"რუსთავი 2" მიზანმიმართულად ავრცელებს სიცრუეს"

საზოგადოება

"რუსთავი 2" მიზანმიმართულად ავრცელებს სიცრუეს"

11 ოქტ. 2015, 17:54:10

არასამთავრობო ორგანიზაცია "ადამიანის უფლებათა ცენტრი" ტელეკომპანია "რუსთავი 2"-ს  მცდარი ინფორმაციის გავრცელებასა და მიკერძოებულობაში დებს ბრალს. ორგანიზაცია "რუსთავი 2-"ის საინფორმაციო გადაცემა "კურიერში" გასული  სიუჟეტის გამო განცხადებას ავრცელებს, რომელსაც უცვლელად გთავაზობთ:

"ადამიანის უფლებათა ცენტრი ეხმაურება "რუსთავი 2"-ის საინფორმაციო გადაცემა "კურიერის" მიერ 9 ოქტომბერს მომზადებულ სიუჟეტს - "2012 წელს გათავისუფლებული ახმედ ჩატაევი აშშ-მ გლობალურ ტერორისტთა სიაში შეიყვანა".

სიუჟეტის პათოსის თანახმად, ახმედ ჩატაევი 2012 წლის აგვისტოს სპეცოპერაციისას დააკავეს, როგორც ტერორისტი, მაგრამ ახალმა ხელისუფლებამ იგი პატიმრობიდან გაათავისუფლა. სიუჟეტში ასევე ითქვა, რომ ჩატაევის გათავისუფლებას ზოგიერთი არასამთავრობო ორგანიზაცია და უფლებადამცველიც მოითხოვდა. მათ შორის "რუსთავი 2"-მა ხაზგასმით გამოყო სახალხო დამცველი უჩა ნანუაშვილი, რომელიც 2012 წელს ადამიანის უფლებათა ცენტრს ხელმძღვანელობდა.

თემაზე მუშაობისას "რუსთავი 2"-ის ჟურნალისტს ადამიანის უფლებათა ცენტრმა სრული ინფორმაცია მიაწოდა, თუ რა ბრალდებით იყო დაკავებული ახმედ ჩატაევი და რამდენად უსაფუძვლო იყო ეს ბრალდება.

კერძოდ, ადამიანის უფლებათა ცენტრის აღმსრულებელმა დირექტორმა ჟურნალისტს განუცხადა, რომ ჩატაევი არ იყო იმ დაჯგუფების წევრი, რომელიც 2012 წლის აგვისტოში ლოპოტას ხეობაში გადაადგილდებოდა. პირიქით, ჩატაევი დაახლოებული იყო მაშინდელი შსს-ს ყველაზე გავლენიანი დეპარტამენტის - კუდ-ის მაღალჩინოსნებთან, რომლებმაც იგი 28 აგვისტოს ლოპოტას ხეობაში მოსალაპარაკებლად გაგზავნეს.

 იმ დროს, როცა სპეცრაზმმა ხეობაში მყოფი დაჯგუფების ლიკვიდაციის ბრძანება მიიღო,  სამიზნე ახმედ ჩატაევიც გახდა. იგი მძიმედ დაიჭრა ფეხში და თავს გაქცევით უშველა. 10 დღის შემდეგ კი მესაზღვრეებს ჩაბარდა, რომლებმაც იგი სამართალდამცველ ორგანოებს გადასცეს. პროკურატურამ ბრალად ასაფეთქებელი მოწყობილობის უკანონოდ ტარება წაუყენა. ჩატაევი უარყოფდა ყოველგვარი საბრძოლო მასალის ფლობას, რადგან მისი მიზანი არ იყო მესაზღვრეებისთვის წინააღმდეგობის გაწევა, პირიქით - მას ესაჭიროებოდა სასწრაფო დახმარება, რადგან ფეხზე მიყენებული ჭრილობა მის სიცოცხლეს საფრთხეს უქმნიდა. გამოძიების მსვლელობისას, 2012 წლის არჩევნების შემდგომ, ბრალდების მხარის მთავარმა მოწმეებმა - მესაზღვრეებმა დაადასტურეს, რომ შსს-ს მოთხოვნით ჩატაევის წინააღმდეგ იძულებით მისცეს ჩვენებები და სინამდვილეში დაკავებულს იარაღი ან საბრძოლო მასალა არ ჰქონია. პროკურატურამ ჩატაევი გაათავისუფლა ბრალდების უსაფუძვლობის გამო.

ჩატაევის მიმართ წაყენებულ უსაფუძვლო ბრალდებებთან დაკავშირებით  "რუსთავი 2"-ის ჟურნალისტმა ადამიანის უფლებათა ცენტრის აღმასრულებელი დირექტორის ვრცელი კომენტარი ჩაწერა და მისგან წერილობითი სახითაც მიიღო ინფორმაცია. ჟურნალისტმა იცოდა, რომ ჩატაევს ტერორიზმში ბრალი წაყენებული არ ჰქონია. ამის მიუხედავად, სიუჟეტში იგი მაინც დაბეჯითებით ითხოვდა პასუხს კითხვაზე: "რატომ გათავისუფლდა სასჯელაღსრულების დაწესებულებიდან ტერორისტულ საქმიანიანობაში ეჭვმიტანილი ჩატაევი". სიუჟეტი სწორედ ასე დასრულდა - მრავლისმეტყველი კითხვის ნიშნით და ქვეტექსტით, რომ დღეს მოქმედი სახალხო დამცველი და ადამიანის უფლებათა ცენტრი ტერორისტს იცავდნენ და ხელისუფლებას მის გათავისუფლებაში დაეხმარნენ. 

"რუსთავი 2"-ის პოლიტიზებული სიუჟეტი ემსახურებოდა ერთი პოლიტიკური პარტიის - "ნაციონალური მოძრაობის" ინტერესებს, რომელიც დღემდე ამართლებს ამ პარტიის წარმომადგენელთა ხელისუფლებაში ყოფნისას ჩადენილ დანაშაულებს, მათ შორის - ათასობით ადამიანის უკანონო დაპატიმრებებს. ახმედ ჩატაევი სწორედ ერთ-ერთი იყო იმ ათასებს შორის, რომლის უფლებების უხეშ დარღვევებს აპროტესტებდა ადამიანის უფლებათა ცენტრი და მოითხოვდა მის გათავისუფლებას.

ის ფაქტი, რომ ახმედ ჩატაევი ახლახან აშშ-მ ტერორისტთა სიაში შეიყვანა, არანაირად არ ეხება 2012 წლის სექტემბერში მის მიმართ უკანონოდ აღძრულ სისხლის სამართლის საქმეს და ბრალდებებს, რაც ძალიან კარგად ესმის "რუსთავი 2"-საც და მის დამკვეთ "ნაციონალურ მოძრაობასაც". სხვა შემთხვევაში, ტელევიზია გვერდს არ აუვლიდა 2012 წელს ახმედ ჩატაევისა და მაშინდელი შსს-ს მაღალჩინოსნების ურთიერთთანამშრომლობის ფაქტს და ასევე, ყურადღებას გაამახვილებდა ლაფანყურის სისხლიანი სპეცოპერაციის გამოძიების აუცილებლობაზეც, რასაც ადამიანის უფლებათა ცენტრი და სახალხო დამცველი, უჩა ნანუაშვილი წლებია, უშედეგოდ მოითხოვს."




 ახალი ამბები
  • პენიტენციური სამსახურის ესკორტის ოფიცრებმა დავით ჭაკუას გადმოყვანა განახორციელესსპეციალური პენიტენციური სამსახურის ესკორტის ოფიცრებმა გერმანიის ფედერაციული რესპუბლიკიდან საქართველოს სამართალდამცავი ორგანოების მიერ ძებნილ დავით ჭაკუას (სასჯელაღსრულების დეპარტამენტის ყოფილი უფროსი) გადმოყვანა განახორციელეს. დავით ჭაკუას 2013 წლის 8 იანვრის დადგენილებით დაუსწრებლად წარედგინა ბრალი საქართველოს სისხლის სამართლის კოდექსის: 332-ე მუხლის მე-3 ნაწილის „ბ“ და „გ“ ქვეპუნქტებით (სამსახურებრივი უფლებამოსილების ბოროტად გამოყენება, ჩადენილი ძალადობით და დაზარალებულის პირადი ღირსების შეურაცხყოფით); 25,1443 მუხლის მე-2 ნაწილის „ა“, "ბ“, „დ“, „ე“ ,„ზ“ და „დ“ ქვეპუნქტებით (პატიმართა არაადამიანური და დამამცირებელი მოპყრობის მიზნით წაქეზება, რაც გამოიხატა პატიმართა დამცირებაში, იძულებაში, მათ არაადამიანურ, ღირსებისა და პატივის შემლახავ მდგომარეობაში ჩაყენებაში, რაც მათ ძლიერ ფიზიკურ, ფსიქიკურ ტკივილს და მორალურ ტანჯვას აყენებს, ჩადენილი მოხელის მიერ სამსახურებრივი მდგომარეობის გამოყენებით, ორი ან მეტი პირის მიმართ, ჯგუფურად დაკავებულის მიმართ და შეკვეთით); 25,145-ე მუხლით (დანაშაულთა პროვოკაციის მიზნით წაქეზება); 3691-ე მუხლის მე-3 ნაწილით (განსაკუთრებით მძიმე დანაშაულის შესახებ სისხლის სამართლის საქმეზე მტკიცებულებების ფალსიფიკაციის მიზნით წაქეზება); 372-ე მუხლის მე-2 ნაწილით (მოწმეზე ზემოქმედების განხორციელება, რაც გამოიხატა მოწმის იძულებაში ცრუ ჩვენების მისაცემად, რასაც ერთვის მისთვის და მისი ახლო ნათესავისთვის ძალადობა და სხვა მუქარა) გათვალისწინებული დანაშაულებისათვის. ქ. თბილისის საქალაქო სასამართლოს 2013 წლის 28 ოქტომბრის განაჩენით დავით ჭაკუა ცნობილ იქნა დამნაშავედ საქართველოს სისხლის სამართლის კოდექსის 1443-ე მუხლის მეორე ნაწილის „ა“, „ბ“, „დ“ ,„ე“ და „ზ“ ქვეპუნქტებით გათვალისწინებული დანაშაულის ჩადენაში და ძირითადი სასჯელის სახედ განესაზღვრა 3 წლითა და 9 თვის ვადით თავისუფლების აღკვეთა. დავით ჭაკუას მიმართ 2013 წლის 27 თებერვლიდან გამოცხადებული იყო საერთაშორისო ძებნა ინტერპოლის წითელი ცირკულარით. 2019 წლის 20 დეკემბერს საქართველოს გენერალურმა პროკურატურამ დავით ჭაკუას ექსტრადიციის შუამდგომლობით მიმართა გერმანიის ფედერაციული რესპუბლიკის კომპეტენტურ ორგანოებს. საქართველოს გენერალური პროკურატურის შუამდგომლობა გერმანიის ფედერაციული რესპუბლიკის მხარის მიერ სრულად დაკმაყოფილდა 2020 წლის 17 ივნისს. საქართველოს იუსტიციის, შინაგან საქმეთა და საგარეო საქმეთა სამინისტროების და გენერალური პროკურატურის კოორდინირებული მუშაობის შედეგად, მიუხედავად კოვიდ19-ის ვირუსით განპირობებული გამოწვევებისა, შესაძლებელი გახდა გერმანიის ფედერაციული რესპუბლიკის სამართალდამცავ ორგანოებთან ნაყოფიერი თანამშრომლობა მსჯავრდებულის ბერლინიდან საქართველოში ესკორტირების მიზნით. მსჯავრდებული თავდაპირველად მოთავსებული იქნება პენიტენციური სისტემის სპეციალურ სამედიცინო საკარანტინო სივრცეში. 21-დღიანი საკარანტინე პერიოდის შემდეგ, ის გადაყვანილი იქნება იმ პენიტენციურ დაწესებულებაში, რომელშიც მოიხდის ... ...
  • “იაკობ ბრეგვაძის ამ საქმესთან შემხებლობის შესახებ, 22 ივნისს, მისი დედისგან შევიტყვე“შინაგან საქმეთა სამინისტროს საზოგადოებასთან ურთიერთობის დეპარტამენტის ხელმძღვანელი ნინო გიორგობიანი სოციალურ ქსელში 19 წლის გიორგი შაქარაშვილის საქმესთან დაკავშირებით პოსტს აქვეყნებს. “პირველ რიგში, უდიდეს მწუხარებას გამოვთქვამ 18 ივნისს მომხდარ ტრაგედიასთან დაკავშირებით და ვუსამძიმრებ ოჯახს. ვადასტურებ, რომ ამ საქმის ერთ-ერთი დაზარალებული, ფოტოგრაფი იაკობ ბრეგვაძე არის ჩემი ნათესავი, უფრო ზუსტად მამაჩემის დის შვილიშვილი. დაზარალებულის დამნაშავედ გამოცხადება არ მიკვირს იმ ადამიანებისგან, ვინც წლების მანძილზე, უმძიმეს დანაშაულში მხილებული თანაგუნდელების უდანაშაულობას უმტკიცებდა საზოგადოებას. იაკობ ბრეგვაძე ამ საქმეში არის დაზარალებული და ამ რეალობას ვერაფერი შეცვლის. ის ერთადერთია რომელმაც პოლიცია გამოიძახა. ბოლო დღეების განმავლობაში ვხედავ, როგორ ხდება მის მიმართ ცრუ ინფორმაციების გავრცელება და როგორც ჩანს ახლა ახალი კამპანიის აგორება არის გადაწყვეტილი. ამასთან ერთად, მოსალოდნელი სპეკულაციების თავიდან აცილების მიზნით, თავს ვალდებულად ვთვლი, საჯაროდ განვაცხადო, რომ იაკობ ბრეგვაძის ამ საქმესთან შემხებლობის შესახებ, მე მხოლოდ 22 ივნისს, მისი დედისგან შევიტყვე, რის გადამოწმებაც, უმარტივესად არის შესაძლებელი. არ გამოგივათ! იაკობ ბრეგვაძე დაზარალებულია! დარწმუნებული ვარ, გამოძიება ყველა კითხვას გასცემს პასუხს.“ - წერს ნინო ... ...
  • გომისმთაზე მიწის ნაკვეთების რეგისტრაციასთან დაკავშირებით ოზურგეთის მერია განცხადებას ავრცელებს (R)დაბა გომისმთაში მიწის ნაკვეთების რეგისტრაციასთან დაკავშირებით ოზურგეთის მერია განცხადებას ავრცელებს როგორც ცნობილია, საქართველოს მთავრობის 2020 წლის 21 მაისს N825 განკარგულებით, ოზურგეთის მუნიციპალიტეტში შეიქმნა დაბა გომისმთის დასახლება. შედეგად „მიწის ნაკვეთებზე უფლებათა სისტემური და სპორადული რეგისტრაციის წესისა და საკადასტრო მონაცემების სრულყოფის შესახებ“ საქართველოს კანონის შესაბამისად, სსიპ „საჯარო რეესტრის ეროვნული სააგენტო“ მიმდინარე თვიდან დაბაში იწყებს მიწების სისტემურ რეგისტრაციას. ოზურგეთის მუნიციპალიტეტის მერია გაფრთხილებთ, აღნიშნული პროცედურების დასრულებამდე თავი შეიკავოთ გომისმთის მიმართულებით სამშენებლო მასალების ტრანსპორტირებისგან მშენებლობების განხორციელების მიზნით! წინააღმდეგ შემთხვევაში თქვენს მიმართ გამოყენებული იქნება კანონმდებლობით გათვალისწინებული პასუხისმგებლობის ზომები,“-აღნიშნულია ... ...
  • კოალიცია „მედიის ადვოკატირებისთვის“ მთავრობას მედიის პატივისცემისაკენ მოუწოდებსკოალიცია „მედიის ადვოკატირებისთვის“ მთავრობას მედიის თავისუფლების წინააღმდეგ წამოწყებული პროცესების შეწყვეტისა და ჟურნალისტთა პროფესიული გაერთიანების პატივისცემისაკენ მოუწოდებს ჩვენ, კოალიცია „მედიის ადვოკატირებისათვის“ წევრი ორგანიზაციები დაუშვებლად მივიჩნევთ მცდელობას სახელმწიფომ დასაჯოს და კონტროლის ქვეშ მოაქციოს მედიასაშუალებები. ვფიქრობთ, მსგავსს პრეცენდენტს ქმნის სახელმწიფო უსაფრთხოების სამსახურის მიერ „საბოტაჟის“ მუხლით წარმოებული გამოძიება. რომელიც მიმართულია „მთავარი არხის“ სიუჟეტის შინაარსზე. მიგვაჩნია, რომ წამოწყებული პროცესით, კიდევ უფრო ღვივდება მედიის მიმართ უნდობლობა, და სახეზეა ცენზურის საფრთხე. გავრცელებული ინფორმაციით, სუს-მა „საბოტაჟის“ მუხლით გამოძიება 2020 წლის 16 მარტს უწყებაში შესული ოპერატიული ინფორმაციის საფუძველზე დაიწყო. გამოძიების ფარგლებში უსაფრთხოების სამსახური სწავლობს 2020 წლის 20 ივნისს, ტელეკომპანია „მთავარი არხის“ გადაცემა „შაბათის მთავარში“ გასულ სიუჟეტს, რომელიც ეხებოდა მარნეულის მუნიციპალიტეტში პანდემიის წინააღმდეგ სახელმწიფოს მიერ მიღებული ზომების პირობებში ხელისუფლების წარმომადგენელთა მიერ უფლებამოსილებების შესაძლო ბოროტად გამოყენებას. გამოიკითხა სიუჟეტის ყველა ფიგურანტი და რესპოდენტი, ხოლო 2 ივლისს გავრცელებული ინფორმაციით, თბილისის საქალაქო სასამართლომ „მთავარი არხიდან“ რეპორტაჟის დაუმონტაჟებელი ვიდეო მასალის გამოთხოვის თაობაზე უწყების შუამდგომლობა დააკმაყოფილა. მიგვაჩნია, რომ არსებული რეალობა საგანგაშოა მედიის თავისუფლებისათვის და კრიტიკულად მნიშვნელოვანია დროულად მოხდეს დაშვებული შეცდომების გამოსწორება.სიუჟეტში პროფესიული გადაცდომის ან უზუსტობების შემთხვევაშიც კი სახელმწიფო ვალდებულია პატივი სცეს მედიის თავისუფლების ფუნდამენტურ პრინციპებს და ჟურნალისტთა პროფესიული გადაცდომების კორექციის საჭიროებისას უნდა გამოიყენოს მედიის თვითრეგულირების მექანიზმი, ისევე როგორც ჟურნალისტთა კოლეგიურ გაერთიანება - საქართველოს ჟურნალისტური ეთიკის ქარტია . კიდევ ერთხელ მოვუწოდებთ საქართველოს მთავრობას გასცეს დირექტივა მედიის თავისუფლების და უსაფრთხოების დასაცავად. ვითხოვთ, დროულად შეწყდეს მედიის თავისუფლების წინააღმდეგ წამოწყებული პროცესები და გაშუქების დეტალებზე პროფესიული სიზუსტის გამოკვლევისათვის საქმე გადაეცეს საქართველოს ჟურნალისტური ეთიკის ქარტიას ან /და შესწავლა დაიწყოს "მთავარი არხის" თვითრეგულირების მექანიზმის ... ...
  • ვინ არის 18 წლის ბიჭი, რომელიც მდინარე ტეხურუში დაიხრჩოცოტა ხნის წინ სენაკის მუნიციპალიტეტის სოფელ ნოქალაქევში, მდინარე ტეხურაში 18 წლის ბიჭი გადავარდა. როგორც გაირკვა, ის ადგილობრივი მკვიდრია.~ როგორც "გურია "ნიუსთან" თვითმხილველები ამბობენ, ბიჭს, სავარაუდოდ, გული გაუსკდა. შსს-მ მომხდარზე გამოძიება სსკ-ის 115-ე მუხლით აღძრა, რაც თვითმკვლელობამდე მიყვანას ... ...

არქივი

ტესტები

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...