელში მთავრობა ეხმარება საჭირო მასალით. ახლანდელი მდგომარეობით, პირუტყვის ყანაში შესვლას თავიდან ვერ ავირიდებთ. პირუტყვი კი არ უნდა მოკლან, არამედ დაისაჯოს ის, ვისაც ეკუთვნის ღობის შეკეთება და არ აკეთებს. იმის მეშინია, დიდი უბედურება არ მოხდეს.

ჩვენ იმ საყანე ფართობების მეპატრონეებს ვესაუბრეთ, რომლებმაც პირუტყვის შემოსევის შედეგად ზარალი განიცადეს:

_ ძალიან მძიმე სიტუაციაში ვართ. დიდი გაჭირვებით დათესილ ყანას ჯერ მატლი შეესია, რაც გადარჩა, იმას ახლა პირუტყვი ჭამს. არსად არ იღობება საყანე ფართობი. ასეა იმერეთშიც და სამეგრელოშიც. ჩვენ, მაჩხვარეთლებს ჩვენი საძოვარი გვაქვს და იქედან ძროხა არსად გადადის. 2,5 კილომეტრიანი ზოლი ჩვენს მიერ იღობება და საძოვრის მოსაზღვრედ მდებარე ყანები საქონლის შესევისგან დაცულია. რომ ამბობენ, მარტო ჩვენ ვღობავთო, არ არის მართალი. ჩვენ ჩვენს წილ ტერიტორიას მუდამ ვაკეთებთ. წელსაც შევაკეთეთ. ახლა ბაწრები მიმაქვს და თუ ჩემს ყანაში დავინახე საქონელი, დავიჭერ და სახლში წამოვიყვან. ერთ ძროხას დღეში 4 ათასი მეტრი ფართობის გაფუჭება შეუძლია. ამას ბუნებრივია, საქონლის მეპატრონეს არავინ აპატიებს. შეიძლება დიდი უბედურებაც მოხდეს. ჩვენი საყანე ფართობები ადრე უფრო დიდი იყო, მაგრამ ფერმერები ნელ-ნელა ჩვენსკენ იწევენ. ალბათ, 30 ჰექტარი მიწა ექნება მაჩხვარეთს დაკარგული ამ საძოვრების გამო. ახლა კიდევ ეს უბედურება გვინდოდა?! ეგერ, კაცი მოდის და ვკითხოთ, რა მდგომარეობაა.

ჩვენკენ მომავალი ასაკოვანი მამაკაცი შეჩერდა და სანამ რაიმეს ვკითხავდით, პირდაპირ დაიწყო:

_ შეგვჭამა საქონელმა. 500 ლარი მაინც მექნება დახარჯული წელს ყანის დათესვა-დამუშავებაში, მაგრამ რად გინდა?! საქონელია მიმდგარი და ჭამს. თუ დავინახე ჩემს ფართობშია, ეგება, თოფიც ავიღო ხელში და მოვკლა. ერთი რომ იყოს, რაღაცას უზამ, ადვილად გადადენი, მაგრამ ჯოგია შესეული ყანებში. ახლაც ასეთ მდგომარეობაში დავტოვე იქაურობა _ მარტო ვერაფერს გავხდი.

_ ჩვენი სოფლის დეპუტატთან და ქალაქის რწმუნებულთან ვიყავით. მათ გვითხრეს, რომ "სინასაც" კი არ აძლევენ და ამის შესაღობ ღობეს ვინღა მოგვცემს?! ჩვენი ძალებით რამდენიმე ადგილას შევაკეთეთ, მაგრამ სხვაგან ნახა შემოსასვლელი და მაინც შემოდის პირუტყვი. სამი დღეა ყანაში ვართ და საქონელს დავდევთ, _ გვითხრეს მაჩხვარეთელებმა.

ამგვარი პრობლემების მოგვარებაა სწორედ სახელმწიფოს მოვალეობა და ხელფასსაც ამიტომ ვუხდით დაქირავებულ ხელისუფლებას, მაგრამ როგორც ჩანს, უმნიშვნელოვანესი ფუნქციების შესასრულებლად ხელისუფლებას არც დრო "ჰყოფნის" და არც ფული. სულ ბოლო ინფორმაციით, ხელისუფლების წარმომადგენლებმა დაპირისპირებული მხარეების დაწყნარება და შერიგება მოახერხეს, თუმცა, რამდენ ხანს გასტანს ეს ზავი, არავინ იცის.




 ახალი ამბები
  • ფოთში ახალგაზრდა გოგო ხიდიდან გადახტა- სამძებრო სამუშაოები ამ წუთებშიც მიმდინარეობსსუიციდის ფაქტი ფითში - გვიან ღამით, ცოტნე დადიანის ხიდიდან ახალგაზრდა გოგო მდინარეში  გადახტა.  სამძებრო  ღონისძიებები ამ წუთებშიც გრძელდება. შემთხვევის ადგილზე მობილიზებულია სასწრაფო დახმარებისა და პოლიციის ბრიგადები. დამატებით დეტალებს "გურია ნიუსი"შსს-ში ... ...
  • მე-17 დღეა, უშედეგოდ ეძებენ 13 წლის მოზარდსუკვე მე-17 დღეა, უშედეგოდ ეძებენ მესტიაში,სოფელ ლენჯერში დაკარგულ 13 წლის მოზარდს. ილია ფილფანის სამძებრო ღონისძიებებში ჩართულია 80-მდე მაშველი და ერთი ვერტმფრენი. შეგახსენებთ, რომ ილია ფილფანი სახლიდან 18 ივლისს გავიდა და მას შემდეგ არ დაბრუნებულა. შსს-მ ფაქტზე გამოძიება სსკ-ის 143-ე მუხლით დაიწყო,რაც თავისუფლების უკანონო აღკვეთას ... ...
  • კოლეჯ „ჰორიზონტში" საშემოდგომო მიღება მიმდინარეობსკოლეჯ „ჰორიზონტ“-ში საშემოდგომო მიღება მიმდინარეობს. პროფესიული განათლების მიღების მსურველებს შესაძლებლობა აქვთ დაეუფლონ შრომის ბაზარზე მოთხოვნად შემდეგ პროფესიებს: ელექტროობა, თმის მომსახურება, კულინარიის ხელოვნება, სამკერვალო წარმოება, სკოლამდელი აღზრდა (მისანიჭებელი კვალიფიკაცია - უმაღლესი პროფესიული კვალიფიკაცია სკოლამდელ აღზრდაში), ბუღალტრული აღრიცხვა (მისანიჭებელი კვალიფიკაცია - უმაღლესი პროფესიული კვალიფიკაცია ბუღალტრულ აღრიცხვაში). პროფესიულ განათლებაში  მიმდინარე რეფორმის ფარგლებში, საშემოდგომო მიღებიდან, კოლეჯი „ჰორიზონტი“ ინტეგრირებული პროგრამების განხორციელებით, სწავლების ახალ შესაძლებლობას სთავაზობს საბაზო განათლების მქონე პირებს. აღნიშნულ პროგრამებზე სწავლის დასრულების შემდეგ, კურსდამთავრებულები სრული ზოგადი განათლების ატესტატთან გათანაბრებულ დიპლომს მიიღებენ, რაც მისცემთ შესაძლებლობას, სურვილის შემთხვევაში სწავლა განაგრძონ უმაღლეს სასწავლებლებში. 2020 წლის მიღებაზე, კოლეჯი შემდეგ ინტეგრირებულ პროგრამებზე სწავლებას სთავაზობს სტუდენტებს: ელექტროობა, რესტორნის მომსახურება, კომპიუტერული ქსელები და სისტემები. კოლეჯი „ჰორიზონტი“ 2020 წლის შემოდგომას უამრავი სიახლით ხვდება, მათ შორის ახალი ინტეგრირებული და V დონის პროფესიული პროგრამებით. კოლეჯში ყოველწლიურად 300-მდე სტუდენტი სწავლობს, კურსდამთავრებულთა დასაქმების საშუალო მაჩვენებელი 77%-ს შეადგენს. საშემოდგომო მიღებაზე რეგისტრაცია III, ინტეგრირებულ (IV) და V დონის პროგრამებზე 10 აგვისტომდე გაგრძელდება. სწავლის მსურველებს, ასევე, შესაძლებლობა აქვთ გაიარონ ელექტრონული რეგისტრაცია ვებგვერდზე https://vet.emis.ge/#/. სწავლა სრულად ფინანსდება სახელმწიფოს მიერ. ... ...
  • წელს ბახმაროში დოღი არ ჩატარდებაწელს, ბახმაროში ფერისცვალების დღესასწაულზე ტრადიციული დოღი არ ჩატარდება, _ ამის შესახებ განცხადებას ჩოხატაურის მერია ავრცელებს. "კორონავირუსის გავრცელების მაქსიმალური პრევენციისთვის, უწყებათაშორისი საკოორდინაციო საბჭოს რეკომენდაციის შესაბამისად, ბახმაროში დოღი არ ჩატარდება. იმედს გამოვთქვამთ, მომდევნო წელს ქვეყანაში იქნება ისეთი ეპიდემიოლოგიური ვითარება, რომ შესაძლებელი გახდება ბახმაროში ტრადიციული დოღის და სახალხო დღესასწაული გამართვა", _ ნათქვამია მერიის ... ...
  • ავტოსაგზაო შემთხვევა ჩოხატაურში _ დაღუპულია ერთი პიროვნებაავტოსაგზაო შემთხვევა მოხდა ჩოხატაურში, ავტომანქანა, რომელსაც რ. ბ. მართავდა, ხეს შეეჯახა. მძღოლი ადგილზე გარდაიცვალა. როგორც "გურია ნიუსისთვის" ხდება ცნობილი, სატვირტო მიკროავტობუსი, ჩოხატაური-ოზურგეთის ცენტრალურ გზაზე, კონკრეტულად კი, სოფელ გორაბერეჟოულთან, მოცურდა და ხეს შეეჯახა. საქმეზე შსს-მ გამოძიება უკვე დაიწყო. უწყების ცნობით, გამოძიება 276-ე მუხლის მე-6 ნაწილით ... ...

არქივი

ტესტები

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...