გამოცხადებული არჩევნების ქრონიკა

gurianews.com

საზოგადოება

გამოცხადებული არჩევნების ქრონიკა

2015 ოქტ 4 01:19:44

 სასტუმრო "ჰოლიდეი ინი" დღეს განვითარებული სპორტულ–პოლიტიკური მოვლენების ეპიცენტრში აღმოჩნდა. დილიდანვე სასტუმროს  წინ ორი კანდიდატის, ლევან კობიაშვილისა და რევაზ არველაძის მხარდამჭერები იყვნენ შეკრებილი.

კობიაშვილის მხარდამჭერები უფრო ორგანიზებულები აღმოჩნდნენ, ტრანსპარანტებითა და რუპორებით  შეიაღარებული  ახალგაზრდები კობიაშვილის სახელს ხმამაღლა სკანდირებდნენ .  გავრცელდა ხმა, რომ ყრილობის დელეგატები,  ოთახში იყვნენ  გამომწყვდეულები, მაგრამ ვინ იდგა ამ ყველაფრის უკან, გაურკვეველი დარჩა.   ისინი რევაზ არველაძეს მოუწოდებდნენ, შეეწყვიტა ზეწოლა დელეგატებზე და  და მიეცა მათთვის დამოუკიდებელი გადაწყვეტილების მიღების საშუალება.

"ჰოლიდეი ინის"  ვრცელ  ჰოლში  რევაზ არველაძის გულშემატკივრები და ოჯახის წევრები იყვნენ მობილიზებულები.

ყრილობა, რომელიც 11 საათზე  უნდა დაწყებულიყო,   გაურკვეველი დროით გადაიდო.  ამის მიზეზად ერთ – ერთი დელეგატის გობეჯიშვილის დაპატიმრება დასახელდა.

"გურიას"  ყოფილმა  ფეხბურთელმა  დავით უგრელიძემ   განაცხადა, რომ ქართულ ფეხბურთში ცვლილებების დრო მოვიდა. "რაც  უმსგავსობა ხდებოდა დღემდე ქართულ ფეხბურთში, ყველაფერი იცოდა რეზო არველაძემ, მაგრამ არასოდეს ხმა არ ამოუღია.  დროა ისეთი კაცი მოვიდეს ფედერაციაში, რომელსაც სუფთა წარსული აქვს  და ვერავინ ვერაფერს წამოაძახებს.  წავიდეს არველაძე კლუბში და თუ ასე უნდა იქედან დაეხმაროს ფეხბურთის განვითარებას. სულ ფედერაციაში ხომ ვერ იქნება? აცადონ დელეგატებს დამოუკიდებელად გადაწყვეტილების მიღება და ისინი  სამართლიან არჩევანს გააკეთებენ."

დაახლოებით დღის ორ საათზე  არჩილ არველაძე გამოჩნდა სასტუმროს ჰოლში და გარეთ მყოფ გულშემატკივარს რეზო არველაძის მხარდაჭერისკენ მოუწოდა. მისმა ხმამაღალმა განცხადებებმა ცოტათი გაამწვავა მდგომარეობა  ორ დაპირისპირებულ მხრეს შორის. ორივე კანდიდატის  ახალგაზრდა გულშემატკივრებს შორის სიტყვიერი შელაპარაკება მოხდა, მაგრამ სიტუაციის განეიტრალება სწრფად მოხერხდა.

სასამართლოდან დაბრუნებულმა დელეგატმა  გობეჯიშვილმა განაცხადა, რომ მიუხედავად იმისა, რომ მას ხმის მიცემის უფლება შეუწყდა, მისი ხმა რევაზ არველაძეს ეკუთვნის.  

მთელი დღის დამღლელი მოლოდინის შემდეგ საღამოს ექვსი საათისთვის  სასტუმროს წინ შეკრებილი გულშემატკივრები თანდათან დაიშალნენ და ადგილზე მხოლოდ კანდიდატების ახლობლები და ჟურნალისტები დარჩნენ. დაახლოებით შვიდ საათზე,  საკონფერენციო დარბაზიდან გამოსულმა ფეხბურთის ფედერაციის პრესსამსახურის ხელმძღვანელმა ლაშა დვალიშვილმა განაცხადა, რომ ჯერეჯერობით გაურკვეველი იყო სხდომის დაწყების დრო.  ხმის  მიცემის უფლება შეუწყვიტეს,   გურიისა და რაჭა–ლეჩუმის ფედერაციებს.

როგორც რევაზ არველაძის მხარდამჭერები აცხადებდნენ,   ორივე დელეგატი ხმას არველაძეს აძლევდა და სწორედ ამიტომ მოხდა მათი ჩამოშორება საარჩევნო პროცესიდან.

  კახა ებრალიძისა  და  გია შარაბიძისთვის ხმის ჩამორთმევის უფლების შემდეგ,  არჩევნებში  33 დელეგატს დარჩა  მონაწილეობის მიღების უფლება.

ქვეყნის ვიცე პრემიერის კახი კალაძის მიერ  გაკეთებული განცხადებები, რომ "სახელმწიფო არ ერევა ფედერაციის პრეზიდენტის არჩევნებში, მაგრამ ძალიან სამწუხაროა, რომ ქართულ ფეხბურთზე ნარკოტიკების მომხმარებლები გვესაუბრებიან,"  დამატებითი  არგუმენტი აღმოჩნდა არველაძის გულშემატკივრებისთვის, რომლებიც ღიად საუბრობენ  სამთავრობო გუნდის კობიაშვილისადმი მხარდაჭერაზე.

საღამოს ცხრა საათზე დაიწყო ხმების დათვლა. ალექსანდრე ჩივაძემ შესთავაზა დამსწრე საზოგადოებას, ან დაჩრენილიყვნენ  და დასწრებოდნენ ხმების დათვლას, ან დაეტოვებინათ დარბაზი. რა თქმა უნდა, არავის გამოუთქვამს დარბაზის დატოვების სურვილი.

ხმათა უმრავლესობით საქართველოს ფეხბურთის ფედერაციის პრეზიდენტი ლევან კობიაშვილი გახდა. მან ემოცია ვერ შეიკავა, როცა სიტყვით გამოსვლა შესთავაზეს. "ამ დღეს თავისუფლად შევადარებ იმ დღეს, როცა პირველად მივედი ფეხბურთზე, როცა ნაკრებში გამომიძახეს. ეს არაა მხოლოდ ჩემი გამარჯვება. ეს მთელი ქართული ფეხბურთის გამარჯვებაა."

კობიაშვილმა მადლობა გადაუხადა გულშემატკივარებს, რომლებიც მთელი  დღის განმავლობაში  "ჰოლიდეი იმთან" იმყოფებოდნენ.


ნახვა: 9


 ახალი ამბები
  • ყაჩაღობის, პოლიციელებზე თავდასხმისა და იარაღის უკანონონო შეძენა-ტარების ბრალდებით 1 პირი დააკავესშინაგან საქმეთა სამინისტროს თბილისის პოლიციის დეპარტამენტის გლდანი-ნაძალადევის სამმართველოს თანამშრომლებმა ყაჩაღობის, პოლიციელებზე თავდასხმის და ცეცხლსასროლი იარაღის მართლსაწინააღმდეგო შეძენა-შენახვა-ტარების ბრალდებით წარსულში ქურდობისთვის ნასამართლევი, პირობითი მსჯავრის ქვეშ მყოფი - 1991 წელს დაბადებული შ.კ. თბილისში დააკავეს. მის მიერ ჩადენილი დანაშაული 8-დან 12 წლამდე თავისუფლების აღკვეთას ითვალისწინებს. მიმდინარე წლის 12 იანვარს, გლდანში, ხილ-ბოსტნეულის ერთ-ერთ მაღაზიაზე ცეხლსასროლი იარაღით ყაჩაღური თავდასხმა მოხდა. თბილისის პოლიციის დეპარტამენტის გლდანი-ნაძალადევის სამმართველოში გამოძიება ყაჩაღობის ფაქტზე დაიწყო. გამოძიების ფარგლებში, სამართალდამცველებმა დანაშაულში შესაძლო მონაწილე პირის იდენტიფიცირება შეძლეს. 15 იანვარს, შ.კ. არ დაემორჩილა პოლიციელების კანონიერ მოთხოვნას, მათი მიმართულებით ცეცხლსასროლი იარაღიდან რამდენიმე გასროლა განახორციელა და მიიმალა. სროლის შედეგად არავინ დაშავებულა. სამართალდამცველებმა ცხელ კვალზე ჩატარებული ოპერატიული-სამძებრო და საგამოძიებო ღონისძიებების შედეგად შ.კ თბილისში დააკავეს. გამოძიება ყაჩაღობას და პოლიციელზე თავდასხმას ფაქტზე მიმდინარეობს სისხლის სსკ-ს 179-ე მუხლის მე-3 ნაწილით, 353-ე (პრიმა) მუხლის 1-ლი ნაწილით და 236-ე მუხლის მე-2 და მე-3 ნაწილებით. დანაშაული 8-დან 12 წლამდე ვადით თავისუფლების აღკვეთას ... ...
  • იტალიაში ყოფილი შეყვარებულის ცემის ფაქტზე საქართველოს მოქალაქე დააკავესიტალიაში ყოფილი შეყვარებულის ცემის ფაქტზე საქართველოს მოქალაქე დააკავეს. როგორც ადგილობრივი მედია იუწყება, ინციდენტი კაპრის ქუჩაში მოხდა. კარაბინიერებმა დააკავეს 31 წლის, საქართველოს მოქალაქე, რომელიც ალკოჰოლის ზემოქმედების ქვეშ იმყოფებოდა და ყოფილ შეყვარებულს სასტიკად გაუსწორდა. გამოძიების ცნობით, მამაკაცმა ქალს რამდენჯერმე დაარტყა. დამნაშავე პოლიციამ დააპატიმრა და განყოფილებაში გადაიყვანა. ახალგაზრდა ქალი მრავლობითი დაზიანებებით საავადმყოფოში გადაიყვანეს. გამოძიების ცნობით, მამაკაცი ქალს ეჭვიანობის ნიადაგზე დაესხა თავს. ... ...
  • სამაუწყებლო კომპანია რუსთავი 2 განცხადებას ავრცელებსსამაუწყებლო კომპანია რუსთავი 2 "ევროპული საქართველოს" იმ განცხადებას ეხმაურება, რომელშიც ნათქვამია, რომ  „კურიერში“ NDI-ის კვლევის შესახებ მომზადებული სიუჟეტის საავტორო ტექსტი მცდარ ფაქტებზე დაყრდნობით იყო დაწერილი."NDI-ის მიერ გამოქვეყნებული საზოგადოებრივი აზრის მონაცემების დამუშავებისა და სისტემაში შეყვანის დროს, 18 იანვარს "კურიერში" 21.00 საათზე, გაიპარა შეცდომა. კვლევის პოლიტიკური ნაწილი შედგებოდა სამი სლაიდისგან: 54-ე სლაიდზე დატანილი იყო 4 პარტიის "ქართული ოცნების", ენმ-ის, "ევროპული საქართველოს" და "პატრიოტთა ალიანსის" მაჩვენებლები. შემდეგ იყო დინამიკა - როგორ იცვლებოდა პოლიტიკური პარტიების მხარდაჭერა. ამ სლაიდზე "ევროპული საქართველო" იყო მოხსენიებული სხვა პარტიებს შორის. PDF ფაილიდან სისტემაში მონაცემების გადატანის დროს მოხდა მექანიკური შეცდომა - ეთერში ითქვა, რომ 12-დან 4 პროცენტამდე დაეცა "ევროპული საქართველოს" მხარდამჭერთა რიცხვი. ტექსტი კი უნდა ყოფილიყო - 12%-მდე დაეცა სხვა პარტიების მხარდამჭერთა რიცხვი. ტელეკომპანია აცნობიერებს, რომ NDI-ის კვლევებში "ევროპულ საქართველოს" არასდროს ჰქონია მოქალაქეების 12% მხარდაჭერა და შესაბამისად, ვერ მოხდებოდა მისი კლებაც. აღნიშნულთან დაკავშირებით იმ დღესვე მოხდა კომუნიკაცია "ევროპული საქართველოს" ლიდერებთან. ტელეკომპანიამ აღიარა შეცდომა და პარტიის წარმომადგენლებს განემარტათ მომხდარის დეტალები. რუსთავი 2 აპირებდა დღეს იმავე ფორმატში არაზუსტი ინფორმაციის უარყოფას. სამწუხაროდ, "ევროპულმა საქართველომ" სამაუწყებლო კომპანია რუსთავი 2-თან დაკავშირებით გაავრცელა არაკორექტული და სიცრუის შემცველი განცხადება (საუბარია პარტიის განცხადების ბოლო ნაწილზე) და გაიმეორა ბიძინა ივანიშვილისა და "ქართული ოცნების" ნარატივი რუსთავი 2-თან დაკავშირებით. დარწმუნებული ვართ, საპარლამენტო უმცირესობის ეს განცხადება გამოყენებული იქნება ხელისუფლების მიერ რუსთავი 2-ის წინააღმდეგ. მიგვაჩნია, რომ პროდასავლური მსხვილი ოპოზიციური პარტიისთვის, რომლისთვისაც, ისევე როგორც ყველა სხვა პროდასავლური პარტიებისთვის, ერთადერთი მედიაპლატფორმა რუსთავი 2-ია, სრულიად დაუშვებელი და უპასუხისმგებლოა ამ შინაარსის განცხადებების გავრცელება. საჭიროდ მივიჩნევთ, მოვუწოდოთ "ევროპულ საქართველოსა" და მის ცალკეულ ლიდერებსა და წევრებს, გავრცელებული არაკორექტული განცხადების გამო მოუხადონ ბოდიში სამაუწყებლო კომპანია რუსთავი 2-ს, რათა მომავალშიც გაგრძელდეს ნაყოფიერი თანამშრომლობა ჩვენ შორის", _ ნათქვამია განცხადებაში. ... ...
  • ცვლილებები Facebook-ზე _ სანდო საინფორმაციო წყაროებს მომხმარებლები თავად გამოავლენენ რომელი საინფორმაციო წყაროა სანდო, ხოლო რომელი დეზინფორმატორი, ამას Facebook-ის მომხმარებლები თავად გადაწყვეტენ. Facebook-ის დამფუძნებელმა მარკ ცუკერბერგმა სოციალური ქსელის პრიორიტეტების ცვლილებასთან დაკავშირებით მის მიერ ცოტა ხნის წინ გაკეთებული განცხადების შემდეგ, ახალი განმარტება გაავრცელა. ცუკერბერგის თქმით, Facebook-ის მომხმარებლებს გაუჩნდებათ შესაძლებლობა, ინფორმაციის ხარისხზე თავად იქონიონ გავლენა. ამისათვის, მათ ხმა უნდა მისცენ ინფორმაციის სანდო წყაროებს. „გადავწყვიტეთ, ყველაზე ობიექტური იქნება, მომხმარებლებს მივანდოთ იმის განსაზღვრა, თუ რომელი წყარო არის ყველაზე სანდო“, – აცხადებს მარკ ცუკერბერგი. Facebook-ი  ამა თუ იმ წყაროს სანდოობას მომხმარებლების მიერ გამოკითხვებისას მიცემული ხმების მიხედვით შეაფასებს და ჩამოაყალიბებს რეიტინგს, რომლის ლიდერებიც სიახლეების ზოლში მოხვდებიან. მარკ ცუკერბერგის ინფორმაციით, სიახლე უკვე მომავალი კვირიდან ამოქმედდება. ცუკერბერგი ხაზს უსვამს, რომ თანამედროვე მსოფლიოში არის სწრაფვა სენსაციებისადმი, ძალიან ბევრი დეზინფორმაციაა. „სოციალური მედია საშუალებას აძლევს ხალხს, უფრო სწრაფად გაავრცელოს ინფორმაცია, ვიდრე ოდესმე. ამიტომაც, თუ არ გამოვრიცხავთ პრობლემებს ახლა, ჩვენ ამ პრობლემებს გავაძლიერებთ“, – აცხადებს მარკ ცუკერბერგი. სიახლეების რაოდენობას რაც შეეხება, ცუკერბერგი განმარტავს, რომ ის ამჟამინდელი, დაახლოებით 5%-დან 4%-მდე შემცირდება. მარკ ცუკერბერგმა რამდენიმე დღის წინ სოციალური ქსელის სიახლეების ზოლის ფორმირების ალგორითმში ცვლილებები დააანონსა. ამ ინფორმაციის თანახმად, Facebook-ზე მნიშვნელოვნად უნდა შემცირებულიყო სარეკლამო პუბლიკაციების რაოდენობა – მომხმარებელს ახალი ამბების ველში უფრო ხშირად შეხვდებოდა ოჯახის წევრებისა და ახლობელი ადამიანების პოსტები, ვიდრე რეკლამები, სხვადასხვა ორგანიზაციის პოსტები და სტატიები. ამ ინფორმაციის გავრცელების შემდეგ, Facebook-ის აქციების ღირებულებამ 4,5%-ით დაიწია და Bloomberg Billionaires Index-ის თანახმად, მარკ ცუკერბერგმა 74 მლნ აშშ დოლარით იზარალა. ... ...
  • გამთენიისას პირველი არხის შესასვლელის მინები ჩაამსხვრიეს გამთენიისას, დაახლოებით 05:00 საათზე პირველი არხის შესასვლელის მინები ჩაამსხვრიეს. დაცვის თანამშრომლებმა ადგილზე პოლიცია გამოიძახეს. პირველი არხი შინაგან საქმეთა სამინისტროს დაუკავშირდა, სადაც განაცხადეს, რომ დაკავებულია ორი პირი. მათ ბრალად ედებათ წვრილმანი ხულიგნობა და სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა. „შინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს სამმართველოს თანამშრომლებმა, ადმინისტრაციულ სამართალდარღვევათა კოდექსის 166-ე (წვრილმანი ხულიგნობა) და 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) მუხლებით ორი პირი: 1997 წელს დაბადებული გ.ხ. და 1998 წელ დაბადებული ი.ტ. დააკავეს. გამოძიების პირველადი ინფორმაციით, აღნიშნულმა პირებმა დაკავებამდე პირველი არხის შენობის წინა ფასადური მინა დააზიანეს. ფაქტზე გამოძიება საქართველოს სსკ-ს 187-ე მუხლით მიმდინარეობს, რაც ნივთის დაზიანება ან განადგურებას გულისხმობს და დანაშაული 1-დან 3 წლამდე ვადით თავისუფლების აღკვეთას ითვალისწინებს“, – განუცხადეს პირველ არხს შინაგან საქმეთა სამინისტროში. ... ...

არქივი

ზაფრანი

როგორ მივხვდეთ, მოვწონვართ თუ არა თანამშრომლებს

სამსახურში ბევრი ადამიანი თავს იზოლირებულად ...

შხამიანი ჩიტები

მეცნიერებმა ახალ გვინეაში მიაკვლიეს ბეღურასნაირთა...

მფრინავი დრაკონი

როგორც აღმოჩნდა, არსებობს არა მარტო...

ყველაზე ფოტოგენური კინომსახიობები

ცოტა ხნის წინ გაზეთ "ტელეგრაფის"...

ლიფტით კოსმოსში

არცთუ დიდი ხნის წინ ლონდონის...

საოცარი ხარცხვარი

გრენლანდიაში, ჩრდილოეთ კანადასა და ალასკაზე...
კარმიდამო ჩემი

კარტოფილის სასწაულებრივი ძალა

კარტოფილი არა მარტო გემრიელი საკვებია,...

"შემოდგომის ყვავილებს ჩემში მზე შემოჰყავს!"

თითქოს ჩვეულებრივი და მაინც ყველასგან...

ჩაი _ მსოფლიო საუნჯე

ასე კარგად ნაცნობი ჩაის კულტურა,...

მცენარეთა დაცვისთვის ინტეგრირებული სისტემა უნდა ამოქმედდეს

სასოფლო-სამეურნეო კულტურების მავნე ორგანიზმებისგან დაცვა...

სამარხვო კერძი სოკოსგან პიურეთი

ნახევარი კილოგრამი სოკო და ორი...

სასარგებლო "სარეველები"

სასარგებლო "სარეველები" - აი, რა...

ცაცხვის სამკურნალო თვისებები

ცაცხვს სამკურნალო თვისებებს სძენს ბიოლოგიურად...

მეფუტკრე ქალის გზა _ უნდობლობიდან ძლიერი იმიჯის შექმნამდე

"მინდოდა მქონოდა ნატურალური თაფლი. ამიტომ...

როგორ გამოვიყვანოთ ცხოველი ტყავი

პატივცემულო რედაქცია, როგორც ვიცით, სამი...

დავთესოთ მწვანილეული და ცერცვი

ჩვენს მკითხველს მუდამ ვურჩევთ, რომ...