"რთველი _ 2014" შეფერხებების გარეშე მიმდინარეობს

gurianews.com

საზოგადოება

"რთველი _ 2014" შეფერხებების გარეშე მიმდინარეობს

2014 სექ 30 13:38:16

კახეთის რეგიონში რთველი აქტიურ ფაზაშია. საქართველოს სოფლის მეურნეობის მინისტრმა ოთარ დანელიამ რთველის საკოორდინაციო შტაბი ქალაქ გურჯაანში 20 აგვისტოს გახსნა, რომელიც 24-საათიან რეჟიმში მუშაობს და შარშანდელის მსგავსად, ჩაბარებული ყურძენი სპეციალური კომპიუტერული პროგრამის მეშვეობით ერთიან ელექტრონულ ბაზაში აღირიცხება.

სახელმწიფო სუბსიდირებას კვლავ აგრძელებს როგორც თეთრ, ასევე წითელ ყურძენზე. წელს სუბსიდია 1 კილოგრამ რქაწითელსა და კახურ მწვანეზე 35 თეთრს, საფერავზე კი _ 15 თეთრს შეადგენს.

"წლევანდელი წელი ცოტა უცნაურია _ წითელი და თეთრი ყურძენი ერთდროულად იკრიფება. თითქმის ყველა რაიონი ერთდროულად ჩაერთო რთველში. დედოფლისწყაროსთან ერთად, რთველი დაიწყო გურჯაანში, ყვარელში. ბოლო რაიონებია ახმეტა და ბოლოს საგარეჯო. ამ ეტაპზე ისე მიდის რთველის პროცესი, ფაქტობრივად, შეფერხება არ გვქონია", _ ასე აფასებს კახეთში რთველს ღვინის ეროვნული სააგენტოს თავმჯდომარე ლევან დავითაშვილი.

რთველთან დაკავშირებით მოქმედებს "ცხელი ხაზი" _ 2470101, რომელიც დაინტერესებულ პირებს 24 საათის განმავლობაში ემსახურება. დამატებითი ინფორმაციის, კითხვებისა და კომენტარებისათვის მოსახლეობას შეუძლია ღვინის ეროვნულ სააგენტოს სპეციალურ ელექტრონულ მისამართზე მიმართოს: rtveli2014@georgianwine.gov.ge . სააგენტოს განახლებულ ვებ-გვერდზე http://georgianwine.gov.ge/statistic/ ასევე შესაძლებელია ონლაინ-რეჟიმში რთველის სტატისტიკის გაცნობა გეოგრაფიისა და ყურძნის ჯიშების მიხედვით.

მევენახეები ყურძენს ყოველგვარი დაბრკოლების გარეშე აბარებენ. ფასის კლებასთან დაკავშირებულ გავრცელებულ ხმას ღვინის ეროვნულმა სააგენტომ ხელოვნურად მართული უწოდა:

"გავრცელდა ინფორმაცია ყურძნის ფასის კლებასთან დაკავშირებით, რასაც მევენახეების მხრიდან უკმაყოფილება და აქციების გამართვა მოჰყვა. იმ დროს, როდესაც ბუნებრივმა კლიმატურმა პირობებმა ისედაც შეამცირა მოსავალი და მისი ხარისხი, რთველის პროცესის შეფერხება და ჩაშლის მცდელობა საბოტაჟის სახეს იღებს. ეს კი ყველაზე მეტად აზარალებს კახელ მევენახეებს. ჩნდება ეჭვი, რომ ხომ არაა ეს პროცესი ხელოვნურად მართული. წლევანდელი რთველის პერიოდში, ყურძნის ფასი უპრეცედენტოდ მაღალია და ისტორიულ მაქსიმუმს შეადგენს. შარშანდელთან შედარებით, საფერავის ფასი 100%-ით მეტია. ამასთან, სახელმწიფოს ხელშეწყობით, მოსახლეობას დაზიანებული ყურძნის ჩაბარების პრობლემაც არ ექმნება. ღვინის მწარმოებლები თვითონ იღებენ გადაწყვეტილებას რა ფასად და რა რაოდენობის ყურძენი შეისყიდონ", _ აღნიშნულია განცხადებში, რომელიც ღვინის ეროვნულმა სააგენტომ გაავრცელა.

მთავრობის განკარგულებით, ერთ კილოგრამ ყურძენში 1 ლარზე ნაკლებს თუ გადაიხდის ქარხანა, მასზე სუბსიდირების პროგრამა არ გავრცელდება:

"სუბსიდიის მიღების უფლება აქვთ მხოლოდ იმ ღვინის კომპანიებს, რომლებიც: ყურძნის ჩამბარებელი ფიზიკური პირებისაგან ერთი კილოგრამი ყურძნის შესყიდვას განახორციელებენ არანაკლებ ერთ ლარად; წარადგენენ მუნიციპალიტეტის მიერ გაცემულ ყურძნის წარმოშობის შესახებ ცნობას; ამ განკარგულებაში აღნიშნული ყურძნის (ჯიშის) მიღებას განახორციელებენ სსიპ "საქართველოს სტანდარტებისა და მეტროლოგიის ეროვნული სააგენტოს" მიერ დამოწმებული საავტომობილო სასწორებით აღჭურვილ საწარმოში", _ აღნიშნულია მთავრობის 2014 წლის 7 აგვისტოს განკარგულებაში, რომელსაც ხელს პრემიერ-მინისტრი ირაკლი ღარიბაშვილი აწერს.

"როცა საბაზრო ეკონომიკის პირობებში ვცხოვრობთ, მთავრობა ვერც მინიმალურ და ვერც მაქსიმალურ ფასს ვერავის დაუწესებს. ამიტომ, ჩვენ არ ვერევით ფასის დარეგულებაში, არ ვახდენთ ზეწოლას. ჩვენ სუბსიდირების პროგრამით მეღვინეების სტიმულირება გვინდა, მეტი ფასი რომ გადაიხადონ ყურძენში," _ აცხადებს ლევან დავითაშვილი.

ყურძნის ფასით კმაყოფილია მოსახლეობა. გურჯაანის რაიონის სოფელ ჩუმლაყის მცხოვრები მანანა რთველის ორგანიზებულობაზე ამახვილებს ყურადღებას:

"ყურძნის კრეფა ჩვენთან ახლაც მიმდინარეობს. სიტუაცია ნორმალურია. ფასები, შესაბამისად _კარგი. პრობლემა არ არის ყურძნის ჩაბარება. ნუ, ახლა პატარა რიგები არის ქარხნებთან, მაგრამ მოთმენაა საჭირო. რთველი აბსოლუტურად ყველაფრით ორგანიზებულია. ყურძენი ჩავაბარე, ფული ჯერ არ ამიღია _ 10 სამუშაო დღეში იქნება. ყურძნის კრეფაზე ცოტა შეფერხება იყო ამინდის გამო. გამოიდარა და რთველი ისევ განახლდა. ისე, უცებ რომ კრეფს ყველა, იმიტომ არის ცოტა შეფერხება, თორემ ჩაბარებასთან დაკავშირებით პრობლემა არაა," _ ამბობს ის.

კახეთში, ამჟამად, სხვადასხვა ჯიშის ყურძენს 40 ღვინის ქარხანა იბარებს. რთველის დაწყებიდან დღემდე, ყურძნის მიღება-გადამუშავებაში 65-მა ღვინის მწარმოებელმა კომპანიამ მიიღო მონაწილეობა, სულ რეგისტრირებულია 87 კომპანია. 

ღვინის მწარმოებლების საქმიანობის სტიმულირებას ქართული ღვინის ექსპორტის ზრდის ტენდენცია განაპირობებს. ღვინის ეროვნული სააგენტოს მონაცემებით, 2014 წლის 8 თვეში (იანვარ-აგვისტო) მსოფლიოს 38 ქვეყანაში ღვინის ექსპორტმა 36 585 769 (0,75 ლ) ბოთლი შეადგინა, რაც 69%-ით მეტია წინა წლის შესაბამისი პერიოდის ანალოგიურ მაჩვენებელთან შედარებით. ქართული ღვინის საექსპორტო ბაზრების პირველი ხუთეული შემდეგნაირად გამოიყურება: რუსეთი, უკრაინა, ყაზახეთი, პოლონეთი და ბელარუსი, სადაც რუსეთი ლიდერობს 65%-ით ექსპორტის მთლიან მოცულობაში. ღვინის ექსპორტმა რუსეთში 2014 წლის პირველი 8 თვის მონაცემებით 24 049 677 ბოთლი შეადგინა. საექსპორტო ქვეყნების ათეულშია ჩინეთი, ლატვია, ლიტვა, ესტონეთი და აზერბაიჯანი. საანგარიშო პერიოდში, ექსპორტირებულია 118 493 071 აშშ დოლარის ($) პროდუქცია, რაც 83%-ით აღემატება 2013 წლის შესაბამისი პერიოდის ანალოგიურ მაჩვენებელს. ამასთან, აგვისტოს მდგომარეობით, 13 ქვეყანაში ექსპორტირებულია 7 275 351 (0,5ლ) ბოთლი ბრენდი. წლის განვლილ 8 თვეში, ბრენდის ექსპორტმა თანხაში 25 354 169 აშშ დოლარი შეადგინა, რაც 83%-ით აღემატება გასული წლის შესაბამისი პერიოდის ანალოგიურ მაჩვენებელს. ბრენდის ექსპორტიორ ქვეყნებში კვლავ ლიდერობს უკრაინა, სადაც იანვარ-აგვისტოს მდგომარეობით ექსპორტმა _ 3 556 584 ბოთლი შეადგინა, მეორე ადგილს 3 235 656 ბოთლით რუსეთი იკავებს.

ექსპორტის გაზრდილ რაოდენობაზე და სახელმწიფოს მიერ სუბსიდირების პროგრამის სიკეთეებზე ამახვილებს ყურადღებას "კახური ტრადიციული მეღვინეობის" გენერალური დირექტორი ზურაბ ჩხაიძე:

"სუბსიდირება არის ძალიან სწორი და დროული გადაწყვეტილება. შარშანდელმა ასეთმა მხარდაჭერამ ძალიან კარგი შედეგი გამოიღო. ასეთი დახმარებით შეიქმნა ძალიან დიდი პროდუქცია, რომელიც უკვე გადაიტვირთა. ჩვენ ვაანონსებდით, რომ ქვეყნისთვის წარმატებულ ნაბიჯებს მოიტანდა და დღეს როგორც ვიცი, დაახლოებით, 120 მილიონი ლარის პროდუქციაა ექსპორტირებული და ეს ქართულ ეკონომიკაზეც აისახება. ასევე უნდა აღინიშნოს, რომ ბანკთან ურთიერთობა ძალიან გაგვიმარტივდა. წვდომა გვაქვს იაფიან სესხზე, რაც მეღვინეობას ძალიან წაადგა", _ აღნიშნავს ზურაბ ჩხაიძე.

მიმდინარე წლის რთველის სეზონზე ყურძნის ხარისხის კონტროლთან ერთად, მკაცრი კონტროლი ქარხნებიდან ჭაჭის უტილიზაციაზეც გახორციელდება.

საქართველოს პრემიერ-მინისტრის გადაწყვეტილებით, 2014 წლის რთველის ხელშეწყობის პროგრამის ფარგლებში, მოქმედ ღვინის კომპანიებს დაევალათ, განახორციელონ მიღებული ჭაჭის გადამუშავება ან/და უტილიზაცია.

"მკაცრი კონტროლი გვაქვს დაწესებული თეთრი ყურძნისგან გამოწნეხილი მასის გამოყენებაზე. ჭაჭის გაცემა მესამე პირებზე აკრძალულია. ჭაჭის კონტროლი იმიტომ ხორციელდება, რომ ფალსიციფირებული ღვინო აიკრძალოს, შემცირდეს მისი რაოდენობა ბაზარზე. ეს ერთ-ერთი ძირითადი ნოვაციაა, რომელიც ამ რთველის დროს არის გამოყენებული", _აცხადებს ღვინის ეროვნული სააგენტოს თავმჯდომარე ლევან დავითაშვილი.

ჭაჭის უტილიზაციასთან დაკავშირებით მიღებულ მთავრობის ამ გადაწყვეტილებას რევოლუციურ გარღვევად აფასებს "კახური ტრადიციული მეღვინეობის" დამფუძნებელი ზურაბ ჩხაიძე:

"ამას ძალიან დიდი შედეგი ექნება. იმდენად დიდი, რომ ჯერ საზოგადოებას ვერც წარმოუდგენია. ეს არის რევოლუციური გარღვევა. ჭაჭა ქარხნებიდან გადიოდა და ფალსიფიკატორების ხელში ხვდებოდა. 100 ათას კილოგრამ ყურძენზე დაახლოებით 13-14 ათასი ტონა ჭაჭა რჩება, საიდანაც 40-50 მილიონ ლიტრ ფალსიფიცირებულ ღვინოს აკეთებდნენ. ეს ის ღვინოებია, რომლებსაც ღვინის ჩამოსასხმელ ბუტიკებში, რესტორნებში მოიხმარენ და რომელიც კახეთიდან დასავლეთში ხვდებოდა. ამიტომ იყო ასეთი დაბალი ხარისხის ღვინო რესტორნებში. წელს ეს აიკრძალა, რაც საკმაოდ დროული და პრაგმატული ნაბიჯია. აღნიშნული გადაწყვეტილება ბაზარზე აისახება და იანვრიდან ყველა რესტორანს ექნება წვდომა ხარისხიან ღვინოზე. მომავალ წლებში, შეიძლება, სუბსიდირებიდანაც გამოვიდეს სახელმწიფო. ამის თქმა ჯერ არ შეგვიძლია, მაგრამ ამისკენ მიდის ტენდენცია. კარგია, რომ ასეთი ნაბიჯი გადაიდგა. აქამდეც უნდა მომხდარიყო, მაგრამ სჯობს გვიან, ვიდრე არასდროს", _ ამბობს ზურაბ ჩხაიძე.

ლევან დავითაშვილის თქმით, კახეთში ყურძნის ჩაბარების შედეგად, მოსახლეობაში მიღებულმა შემოსავალმა უკვე 100 მილიონ ლარს გადააჭარბა, რაც შარშანდელ მონაცემებს თითქმის გაუტოლდა, თუმცა რთველი ჯერ არ დასრულებულა. რაც დავითაშვილის თქმით, იმას ნიშნავს, რომ შემოსავლების ზრდის ტენდენცია კახეთში გაგრძელდება. როგორც ღვინის ეროვნული სააგენტოს თავმჯდომარე ამბობს, რთველისთვის 18 მილიონია გათვალისწინებული, თუმცა ეს რიცხვი პირობითია და მოსავლის მიხედვით დაკორექტირდება. რთველის დასრულებისას გამოიკვეთება რამდენი ლარია საჭირო ამ პროგრამის გახორციელებისთვის.

დღეისათვის რთველის საკოორდინაციო ერთი შტაბია კახეთის რეგიონის ქალაქ გურჯაანში. ოქტომბრის პირველ რიცხვებში რაჭაში ხვანჭკარას სეზონზე მეორე შტაბის გახსნა იგეგმება. თუმცა იქ სუბსიდირების პროგრამა არ გახორციელდება. ღვინის ეროვნული სააგენტო რაჭაში ყურძნის ხარისხის და აღრიცხვიანობის მიზნით ატარებს მონტორინგს.

(R)


ნახვა: 50


 ახალი ამბები
  • ორად გაყოფილი სპორტული ცენტრი დახურულ სხდომაზე ერთმანეთს ღიად დაუპირისპირდახმაური და დაპირიპირება იყო დღეს ლანჩხუთის საკრებულოში, სოციალური კომისიის სხდომაზე, სადაც „გურია ნიუსის“ ინფორმაციით,  სპორტული ცენტრის საკითხი განიხილებოდა. სხდომის ეს ნაწილი, კომისიის თავმჯდომარის ემზარ თედორაძის გადაწყვეტილებით, დახურულად გამოცხადდა. თედორაძის განმარტებით, ეს გადაწყვეტილება სპორტული ცენტრის თანამშრომელთა მოთხოვნით მიიღო. როგორც გაირკვა, სოციალური კომისიის სხდომაზე ცენტრის დირექტორს გოჩა ლომაძეს თანამშრომელთა ნაწილი ღიად დაუპირისპირდა და მისი სამსახურიდან წასვლა მოითხოვა. „თავად თანამშრომლებმა მთხოვეს, რომ სხდომა დახურული ყოფილიყო. ფაქტია,  სპორტულ ცენტრში არაჯანსაღი ვითარებაა და კოლექტივი ორ ნაწილადაა გაყოფილი. შექმნილი მდგომარეობა, რა თქმა უნდა, ნეგატიურად აისახება სპორტული ცენტრის მუშაობაზე.  მუნიციპალიტეტის ხელმძღვანელობას მოუწევს დროული გადაწყვეტილება მიიღოს ამ საკითხზე“, _ გვითხრა თედორაძემ. სხდომას მერიის კულტურისა და სპორტის სამსახურის უფროსი ია ჩხაიძეც ესწრებოდა. „პირადად ვესწრებოდი ამ სხდომას და მოვისმინე ის პრეტენზიები, რაც  ცენტრის თანამშრომელთა ნაწილს აქვს, ამის თაობაზე  მანამდეც ვიყავი ინფორმირებული.  ამ საკითხის დარეგულირება უშუალოდ მერის პრეროგატივაა და თუ მისი მხრიდან იქნება დავალება, ჩვენი სამსახური შეისწავლის სპორტულ ცენტრში არსებულ მდგომარეობას. ფაქტია, რომ ვითარება იქ მართლაც არაჯანსაღია“, _ გვითხრა ია ჩხაიძემ. თუ რას გადაწყვეტს მუნიციპალიტეტის ხელმძღვანელობა  სპორტულ ცენტრთან მიმართებაში, ჯერჯერობით, უცნობია, სოციალური კომისიის სხდომას არც მერი და არც მისი მოადგილე არ დასწრებიან. „სოფელ ნინოშვილში ვიყავი აქციაზე და ამ დროისთვის არ ვარ ინფორმირებული, თუ რა ხდებოდა სოციალური კომისიის სხდომაზე. მერიც არ იმყოფება ლანჩხუთში, თბილისშია. ასე რომ, ამ ეტაპზე, კონკრეტულს ვერაფერს გეტყვით საკითხთან დაკავშირებით“, _ გვითხრა გოგი ფაცურიამ. შეგახსენებთ, რომ „გურია ნიუსი“ უკვე წერდა სპორტულ ცენტრში არსებული დაპირისპირების შესახებ, სადაც  ცენტრის დირექტორს, გოჩა ლომაძეს თანამშრომლების მიმართ ძალადობაში ამხელდნენ. თუმცა, მაშინ ლომაძე მისი მისამართით გაჟღერებულ ყველა ბრალდებას კატეგორიულად უარყოფდა. სპორტული ცენტრის თანამშრომელთა ნაწილიც მხარდაჭერას გამოთქვამდა დირექტორის მიმართ. ამავე თემაზე: სპორტული ცენტრის დირექტორს თანამშრომელთა ნაწილი ... ...
  • შეკვეთილი კანონი _ ,,გასაგებად უნდა ითქვას, რომ კანონპროექტი არის ივანიშვილის იდეა“11 სექტემბერს ცნობილი გახდა მთავრობის იმ საკანონმდებლო ინიციატივის შესახებ, რომელიც ექსპორტზე გატანის მიზნით, მარიხუანის წარმოებას ითვალისწინებს. კანონპროექტმა, რომელიც საზოგადოებისგან მალულად შემუშავდა და რომლის წარმდგენი პარლამენტში  შს სამინისტროა, საზოგადოებაში დიდი ვნებათაღელვა გამოიწვია. საპატრიარქოს მხრიდან წამოსულმა დიდმა საპროტესტო ტალღამ კი კანონპროექტის იმპლემენტაციაში გადამწყვეტი როლი ითამაშა და პარლამენტი მარიხუანის წარმოებასთან დაკავშირებულ საფრთხეებზე დააფიქრა. პარლამენტიდან აღნიშნული კანონპროექტის შესაძლო გაწვევაზე ირაკლი კობახიძე საუბრობს. ,,მიგვაჩნია, რომ ჩვენ პირნათელი ვართ ქართული საზოგადოებისა და ეკლესიის წინაშე, რადგან წარმოდგენილი კანონპროექტი არ ითვალისწინებს ნარკოტიკული საშუალებების წარმოებასა და რეალიზებას. თუმცა, თუ არსებობს საფრთხე იმისა, რომ ამ კანონპროექტმა ნარკოტიკული საშუალებების არალეგალური მიმოქცევა შეიძლება წაახალისოს, ჩვენ მივიღებთ გადაწყვეტილებას კანონპროექტის გამოწვევის თაობაზე“, _ განაცხადა პარლამენტის თავმჯდომარემ. როგორც კობახიძის განცხადებიდან ხდება ცნობილი, ხელისუფლება მოსალოდნელ საფრთხეებს ამჟამად ვერ აცნობიერებს, თუმცა მზადყოფნას გამოთქვამს, რომ კანონპროექტისგან მომდინარე  რისკებს გააანალიზებს. საკითხზე პოლიტოლოგი ვაჟა ბერიძე საუბრობს: _ ბატონო ვაჟა, მმართველი პარტია საერო და სასულიერო პირების მხრიდან წამოსული პროტესტის შემდეგ აცხადებს, რომ მარიხუანის კულტივირების შესახებ კანონპროექტს პარლამენტიდან იმ შემთხვევაში გაიწვევს, თუ საზოგადოებას საფრთხეს შეუქნის.  პარლამენტში კანონპროექტი შეიტანეს და შემდეგ საუბრობენ მოსალოდნელ საფრთხეებზე, რამდენად კანონზომიერია ,,ქართული ოცნების“ ქმედება? _ ახალბედა პოლიტიკოსს, გამოუცდელ პარლამენტის თავმჯდომარეს, ირაკლი კობახიძეს  რაღაც არსებითად ნამდვილად ეშლება. საზოგადოებასთან ასეთი ურთიერთობა პარლამენტის თავმჯდომარეს არ გამოადგება.  კონკრეტული კანონპროექტის შეტანა პარლამენტში იყო გაუაზრებელი და მოუმზადებელი აქტივობა მმართველი პოლიტიკური ძალის მხრიდან. გასაგებად უნდა ითქვას, რომ მთლიანად ეს კანონპროექტი და მარიხუანის კულტივირება არის ბიძინა ივანიშვილის იდეა. ფაქტობრივად, ის მართავს ქვეყანას და მისი ნების გარეშე ქვეყანაში არც ერთი მნიშვნელოვანი გადაწყვეტილების მიღება არ ხდება. შეიძლება, ეს კანონი აღარც გამოჩნდეს პარლამენტში, რადგან ივანიშვილი საოცრად პრაგმატული კაცია და ხვდება, რომ საზოგადოება კანონპროექტის მიღებას წინ აღუდგება. ის ბუნდოვანება, რაც ამ კანონპროექტის გაწვევას ახლავს თან, ნიშნავს, რომ მმართველ ძალასა და ივანიშვილს ჩამოყალიბებული პოზიცია არ აქვთ, ცალსახად ეშინიათ  პოზიციის დაფიქსირება.  თუ დაინახეს, რომ ეს წინააღმდეგობა შესუსტდა, მაშინ კანონპროექტს დატოვებენ  და გაიტანენ. _ გარდა ბიძინა ივანიშვილისა, როგორ ფიქრობთ, სხვა პიროვნების ინტერესი არ იკვეთება? _ ეს შეიძლება ბევრი ადამიანის ინტერესი იყოს, მაგრამ სადღეისოდ მნიშვნელობა არ აქვს, ვის რა უნდა, თუ ბიძინამ არ დართო ნება, არც ერთი დიდი საქმე და პროექტი არ განხორციელდება“, _ გვითხრა ბერიძემ. საკანონმდებლო ორგანოს კანონპროექტზე მუშაობა ამჟამად შეჩერებული აქვს. იმ შემთხვევაში, თუ პარლამენტი კანონპროექტს მხარს დაუჭერს, საქართველოში მარიხუანის წარმოება ლეგალური ... ...
  • ლანჩხუთში მოსახლეობამ გზა გადაკეტალანჩხუთში ოზურგეთი-ლანჩხუთის გზის ნინოშვილის მონაკვეთზე ადგილობრივებს რამდენიმე საათია გზა აქვთ გადაკეტილი და მანქანებს გადაადგილების საშუალებას არ აძლევენ. მოსახლეობა ადგილობრივ ხელისუფლებას  ინფრასტრუქტურული სამუშაოების დაუდევრად შესრულებაში ადანაშაულებს და სოფელში არსებული პრობლემების დროულ მოგვარებას ითხოვს. „სახლები გვენგრევა ხალხს თავზე. ზედაპირულად და დაუდევრად აკეთებენ ყველაფერს. ფაქტობრივად, დანგრეულია ეს მთავარი გზა, მაგრამ პატრონი არავინაა. მოვლენ და ისვრიან ცარიელ სიტყვებს. კეთილი ინებონ და დროულად შეუდგნენ ჩვენი პრობლემების მოგვარებას, ტყუილ დაპირებებს ნუ იძლევიან. საქმე აკეთონ წესიერად. მეც ერთ-ერთი ვარ, ვისი სახლიც დანგრევის პირასაა. მითხრეს, უნდა ასახლდეო, არადა, გამაგრებითი სამუშაობი რომ ჩატარდეს, არაფერი მჭირს ასასახლებელი“, _ ამბობს „გურია ნიუსთან საუბრისას აქციის ერთ-ერთი მონაწილე ოლეგ გოგუაძე. ადგილზე ადგილობრივი ხელისუფლების წარმომადგენლები და პოლიციის თანამშრომლებიც იმყოფებიან. მერიის პრესსამსახურის ინფორმაციით, ვითარების შესწავლის მიზნით აქციის მონაწილეებთან იმყოფება მუნიციპალიტეტის მერის მოადგილე. "ადგილზე იმყოფება მუნიციპალიტეტის მერის მოადგილე გიორგი ფაცურია, რომელიც შეისწავლის შექმნილ ვითარებას და შესაძლებლობის ფარგლებში გაეწევათ ... ...
  • ბაქსვუდის სკოლის მოსწავლე ლანჩხუთიდანლანჩხუთის მეორე საჯარო სკოლის მე-12 კლასის მოსწავლე სალომე ჩიკაშუა, რომელიც განათლების სამინისტროს მიერ ორგანიზებულ ოლიმპიადაში წარმატებით გამოვიდა, დიდ ბრიტანეთში, ბაქსვუდის სკოლაში ისწავლის. სალომე სახალხო პროექტის „ეტალონის“ გასული  წლის გამარჯვებულია ლანჩხუთში, ხოლო ქვეყნის მასშტაბით, საუკეთესო ათეულში მოხვდა და ჯილდოდ 1000 ლარი მიიღო. ამ თანხით კი ბავშვობის ოცნება აიხდინა და „მოპედი“ შეიძინა. „სწავლა ძალიან მიყვარს. გამორჩეული საგანი არ მაქვს, მაგრამ ვფიქრობ, მათემატიკა მაინც სულ სხვაა. ძალიან გამიხარდა, რომ 21 საუკეთესო მოსწავლეს შორის მოვხვდი და ამისთვის მადლობა ჩემს პედაგოგებსა და სკოლას“, _ ამბობს სალომე. სალომე ერთადერთი არაა მეორე საჯარო სკოლიდან, ვინ უცხოეთში ისწავლის. მისი თანაკლასელი მარიამ ზენაიშვილი ამერიკაში, ჰავაის კუნძულებზე მდებარე სკოლაში ... ...
  • ცხოვრება განათლების გარეშე: ბაბუამ მითხრა, რომ კარგი ბიჭი შეარჩიეს და უნდა დავქორწინებულიყავი32 წლის ლია ირემაძე  ჩოხატაურში, სოფელ ბუკნარში ცხოვრობს. მას  მხოლოდ 9 კლასის განათლება აქვს. ამბობს,  სოფელ ბასილეთში, სადაც ის ცხოვრობდა მხოლოდ არასრული განათლების მიღების შესაძლებლობა იყო და შემდეგ, სწავლის გაგრძელებაზე არ უფიქრია. 16 წლის იყო, როცა მშობლებმა გაათხოვეს _ მეუღლეს არ იცნობდა თუმცა უფროსების ნებას დაჰყვა და ოჯახი შექმნა. ყვება, რომ მაშინ პროტესტიც გამოხატვა არ შეეძლო და ამის მიზეზად იმდროინდელ სიტუაციას ასახელებს. იხსენებს, რომ ნიშნობის წინ მხოლოდ მომავალი მეუღლის ფოტო ანახეს: _ ბაბუამ მითხრა, რომ კარგი ბიჭი შეარჩიეს და უნდა დავქორწინებულიყავი. წინააღმდეგობა არ გამიწევია, დავთანმხდი. ფოტო მანახეს და მითხრეს, რომ კარგ ოჯახში მომიწევდა ცხოვრება. მაშინ ასეთი დრო იყო და სხვა გზა არც მქონდა, _ ამბობს ჩვენი რესპოდენტი.  ლია ირემაძის თქმით, სწავლის გაგრძელებაზე საუბარი არც ყოფილა: _ კარგი იქნებოდა მესწავლა, მაგრამ ასე მოხდა. ოჯახი, შვილები როცაა ბევრ რამეზე გიწევს უარის თქმა. მათ ბევრი რამე სჭირდებათ და მათი გულისთვის ყველაფერს უნდა შეეგუო, _ ამბობს ლია, რომელსაც  შეგუება ბევრ რამესთან მოუწია და ახლაც უწევს _ 22 წლის იყო როცა მეუღლე დაეღუპა და 4 შვილით მარტო დარჩა. მას შემდეგ ყველაფერს აკეთებს, რომ ოჯახს არაფერი მოაკლდეს. თუმცა, დასძენს, რომ ფიზიკური შრომა მეუღლის სიცოცხლეშიც უწევდა: _ ახალგათხოვილი ვიყავი, როცა წალკაში გადავედით საცხოვრებლად. გვითხრეს, რომ იქ უკეთესად ვიქნებოდით. ყველაფერი თითქმის თავიდან დავიწყეთ და როცა შუა გზაზე ვიყავით მეუღლე დამეღუპა. წალკაში ისეთი პირობები არ გვქონდა, რომ თავის გატანა შეგვძლებოდა, მიუხედავად იმისა, რომ სულ ვშრომობდი. ამიტომ, ჩოხატაურში დავბრუნდით, _ აღნიშნავს ჩვენი რესპოდენტი, რომლის ცხოვრების ყოველი დღე, მისი თქმით ერთნაირია. დილას ადრიანად _ 6 საათზე იწყებს. უვლის საქონლებს, ამზადებს რძის პროდუქტებს, მუშაობს ბოსტანში, ყანაში. მძიმე ფიზიკური შრომის კვალი ხელებზე კარგად ეტყობა. ამბობს, რომ ეს ყველაფერი ძალიან რთულია, მაგრამ სხვა გზა არ აქვს, რადგან მას ბავშობიდან მხოლოდ შრომა  ასწავლეს. კითხვაზე რას იზამდა მაშინ, თუ ცხოვრების თავიდან დაწყების საშუალება ექნებოდა, პასუხი არ აქვს და მხოლოდ იმას ამბობს, რომ მშობლების სურვილის წინააღმდეგ წასვლას, ალბათ, ვერ გაბედავდა. განათლება არც ლიას დედამთილს, მერი ირემაძეს  მიუღია. ამბობს, რომ ამის სურვილი არასდროს ჰქონია.  გვიყვება, რომ 16 წლის სარძლო კარგი ოჯახისშვილობით აარჩია და მისთვის ეს საკმარისი იყო. კითხვაზე, რატომ არ დაეხმარა რძალს განათლების მიღებაში, გვპასუხობს, რომ მას არ მოუნდომებია: _ ლიას სწავლის სურვილი არასდროს გამოუთქვამს და არც მე შემითავაზებია. არც ჩემი შვილი იყო ნასწავლი და არც მას ჰქონდა სურვილი. დღეს ვფიქრობ, რომ ნასწავლი ადამიანისთვის ცხოვრება უფრო იოლია, მაგრამ ეს თავად უნდა მოინდომონ. დაძალებით არაფერი გამოვა. ჩემს შვილიშვილებს მუდამ ვეუბნები, რომ ისწავლონ, მაგრამ არ უნდათ, არ ინდომებენ და ეს ძალიან მაწუხებს, _ გვითხრა მერი ირემაძემ. აჭარელ რძალ-დედამთილს იმედი აქვთ, რომ მათი შვილები და შვილიშვილები კარგ განათლებას მიიღებენ და  მიწის დამუშავებით და საქონლის მოვლით თავის გატანა არ მოუწევთ. _ სიმართლე გითხრათ, სწავლის სურვილი არც მე მქონია. მაშინ, ამას დიდი მნიშვნელობა არც ენიჭებოდა, თუმცა, დღეს სხვა სიტუაციაა. უსწავლელი ადამიანი არავის სჭირდება. თუ განათლებას არ მიიღებ, თავის გატანა ისეთი მძიმე შრომით მოგიწევს, როგორითაც თითქმის მთელი ცხოვრება გავიარე. დღეს შეძლება არ მაქვს. ჩემს რძალს დიდი დახმარებას ვერ ვუწევ. ვეღარც ბოსტანში ვმუშაობ და ვეღარც ყანაში. რა თქმა უნდა გული მწყდება, რომ ასეა და სწორედ ამიტომ მინდა, რომ ჩემმა შვილიშვილებმა კარგად ისწავლონ. მათი წინაპრების მაგალითი უნდა გაითვალისწინონ და თოხით და ბარით არ უნდა გალიონ ცხოვრება, _ აღნიშნა მერი ირემაძემ. ... ...

არქივი

ზაფრანი

რა ემუქრება დედამიწას მზე რომ ჩაქრეს

მეცნიერები ფიქრობენ, რომ ადრე თუ...

შეცდომით აღმოჩენილი გენიალური გამოგონებები

პენიცილინი _ მედიკამენტი, რომელმაც გადატრიალება...

უცნაური სინდრომები

ფეთქებადი თავის სინდრომი  ესაა საკმაოდ...

საიდუმლოებით მოცული ადამიანები

საუკუნეების განმავლობაში ისტორია სავსეა საიდუმლოებით...

ბრძნული ცხოვრების პრინციპები

1. გაუშვით ადამიანები და სიტუაცია....

გიგანტების სამარხი

უკვე დიდი ხანია, რაც დედამიწაზე...
კარმიდამო ჩემი

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

საშემოდგომო თესვის დაწყება და ნიადაგის გაფხვიერების თავისებურება

აგვისტოს მიწურულს და სექტემბრის დასაწყისში,...

"მოგვაშორეთ ტურები"

ოზურგეთის მუნიციპალიტეტის სოფელ ლიხაურის, ჭანიეთის,...

"ჩაი გავანადგურეთ, თხილის ხარისხი კატასტროფულად დაეცა... სადაა გამოსავალი?"

მსოფლიოში მეჩაიეობის დარგში ჩამოყალიბებული დადებითი...

ჩინური კუნგ პაო

ჩინური სამზარეულოს ნამდვილი შედევრია "გუმბაო"....

როგორ წარმოიშობა "უავტორო" ხანძრები

მსოფლიომ "უავტორო" ხანძრების მთელი სერიები...

საწებელი _ მარტივად და გემრიელად

გვიან ზაფხულში და შემოდგომის დასაწყისიდანვე,...

როგორ ვებრძოლოთ ფესვის კიბოს

ფესვის ბაქტერიული კიბო ბევრი კულტურული...

გურული მეურნის მიერ დამორჩილებული ცნობილი "ლედის თითები" _ იგივე ბამია

ოზურგეთის მუნიციპალიტეტის სოფელ მაკვანეთის მკვიდრი,...

მცენარეთა რძე და რძის პროდუქტები

ჩვენს წარმოდგენაში რძე და რძის...