ხელისუფლებას 40 წლის ახლა აღარ ეზარება?

gurianews.com

საზოგადოება

ხელისუფლებას 40 წლის ახლა აღარ ეზარება?

2011 ოქტ 31 09:48:30
ვარდების რევოლუციის შემოქმედთა მიერ მოძულებული, "დაკარგული თაობა" _ 45-დან 60 წლამდე ადამიანები სააკაშვილის რეჟიმმა უსარგებლო მასად შერაცხა და სამსახურებიდან პანტაპუნტით გაყარა. მთელ საქართველოს ახსოვს, "ვარდნარიდან" შობილმა ერთმა ნორჩმა მინისტრმა როგორ ყინჩად ბრძანა, 40 წლის მუხაც მეზარებაო!

ახლა კი 45-დან 60 წლამდე ასაკის მოქალაქეთა დასაქმება, უეცრად პრეზიდენტის ინიციატივა გახდა და იმ ბიზნესმენებს, რომლებიც ამ მისიას იკისრებენ, საშემოსავლო გადასახადისაგან გაათავისუფლებენ.

საინტერესოა, რამ უბიძგა პრეზიდენტს "ჩარეცხილების" ამოსარეცხად, ისინი ხომ კარგა ხანია, საჭირო და სრულფასოვან მოქალაქეებად აღარ ითვლებიან ჩვენი ხელისუფლების დიდი ნაწილის თვალში? მათ იმის მოსმენაც კი არასოდეს უნდათ, რომ ნებისმიერ ცივილურ ქვეყანაში, 50-65 წლის ასაკის ინტელექტუალური ელიტა ოქროს კაპიტალად ითვლება და იმავე ქვეყნების საკანონმდებლო თუ აღმასრულებელ ხელისუფლებაში "შევერცხლილ თავებს" ხედავენ მხოლოდ.

"გურია ნიუსი" დაინტერესდა, ოზურგეთში, ვარდების რევოლუციის შემდეგ, რამდენი შტატი შემცირდა ამა თუ იმ სამსახურში. სრულყოფილი დათვლა გაჭირდა, მაგრამ ათეულობით ადამიანი, ზოგან კი მთლიანად სამსახურებია გაუქმებული, თან უბოდიშოდ _ ასე გვინდა და მორჩა! ახლახან სკოლების შემცირებაც დაიწყეს, მიზეზად კი კონტიგენტი სახელდება. თუ დიდ სკოლებს შეამცირებენ ან გააერთიანებენ, ამას ოპტიმიზაციას არქმევენ!

ერთ კონკრეტულ ფაქტს გავიხსენებ ადამიანის სამსახურიდან უბოდიშოდ გაგდების შესახებ: "ვარდების რევოლუციის" შემდეგ. გურიის სამხარეო ადმინისტრაციის აპარატის მაშინდელი უფროსი, პროფესიით ისტორიკოსი, არა ერთი ნაშრომის ავტორი გაიოზ კუჭავა სამსახურიდან დაითხოვეს. მერე კი მხოლოდ იმიტომ დაიბარეს, რომ მისი (და სხვებისაც) გათავისუფლების შესახებ ბრძანება დააწერინეს! და ეს იმიტომ, რომ თვითონ არ იცოდნენ, ასეთი ბრძანება როგორ იწერებოდა!!

57 წლის ასაკში სამსახურიდან უმიზეზოდ დათხოვილი გაიოზ კუჭავა ამ შეურაცხყოფას შეეწირა _ იგი მალევე გულის შეტევით გარდაიცვალა. მისი მეუღლე მზია ნინიძე დღესაც იხსენებს, როგორ სინანულით ამბობდა ბატონი გაიოზი: _ რატომ მათავისუფლებენ, "ასტრას" რომ ვეწევი, იმიტომ? თუმცა თხოვნით, სამსახურში დამაბრუნეთო, არავისთან მისულა, მეუღლეს უთხრა მხოლოდ: "მე თუ ვერ დამინახეს, მაგათთან ლაპარაკი არც ღირს".

არა ერთ ჩვენ რესპონდენტს, რომლებიც ამ ხელისუფლების მოსვლის შემდეგ გაუშვეს სამსახურიდან, არაერთგვაროვან რეაქცია აქვთ პრეზიდენტის ინიციატივაზე _ ზოგი მიიჩნევს, რომ საარჩევნოდ ხმას მომთხოვენ და მერე სახლში ისე გამიშვებენ, არც გაწითლდებიან სირცხვილითო; ზოგიც ფიქრობს _ საარჩევნოდ იბანს პირს, რის სამსახურის მომცემიაო. ზოგმა იუმორითაც გვიპასუხა _ 7 წელია, უმუშევარი რომ დამტოვეს, იმ შემთხვევაში ჩავდგები მაგათ სამსახურში, ამ 7 წლის ხელფასს პლიუს კომპენსაციას თუ მომცემენ, როგორც უმიზეზოდ და განზრახ დაზარალებულსო.

"გურია ნიუსის" კითხვაზე, რამდენად რეალურია პრეზიდენტის ინიციატივა, რატომ მოიფიქრა ეს და უწერია თუ არა ახდენა, "რესპუბლიკელი" მარინე სუნგულია პასუხობს: _ პრეზიდენტისგან 45-60 წლის ასაკის ხალხის სამსახურში დაბრუნებაზე განაცხადი ორი მიზეზის ზედდებით არის გამოწვეული _ უპირველესი არის ბიძინა ივანიშვილის განცხადება, რომელმაც დისბალანსი გამოიწვია ნაციონალების აზროვნებასა და საქციელში. ამ ხელისუფლებას ხომ უზარმაზარი არმია ჰყავს განაწყენებული, ასაკობრივი ბარიერის დაწესების გამო. მიშას მოსვლის დღიდან, 40 წლის ადამიანებს, ლამის, დამლაგებლადაც არ იღებდნენ სამსახურში, ჩვენ კაცთა მოდგმის სიიდან ამოგვშალეს. მეორე მიზეზი ამ განცხადებისა არის ის, რომ სააკაშვილის გუნდი, ძირითადად, კარგა ხანია, ასაკით გადაახტა 40 წელს.

მაშინ ამტკიცებდნენ, რომ ახალგაზრდა უკეთ აზროვნებდა, ახლა კი შეუდგებიან მტკიცებას, რომ დაბრძენებულ ასაკში უკეთ არის შესაძლებელი სახელმწიფოს მართვა! ანუ ქოთანს ყურს სასურველ მხარეს მოაბამენ.

"გურია ნიუსი" პრეზიდენტის ამ ინიციატივის შესახებ ბიზნესმენთა მოსაზრებითაც დაინტერესდა და "შპს ვასაძის პურის" მფლობელ ბიძინა ვასაძეს და "მოდერნის" ხელმძღვანელ მერაბ ვასაძეს გაესაუბრა:

_ დაასაქმებთ თუ არა 45-60 წლის ადამიანს საკუთარი სურვილით, ან ვინმეს, ვთქვათ, პრეზიდენტის დავალებით, თქვენს საწარმოში?

ბიძინა ვასაძე: _ თუ მისი კვალიფიკაცია შეესაბამება იმ სტანდარტებს, რაც მე მჭირდება, აუცილებლად დავასაქმებ, როცა მექნება ადგილი.

მერაბ ვასაძე: _ მეც მაგ ასაკის ვარ და თავს მოხუცად არ ვთვლი. რა თქმა უნდა, დავასაქმებ, თუ დამჭირდება. ასაკით შეზღუდვა არ დამიწესებია. ახლა არ მაქვს ადგილი, თუმცა, საჭიროების შემთხვევაში, 60 წლამდე ასაკის ადამიანსაც მივიღებ სამსახურში.


ნახვა: 708


 ახალი ამბები
  • მიხეილ სააკაშვილი მეუფე იოსების განცხადებას ეხმაურება: 20 წელია ვიცნობ და პატივს ვცემშემოქმედელი მიტროპოლიტის, მეუფე იოსების მიერ გუშინ გავრცელებულ განცხადებას, რომელშიც მან სალომე ზურაბიშვილი იუდას შეადარა და აღნიშნა, რომ მისი გაპრეზიდენტება არ შეიძლება, საქართველოს ყოფილი პრეზიდენტი ეხმაურება: _ 20 წელია ვიცნობ და დიდ პატივს ვცემ. ძალიან უყვართ გურიაში, _ ამ ტექსტით ავრცელებს მიხეილ სააკაშვილი მეუფე იოსების განცხადებას. შეგახსენებთ, რომ მეუფე იოსები "ქართული ოცნების" მიერ მხარდაჭერილ პრეზიდენტობის კანდიდატს, სალომე ზურაბიშვილს სინანულისკენ მოუწოდებს და აღნიშნავს, რომ მისი "პრეზიდენტობა არ შეიძლება". "კონკორდატში, ქალბატონო სალომე, არ წერია უზნეობაზე ხმა არ ამოიღოო. პირიქით _ თუ ვინმე საზოგადოებას, ჩვენს მრევლს გადაცდომისკენ მოუწოდებს, მოვალე ვართ ჩვენ იგი ვამხილოთ. ეს მუქარა, რომელსაც თქვენ გამოთქვამთ წმინდა სინოდის მიმართ, კიდევ ერთი დასტურია, თქვენი გაპრეზიდენტების შემთხვევაში, თუ როგორი საშიში გახდებით ქართველი ერისა და ეკლესიის მიმართ. თქვენ ბრძანეთ ერთ-ერთ გამოსვლაში, რომ, თურმე, ეპისკოპოსები და სამღვდელოება უსახურ ტაძრებს ვაშენებთ და იქვე დaსძენთ, რად გინდათ ამდენი ტაძრების აშენება როცა უამრავი გაჭირვებულია საქართველოში და ხომ არ აჯობებდა ეს ფული მათთვის გამოვიყენოთო. მინდა შეგახსენოთ, რომ იუდამაც ზუსტად ასეთი სიტყვები უთხრა მაცხოვარს, როცა მარიამ მაგდალინელმა ნელსაცხებელი ცხო უფალს ფეხებზე. ეს და სხვა თქვენი გამოსვლებიდან გამომდინარე, ჩვენ და ქართველ საზოგადოებას გამოგვაქვს დასკვნა, რომ თქვენი პრეზიდენტობა არ შეიძლება. ეს არ არის პოლიტიკა, ეკლესია არც ერთი პოლიტიკური პარტიისკენ არ იშვერს ხელს და ხალხს არ მოუწოდებს, ხმა მას მიეცითო. მაგრამ რაც შეეხება იმ მოვლენებს, მოწოდებებს. ფუჭ დაპირებებს, ქართველი ერის დეგრადაციას, მათი მოთხოვნების უგულებელყოფას, ამაზე ჩვენ ვერ გავჩუმდებით, თვალს ვერ დავხუჭავთ. გამხილებთ სიყვარულით და მოგიწოდებთ სინანულისკენ. იმიტომ გვაკურთხა ჩვენ ღმერთმა უფალმა იესო ქრისტემ, რათა სიმართლე და ჭეშმარიტება ვიქადაგოთ", _ აღნიშნულია განცხადებაში, რომელიც შემოქმედელმა მიტროპოლიტმა მეუფე იოსებმა გაავრცელა. ამავე თემაზე: "მე ეკლესია ვარ და არ ვარ ვალდებული ინფორმაცია მოგაწოდოთ" _ ბიუჯეტის თანხები ეპარქიის ანგარიშზე, რომელსაც არავინ აკონტროლებს მეუფე იოსების პირად საკუთრებაში არსებული მილიონზე მეტად შეფასებული ... ...
  • „დაპირისპირება" ეკლესიასა და „ქართულ ოცნებას" შორის არის თითიდან გამოწოვილი გზავნილი _ კობახიძე„ეკლესია არ ერევა სახელმწიფოს საქმეებში-ეს არის, პირველ რიგში, თავად ეკლესიის პოზიცია და უმნიშვნელოვანესი პრინციპი, რომლითაც ხელმძღვანელობს ეკლესია და ეს გამოიხატა, ასევე, პატრიარქის განცხადებაში",- ამის შესახებ საქართველოს პარლამენტის თავმჯდომარემ განაცხადა. ირაკლი კობახიძე საქართველოს კათოლიკოს-პატრიარქ  ილია II-ს მადლობას უხდის. „პირველ რიგში, მინდა აღვნიშნო, რომ ეკლესია, რა თქმა უნდა, უნდა იყოს ნეიტრალური და ზუსტად ეს არის ასახული პატრიარქის განცხადებაში, უნდა იყოს საარჩევნო პროცესებიდან, რა თქმა უნდა, არსებითად გამიჯნული ეკლესია და საპატრიარქო და ეს იყო ზუსტად ამ განცხადების პათოსი და მე მინდა, მადლობა კიდევ ერთხელ გადავუხადო, რა თქმა უნდა, პატრიარქს ამ განცხადებისთვის. ეს არის ბუნებრივია, ის პრინციპი, რომლითაც უნდა ვიხელმძღვანელოთ თითოეულმა ჩვენგანმა. იყო რამდენიმე მცირე გადახვევა ამ პრინციპიდან, თუმცა, ეს არ ცვლის, რა თქმა უნდა, საპატრიარქოს სულისკვეთებას, პატრიარქის სულისკვეთებას, ჩვენ მოვისმინეთ რამდენიმე განცხადება სასულიერო პირების მხრიდან, რომელიც უკავშირდებოდა არჩევნებს და ეს, ალბათ, არ არის სწორი. შესაბამისად, ეს იყო რეაგირება, პატრიარქს ჰქონდა, ბუნებრივია, ამაზე რეაგირება და ეს არის, რა თქმა უნდა, ყველას საერთო სულისკვეთება. ჩვენ, კიდევ ერთხელ მინდა გავიმეორო, რომ ვმოქმედებთ იმ ინტერესების შესაბამისად, რომელიც არის ჩვენთვის საერთო და ეკლესიის საზოგადო ინტერესები და ხელისუფლების საზოგადო ინტერესები არის, ბუნებრივია, საერთო - ეს არის საზოგადოების განვითარების ინტერესი, ეს არის სახელმწიფოს განვითარების ინტერესი და ეს არის პოლიტიკური პროცესების სამართლიანად და სწორად განვითარების ინტერესი",- განაცხადა პარლამენტის თავმჯდომარემ. რაც შეეხება „დაპირისპირებას" ხელისუფლებასა და ეკლესიას შორის, ირაკლი კობახიძის თქმით, ეს თითიდან გამოწოვილი გზავნილია, რომელსაც ის პოლიტიკური ძალები ავრცელებენ, ვინც წლებია, ეკლესიას ებრძვის.  „რაც შეეხება „დაპირისპირებას" ხელისუფლებას, ანუ „ქართულ ოცნებასა" და ეკლესიას შორის, ეს არის თითიდან გამოწოვილი გზავნილი და თქვენ იცით, ვინ ავრცელებს ამ გზავნილს და ვინ ცდილობს, ასე ვთქვათ, ამ ატმოსფეროს ხელოვნურად შექმნას: ეს არის ის პოლიტიკური ძალები, რომლებიც თვითონ ვიცით, როგორ უდგებოდნენ ეკლესიას და ვიცით, როგორი დამოკიდებულება ჰქონდათ მათ ეკლესიის მიმართ. ესენი არიან ის პოლიტიკური ძალები, რომელთათვისაც ადამიანის ღირსების შელახვა იყო ჩვეულებრივი მოვლენა და ეს არის ყველაზე დიდი ქრისტიანული სიკეთე, რაც არსებობს და ეს არიან ის პოლიტიკური ძალები, რომლებიც უკვე წლებია, ათწლეულზე მეტია, ებრძვიან ეკლესიას, უპირისპირდებიან  ეკლესიას და უპირისპირდებიან ადამიანის რელიგიურ გრძნობებს -  ეს არიან ეს პოლიტიკური ძალები. ისინი არიან დაპირისპირებული ეკლესიასთან, რაც შეეხება „ქართულ ოცნებას", „ქართული ოცნებისთვის" არის უმნიშვნელოვანესი იმ პრინციპების მოქმედება, რომელსაც ეფუძნება ეკლესიის მოღვაწეობა",- განაცხადა პარლამენტის ... ...
  • სიაში აღმოჩენილი პრემიერის ხელმოწერა _ საქმეს პროკურატურა იძიებსპროკურატურა ,,მოძრაობა სახელმწიფო ხალხისთვის“ მიერ  ცესკოში წარდგენილ საპრეზიდენტო კანდიდატის მხარდამჭერთა სიაში აღმოჩენილ დარღვევებს სწავლობს.   ცენტრალური საარჩევნო კომისიის ინფორმაციის მიხედვით, სიაში დაფიქსირებულია პრემიერ-მინისტრის მონაცემები და ხელმოწერა, რომელიც სრულიად განსხვავდება ცესკოში არსებულ და საჯაროდ ცნობილი ხელმოწერისგან. ასევე, ამავე პარტიის მხარდამჭერთა სიასთან დაკავშირებით  ცესკოში შესულია მოქალაქის განცხადება,  რომელშიც პირი აღნიშნავს, რომ მისი მონაცემები არაკანონიერად არის გამოყენებული. როგორც ,,გურია ნიუსს“ პროკურატურაში განუცხადეს, გამოძიება ამ ეტაპზეც მიმდინარეობს და კანონდარღვევის აღმოჩენის შემთხვევაში, პროკურატურა შესაბამის სამართლებრივ რეაგირებას მოახდენს.   „გამოძიება მიმდინარეობს და  ჯერჯერობით, დეტალებზე ვერ ვისაუბრებთ. იმ შემთხვევაში, თუ დადგინდება დანაშაული, მიღებული იქნება  შესაბამისი სამართლებრივი გადაწყვეტილება“, _ გვითხრეს პროკურატურაში. საკითხთან დაკავშირებით კომენტარი გააკეთა პარლამენტის თავმჯდომარემ. როგორც ირაკლი კობახიძემ განაცხადა, პარტიამ სიები გააყალბა, რასაც შესაბამისი პასუხი გაეცემა. ,,ეს ყველაფერი, ასევე, მიუთითებს იმაზე, რომ ,,ნაციონალური მოძრაობა“ ძალიან მძიმე და მწარე მარცხს იწვნევს ამ არჩევნებზე, რაზეც ჩვენ ვართ პასუხისმგებელი, შეგვიძლია ეს დაპირება შევასრულოთ. ფაქტი, რომ პრემიერის ხელმოწერა არის გამოყენებული სიებში, ეს მიუთითებს გაყალბების ხარისხზე. ჩვენ მივმართეთ ამ საკითხზე უწყებათაშორის კომისიას და კანონიდან გამომდინარე, ველოდებით უმკაცრეს რეაგირებას“, _ აღნიშნა კობახიძემ. ჯერჯერობით, უცნობია, დარღვევებთან დაკავშირებით, რა რეაგირება ექნება უწყებათაშორის კომისიას.   ... ...
  • "ხელი გაუქნიე იმას, ვისთვისაც ასაქნევი გაქვს“ - დაპირისპირება "ოცნების" დეპუტატებს შორის "ქართული ოცნების" დეპუტატები აკაკი ზოიძე და ლევან გოგიჩაიშვილი ერთმანეთს იურიდიულ საკითხთა კომიტეტის სხდომაზე დაუპირისპირდნენ. ხმაური სლოტ კლუბებში თამბაქოს მოწევის შესაძლო დაშვების საკითხის განხილვას მოჰყვა. სხდომაზე ლევან გოგიჩაიშვილი პრინციპულად შეეწინააღმდეგება ამ საკითხს. „საკუთარ ლოგიკას ეწინააღმდეგებით. პატარაში თუ რჩება აკრძალვა, დიდში რატომ არ რჩება? ნუ აკეთებთ ამ საქმეს, გეუბნებით მე თქვენ. კაკი, ხელი გაუქნიე იმას, ვისთვისაც ასაქნევი გაქვს“, - მიმართა გოგიჩაიშვილმა ჯანდაცვის კომიტეტის თავმჯდომარეს და დეპუტატ ლევან კობერიძეს, რაზეც აკაკი ზოიძემ უპასუხა-  „ნუ ეჭიდავებოდა რაღაც სისულელეზე“. აკაკი ზოიძის განცხადებით, მიზანი არის ის, რომ პატარა სლოტ-კლუბები შეიზღუდოს. „ყველა კორპუსის ქვეშ არის და პატარა ბავშვები შედიან. ეს არის მოტივაცია, რომ იყოს მხოლოდ დიდი სლოტ-კლუბები, სადაც უცხოელები მიდიან. ეს იქნება არაპირდაპირი შედეგი, თუმცა ჩვენი მოტივაცია ეს არ არის“, - განაცხადა ზოიძემ. სხდომაზე სიტუაცია კომიტეტის თავმჯდომარე ეკა ბესელიამ განმუხტა. შეგახსენებთ, რომ შესაძლოა, სლოტ-კლუბებში თამბაქოს მოწევა დაშვებული ... ...
  • საქართველოში მიწისძვრა მოხდასაქართველოში მიწისძვრა მოხდა. ბიძგები დედაქალაქშიც იგრძნობოდა. დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრის ინფორმაციით, მიწისძვრის ეპიცენტრი თბილისიდან 3 კილომეტრში, სოფელ ნორიოსთან იყო. მიწისძვრის სიმძლავრე 3 ბალი ... ...

არქივი

ზაფრანი

საიდუმლოებით მოცული ადამიანები

საუკუნეების განმავლობაში ისტორია სავსეა საიდუმლოებით...

ბრძნული ცხოვრების პრინციპები

1. გაუშვით ადამიანები და სიტუაცია....

გიგანტების სამარხი

უკვე დიდი ხანია, რაც დედამიწაზე...

მეცნიერებმა მზეზე შავი ხვრელი აღმოაჩინეს

ამერიკელმა მეცნიერებმა მზეზე შავი ხვრელი...

რა არის სიყვარული

ჯონ ლი თავის წიგნიში "The...

მეცნიერული აღმოჩენა _ მუშაობა საზიანოა!

ადამიანები, რაც უფრო მეტს მუშაობენ,...
კარმიდამო ჩემი

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

საშემოდგომო თესვის დაწყება და ნიადაგის გაფხვიერების თავისებურება

აგვისტოს მიწურულს და სექტემბრის დასაწყისში,...

"მოგვაშორეთ ტურები"

ოზურგეთის მუნიციპალიტეტის სოფელ ლიხაურის, ჭანიეთის,...

"ჩაი გავანადგურეთ, თხილის ხარისხი კატასტროფულად დაეცა... სადაა გამოსავალი?"

მსოფლიოში მეჩაიეობის დარგში ჩამოყალიბებული დადებითი...

ჩინური კუნგ პაო

ჩინური სამზარეულოს ნამდვილი შედევრია "გუმბაო"....

როგორ წარმოიშობა "უავტორო" ხანძრები

მსოფლიომ "უავტორო" ხანძრების მთელი სერიები...

საწებელი _ მარტივად და გემრიელად

გვიან ზაფხულში და შემოდგომის დასაწყისიდანვე,...

როგორ ვებრძოლოთ ფესვის კიბოს

ფესვის ბაქტერიული კიბო ბევრი კულტურული...

გურული მეურნის მიერ დამორჩილებული ცნობილი "ლედის თითები" _ იგივე ბამია

ოზურგეთის მუნიციპალიტეტის სოფელ მაკვანეთის მკვიდრი,...

მცენარეთა რძე და რძის პროდუქტები

ჩვენს წარმოდგენაში რძე და რძის...