სიყვარული და პოლიცია _ "დაგვეხმარეთ, რომ რაც შეიძლება მალე მორჩეს ეს კოშმარი"

საზოგადოება

სიყვარული და პოლიცია _ "დაგვეხმარეთ, რომ რაც შეიძლება მალე მორჩეს ეს კოშმარი"

2015 აგვ 11 15:39:51

გიორგი ტრაპაიძე ოზურგეთის მუნიციპალიტეტის სოფელ შემოქმედში ცხოვრობს. 2 აგვისტოს იგი ანა ქ.-ზე დაქორწინდა, თუმცა, ქორწინებიდან მესამე დღეს, როგორც თავად ამბობს, მეუღლე  პოლიციის შენობიდან მოსტაცეს:

_ მე და ანიმ გადავწყვიტეთ ოჯახი შეგვექმნა. 2 აგვისტოს დილის 6 საათზე ერთობლივი შეთანხმების შემდეგ, ანიმ დამირეკა ტელეფონზე და მითხრა, რომ შეძლებდა სახლიდან გამოსვლას. ასეც მოხდა _ რამდენიმე ხანში შევხვდით. ანიმ თქმით, მან  სახლში დატოვა წერილი, სადაც განმარტავდა, რომ სრულიად აცნობიერებდა საკუთარ ნაბიჯს, დარწმუნებული იყო მისი ქმედების სისწორეში და ჩემზე თხოვდებოდა სიყვარულით.

ამის შემდეგ გავემგზავრეთ თბილისისკენ... სამი დღის შემდეგ,  ახლობლებისგან გავიგეთ, რომ ანის მამის მიმართვის საფუძველზე, ჩვენი გაპარვიდან მეორე დღესვე საქმე აღძრულა ჩემს წინააღმდეგ გატაცება-გაუპატიურების ბრალდებით (ანის წერილის ნახვის მიუხედავად).  ასევე, ჩემს ნათესავებზე მიმდინარეობს ზეწოლა, სახლებში უვარდებიან  და ემუქრებიან დაჭერით.

ამის შემდეგ, მე და ანიმ 5 აგვისტოს, დაახლოვებით 16 საათზე, დაუყოვნებლივ მივაშურეთ პოლიციის დიდუბე-ჩუღურეთის რაიონულ განყოფილებას, რათა გაგვერკვია, რა ხდებოდა. განყოფილების უფროსს ვანო მჭედლიშვილს  ავუხსენი, ვინ ვიყავით და დავინტერესდი, სიმართლეს შეესაბამებოდა თუ არა ზემოაღნიშნული.

ასევე ავხსენი, რომ ანი არის  ჩემი მეუღლე  და გამომყვა საკუთარი ნებით, რადგან ერთმანეთი გვიყვარს.  ანიმაც დააფიქსირა, რომ ვუყვარვარ და ყველაფერი მისი ნებით მოხდა _  შესაბამისად, არანაირ გატაცებას და ძალადობას ადგილი არ ჰქონია და არც ექნებოდა.  ვანო მჭედლიშვილმა  ჩემი თანდასწრებით მდივანს გამოართვა ოზურგეთის პოლიციის სამმართველოს უფროსის ტელეფონის ნომერი, დაურეკა მას და ჩვენი პოლიციაში მისვლის მიზეზი განუმარტა. 

მათი საუბრის დასრულებისთანავე ვანომ ამიხსნა, რომ საქმე მართლაც ყოფილა აღძრული და უნდა დავლოდებოდით ოზურგეთის სამმართველოდან გამოგზავნილ მანქანას. დაახლოებით 4-5-საათიანი იძულებითი შეყოვნების შემდეგ, როგორც იქნა ჩამოაღწია მანქანამ და გავემგზავრეთ ოზურგეთში. შუაღამისას, დაახლოვებით 3 საათზე ჩავედით და მიგვიყვანეს პოლიციის სამმართველოში. შეგვიყვანეს სამმართველოს უფროსის კაბინეტში, მესამე სართულზე და დაიწყეს ჩვენი ზეპირი დაკითხვა. ანის ეკითხებოდნენ, ჰქონდა თუ არა რაიმე სახის ძალადობას ადგილი და ნამდვილად ნებით გამომყვა თუ არა, რაზეც ანიმ მკაფიოდ დააფიქსირა, რომ არავითარ ძალადობას ადგილი არ ჰქონდა, ყველაფერი მოხდა ორივეს სურვილით და რომ ჩვენ ერთმანეთი გვიყვარს. ამის შემდეგ ჩამოგვართვეს ოფიციალური ჩვენება, სადაც დავაფიქსირეთ იგივე.

ჩვენების შედგენა როცა დავასრულეთ, ანიმ პოლიციელებს სთხოვა, რომ არ სურდა მშობლებთან შეხვედრა და ნუ შეახვედრებდნენ, რაზეც უპასუხეს, სანამ მშობლებს არ შეხვდები, აქ ყოფნა მოგიწევთო. როგორც მოსალოდნელი იყო, მე და ანი განგვაცალკევეს. შემდეგ ანის და მამამისის ხმა გავიგონე, ის მშობლებს მაინც შეახვედრეს. რაღაც პერიოდის შემდეგ ანი ჩემს ოთახში შემოიყვანეს. მე ვითხოვე, მარტო დავეტოვებინეთ, რათა პირისპირ გვესაუბრა, მაგრამ ამის საშუალება არ მოგვცეს.

ანი არ აპირებდა მშობლებს გაჰყოლოდა _ ეს მან პირადად უთხრა დედ-მამას. ამ დროს ერთ-ერთმა პოლიციელმა დაიწყო ჩემი  პირადი ინფორმაციის გასაჯაროება იმდენად დამახინჯებული, უარყოფითი და შეურაცხმყოფელი კუთხით, რომ უკიდურესად დავითრგუნე. კერძოდ, რომ მე მაქვს ბანკიდან აღებული სესხი, მყავს ცოლშვილი, მანქანა ლომბარდში მიდევს, ვარ ნასამართლევი, მყავდა საყვარელი და თუ ანი ცოლად გამომყვება, მე მას მხოლოდ გამოვიყენებ ჩემი მდგომარეობის გასაუმჯობესებლად და როცა ამას მივაღწევ, მივატოვებ, რადგან მე ვარ თაღლითი.

ამ ყველაფრის მოსმენამ ჩემში გამოიწვია დიდი უკმაყოფილება და კატეგორიულად, მრავალჯერად მოვთხოვე, შეეწყვიტათ ეს ბინძური ფსიქოლოგიური ზეწოლა, რომელიც ანის სულიერ დათრგუნვას ისახავდა მიზნად, მაგრამ პოლიციელი მაინც აგრძელებდა... ცოტა ხნის მერე ანი ისევ გაიყვანეს და მას შემდეგ აღარ მინახავს. მეც მალევე გამომიშვეს. მთელი ამ დაკითხვის პერიოდში, პოლიციის წინ მელოდებოდნენ ჩემი ახლობლები და ნათესავები. როცა მათ ვკითხე ანის შესახებ, ხომ არ დაგინახავთ, სად წაიყვანეს,-მეთქი, მითხრეს, რომ ანი არ გამოუყვანიათ, რაც მეტად უცნაურად მომეჩვენა. მოგვიანებით კი გავაცნობიერე, რომ პოლიციამ, ნაცვლად სამართლებრივ ჩარჩოებში მოქმედებისა, უპირატესობა კოლეგიალურობას მიანიჭა და სავარაუდოდ, მამამისის თხოვნით, რომელიც პოლიციის ყოფილი მაღალჩინოსანია, უკანა გასასვლელიდან გააქრეს.

ჩემი ინფორმაციით, ამ წუთამდე ანი ჰყავთ ჩაკეტილი, უკრძალავენ ჩემთან დაკავშირებას და მკაცრად აკონტროლებენ, რომ ჩემი ნახვა ვერ შეძლოს. უკვე მეოთხე დღეა, ანი ვერ მიკავშირდება, მოცემული სიტუაციის შესაბამისად, ვერც მე ვახერხებ ამას. აქვე მინდა ავღნიშნო, რომ პირადი კონტაქტების საშუალებით პერიოდულად მითვლიან მუქარებს, რომელიც მოდის ანის ოჯახის მხრიდან, კერძოდ: თუ ჩვენს შვილს თავს არ დაანებებ, დაგიჭერთ, ციხეში ამოგალპობთ და თავი არ დაიღუპოო.

იმის გათვალისწინებით, რომ ჩემ ნათესავებსაც ანალოგიურად ემუქრებოდნენ ჩემი დაჭერით, ასევე, ვინაიდან ამ კონკრეტულ სიტუაციაში ბრალს ვერაფერში მდებენ, რადგან ჩვენს ქცევაში არავითარი დანაშაულის ნიშნები არ იკვეთება (რასაც მოწმობს საქმის მყისიერი დახურვა), საფუძველი მაქვს ვიფიქრო, რომ მათი მუქარა გულისხმობს შემდეგს: შეეცდებიან, ჩემს წინააღმდეგ შეთითხნონ რაიმე ბინძური ხრიკი და ამის მეშვეობით მამხილონ რაიმე საკმაოდ მძიმე ხარისხის კანონსაწინააღმდეგო ქმედებაში რომლის საფუძველზე მოხდება ჩემი სრული იზოლაცია გარკვეული პერიოდით.

იმედი მაქვს, რომ ქვეყანა ჩალით არ არის დახურული და თქვენი დახმარებით მივაღწევთ მინიმუმ იმას, რომ ადამიანებმა უბრალოდ თანამიგრძნონ და მაქსიმუმ იმას, რომ იქნებ ამ ბინძური ჩანაფიქრის გახორციელებაში ხელი შევუშალოთ, რათა ჩემი და ანის მომავალი არ დაგვიბნელონ _ მე ხომ მხოლოდ და მხოლოდ მის გამო განვიცდი ამ ყველაფერს ასე მტკივნეულად, ვგრძნობ თუ როგორ სტკივა მასაც და ჩემი ეს ხმის ამაღლების მცდელობა თქვენი დახმარებით იმისკენაა მიმართული, რომ დასრულდეს ეს ზეწოლა, რომელიც ანის ძალიან ანადგურებს, მის ჯანმრთელობას ძირს უთხრის ყოველწამიერად და რაც შეიძლება მალე მორჩეს ეს კოშმარი, _ მოგვწერა გიორგი ტრაპაიძემ, რომელიც მისივე თქმით, მოსალოდნელი საფრთხის გამო, ოზურგეთში ჩამოსვლას ვერ ახერხებს.

გურიის სამხარეო პოლიციის მთავარი სამმართველოს უფროსი კობა ცერცვაძე ჩვენთან საუბრისას ამბობს, რომ ფაქტის შესახებ საქმის კურსშია, თუმცა, დეტალებზე კომენტარს ვერ გააკეთებს:

_ ჩემს კაბინეტში მსგავსი საუბარი არ ყოფილა. არ მიყვარს ასეთი ტექსტებით საუბარი, მაგრამ გეტყვით, რომ ეს ორღობის ჭორაობას გავს. არანაირ ზეწოლას ადგილი არ ჰქონია. რაც შეეხება იმის შიშს, რომ ვინმეს რაიმეს დაუშავებენ, შემიძლია სრული პასუხისმგებლობით გითხრათ, რომ სამართალთან შეუთავსებლობა ჩემი ხელმძღვანელობის დროს არ იქნება. საქმის დეტალებზე კი ნამდვილად ვერ გაგესაუბრებით და შეგიძლიათ პრესცენტრს მიმართოთ, _ გვითხრა ცერცვაძემ.

მისივე თქმით, ინფორმაცია იმის შესახებ, რომ ანა მშობლებმა ძალით წაიყვანეს ან მის მიმართ რაიმე სახის ზეწოლა ხორციელდება, არ გააჩნია:

_ ანა სრულწლოვანია და ის აგებს პასუხს საკუთარ გადაწყვეტილებებზე. ჩვენთან არანაირი შეტყობინება არ შემოსულა. თუ დაგვიკავშირდებიან, შესაბამის რეაგირებასაც მოვახდენთ, _ დასძინა ცერცვაძემ.

ჩვენ შევეცადეთ დეტალები ანას ოჯახთან გადაგვემოწმებინა, თუმცა, მისმა მამამ საუბარი არ ისურვა:

_ არ მსურს ამ თემაზე საუბარი.

_ თქვენ ბრალს გდებენ ზეწოლაში, როგორც გიორგი ტრაპაიძეზე, ასევე თქვენს შვილზე. გვწერენ, რომ როგორც ყოფილი პოლიციელი, ემუქრებით გიორგის, მის ნათესავებს და თქვენი შვილი, თავისი ნების საწინააღმდეგოდ ჩაკეტილი გყავთ...

_ არ ვისაუბრებ არაფერზე, _ გვითხრა გოგონას მამამ და ტელეფონი გაგვითიშა.

პ.ს. ამ სტატიის გამოქვეყნებიდან რამდენიმე საათში ა.ქ თავად დაგვიკავშირდა და გვითხრა, რომ მის მიმართ არანაირი ზეწოლა არ განხორციელებულა:

_ რასაც ეგ ადამიანი ამბობს ტყუილია. არანაირი ზეწოლა ჩემზე არ განხორციელებულა და მას შემდეგ, რაც მის შესახებ სიმართლე გავიგე ჩემი ნებით წავედი სახლში. სრულწლოვანი ვარ და გადაწყვეტილებებს თავად ვიღებ. არც ისაა სწორი, რომ პოლიციამ ჩემზე ზემოქმედება მოახდინა. ის რომ ორჯერ ნასამართლევია თაღლითობაზე და ქურდობაზე თავად მითხრა ბოლოს. ისიც მითხრა, მასთან სახლში რომ მივსულიყავით მისი ცოლ-შვილი დამხვდებოდა. ისიც სიმართლეა რომ ვალები აქვს და ლომბარდში ჰყავს მანქანა და ისიც, რომ საყვარელი ჰყავს. რაც თავად გითხრათ სიცრუეა. მაგ ადამიანს ცოლ-შვილი ყოლია, რაც მე არ ვიცოდი. არ ვიცი ახლა თავის დაძვრენა უნდა თუ რატომ საუბრობს ასე. მხოლოდ ის შემიძლია გითხრათ, რომ თავისუფლება არავის შეუზღუდავს და თავისუფლად გადავაადგილდები როცა მინდა და სადაც მინდა, _ გვითხრა ა.ქ-მ.




 ახალი ამბები
  • ლაითურის, ნარუჯას და ანასეულის მოსახლეობასთან შეხვედრა გაიმართა (R)ცენტრალური, საკანონმდებლო, სამხარეო და ადგილობრივი ხელისუფლების წარმომადგენლები ოზურგეთში, ლაითურის, ნარუჯასა და ანასეულის მოსახლეობას შეხვდნენ. მათ ადგილობრივების საჭიროებები მოისმინეს და რეგიონში მიმდინარე პროექტებზე დეტალური ინფორმაცია მიაწოდეს. ადგილობრივ მოსახლეობასთან შეხვედრაზე განსაკუთრებული ყურადღება მუნიციპალიტეტში მიმდინარე და დაგეგმილ ინფრასტრუქტურულ პროექტებზე, ასევე, მუნიციპალურ და სახელმწიფო სერვისებზე გამახვილდა. ანასეულის მოსახლეობამ ერთ-ერთ პრიორიტეტულ საკითხად კანალიზაციის რეაბილიტაცია დაასახელა. ასევე, სრულ რეაბილიტაციას საჭიროებს მე-5 საჯარო სკოლაც. იქ არსებულ პრობლემას რეგიონული განვითარებისა და ინფრასტრუქტურის მინისტრის მოადგილე ილია ბეგიაშვილი პირადად გაეცნო. დაბა ლაითურისა და ნარუჯის მოსახლეობამ ძირითად მოთხოვნად დასაქმებისა და შიდა გზების მოწესრიგების საკითხები დააყენა. მოსახლეობასთან შეხვედრებს პარლამენტის წევრები გიორგი ვოლსკი, თემურ ჭკუასელი, გია გაჩეჩილაძე, გურიის მხარის რწმუნებული ზურაბ ნასარაია, მპგ „ქართული ოცნება - დემოკრატიული საქართველოს“ ოზურგეთის საოლქო ორგანიზაციის თავმჯდომარე მერაბ ჭანუყვაძე, საოლქო ორგანიზაციის წევრები, ოზურგეთის მუნიციპალიტეტის საკრებულოს თავმჯდომარე დავით დარჩია, ოზურგეთის მერი კონსტანტინე შარაშენიძე და ადგილობრივი ხელისუფლების სხვა წარმომადგენლები ესწრებოდნენ. ამჟამად, დაბა ლაითურში წყალმომარაგების ქსელის სარეაბილიტაციო სამუშაოები დასკვნით ეტაპზეა. დაბა ნარუჯაში მიმდინარეობს 7 280 მ. სიგრძის საავტომობილო გზის მშენებლობა, რომელიც მუნიციპალური განვითარების ფონდიდან 3 777 936 ლარით დაფინანსდა. ანასეულში გაერთიანებული წყალმომარაგების კომპანიამ წყლის სისტემის მშენებლობა დაიწყო. პროექტის ღირებულება - 6 799 998 ლარს შეადგენს. ... ...
  • ბახმაროში საცხოვრებელი სახლები დაიწვაგასულ შაბათს, ჩოხატაურის მუნიციპალიტეტის დაბა ბახმაროში, მახარაძის ქუჩაზე, ეკლესიის მიმდებარედ, ორი საცხოვრებელი სახლი დაიწვა. ხანძრის შედეგად არავინ დაშავებულა. როგორც გვითხრეს, არსებობდა ცეცხლის გავრცელების საშიშროება, თუმცა, მეხანძრეებმა, ცეცხლის დროულად ლოკალიზება შეძლეს. _ ღამის საათებში ერთ-ერთ საცხოვრებელში გაჩნდა, შემდეგ გადავიდა მეორე სახლზეც. არავინ დაშავებულა, კარგად იმუშავა სამაშველო სამსახურმა. მათი დამსახურებაა, რომ ხანძარი გვერდით მდგომ სახლებზე არ გავრცელდა, _ აღნიშნა ჩვენთან საუბრისას ა(ა)იპ "ბახმაროს დირეტქორმა დავით საჯაიამ. ამ დროისთვის უცნობია ხანძრის გამომწვევი მიზეზი. მომხდარზე გამოძიებაა ... ...
  • "საქართველოს გული იწვის ამაზონის ტყესთან ერთად" - ზურაბიშვილისაქართველოს გული იწვის ამაზონის ტყესთან ერთად, – ამის შესახებ საქართველოს პრეზიდენტი სალომე ზურაბიშვილი სოციალურ ქსელ „ტვიტერში“ წერს. „ჩვენ ვუერთდებით ჩვენი პლანეტის გადარჩენის ძალისხმევას და მოვუწოდებთ ქმედებისკენ ამაზონის გადასარჩენად“, – აღნიშნავს სალომე ზურაბიშვილი. ამაზონის ტყეში მასშტაბური ხანძარი უკვე მესამე კვირაა მძვინვარებს. „დედამიწის ფილტვებად“ წოდებული ამაზონის ტყეში ხანძრის ათასობით კერაა ... ...
  • სოფელ საყავრესთან ხანძარი ლოკალიზებულიასაგანგებო სიტუაციების მართვის სამსახურის მეხანძრე-მაშველებმა, სასაზღვრო პოლიციის სამი ვერტმფრენის დამხარებით ტყის ხანძრის ლოკალიზება შეძლეს. ამ დროისთვის შიდა ქართლში, გორის მუნიციპალიტეტში, სოფელ საყავრესთან ტყის მასივში გაჩენილი ხანძრის სალიკვიდაციო სამუშაოები მიმდინარეობს. ამ მომენტისათვის ადგილზე ღია ცეცხლის კერა აღარ არის. მიმდინარეობს ცალკეული მონაკვეთების დამუშავება, როგორც ცოცხალი ძალის, ასევე ვერტმფრენების საშუალებით. სიტუაცია კონტროლს ექვემდებარება. მთელი ღამის განმავლობაში ადგილზე უწყვეტ რეჟიმში მუშაობდა თბილისის, შიდა ქართლის, იმერეთის, სამცხე-ჯავახეთის, ქვემო ქართლის და მცხეთა-მთიანეთის სახანძრო-სამაშველო ჯგუფები. სულ 250-მდე მეხანძრე-მაშველი. პროცესში ჩართული იყო სახანძრო სამაშველო და დამხმარე ტექნიკა. გათენებისთანავე განაახლა მუშაობა შინაგან საქმეთა სამინისტროს სასაზღვრო პოლიციის სამმა ვერტმფრენმა. სოფელ საყავრესთან ხანძარი 22 ... ...
  • საზარელი მკვლელობა კახეთში - ცხედარი, სავარაუდოდ, დაანაწევრეს და მდინარეში გადააგდესგურჯაანის რაიონის სოფელ ვეჯინში 34 წლის ვ. მ-შვილი, სავარაუდოდ, მოკლეს, ცხედარი დაანაწევრეს და მდინარე ალაზნის სარწყავ არხში გადააგდეს. პოლიციას არავინ ჰყავს დაკავებული და ვერც გვამი იპოვეს, _ ინფორმაციას reginfo ავრცელებს. ვ. მ-შვილი სოფელ ძირკოკის მკვიდრია. ოჯახის წევრებს ის 2 აგვისტოს შემდეგ აღარ უნახავთ, თუმცა შინაგან საქმეთა სამინისტროში „რეგინფოს“ უთხრეს, რომ ახალგაზრდის გაუჩინარების შესახებ შეტყობინება 16 აგვისტოს მიიღეს. პოლიციამ გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს. „რეგინფომ“ გამოარკვია, რომ ბოლოს ვ. მ-შვილი მეზობელ სოფელში, ვეჯინში, ერთ-ერთ ოჯახში ნახეს, სადაც ის ხშირად მიდიოდა. ახალგაზრდები ნასვამ მდგომარეობაში იმყოფებოდნენ და ჩხუბი მოუვიდათ. ერთ-ერთი პირი პოლიციისთვის მიცემულ ჩვენებაშიც აღნიშნავს, რომ ვ. მ-შვილი მოკლეს, ცხედარი დაანაწევრეს, ტაქსი გამოიძახეს, საბარგულში მოათავსეს და მდინარე ალაზნის სარწყავ არხში გადააგდეს. პოლიციამ ტაქსის მძღოლი დააკავა, თუმცა მალევე გაათავისუფლეს. „რეგინფოს“ შინაგან საქმეთა სამინისტროში უთხრეს, რომ დაკავებული არავინ ჰყავთ. გვამის პოვნის მიზნით, 21 და 22 აგვისტოს მდინარე ალაზნის სარწყავ არხში წყალიც დაწყვიტეს, მაგრამ ცხედარი ვერ ... ...

არქივი

ზაფრანი

როგორ ვიშოვნოთ ფული ზოდიაქოს ნიშნის მიხედვით

ადამიანების უმრავლესობა ოდითგანვე დაეძებდა გზებს...

დაუჯერებლად თავხედი 3 ქალი ზოდიაქოს ნიშნის მიხედვით

ალბათ, ოცდამეერთე საუკუნეში ქალის სითამამე...

ასტროლოგია და ასაკობრივი კრიზისი ბავშვებში

საყოველთაოდ ცნობილი ფაქტია, რომ ადამიანის...

ასტროლოგია ბავშვების სწორად აღზრდის შესახებ

ამბობენ - "მშობლებს არ ირჩევენ"...

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...
კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...