ქალი და პოლიტიკა

gurianews.com

საზოგადოება

ქალი და პოლიტიკა

2016 თებ 22 22:09:00

ევროკავშირსა და საქართველოს შორის ინიცირებული ასოცირების ხელშეკრულების ფარგლებში, საქართველომ აიღო ვალდებულება, იზრუნოს და ხელი შეუწყოს  გენდერულ თანასწორობას. ხელშეკრულებაში ცალკე მუხლადაა გამოყოფილი დირექტივები, რომელიც დისკრიმინაციის სხვადასხვა ნიშნის აღმოფხვრას ეხება.

G-News TV-ის ყოველკვირეული გადაცემის _ "არჩევანი მე" გასული კვირის თემა საქართველოში არსებული გენდერული პოლიტიკა იყო.

იდუმალი და ხილული ბარიერები, პრობლემები, სახელმწიფო პოლიტიკა და საკანონმდებლო ინიციატივები, რომლებმაც ევროკავშირთან უნდა დაგვაახლოვოს _ ამ თემებზე სიუჟეტი "გურია ნიუსის" კორესპონდენტებმა თამთა კაკაურიძემ და აკაკი სიხარულიძემ მოამზადეს. სიუჟეტში არასამთავრობო ორგანიზაციების და სახალხო დამცველის წარმომადგენლებმა პრობლემის არსი განმარტეს და მოგვარების გზებზეც ისაუბრეს.

როგორია ქალების როლი პოლიტიკაში, ასრულებს თუ არა საქართველო ევროპის წინაშე აღებულ ვალდებულებებს, აუცილებელია თუ არა გენდერული კვოტები _ ამ მნიშვნელოვან თემებზე გადაცემაში საქართველოს პარლამენტის ადამიანის უფლებათა დაცვის კომიტეტის თავმჯდომარემ ეკა ბესელიამ ისაუბრა.

ბესელიას განცხადებით, თუ მამაკაცი პარლამენტარები საკანონმდებლო ორგანოში ინიცირებულ კვოტირების შესახებ კანონპროექტს მხარს დაუჭერენ, შესაძლოა, 2016 წლის პარლამენტში გაცილებით მეტი ქალი იყოს.

მისივე თქმით, "კვოტირება ქალებს ბარიერების გადალახვასა და სირთულეების გამკლავებაში დაეხმარება" და "იდეალურ მოცემულობამდე, როდესაც თანაბარი რაოდენობაა ქალების და მამაკაცების საკანონმდებლო ორგანოში, შორს ვართ".

 ეკა ბესელიას განცხადებით, მნიშვნელოვანია, პოლიტიკაში მოსვლის მსურველ ქალბატონებს ნაკლები ბარიერების გადალახვა მოუხდეთ: "მე, როგორც ქალი პოლიტიკოსი, რომელსაც გამივლია ერთადერთი თუ არა, ერთ-ერთი ყველაზე რთული პოლიტიკური გზა, რაც ქალ პოლიტიკოსებს გაუვლიათ ქართულ პოლიტიკაში, მიმაჩნია, რომ სხვა ქალბატონებს უნდა გავუიოლოთ ის ბარიერები, რომელიც ექმნებათ. ყველაზე მტკივნეულად მოვედი დღემდე და არც დღეს არ არის ჩემთვის პოლიტიკაში ყოფნა იოლი, სწორედ ჩემი გამოცდილებიდან გამომდინარე ვამბობ, რომ ამ ბარიერების შემცირება მნიშვნელოვანია.

სტერეოტიპები, ხელოვნური ბარიერები, ბევრი ფაქტორია, რომელიც ხელს უშლის ქალის მონაწილეობას პოლიტიკურ პროცესში. პარლამენტში არსებული გენდერული საბჭო ძალიან აქტიურად მუშაობს გენდერულ საკითხებზე, თანაბარ შესაძლებლობებზე, ქალთა მონაწილეობის გაზრდაზე, ძალიან ბევრს მუშაობს პირადად ჩემი კომიტეტიც. იმედს ვამყარებ, რომ ამ კომპლექსურ ღონისძიებებთან ერთად, ეს ახალი კანონპროექტიც, რომელიც უკვე პარლამენტშია ინიცირებული და მიმდინარეობს განხილვები, დაეხმარება ქალთა მეტ მონაწილეობას პოლიტიკაში. თუ კითხვა ასე დაისმება _ რატომ გვჭირდება ქალი პოლიტიკოსები, ვუპასუხებ _ იმისთვის, რისთვისაც მამაკაცი პოლიტიკოსები გვჭირდება. ის განსაკუთრებული უნარ-ჩვევები, რაც აქვთ ქალბატონებს, ისევეა საჭირო, როგორც მამაკაცი პოლიტიკოსების თვისებები. ეს ბალანსი საჭიროა იმისთვის, რომ პოლიტიკა იყოს უფრო აკადემიური, დაბალანსებული, კარგი, შედეგიანი და მეტი სიკეთის მომტანი," _ აღნიშნა ბესელიამ.

გადაცემის მეორე ბლოკში ჩვენი კორესპონდენტების ბექა უნგიაძის, სოფო წილოსანის, გიორგი გირკელიძის და ჟანა მეგრელიშვილის მიერ მომზადებული სიუჟეტი გავიდა, რომელიც გურიის ოთხივე მუნიციპალიტეტის გენდერულ პოლიტიკას ეხებოდა.

აღსანიშნავია, რომ "გურია ნიუსის" მკითხველს ჩვენ ვებგვერდზე _ www.gurianews.com შეეძლო საკუთარი მოსაზრება დაეფიქსირებინა კითხვაზე _ "უნდა იყოს თუ არა ქალი პოლიტიკაში?" ამ შეკითხვით ჩვენ მოქალაქეებსაც მივმართეთ და გამოკითხვის შედეგები გადაცემაში გავიდა, რომლის ბოლო ბლოკის სტუმრები გურიის გუბერნატორი გია სალუქვაძე და ჩოხატაურის მუნიციპალიტეტის საკრებულოს თავმჯდომარე ზაალ მამალაძე იყვნენ.

"თუ კი რაიმე თავის  მოწონება შეუძლია რეგიონს, ისაა, რომ ოთხივე მუნიციპალიტეტში გენდერული პრინციპი არა მხოლოდ დაცულია, უფრო მეტად ქალებისკენ არის გადახრილი, რასაც მე პირადად მივესალმები", _  აღნიშნა გურიის გუბერნატორმა გია სალუქვაძემ.

"ჩვენთან, გუბერნიაში, 35 საჯარო მოხელიდან 22 არის ქალბატონი და 13 _ მამაკაცი. ქალაქ ოზურგეთის მუნიციპალიტეტის საკრებულოში 15 დეპუტატიდან 7 ქალბატონია და, სავარაუდოდ, მაისში ჩასატარებელი ვადამდელ არჩევნებზე ქალბატონი დაემატება. ქალაქ ოზურგეთის მერიის 77 საჯარო მოხელიდან 42 ქალბატონია და 35 _ მამაკაცი. ქალაქ ოზურგეთის მუნიციპალიტეტის ა.(ა).ი.პ-ებში დასაქმებულია 822 ადამიანი, აქედან, 466 ქალია, 356 კი _ მამაკაცი. მინდა ვთქვა, რომ წამყვან თანამდებობებზე ქალბატონებს არიან. ოზურგეთის მუნიციპალიტეტის გამგეობაში დასაქმებულია 167 საჯარო მოხელე _ აქედან 104 კაცია, ხოლო  63 ქალი. აიპებში 820 ადამიანია აქედან 501 ქალია, ხოლო 319 კაცი.

ლანჩხუთის მუნიციპალიტეტის გამგეობაში 485 ქალია დასაქმებული და 105 მამაკაცი (აქ შედის ა.(ა).ი.პ-ებში დასაქმებულთან რიცხვი). ჩოხატაურის გამგეობაში დასაქმებულია 127 საჯარო მოხელე. აქედან 85 კაცია, ხოლო 42 _ ქალი", _ აღნიშნა გურიის გუბერნატორმა.

ჩოხატაურის მუნიციპალიტეტის საკრებულოს თავმჯდომარის ზაალ მამალაძის თქმით, საკრებულოში 38 წევრიდან ხუთი ქალბატონია და ხუთივე თანამდებობის პირია: "ხუთივე ქალბატონი თანამდებობის პირია _ ორი საკრებულოს კომისიის თავმჯდომარეა, ორი _ ფრაქციის თავმჯდომარე; რაც შეეხება მეხუთე ქალბატონს, ის სოფლის მეურნეობის სამინისტროს დაქვემდებარებაში არსებული საინფორმაციო ცენტრის ხელმძღვანელია. ისინი ძალიან აქტიურები არიან და ყოველთვის მივესალმები იმ ფაქტის, რომ წამყვან თანამდებობებზე იყვნენ ქალები", _ თქვა ზაალ მამალაძემ.

მისივე თქმით, ჩოხატაურის საკრებულოში არის გენდერული საკონსულტაციო საბჭო, რომელშიც საკრებულოს დეპუტატი ქალები არიან გაწევრიანებულები: "9 თებერვალს, ქალთა ფორუმზე საკრებულოს დეპუტატი ქალბატონები ბრძანდებოდნენ. რამდენიმე თვის წინ დეპუტატი მაია პაიჭაძე იმყოფებოდა კავკასიის ქალთა ფორუმზე.

ჩოხატაურის მუნიციპალიტეტის საკრებულოში ცალკე საშტატო ერთეული არ არის გამოყოფილი _ საუბარია მრჩეველზე გენდერულ საკითხებში. ვმუშაობთ ამ თემაზე _ საკრებულოში დასაქმებულ ერთ-ერთ ადამიანს დავავალებთ ამ კუთხით მუშაობას. ქალი დეპუტატები ასევე ჩართული იყვნენ გენდერული ბიუჯეტის პროექტირების დროს. შეიძლება არაორდინალური გადაწყვეტილება მივიღოთ და ეს საკითხი მამაკაცს ჩავაბაროთ", _ აღნიშნა მამალაძემ გადაცემაში სტუმრობისას.

ჩოხატაურის საკრებულოს თავმჯდომარე მიიჩნევს, რომ "ქალბატონებს შეურაცხყოფა არ მივაყენოთ, რადგან კვოტის გამო არ არიან ისინი დასაქმებულები": "ქალის ყოფნა პოლიტიკაში აუცილებლია, მაგრამ ეს არ უნდა იყოს ხელოვნური, რომ თვითონ ქალბატონებს შეურაცხყოფა არ მივაყენოთ _  ისინი კვოტის გამო არ არიან დასაქმებულები. მუშაობენ იმიტომ, რომ აქვთ სტატუსი, არიან ნიჭიერები და საზოგადოებას თავიანთ სათქმელს ეუბნებიან", _ აღნიშნა გადაცემაში სტუმრობისას ზაალ მამალაძემ. 

მისივე თქმით, საკრებულოს აპარატში 14 ადამიანია დასაქმებული და აქედან 8 ქალბატონია: "სამი განყოფილებაა აპარატში და აქედან, მხოლოდ ერთ-ერთის ხელმძღვანელია მამაკაცი", _ თქვა მამალაძემ.

გადაცემაში ჩვენ ვეცადეთ, ერთად გვესაუბრა რეალობაზე, რომელიც საქართველოში გენდერულ უთანასწორობას ქმნის. უთანასწორობა რომ თვალხილულია, ამას საქართველოს იუსტიციის მინისტრის თეა წულუკიანის პარლამენტში გამოსვლაც ადასტურებს: "სამწუხაროდ, მიწევს კაცივით მოქცევა, საკუთარი უფლებები რომ დავიცვა. კაცივით მოქცევა ნიშნავს ჩხუბს, რაც არაა კარგი სანახავი. ეს მიწევს იმისათვის, რომ ქალის უფლებები, მათ შორის პარტიაში, უკეთესად იყოს დაცული.

ჩავხედოთ წინა არჩევნების სიებს: კაცი, კაცი, კაცი, კაცი... მერე უცებ გაახსენდებათ,  რომ უი, ქალიც ხომ გვყავს და ჩაწერენ ქალებს. პარტიულ სიებში ქალები არ არიან  იმ ადგილებზე, რომელიც შეიძლება გამსვლელი იყოს.

თქვენ არ ყოფილხართ ქალი და არ იცით, რა გრძნობაა, როდესაც პარტიაში ბიჭები დასხდებიან და წერენ სიას, ქალები უნდათ მხოლოდ პლაკატების გამკვრელებად.." ._ ასე მიმართა დეპუტატ მამაკაცებს წულუკიანმა.

"გურია ნიუსი" თემაზე საუბარს ამ გადაცემით არ ასრულებსვ _ სულ მალე, ეთერში გავა ჩვენი ახალი პროექტი "მონოლოგიდან - დიალოგამდე", რომელიც სწორედ ქალთა უფლებების დაცვას და პოლიტიკაში მათი როლის გაძლიერებას შეუწყობს ხელს.

შეგახსენებთ, წელს საარჩევნო წელია და ვნახოთ, გაითვალისწინებენ პოლიტიკური პარტიები ევროსტანდარტებ, თუ ისევ ძველ გაზას აირჩევენ _ სიები პოლიტიკოსი "ბიჭებისთვის" შედგება, ქალები კი მხოლოდ პლაკატების გამკვრელებად დასჭირდებათ!

 დისკუსია გახსნილია, შემოგვიერთდით_- მოგვწერეთ თქვენი მოსაზრებები, წინადადებები ელექტრონულ ფოსტაზე: nato@gurianews.com.

გადაცემა _ "ქალი და პოლიტიკა" შეგიძლიათ ნახოთ აქ.


ნახვა: 68


 ახალი ამბები
  • რატომ გაათავისუფლა გურიის გუბერნატორმა მოადგილე, რომლის შესახებაც "არაფერი იცის"ჩვენი წყაროს ინფორმაციით, გურიის გუბერნატორმა ზურაბ ნასარაიამ, ყოფილი გუბერნატორის მერაბ ჭანუყვაძის კადრების გათავისუფლება დაიწყო. წყაროს თქმით, მან თანამდებობიდან წასვლა უკვე მოსთხოვა მოადგილეს არჩილ ყაზაიშვილს. აღნიშნულ ინფორმაციას ნასარაია არ ადასტურებს და ამბობს, რომ ამის შესახებ არაფერი იცის(?!): _ მე არავინ არ გამითავისუფლებია ჯერ. _ საკუთარი გადაწყვეტილებით წავიდა? _ არ ვიცი არაფერი. _ ჩვენი წყაროს მიერ მოწოდებული ინფორმაცია სიმართლე არ შეესაბამება? _ მე არ ვარ გურიაში. გუშინ თბილისში ვიყავი და ახლა გზაში ვარ. _ ბატონო ზურაბ,  არჩილ ყაზაიშვილისთვის არ გითქვამთ, რომ გათავისუფლების შესახებ განცხადება დაეწერა? _ ჩამოვალ და ვნახოთ, _ აღნიშნა გურია ნიუსთან“ საუბრისას ნასარაიამ. ის, რაც მხარის პირველმა პირმა არ დაგვიდასტურა, დაადასტურა არჩილ ყაზაიშვილმა, რომლის თქმით, განცხადება სამსახურიდან წასვლის თაობაზე პარასკევს დაწერა: _ კი, ბატონო, დაწერილი მაქვს განცხადება, _ გვითხრა ყაზაიშვილმა. გუბერნატორის უკვე ყოფილი მოადგილე, ამაში განსაკუთრებულს ვერაფერს ხედავს: _ ბატონო არჩილ, მიზეზად რა გითხრეს, როცა განცხადების დაწერა მოგთხოვეს? _ ალბათ სხვას მოიაზრებს მოადგილედ. ახალი გუბერნატორია და მისი გუნდის წევრი სურს. მოიყვანოს. _  როდის მოგთხოვათ თანამდებობის დატოვება? _ გვქონდა ჩვენ ამაზე საუბარი რამდენიმე დღის წინ და პარასკევს დავწერე განცხადება 24 სექტემბრიდან გათავისუფლების თაობაზე. _ ბატონო არჩილ, თქვენ მერაბ ჭანუყვაძის გუნდის წევრად მოიაზრებოდით და ხომ არ ფიქრობთ, რომ სამსახურიდან გათავისუფლება სწორედ ამას უკავშირდება? _ მაგას ვერ დაგიდასტურებთ, რადგან დეტალებზე საუბარი არ ყოფილა. _ ყოველგვარი ახსნა-განმარტების გარეშე დაგატოვებინეს თანამდებობა? _  ეს არის პოლიტიკური და არა პროფესიული თანამდებობა. შესაბამისად, როგორც პრემიერს სურს მისი გუნდი ყავდეს, ისე  სურს გუბერნატორსაც, რომელსაც აქვს ამის უფლება და შესაძლებლობა, _ აღნიშნა ჩვენთან საუბრისას ყაზაიშვილმა. რაც შეეხება დანარჩენ მოადგილეებს _ ამ ეტაპზე უცნობია,  დარჩებიან თუ არა თანამდებობებზე ქეთი მოისწრაფეშვილი და გია ებრალიძე. ორივე მათგანი ამ თანამდებობებზე ჭანუყვაძის გუბერნატორობამდე მუშაობდნენ და არ არის გამორიცხული, რომ ნასარაიამ ორივე დატოვოს. თუმცა, არის ერთი დეტალი _ მოისწრაფეშვილი საკმაოდ დიდი სკანდალშია გახვეული. როგორც ვწერდით, მისი გვარი სახელმწიფო აუდიტის სამსახურის დასკვნაში მოხვდა. მაკონტროლებელ უწყებას მის კეთილსინდისიერებაში ეჭვი შეაქვს, რადგან უდიტის სამსახურმა დაადგინა, რომ აუქციონზე 2.5 თეთრად გაყიდული 1 კვადრატული მიწის ნაკვეთი, აუქციონიდან 4 დღეში, ამავე ფასად მყიდველისგან შეიძინეს მოისწრაფეშვილის მამამ და ძმამ, რომლებმაც მიწის ნაწილი, შეძენიდან ერთ კვირაში გაყიდეს _ როგორც ჩვენი წყარო ამბობს, ერთ ნაწილში 18 დოლარი აიღეს, მეორე ნაწილში კი _ 21 დოლარი (საუბარია ერთ კვადრატული მიწის ფასზე). „გურია ნიუსმა“ დაადგინა, რომ იმ დროს, როცა მოისწრაფეშვილებმა მიწის ნაკვეთები შეიძინეს, უმუშევრები იყვნენ _ გუბერნატორის მოადგილის მამას არანაირი შემოსავალი არ უფიქსირდება; ასევე, შემოსავალი არ აქვს მის ძმას, რომელიც სტუდენტია. გურიის გუბერნატორი ამბობს, რომ მოისწრაფეშვილთან დაკავშირებით გადაწყვეტილებას მას შემდეგ მიიღებს, რაც დასკვნას გაეცნობა. მიუხედავად იმისა, რომ დასკვნა რამდენიმე დღეა ოზურგეთშია ჩამოსული, ნასარაია ამბობს, რომ არ უნახავს და ამ თემაზე კომენტარსაც ვერ გააკეთებს. „გურია ნიუსის“ წყაროს თქმით, ამ თემას მთავარი პროკურატურა აუდიტის სამსახურის წერილის საფუძველზე უკვე სწავლობს. ამავე თემაზე: რა წერია აუდიტის დასკვნაში და რატომ შეაქვთ ეჭვი გუბერნატორის მოადგილის კეთილსინდისიერებაში ... ...
  • რიკოთის გვირაბში ღამით ავტოტრანსპორტის მუშაობა აიკრძალებარიკოთის გვირაბში 24 და 25 სექტემბერს ღამის 00:00 სთ-დან 07:00 სთ-მდე, ყველა სახის ავტოტრანსპორტის მოძრაობა აიკრძალება. ამის შესახებ ინფორმაციას საავტომობილო გზების დეპარტამენტი ავრცელებს. უწყების ცნობით, დროის ამ მონაკვეთში გვირაბში, ზაფხულის პერიოდში ინტენსიური მოძრაობის შედეგად, ავტომატური მოწყობილობები და სანათი საშუალებები ავტომანქანების გამონაბოლქვისგან გაიწმინდება და გაირეცხება.  ავტომობილებს გვირაბის შემოსავლელ გზაზე მოუწევთ მოძრაობა. ამ გზაზე, 2 სხვადასხვა ადგილას უზრუნველყოფილი იქნება საბუქსირე მექანიზმების მორიგეობა. ამ რეჟიმით მოძრაობას ზედამხედველობას და კოორდინაციას  საპატრულო პოლიცია ... ...
  • როგორ ანაზღაურდება დიალიზით მკურნალობა და თირკმლის ტრანსპლანტაცია საქართველოშიდევნილთა, შრომის, ჯანდაცვისა და სოციალური დაცვის სამინისტროს ინფრომაციით, საყოველთაო ჯანდაცვის სახელმწიფო პროგრამის ფარგლებში ფინანსდება დიალიზი და თირკმლის ტრანსპლანტაცია. როგორც სოციალური მომსახურების სააგენტოს ვებგვერდზეა განმარტებული, პროგრამის მიზანია თირკმლის ტერმინალური უკმარისობით დაავადებულთა ჯანმრთელობის მდგომარეობის შენარჩუნება და გაუმჯობესება. უწყების ცნობით, პროგრამის მოსარგებლეები არიან თირკმლის ტერმინალური უკმარისობით დაავადებული და/ან ორგანოგადანერგილი საქართველოს მოქალაქეები, ასევე პენიტენციურ დაწესებულებებში მყოფი სხვა პირები, იდენტიფიკაციის დამადასტურებელი კანონმდებლობით გათვალისწინებული ოფიციალური დოკუმენტის არქონის მიუხედავად. პროგრამა მოიცავს ჰემოდიალიზით უზრუნველყოფას, მათ შორის: ნეფროლოგის კონსულტაციას; კლინიკო-ლაბორატორიულ გამოკვლევებს საჭიროების მიხედვით; მედიკამენტებით უზრუნველყოფას - საჭიროების შემთხვევაში; სისხლძარღვოვანი მიდგომის უზრუნველყოფას. ასევე, პერიტონეული დიალიზით უზრუნველყოფა, მათ შორის: ნეფროლოგის კონსულტაცია; კათეტერის იმპლანტაცია/ექსპლანტაცია; კლინიკო-ლაბორატორიული გამოკვლევები - საჭიროების მიხედვით; მედიკამენტებით უზრუნველყოფას - საჭიროების შემთხვევაში; მე-3 მუხლის „გ" ქვეპუნქტის ფარგლებში შესყიდული სადიალიზე საშუალებებით, მასალითა და მედიკამენტებით უზრუნველყოფას; ჰემო და პერიტონეული დიალიზისათვის საჭირო სადიალიზე საშუალებების, მასალისა და მედიკამენტების შესყიდვას და მიწოდებას; თირკმლის ტრანსპლანტაციას - თირკმლის გადანერგვის ოპერაციის ჩატარებას; ორგანოგადანერგილთა იმუნოსუპრესული მედიკამენტებით უზრუნველყოფას; სამკურნალო საშუალებათა ტრანსპორტირებას, შენახვა და გაცემას (სამკურნალო საშუალებების საქართველოს საბაჟო ტერიტორიაზე საქონლის გაფორმების ხარჯები, მიღება, შენახვა, ტრანსპორტირება, გაცემა ბენეფიციარებზე აფთიაქების მეშვეობით). „დიალიზის მომსახურების მისაღებად, სოციალური მომსახურების სააგენტოში უნდა პაციენტმა უნდა წარადგინოს გეგმური მომსახურების წინასწარი დოკუმენტების ნუსხა (რის შემდეგაც მოხდება პაციენტის რეგისტრაცია დიალიზის მომლოდინეთა რეესტრში):  პირადობის (ბინადრობის) დამადასტურებელი მოწმობის ან საქართველოს მოქალაქის პასპორტის ასლი, ხოლო თუ პირი არასრულწლოვანია - დაბადების მოწმობის ასლი (პირადობის მოწმობის არქონის შემთხვევაში). აღნიშნული დოკუმენტების არქონის შემთხვევაში, გამონაკლისად დაიშვება შემდეგი შემთხვევები:• თუ პირი მიტოვებული ან მზრუნველობამოკლებული არასრულწლოვანია;• ცხოვრობს ოკუპირებულ ტერიტორიაზე;• იმყოფება თავისუფლების აღკვეთისა და პატიმრობის დაწესებულებაში. - ფორმა NIV-100/ა-ს (პაციენტის დიაგნოზი, ჩარევები და გამოკვლევები მითითებული უნდა იყოს ქვეყანაში დადგენილი კლასიფიკატორების შესაბამისად), საჭიროების შემთხვევაში, წინასწარი კალკულაცია;- დადგენილი ფორმის განცხადება. სოციალური მომსახურების სააგენტო ვალდებულია, მოგაწოდოთ ინფორმაცია სამედიცინო მომსახურების მიმწოდებელ სამედიცინო დაწესებულებებში არსებული ტექნიკური რესურსების შესახებ, გეოგრაფიული ხელმისაწვდომობის გათვალისწინებით. მომსახურების უფლებით დაკმაყოფილება უნდა მოხდეს მომართვის რიგითობის მიხედვით. თირკმლის ჩანაცვლებითი თერაპიის ერთი მეთოდის მეორეთი ჩანაცვლება ხორციელდება შეუფერხებლად, შესაბამისი სამედიცინო ჩვენების წარმოდგენის შემთხვევაში.თირკმლის ტრანსპლანტაციის შემთხვევაში, უნდა მიაკითხოთ პროგრამაში მონაწილე სამედიცინო დაწესებულებას და ზემოაღნიშნული დოკუმენტები წარმოადგინოთ სოციალური მომსახურების სააგენტოში. პროგრამით გათვალისწინებული მომსახურება ფინანსდება სრულად და პაციენტის მხრიდან თანაგადახდას არ ითვალისწინებს. დამატებითი ინფორმაციის მიღება შეგიძლიათ საქართველოს შრომის, ჯანმრთელობისა და სოციალური დაცვის სამინისტროს ცხელ ხაზზე (1505) ან/და სააგენტოს ტერიტორიულ ერთეულში“- აღნიშნულია სააგენტოს ... ...
  • დაპირისპირება სამართალდამცველებსა და ზაზა სარალიძეს შორისდაპირისპირება სამართალდამცველებსა და ზაზა სარალიძეს შორის - შვილმოკლულ მამას გუშინ, გვიან ღამით, პოლიციამ ადგილზე გასაბერი ლეიბის შეტანის უფლება არ მისცა. ზაზა სარალიძე, რომელიც პარლამენტთან უკვე 12 დღეა, აქციას მართავს, ლეიბის ტროტუარზე გაშლას აპირებდა, თუმცა, სამართლდამცველებმა განაცხადეს, რომ ადგილზე ბევრი ტურისტი მოძრაობს და შვილმოკლულ მამას ამის საშუალება არ მისცეს. ზაზა სარალიძე აქციის შეწყვეტას არ აპირებს.   წყარო: ... ...
  • ორად გაყოფილი სპორტული ცენტრი დახურულ სხდომაზე ერთმანეთს ღიად დაუპირისპირდახმაური და დაპირიპირება იყო დღეს ლანჩხუთის საკრებულოში, სოციალური კომისიის სხდომაზე, სადაც „გურია ნიუსის“ ინფორმაციით,  სპორტული ცენტრის საკითხი განიხილებოდა. სხდომის ეს ნაწილი, კომისიის თავმჯდომარის ემზარ თედორაძის გადაწყვეტილებით, დახურულად გამოცხადდა. თედორაძის განმარტებით, ეს გადაწყვეტილება სპორტული ცენტრის თანამშრომელთა მოთხოვნით მიიღო. როგორც გაირკვა, სოციალური კომისიის სხდომაზე ცენტრის დირექტორს გოჩა ლომაძეს თანამშრომელთა ნაწილი ღიად დაუპირისპირდა და მისი სამსახურიდან წასვლა მოითხოვა. „თავად თანამშრომლებმა მთხოვეს, რომ სხდომა დახურული ყოფილიყო. ფაქტია,  სპორტულ ცენტრში არაჯანსაღი ვითარებაა და კოლექტივი ორ ნაწილადაა გაყოფილი. შექმნილი მდგომარეობა, რა თქმა უნდა, ნეგატიურად აისახება სპორტული ცენტრის მუშაობაზე.  მუნიციპალიტეტის ხელმძღვანელობას მოუწევს დროული გადაწყვეტილება მიიღოს ამ საკითხზე“, _ გვითხრა თედორაძემ. სხდომას მერიის კულტურისა და სპორტის სამსახურის უფროსი ია ჩხაიძეც ესწრებოდა. „პირადად ვესწრებოდი ამ სხდომას და მოვისმინე ის პრეტენზიები, რაც  ცენტრის თანამშრომელთა ნაწილს აქვს, ამის თაობაზე  მანამდეც ვიყავი ინფორმირებული.  ამ საკითხის დარეგულირება უშუალოდ მერის პრეროგატივაა და თუ მისი მხრიდან იქნება დავალება, ჩვენი სამსახური შეისწავლის სპორტულ ცენტრში არსებულ მდგომარეობას. ფაქტია, რომ ვითარება იქ მართლაც არაჯანსაღია“, _ გვითხრა ია ჩხაიძემ. თუ რას გადაწყვეტს მუნიციპალიტეტის ხელმძღვანელობა  სპორტულ ცენტრთან მიმართებაში, ჯერჯერობით, უცნობია, სოციალური კომისიის სხდომას არც მერი და არც მისი მოადგილე არ დასწრებიან. „სოფელ ნინოშვილში ვიყავი აქციაზე და ამ დროისთვის არ ვარ ინფორმირებული, თუ რა ხდებოდა სოციალური კომისიის სხდომაზე. მერიც არ იმყოფება ლანჩხუთში, თბილისშია. ასე რომ, ამ ეტაპზე, კონკრეტულს ვერაფერს გეტყვით საკითხთან დაკავშირებით“, _ გვითხრა გოგი ფაცურიამ. შეგახსენებთ, რომ „გურია ნიუსი“ უკვე წერდა სპორტულ ცენტრში არსებული დაპირისპირების შესახებ, სადაც  ცენტრის დირექტორს, გოჩა ლომაძეს თანამშრომლების მიმართ ძალადობაში ამხელდნენ. თუმცა, მაშინ ლომაძე მისი მისამართით გაჟღერებულ ყველა ბრალდებას კატეგორიულად უარყოფდა. სპორტული ცენტრის თანამშრომელთა ნაწილიც მხარდაჭერას გამოთქვამდა დირექტორის მიმართ. ამავე თემაზე: სპორტული ცენტრის დირექტორს თანამშრომელთა ნაწილი ... ...

არქივი

ზაფრანი

რა ემუქრება დედამიწას მზე რომ ჩაქრეს

მეცნიერები ფიქრობენ, რომ ადრე თუ...

შეცდომით აღმოჩენილი გენიალური გამოგონებები

პენიცილინი _ მედიკამენტი, რომელმაც გადატრიალება...

უცნაური სინდრომები

ფეთქებადი თავის სინდრომი  ესაა საკმაოდ...

საიდუმლოებით მოცული ადამიანები

საუკუნეების განმავლობაში ისტორია სავსეა საიდუმლოებით...

ბრძნული ცხოვრების პრინციპები

1. გაუშვით ადამიანები და სიტუაცია....

გიგანტების სამარხი

უკვე დიდი ხანია, რაც დედამიწაზე...
კარმიდამო ჩემი

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

საშემოდგომო თესვის დაწყება და ნიადაგის გაფხვიერების თავისებურება

აგვისტოს მიწურულს და სექტემბრის დასაწყისში,...

"მოგვაშორეთ ტურები"

ოზურგეთის მუნიციპალიტეტის სოფელ ლიხაურის, ჭანიეთის,...

"ჩაი გავანადგურეთ, თხილის ხარისხი კატასტროფულად დაეცა... სადაა გამოსავალი?"

მსოფლიოში მეჩაიეობის დარგში ჩამოყალიბებული დადებითი...

ჩინური კუნგ პაო

ჩინური სამზარეულოს ნამდვილი შედევრია "გუმბაო"....

როგორ წარმოიშობა "უავტორო" ხანძრები

მსოფლიომ "უავტორო" ხანძრების მთელი სერიები...

საწებელი _ მარტივად და გემრიელად

გვიან ზაფხულში და შემოდგომის დასაწყისიდანვე,...

როგორ ვებრძოლოთ ფესვის კიბოს

ფესვის ბაქტერიული კიბო ბევრი კულტურული...

გურული მეურნის მიერ დამორჩილებული ცნობილი "ლედის თითები" _ იგივე ბამია

ოზურგეთის მუნიციპალიტეტის სოფელ მაკვანეთის მკვიდრი,...

მცენარეთა რძე და რძის პროდუქტები

ჩვენს წარმოდგენაში რძე და რძის...