რომელ სპეციალობებია ყველაზე მოთხოვნადი პროფესიულ სასწავლებლებში

საზოგადოება

რომელ სპეციალობებია ყველაზე მოთხოვნადი პროფესიულ სასწავლებლებში

5 მარ. 2015, 20:15:49

პროფესიულ საგანმანათლებლო დაწესებულებებში მსურველთა რეგისტრაცია დღეს, 18 საათზე სრულდება.  უფასო პროფესიული განათლების მისაღებად რეგისტრაცია 10 თებერვალს გამოცხადდა და 5 მარტის ჩათვლით გაგრძელდა. საქართველოს მასშტაბით,  მიღება 26 სახელმწიფო სასწავლებელში 150-მდე საგანმანათლებლო პროგრამაზე ხდება.

განათლების სამინისტროს ინფორმაციით, რეგისტრაცია უკვე გაიარა 5000-მდე აპლიკანტმა, გარდა ამისა 400-ზე მეტი პროფესიული სტუდენტი სწავლას შემდეგ საფეხურებზე გააგრძელებს. რეგისტრაციის გავლის შემდეგ სახელმწიფო პროფესიულ სასწავლებლებში სწავლის მსურველები მარტივ ტესტირებას გაივლიან, სადაც გამსვლელი ქულის გადალახვის შემთხვევაში სწავლის სრულ დაფინანსებას მიიღებენ.

მიღება 4 334 ადგილზე თბილისის 9 და რეგიონების 17 სახელმწიფო საგანმანათლებლო დაწესებულებაშია გამოცხადებული.

სამინისტრო მოუწოდებს ყველა დაინტერესებულ პირს დარჩენილ პერიოდში გაიაროს რეგისტრაცია და გამოიყენოს შესაძლებლობა სახელმწიფო დაფინანსებით დაეუფლოს მისთვის სასურველ პროფესიას ტურიზმის, მშენებლობის, სოფლის მეურნეობის, ინფორმაციული ტექნოლოგიების, მომსახურებისა და სხვა მიმართულებით. ქვეყნის მასშტაბით ფუნქციონირებს სახელმწიფოს მიერ/მონაწილეობით დაფუძნებული 34 საგანმანათლებლო დაწესებულება, რომელიც პროფესიულ საგანმანათლებლო პროგრამებს ახორციელებს. მიმდინარე წლის საგაზაფხულო მიღებაზე რეგისტრაციის პროცესში ჩართულია და მონაწილეობას იღებს პროფესიული პროგრამების განმახორციელებელი 26 საგანმანათლებლო დაწესებულება.

განათლებისა და მეცნიერების მინისტრის პირველი მოადგილე ქეთევან ნატრიაშვილი აღნიშნავს, რომ პროფესიულ სასწავლებლებზე მოთხოვნა გაიზარდა:

"დიდი რაოდენობით აპლიკანტები არიან დარეგისტრირებულები, რაც იმას ნიშნავს, რომ  პროფესიული სასწავლებლის მიმართ ინტერესია გაზრდილი. აღსანიშნავია, რომ  პროფესიული სასწავლებლები რომელ პროგრამებსაც სთავაზობენ აპლიკანტებს, დამსაქმებლებთან კონსულტაციის შედეგად არის შემუშავებული. რაც იმის გარანტია იქნება, რომ კურსდამთავრებულებს დასაქმების ბევრად მეტი შანსი ექნებათ“, _ამბობს მინისტრის მოადგილე.

თბილისში 9 პროფესიულ სასწავლებელში 1800 - მდე აპლიკანტია დარეგისტრირებული. მოქალაქეები დასარეგისტრირებლად განათლების სამინისტროს მომსახურების ცენტრებში, კოლეჯებში ან რაიონულ საგანმანათლებლო რესურსცენტრში უნდა მივიდნენ, სადაც მათ კონსულტანტები სასურველი მიმართულების შერჩევაში დაეხმარებიან. აპლიკანტი ამის შემდეგ მხოლოდ პირადობის მოწმობის საფუძველზე გადის რეგისტრაციას.

რეგიონებშიც, 17 სასწავლებელში, აქტიურად მიმდინარეობს რეგისტრაციის პროცესი.  საზოგადოებრივი კოლეჯის "იბერიას" დირექტორი თინათინ ლოსაბერიძე იმ პროფესიებს ასახელებს, რომლებზეც ყველაზე მაღალია მოთხოვნა:

"მოთხოვნა ყოველწლიურად იზრდება. განსაკუთრებით დიდი კონკურსებია მზარეულ-კონდიტერის, ბუღალტრის, ავტომშენელბობის, სამკერვალო საქმის შემსწავლელ პროგრამებზე. ვცდილობთ,  ჩვენს კურსდამთავრებულებს დავეხმაროთ სამუშაოს მოძიებაში. ვინც დაამთავრა ჩვენი სასწავლებელი, მათი დაახლოებით 65% უკვე დასაქმებულია“, _ აღნიშნავს ლოსაბერიძე.

პროფესიულ სასწავლებლებში სწავლების მსურველები აცხადებენ, რომ ნათესავების, მეგობრების სახით კარგი მაგალითები აქვთ, როდესაც მათ პროფესია შეისწავლეს მსგავს დაწესებულებებში  და ახლა უკვე მუშაობენ:

"ძალიან ბევრს ვხედავ აქედან წასულს, რომლებიც დასაქმებულები არიან. ჩემი ნათესავები, მეგობრები, რომლებმაც პროფესიულ სასწავლებლებში ისწავლეს, ახლა სტაბილური შემოსავალი აქვთ“, _ამბობს აპლიკანტი ია კუხიანიძე,  რომელმაც საგაზაფხულო სწავლებისთვის გაიარა რეგისტრაცია.

პროფესიულ სასწავლებლებში სპეციალური საგანმანათლებლო საჭიროების და შეზღუდული შესაძლებლობის მქონე სტუდენტებისთვისაცაა შესაძლებელი სწავლის გაგრძელება. განათლების სამინისტროს ინფორმაციით, 2013 წლიდან დღემდე 16 პროფესიულ დაწესებულებაში 203 სსმ და შშმ პირები დაეუფლა პროფესიას, საგაზაფხულო მიღებაზე კი 60-მდე აპლიკანტმა გაიარა რეგისტრაცია.

პროფორიენტაციისა და კარიერის დაგეგმვის სპეციალისტის მარინე წიკლაურის განცხადებით, სპეციალური საგანმანათლებლო საჭიროების მქონე სტუდენტები არ საჭიროებენ ტესტირების გავლას. მათ შეუძლიათ რეგისტრაცია გაიარონ სარეგისტრაციო ბაზის სპეციალურ ველში და ისე ისწავლონ.

შეგახსენებთ, რომ პროფესიულ სასწავლებლებში განათლების მიღება, ასაკის შეუზღუდავად, 9-კლასდამთავრებულ საქართველოს ნებისმიერ მოქალაქეს შეუძლია. განათლების სამინისტროს მიერ 2013 წლიდან დღემდე უკვე დაფინანსდა 18 306 სტუდენტი. საგანმანათლებლო დაწესებულებში მიღება წელიწადში 2-ჯერ, საგაზაფხულო და საშემოდგომოდ ხდება. მიმდინარე საგაზაფხულო რეგისტრაცია დღეს 6-საათამდე გაგრძელდება.




 ახალი ამბები
  • ქუთაისში პირბადის არ ქონის გამო, რამდენიმე მგზავრი დააჯარიმეს ქუთაისში პირბადის არ ქონის გამო, საზოგადოებრივ ტრანსპორტში მსდხომი რამდენიმე მგზავრი დაჯარიმდა. ინფორმაცია ამის შესახებ "გურია ნიუსს" ერთ-ერთმა წყარომ მიაწოდა. "სამგზავრო მიკროავტობუსში ვისხედით და პატრულმა გაგვაჩერა. რამდენიმე მგზავრს პირბადე არ ეკეთა და დააჯარიმეს. სავარაუდოდ, მათ პირბადის არ ქონა, 20 ლარი დაუჯდათ", _ ამბობს ... ...
  • "სასტუმროს მეპატრონეები წელს გადასახადებისგან უნდა გათავისუფლდნენ" _ ჭიჭინაძე  "თუ ქვეყანაში ფორსმაჟორია, თუ ვირუსი მძვინვარებს, მაშინ ფორსმაჟორი უნდა გამოცხადდეს მცირე მეწარმეებთან მიმართებაშიც და ადამიანები წელს გადასახადებისგან უნდა გათავისუფლდნენ!  მცირე სასტუმროების მეპატრონეებს იმ  დრომდე უნდა გადაუვადდეთ გადასახადი, სანამ არ აღდგება ის სიტუაცია, რაც იყო კორონამდე საქართველოში!“ - აცხადებს პოლიტიკური მოძრაობა „ტრიბუნას“ ლიდერი, დავით ჭიჭინაძე და იმ უმძიმეს სურათზე და პრობლემებზე საუბრობს, რაც განსაკუთრებით დასავლეთ საქართველოში ტრიალებს და განსაკუთრებით ტურისტული სეზონის ჩავარდნის შედეგად. „ხელისუფლება ვითომ პროცენტების რაღაც ნაწილი სუბსიდირების ინიციატივით გამოვიდა, მაგრამ შედეგად მივიღეთ ის, რომ აქიდანაც სარგებელს ისევ კომერციული ბანკები მიიღებენ. რადგან, 1. ადამიანი, რომელიც 200 ლარიან დახმარებას  იღებს, 6 თვის თავზე ბანკი საპროცენტო განაკვეთს 9%-დან 13%-მდე უზრდის! 2. თუ სექტემბრის ბოლოს არ აქვს ადამიანს ვალდებულების გადახდის საშუალება, ნოემბრის ბოლოს  როგორ ექნება, თან გაზრდილის?!“ - აცხადებს ჭიჭინაძე. ... ...
  • სასკოლო კრებებზე დაუშვებელია მოსწავლეების აკადემიური მოსწრებისა და ყოფაქცევის საჯარო განხილვასახელმწიფო ინსპექტორის სამსახურში აცხადებენ, რომ ბავშვების პერსონალური მონაცემების დაცვა განსაკუთრებულ ყურადღებას საჭიროებს, რადგან ისინი ნაკლებად აცნობიერებენ რისკებს და შედეგებს, რაც შესაძლოა, მათი მონაცემების არაკანონიერ დამუშავებას მოჰყვეს. „ბავშვების პერსონალური მონაცემების არასწორი მოპოვება, გამოყენება, მესამე პირისთვის გაზიარება ან/და გასაჯაროება შესაძლოა, გახდეს ბავშვის დისკრიმინაციისა და ბულინგის მიზეზი. სწორედ ამიტომ სკოლის ადმინისტრაცია, მასწავლებლები და მშობლები განსაკუთრებული სიფრთხილით უნდა მოეკიდონ ბავშვის პერსონალურ მონაცემებს, პატივი უნდა სცენ მის პირად ცხოვრებას და ყოველ კონკრეტულ შემთხვევაში იმოქმედონ ბავშვის საუკეთესო ინტერესების გათვალისწინებით“, – აცხადებენ სახელმწიფო ინსპექტორის სამსახურში. სახელმწიფო ინსპექტორის სამსახური ავრცელებს რეკომენდაციებს როგორც სკოლებისთვის, ასევე მოსწავლეებისა და მშობლებისთვის. აღნიშნულ რეკომენდაციებში განსაკუთრებით არის გამოყოფილი სასკოლო კრებების საკითხი. „სასკოლო კრებები ეფექტური საშუალებაა, რათა მასწავლებლებმა და მშობლებმა ერთობლივად განიხილონ სასწავლო პროცესთან დაკავშირებული ზოგადი და საორგანიზაციო საკითხები. დაუშვებელია კრებებზე კონკრეტულ მოსწავლეებთან დაკავშირებული ისეთი საკითხების საჯარო განხილვა, როგორიცაა აკადემიური მოსწრება, ყოფაქცევა და ა.შ., რადგანაც ამ საკითხების განხილვამ შესაძლოა, შელახოს მოსწავლეების უფლებები. მაგალითად, მოსწავლის ქცევის ნეგატიურ კონტექსტში განხილვამ შეიძლება შელახოს მოსწავლის ღირსება, გამოიწვიოს თანატოლებში, მშობლებსა და მასწავლებლებში მის შესახებ სტერეოტიპული დამოკიდებულების ჩამოყალიბება, უარყოფითად იმოქმედოს მოსწავლის ჩართულობაზე სასწავლო პროცესში და კითხვის ნიშნის ქვეშ დააყენოს მისი უფლება მიიღოს განათლება თანაბარი შესაძლებლობების პირობებში. მეორე მხრივ, განსაკუთრებით პოზიტიურ კონტექსტში განხილვა შესაძლოა, გახდეს მოსწავლეთა შორის დაპირისპირების და ზოგ შემთხვევაში მოსწავლეზე ფსიქოლოგიური ზეწოლის მიზეზიც“, – აღნიშნულია სახელმწიფო ინსპექტორის სამსახურის მიერ გავრცელებულ ... ...
  • ცესკო-მ 31 ოქტომბრის არჩევნებისთვის საარჩევნო სუბიექტების რიგითი ნომრები განსაზღვრაკორონავირუსის გავრცელების პრევენციის მიზნით, 31 ოქტომბრის არჩევნების კენჭისყრის დღისთვის, საარჩევნო ღონისძიებისა და სანიტარიულ-ჰიგიენური მოთხოვნების განსაზღვრის შესახებ ცენტრალურმა საარჩევნო კომისიამ დადგენილება გამოსცა. დადგენილების მიხედვით, კენჭისყრის შენობაში ყოფნის უფლების მქონე პირი პირბადის გარეშე კენჭისყრის შენობაში არ დაიშვება, ხოლო კენჭისყრის შენობაში ყოფნა დასაშვებია მხოლოდ პირბადის გამოყენებით. ამასთან, ამომრჩეველი ვალდებულია, დროებით მოიხსნას პირბადე, კენჭისყრის ოთახში ამომრჩეველთა ნაკადის მომწესრიგებელი კომისიის წევრისთვის საქართველოს მოქალაქის პირადობის მოწმობის ან საქართველოს მოქალაქის პასპორტის წარდგენის დროს; ამასთან, ამომრჩეველთა რეგისტრატორი კომისიის წევრის მიერ საქართველოს მოქალაქის პირადობის მოწმობაში ან საქართველოს მოქალაქის პასპორტში აღნიშნული ამომრჩევლის სარეგისტრაციო მონაცემების ამომრჩეველთა სიაში არსებულ მონაცემებთან შესაბამისობის შემოწმების დროს; თუმცა, პირბადის გამოყენება არ მოეთხოვება პირს, რომელსაც ჯანმრთელობის მდგომარეობის გამო უჭირს პირბადის ტარება, რაც დასტურდება სამედიცინო/ექიმის ცნობით. დადგენილების მიხედვით, ამომრჩევლებს თერმოსკრინინგი არ ჩაუტარდებათ. ყველა სხვა პირს კი, ვინც კენჭისყრის შენობაში შევა, სავალდებულო თერმოსკრინინგის გავლა მოუწევს. ტემპერატურის დაფიქსირების შემთხვევაში 5 წუთიანი განმეორებითი თერმოსკრინინგისას ცხელების კვლავ დადასტურების შემთხვევაში, პირი კენჭისყრის შენობაში არ ... ...
  • როგორ არის გაკრული "ოცნების" მაჟორიტარობის კანდიდატის პლაკატები ნაძალადევშისაქართველოში საპარლამენტო არჩევნების ჩატარებამდე სულ ცოტა დრო რჩება. „გურია ნიუსი“ გთავაზობთ, თბილისში, გურამიშვილის გამზირზე გადაღებულ ფოტოებს, სადაც "ქართული ოცნების" მაჟორიტარობის კანდიდატის, მიხეილ ყაველაშვილის საარჩევნო პლაკატებია გამოსახული. ცნობისთვის,ყაველაშვილი ამომრჩეველთა ხმების მოსაპოვებლად კენჭს ნაძალადევის რაიონში ... ...

არქივი

ტესტები

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ ყველაზე, ყველაზე...

იცი თუ არა გეოგრაფია

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...