ძროხის გამო დაკარგული დახმარება


საზოგადოება

ძროხის გამო დაკარგული დახმარება

25 მაი. 2012, 07:02:56

მხედველობის დაკარგვას ზედ დაერთო გაუსაძლისი თავის ტკივილი და დიარეა, რომელიც ყოველ მეათე დღეს იწყება და ორ დღეს გრძელდება. კვირა არ გადის რომ სასწრაფო სამედიცინო დახმარება არ დასჭირდეთ.

_ ვერსად ვიპოვე სამართალი და თქვენთან მოვედი. მე და ჩემი მეუღლე მარტო ვცხოვრობთ. სამი ქალიშვილი გვყავს, სამივე გათხოვილია. ჩემი მეუღლე შალვა კეშელავას ფილტვები აქვს დაავადებული, თუმცა, ცდილობს საოჯახო საქმეში მომეხმაროს. მისი დახმარების გარეშე გადაადგილება არ შემიძლია. ოთახიდან ოთახში ხელის ცეცებით დავდივარ, დაზეპირებული მაქვს, სად რა მიდგას. ჩემნაირი ავადმყოფი რაიონში სულ ორი ყოფილა _ ექიმებს უჭირთ ზუსტი დიაგნოზის დასმა. ჩემს ავადმყოფობას და ჩვენი ოჯახის უმძიმეს მდგომარეობას სოციალური დახმარება ვერ გამოასწორებს, მაგრამ ცოტას მაინც წაგვადგებოდა. სიძის დახმარებით ერთი ძროხა შევიძინეთ, რომელსაც დიდი გაჭირვებით ვუვლი. ყოველ დილა-საღამოს ჩემს მეუღლეს დავყავარ ძროხის მოსაწველად. სოციალური სააგენტოდან მოსულმა აგენტმა ეს ძროხა ნახა და მაღალი ქულების მიზეზიც ეს პირუტყვი აღმოჩნდა. მოსმენილი მქონდა პრეზიდენტისგან, რომ სოფლის რწმუნებულები აქტიურად უნდა ჩაერთონ სოციალური დაზღვევის სისტემაში, რადგან მათ უფრო იციან, ვის სჭირდება დაზღვევა სახელმწიფოსგანო. ჩვენი სოფლის რწმუნებულმა ჟიფო ცინცაძემ აგენტთან ერთად მითხრა: "მე უკვე გავუწიე შენს ოჯახს დახმარება, შენი შვილი რომ საარჩევნო კამპანიაში ჩავრთე. ახლა კი რომც მიჩივლო, მაინც ვერ მიიღებ დახმარებასო." ჯანდაცვის ყოფილ მინისტრს ანდრია ურუშაძეს გავუგზავნე წერილი, სადაც აღწერილი მქონდა ჩემი და ჩემი ოჯახის მდგომარეობა, მაგრამ არანაირი პასუხი არ მიმიღია, ჴ აღნიშნა ჩვენთან საუბარში ციალა გიორგაძემ.

თვალცრემლიან ქალბატონს დაზეპირებული ორიენტაციით მეორე ოთახიდან რამდენიმე ფურცელი გამოაქვს _ რამდენიმე წერილია პრეზიდენტისთვის, რომელიც ციალა გიორგაძის კარნახით შეადგინეს მისმა შვილებმა. თუმცა, ამ წერილების ადრესატისთვის გადაცემა დღემდე ვერ მოახერხეს. წერილების შინაარსი თითქმის იდენტურია ასეთი დასასრულით: "ბატონო პრეზიდენტო, ალბათ, უამრავი ადამიანი გაწუხებთ მსგავსი წერილებით, მაგრამ გთხოვთ, გაითვალისწინოთ ჩემი ოჯახის მდგომარეობა. ერთხელ კიდევ შეამოწმოს აგენტმა ჩვენი ოჯახის მდგომარეობა და გადაწყვიტოს ჩვენი სოციალური სტატუსი. იმედი მექნება თქვენი გულისხმიერების!"

ჩვენ დავუკავშირდით სოფელ კოხნარის რწმუნებულს ჟიფო ცინცაძეს:

_ დიახ, მე ვიცი ამ ოჯახის სოციალური მდგომარეობის შესახებ. მაგ ქალბატონს მართლაც ეკუთვნის დახმარება, თუმცა, არ აძლევენ და მე რა უნდა ვქნა?!

_ ქალბატონმა ციალამ ჩვენთან საუბარში აღნიშნა, რომ თქვენ უთხარით, სადაც გინდა, იქ მიჩივლე, დახმარებას მაინც ვერ მიიღებო.

_ არა, რას ამბობთ?! პირიქით _ მაგ ოჯახს დავეხმარე, მისი შვილი ნესტან კეშელავა საარჩევნო კამპანიაში ჩავრთე.

_ თქვენ სოციალური მომსახურეობის სააგენტოს აგენტებს ნამდვილად დაჰყვებით ოჯახებში?

_ დიახ, რამდენიმე ოჯახში ვახლდი. მხოლოდ გზას ვასწავლიდი _ სხვა რამე არ მეხება. მე მინდა ბევრმა გაჭირვებულმა მიიღოს სოციალური დახმარება, მეტი მოსახლეობა მეყოლება კმაყოფილი, _ გვიპასუხა ჟიფო ცინცაძემ.

ჯანდაცვის სამინისტროს პრესსამსახურს კი ჩვენს კითხვებზე სტანდარტული პასუხები აქვს: "თქვენს მიერ გადმოცემული პირადი მონაცემებით ეს ოჯახები სოციალური მომსახურეობის სააგენტოს ხელმძღვანელს პირად კონტროლზე ჰყავს აყვანილი", _ გვპასუხობენ პრესსამსახურში. თუმცა, საინტერესოა, ეს პასუხი რა შეღავათია ჭეშმარიტად სიღარიბის ზღვარს ქვემოთ მყოფ ოჯახებისთვის, რომლებსაც დახმარების მოლოდინში მხოლოდ იმედიღა შერჩათ!

ფიქრია ბეღელაძე, კოხნარის საინფორმაციო ცენტრი




 ახალი ამბები
  • "მდგომარეობა კრიტიკულია, გთხოვთ, გადავარჩინოთ ჩემი ძამიკო""გთხოვთ გადავარჩინოთ, ჩემი ძამიკო", _ თხოვნის შემცველი წერილით "გურია ნიუსს" თამუნა ბაიაჯანმა მიმართა. "ძალიან გვჭირდება თქვენი თანადგომა და დახმარება. 20 წლის ბაკო ბაიაჯანს, აქვს თავის ტვინის სიმსივნე. მას ერთი ოპერაცია უკვე ჩაუტარდა და სასწრაფოდ საჭიროებს განმეორებით ოპერაციას, რომელიც უნდა გაკეთდეს საზღვარგარეთ. სამწუხაროდ, მდგომარეობა არის კრიტიკული, თითოეული დღე მისი სიცოცხლისთვის არის გადამწყვეტი. ოპერაცია დაკავშირებულია დიდ თანხებთან, რისი შესაძლებლობაც უკვე აღარ გვაქვს. გთხოვთ, გავერთიანდეთ, გადავარჩნოთ კიდევ ერთი სიცოცხლე. თქვენ მიერ გაღებული თითოეული ლარიც კი მისი სიცოცხლის გადასარჩენად ძალიან მნიშვნელოვანია.  მადლობა თანადგომისთვის, _ გვწერს თამუნა ბაიაჯანი და იქვე ბაკოს დასახმარებლად შექმნილი ანგარიშის ნომრებს უთითებს: მიმღები თამუნა ბაიაჯანი (და) TBC ბანკი #GE24TB7502445061600004 საქართველოს ბანკი ... ...
  • "48 საათს ვაძლევთ გამოხმაურებისთვის" _ სამოქალაქო სექტორი და ბიზნესი ხელისუფლებას ულტიმატუმს უყენებსრეგულაციების გაგრძელება სიკვდილის ტოლფასია _ კანცელარიასთან სამოქალაქო სექტორი და ბიზნესმენები, ასევე სხვადასხვა ფენის წარმომადგენლები ლოქდაუნს აპროტესტებენ და ამბობენ, რომ ფორმალურად, შეზღუდვების ნაწილის გამარტივებამ ეკონომიკური სიტუაციის გაუმჯობესება ვერ გამოიწვია და ვერც გამოიწვევს. აქციაზე მყოფი პოლიტიკოსები ტრიბუნასთან არ მიდიან _ ხატია დეკანოიძე და სალომე სამადაშვილი აქციის მხარდამჭერებს შორის დგანან.  აქციის მონაწილეებმა ხელისუფლებას 48 საათიანი ვადა მისცეს გამოხმაურებისთვის, წინააღმდეგ შემთხვევაში კი სახელისუფლო შენობების პიკეტირებაა დაგეგმილი. "ყველა შეზღუდვა უნდა მოიხსნას და ყველაფერი უნდა გაიხსნას, ეს ნაწილობრივი შეამსუბუქებს მდგომარეობას და მე შემიძლია ვთქვა, ჩემ თავზე ვიღებ პასუხსმგებლიბას, რომ არაფერი არ მოხდება იმაზე უარესი, რაც ახლა ხდება", _ თქვა ენმ-ის ერთერთმა ლიდერმა ხატია დეკანოიძემ. "პანდემიას სჭირდება მართვა და ეს ძალიამ კარგად მესმის, მაგრამ სახლში ჯდომა არ არის მართვა", _ აცხადებს ელენე ხოშტარია და ხელისუფლებას ლოქდაუნის მოხსნისკენ მოუწოდებს.  აქციები ლოქდაუნის მოხსნის მოთხოვნით დღეს თბილისში, სხვადასხვა ლოკაციაზე ტარდება.  წყარო: ... ...
  • ლანჩხუთში ე.წ. „ძველი საავადმყოფო“ იხურებამაშინ, როცა ქვეყანაში ეპიდემია მძვინვარებს და არც თუ იშვიათად, უადგილობის გამო, ავადმყოფებისთვის სტაციონალური მკურნალობა ხელმისაწვდომი არაა, ირკვევა, რომ ლანჩხუთში ე.წ. „ძველი საავადმყოფო“ იხურება. ამის თაობაზე ინფორმაცია ფართო საზოგადოებისთვის უშუალოდ ლანჩხუთის რეგიონული ჯანდაცვის თანამშრომლებისგან გახდა ცნობილი.„ყველაფერი 2016 წლის აგვისტოში დაიწყო... პირველად შევხვდი ადამიანებს, რომლებიც მუშაობდნენ მხოლოდ ერთმანეთის და პაციენტების სიყვარულით და მხოლოდ სიყვარულით, თითქმის ანაზღაურების გარეშე და ეს გრძელდებოდა წლები, თვეები, დღეები...ითმენდნენ ყველაფერს... ერთმანეთის სიხარულს და მწუხარებას იზიარებდნენ და საღამოს სახლში, ფულის ნაცვლად, პაციენტების და კოლეგების სიხარულები და მწუხარებები მიჰქონდათ.პანდემიისა თუ ეპიდემიის პირობებში, სრულიად დაუცველები, ზოგჯერ საკუთარი ინფიცირების ხარჯზე, სულს უბერავდნენ და აცოცხლებდნენ კლინიკას, პაციენტებს... ეს არ იყო მხოლოდ მუშაობის სურვილი. ეს იყო სურვილი, რომ არ დასრულებულიყო ის დიდი ისტორია, რასაც ,,ძველი საავადმყოფო" ჰქვია; ისტორია, რომელიც ინახავს მოგონებებს თაობებზე... ჩემთვისაც არ არის ეს შენობა,უბრალოდ, ნაძვებში მდგარი ბავშვობის მოგონება, სადაც ჩემი და უამრავი ჩემი ახლობლის სიცოცხლე დაიწყო ან გადარჩა. ჩემთვის ეს შენობა ბრძოლის და მოთმინების სიმბოლოა, სადაც ყველას დევიზი ქართული ანდაზა _ ,,ვინც მოითმენს, ის მოიგებს" იყო. და მე მინდა ვიცხოვრო ისეთ ქვეყანაში, ისეთ ქალაქში, სადაც სწავლით და მუშაობით, ბრძოლით და არ დანებებით, თუნდაც სიბერეს მიტანებული ექიმი, სახლში ბედნიერი წავა იმის იმედით, რომ შვილიშვილებს რაღაც ღირებული, დიდი ისტორიის ნაწილი შემოუნახა და ამისთვის ღირდა ბრძოლა და მოთმინება.ეს ,,ძველი საავადმყოფოა" და ჩვენ ის გვჭირდება!“ _ წერს სოციალურ ქსელში თეონა ქურიძე, რითაც კლინიკის სხვა თანამშრომელთა გულისტკივილსაც გამოხატავს. აღნიშნულ პრობლემას კიდევ ერთი ლანჩხუთელი მიშა თვალაბეიშვილი ეხმაურება, რომელიც ხელისუფლებაში მყოფ პარტიას მოუწოდებს, რომ არ დაუშვას კლინიკის გაუქმება. იგი, ასევე, მუნიციპალიტეტის მოსახლეობასაც მოუწოდებს, გულითან მიიტანონ შექმნილი ვითარება და გვერდით დაუდგნენ აქაურ თანამშრომლებს. „სასაცილო ქვეყანაში ვცხოვრობთ, ქვეყანაში ასეთი კოვიდ ვითარებაა. თითქმის, დღე არ გადის, რომ გარდაცვლილზე არ შევიტყო. დღე-ღამეში 400-500 ინფიცირებული, არ არის კლინიკებში ადგილი, ამ დროს გაჟღერდა ინფორმაცია, რომ კლინიკა იხურება... კლინიკას, სადაც ნამდვილად პროფესიონალები მუშაობენ. პატარა კლინიკა, რომელსაც დიდი ისტორია აქვს დღეიდან თითქმის უმოქმედო ხდება?! ქართული ოცნება / Georgian Dream მოგმართავ მთელი ლანჩუთის სახელით _ არავითარ შემთხვევაში არ უნდა მოხდეს კლინიკის დახურვა, ეს იქნება დიდი შეცდომა თქვენი მხრიდან! მოგმართავთ ლანჩხუთის მოსახლეობას _ გულთან მიიტანეთ ჩვენი გულისტკივილი და გვერდით დაუდექით ამ ძირძველი ღირსების მქონე კლინიკას... არ დაიხუროს ლანჩხუთის რეგიონული ჯანდაცვის ცენტრი“, _ ამბობს მიშა თვალაბეიშვილი. „ძველი საავადმყოფოს“ შესაძლო გაუქმების ამბავთან დაკავშირებით საკუთარ უარყოფით განწყობას რიგითი ლანჩხუთელებიც აფიქსირებენ და ამბობენ, რომ მათ ერთმანეთის გვერდით დგომით უნდა შეძლონ ამ "თბილი კერის“ შენარჩუნება. „ყველაფერი შეიძლება დათმოს ადამიანმა?! იბრძოლე რამდენიც გინდა, მავანთ თუ სურვილი არ აქვთ, არაფერი გამოვა. ხალხიც არ ვარგივართ, არაფერზე რეაქცია არ გვაქვს, ასეც არ შეიძლება. გამოვიდეთ გარეთ, მოვითხოვოთ, ჩვენც ხომ გვაქვს უფლებები. ამ პატარა რაიონში არის საოცარი სითბოთი და პაციენტიებისადმი უანგარო თანადგომის ჯანდაცვის ცენტრი "ძველი სავადმყოფო", რომლის წევრებსაც არაერთი სიხარული მოუტანია ლანჩხუთელებისთვის; არაერთი ექიმი თუ სამედიცინო პერსონალი აღუზრდია, რომლებიც ქვეყნის სხვადასხვა კლინიკაში წარმატებით მოღვაწეობენ. ნუთუ, ჩვენ არ შეგვწევს ძალა ერთმანეთის გვერდში დგომით შევინარჩუნოთ ეს თბილი კერა?!“ _ ასე აფიქსირებენ საკუთარ პოზიციას ლანჩხუთის მაცხოვრებლები. გავრცელებული ინფორმაციის გადამოწმების მიზნით „გურია ნიუსი“, უპირველესად, კლინიკის მენეჯერს თინიკო გოგუაძეს დაუკავშირდა და მეტი დეტალის გარკვევას მისგან შეეცადა. მან მადლობა გადაგვიხადა საკითხით დაინტერესების გამო და გვითხრა, რომ კლინიკის გაუქმებასთან დაკავშირებით კონკრეტულ ინფორმაციას არც თავად ფლობდა და მეტი ინფორმაციის მისაღებად მუნიციპალიტეტის პირველ პირთან გადაგვამისამართა. „ჯერჯერობით, ნათლად არც ჩვენც ვიცით, თუმცა, ასეთი ინფორმაცია მოგვაწოდა სამინისტროს წარმომადგენელმა გასულ პარასკევს. ეს ყველაფერი იცის მერმა და მისგან შეგიძლიათ, გაიგოთ დეტალები“, _ გვითხრა თინიკო გოგუაძემ. უშედეგო აღმოჩნდა ჩვენი მცდელობა, რომ მერს ალექსანდრე სარიშვილს დავკავშირებოდით, რომელსაც ბოლო რამდენიმე თვეა, ტრადიციად ექცა, სატელეფონო ზარზე არ გვიპასუხოს. შექმნილ ვითარებაში მერსა და ჩვენ შორის შუამავლობისთვის მერიის პრესასთან ურთიერთობის განყოფილებას მივმართეთ, რომ მისი მეშვეობით მაინც მიგვეღო მერისგან კომენტარი ჩვენთვის საინტერესო საკითხზე და ამ დრომდე პასუხის მოლოდინის რეჟიმში ... ...
  • არა პოლიტიკურ ლოქდაუნს - არასამთავრობოებმა კანცელარიაში პეტიცია შეიტანესარა პოლიტიკურ ლოქდაუნს - ამ სახელწოდებით პეტიცია კანცელარიაში 5 არასამთავრობო ორგანიზაციის _"ახალგაზრდა თაობის", "ახალი ძალა საქართველოსთვს", მონიტორინგის ცენტრის", ამერიკის მხარდამჭერა ლიგის", ევროპული მომავლისთვის" წარმომადგენლებმა რამდენიმე წუთის წინ შეიტანეს. მათი თქმით, ქვეყნის მასშტაბით არსებული შეზღუდვები უმოქმედო და არაფრისმომცემია და აუცილებელია მათი გადახედვა. "ჩვენი მთავარი მოთხოვნა არის არა პოლიტიკურ ლოქდაუნს... ეს ვითომ პირველი მარტია, მერე გადავა პირველ აპრილამდე და ა.შ... მოლოდინი გვაქვს, რომ პასუხი არ გვექნება გახარიასგან და ამ ხელისუფლებისგან, რადგან ისინი საზოგადოებას პასუხს არასდროს არ სცემენ", - ამბობენ პეტიციის ... ...
  • შეხვედრა გურიის სახელმწიფო რწმუნებულის ადმინისტრაციაში ეპიდვითარებასთან დაკავშირებით (R)რეგიონში არსებულ ეპიდემიოლოგიურ ვითარებასთან დაკავშირებით, გურიის სახელმწიფო რწმუნებულის ადმინისტრაციაში შეხვედრა გაიმართა. სახელმწიფო რწმუნებული ზურაბ ნასარაია, მოადგილესთან ქეთევან მოისწრაფეშვილთან ერთად ლანჩხუთის, ოზურგეთის და ჩოხატაურის საგანმანათლებლო რესურსცენტრებისა და საზოგადოებრივი ჯანდაცვის ცენტრის ხელმძღვანელებს შეხვდა. შეხვედრაზე დღეისთვის არსებული ეპიდემიოლოგიური მდგომარეობა განიხილეს, მიმოიხილეს განხორციელებული და გასატარებელი ღონისძიებები. ასევე, იმსჯელეს პირველი თებერვლისთვის საჯარო სკოლებში პედაგოგებისა და მშობლების ტესტირების შესახებ. აღინიშნა, რომ სწავლის დაწყების წინ, სკოლებში აღნიშნული რეკომენდაციები მათ შორის სოციალური დისტანციის დაცვა და პირბადის ტარება მაქსიმალურად უნდა იყოს დაცული. ამ ეტაპზე რეგიონში ვირუსით ინფიცირების შემთხვევების კლება ფიქსირდება, სიტუაცია სტაბილურია და კონტროლს ექვემდებარება. ... ...

არქივი

ტესტები

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ იცი თუ არა ყველაფერი?

როგორ უნდა გაარკვიოთ მხარეები ტყეში...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

კარმიდამო ჩემი

ძიმითში ტყუპი ხბო დაიბადა

ოზურგეთის მუნიციპალიტეტის სოფელ ძიმითში ტყუპი...

"მიკვირს _ ეს მე შევქმენი?!" _ თორმეტწლიანი შრომით შექმნილი ჯადოსნური სამყარო

ჩვენი სტუმარი ქალბატონი, ყვავილების მესაიდუმლე...

პრიორიტეტულ კულტურებს შორის თამბაქოც დაიკავებს ადგილს

დასავლეთ საქართველოს სუბტროპიკულ ზონაში, დღეისთვის...

"მკვდარი სეზონის" სამუშაოები _ რა გავაკეთოთ ზამთრის დასაწყისში

შემოდგომის მიწურულის და დეკემბრის დასაწყისის...

რატომ დაიწყო ფეიჰოამ ხმობა?

ფეიჰოა ცნობილია, როგორც ყინვაგამძლე და...

როგორ გამოვიყვანოთ ნიგვზის საუკეთესო ზეთი _ ურწყული

საახალწლოდ, განსაკუთრებით პოპულარულია და რიტუალის...

მოვამზადოთ მსხვრევადი, კრატუნა და გემრიელი გოზინაყი

ახალი წელი გოზინაყის გარეშე წარმოუდგენელია....

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....