მთავრობის და პრეზიდენტის ადმინისტრაციების მიმოწერა ათონელის ქუჩაზე პრეზიდენტის რეზიდენციასთან დაკავშირებით

საზოგადოება

მთავრობის და პრეზიდენტის ადმინისტრაციების მიმოწერა ათონელის ქუჩაზე პრეზიდენტის რეზიდენციასთან დაკავშირებით

2015 ივლ 1 19:59:43

ინფორმაციის  თავისუფლების განვითარების ინსტიტუტი (IDFI) ათონელის ქუჩაზე პრეზიდენტის რეზიდენციასთან დაკავშირებით მთავრობის და პრეზიდენტის ადმინისტრაციების მიმოწერას აქვეყნებს. 

ქ. თბილისში, ათონელის ქუჩაზე პრეზიდენტის რეზიდენციის (ყოფილი აშშ-ის საელჩოს შენობა) საკითხი მთავრობასა და პრეზიდენტს შორის უთანხმოების ერთ-ერთი მიზეზი გახდა. მიუხედავად იმისა, რომ პრეზიდენტი გიორგი მარგველაშვილი არჩევნებამდე გაკეთებული განცხადების მიხედვით, არ აპირებდა მისი წინამორბედის, მიხეილ სააკაშვილის მიერ აშენებულ რეზიდენციაში გადასვლას, არჩევნების შემდეგ საკუთარი უფლებამოსილების განხორციელება სწორედ ამ შენობაში გააგრძელა. პარალელურად, ათონელის ქუჩაზე მიმდინარეობდა ახალი რეზიდენციის მშენებლობა.  აღნიშნული მშენებლობის დასრულების შემდეგ გიორგი მარგველაშვილი ახალ შენობაში არ გადავიდა. პრეზიდენტის განცხადების თანახმად, მან აცნობა მთავარობას რომ არ აპირებდა ავლაბრის რეზიდენციის დატოვებას და ათონელზე გადასვლას.

საქართველოს მთავრობასა და პრეზიდენტს შორის ათონელის რეზიდენციასთან დაკავშირებით წარმოშობილ უთანხმოებაზე არსებული მაღალი საზოგადოებრივი ინტერესიდან გამომდინარე "ინფორმაციის თავისუფლების განვითარების ინსტიტუტმა" (IDFI) როგორც პრეზიდენტის, ისე მთავრობის ადმინისტრაციიდან გამოითხოვა პრეზიდენტსა და აღმასრულებელ ხელისუფლებას შორის ამ თემაზე არსებული მიმოწერის ასლები.

პრეზიდენტის ადმინისტრაციიდან მიღებული დოკუმენტაციიდან ირკვევა, რომ ჯერ კიდევ 2014 წლის 28 მარტს პრეზიდენტის ადმინისტრაციის უფროსმა ლაშა აბაშიძემ ტელეფონით მთავრობის კანცელარიის უფროსს, მაია ცქიტიშვილს აცნობა, რომ პრეზიდენტი ათონელის ქუჩაზე მშენებარე შენობის პრეზიდენტის რეზიდენციად გამოყენებას არ გეგმავდა. მაია ცქიტიშვილმა ამ საუბრის წერილობით დადასტურება მოითხოვა, რომ მთავრობას ემსჯელა სამუშაოების გაგრძელების მიზანშეწონილობაზე და შენობის შემდგომ ბედზე.

აღნიშნული წერილის მიღების შემდგომ, 2014 წლის 10 აპრილს პრეზიდენტის ადმინისტრაციის უფროსმა ლაშა აბაშიძემ პრეზიდენტის ინფორმირების მიზნით, საქართველოს რეგიონული განვითარებისა და ინფრასტრუქტურის სამინისტროს და სახელმწიფო დაცვის სპეციალურ სამსახურს მიმართა როგორც ავლაბრის, ასევე ათონელის ქუჩაზე მშენებარე რეზიდენციების ექსპლუატაციისათვის საჭირო წლიური ხარჯების შესახებ ინფორმაციის მოთხოვნით. სავარაუდოდ აღნიშნული ინფორმაცია პრეზიდენტს ესაჭიროებოდა საბოლოო გადაწყვეტილების მიღებისათვის რომელ რეზიდენციაში გაეგრძელებინა მას მოღვაწეობა.

როგორც საქართველოს პრეზიდენტის ადმინისტრაციიდან მოწოდებული ინფორმაციით ირკვევა, პრეზიდენტის რეზიდენციების ექსპლუატაციისათვის საჭირო ხარჯების შესახებ მოთხოვნაზე, საქართველოს პრეზიდენტის ადმინისტრაციას სახელმწიფო დაცვის სპეციალური სამსახურიდან პასუხი დღემდე არ მიუღია, ხოლო რეგიონული განვითარებისა და ინფრასტრუქტურის სამინისტროს მიერ გადმოგზავნილი წერილი დაცულია გრიფით "საიდუმლო", შესაბამისად IDFI-თვის უცნობია რა ფინანსური მონაცემები იქნა სამინისტროდან მიწოდებული საქართველოს პრეზიდენტისთვის.

მანამდე, 2014 წლის 14 აპრილს, მთავრობამ პრეზიდენტის ადმინისტრაციას კიდევ ერთი წერილი გაუგზავნა და აცნობა, რომ დამატებითი ხარჯების თავიდან აცილების მიზნით, შენობის სტატუსის თაობაზე საბოლოო გადაწყვეტილების მიღებამდე, საქართველოს რეგიონული განვითარებისა და ინფრასტრუქტურის სამინისტრო იძულებული იყო შეეწყვიტა მიმდინარე სარეკონსტრუქციო- სამშენებლო სამუშაოები.

თავის მხრივ, 2014 წლის 14 აპრილს საქართველოს მთავრობის ადმინისტრაციას რეგიონული განვითარებისა და ინფრასტრუქტურის სამინისტრომ აცნობა, პრეზიდენტის გადაწვეტილების შეცვლის გამო თუ რა პრობლემები შეექმნა მშენებლობას, რომელიც გეგმით 2014 წლის სექტემბრის თვეში უნდა დამთავრებულიყო.

ზემოთ წარმოდგენილი მიმოწერის შემდგომ, საქართველოს პრეზიდენტის ადმინისტრაციამ 2014 წლის 14 ივლისს, 3 თვის დაგვიანებით, საქართველოს მთავრობის ადმინისტრაციას წერილობით ოფიციალურად დაუდასტურა, რომ ათონელის ქუჩაზე არსებულ შენობას პრეზიდენტის რეზიდენციად არ გამოიყენებდა და აღნიშნა, რომ საქართველოს მთავრობას შეეძლო ემსჯელა სამშენებლო სამუშაოების მიზანშეწონილობასა და მისი შემდგომი განკარგვის თაობაზე.

IDFI-სთვის მიწოდებული კორესპონდენციიდან ირკვევა, რომ პრეზიდენტის ადმინისტრაციის მიერ 2014 წლის 14 ივლისს მთავრობის ადმინისტრაციისათვის გაგზავნილი წერილი, ათონელის რეზიდენციაში პრეზიდენტის არ გადასვლის შესახებ, ინფრასტრუქტურის და რეგიონული განვითარების სამინისტროს 2014 წლის 4 აგვისტოს გაეგზავნა.

მშენებლობის სამუშაოები გაგრძელდა და საკითხი 2015 წლის აპრილში გააქტიურდა, როდესაც რეგიონული განვითარებისა და ინფრასტრუქტურის მინისტრმა დავით შავლიაშვილმა პრემიერ მინისტრს, ირაკლი ღარიბაშვილს აცნობა, რომ საპრეზიდენტო რეზიდენციის მშენებლობა დასრულებულია, ჰქონდათ კომუნიკაცია პრეზიდენტის ადმინისტრაციასთან და ყველაფერი არის გაკეთებული სტანდარტების შესაბამისად.

საქართველოს აღმასრულებელი ხელისუფლებისა და პრეზიდენტის ადმინისტრაციის შეუთანხმებელი მოქმედების შედეგად სახელმწიფო ბიუჯეტიდან დაფინანსდა შენობის მშენებლობა, რომლის დანიშნულება მშენებლობის დასრულების შემდგომაც უცნობია. ინსტიტუტი მიიჩნევს, რომ ყოვლად დაუშვებელია საბიუჯეტო სახსრების დაუგეგმავად ხარჯვა, განსაკუთრებით, როდესაც საუბარი ათობით მილიონ ლარს ეხება. ამასთან, მნიშვნელოვანია გასაჯაროვდეს, პრეზიდენტის როგორც ავლაბრის, ასევე ათონელის ქუჩის რეზიდენციების მშენებლობის, მათი ყოველწლიური შენახვისა და ექსპლუატაციის ხარჯები, რომ საზოგადოებამ იმსჯელოს, თუ რამდენად მიზანშეწონილი იყო როგორც ძველი, ისე ახალი რეზიდენციის აშენება საქართველოს ეკონომიკური მდგომარეობის ფონზე.

წყარო




 ახალი ამბები
  • კობახიძე: კონგრესმენ ოლსონის განცხადება ხელს ვლადიმერ პუტინს აძლევსირაკლი კობახიძის განცხადებით, კონგრესმენ ოლსონის მიერ კონგრესში სიტყვით გამოსვლისას გაკეთებული განცხადება ხელს ვლადიმერ პუტინს აძლევს. მან ასევე აღნიშნა, რომ კონგრესმენი იმ ტერმინოლოგიით არ უნდა საუბრობდეს, რაც კონგრესმენმა ოლსონმა გამოიყენა. „კონგრესმენ ოლსონს განცხადებაში ჰყავს ნახსენები პუტინი და თუ ვინმეს აძლევს ხელს კონკრეტული კონგრესემენის ასეთი განცხადება ეს არის სწორედ ვლადიმერ პუტინი. პრინციპულად მნიშვნელოვანია, რომ კონგრესმენი ასეთი ტერმინოლოგიით არ უნდა საუბრობდეს. ეს არის მიუღებელი და ასეთი რამ აზიანებს ზოგადად აღქმას საზოგადოებაში და კიდევ ერთხელ გავიმეორებ, რომ თუ ვინმეს აძლევს ეს ხელს, ეს არის ვლადიმერ პუტინი. მოვუწოდებ კონკრეტულ კონგრესმენს, რომ არ გააკეთოს პუტინის სასარგებლო განცხადებები“, - განაცხადა კობახიძემ. ცნობისთვის, ამერიკელმა კონგრესმენმა პიტ ოლსონმა კონგრესში სიტყვით გამოსვლისას ბიძინა ივანიშვილი  რუსეთის პრეზიდენტის, ვლადიმერ პუტინის მარიონეტად მოიხსენია. გარდა ამისა, ოლსონმა  კონგრესმენებს მოუწოდა, ხმა აიმაღლონ საქართველოში თავისუფლების დასაცავად. მმართველმა გუნდმა კონგრესმენებისთვის ინფორმაციის მიწოდების მიზნით აშშ-ში შეხვედრები ... ...
  • ხმაური პარლამენტთან-მაჩალიკაშვილს პარლამენტის შენობაში შესვლის უფლება არ მისცესხმაური იყო ცოტა ხნის წინ პარლამენტის შენობასთან. „ნაციონალური მოძრაობის“ წევრს თინა ბოკუჩავას და მალხაზ მაჩალიკაშვილს პარლამენტში დღეს პრესკონფერენცია ჰქონდათ დაგეგმილი, მაგრამ  დაცვის სამსახურის თანამშრომლება მაჩალიკაშვილს არ მისცეს პარლამენტის შენობაში შესვლის უფლება, რასაც დაპირისპირება მოჰყვა. შეხლა-შემოხლის დროს შეუძლოდ გახდა მალხაზ მაჩალიკაშვილი და ის ადგილიდან ცოტა მოშორებით გაიყვანეს. საჭირო გახდა სასწრაფო სამედიცინო დახმარების ჯგუფის მისვლაც. „ნაციონალური მოძრაობა“ და მალხაზ მაჩალიკაშვილი თემირლან მაჩალიკაშვილის საქმეზე საგამოძიებო კომისიის შექმნას ითხოვენ. ... ...
  • ზონალურ-საათობრივი პარკირების სისტემა თბილისში, ბარათაშვილის ქუჩაზეც ამოქმედდება10 მარტიდან ზონალურ-საათობრივი პარკირების სისტემა ბარათაშვილის ქუჩაზეც ამოქმედდება, - ამის შესახებ თბილისის მერმა, კახა კალაძემ მუნიციპალიტეტის მთავრობის დღევანდელ სხდომაზე განაცხადა. თბილისის მერმა შესაბამისი სამსახურის წარმომადგენლებს დაავალა, აღნიშნულთან დაკავშირებით მოსახლეობას ინფორმაცია მიაწოდონ და ადგილზე საინფორმაციო ჯიხურები განათავსონ. „ზონალურ-საათობრივ პარკირებასთან დაკავშირებით გასულ წელს ორი საპილოტე პროექტი განვახორციელეთ. ეს არის კოტე აფხაზის ქუჩა და ორბელიანის მოედანი მიმდებარე ქუჩებით. რეფორმა ძალიან წარმატებით მიმდინარეობს. შემდეგი ქუჩა, სადაც გვინდა ანალოგიური მიდგომა და დამოკიდებულება განვახორციელოთ, ბარათაშვილის ქუჩაა. 10 მარტიდან ბარათაშვილის ქუჩაზე ზონალურ-საათობრივი პარკირების სისტემა ამოქმედდება. შესაბამისი სამსახურების წარმომადგენლებს ვთხოვ, მოსახლეობის სრული საინფორმაციო უზრუნველყოფა მოახდინონ. ასევე, განვათავსოთ სპეციალური საინფორმაციო ჯიხურები, სადაც ადგილობრივებს ექნებათ შესაძლებლობა, სრული ინფორმაცია მიიღონ. პარკირება ადგილობრივი მოსახლეობისთვის უფასო იქნება, თუმცა მათ საკუთარი ავტომობილები შესაბამის პორტალზე უნდა დაარეგისტრირონ. თუ საჭირო იქნება, დავბეჭდოთ საინფორმაციო ბუკლეტებიც და მოსახლეობას სრული ინფორმაცია მივაწოდოთ“, - განაცხადა დედაქალაქის მერმა. კახა კალაძის თქმით, ზონალურ-საათობრივი პარკირება შშმ პირებისა და ელექტრომობილების მფლობელებისთვის ბარათაშვილის ქუჩაზეც უფასო იქნება. ... ...
  • თბილისის ზღვის „სიკვდილის ზონის“ თაობაზე საჩივრებს სააპელაციო სასამართლო განიხილავსხვალ 16:00 საათზე თბილისის სააპელაციო სასამართლო ადამიანის უფლებათა ცენტრის აღმასრულებელი დირექტორისა და ქალაქ თბილისის მერიის სააპელაციო საჩივრებს განიხილავს. თბილისის მერიამ სააპელაციო სასამართლოში გაასაჩივრა თბილისის საქალაქო სასამართლოს გადაწყვეტილება, რომლის ძალითაც მას დაევალა გამაფრთხილებელი ბანერებისა და ბარიერების დამონტაჟება თბილისის ზღვის ერთ-ერთ ყველაზე სახიფათო ადგილას, სადაც ბოლო წლებში რამდენიმე არასრულწლოვანი დაიხრჩო. ე.წ. ჩანჩქერის ტერიტორია არის „სიკვდილის ზონა“ თბილისის ზღვაზე, სადაც ბანაობა განსაკუთრებით საშიშია და აკრძალულია, მაგრამ ამის შესახებ მოქალაქეები არც ინფორმირებული არიან და არც გადაულახავი ბარიერი ეღობებათ. 2017 წელს სწორედ ამ ადგილას დაიღუპა ადამიანის უფლებათა ცენტრის აღმასრულებელი დირექტორის, ალეკო ცქიტიშვილის 15 წლის ვაჟი, ცოტნე ცქიტიშვილი. ერთი წლით ადრე იქვე დაიღუპა მაკა წიკლაურის ვაჟი, 14 წლის ნოდარ შამათავაც. ორმა დაზარალებულმა ოჯახმა 2017 წლის დეკემბერში  თბილისის მერიისა და წყლის გამანაწილებელი კომპანიის - GWP-ს წინააღდეგ ადმინისტრაციული სარჩელით მიმართა თბილისის საქალაქო სასამართლოს. თითქმის ორწლიანი განხილვის შემდეგ, მოსამართლე ნათია ბუსკაძის გადაწყვეტილებით, თბილისის მერიას ე.წ. ჩანჩქერის ტერიტორიაზე დაევალა გამაფრთხილებელი ბანერების დამონტაჟება, ასევე - ჩანჩქერის არხის ზოლზე 2.5 მეტრის სიმაღლის კედლის მოწყობა, რათა მასზე გადასვლა ვერავინ შეძლოს. თბილისის მერია უარს აცხადებს სასამართლოს გადაწყვეტილების აღსრულებაზე და მიაჩნია, რომ იგი არ არის ქალაქში მსგავსი უბედური შემთხვევების პრევენციაზე პასუხისმგებელი. თბილისის მერიის სააპელაციო სარჩელის საპასუხოდ ადამიანის უფლებათა ცენტრმა მოამზადა სააპელაციო შესაგებელი. დაზარალებული მხარე სააპელაციო სასამართლოში, ასევე, თვითონაც ასაჩივრებს თბილისის საქალაქო სასამართლოს გადაწყვეტილების იმ ნაწილს, რომლითაც მას უარი ეთქვა მორალური ზიანის ანაზღაურებაზე. საქართველოში „სიკვდილის ზონების“ შესახებ ვრცლად იხ. თავისუფლების მონიტორის ჟურნალისტური ... ...
  • თბილისის აეროპორტში პოლიციამ ერთი პირი დააკავაშინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, თბილისის აეროპორტში ერთი პირი დააკავეს. 1990 წელს დაბადებულ, წარსულში ნასამართლევ ა.ც.-ს ბრალი განსაკუთრებით დიდი ოდენობით ნარკოტიკული საშუალების უკანონო შეძენა-შენახვასა და საქართველოში უკანონოდ შემოტანაში ედება. ჩადენილი დანაშაული 6-დან 20 წლამდე ან უვადო თავისუფლების აღკვეთას ითვალისწინებს. სამართალდამცველებმა, დაკავებულის პირადი ჩხრეკისას, 508 აბი ნარკოტიკული საშუალება "სუბუტექსი" და 3 აბი „მეტადონი“ ნივთმტკიცებად ამოიღეს. გამოძიებით დადგენილია, რომ ბრალდებულმა აღნიშნული ნარკოტიკები თურქეთის რესპუბლიკიდან საქართველოში უკანონოდ შემოიტანა. ა.ც. ჩადენილ დანაშაულს აღიარებს. გამოძიება სისხლის სამართლის კოდექსის 260-ე მუხლის 1-ლი ნაწილით, 260-ე მუხლის მე-6 ნაწილის "ა" ქვეპუნქტით და 262-ე მუხლის მე-4 ნაწილის "ა" ქვეპუნქტით მიმდინარეობს, რაც განსაკუთრებით დიდი ოდენობით ნარკოტიკული საშუალების უკანონო შეძენა-შენახვასა და საქართველოში უკანონოდ შემოტანას გულისხმობს. ... ...

არქივი

კარმიდამო ჩემი

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...
ზაფრანი

იაპონელი ქალების სილამაზის საიდუმლო

იაპონელი ქალები დარწმუნებულები არიან, რომ...

მსმელი ადამიანები დიდხანს ცხოვრობენ

აშშ-ის, ტეხასის უნივერსიტეტის პროფესორების მიერ...

ვინ შეიძლება დაგინგრიოთ ოჯახი?

მორიელი მორიელი შურისმაძიებელია. ის დიდხანს...

როგორ ვიპოვოთ ნამდვილი სიყვარული

ქალი, რომელმაც იცის, როგორ იპოვოს...

მსუნაგი ადამიანები და...ასტროლოგია

კურო კუროებს ტკბილი უყვართ, მაგრამ...

ვანგას წინასწარმეტყველებები

2028 - ენერგიის ახალი წყაროს...