ძველი ბაღების ახალი სიცოცხლე

საზოგადოება

ძველი ბაღების ახალი სიცოცხლე

15 ოქტ. 2014, 15:21:07
სკოლამდელ სააღმზრდელო ცენტრში დირექტორის შეცვლა ლანჩხუთის მუნიციპალიტეტის გამგებელმა ზაზა ურუშაძემ "ახალი სიცოცხლის" აუცილებლობით ახსნა და იქ განათლებით ეკონომისტი, დავით დობორჯგინიძე დანიშნა.

დირექტორის შეცვლას სხვა საკადრო ცვლილებებიც მოჰყვა, რამაც ჩვენი დაინტერესება გამოიწვია და შეკითხვებით მივმართეთ ბატონ დავითს.

_ ბატონო დავით, მუნიციპალიტეტის გამგებლის თქმით, ბაღებში "ახალი სიცოცხლე" იყო საჭირო და ეს საქმე თქვენ ჩაგაბარათ. რა პრობლემები დაგხვდათ ისეთი, რისთვისაც ასე აუცილებელი იყო ეს "სიცოცხლე"?

_ პრობლემები მართლაც ბევრია და იგი დროულ და მიზანმიმართულ მუშაობას საჭიროებს. ლანჩხუთში ბაღების 80 პროცენტი ვერ აკმაყოფილებს ელემენტარულ სტანდარტს _ მოუწესრიგებელია სამზარეულოები, ბევრგან მთლიანად შენობაა შეუფერებელი ბაღისთვის. მოკლედ, ძალიან დიდი ძალისხმევა და მონდომებაა საჭირო იმისთვის, რომ მიახლოებული მაინც ვიყოთ სტანდარტებთან. მე ამისთვის სრულიად მზად ვარ.

_ მონიტორინგის ჯგუფმა, სურსათის უვნებლობის სამსახურიდან, წინა სასწავლო წლის ბოლოს დადო დასკვნა. მის საფუძველზე ლანჩხუთის არც ერთი, მათ შორის ქალაქის პირველი ბაღიც, ვერ აკმაყოფილებს სრულად მათ მიერ დაწესებულ სტანდარტებს. ხომ არ იგეგმება, ამის საფუძველზე რომელიმე ბაღის გაუქმება?

_ დიახ, მაშინ ვადა 15 ოქტომბრამდე მოგვეცა მდგომარეობის გამოსასწორებლად. მუნიციპალიტეტის ხელმძღვანელობის ძალისხმევით, მოხდა შეთანხმება და ვადა მომავალი წლის პირველ თებერვლამდე გადაგვიწიეს. ძალიან დიდ ფინანსურ ხარჯებთანაა დაკავშირებული ყველაფერი. ამ ეტაპზე, დანაზოგი ფულით სამზარეულოებისთვის გამწოვები შევიძინეთ. სტანდარტის მიხედვით, საჭიროა ბაღებში იყოს დეზობარიერები, რომელიც საცალო ღირებულება 100 ლარია. მე კი, სტანდარტებს თუ დავიცავ, 100 ცალი მესაჭიროება. გამოდის, რომ მათ შესაძენად 10 ათასი ლარია საჭირო, რაც ბიუჯეტში არ არის. პირველ რიგში, რაზეც ყურადღებას ვამახვილებ და მინდა სრულ წესრიგში იყოს, სველი წერტილები და სამზარეულოა. აცანაში არის იმის საშუალება, რომ სააღმზრდელო ჯგუფი სხვა შენობაში განვათავსოთ, ლაშისღელის ბაღი კი არანაირ სტანდარტში არ ჯდება და სამომავლოდ დაგეგმილია, შუხუთის ბაღის გაფართოების ხარჯზე, კონტიგენტი იქით გადავამისამართოთ. ეს მშობლებისთვის დისკომფორტის გამომწვევი რომ არ იყოს და ქალაქის ბაღმაც არ მიიღოს ზედმეტი დაწოლა, მათ მოემსახურებათ ავტობუსი.

_ მოგეხსენებათ, ქალაქის ბაღის თითო ჯგუფში 50-ზე მეტი ბავშვია, ასევე გადატვირთულია მაჩხვარეთის ბაღი. რას აპირებთ ამ კუთხით?

_ როგორც გითხარით, ქალაქში სიტუაციის განტვირთვას შუხუთის ბაღით შევეცდებით. ასევე, მაჩხვარეთის ბაღის შენობა იძლევა იმის საშუალებას, რომ იქ კიდევ დამატებით ორი ჯგუფი გაიხსნას. მე ვთვლი, რომ ზონალური პრინციპი უნდა მოქმედებდეს, დღესდღეობით კი ისეა, ვისაც საშუალება აქვს, შორეული სოფლებიდან დაჰყავთ ქალაქის ბაღში ბავშვები, თავად ქალაქში მცხოვრებთათვის კი ადგილი აღარაა. რა უნდა ქნას ამ შემთხვევაში მშობელმა, სად წაიყვანოს თავისი შვილი? ოფიციალურად, 500 ბავშვია მუნიციპალიტეტის მასშტაბით ბაღის გარეშე დარჩენილი და ჩემი მიზანია, აქედან 300-400 ბავშვი მაინც დავაკმაყოფილო.

სამწუხარო ფაქტია, მაგრამ რეალობა _ ბევრს ბაღში ბავშვი მძიმე სოციალური ყოფიდან გამომდინარე დაჰყავს. სტანდარტი იძლევა იმის საშუალებას უფროს ჯგუფში 35 ბავშვი იყოს, სამწლიანებში კი _ მაქსიმუმ 25 ბავშვი.

_ ბატონო დავით, რეორგანიზაციამდე რამდენი ადამიანი იყო დასაქმებული უშუალოდ ბაღების გაერთიანების ცენტრში და რეორგანიზაციის შემდეგ რამდენი საშტატო ერთეული დარჩა?

_ რეორგანიზაციამდე 21 თანამშრომელი გვყავდა, ახლა კი 16 შტატია, ამაში შედის ის სამი შაშტატო ერთეულიც, რომელიც ზონებად დაყოფის შემდგომ დაიშვა.

_ მიგაჩნიათ, რომ აუცილებელი და გარდაუვალი იყო რეორგანიზაცია?

_ პირველ რიგში, რეორგანიზაცია გახორციელდა იმისთვის, რომ თავიდან აგვეცილებინა ზედმეტი ხარჯები, ასევე მუშაობის ახლებური მეთოდების დანერგვისთვის. უპირველესად, ჩემი მიზანია ყველა თანამშრომელში ავამაღლო შრომითი დისციპლინა.

_ თქვენ ზონებად დაყოფა ახსენეთ და არ მიგაჩნიათ, რომ ეს ზედმეტ ხარჯებს გამოიწვევს? მით უმეტეს, რომ ბაღებში არსებობდა მონიტორის შტატი, რომელიც ამ კუთხით მუშაობდა.

_ არ ვიცი, მე ეს შტატი არ დამხვედრია. ზონებად დაყოფა კი არანაირად არ იწვევს დამატებით ხარჯს.

_ მინდა ბიუჯეტზეც გკითხოთ. მილიონ 200-ათასიანი ბიუჯეტი საკმაოდ ხმამაღლა ჟღერდა და საკმაო მითქმა-მოთქმის საბაბიც იყო, მათ შორის ადგილობრივი ხელისუფლების წარმომადგენელთა მხრიდანაც კი. ახლა, როცა საქმეში ჩაიხედეთ, მიგაჩნიათ, რომ ეს ბიუჯეტი ბაღებისთვის დიდია და იძლევა "ხელის ფათურის" საშუალებას?

_ მე არ ვიცი, ვინ რას ფიქრობდა, ვის რა ეჭვები აწუხებდა, ან ვინ რას აკეთებდა. ერთია, რომ ეს თანხა ნამდვილად არაა საკმარისი იმ მოთხოვნების მისაღწევად, რაც ჩვენ გვაქვს დასახული.

_ რამდენით აპირებთ მომავალი წლის ბიუჯეტის გაზრდას, მით უმეტეს, იმ ფონზე თქვენ რა გეგმებიც გაგვაცანით?

_ ჩემი წარდგენილი ვერსიით, 2015 წლისთვის ბაღების ბიუჯეტის ზრდა 500 ათასი ლარით უნდა მოხდეს.

_ ამ ინტერვიუდან რამდენიმე საათში ბაღების თანამშრომელთა ტესტირებას ატარებთ; საინტერესოა, ვინ არიან კომისიის წევრები და რა კრიტერიუმით მოხდება შეფასება?

_ მე ვერ დავარქმევდი ამას ტესტირებას, ეს უბრალოდ გასაუბრებაა; უფრო ზუსტად, გაცნობითი ხასიათი ექნება ყველაფერს. შევისწავლით ყველა თანამშრომლის პირად საქმეს და გავესაუბრებით. ჩემთვის მთავარი განათლება, პროფესიონალიზმი და გამოცდილებაა. ბევრმა შეიძლება სიჯიუტედ ჩამითვალოს, მე ჩემი პრინციპი მაქვს და ამის მიხედვით ვმოქმედებ.

_ მართლაც გაუქმდა ბაღებში მზარეულის თანაშემწის შტატი?

_ კი. ერთი შემიძლია გითხრათ _  სანამ დასაქმება არჩევნებზეა დამოკიდებული, მანამ წინ ვერ წავალთ.




 ახალი ამბები
  • ქორწინების რეგისტრაციის წესში ცვლილებები შევიდაიუსტიციის მინისტრის თეა წულუკიანის ახალი ბრძანებით, ქორწინების სარიტუალო წესი შეიცვალა. შესაბამისი ბრძანება „საკანონმდებლო მაცნეზეა“ ხელმისაწვდომი. კერძოდ, სპეციალური სარიტუალო მომსახურებით და ადგილზე მომსახურებით (შენობის გარეთ მომსახურება) ქორწინების რეგისტრაციისას საქორწინო სივრცეში დასაშვებია დასაქორწინებელ პირებთან ერთად იმყოფებოდნენ მხოლოდ მათი მშობლები, ასევე მოწმეები და ერთი ფოტოოპერატორი. სავალდებულოა საქორწინო სივრცეში მყოფ პირთა შორის რეკომენდებული სოციალური დისტანციის დაცვა. ეს დროებითი წესი თბილისის იუსტიციის სახლის შენობაში მდებარე ქორწინების სახლის მიმართ - 2020 წლის 29 მაისიდან; ხოლო, თბილისში, უზნაძის ქ. №2-ში მდებარე ქორწინების სახლის მიმართ -2020 წლის 31 მაისიდან ... ...
  • ლანჩხუთში დამოუკიდებლობის დღე აღნიშნესსაქართველოს დამოუკიდებლობის დღე, 26 მაისი, სხვა ქალაქების მსგავსად ლანჩხუთშიც მოკრძალებულად აღინიშნა. ტრადიციისამებრ, მუნიციპალიტეტის ხელმძღვანელმა პირებმა საქართველოს პირველი რესპუბლიკის მთავრობის თავმჯდომარე, ნოე ჟორდანიას ბიუსტი ყვავილებით შეამკეს. „მნიშვნელოვანია, რომ საქართველოს დემოკრატიულ განვითარებას საუკუნის წინ დაედო საფუძველი. ნიშანდობლივია, რომ დამოუკიდებლობის აქტზე ხელმომწერი 14 პირი სწორედ ლანჩხუთიდანაა. მინდა მივულოცო თითოეულ ლანჩხუთელს და სრულიად საქართველოს დამოუკიდებლობის დღე. გამთლიანება, განვითარებულ და ძლიერ საქართველოში ცხოვრებას გისურვებთ“, _ აღნიშნა ლანჩხუთის მერმა ალექსანდრე ... ...
  • ძვირადღირებული ინფრასტრუქტურული პროექტი და უკმაყოფილო მოსახლეობა ლანჩხუთშილანჩხუთში აღმაშენებლის ქუჩის მოსახლეობამ გამაფრთხილებელი საპროტესტო აქცია გამართა. საქმე ისაა, რომ ამ ქუჩაზე, რომლიც ავტობანს უნდა დაუკავშირდეს, გარკვეული სახის იფრასტრუქტურული სამუშაოები მიმდინარეობს. აქ იფრასტრუქტურული სამუშაოები რამდენიმე თვის წინ დაიწყო და პროექტის შესაბამისად, რომლის ღირებულებაც ორი მილიონ 900 ათასი ლარია, იგეგმება სანიაღვრე არხების გაახლება, ტროტუარების მოწყობა და გზის საფარის დაგება. თუმცა, ირკვევა, რომ სამუშაოების მიმდინარეობის ხარისხით ადგილობრივი მოსახლეობა უკმაყოფილია და მათი ნაწილი ეჭვობს, რომ სამშენებლო სამუშაოები სტადარტების დარღვევით მიმდინარეობს. მოსახლეობის თქმით, უხარისხოდ შესრულებული სამუშაოების გამო მათი ეზოები იტბორება და თუ არ გამოსწორდება არსებული ხარვეზები, სამუშაოების დასრულების შემდეგ ადგილობრივები გაცილებით ცუდ მდგომარეობაშია ... ...
  • სალომე სამადაშვილი 2011 წლის 26 მაისის აქციის დაშლაზე - არ მახსოვს, რა აქციაზე მელაპარაკებითარ მახსოვს, რა აქციაზე მელაპარაკებით, – ასე უპასუხა „ერთიანი ნაციონალური მოძრაობის“ წარმომადგენელმა, სალომე სამადაშვილმა საქართველოს პირველი არხის კითხვას, რამდენად სწორი იყო 2011 წლის 26 მაისის აქციის დაშლის ფორმა. „რომელ აქციაზე მეკითხებით. არ მახსოვს, რა აქციაზე მელაპარაკებით. 2011 წლის 26 მაისს რა აქცია გაიმართა, ქალბატონ ბურჯანაძეს გულისხმობთ? თქვენ თუ გულისხმობთ იმას, რომ იყო მცდელობა, ჩვენი ქვეყნის სახელმწიფოებრიობის, დამოუკიდებლობის აღდგენის დღეს ჩაშლილიყო სახელმწიფოს მიერ დაგეგმილი შესაბამისი ღონისძიებები, რაც ფაქტობრივად იყო თავდასხმა საქართველოს სახელმწიფოზე და ჩვენს სახელმწიფო ინტერესებზე და ეს ყველაფერი ხორციელდებოდა იმ ხალხის მიერ, რომლის საგარეო პოლიტიკური ორიენტაცია, ყველამ ვიცით, არის მიმართული ჩვენი ჩრდილოელი მეზობლისგან, ვფიქრობ, რომ სახელმწიფოს უნდა დაეცვა საკუთარი სახელმწიფოებრივი ინტერესები. თუმცა, რა თქმა უნდა, ძალიან სამწუხაროა, თუ რა პროცესში მოხდა შესაბამისად ძალის გადამეტება. თუმცა, რამდენადაც ჩემთვის ცნობილია, განსხვავებით, მაგალითად, როდესაც გავრილოვის პარლამენტში მომყვანმა ხელისუფლებამ შემდგომ დაარბია საკუთარი თანამოქალაქეები და დღემდე გამოუძიებელი რჩება ყველა ეს საქმე და დაზარებულის სტატუსიც არ მიუნიჭებიათ იმ ადამიანებისთვის, ვისაც რეზინის ტყვიები ესროლა „ქართულმა ოცნებამ“ სერგეი გავრილოვის გამო, განსხვავებით ამისგან, მე რამდენადაც მახსოვს, 26 მაისს ძალის გადამეტების შემთხვევები იყო გამოძიებული და შესაბამისად, დასჯილი“, – აღნიშნა სალომე სამადაშვილმა. კითხვაზე, უქმნის თუ არა უხერხულობას ნინო ბურჯანაძესთან თანამშრომლობა, სალომე სამადაშვილმა განაცხადა: „მე მიმაჩნია, რომ მათ შორის იმ ადამიანებს, რომლებსაც მე შეიძლება ბევრ რამეში არ ვეთანხმები, აქვთ უფლება, მიიღონ მონაწილეობა დემოკრატიულ თავისუფალ არჩევნებში ქვეყანაში, რადგან ქართველმა ხალხმა უნდა განსაზღვროს, ვის მიანიჭებს ის ნდობას და დარწმუნებული ვარ, ჩვენი ხალხი შესაბამის პასუხს გასცემს არჩევნებზე ყველა პოლიტიკოსის პირად გადაწყვეტილებას და პოლიტიკურ არჩევანს, თუმცა თავისუფალ არჩევნებში მონაწილეობის მიღება და დემოკრატიული სტანდარტებით ჩატარებული არჩევნების უფლება აქვს ყველა პოლიტიკურ ძალას, მიუხედავად იმისა, თუ მე რას ვფიქრობ მათ შეხედულებებზე“. წყარო:  ... ...
  • რა ცვლილებები შედის საქართველოს პარლამენტის რეგლამენტშისაქართელოს კონსტიტუციასთან შესაბამისობაში მოყვანის მიზნით, ცვლილებები შედის საქართველოს პარლამენტის რეგლამენტში. პროექტის ინიციატორები საპარლამენტო უმრავლესობის წარმომადგენლები გიორგი კახიანი, გურამ მაჭარაშვილი და ირაკლი კობახიძე არიან. „რეგლამენტში ცვლილების განხორციელება გამოწვეულია იმით, რომ კონსტიტუციაში განხორციელებული ცვლილებით იცვლება მათ შორის, დასახელებებიც. კონსტიტუციაში წერია, სიტყვა - ოპოზიცია და არ არის უმცირესობა, შესაბამისად, ხდება პარლამენტის სტრუქტურის ოპტიმიზაცია, მათ შორის კომიტეტებისაც. ასევე, კონკრეტდება საპარლამენტო ცხოვრებაში როგორც უმრავლესობაში შემავალი ასევე, ოპოზიციაში არსებული ფრაქციების მონაწილეობა. როგორც ასეთი, სუბიექტები - უმრავლესობა და უმცირესობა აღარ იქნება. აუცილებლად იქნება ის, რომ პარლამენტის წევრების უმრავლესობა - მინიმუმ 76 პარლამენტის წევრი მთავრობას ჩამოაყალიბებს, მაგრამ უმრავლესობა, როგორც საპარლამენტო სუბიექტი, რომელსაც თავისი აპარატი ეყოლება - ეს აღარ იქნება", განმარტა საპროცედური საკითხთა და წესების კომიტეტის თავმჯდომარემ, გურამ მაჭარაშვილმა. მისი თქმით, უმრავლესობაში შესვლის უფლება აქვს როგორც ფრაქციას ასევე, უფრაქციო პარლამენტის წევრებს. ხოლო, საპარლამენტო უმრავლესობის გარეთ დარჩენილი ყველა ფრაქცია და უფრაქციო დეპუტატი იქნება ოპოზიცია. რეგლამენტის ახალი პროექტით, ერთი პოლიტიკური პარტიის ან საარჩევნო ბლოკის წარდგენით არჩეულ პარლამენტის წევრებს უფლება არა აქვთ შექმნან ერთზე მეტი ფრაქცია. სხვადასხვა პოლიტიკური პარტიის ან/და საარჩევნო ბლოკის წარდგენით არჩეული პარლამენტის წევრების მიერ საერთო ფრაქციის შექმნა დაუშვებელია. პარლამენტის ყველა წევრი, რომელიც არ შედის საპარლამენტო უმრავლესობაში, განეკუთვნება საპარლამენტო ოპოზიციას. „ოპოზიცია იქნება ყველა ის დეპუტატი, რომელიც იქნება უმრავლესობის გარეთ. აი ეს ცვლილებები იწვევს ყველა სხვადასხვა მუხლებში ცვლილების განხორციელებას, რადგან დამოუკიდებელი დეპუტატის ნაცვლად, იქნება უფრაქციო დეპუტატი, ეს ასევე იწვევს კვოტების განაწილების წესის ცვლილებას, ასევე ვიცესპიკერების განაწილების კვოტებს და არეგულირებს კომიტეტის თავმჯდომარეების, მისი მოადგილეების განაწილების პროცესს. ძირეული ცვლილებები არის ის რომ კონსტიტუციასთან შესაბამისობაში მოყვანა როგორც უმრავლესობის და უმცირესობის არარსებობის და უმრავლესი წევრების შეკრების სახით, ასევე კვოტების განაწილების სახით", - განმარტა კანონპროექტის ერთ-ერთმნა ინიციატორმა. მისი თქმით, მცირდება ვიცესპიკერების რაოდენობა, და იგი ჩამოვიდა სამზე, მათ შორის ერთი კვოტა არის ოპოზიციის. საკანონმდებლო ინიციატივის სახით, ცვლილება ასევე ეხება კომიტეტების შემცირებას. ახალი რეგლამენტით პარლამენტს სულ სულ განსაზღვრულია 13 კომიტეტი ეყოლება. ესენია: • ადამიანის უფლებათა დაცვისა და სამოქალაქო ინტეგრაციის; • განათლებისა და მეცნიერების; • გარემოს დაცვისა და ბუნებრივი რესურსების; • დარგობრივი ეკონომიკისა და ეკონომიკური პოლიტიკის; • ევროპასთან ინტეგრაციის; • თავდაცვისა და უშიშროების; • იურიდიულ საკითხთა; • რეგიონული პოლიტიკისა და თვითმმართველობის; • საგარეო ურთიერთობათა; • საპროცედურო საკითხთა და წესების; • საფინანსო-საბიუჯეტო; • კულტურის, სპორტის, ახალგაზრდობისა და დიასპორის საკითხთა; • ჯანმრთელობის დაცვისა და სოციალურ საკითხთა.". „აგრარულ საკითხთა კომიტეტი დარგობრივი ეკონომიკისა და ეკონომიკური პოლიტიკის კომიტეტთან გაერთიანდება, ხოლო დიასპორისა და კავკასიის საკითხთა კომიტეტის შემთხვევაში, შესაბამისი მიმართულება გაერთიანდება კულტურის, სპორტის, ახალგაზრდობის საკითხებთან ერთად, ერთ კომიტეტში; თავის მხრივ, კულტურის კომპონენტი გამოეყოფა განათლებისა და მეცნიერების კომიტეტს. პარლამენტის რეგლამენტში განსახორციელებელი ცვლილებები თანმდევ პროექტებში ცვლილებას იწვევს , რაც ძირითადად ტექნიკური ხასიათისაა. ეს ცვლილებები ამოქმედდება მეათე მოწვევის პარლამენტისთვის, რომელსაც საშუალება ექნება დაიწყოს ფუნქციონირება ახალი კონსტიტუციის და პარლამენტის ახალი რეგლამენტის შესაბამისად", - განაცხადა გურამ ... ...

არქივი

ტესტები

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

რას ფიქრობთ სოფლის მეურნეობის დახმარების პროგრამაზე?