ჩვეულებრივი და "ლენტის გაჭრამდე საჭირო ექიმების" გასაჭირი

საზოგადოება

ჩვეულებრივი და "ლენტის გაჭრამდე საჭირო ექიმების" გასაჭირი

18 ნოე. 2011, 06:54:43
ოზურგეთში, სამედიცინო სფეროდან მრავალი მუშაკის დათხოვის თაობაზე, კარგა ხანია, ხმაურია. აღნიშნული პრობლემის გარდა, ხშირად საუბრობენ სახელფასო დავალიანებაზეც. "გურია ნიუსი" ამ მეტად მწვავე თემაზე სასაუბროდ ოზურგეთის კლინიკურ საავადმყოფოს ესტუმრა, რომელიც უკვე ლიკვიდირებულად ითვლება, თუმცა, ჯერჯერობით, ფუნქციონირებს.

საავადმყოფოს შესასვლელში, ოზურგეთის სამედიცინო ცენტრის შპს "მედალფას" გენერალური დირექტორის მოადგილე, ლევან ანთაძე მოულოდნელად შეგვხვდა და სტუმრობის კონკრეტული მიზანი გავაცანით _ გვაინტერესებდა, რა მდგომარეობაა საავადმყოფოში, რამდენად სამართლიანად გაათავისუფლეს ექიმები თუ მედდები, კმაყოფილია თუ არა ჩაბარებული გამოცდების ხარისხით მედპერსონალი. ასევე, გვაინტერესებდა გადაგვემოწმებინა ფაქტი, რომელიც წყარომ შეგვატყობინა: წყაროს თქმით, ამ საავადმყოფოში, 9 ნოემბერს, ავადმყოფი პირდაპირ იატაკზე ეწვათ. ლევან ანთაძემ სერიოზულად გაიკვირვა ეს ფაქტი და უყოყმანოდ შემოგვატარა ყველა სართული, თან დაინტერესდა, საიდან მოიტანეთ ეს ამბავი, აქ იმდენი პალატა და საწოლია, ავადმყოფს იატაკზე რა უნდოდაო.

_ ბატონო ლევან, ექიმთა გამოცდების შესახებ დიდი აჟიოტაჟია. კონკრეტულად კი ამბობენ, რომ მოულოდნელი ტესტირების დროს, რისთვისაც სულ რაღაც ერთი კვირა მისცეს მედპერსონალს, ტესტები ყველა პროფილის ექიმისთვის ერთნაირი იყო _ ქირურგს, თერაპევტს, პედიატრს ერთნაირი ტესტებით ცდიდნენ, რასაც კურიოზად მიიჩნევენ... ბევრს საუბრობენ ასევე, მიუღებელ ხელფასებზეც...

_ ეს სიცრუეა. აი, ვკითხოთ ახლა ექიმებს, როგორ ჩააბარეს გამოცდები და იყო თუ არა შეუსაბამო კითხვები.

რუსუდან ურუშაძე, ენდოკრინოლოგი: _ გამოცდა კარგად ჩავაბარეთ; ვინ ამბობს, რომ ზოგადი კითხვები იყო?! მე ტესტირება ჩემი სპეციალობის შესაბამისი კითხვებით გავიარე, არ გამძნელებია.

_ ქალბატონო რუსუდან, ხელფასს თუ იღებთ დროულად, ბოლოს რომელი თვის ხელფასი მიიღეთ?

_ ოქტომბრის 20 რიცხვამდე.

თუმცა ბატონმა ლევანმა შეუსწორა, რომ ეს ოქტომბრის თვის არ იქნებოდა, რაზეც ექიმმა თქვა, რომ ალბათ, წინა თვის იყოო.

ზაზა გაბუნია, უროლოგი: _ ტესტირება ჩემი პროფესიის მიხედვით გავიარე და არაფერი გამჭირვებია. რაც შეეხება ხელფასს, სამშაბათს ავიღეთ, ეს იყო ივლისისა და აგვისტოს ანაზღაურება. სექტემბრის თვის კი აწი უნდა ავიღოთ.

ქეთევან სტურუა, თერაპევტი: _ გამოცდები ადვილი არ იყო, თუმცა არ გამჭირვებია, ტესტებიც ჩემი პროფესიის შესაბამისი იყო. ხელფასი ოქტომბერში ავიღე, მგონი ივლისისა იყო.

ჩვენ დავინტერესდით, რა მოხდა მესამე სართულზე, იწვა თუ არა წინა ღამით იქ ავადმყოფი იატაკზე დადებულ ლეიბზე. აქ, შედარებით კარგი პირობებია, ეს ერთადერთი გარემონტებული სართულია, სადაც ავადმყოფის მოთავსება შეიძლება. მედპერსონალი გაკვირვებული გვეკითხებოდა _ ვინ ხართ და ეს ვინ თქვაო? ამ ჩვეულებრივ საურთიერთობო დიალოგში ლევან ანთაძემ რამდენჯერმე "პასუხი" დაგვასწრო: ეს "გურია ნიუსია" _ ჩვენ ვიყიდეთო.

_ ბატონო ლევან, "გურია ნიუსი" არ იყიდება.

_ ხუმრობით ვამბობ.

_ ხუმრობითაც არ იყიდება... ყველა სართულზე რატომ იმეორებთ, ეს ხუმრობის რა ფორმაა?

_ არა, იატაკზე ავადმყოფი იწვაო, ეს ვინ თქვა...

ამასობაში ცნობილი ქირურგი, ტიტე მგელაძეც გამოჩნდა, რომელმაც ღიმილით აღნიშნა, რომ იატაკზე მართლაც იწვა ავადმყოფი, რომელსაც ბარძაყის ამოვარდნილობა ჰქონდა და ეს პოზა იყო საჭიროო(?).

ჩვენი წყარო კი ამბობს, რომ ავადმყოფი საკაცეზე კი არა, პირდაპირ იატაკზე იწვა, რადგან შტატების შემცირების შემდეგ, მხოლოდ ერთი _ მესამე სართულის ფუნქციონირება საკმარისად მიიჩნიეს და თითო განყოფილებას სამ-სამი პალატა მიაკუთვნეს. ამიტომ, ადგილები საკმარისი არ აღმოჩნდა.

ტიტე მგელაძემ აღნიშნა, რომ ამგვარი გამოცდები ყოველ წელს უნდა ტარდებოდეს, რომ პროფესიონალები გვყავდეს.

ლევან ანთაძე ამჯერად კოლეგებს "გაეხუმრა", აქ აგენტი გყოლიათო, ჩვენ კი გვითხრა, რომ მიუღებელ ხელფასებზე ის არ არის პასუხისმგებელი. აღნიშნა ისიც, რომ თავად ელაპარაკა შესაბამის ინსტანციას და ეს სახელფასო დავალიანება მალე დაიფარება.

რაც შეეხება ტესტირების და ექიმთა შემცირების საკითხს, ანთაძემ თქვა, რომ "ეს მას არ მოუგონია. არსებობს კონკურენციაც; ჯანდაცვის მონაცემებით ახლა საქართველოში 22 ათასი ექიმია! ყოველწლიურად 100 მედდა და 1500 ექიმი გამოდის სასწავლებლებიდან. რეალურად კი, სულ 1500 ექიმია საჭირო!"

ბატონმა ლევანმა "ავერსის" ახალი კლინიკის ნახვაც შემოგვთავაზა. შევპირდით, რომ მაშინ ვესტუმრებით, როცა კლინიკა ოფიციალურად გაიხსნება.

რას ამბობენ პირად საუბრებში მოულოდნელად უსამსახუროდ დარჩენილი ექიმები? ჩვენთან საუბარში ისინი საჯაროდ ვინაობის დასახელებისგან თავს იკავებენ; აღნიშნავენ იმასაც, რომ "არაფრის ეშინიათ, თუმცა ახლა ასე თვლიან საჭიროდ":

_ რა გამოცდები, რის გამოცდები?! ეს გამოცდა იყო? რაღაც კითხვები მოიტანეს ერთი კვირით ადრე. პედაგოგებს უთხრეს მაინც, ერთი წლით ადრე _ მოემზადეთო. მე პროფესიონალი ვარ და ესენი, რაც მთავარია, თეთრ ხალათს ვერ გამხდიან... ახლა რას ვგრძნობ? არც დამწუხრებული ვარ და არც აღტაცებული, უბრალოდ, გაოგნებული ვარ. ისე კი, შინაგანად არ მგონია, რომ სამსახური სამუდამოდ დავტოვე.

_ რა გამოცდებზე საუბრობენ? ეს არის მხოლოდ წმინდა წყლის ფორმალობა. არავის აინტერესებს პროფესიული დონე, ვისაც ეს აინტერესებს, პროფესიულ კითხვებს სვამს. რას ნიშნავს, თუ ამ გამოცდებს ჩააბარებთ, მერე გადაგამზადებთო? ინსტიტუტი რომ დავამთავრეთ, ცალკე სალიცენზიო გამოცდა ჩავაბარეთ, 5 წელში ერთხელ კი გადამზადებას გავდიოდით, ვინ ვის უტარებს გამოცდას?

_ ერთი ეს მითხარით, ვინ არის ეს "ალფა" თუ "ცალფა", ექიმებს რომ გამოცდას უტარებს? ვინც ის ტესტები შეადგინა, აქეთ ჩაგვაბაროს გამოცდა.

_ ეს რაღაც ტესტირება მიმართულია იქითკენ, რომ კადრები გაცხრილონ. ბევრ ექიმს უთხრეს, რომ ბარიერი გადალახეს, მაგრამ არაერთი მათგანი მაინც შიშით ამბობს, როცა ახალ კლინიკაში გადავალთ, შეიძლება, მაინც გვითხრან, თბილისიდან მითითებაა, შინ წადითო. ვფიქრობთ, ლენტის გაჭრამდე ვჭირდებით.

_ ყველა პროფესიის ადამიანს სჭირდება გადამზადება, მით უფრო ექიმს, მაგრამ ღირსების შემლახველი გადამზადება არავის სჭირდება.

"გურია ნიუსი" ასევე შეხვდა და აღნიშნულ პრობლემებზე ესაუბრა ექიმ დავით მდინარაძეს, რომელიც კარგი ექიმი და ძალიან კარგი მენეჯერია. ახალ კლინიკაში ის მუშაობას კლინიკური დირექტორის რანგში გააგრძელებს.

_ ბატონო დავით, რა რაოდენობის მედპერსონალი ჰყავდა საავადმყოფოს და რამდენი წავიდა ატესტაციის შემდეგ?

_ სულ 350-მდე თანამშრომელი იყო, წავიდა 108 _ ექიმები, მედდები, სანიტრები... თუ სახელმწიფოს სურს, სოციალურად უნდა დაიცვას, ცივილურ ფორმებს მივესალმები.

_ სულ რამდენი სამედიცინო დაწესებულება იყო ოზურგეთში?

_ ოზურგეთში ექვსი სამედიცინო დაწესებულება იყო და ახლა ერთად მოიყარა თავი. ესენია: კლინიკური საავადმყოფო, სამშობიარო სახლი, ნარკოლოგიური, ფსიქო-ნევროლოგიური, ტუბდისპანსერი და სასწრაფო გადაუდებელი სამედიცინო დახმარება.

_ ტუბდისპანსერის შემცირება მიზანშეწონილად მიგაჩნიათ?

_ ტუბდისპანსერი შეამცირა ტუბერკულოზის ეროვნულმა ბიურომ, რომელმაც არ ჩათვალა საჭიროდ, რომ ოზურგეთს ჰქონდეს ტუბსაავადმყოფო საწოლებით.

_ ახლა ვინ მოემსახურება ამ სპეციფიკურ ავადმყოფებს?

_ სტაციონარი ანუ საავადმყოფო დარჩა ზუგდიდში, ქუთაისსა და ბათუმში. ამბულატორიულ ავადმყოფს კი ადგილობრივ კაბინეტში უმკურნალებენ.

_ ძალიან გთხოვთ, გულწრფელი იყოთ _ ბევრს საუბრობენ ექიმების გამოცდების შესახებ. ბევრი შინ წავიდა... დაგწყდათ თუ არა გული, რომ მათ შორის იყვნენ პროფესიონალები და ძალიან კარგი ექიმები?

_კი. მათ შორის არიან უბადლო, უძლიერესი ექიმები. მათ უარი თქვეს ტესტირებაზე, ისინი პროფესიონალები არიან და ხალხის სამსახურში ყოფნაც დიდხანს შეუძლიათ, მაგრამ რა ვქნა?!

_ ახალ კლინიკაში როდის გადახვალთ?

_ მაქსიმუმ, საახალწლოდ იქ ვიქნებით.

_ ფასადი კარგად გამოიყურება, შიგ რა ვითარებაა?

_ მფლობელის აზრი ასეთია _ არაფერი ძველი! ინვენტარი თუ სამედიცინო აღჭურვილობა ძველი საავადმყოფოდან არ უნდა გადავიტანოთ, იქ ყველაფერი ახალი უნდა შეიტანონ, ახალი სტანდარტით, როგორც ევროპაშია.

_ და მიიჩნევთ, რომ ეს ყველაფერი საქმეს უშველის?

_ ვთვლი, რომ ოზურგეთის გადარჩენა ეს არის კლინიკა, რომელიც იქნება მრავალპროფილიანი. როგორც გითხარით, ჩვენთან ექვსი სამედიცინო დაწესებულება იყო, ოღონდ სხვადასხვა ადგილზე და ახლა ყველამ აქ მოიყარა თავი.

_ თუ ამ კლინიკაში არ გეყოლებათ ისეთი სპეციალისტი, რომელიც კრიტიკულ მომენტში საჭირო აღმოჩნდება, რას იზამთ?

_ არ იქნება პრობლემა, ჩამოვიყვანთ განსაზღვრული დროით. კლინიკას აქვს სასტუმროც და მოწვეული მედიკოსები იქ განთავსდებიან.

_ ახლა უმთავრესზე უნდა გკითხოთ, რაც საზოგადოებას აღელვებს: გაიზრდება თუ არა იქ მკურნალობის საფასური?

_ ფასების შესახებ ჯერ ვერაფერს გეტყვით. ალბათ, იგივე დარჩება.

_ ვრცელდება ხმები, რომ სასწრაფო სამედიცინო დახმარებაც ფასიანი გახდება და სულ ცოტა, გამოძახება 40 ლარი ეღირება...

_ ვინ ამბობს ამას?! ჯერ ამაზე საუბარი არ არის და არც რაიმე დირექტივა მიგვიღია. სახელმწიფო პროგრამა მუშაობს 2012 წლამდე და მერეც არის ჩადებული ისეთი მიმართულება, რომ ისევ ისე გაგრძელდეს ყველაფერი. ეს კავშირში არ არის შენობის შეცვლასთან.




 ახალი ამბები
  • პრეზიდენტი: ამას თუ ვერ მივხვდებით მაშინ ეს ყველაფერი მხოლოდ სიტყვებიასაქართველოს პრეზიდენტმა 2008 წლის აგვისტოს ტრაგიკული მოვლენებისას დაღუპულთა ხსოვნას პატივი მიაგო. სალომე ზურაბიშვილის თქმით, ოკუპირებული ტერიტორიების დაბრუნების საწინდარი ქვეყნის ერთობაა. პრეზიდენტმა აღნიშნა ისიც, რომ ის რაც დღეს საქართველოში ხდება, გმირების უპატივცემულობაა. „ჩვენ დღეს პატივს ვცემთ ჩვენს გმირებს. დღეს დუმილისა და დაფიქრების დღეა. ამ ადამიანებმა სამშობლოსა და ღირსეულ საქართველოს შესწირეს თავი და თუ დავფიქრდებით, დღეს რაც ხდება საქართველოში- ეს შიდა დაპირისპირება ბოღმა და სიძულვილი, რომელიც ყოველდღიურად იძლევა შედეგს ჩვენს ახალგაზრდებში, ეს არის არა ღირსეული საქართველო - ეს ჩვენი გმირების უპატივისმცემლობა და მათი დავიწყებაა. ისინი სამშობლოს ერთიანობისათვის მოკვდნენ და დღეს ჩვენ სიძულვილში ვართ ჩავარდნილნი, რაც ხელს მხოლოდ მტერს აძლევს. ჩვენ თუ გვინდა ტერიტორიები და ხალხები გავაერთიანოთ ამის საწინდარი ჩვენი ერთობაა. ამას თუ ვერ მივხვდებით მაშინ ეს ყველაფერი მხოლოდ სიტყვებია“, - განაცხადა პრეზიდენტმა. ცნობისთვის, საქართველოს პრეზიდენტი მუხათგვერდის ძმათა სასაფლაოზე ... ...
  • სენაკში ელექტრო სადენს ცეცხლი გაუჩნდასენაკში ერთ-ერთ  ელექტრო სადენს  ცეცხლი გაუჩნდა. როგროც "გურია ნიუსს" ადგილიდან აცნობეს, ხანძარი, სავარაუდოდ, მოკლე ჩართვამ გამოიწვია. როგორც საგანგებო მართვის სამსახურში განმარტავენ, ხანძარი  ლოკალიზებულია.  "ენერგო პრო ჯორჯიას"ცნობით, მათი წარმომადგენლები ადგილზე უკვე მუშაობენ და ელექტროენერგიის აღდგენა მალე მოხდება. ... ...
  • „ტკივილიანი დღე, რომელიც არასდროს უნდა დაგვავიწყდეს“ _ოზურგეთში აგვისტოს გმირთა ხსოვნას პატივი მიაგესდღეს, ოზურგეთში, აგვისტოს ომში დაღუპულ  გმირთა ხსოვნას პატივი მიაგეს.   მათ საფლავებთან თაიგულებით მივიდნენ გურიის  სამხარეო და ოზურგეთს მუნიციპალიტეტის მერიის დასაკრებულოს ხელმძღვანელი პირები: გუბერნატორი, ზურა ნასარაია, ოზურგეთის მუნიციპალიტეტის  მერი, კოტე შარაშენიძე,  საკრებულოს  თავმჯდომარე, დავით დარჩია, მოადგილე გიორგი ღურჯუმელიძე.  დაღუპული გმირების:  თემურ ჭიტაძე (სოფელი გურიანთა), თამაზ ნიკიტინი (ქალაქი ოზურგეთი) და ზაურ თენიეშვილი (ქალაქი ოზურგეთი),   საფლავებთან ასევე მივიდნენ  გურული  ომის ვეტერანები, საქველმოქმედო  ასოციაცია „გურიას“ ბენეფიციარები, მონიკა ახვლედიანი და თამარ ლურსმანაშვილი.  ოზურგეთის ცენტრში მათ თავდაპირველად გმირთა მემორიალი შეამკეს. შემდეგ კი იქვე, ეროვნული გმირის, ზაზა დამენიას საფლავს   მიაგეს  პატივი და გვირგვინი დადეს. _12 წელი გავიდა აგვისტოს  ომიდან.  გურიიდან  ცხრა ჯარისკაცი დაიღუპა ამ ომში. დილიდან მოვედით  აქ, რათა შევამკოთ მემორიალი. მოვივლით გმირთა  საფლავებს.  დიდება გმირებს! მჯერა, მათი ბრძოლა უკვალოდ არ  ჩაივლის და საქართველო გაერთიანდება, _ თქვა გურიის  გუბერნატორმა ზურაბ ნასარაიამ. ეროვნული გმირის ზაზა დამენიას დედამ,  ქალბატონმა  ციური წერეთელმა, როგორც ყოველთვის, ცრემლიანმა ისაუბრა: _ტრაგიკული დღეა, უსაზღვროდ   ტკივილიანი. ამ დღის აღნიშვნა აუცილებელია. ღმერთმა ყველა გმირი ნათელში ამყოფოს, ჩემი შვილის თამადობით, _ თქვა  მან. მამას იგონებს გიორგი დამენია, ამჯერად სტუდენტი : _ძალიან რთული დღეა. ვერ  გეტყვით, ეს სასიხარულოა თუ სამწუხარო. თუმცა,  თუ საქართველო კაშკაშებს მსოფლიო რუკაზე, ასეთი გმირების წყალობითაა.  მჯერა, საქართველო იქნება ერთიანი, _ გვითხრა გიორგი დამენიამ. აგვისტოს გმირის,  თამაზ ნიკიტინის საფლავის  თაიგულებით   შემკობის მერე, გუბერნატორი ზურაბ ნასარაია ესაუბრა მის მეუუღლეს, ქალბატონ ნინოს, რომელმაც მორიდებით გამოთქვა  საყვედური იმის გამო, რომ მას და მის მცირეწლოვან ბიჭუნას ოზურგეთში ერთი ოთახი არ  აქვთ, რომ ღამე გაათიონ. _ჩვენ ქუთაისში   გადავედით საცხოვრებლად. აქ თამაზის საფლავია. ძალიან გვიჭირს სიარული. ნება რომ იყოს, შეიძლებოდა ხელისუფლებას ერთი ოთახი  გამოეყო ჩვენთვის სადმე, რომ როცა  ჩამოვდივართ საფლავის მოსანახულებლად, ღამის გათევა შეგვეძლოს, _ უთხრა მან გუბერნატორ ნასარაიას. თავის მხრივ, ზურაბ ნასარაიამ გამოკითხა, თუ ჰქონდა ვინმესთან კომუნიკაცია აღნიშნულის თაობაზე ან განცხადებით თუ მიმართა. სოფელ გურიანთაში ეროვნული გმირის, თამაზ ჭიტაძის საფლავის შემკობის შემდეგ, გმირის ბავშვობა გაიხსენეს  მშობელბმა და ახლობლებმა. _ეს უაზრო ომი იყო, ვინც  კი,  სამშობლოსთვის დაიხოცნენ ბიჭები,  გმირებად  რჩებიან,   მაგრამ შეიძლებოდა ამ ომის  თავიდან აცილება, _ საკუთარი  გულისტკივილი  გამოხატა თემურ ჭიტაძის მამამ, თამაზ ... ...
  • გურიაში რუსეთ-საქართველოს ომში დაღუპული გმირები გაიხსენეს (R)გურიაში რუსეთ-საქართველოს ომში დაღუპული გმირები გაიხსენეს და მათ ხსოვნას პატივი მიაგეს. აგვისტოს ომის მე-12 წლისთავთან დაკავშირებით, გურიის სახელმწიფო რწმუნებულმა ზურაბ ნასარაიამ, ოზურგეთის მერმა კონსტანტინე შარაშენიძემ, საკრებულოს თავმჯდომარე დავით დარჩიამ, თავმჯდომარის მოადგილე გიორგი ღურჯუმელიძემ, საქართველოს ტერიტორიული მთლიანობისთვის დაღუპული მებრძოლთა მემორიალი და აგვისტოს ომში დაღუპულთა გმირების საფლავები გვირგვინით შეამკეს. „უმძიმესი ისტორია, რომელიც გვახსოვს და გვემახსოვრება _ აგვისტოს ომიდან დღეს 12 წელი შესრულდა. საქართველომ ქვეყნის მთლიანობისთვის მებრძოლი გმირები დაკარგა... გმირები, რომლებიც არ შეუშინდნენ რუსულ აგრესიას და სიცოცხლის ბოლო წუთამდე სამშობლოს თავგანწირვით იცავდნენ. ქედს ვიხრი ომში დაღუპული ვაჟკაცების ხსოვნის წინაშე და ვუსამძიმრებ მათ ოჯახებს“, _ განაცხადა ზურაბ ნასარაიამ. გურიის რეგიონში 2008 წლის აგვისტოს მოვლენებს ცხრა ადამიანი ემსხვერპლა. ოზურგეთიდან - თეიმურაზ ჭიტაძე, თამაზ ნიკიტინი, ზაურ თენიეშვილი; ჩოხატაურიდან - მერაბ ახობაძე, ფილიპე მგალობლიშვილი, მურთაზ ირემაძე; ლანჩხუთიდან - ემზარ წილოსანი, რუსლან წულაძე, ვასილ სმირნოვი. ... ...
  • "ვერაფერს ვერ გეტყვით"- ხონი-სამტრედიის მიტროპოლიტი მისი ოჯახის დაყაჩაღებაზე„ვერაფერს ვერ გეტყვით“,_ ასე უპასუხა „გურია ნიუსს“ ყაჩაღობასთან დასმული შეკითხვის შესახებ ხონისა და სამტრედიის ეპარქიის მიტროპოლიტმა საბამ და ტელეფონი გათიშა. შეგახსენებთ, რომ  მიტროპოლიტ საბას საცხოვრებელი სახლი, რომელიც სენაკში მდებარეობს, დააყაჩაღეს. ჩვენთვის უცნობია, თუ რა არის წაღებული მიტროპოლიტის სახლიდან. მომხდართან დაკავშირებით მიმდინარეობს ... ...

არქივი

ტესტები

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ ყველაზე, ყველაზე...

იცი თუ არა გეოგრაფია

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...