საგადასახადოს "გოგო-ბიჭები" და ჩასაფრებული ქმედება, რომელსაც ბოლო არ უჩანს

საზოგადოება

საგადასახადოს "გოგო-ბიჭები" და ჩასაფრებული ქმედება, რომელსაც ბოლო არ უჩანს

2012 ივნ 25 17:39:50

"გურია ნიუსი" კერძო საგადასახადო ინსპექტორების მსხვერპლის, აღმაშენებლის ქუჩაზე მდებარე ერთ-ერთი ჯიხურის მფლობელის, ინდმეწარმე მირანდა ნაჭყებიას საქმით დაინტერესდა. "ღმერთო, გვიხსენი ძალმომრეობისგან და მოგვეცი ძალა გამძლეობისა", _ გვითხრა ამ ქალბატონმა დანახვისთანავე და გვიამბო როგორ დააჯარიმეს ზედიზედ, როდესაც კლიენტს ჯერ პროდუქტი მისცა და შემდეგ ქვითარი.

_ გასული წლის სექტემბერში გავხსენი პატარა მაღაზია. ვმუშაობ ყოველგვარი კანონდარღვევევის გარეშე, მაგრამ... კეთილსინდისიერ მუშაობას ვინ გაცლის?! ჯერ ისიც საკითხავია, ამ მუშაობას მუშაობა თუ ჰქვია. ვაჭრობა საერთოდ არ არის, კლიენტი რომ შემოდის მაღაზიაში, სიხარულით აღარ ვარ. არ არის მუშაობა იმიტომ, რომ ხალხში ფული არ არის. ხელფასიდან _ ხელფასამდე ან პენსიიდან _ პენსიამდე ყველას ნისიად უნდა. რამდენს მინდა, ხელი შეუწყო, ხალხი ძალიან მეცოდება, მაგრამ რა ვქნა?! მაღაზიას იმდენი გადასახადი აქვს, ძლივს ვუმკლავდები, აქეთ _ ბანკის ფული, იქეთ _ ქირა, აქეთ _ ბუღალტერი, იქეთ _დაცვის ფული, შუქის და ა.შ. სახლში წასაღები თითქმის არაფერი რჩება. ამ ამბავს ძალიან განვიცდი... იმ იმედით ვმუშაობ, რომ დღეს თუ ხვალ მდგომარეობა გაუმჯობესდება და ცოტას ამოვისუნთქავ-მეთქი. მაგრამ საგადასახადოს ე.წ. "თანამშრომლები" ჩასაფრებული გვყავს ყოველი ფეხის ნაბიჯზე. ამას კანონიერად აკეთებენ თუ უკანონ!ოდ, ძალიან მინდა ამის გარკვევა. არიქა, მეწარმეებს ხელი შევუწყოთო, ეს არის? _ გვითხრა ქალბატონმა მირანდამ.

პირველი ჯარიმა

_ პირველი ჯარიმა მივიღე მარტის თვეში. პატარა გოგონამ იყიდა ერთი შოკოლადი "ბარნი"; არიქა, ავტობუსზე მაგვიანდებაო, მე სასწრაფოდ მივუთვალე ხურდა _ 9 ლარი და 20 თეთრი, მივეცი, ამოვუწერე ქვითარი და გავისტუმე. ცოტა ხნის მერე მობრუნდა და მეუბნება, კანონი დაარღვიეო _ ჯერ ქვითარი უნდა ამოგეჭრა და ხურდა მერე უნდა მოგეცაო. რა მნიშვნელობა ჰქონდა, პირველს რომელს მივაწოდებდი, ხურდას თუ ქვითარს? მთავარი, ჩემი აზრით, ის იყო, რომ ქვითარი ამოვწერე.

მეორე ჯარიმა

_ მეორე დაჯარიმების ამბავი კი ახლახან მოხდა, ივნისის თვეში. შემოვიდა პატარა ბიჭი, მოითხოვა 2 ღერი სიგარეტი. მეც მაშინვე მივაწოდე. სანამ ფულს ამოიღებდა ვიწრო ჯინსების ჯიბიდან, მანამ სამი კლიენტი ერთად შემოვიდა, იმათაც ეჩქარებოდათ, ავტობუსი ასწრებდათ. სამივეს უცებ მოვემსახურე და გავისტუმრე. ამასობაში ამ ბიჭმა ამოიღო 20 თეთრი და დამიდო მაგიდაზე. მეც ავიღე, ქვითარი ამოვუჭერი და მივეცი. ეს იყო და ეს. მერე მან ვიღაცეებს დაურეკა, შემოვიდა პატარა გოგო და იმანაც ოქმი გამიფორმა ქვითრის დაგვიანებისთვის! სიგარეტი მივაწოდე ადრე, თორემ ფული როგორც კი ავიღე, ქვითარი მაშინვე ამოვწერე. აი, ასეთი ამბები ხდება ჩვენს გარშემო. რატომ არიან ასე ჩასაფრებულები, რატომ არ გვაძლევენ ნორმალური მუშაობის საშუალებას?! თუნდაც რომ არ ამომეჭრა ის ოცი თეთრი, რა ზიანი მივაყენე ამით სახელმწიფო ბიუჯეტს ან რა დანაშაული ჩავიდინე, რომ 500 ლარით დამაჯარიმეს? ჯერ ერთი ჯარიმაც ვერ გადამიხდია და მეორე რითი გადავიხადო? ამიხსენით, როგორ ვიარსებო, რა ვქნა? რა ვუყო ორ მცირეწლოვან ბავშვს? რატომ არ მაძლევენ გასაქანს?! იმ დღიდან ცუდად რომ გავხდი და ლოგინად ჩავვარდი, ორი კვირის მერე ძლივს ავდექი. ჩემი უმუშევრობა ყოვლად შეუძლებელია. როგორც იქნა, მოვიკრიბე ძალ-ღონე, გამოვედი სამუშაოდ და მეორე დღესვე რა ხდება...

დრო

მირანდა ნაჭყებიას ისტორია საგადასახადოსთან ამით არ მთავრდება.

_ მოდის ერთი ახალგაზრდა ბიჭი და მეუბნება: ამიწონეთ 50 თეთრის "პეჩენიაო", მეც ავუწონე, ქვითარი მივაწოდე და ფული ავიღე. ცოტა ხნის მერე, ეს ბიჭი ისევ მობრუნდა და მეუბნება: ქალბატონო, ეს ქვითარი როდის ამოწერეთო? მე კინაღამ გავგიჟდი _ თქვენს თვალწინ არ ამოვწერე-მეთქი? თქვენ იქ რას ჩხაკუნობდით, მე რა ვიციო, მე ის ვიცი, რასაც ვხედავო. ქვითარზე სხვა დრო იყო დაფიქსირებული. მე ყოველ წუთში ხომ არ ვაკონტროლებ აპარატის სიზუსტეს? არადა, რამდენიმე დღის უკან გავასწორებინე, თანაც უკვე მესამედ. ყოველ წუთში სარბენად სად მცალია? ჯერ ერთი, ტაქსით უნდა წახვიდე, ისე შორსაა. ყველაფერი ხომ ხარჯებთანაა დაკავშირებული?! რატომ ვიხდით ამ აპარატებში ყოველთვიურად 5 ლარს მომსახურებაში თუ გასარემონტებლად მე უნდა ვირბინო ზევით-ქვევით? ეს ყველაფერი ამ ბიჭს მოვუყევი. ქალბატონო, აპარატი თუ არ ვარგა, გამოცვალეთო, _ იყო პასუხი. როგორ გამოვცვალო, იხ ხომ 300 ლარი ღირს-მეთქი. ოჯახაშენებულო, 300 ლარის გადახდა არ გირჩევნიათ 5000-ლარიან ჯარიმასო? – მითხრა. ახლა გაპატიებთ, დედისტოლა ქალი ბრძანდებით, მეორეჯერ კი აუცილებლად დაგაჯარიმებთო. მე ხომ ჩემი დამემართა, ნერვიულობით კინაღამ მოვკვდი. თურმე, არასწორი დროის ჩვენებაზე ჯარიმა არ ყოფილა! რა უფლება ჰქონდა იმ ბიჭს ასე მომქცეოდა, რატომ მომაყენა ასეთი სულიერი ტრავმა? გამაგებინეთ, ამ ხალხს განა აქვს ასე მოქცევის უფლება? ისინი თვითნებურად მოქმედებენ თუ კანონს ასრულებენ ზედმიწევნით? გამაგებინეთ, რა ხდება, ნუთუ, კანონიერია, რაც კეთდება? ჩემი ჯანმრთელობა რომ შეარყიეს, ეს არაფერია? მე რომ რამე მომივიდეს, ჩემს შვილებს ვინ ეპატრონება, ვისი იმედი მქონდეს, ამ მთავრობის, რომელიც ასეთ უკანონო კანონებს ახორციელებს? გამაგებინეთ, რატომ გვისაფრდებიან, ხომ შეიძლება, მექანიკურად გამომრჩეს თუნდაც ერთი 5-თეთრიანი ქვითრის ამოჭრა, ამაში 500 ლარიანი ჯარიმა სირცხვილი არ არის? ძალიან გთხოვთ, უმორჩილესად გთხოვთ, ამ ჯარიმებზე რამე მოახერხოთ. მე კაპიკის გადახდის საშუალება არ გამაჩნია. ამ უმსგავსო ქმედებებით ფსიქოლოგიური ტრავმა მივიღე, მთლად თუ გამომიყვანენ მდგომარეობიდან. ანალოგიური შემთხვევა კიდევ დაფიქსირდება, მე ჩემს თავზე პასუხს არ ვაგებ. კიდევ არაფრის გულისთვის დამაჯარიმებენ? მერე მე ვიცი, რასაც ვიზამ. მე ჩემი შვილების კეთილდღეობისთვის უკვე ყველაფერზე ვარ წამსვლელი," _ უამრავ კითვას სვამს აღშფოთებული რესპონდენტი.

მაგრამ, ეს არ არის ყველაფერი, რასაც საგადასახადოს თანამშრომლები აკეთებენ. ჩვენი რესპოდენტის თქმით, ისინი ჯერ დაბალფასიან პროდუქტს იყიდიან, მერე მობრუნდებიან, _ ეს არ მინდოდა, ის მომეციო, იმას ვიყიდიო და ასე უსასრულოდ გრძელდება, სანამ ყველა ქვითარს არ ამოწერენ.

_ ხომ შეიძლება, ყველაფერი ერთად ჩამოაყალიბონ, რომ ერთი ქვითარი ამოვწეროთ? მაგრამ ამას სპეციალურად აკეთებენ, იქნებ, რომელიმე ქვითარი გამოგვრჩეს. ამას ჰქვია სამსახური? რატომ ჩაითრიეს ეს ახალგაზრდა, უმუშევარი ბავშვები ასეთ სიბინძურეში, ასეთ სისაძაგლეს როგორ აკეთებენ ფულის სანაცვლოდ? განა, ვინმეს შეერგება ასეთი ჩასაფრებული ქმედებით აღებული ეს ნაწყევარი, ხალხის გამწარების სანაცვლოდ აღებული ფული? მე მარტო არ ვარ ამ სიტუაციაში, მთელი ქვეყანა გასაჭირშია, რიგორმე ბოლო უნდა მოეღოს და წერტილი უნდა დაესვას ამ უმსგავსობას, _ გვითხრა მირანდა ნაჭყებიამ.

"გურია ნიუსი" ამ საკითხთან დაკავშირებით, შემოსავლების სამსახურის საზოგადოებასთან ურთიერთობისა და მარკენტიგის დეპარტამენტის უფროსს, მაკა ფანქველაშვილის დაუკავშირდა:

_ აბსოლუტურად დარწმუნებული ვარ, გადავამოწმე ეს ინფორმაცია და იმ ქალბატონს ჩეკი არ ამოურტყმია, 100%-ით დარწმუნებული ვარ, _ გვითხრა მაკა ფანქველაშვილმა.

მცირე მეწარმეთა დიდი ნაწილი კი, ჟურნალისტებთან საუბარში ისევ იმ კითხვებს სვამს, რომლებიც მირანდა ნაჭყებიას აწუხებს.




 ახალი ამბები
  • დაირღვა თუ არა 7 წლის ბავშვის უფლებები _ დიდი გამოხმაურება სოციალურ ქსელშიდღეს დიდი აჟიოტატი მოყვა სოციალურ ქსელში გავრცელებულ ვიდეოს და ფოტოს, სადაც შვიდი წლის გოგონა არის გადაღებული. “გული მაქვს გახეთქვაზე. 7 წლის გოგოს აცვია პენუარი, უჩანს საცვალი და ცეკვავს დაახლოებით, ისე, როგორც სტრიპტიზ ბარში ცეკვავენ; ანუ არის ჰიპერსექსუალიზირებული, დასწავლილი მოძრაობებით, რომელიც ერთმნიშვნელოვნად მიმართულია სექსუალური ლტოლვის აღძვრაზე. ამ ვიდეოებს აქვს ათასობით ნახვა, ზოგი ბოროტად იყენებს და ზოგი რატომღაც ვერ ხვდება, რომ ბავშვი არ შეიძლება წარმოვაჩინოთ სექსუალურ ობიექტად.“ - წერს სოციალურ ქსელში ქალთა უფლებადამცველი ბაია პატარაია. ის ასევე აღნიშნავს: განათლების სამინისტროს საღათას ძილით სძინავს საპატრიარქოს და ვასაძისებრთა შიშით, სქესობრივი უმეცრება და პედოფილია კი ყვავის ქვეყანაში. ბოლო 6 თვეში 28 პირს შეეფარდა პატიმრობა არასრულწლოვანის მიმართ გარყვნილ ქმედებაზე. შსს-ს უკვე მივმართე და გარკვეული ნაბიჯები უკვე დაგეგმილი აქვთ. შეიბრალეთ თქვენი ქალიშვილები, ნუ წაართმევთ ბავშვობას, ქალობას ისედაც მოესწრება, ნუ აქცევთ პატარა გოგონებს პედოფილების სამიზნედ. ბავშვის სექს-ობიექტად გადაქცევა არის საზიანო და ძალიან საშიში პრაქტიკა. სოციალურ ქსელში ამ თემას დიდი გამოხმაურება მოჰყვა. როგორც გაირკვა, გოგონა ოზურგეთიდან არის. მისი ახლობელი კი ფეისბუქზე შემდეგი სახის კომენტარს წერს. მ.ც.-ძე: არ შემიძლია ამ თემას არ გამოვეხმაურო. დავიწყებ იქიდან, რომ ეს ბავშვი, არის ულამაზესი და უნიჭიერესი. 6 წლის ასაკში ცდილობს მიაღწიოს წარმატების მწვერავლებს და ჩვენ რას ვაკეთებთ? _ ბავშვს ყოველგვარ იმედს და ხალისს ვუკლავთ, ჩვენი ბოღმით, მერე რა რომ გამოპრანჭულია, თქვენი შვილები მსგავს კონკურსში რომ გამოდიოდნენ, არ გამოპრანჭავდით ? თქვენ არ იპრანჭებოდით ბავშვობაში? ყველაფერს თავი რომ დავანებოთ, არის ბავშვი. როგორ შეიძლება მსგავსი სიტყვები ჩემმამდე მართლა არაღწევს. მიუხედავად იმისა, რომ არვიცნობ ამ ულამაზეს პატარას, მინდა ვუსურვო უამრავი წარმატება ცხოვრებაში და ვურჩიო, რომ არავის ლაპარაკს ყურადღება არ მიაქციოს და ისწრაფოს თავისი მიზნებისა და ოცნებების ასრულებისთვის. #არაბულინგს. (ამის შემდეგ გოგონას მშობლებს მიმართავს) საუკეთესო მშობლები ხართ თქვენს შვილს ასე რომ უვლით და ხელს უწყობთ წარმატების მიღწევაში. "ეს ჩემი შვილია, 7 წლის. არავის არაფერს ვუმტკიცებ, მაგრამ უმაკიაჟოადაც ბრილიანტი მყავს. აი, თქვენ კი თქვენს ნაკლს ვერ ხედავთ და სხვას აკრიტიკებთ. ჩემი შვილის ჩაცმა-გამოპრანჭვას თქვენ ნამდვილად არ შეგეკითხებით. თქვენ მაგაზე არ იდარდოთ, თქვენს თავს მიხედეთ. ის კი ნამდვილად ვიცი, თქვენნაირ სულით მახინჯ ადამიანად ნამდვილად არ აღვზრდი. მადლობა ყურადღებისათვის," - ეს კი 7 წლის გოგონას დედის კომენტარია, რომელიც ასევე ფეისბუქით ვრცელდება. სოციალურ ქსელში ფსიქოლოგმა, მაია ცირამუამ და ბავშვთა უფლებადამცველმა, ანი აბაშიძემ შემდეგი სახის პოსტები გაავრცელეს, რომელსაც “გურია ნიუსი“ უცვლელად გთავაზობთ. მაია ცირამუა: ბავშვი არ არის ინსტრუმენტი, თოჯინა, სათამაშო .... ბავშვი არ შეიძლება გამოპრანჭოს მშობელმა, გაუკეთოს მაკიაჟი, რაც ყველაზე შემზარავია "გაასექსუალუროს" და მერე ფბ-ზე გამოჭიმოს მისი ვიდეო, რომელსაც 150 000 ზე მეტი ნახვა აქვს - ანუ კარგი მასალაა ცუდად დაინტერესებული ადამიანებისთვის. ბავშვის ასეთ საფრთხეში ჩაგდება არ შეიძლება, სულ რომ გალიაში გამოკეტოთ და დაცული გყავდეთ - აზიანებთ, სერიზოულად აზიანებთ მის ფსიქიკას და ამას გარდა ნორმად აქცევთ ბავშვის სექსუალიზაციას. ასეთ მშობელს სოციალურმა სამსახურმა უნდა გააგებინოს საკუთარი ფუნქცია, სულ რომ მდიდარი და გავლენიანი იყოს, სოციალურ სამსახურს აქვს უფლებამოსილება ეს გააკეთოს, რადგან ბავშვის ინტერესი არის უპირატესი. P.S. არ მკითხოთ რა მოხდა, მაშინ მომიწევს ლინკების მოცემა და გავრცელება იმისი, რაც პირიქით უნდა შეიზღუდოს ამ სივრცეში. რაც მოხდა მიწერია ისედაც. ანა აბაშიძე: პატარა გოგონასთან დაკავშირებულ ვიდეო და ფოტო მასალებთან დაკავშირებით, ჩემი შეფასებით:1. მოხდა ბავშვისთვის სექსუალიზება; 2. ბავშვი ჩააყენეს მისთვის სრულიად შეუსაბამო და შეუფერებელ როლში და ამით მას მიაწოდეს მისთვის არასასურველი და ასაკის გათვალისიწინებით დაუშვებული სექსუალური შინაარსის ინფორმაცია; 3. ბავშვის საშუალებით მოხდა ბავშვთა ქორწინების რომანტიზება/ნორმალიზების ხელშემწყობი ქცევა; 4. შესაძლოა ბავშვი გახდეს ონლაინ და ოფლაინ პედოფილების სამიზნე; 5. შესაძლოა ბავშვი გახდეს ბულინგის სამიზნე 6. მსგავსი ქცევა არ ეხმარება ბავშვის ფსიქო-ემოციურ, კოგნიტურ და ფიზიკურ განვითარებას, უფრო აზიანებს მას. ახლა რა უნდა მოხდეს, მნიშნელობა არ აქვს განზრახ თუ გაუფრთხილებლობით მოხდა ეს, შსს-მ, სოც სამსახურმა, მანდატურის სამსახურმა და სხვა დაკავშირებულმა უწყებებმა უნდა შეიმუშაონ ერთობლივი განცხადება აუხსნან და გააფრთხილონ მშობლები ამ რისკებზე და მოუწოდონ მასალის აღება დაუყოვნებლივ. ეს არის აუცილებელი პრევენციული ქცევა. თუ განმეორდება მსგავსი რამ უკვე უწყებების უშუალო ჩარევის საფუძველი გახდება. გვახსოვდეს, ბავშვს ვაზიანებთ გააზრებულად თუ გაუაზრებლად, შედეგეს არ ცვლის ამიტომ ყველა თანაბრად ყურადღებით უნდა იყოს.“ "პალიტრავიდეოსთან" შსს პრესსამსახურში გავრცელებულ კადრებზე შემდეგი სახის კომენტარი გაკეთდა. „გავრცელებული ინფორმაცია არ შეიცავს დანაშაულის ნიშნებს, თუმცა ცნობიერების ამაღლება მსგავსი ვიდეოების საფრთხეებთან და ბავშვის განვითარების რისკებთან დაკავშირებით საჭიროებს განზოგადებას და ხანგრძლივვადიან მულტიდისციპლინურ მუშაობას, რომელშიც ჩართული უნდა იყოს როგორც სახელმწიფო უწყებები, ისე სამოქალაქო სექტორის წარმომადგენლები.ამ მიზნით, ადამიანის უფლებათა დაცვისა და გამოძიების ხარისხის მონიტორინგის დეპარტამენტი გეგმავს ქეის-კონფერენციას შესაბამისი უწყებების ჩართულობითა და ... ...
  • ბოლნისში ქმარმა ცოლი მოკლაბოლნისში ქმარმა ცოლი მოკლა. შემთხვევა სოფელ ტალავერში მოხდა. გავრცელებული ინფორმაციით, კაცმა ქალი ქამრით გაგუდა. წყვილს 3 არასრულწოვანი შვილი ჰყავს. როგორც შსს-ში აცხადებენ, დანაშაულში ეჭვმიტანილი უკვე დაკავებულია. უწყების ინფორმაცით, სისხლის სამართლის საქმე 109-ე მუხლის მეორე ნაწილის ბ- ქვეპუნქტითაა ... ...
  • თეთრიწყაროში დასაქმებისა და პროფესიული განათლების ფორუმი გაიმართება18 ოქტომბერს, თეთრიწყაროში დასაქმებისა და პროფესიული განათლების ფორუმი გაიმართება.    ფორუმი, რომელიც სამუსიკო სკოლის დარბაზში, 11 საათსა და 30 წუთზე დაიწყება,  მიზნად ისახავს ადგილობრივი სამუშაოს მაძიებლების პროფესიულ საგანმანათლებლო დაწესებულებებსა და კერძო კომპანიებთან დაკავშირებას. ღონისძიებაში მონაწილეობას სოფლის განვითარების პროექტების წარმომადგენლები მიიღებენ.  ფორუმის ფარგლებში, სამუშაოს მაძიებლები დამსაქმებლების მიერ შეთავაზებულ ვაკანსიებს ადგილზე გაეცნობიან და პროფესიული მომზადების კურსების შესახებ დეტალურ ინფორმაციას მიიღებენ. თავის მხრივ, დამსაქმებლებს  საშუალება ექნებათ არსებულ ვაკანსიებზე მოიძიონ შესაბამისი კადრები. გარდა ამისა, სხვადასხვა სფეროში მომუშავე წარმატებული ადამიანები, ფორუმის მონაწილეებს თავიანთ ისტორიებს გაუზიარებენ, თუ როგორ შეიძლება  გახდე კონკურენტუნარიანი შრომის ბაზარზე. RDFG კი,  ღონისძიების მიმდინარეობისას, ფორუმის მონაწილეთათვის პროფესიული მომზადება-გადამზადების კურსების 30 უფასო ვაუჩერებს გაათამაშებს. გამარჯვებულებს  შესაძლებლობა ექნებათ, მათი ინტერესების შესაბამისი, პროფესიული მომზადება-გადამზადების მოკლევადიანი კურსი თავად შეარჩიონ. სოციალური მომსახურების სააგენტომ ფორუმის გამართვის შესახებ მოკლე ტექსტური შეტყობინება worknet-ზე დარეგისტრირებულ რეგიონში მცხოვრებ, 26 000-მდე, სამუშაოს მაძიებელს წინასწარ გაუგზავნა. ღონისძიებაზე მონაწილეობისთვის სამუშაოს მაძიებელმა რეგისტრაცია უნდა გაიაროს (სარეგისტრაციო ლინკი - http://apps.ssa.gov.ge:4000/ ). ღონისძიების მსვლელობისას სამუშაო მაძიებლებს ინდივიდუალურ კონსულტაციებს  გაუწევენ და საჭიროების შემთხვევაში, worknet.gov.ge-ზეც დაარეგისტრირებენ.  ასევე, ფორუმზე სააგენტოს წარმომადგენლები როგორც სამუშაოს მაძიებლებს, ასევე დამსაქმებლებს ქვეყანაში დასაქმების ხელშემწყობი პროგრამებისა და სერვისების შესახებ დეტალურ ინფორმაციას ... ...
  • ჩოხატაურში სამუსიკო სკოლა გაიხსნა (R)ჩოხატაურში სამუსიკო სკოლა გაიხსნა. რეაბილიტირებული სკოლა დღეს გურიის მხარის რწმუნებულმა ზურაბ ნასარაიამ, ჩოხატაურის მერმა ირაკლი კუჭავამ და საკრებულოს თავმჯდომარე ზაალ მამალაძემ, მხარისა და ადგილობრივი ხელისუფლების წარმომადგენლებთან ერთად გახსნეს. მოსწავლეებმა სკოლის გახსნა საზეიმოდ აღნიშნეს. შესრულდა სხვადასხვა მუსიკალური ნომერი. ა(ა)იპ სამუსიკო სკოლას სრული რეაბილიტაცია ჩაუტარდა. გაფართოვდა საკონცერტო დარბაზი და მოეწყო შენობის თბოიზოლაცია. პროექტი, რომლის ღირებულებამ 277 988 ლარი შეადგინა, რეგიონებში განსახორციელებელი პროექტების ფონდიდან დაფინანსდა. ... ...
  • ინგა გრიგოლია TV პირველის დირექტორი გახდატელეკომპანია პირველის მფლობელის, ვატო წერეთელის განცხადებით, დღეიდან ტელევიზიას ჟურნალისტი ინგა გრიგოლია უხელმძღვანელებს. მანამდე ამ თანამდებობას პაატა კაკაურიძე იკავებდა. დღეიდან ტელეკომპანია ,,პირველს,, ინგა გრიგოლია უხელმძღვანელებს. გადავდივართ განვითარების ახალ ეტაპზე , რომელსაც სათავეში ახალი დირექტორი ჩაუდგება, დიდი გეგმებით და მთელი გუნდის ერთიანი ძალისხმევით .ინგა ,,პირველზე,, იმ დროს მოვიდა, როცა აქ პირველი აგური იდებოდა და ჩვენი ტელევიზიის ყველა თანამშრომელთან ერთად,, მთელი ენერგია ჩადო ჩვენი ტელევიზიის განვითარებაში. უკვე დღეიდან ,,რეაქციასთან " ერთად ის მთელი არხის ახალ ეტაპზე გადასვლის პროცესს ჩაუდგება სათავეში. მჯერა, ეს ახალი ეტაპი კიდევ უფრო წარმატებული გამოგვივა. ინგა გრიგოლია, წარმატებებს გისურვებ! _ წერს ვატო წერეთელი ფეისბუქის საკუთარ ... ...

არქივი

ზაფრანი

ჰოლივუდელების საყვარელი წიგნები

ბრიუს უილისის რჩეული წიგნია, ჰეროდოტეს...

ყველაზე მომხიბლავი ქერა მსახიობები

ქერა თუ შავთმიანი? სხვადასხვა გამოკვლევებით...

ერთ დროს უსახლკარო ვარსკვლავები

თინეიჯერულ ასაკში ჯიმ ქერი ოჯახთან...

კოკა-კოლას სასარგებლო თვისება

დღესდღეობით თითქმის ყველამ იცის კოკა-კოლას...

რატომ უნდა დადოთ საწოლთან გაჭრილი ლიმონი

ლიმონი ვიტამინი C-ს წყაროა. გარდა...

სიზმრის ახსნა

კბილის გატეხვა ან ამოღება -...
კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...