ზურაბ ჩხაიძე:"სახელმწიფოს თანადგომამ და მეწარმეს შიშისგან გათავისუფლებამ უდიდესი წარმატება მოიტანა"

gurianews.com

საზოგადოება

ზურაბ ჩხაიძე:"სახელმწიფოს თანადგომამ და მეწარმეს შიშისგან გათავისუფლებამ უდიდესი წარმატება მოიტანა"

2015 იან 22 14:38:47

კომპანია "კახური ტრადიციული მეღვინეობა” (KTW) ქვეყანაში ერთ-ერთი წამყვანი ქართული კომპანიაა, რომელმაც უდიდესი წვლილი შეიტანა საქართველოში მეღვინეობის დარგის განვითარებასა და ისეთი საშვილიშვილო საქმის კეთებაში, რასაც მივიწყებული ქართული ვაზის ჯიშების მოძიება-შენარჩუნება და ტრადიციული ქართული მეღვინეობის აღორძინება ჰქვია.

კომპანიისთვის გასული ორი წელი განსაკუთრებით ნაყოფიერი გამოდგა – ახალი ინვესტიციები, ახალი ტექნოლოგიები, ახალი ქარხნები, ხელახლა დაბადებული ქართული ვაზის უძველესი ჯიშები და მრავალი ახალი პროექტი – ეს ის მიღწევებია, რომლებიც "ტრადიციული კახური მეღვინეობის” სამომავლო წარმატების გარანტად უნდა იქცეს.

კომპანიის საქმიანობის შესახებ გვესაუბრება KTW -ჯგუფის დამფუძნებელი ზურაბ ჩხაიძე-ასკანელი, რომელიც 2013–2014 წლებში წარმოების მხრივ ყველაზე მნიშვნელოვან მოვლენებს აჯამებს.

_ 2013 წელი KTW-სათვის წარმოების კუთხით გარდამტეხი აღმოჩნდა, რადგან შარშან ძალიან ბევრი საინტერესო და მნიშვნელოვანი ინვესტიცია დავიწყეთ. პირველ რიგში, მინდა სოფელ პატარძეულში განხორციელებული ინვესტიცია დავასახელო. ინვესტირების ეფექტიანობის გამოცდის მიზნით აქ დავამონტაჟეთ წამყვანი იტალიური ფირმის "დელატოპოლას” კონიაკისა და ღვინის ჩამომსხმელი ხაზები ცალ-ცალკე, შევავსეთ ღვინის საცავები და ამით დავასრულეთ ტესტირება. შედეგიც კარგი მივიღეთ. ჩვეულებრივ რეჟიმში 70 ათას ბოთლს ვასხამთ, 3-ცვლიანი მუშაობის რეჟიმში კი დღე-ღამეში 100 ათასამდე ავდივართ, რაც იმას ნიშნავს, რომ ჩვენ მიერ შარშან განხორციელებულმა ინვესტიციამ გაამართლა და ეს სწორად გათვლილი ნაბიჯი იყო. მოგეხსენებათ, პატარძეული კახეთის ერთგვარი ტურისტული კარიბჭეა და აქ ორივე მიმართულებით ჩამოსული სტუმრების დიდი ნაკადები მოძრაობს. ამიტომ პატარძეულის ქარხანასთან გავხსენით სადეგუსტაციო დარბაზი და თანამედროვე აღჭურვილობის საფირმო მაღაზია "ღვინის გზა”, ერთი ოთახი კი ტურიზმის ეროვნულ ადმინისტრაციას გადავეცით, სადაც ტურისტული ცენტრი განთავსდა.

_ როგორც ვიცით, კახეთში, კერძოდ ველისციხეში, კიდევ ერთი უმნიშვნელოვანესი პროექტი განახორციელეთ...

_ 2014 წლის მარტის თვეში დავიწყეთ და ამავე წლის სექტემბერში დავასრულეთ გურჯაანის რაიონის სოფელ ველისციხესთან მდებარე, 5000 ტონა ყურძნის გადამამუშავებელი ქარხნის ინვესტირება. ინვესტიციის მოცულობა 8 მილიონი ლარია და იგი მომავალ წელსაც გაგრძელდება. აქვე დავიწყებთ ქართული მარნის ტიპის ტურისტული ობიექტის მშენებლობასაც, რომელსაც 2016 წელს დავასრულებთ და მას პირობითად "როიალ მუკუზანი” დაერქმევა.

რადგან კახეთზე ვსაუბრობთ, მინდა, კიდევ ერთი სიახლის შესახებ გითხრათ. წელს, წინანდლის რაიონში, შევიძინეთ ჩვენი სასიქადულო და საყვარელი მომღერლისა და ქველმოქმედის, ჩემი მეგობრის პაატა ბურჭულაძის მიერ გაშენებული და მიმდებარედ არსებული ვენახები. ამ მიმართულებით ინვესტირებას მომავალშიც აუცილებლად გავაგრძელებთ.

_ გადავიდეთ აჭარის რეგიონზე, სადაც თქვენ არაერთი საინტერესო პროექტი საქველმოქმედო საქმეები განახორციელეთ...

_ კარგით, ჩვენთვის საინტერესო ახალ ზონაში – გურია-აჭარაში გადავინაცვლებ. აქ ყურძნის ძალიან ბევრი მივიწყებული ჯიშია. შარშან ქედაში ძველი ამორტიზებული ღვინის ქარხანა შევიძინეთ და თანამედროვე ტიპის ღვინის ქარხნის მშენებლობა დავიწყეთ, რომელიც აჭარის მაღალმთიან რეგიონს მოემსახურება. აქ ძალიან კარგი "ჩხავერი” და "ცოლიკაური” მოდის და გვინდა, ამ დარგის განვითარებაშიც მივიღოთ მონაწილეობა. ადგილობრივ მევენახეებთან ინტენსიური თანამშრომლობა დავიწყეთ. ამ მიმართულებით წელს პირველი ნაბიჯები გადავდგით - "ჩხავერის”, "ცოლიკაურისა” და "ბუტკოს” 60 000 ნერგი შევიძინეთ და 12 000 გლეხებს უფასოდ გადავეცით. დანარჩენი 50 000 ნერგიც მალე გადაეცემათ. ჩვენ მათ ვენახის მოვლის საკითხებზე კონსულტაციებსაც გავუწევთ, ხოლო როცა ვაზი მსხმოიარობის ფაზაში შევა, გლეხებთან წინასწარ გაფორმებული ხელშეკრულებებით, მათგან ყურძენს საბაზრო ფასებში შევიძენთ. ამ საქმიანობას მომავალშიც გავაგრძელებთ. ამას გნებავთ ქველმოქმედება დავარქვათ, გნებავთ სოციალური პროექტი ან უბრალოდ, ყურადღება მივიწყებული ძველი ჯიშების ასაღორძინებლად, ფაქტი ერთია ჩვენს შორის ორმხრივად სასარგებლო თანამშრომლობა შედგა. ეს პროცესი არ უნდა შეჩერდეს. ვფიქრობ ჩვენს მიერ აჭარაში განხორციეებული 1-მილიონიანი ინვესტიცია _ სამაცივრე მეურნეობა და ყურძნის გადამამუშავებელი ტექნიკა _ ამ ეტაპზე აჭარის მოთხოვნილებას სავსებით დააკმაყოფილებს.

_ თქვენს მშობლიურ გურიაში რა ხდება, რას მიანიჭეთ პრიორიტეტები?

_ რაც შეეხება გურიას, ბევრი ფიქრი არ დამჭირვებია საიმისოდ, თუ სად შეიძლებოდა დასავლეთ საქართველოში ღვინის მოყვარული ტურისტებისთვის მიმზიდველი ადგილის პოვნა _ ძველი მარნით, ღვინის გადასამუშავებელი მოწყობილობებითა და კომფორტული პირობებით. ამ ყველა პირობას სრულად აკმაყოფილებდა ჩემი მშობლიური, ულამაზესი სოფელი ასკანა, სადაც ჩემი წინაპრები მეღვინეობას საუკუნეზე მეტი ხნის განმავლობაში მისდევდნენ. სწორედ აქ არის ბაბუაჩემის ანთიმოზ ჩხაიძის მარანი, სადაც 1883 წლით დათარიღებული ქვევრია. დამუშავდა პროექტი, რომელიც ორ წელიწადზეა გაწერილი. ეს პროექტი - ასკანას ღვინის მარანი "როიალ ასკანა” - აუცილებლად ჩაჯდება ტურისტულ "ღვინის გზაში". როდესაც ჩვენ "როიალ ასკანას” პროექტი წარვადგინეთ, საღმა აზრმა გაიმარჯვა და სამი სოფლის წყალმომარაგების დაფინანსების საკითხი დაუყოვნებლივ გადაიჭრა. პროექტის ფარგლებში შეიცვალა ამორტიზებული, 50-70 წლის წინათ გაყვანილი წყლის მილები. მთავრობა მონდომებულია, რომ სოფლამდე გზის ახალი საფარის დაგება განახორციელოს, რათა ტურისტებმა ასკანამდე ჩასვლა შეუფერხებლად შეძლონ.

_ როგორც ვიცით, აჭარის გარდა ე. წ "მწვანე პროექტი" გურიაშიც განხორციელდა. აპირებთ თუ არა ისევ გაგრძელებას...

_ ვფიქრობ, გურიაშიც საინტერესო და საჭირო იქნება ჩვენს მიერ აჭარაში დაწყებული ე.წ. "მწვანე პროექტი”, რომელიც მოსახლეობისთვის ვაზის დარიგებას ითვალისწინებს. ამიტომ ვაზების დარიგების პროექტს ოზურგეთისა და ჩოხატაურის რაიონებში მომდევნო წლებშიც განვახორციელებთ.

_ საგურამოში თქვენ ჭავჭავაძისეული ნავენახარი გაყიდვას და გავერანებას გადაარჩინეთ, ამჟამად რა ხდება საგურამოში?

_ რაც შეეხება საგურამოს პროექტს, იგი უფრო პატრიოტულ და სულიერ მოთხოვნილებას განეკუთვნება. სხვადასხვა ინსტანციებთან 6-7 წლიანი ბრძოლა დაგვჭირდა საიმისოდ, ჭავჭავაძისეული ნავენახარი გაყიდვისა და გავერანებისგან რომ გადაგვერჩინა. ამაში დიდი წვლილი მიუძღვით ილია ჭავჭავაძის საგურამოს მუზეუმის დირექტორს, ბატონ ანდრო ბედუკაძეს და მის მეგობრებს KTW-ს უხუცესთა საბჭოდან თამაზ ტყემალაძის მეთაურობით. ჩვენი დაჟინებული მცდელობით, როგორც იქნა, იჯარით გადმოგვეცა ჭავჭავაძეების სავენახე ტერიტორია, აგრეთვე თადეოზ გურამიშვილის ძველი მარანი, რომელიც, ფაქტობრივად, 30 წლის მანძილზე უპატრონოდ იყო მიტოვებული და ჩვენ მისი რესტავრაცია დავიწყეთ. პროექტის დასრულების შემდეგ საგურამოში იქნება არა მხოლოდ ღვინის მარანი, არამედ აქ თავს მოიყრის სრულყოფილი ინფორმაცია ამ დიდებული გვარის შესახებ. ეს მხოლოდ ტურისტებისთვის არ კეთდება, ძალიან მნიშვნელოვანია, ჩვენმა ბავშვებმა და ახალგაზრდობამ უკეთ გაიცნონ საკუთარი ქვეყნის ისტორია და რაც შეიძლება ბევრი შეიტყონ თავიანთი სახელოვანი წინაპრების შესახებ.

ბევრჯერ მითქვამს და გამეორებით კვლავაც არ დავიღლები _ უდიდესი მადლობა მინდა გადავუხადო "მწვანე პროექტის” სულისჩამდგმელსა და უპირობო, ერთპიროვნულ ავტორს, ბატონ ბიძინა ივანიშვილს, რომელმაც 7 წლის წინათ შეუფერხებლად დააფინანსა ვაზის უძველესი ქართული ჯიშების აღორძინების ისეთი პროფესიონალები, როგორებიც არიან ლევან უჯმაჯურიძე და მისი გუნდის წევრები ბატონ იური ნოზაძის ხელმძღვანელობით. შედეგმაც არ დაყოვნა და დღეისათვის ქართული ვაზის 437 ჯიშია აღდგენილი. ეს პროექტი საქართველოს ნებისმიერ კუთხეს საშუალებას აძლევს, რეგიონულად განავითაროს მევენახეობა. ეს მევენახეობისთვის, ფაქტობრივად, ახალი სულის შთაბერვაა.

_ თქვენ გაქვთ კიდევ ერთი ახალი მიმართულება _ ხილის საკონსერვო წარმოება, რომელიც საკმაოდ პერსპექტიულ და გრძელვადიან პროექტად მოიაზრება...

_ აჭარის და გურიის რეგიონები მდიდარია მრავალი სახეობის ხილით, რაც ხილის გადამამუშავებელი სიმძლავრეების უქონლობის გამო ხშირად უპატრონოდ ლპება და იკარგება. KTW-მ ხილის გადამამუშავებელი მცირე წარმოების მშენებლობაზე პროექტები წარადგინა და ორ რეგიონში გაიმარჯვა: აჭარაში - ქედაში და გურიაში - ჩოხატაურში. ამ თემაზე ამჯერად ბევრი ლაპარაკი არ მინდა, რადგან აღნიშნულ საკითხზე ამჟამად ვმუშაობთ და თან ვსწავლობთ, თუმცა წელს ორივე ქარხანას ავაშენებთ, ჩვენ ვიცით, რა უნდა მივიღოთ, რა უნდა გავყიდოთ და ამის შესახებ მომავალ წელს, უფრო მეტის მოყოლას შევძლებ.

_ რამდენად მნიშვნელოვნად მიგაჩნიათ რუსეთის ბაზრის გახსნა?

_ თუ შარშანდელ წელს გადავავლებთ თვალს, არ შეიძლება არ აღვნიშნო, რომ კარგი იმპულსი მოგვცა რუსეთის ბაზრის გახსნამ. ჩვენ შარშან რუსეთის ბაზარზე პირველები შევედით და განვლილ პერიოდში საკმაოდ კარგი მაჩვენებელი გვაქვს. ძალიან გამოცდილი პარტნიორები გვყავს, ზოგიერთ მათგანთან ემბარგომდე გვქონდა დამყარებული კარგი ურთიერთობა. მათაც და სხვებმაც KTW-სთან თანამშრომლობის დიდი ინტერესი გამოხატეს, რაც ჩვენთვის ერთგ-ვარი სტიმული აღმოჩნდა. თუმცა, ჩვენ არ გვინდა, მთლიანად რუსეთის ბა-ზარზე ვიყოთ დამოკიდებულნი, რადგან იგი მეტად პოლიტიზებულია და ხვალ რა იქნება, არავინ იცის, ამიტომ ალტერნატიულ გზებს ვეძებთ. უკვე მე-5 წელია, ჩინეთთან ვმუშაობთ და არც ერთ წელიწადს არ გვქონია გაყიდვების კლება. შარშან ჩინეთიდან ახალი პარტნიორებიც დაგვემატნენ, რომლებთანაც ეფექტიანად ვმუშაობთ და საქმე ისე მიდის, რომ მომავალი წლისთვის გაყიდვების გაორმაგებას ვგეგმავთ.

_ რამდენად გაიზარდა ხელისუფლების მხარდაჭერა ბიზნესის განვითარების თვალსაზრისით?

_ პრესაში არაერთგზის აღმინიშნავს, რომ მეწარმის გათავისუფლებამ შიშისგან და დარგისადმი სახელმწიფოს შარშანდელმა თანადგომამ დიდი შედეგი მოიტანა _ ზოგადად დარგი გაფართოვდა და 170 მილიონზე მეტის პროდუქცია შეიქმნა. ეს ძალიან დიდი შედეგია, თანხობრივად ასეთი შედეგი ჩვენ რუსეთის ემბარგომდეც არ გვქონია.

(R)


ნახვა: 123


 ახალი ამბები
  • რატომ გაათავისუფლა გურიის გუბერნატორმა მოადგილე, რომლის შესახებაც "არაფერი იცის"ჩვენი წყაროს ინფორმაციით, გურიის გუბერნატორმა ზურაბ ნასარაიამ, ყოფილი გუბერნატორის მერაბ ჭანუყვაძის კადრების გათავისუფლება დაიწყო. წყაროს თქმით, მან თანამდებობიდან წასვლა უკვე მოსთხოვა მოადგილეს არჩილ ყაზაიშვილს. აღნიშნულ ინფორმაციას ნასარაია არ ადასტურებს და ამბობს, რომ ამის შესახებ არაფერი იცის(?!): _ მე არავინ არ გამითავისუფლებია ჯერ. _ საკუთარი გადაწყვეტილებით წავიდა? _ არ ვიცი არაფერი. _ ჩვენი წყაროს მიერ მოწოდებული ინფორმაცია სიმართლე არ შეესაბამება? _ მე არ ვარ გურიაში. გუშინ თბილისში ვიყავი და ახლა გზაში ვარ. _ ბატონო ზურაბ,  არჩილ ყაზაიშვილისთვის არ გითქვამთ, რომ გათავისუფლების შესახებ განცხადება დაეწერა? _ ჩამოვალ და ვნახოთ, _ აღნიშნა გურია ნიუსთან“ საუბრისას ნასარაიამ. ის, რაც მხარის პირველმა პირმა არ დაგვიდასტურა, დაადასტურა არჩილ ყაზაიშვილმა, რომლის თქმით, განცხადება სამსახურიდან წასვლის თაობაზე პარასკევს დაწერა: _ კი, ბატონო, დაწერილი მაქვს განცხადება, _ გვითხრა ყაზაიშვილმა. გუბერნატორის უკვე ყოფილი მოადგილე, ამაში განსაკუთრებულს ვერაფერს ხედავს: _ ბატონო არჩილ, მიზეზად რა გითხრეს, როცა განცხადების დაწერა მოგთხოვეს? _ ალბათ სხვას მოიაზრებს მოადგილედ. ახალი გუბერნატორია და მისი გუნდის წევრი სურს. მოიყვანოს. _  როდის მოგთხოვათ თანამდებობის დატოვება? _ გვქონდა ჩვენ ამაზე საუბარი რამდენიმე დღის წინ და პარასკევს დავწერე განცხადება 24 სექტემბრიდან გათავისუფლების თაობაზე. _ ბატონო არჩილ, თქვენ მერაბ ჭანუყვაძის გუნდის წევრად მოიაზრებოდით და ხომ არ ფიქრობთ, რომ სამსახურიდან გათავისუფლება სწორედ ამას უკავშირდება? _ მაგას ვერ დაგიდასტურებთ, რადგან დეტალებზე საუბარი არ ყოფილა. _ ყოველგვარი ახსნა-განმარტების გარეშე დაგატოვებინეს თანამდებობა? _  ეს არის პოლიტიკური და არა პროფესიული თანამდებობა. შესაბამისად, როგორც პრემიერს სურს მისი გუნდი ყავდეს, ისე  სურს გუბერნატორსაც, რომელსაც აქვს ამის უფლება და შესაძლებლობა, _ აღნიშნა ჩვენთან საუბრისას ყაზაიშვილმა. რაც შეეხება დანარჩენ მოადგილეებს _ ამ ეტაპზე უცნობია,  დარჩებიან თუ არა თანამდებობებზე ქეთი მოისწრაფეშვილი და გია ებრალიძე. ორივე მათგანი ამ თანამდებობებზე ჭანუყვაძის გუბერნატორობამდე მუშაობდნენ და არ არის გამორიცხული, რომ ნასარაიამ ორივე დატოვოს. თუმცა, არის ერთი დეტალი _ მოისწრაფეშვილი საკმაოდ დიდი სკანდალშია გახვეული. როგორც ვწერდით, მისი გვარი სახელმწიფო აუდიტის სამსახურის დასკვნაში მოხვდა. მაკონტროლებელ უწყებას მის კეთილსინდისიერებაში ეჭვი შეაქვს, რადგან უდიტის სამსახურმა დაადგინა, რომ აუქციონზე 2.5 თეთრად გაყიდული 1 კვადრატული მიწის ნაკვეთი, აუქციონიდან 4 დღეში, ამავე ფასად მყიდველისგან შეიძინეს მოისწრაფეშვილის მამამ და ძმამ, რომლებმაც მიწის ნაწილი, შეძენიდან ერთ კვირაში გაყიდეს _ როგორც ჩვენი წყარო ამბობს, ერთ ნაწილში 18 დოლარი აიღეს, მეორე ნაწილში კი _ 21 დოლარი (საუბარია ერთ კვადრატული მიწის ფასზე). „გურია ნიუსმა“ დაადგინა, რომ იმ დროს, როცა მოისწრაფეშვილებმა მიწის ნაკვეთები შეიძინეს, უმუშევრები იყვნენ _ გუბერნატორის მოადგილის მამას არანაირი შემოსავალი არ უფიქსირდება; ასევე, შემოსავალი არ აქვს მის ძმას, რომელიც სტუდენტია. გურიის გუბერნატორი ამბობს, რომ მოისწრაფეშვილთან დაკავშირებით გადაწყვეტილებას მას შემდეგ მიიღებს, რაც დასკვნას გაეცნობა. მიუხედავად იმისა, რომ დასკვნა რამდენიმე დღეა ოზურგეთშია ჩამოსული, ნასარაია ამბობს, რომ არ უნახავს და ამ თემაზე კომენტარსაც ვერ გააკეთებს. „გურია ნიუსის“ წყაროს თქმით, ამ თემას მთავარი პროკურატურა აუდიტის სამსახურის წერილის საფუძველზე უკვე სწავლობს. ამავე თემაზე: რა წერია აუდიტის დასკვნაში და რატომ შეაქვთ ეჭვი გუბერნატორის მოადგილის კეთილსინდისიერებაში ... ...
  • რიკოთის გვირაბში ღამით ავტოტრანსპორტის მუშაობა აიკრძალებარიკოთის გვირაბში 24 და 25 სექტემბერს ღამის 00:00 სთ-დან 07:00 სთ-მდე, ყველა სახის ავტოტრანსპორტის მოძრაობა აიკრძალება. ამის შესახებ ინფორმაციას საავტომობილო გზების დეპარტამენტი ავრცელებს. უწყების ცნობით, დროის ამ მონაკვეთში გვირაბში, ზაფხულის პერიოდში ინტენსიური მოძრაობის შედეგად, ავტომატური მოწყობილობები და სანათი საშუალებები ავტომანქანების გამონაბოლქვისგან გაიწმინდება და გაირეცხება.  ავტომობილებს გვირაბის შემოსავლელ გზაზე მოუწევთ მოძრაობა. ამ გზაზე, 2 სხვადასხვა ადგილას უზრუნველყოფილი იქნება საბუქსირე მექანიზმების მორიგეობა. ამ რეჟიმით მოძრაობას ზედამხედველობას და კოორდინაციას  საპატრულო პოლიცია ... ...
  • როგორ ანაზღაურდება დიალიზით მკურნალობა და თირკმლის ტრანსპლანტაცია საქართველოშიდევნილთა, შრომის, ჯანდაცვისა და სოციალური დაცვის სამინისტროს ინფრომაციით, საყოველთაო ჯანდაცვის სახელმწიფო პროგრამის ფარგლებში ფინანსდება დიალიზი და თირკმლის ტრანსპლანტაცია. როგორც სოციალური მომსახურების სააგენტოს ვებგვერდზეა განმარტებული, პროგრამის მიზანია თირკმლის ტერმინალური უკმარისობით დაავადებულთა ჯანმრთელობის მდგომარეობის შენარჩუნება და გაუმჯობესება. უწყების ცნობით, პროგრამის მოსარგებლეები არიან თირკმლის ტერმინალური უკმარისობით დაავადებული და/ან ორგანოგადანერგილი საქართველოს მოქალაქეები, ასევე პენიტენციურ დაწესებულებებში მყოფი სხვა პირები, იდენტიფიკაციის დამადასტურებელი კანონმდებლობით გათვალისწინებული ოფიციალური დოკუმენტის არქონის მიუხედავად. პროგრამა მოიცავს ჰემოდიალიზით უზრუნველყოფას, მათ შორის: ნეფროლოგის კონსულტაციას; კლინიკო-ლაბორატორიულ გამოკვლევებს საჭიროების მიხედვით; მედიკამენტებით უზრუნველყოფას - საჭიროების შემთხვევაში; სისხლძარღვოვანი მიდგომის უზრუნველყოფას. ასევე, პერიტონეული დიალიზით უზრუნველყოფა, მათ შორის: ნეფროლოგის კონსულტაცია; კათეტერის იმპლანტაცია/ექსპლანტაცია; კლინიკო-ლაბორატორიული გამოკვლევები - საჭიროების მიხედვით; მედიკამენტებით უზრუნველყოფას - საჭიროების შემთხვევაში; მე-3 მუხლის „გ" ქვეპუნქტის ფარგლებში შესყიდული სადიალიზე საშუალებებით, მასალითა და მედიკამენტებით უზრუნველყოფას; ჰემო და პერიტონეული დიალიზისათვის საჭირო სადიალიზე საშუალებების, მასალისა და მედიკამენტების შესყიდვას და მიწოდებას; თირკმლის ტრანსპლანტაციას - თირკმლის გადანერგვის ოპერაციის ჩატარებას; ორგანოგადანერგილთა იმუნოსუპრესული მედიკამენტებით უზრუნველყოფას; სამკურნალო საშუალებათა ტრანსპორტირებას, შენახვა და გაცემას (სამკურნალო საშუალებების საქართველოს საბაჟო ტერიტორიაზე საქონლის გაფორმების ხარჯები, მიღება, შენახვა, ტრანსპორტირება, გაცემა ბენეფიციარებზე აფთიაქების მეშვეობით). „დიალიზის მომსახურების მისაღებად, სოციალური მომსახურების სააგენტოში უნდა პაციენტმა უნდა წარადგინოს გეგმური მომსახურების წინასწარი დოკუმენტების ნუსხა (რის შემდეგაც მოხდება პაციენტის რეგისტრაცია დიალიზის მომლოდინეთა რეესტრში):  პირადობის (ბინადრობის) დამადასტურებელი მოწმობის ან საქართველოს მოქალაქის პასპორტის ასლი, ხოლო თუ პირი არასრულწლოვანია - დაბადების მოწმობის ასლი (პირადობის მოწმობის არქონის შემთხვევაში). აღნიშნული დოკუმენტების არქონის შემთხვევაში, გამონაკლისად დაიშვება შემდეგი შემთხვევები:• თუ პირი მიტოვებული ან მზრუნველობამოკლებული არასრულწლოვანია;• ცხოვრობს ოკუპირებულ ტერიტორიაზე;• იმყოფება თავისუფლების აღკვეთისა და პატიმრობის დაწესებულებაში. - ფორმა NIV-100/ა-ს (პაციენტის დიაგნოზი, ჩარევები და გამოკვლევები მითითებული უნდა იყოს ქვეყანაში დადგენილი კლასიფიკატორების შესაბამისად), საჭიროების შემთხვევაში, წინასწარი კალკულაცია;- დადგენილი ფორმის განცხადება. სოციალური მომსახურების სააგენტო ვალდებულია, მოგაწოდოთ ინფორმაცია სამედიცინო მომსახურების მიმწოდებელ სამედიცინო დაწესებულებებში არსებული ტექნიკური რესურსების შესახებ, გეოგრაფიული ხელმისაწვდომობის გათვალისწინებით. მომსახურების უფლებით დაკმაყოფილება უნდა მოხდეს მომართვის რიგითობის მიხედვით. თირკმლის ჩანაცვლებითი თერაპიის ერთი მეთოდის მეორეთი ჩანაცვლება ხორციელდება შეუფერხებლად, შესაბამისი სამედიცინო ჩვენების წარმოდგენის შემთხვევაში.თირკმლის ტრანსპლანტაციის შემთხვევაში, უნდა მიაკითხოთ პროგრამაში მონაწილე სამედიცინო დაწესებულებას და ზემოაღნიშნული დოკუმენტები წარმოადგინოთ სოციალური მომსახურების სააგენტოში. პროგრამით გათვალისწინებული მომსახურება ფინანსდება სრულად და პაციენტის მხრიდან თანაგადახდას არ ითვალისწინებს. დამატებითი ინფორმაციის მიღება შეგიძლიათ საქართველოს შრომის, ჯანმრთელობისა და სოციალური დაცვის სამინისტროს ცხელ ხაზზე (1505) ან/და სააგენტოს ტერიტორიულ ერთეულში“- აღნიშნულია სააგენტოს ... ...
  • დაპირისპირება სამართალდამცველებსა და ზაზა სარალიძეს შორისდაპირისპირება სამართალდამცველებსა და ზაზა სარალიძეს შორის - შვილმოკლულ მამას გუშინ, გვიან ღამით, პოლიციამ ადგილზე გასაბერი ლეიბის შეტანის უფლება არ მისცა. ზაზა სარალიძე, რომელიც პარლამენტთან უკვე 12 დღეა, აქციას მართავს, ლეიბის ტროტუარზე გაშლას აპირებდა, თუმცა, სამართლდამცველებმა განაცხადეს, რომ ადგილზე ბევრი ტურისტი მოძრაობს და შვილმოკლულ მამას ამის საშუალება არ მისცეს. ზაზა სარალიძე აქციის შეწყვეტას არ აპირებს.   წყარო: ... ...
  • ორად გაყოფილი სპორტული ცენტრი დახურულ სხდომაზე ერთმანეთს ღიად დაუპირისპირდახმაური და დაპირიპირება იყო დღეს ლანჩხუთის საკრებულოში, სოციალური კომისიის სხდომაზე, სადაც „გურია ნიუსის“ ინფორმაციით,  სპორტული ცენტრის საკითხი განიხილებოდა. სხდომის ეს ნაწილი, კომისიის თავმჯდომარის ემზარ თედორაძის გადაწყვეტილებით, დახურულად გამოცხადდა. თედორაძის განმარტებით, ეს გადაწყვეტილება სპორტული ცენტრის თანამშრომელთა მოთხოვნით მიიღო. როგორც გაირკვა, სოციალური კომისიის სხდომაზე ცენტრის დირექტორს გოჩა ლომაძეს თანამშრომელთა ნაწილი ღიად დაუპირისპირდა და მისი სამსახურიდან წასვლა მოითხოვა. „თავად თანამშრომლებმა მთხოვეს, რომ სხდომა დახურული ყოფილიყო. ფაქტია,  სპორტულ ცენტრში არაჯანსაღი ვითარებაა და კოლექტივი ორ ნაწილადაა გაყოფილი. შექმნილი მდგომარეობა, რა თქმა უნდა, ნეგატიურად აისახება სპორტული ცენტრის მუშაობაზე.  მუნიციპალიტეტის ხელმძღვანელობას მოუწევს დროული გადაწყვეტილება მიიღოს ამ საკითხზე“, _ გვითხრა თედორაძემ. სხდომას მერიის კულტურისა და სპორტის სამსახურის უფროსი ია ჩხაიძეც ესწრებოდა. „პირადად ვესწრებოდი ამ სხდომას და მოვისმინე ის პრეტენზიები, რაც  ცენტრის თანამშრომელთა ნაწილს აქვს, ამის თაობაზე  მანამდეც ვიყავი ინფორმირებული.  ამ საკითხის დარეგულირება უშუალოდ მერის პრეროგატივაა და თუ მისი მხრიდან იქნება დავალება, ჩვენი სამსახური შეისწავლის სპორტულ ცენტრში არსებულ მდგომარეობას. ფაქტია, რომ ვითარება იქ მართლაც არაჯანსაღია“, _ გვითხრა ია ჩხაიძემ. თუ რას გადაწყვეტს მუნიციპალიტეტის ხელმძღვანელობა  სპორტულ ცენტრთან მიმართებაში, ჯერჯერობით, უცნობია, სოციალური კომისიის სხდომას არც მერი და არც მისი მოადგილე არ დასწრებიან. „სოფელ ნინოშვილში ვიყავი აქციაზე და ამ დროისთვის არ ვარ ინფორმირებული, თუ რა ხდებოდა სოციალური კომისიის სხდომაზე. მერიც არ იმყოფება ლანჩხუთში, თბილისშია. ასე რომ, ამ ეტაპზე, კონკრეტულს ვერაფერს გეტყვით საკითხთან დაკავშირებით“, _ გვითხრა გოგი ფაცურიამ. შეგახსენებთ, რომ „გურია ნიუსი“ უკვე წერდა სპორტულ ცენტრში არსებული დაპირისპირების შესახებ, სადაც  ცენტრის დირექტორს, გოჩა ლომაძეს თანამშრომლების მიმართ ძალადობაში ამხელდნენ. თუმცა, მაშინ ლომაძე მისი მისამართით გაჟღერებულ ყველა ბრალდებას კატეგორიულად უარყოფდა. სპორტული ცენტრის თანამშრომელთა ნაწილიც მხარდაჭერას გამოთქვამდა დირექტორის მიმართ. ამავე თემაზე: სპორტული ცენტრის დირექტორს თანამშრომელთა ნაწილი ... ...

არქივი

ზაფრანი

რა ემუქრება დედამიწას მზე რომ ჩაქრეს

მეცნიერები ფიქრობენ, რომ ადრე თუ...

შეცდომით აღმოჩენილი გენიალური გამოგონებები

პენიცილინი _ მედიკამენტი, რომელმაც გადატრიალება...

უცნაური სინდრომები

ფეთქებადი თავის სინდრომი  ესაა საკმაოდ...

საიდუმლოებით მოცული ადამიანები

საუკუნეების განმავლობაში ისტორია სავსეა საიდუმლოებით...

ბრძნული ცხოვრების პრინციპები

1. გაუშვით ადამიანები და სიტუაცია....

გიგანტების სამარხი

უკვე დიდი ხანია, რაც დედამიწაზე...
კარმიდამო ჩემი

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

საშემოდგომო თესვის დაწყება და ნიადაგის გაფხვიერების თავისებურება

აგვისტოს მიწურულს და სექტემბრის დასაწყისში,...

"მოგვაშორეთ ტურები"

ოზურგეთის მუნიციპალიტეტის სოფელ ლიხაურის, ჭანიეთის,...

"ჩაი გავანადგურეთ, თხილის ხარისხი კატასტროფულად დაეცა... სადაა გამოსავალი?"

მსოფლიოში მეჩაიეობის დარგში ჩამოყალიბებული დადებითი...

ჩინური კუნგ პაო

ჩინური სამზარეულოს ნამდვილი შედევრია "გუმბაო"....

როგორ წარმოიშობა "უავტორო" ხანძრები

მსოფლიომ "უავტორო" ხანძრების მთელი სერიები...

საწებელი _ მარტივად და გემრიელად

გვიან ზაფხულში და შემოდგომის დასაწყისიდანვე,...

როგორ ვებრძოლოთ ფესვის კიბოს

ფესვის ბაქტერიული კიბო ბევრი კულტურული...

გურული მეურნის მიერ დამორჩილებული ცნობილი "ლედის თითები" _ იგივე ბამია

ოზურგეთის მუნიციპალიტეტის სოფელ მაკვანეთის მკვიდრი,...

მცენარეთა რძე და რძის პროდუქტები

ჩვენს წარმოდგენაში რძე და რძის...