კიტა მეგრელიძის ქუჩაზე პრობლემები ისევ მოუგვარებელია

საზოგადოება

კიტა მეგრელიძის ქუჩაზე პრობლემები ისევ მოუგვარებელია

2011 ოქტ 12 00:22:30
_ გუბერნატორი 10 წელი აქ, ჩვენთან, ჩაის ფაბრიკაში მუშაობდა, ყველას გვიცნობს. არ უნდა მოვიდეს და არ უნდა ნახოს ეს სიტუაცია? ამის მეტად არ უნდა მოგვაქციოს ყურადღება?

ქალაქ ოზურგეთში, კიტა მეგრელიძის ქუჩის მცხოვრებლებმა "გურია ნიუსს" დახმარებისთვის მიმართეს.

_ 5 წელიწადია, ასე ვართ, როგორც ხედავთ. ვინ არ შევაწუხეთ. გახსოვთ, ქუჩაც გადავკეტეთ, აქციაც მოვაწყვეთ სოციალური პრობლემების გამო, სადაც, სხვათა შორის, ოპოზიციის წარმომადგენლებიც გვესწრებოდნენ. წყალი მთლად ეზოში ღვარად ჩამოგვდიოდა. მაშინ გამგებელ ტაკიძეს ვუთხარი, გააღე ჭიშკარი და ჩადი ეზოში,-მეთქი. გამაჩერა თბილი სიტყვით: _ ეჰ, დეიდა, არ მაქვს საშუალება, თორემ გაგიკეთებდითო. რამდენიმე დღეში კი, დეიჭირეს ბებია, _ გვითხრა ერთ-ერთმა ქალბატონმა.

_ რომელი საუკუნეა?! წყალი რომ არ გექნება, აგია მუნიციპალიტეტი? ამ გზაზე ფეხით მოსიარულე ვერ დადის. წყლის მილები სულ დახეთქილია, გადმოდის წყალი ქუჩებში ღვარად. ამ ბოლოს ახალ გამგებელს დავურეკეთ. სხვათა შორის, მაშინვე მოგვაქცია ყურადღება. გამოაგზავნა თანამშრომელი და პრობლემა დროებით მოაგვარა. იმ აქციაზე დაგვპირდნენ, ტენდერი გამოცხადდება სექტემბერში და გამარჯვებული ფირმა მოაწესრიგებს ამ პრობლემასო. მეორე თვე დაიწყო და ჯერ არაფერი ჩანს. იქნებ, თქვენ გაგვაგებინოთ, რა ხდება?

_ მოახლოვდება არჩევნები, აფაფხურდებიან, მერე გაჩერდებიან. ახლაც, ალბათ, არჩევნებს ელოდებიან და დაიწყებენ. სად მიდის ამდენი ფული? მოსახლეობას მისი კუთვნილი არ უნდა მოახმარონ? მატლებიანი წყალი მოდის, ჭიაყელებიანი, მთელი ზაფხული საშინელ დღეში ვიყავით, ამ კარიერების მანქანებმა ხომ სულ გადათხარეს ყველაფერი. წუხელ, ღამის 4 საათი იქნებოდა, დადიოდნენ. წნევიან მოხუცებულებს და ბავშვებიან ოჯახებს სულის მოთქმის საშუალება არ გვაქვს, დარში მტვერი გვახრჩობს. კი, ბატონო, სახელმწიფოსაა გზა და ვერ მოუშლი, მაგრამ მაშინ არ არის სახელმწიფოს, გაკეთება რომაა საჭირო? რა დავაშავეთ, გაგვაგებინონ? მილები სულ ამ მანქანებმა დახეთქეს, კაცი არაა პატრონი, არ უნდა მოგვხედონ ცოტა? ამ ქუჩაზე 180 მაცხოვრებელია, ამხელა ქუჩაა და რა დღეშია. შეიძლება ადამიანების ასე "ფეხებზე დაკიდება?" რომელი საუკუნეა, წყალი არ უნდა მქონდეს პენსიონერს სახლში? 5 წელია წყალი არ მაქვს და გადასახადი მომივიდა! _ ამბობენ კიტა მეგრელიძის მცხოვრებლები "გურია ნიუსთან" საუბარში.

ასევე, მძიმე პირობებში ცხოვრობენ იქვე მდებარე ე.წ. "ჩაის ფაბრიკის" ბინებშიც. როგორც იქ მცხოვრებლები ამბობენ, რომ მათ პრობლემებს ისიც დაემატა, რომ კანალიზაციის მილები დასკდა.

_ სულ წყალში ვართ, დამსკდარია მილები, პატრონი არავინაა და გადასახადზე კი მოდიან უცებ, _ ამბობს მ. გრიგალაშვილი.

ოზურგეთის მუნიციპალიტეტის გამგებლის მოვალეობის შემსრულებელი, ილია ვაშაყმაძე "გურია ნიუსთან" საუბარში აღნიშნავს, რომ ამ ქუჩაზე ნამდვილად ცუდი სიტუაციაა:

_ როგორც კი დაგვირეკეს და დახმარება გვთხოვეს, მაშინვე ვეცადეთ, რომ დროებით შეგვეჩერებინა წყლის ქუჩაზე გადმოსვლა. ამოვწმინდეთ მილები და მალე წყალიც გავიდა. ისინი ითხოვენ არხის გაყვანას, მაგრამ ჯერ უნდა მოხდეს მილების ჩალაგება, რომელსაც ტენდერში გამარჯვებული ფირმა გააკეთებს. სანამ ეს მილები არ მოწესრიგდება, არხის გაყვანა არ მოხერხდება, აზრიც არ აქვს. ოქტომბრის ბოლოს უკვე ბოლო პასუხს ველოდებით, როგორც კი ეს გაკეთდება, მერე ჩვენ არხს გავიყვანთ და გზის გაკეთებაზე ვიზრუნებთ. ასე პერიოდულად გავაკეთებთ ჩასატარებელ სამუშაოებს და პრობლემებსაც მალე მოვაგვარებთ, _ თქვა ვაშაყმაძემ.

ოზურგეთის მუნიციპალიტეტის საკრებულოს თავმჯდომარე, ალეკო მამეშვილი "გურია ნიუსთან" საუბარში ამბობს, რომ აღნიშნულ პრობლემებს იცნობს: _ ვიცი მათი პრობლემების შესახებ, ესაა უწყლობა და უგზოობა. ჩვენ იქ მცხოვრებლებს დავპირდით, რომ უნდა გამოცხადებულიყო ტენდერი, რომელიც რამდენიმე დღეში დაიწყება. მალე გზაც გაკეთდება, გპირდებით.

_ ანუ პრობლემები მალე მოგვარდება, რამდენიმე დღეში დაიწყება სამუშაოები?

_კი, რა თქმა უნდა, _ გვითხრა მამეშვილმა.

ჩვენ პერიოდულად მოგაწვდით ინფორმაციას შეასრულებს თუ არა ხელისუფლება დანაპირებს, რომელზეც ადამიანების სასიცოცხლო გარემოს მინიმალური მოწესრიგებაა დამოკიდებული.




 ახალი ამბები
  • ორი თვის წინ დაკარგული 23 წლის ბიჭი გარდაცვლილი იპოვესორი თვის წინ დაკარგული 23 წლის შოთა სამხარაძე გარდაცვლილი იპოვეს. აღნიშნულ ფაქტს შინაგან საქმეთა სამინისტროში ადასტურებენ. როგორც გარდაცვლილის მეგობარი ამბები.გე-სთან ყვება, შოთა სამხარაძე გუშინ კურორტ შოვთან ახლოს, ტყეში იპოვეს. შინაგან საქმეთა სამინისტროს ინფორმაციით, მომხდარზე გამოძიება სსკ-ის 115-ე მუხლით მიმდინარეობს, რაც თვითმკვლელობამდე მიყვანას გულისხმობს. გარდაცვალების მიზეზს ექსპერტიზა დაადგენს. ახალგაზრდა მამაკაცი ონის მუნიციპალიტეტში ორი თვის წინ დაიკარგა. სამაშველო სამსახურში შეტყობინება 14 იანვარს შევიდა. თვითმხილველების თქმით, ბიჭი ბოლოს სასტუმროების მიმდებარე ტერიტორიაზე გამართულ თოვლის ფესტივალზე ნახეს, მოგვიანებით ტერიტორია დატოვა და მას შემდეგ აღარ ... ...
  • ყალბი ფულის გასაღების მორიგი ფაქტი _ დაკავებულია 2 პირიშსს-ს თანამშრომლებმა, ჩატარებული საგამოძიებო მოქმედებების შედეგად, 1968 წელს დაბადებული ნ.ჟ. და 1975 წელს დაბადებული, პირობითი მსჯავრის ქვეშ მყოფი გ.ა. ყალბი ფულის წინასწარი შეთანხმებით ჯგუფის მიერ შეძენა-შენახვისა და გასაღების ბრალდებით დააკავეს. ამის შესახებ ინფორმაციას შსს ავრცელებს, სადაც ნათქვამია, რომ "ბრალდებულებმა ქალაქ ახმეტაში მდებარე სხვადასხვა მაღაზიაში სამი ყალბი ასლარიანი კუპიურა გაასაღეს". პოლიციამ, გ.ა.-ს მართვის ქვეშ მყოფი ავტომანქანის ჩხრეკისას ყალბი ასლარიანი კუპიურა ნივთმტკიცებად ამოიღო. გამოძიება ყალბი ფულის წინასწარი შეთანხმებით ჯგუფის მიერ შეძენა-შენახვისა და გასაღების ფაქტზე მიმდინარეობს. დანაშაული 7-დან 10 წლამდე ვადით თავისუფლების აღკვეთას ... ...
  • ლადო აფხაზავა ვარკის ფონდისა და გლობალური ჯილდოს ელჩი გახდა „მასწავლებლის ეროვნული ჯილდოს“ ფეისბუქგვერდზე გავრცელებული ინფორმაციით, ჩიბათის საჯარო სკოლის მასწავლებელი ლადო აფხაზავა, რომელიც მასწავლებლის გლობალური ჯილდოს ფინალურ ათეულშია, ვარკის ფონდისა და გლობალური ჯილდოს ელჩი გახდა. ვარკის ფონდი მასწავლებლის გლობალურ ჯილდოს 2015 წლიდან გასცემს, ფინალისტები კი ავტომატურად, ფონდის და გლობალური ჯილდოს ელჩები ხდებიან. ლადო აფხაზავა უკვე დუბაიში იმყოფება, სადაც ხვალ გლობალური ჯილდოს მფობელი მასწავლებელი  გამოვლინდება და პრიზის სახით მილიონ ამერიკულ დოლარს ... ...
  • ოზურგეთის საკრებულოს დეპუტატობას ლევან თოიძის შვილიც აპირებს _ "რაღაცეებს ველოდები"ოზურგეთის მუნიციპალიტეტის საკრებულოს დეპუტატობა, საკრებულოს ყოფილი წევრის, რამდენიმე თვის წინ გარდაცვლილ ლევან თოიძის შვილს, სოფო თოიძესაც სურს. როგორც ცნობილი იყო, მას კენჭისყრა "ქართული ოცნების" სახელით სურდა, თუმცა მმართველმა ძალამ არჩევანი დავით მდინარაძეზე გააკეთა. შესაბამისად, სოფო თოიძე, რომელიც ამჟამად ოზურგეთის მუნიციპალიტეტის მერიის თანამშრომელია, კენჭისყრას დამოუკიდებლად გეგმავს. "გურია ნიუსთან" საუბრისას აღნიშნავს, საბოლოო გადაწყვეტილება ჯერ არ მიუღია: "თავიდანვე, ეს გადაწყვეტილება მამაჩემის გამო მივიღე. ვიცი, რამდენიმე რამის გაკეთება სურდა და მინდოდა გამეგრძელებინა მისი საქმე. ახლაც მსურს და ვნახოთ. ჯერჯერობით საბოლოო გადაწვეტილება არ მიმიღია. რაღაცეებს ველოდები", _ აღნიშნა ჩვენთან საუბრისას თოიძემ. შეგახსენებთ, რომ  ქალაქ ოზურგეთის ყველაზე დიდ საარჩევნო ოლქში (60/01/03), რომელშიც რაიცენტრალური, სერი,  ექადია, ცენტრი 3  და ანასეული შედის, შუალედური არჩევნები მაისში უნდა ჩატარდეს უნდა ჩატარდეს. ამავე თემაზე: ა(ა)იპ-ის დირექტორი კენჭისყრას დამოუკიდებლად გეგმავს _ "აქ არ ვარ ცუდად, მაგრამ"... ... ...
  • EMC ზვიად რატიანის საქმეზე გიორგი გახარიას განცხადებას ეხმაურება _ მივმართავთ ევროპულ სასამართლოს 22 მარტს, ტელეკომპანია პირველის ეთერში, შინაგან საქმეთა მინისტრმა ზვიად რატიანის საქმეზე საუბრისას აღნიშნა, რომ ის არ ნანობს იმას, რაც მაშინ მოხდა. "ამ თემაზე კომენტარისას, მინისტრის მიერ გამოხატული პოზიციები, პრაქტიკულად გამორიცხავდა ზვიად რატიანის მიმართ უფლების დარღვევის ფაქტის აღიარების რესურსსაც კი და არ აკეთებდა მითითებას ამ საქმეზე მიმდინარე გამოძიების მნიშვნელობის შესახებ", _ აღნიშნულია განცხადებაში, რომელსააც ადამიანის უფლებების სწავლებისა და მონიტორინგის ცენტრი ავრცელებს/  "სამწუხაროა, რომ ამ შემთხვევიდან ერთი წლის და სამი თვის თავზეც კი, შინაგან საქმეთა მინისტრი და უწყება, ვერ ახერხებს აჩვენოს პოლიტიკური მზადყოფნა სათანადოდ უპასუხოს საპოლიციო სისტემაში ადამიანის უფლებების დარღვევის მძიმე შემთხვევას.  ნათელია, რომ ამ საქმეში მინისტრი და უწყება მუდმივად არაღიარების პოზიციაში იყო და მსხვერპლის დემონიზების ტაქტიკით მოქმედებდა. სამინისტრო არცერთ ეტაპზე არ აჩვენებდა რესურსს, ემოქმედება ზვიად რატიანის ღირსების დაცვის ინტერესების გათვალისწინებით.  მინისტრის და უწყების მხრიდან, ყოველ ჯერზე ხაზგასმა ზვიად რატიანის არაფხიზელ მდგომარეობაზე, პოლიციასთან ურთიერთობისას გამოყენებულ ლექსიკაზე, მუდმივად ერთ მიზანს ემსახურებოდა - საზოგადოებაში შეესუსტებინათ თანაგრძნობა და სოლიდარობა ზვიად რატიანის მიმართ. სწორედ ამ მიზანს ემსახურებოდა, 2017 წლის დეკემბერში, სამინისტროს მიერ ზვიად რატიანის უკანონოდ მოპოვებული ვიდეო ჩანაწერის მედიაში გავრცელებაც. აღსანიშნავია, რომ სამინისტროს ამ უკანონო ქმედებების საპასუხოდ, პერსონალურ მონაცემთა დაცვის ინსპექტორმა, უწყება სამართალდამრღვევად ცნო და 2000 ლარით დააჯარიმა. სამინისტროს უკანონო ქმედებით ზვიად რატიანისთვის მიყენებული მორალური ზიანის თაობაზე კი საქმის განხილვა სასამართლოში გრძელდება.  რაც შეეხება, საქმეზე ამ დრომდე განხორციელებულ სამართლებრივ რეაგირებას - გამოძიება პროკურატურაში ერთ წელზე მეტია გრძელდება, თუმცა, კონკრეტულ შედეგამდე ამ დრომდე არ არის მისული. მიუხედავად იმისა, რომ ჩატარებულმა გამოძიებამ გამოკვეთა რამდენიმე საკვანძო და პრობლემური ეპიზოდი პოლიციელთა მოქმედებებში, ამ დრომდე პასუხისგებაში მიცემული არ არის არცერთი მათგანი. უფრო მეტიც, ხუთჯერ მიმართვის მიუხედავად, პროკურატურამ ყოველ ჯერზე სრულიად დაუსაბუთებლად უარი თქვა ზვიად რატიანისთვის დაზარალებულის სტატუსის მინიჭებაზე. მისი უფლებების აღდგენის რესურსი არ აღმოჩნდა არც სასამართლოში, რომელმაც მიმდინარე წლის 21 მარტს, ასევე უარი თქვა ზვიად რატიანის დაზარალებულად ცნობაზე.    სამწუხაროა, რომ ზვიად რატიანის უფლებების დარღვევის მძიმე ფაქტებს ქვეყნის მართლმსაჯულების სისტემის ვერცერთმა რგოლმა ვერ უპასუხა და დაზარალებული პრაქტიკულად უფლების აღდგენის მექანიზმების გარეშე დატოვა. სწორედ ამიტომ, ზვიად რატიანის სახელით EMC უახლოეს პერიოდში ადამიანის უფლებათა ევროპულ სასამართლოს მიმართავს", _ აღნიშნულია ... ...

არქივი

ზაფრანი

ეს „მახინჯი“ ეიფელის კოშკი

პარიზში ეიფელის კოშკის მშენებლობის დაწყებისას...

ლონდონური „ექსპერიმენტი“

ცოტა ხნის წინ, ქალაქ ლონდონის...

„ახალბედა მწერალი“

ცნობილმა მსახიობმა მეთიუ მაკკონაჰიმ ცოტა...

“უცნაური” ვარსკვლავები

ნებისმიერ პიროვნებას გარკვეული უცნაურობები ახასიათებს...

ადამიანის თვალის უსაზღვრო ხედვა

ამერიკელმა მკვლევარებმა დააფიქსირეს, რომ ადამიანის...

ინტერპოლი ეძებს კატას

რამდენიმე დღის წინ გამოცემამ „The...
კარმიდამო ჩემი

ჟოლო გახდომაში დაგეხმარებათ

ჟოლოს ერთდღიანი დიეტა ორგანიზმს შლაკებისა...

თაფლი მხედველობას აუმჯობესებს

დღეისათვის კომპიუტერთან მუშაობა ჩვეულებრივ ამბად...

თხილის მცენარის დაავადებათა აფეთქება

თხილის დაავადების აფეთქებას ჩვენში მოსახლეობა...

მეფუტკრე და ადრიანი გაზაფხული

გაზაფხულის დადგომისთანავე განსაკუთრებული ყურადღება უნდა...

თხილის დამღუპველ დაავადებას წლევანდელი თბილი ზამთარი ეხმარება

თხილის კულტურას რომ ყოფნა-არყოფნის საფრთხე...

მოვამზადოთ სათესლე მასალა და დახურულ გრუნტში დავთესოთ

სხვადასხვა ბოსტნეულის დათესვა, უმჯობესია, თებერვლის...

სანამ გაგრძელდება მშრომელი ხალხის აბუჩად აგდება?

საქართველოში, დამოუკიდებლობის გამოცხადების შემდეგ, ჩვენ,...

როგორ უნდა იცხოვროთ ისე, რომ სიმსივნით არ დაავადდეთ

ადამიანები, რომლებიც სიმსივნით იტანჯებიან და...

ოხრახუშს უნარი აქვს განკურნოს დეპრესია, შიზოფრენია და ალცჰეიმერის დაავადება

ბიოაქტიური ნივთიერება, რომელსაც შეიცავს ოხრახუში,...

"ბარი უნდა იცნობდეს მთასა და საქმეზე შეყვარებული და-ძმას"

ოზურგეთის მუნიციპალიტეტის სოფელ მთისპირის მკვიდრი...