სახელმწიფო საკონსტიტუციო კომისიას საქართველოს პარლამენტის თავმჯდომარე უხელმძღვანელებს

საზოგადოება

სახელმწიფო საკონსტიტუციო კომისიას საქართველოს პარლამენტის თავმჯდომარე უხელმძღვანელებს

9 დეკ. 2016, 20:39:44

პარლამენტის დადგენილების პროექტზე „სახელმწიფო საკონსტიტუციო კომისიის შექმნის შესახებ", კომისიის დაფუძნების ფორმატსა და საქმიანობაზე პარლამენტის თავმჯდომარემ, ირაკლი კობახიძემ დღეს გამართულ ბრიფინგზე ისაუბრა.

პარლამენტის თავმჯდომარის თქმით, კომისიის საქმიანობა გამჭვირვალობის პრინციპს დაეფუძნება და მასში ყველა დაინტერესებული მხარის ფართო ჩართულობა იქნება უზრუნველყოფილი.

კომისიის საქმიანობაში აქტიურ მონაწილეობას მიიღებენ როგორც საპარლამენტო, ასევე არასაპარლამენტო პარტიები, კონსტიტუციური ორგანოებისა და სამოქალაქო სექტორის წარმომადგენლები, ექსპერტები და უცხოელი პარტნიორები, განსაკუთრებით კი ვენეციის კომისია. ირაკლი კობახიძის ინფორმაციით, ვენეციის კომისიასთან აღნიშნულ საკითხზე აქტიური მოლაპარაკებები უკვე მიმდინარეობს და აქვე განაცხადა, რომ თუ რომელიმე ნორმა ვენეციის კომისიის მიერ ნეგატიურად შეფასდება, ის არ იქნება მიღებული საქართველოს პარლამენტის მიერ.


„მთავარი ამოცანა არის ის, რომ იყოს ეფექტიანად წარმართული კომისიის მუშაობა და რა თქმა უნდა, ამ შედეგზე მე, როგორც კომისიის თავმჯდომარე, ბუნებრივია, ავიღებ პასუხსიმგებლობას. გარდა ამისა, პასუხისმგებლობას ავიღებ თავად დოკუმენტის შინაარსზეც. ახლავე შემიძლია დავდო პირობა, რომ თუ იქნება თუნდაც ერთი ნორმა, რომელიც ნეგატიურად იქნება შეფასებული ვენეციის კომისიის მიერ, ასეთი ნორმა არ იქნება მიღებული საქართველოს პარლამენტის მიერ. ამაზე შეგვიძლია დღესვე ავიღოთ ჩვენ პასუხისმგებლობა", - განაცხადა ირაკლი კობახიძემ.

ირაკლი კობახიძემ ისაუბრა სახელმწიფო საკონსტიტუციო კომისიის ფორმატზეც და აღნიშნა, რომ მსჯელობის შედეგად, საკონსტიტუციო კომისიის საპარლამენტო ფორმატი შეირჩა.

„გვქონდა კომუნიკაცია როგორც პრეზიდენტის, ასევე მთავრობის ადმინისტრაციასთან. კიდევ ერთხელ იყო მსჯელობა სხვადასხვა ფორმატთან დაკავშირებით. საბოლოო ჯამში ჩვენ შევჯერდით არსებულ პოზიციაზე, რომლის მიხედვითაც არსებითად საპარლამენტო ფორმატში უნდა წარიმართოს მუშაობა. ამასთან დაკავშირებით არსებობს კონკრეტული არგუმენტები: ჩვენ მიგვაჩნია, რომ არსებული კონსტიტუციური სისტემის ლოგიკა ყველაზე მეტად სწორედ ასეთ ფორმატს მოითხოვს. ეს ფორმატი იქნება ყველაზე ეფექტიანი შედეგის თვალსაზრისით. ჩვენი საბოლოო მიზანია კონსტიტუციის გადასინჯვა ისეთი სახით, რომ უზრუნველყოფილი იყოს კონსტიტუციის სრული შესაბამისობა ფუნდამენტურ პრინციპებთან, მათ შორის, ხელისუფლების დანაწილების პრინციპთან. როგორც მოგეხსენებათ, დღეს ეს პრინციპი არ არის დაცული კონსტიტუციის მოქმედი ტექსტით. ჩვენი ამოცანაა, ერთხელ და სამუდამოდ ჩამოვაყალიბოთ ისეთი კონსტიტუციური სისტემა, რომელიც ხელს შეუწყობს ქვეყნის გრძელვადიან დემოკრატიულ განვითარებას", - განაცხადა ირაკლი კობახიძემ.

როგორც პარლამენტის თავმჯდომარემ აღნიშნა, კონსტიტუცია გადასახედია საკანონმდებლო და აღმასრულებელ ხელისუფლებას შორის ძალაუფლების დაბალანსების მიმართულებით.
„არცერთი წინასწარ განსაზღვრული გადაწყვეტილება ჩვენ არ გვაქვს. ყველაფერი უნდა იყოს განხილული ფართო ჩართულობის საფუძველზე იმ ფორმატში, რომელიც არის დღეს შემოთავაზებული. სწორედ განხილვებისა და მსჯელობის საფუძველზე უნდა ჩამოვყალიბდეთ ჩვენ კონკრეტულ დებულებებთან დაკავშირებით. მათ შორის არის, რა თქმა უნდა, პრეზიდენტის არჩევის წესი, პარლამენტის არჩევის წესი და სხვა საკვანძო დებულებები, რომლებიც ჩვენ გვხვდება კონსტიტუციაში", - განმარტა პარლამენტის თავმჯდომარემ. მან კიდევ ერთხელ აღნიშნა, რომ მთავარი ამოცანა კონსტიტუციის კონსტიტუციონალიზმის ფუნდამენტური პრინციპების შესაბამისად გადასინჯვაა და არა სუბიექტური პოლიტიკური ინტერესები. „აქ რომ იყოს საუბარი ვიღაცის სუბიექტურ პოლიტიკურ ნებაზე, მათ შორის, „ქართული ოცნების" პოლიტიკურ ნებაზე, ჩვენ საერთოდ არ შევეხებოდით საქართველოს კონსტიტუციას. თუ საუბარია სუბიექტურ პოლიტიკურ ინტერესებზე, ჩვენ შეგვიძლია მუშაობა თავისუფლად გავაგრძელოთ არსებული კონსტიტუციითაც. ჩვენი მთავარი ამოცანაა კონსტიტუციის დახვეწა. კონსტიტუცია საჭიროებს დახვეწას და სწორედ ამ მიზნით იმუშავებს კომისია".

დღეს გამართულ ბრიფინგზე კონკრეტულ ნორმებსა და დებულებებზე საუბრისგან ირაკლი კობახიძემ თავი შეიკავა, თუმცა, პოზიცია დააფიქსირა კონსტიტუციის 81-ე მუხლთან დაკავშირებით, რომელიც მთავრობისადმი უნდობლობის გამოცხადების პროცედურას ეხება. „რაც შეეხება 81-ე მუხლს, რომელიც ითვალისწინებს უნდობლობის გამოცხადებას და ძალიან გართულებულ პროცედურას, ეს აუცილებლად საჭიროებს გადახედვას, დახვეწას. ეს არის ერთ-ერთი მთავარი ასპექტი, რომელიც ნეგატიურად აისახება პარლამენტისა და მთავრობის ურთიერთობაზე. აქედან გამომდინარე, უნდობლობის გამოცხადების პროცედურა არის აუცილებლად დასახვეწი. ამაზე მე, როგორც ექსპერტს, თავის დროზე, მქონდა ძალიან მყარი პოზიცია, ჩამოყალიბებული და ამ პოზიციაზე ბუნებრივია, ვრჩები", - განაცხადა ირაკლი კობახიძემ.

საქართველოს პარლამენტის დადგენილების პროექტის თანახმად, სახელმწიფო საკონსტიტუციო კომისია მუშაობას მიმდინარე წლის ბოლომდე შეუდგება და საბოლოო პროექტს მომავალი წლის 30 აპრილამდე შეიმუშავებს, რის შემდეგაც პროექტის საყოველთაო სახალხო და საპარლამენტო განხილვები გაიმართება.




 ახალი ამბები
  • საქართველოს ბანკი ხუთ ევროპულ საფინანსო ინსტიტუტთან ერთად ქალთა გაძლიერების ხელშეწყობაზე აცხადებსსაქართველოს ბანკმა ხუთ ევროპულ საფინანსო ინსტიტუტთან ერთად (DEG, Finfund, FMO, SIFEM და Swedfund) 2X Challenge ინიციატივის მხარდაჭერაზე განაცხადა. ინიციატივა ქალი მეწარმეებისთვის ფინანსური ხელმისაწვდომობის ზრდას, მათი ბიზნესის მხარდაჭერას და განვითარების ხელშეწყობას ისახავს მიზნად. 2X Challenge ინიციატივის შეერთებით საქართველოს ბანკმა კიდევ ერთხელ ხაზგასმით აღნიშნა მისი მიზნები, რაც ქალებისთვის ხარისხიან დასაქმებასა და ეკონომიკურ პროცესებში აქტიურად ჩართულობის უზრუნველყოფას ითვალისწინებს. ბანკში დასაქმებულთა 40%-ზე მეტი ქალია და საქართველოს ბანკს მნიშვნელოვანი წვლილი შეაქვს ქალთა როლის და წინსვლის გაძლიერების მიმართულებით. ეს გამოიხატება ისეთ საკითხებშიც, როგორიცაა დეკრეტულ შევებულებასთან დაკავშირებული კომპენსაცია, პრემია ქორწინებისას და დამატებითი ანაზღაურებადი გამოსასვლელი დღეები. ”ჩვენ, საქართველოს ბანკში ვცდილობთ ხელი შევუწყოთ გენდერულ თანასწორობასა და მრავალფეროვნებას, წავახალისოთ კულტურა, რომელიც აქტიურად აფასებს განსხვავებებს და აღიარებს, რომ სხვადასხვა გამოცდილებისა  და ცოდნის მქონე ადამიანებს შეუძლიათ მნიშვნელოვანი წვლილი შეიტანონ სამუშაო პროცესსა და გარემოში.   მოხარული ვარ, რომ 2X Challenge-მა აღიარა ბანკის წარმატებული პრაქტიკა ქალთა როლის გაძლიერების, ბანკის პოლიტიკისა და მის მიერ განხორციელებული პროგრამების მიმართ, რომელიც  ქალთა დასაქმების, განვითარების და წინსვლის ბარიერების აღმოსაფხვრისაკენ არის მიმართული“, - განაცხადა არჩილ გაჩეჩილაძემ, საქართველოს ბანკის გენერალურმა დირექტორმა. 2X Challenge-ის შექმნა 2018 წლის მსოფლიო ეკონომიკური ფორუმის გენდერული უთანასწორობის გლობალურ ანგარიშს მოყვა. მასში აღნიშნული იყო რომ გენდერული დისბალანსის წინააღმდეგ, არსებული ტემპებით ბრძოლის შემთხვევაში, საჭიროა 202 წელი, რათა ეკონომიკურ პროცესებსა და თანაბარ გენდერულ შესაძლებლობებში განსხვავება დაიძლიოს. ინიციატივამ G7-ის ქვეყნებსა და სხვა საფინანსო ინსტიტუტებს მოუწოდა ძალების გაერთიანებისკენ, რათა 3 მილიარდი აშშ დოლარის მობილიზება მომხდარიყო, რაც  განვითარებად ქვეყნებში ქალებისთვის ლიდერობის შესაძლებლობებისკენ წვდომას, ხარისხიან დასაქმებას, დაფინანსების მოპოვებას, ქალი მეწარმეების ეკონომიკურ პროცესებში ჩართულობასა და მხარდაჭერას უზრუნველყოფს. საფინანსო ინსიტუტების, როგორიცაა DEG, Finfund, FMO, SIFEM და Swedfund-ის გაერთიანებული ძალისხმევა არის მაგალითი იმისა თუ როგორ შეუძლიათ საფინანსო ინსტიტუტებს მხარი დაუჭირონ გენდერულ თანასწორობას. მიმდინარე მდგომარეობით, FMO-ს მიერ განხორციელებული 13 ინვესტიცია უკვე აკმაყოფილებლს 2X Challenge-ის კრიტერიუმებს, რის შედეგადაც  270 მლნ აშშ დოლარი მიმართულია ქალთა ეკონომიკური გაძლიერებისკენ. ... ...
  • ჰაერის მაქსიმალურმა ტემპერატურამ შესაძლებელია 42 გრადუსს მიაღწიოს„9 ივლისამდე საქართველოში ნარჩუნდება ჰაერის მაღალი ტემპერატურა. 7 ივლისს დასავლეთ საქართველოს დაბლობ რაიონებში ჰაერის მაქსიმალურმა ტემპერატურამ შესაძლებელია 40, 42, მთიან რაიონებში 35, 37, ხოლო შავი ზღვის სანაპირო ზოლში 33, 35 გრადუსს მიაღწიოს. აღმოსავლეთ საქართველოში 7-8 ივლისს ჰაერის მაქსიმალური ტემპერატურა ბარში 34, 39, მთიან რაიონებში კი 29, 34 გრადუსის ფარგლებშია მოსალოდნელი”,_ ამის შესახებ გარემოს ეროვნული სააგენტოს მიერ გავრცელებულ ინფორმაციაშია ნათქვამი. სააგენტო აღნიშნავს, რომ ჰაერის მაღალი ტემპერატურა ხელს უწყობს ტყის ხანძრების გაჩენას. გარემოს ეროვნული სააგენტოს მიერ გავრცელებული ინფორმაციითვე, 8 ივლისს, დღის მეორე ნახევრიდან 11 ივლისამდე საქართველოს ტერიტორიაზე შედარებით აგრილდება. დროგამოშვებით იწვიმებს, ზოგან ძლიერად, შესაძლებელია აღინიშნოს ელჭექი, სეტყვა, ქარის გაძლიერება და ზღვაზე 2-3 ბალიანი ღელვა. მოსალოდნელმა ძლიერმა ნალექებმა შესაძლებელია საქართველოს მდინარეებზე წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო ქვეყნის მთიან ზონებში მეწყრულ-ღვარცოფული პროცესების ჩასახვა-გააქტიურება ... ...
  • საქართველოს ბანკის მხარდაჭერით სოფელ ხაშმში ღვინის ქარხანა აშენდასაქართველოს ბანკი ღვინის სექტორის მხარდაჭერას განაგრძობს. ბანკთან თანამშრომლობით, კომპანიის დამფუძნებლების მონაწილეობით სოფელ ხაშმში თანამედროვე ტექნოლოგიებით აღჭურვილი ღვინის  ქარხანა აშენდა. კომპანია უკვე აწარმოებს ცხრა დასახელების ღვინოს. ესენია: ხაშმის საფერავი, რქაწითელი ქვევრი, მუკუზანი, რქაწითელი, საფერავი, ქინძმარაული, მწვანე ქვევრი, საფერავი ქვევრი, რქაწითელი-მწვანე ქვევრი. ღვინის წარმოების გარდა ბანკის მხარდაჭერით კომპანიამ ასევე ააშენა  5 ნომრიანი სასტუმრო და 150 კაცზე გათვლილი ღვინის ვერანდა.   კომპლექსი ჯამში 5,000 კვადრატულ მეტრზეა განთავსებული. პროექტი 2019 წელს დაიწყო და 1 წელიწადში დასრულდა.  დღეს უკვე კომპანია აქტიურად ახდენს ღვინის  რეალიზაციას და სასტუმროც მზად არის სტუმრების დასახვედრად. ბანკის მხრიდან პროექტის ფინანსურმა მხარდაჭერამ  2 მლნ აშშ დოლარი შეადგინა.  კომპანიაში ამ ეტაპზე  დასაქმებულია 30 ადამიანამდე. „ჩვენთვის ძალიან სასიამოვნოა, რომ  ჩვენი წვლილი მიგვიძღვის ქართულ სტუმარ-მასპინძლობის ტრადიციებზე დაფუძნებულ თანამედროვე კონცეპტუალურ სივრცის შექმნაში. მეღვინეობა "მტევინო"  ქართული ღვინის მწარმოებელი კომპანიაა, რომლის მარანიც  საგარეჯოს რაიონის, სოფელ ხაშმში, თბილისიდან 40 კმ-ში მდებარეობს. "მტევინო" საუკეთესო ადგილია ღვინისა და ვაზის ტრადიციების გასაცნობად. მოხარული ვართ რომ ამ  დროის მანძილზე კომპანიამ უკვე მოიპოვა მომხმარებლის მაღალი ნდობა, რადგან კომპანია უმაღლესი სტანდარტების დაცვით ქმნის ღვინოს ადგილობრივი და საერთაშორისო ბაზრისთვის“,- განაცხადა ზურაბ ქოქოსაძემ,  საქართველოს ბანკის კორპორაციული საბანკო მიმართულების ხელმძღვანელმა. აღსანიშნავია რომ ღვინის გარდა სასტუმრო „მტევინო“ დამსვენებელს მყუდრო და სასიამოვნო გარემოს სთავაზობს. ოთახებიდან იშლება ულამაზესი ხედები. კომპანია მომხმარებლებს ასევე სთავაზობს ღვინის ტურს, კულინარიულ მასტერკლასს, ღვინის ულამაზეს  ვერანდას და ღია კაფეს. ... ...
  • "ნაცემი იყო და ჰქონდა ნაკბენიც" _ ბავშვზე ფიზიკური ძალადობისთვის დედა დააკავესხელვაჩაურში ქალი დააკავეს 9 წლის შვილზე ფიზიკური ძალადობისთვის. „ბათუმელების“ ინფორმაციით, გოგო 9 წლისაა, ის ნაცემი იყო და ჰქონდა ნაკბენიც. “არასრულწლოვანი უკვე იმყოფება უსაფრთხო გარემოში. სოცმუშაკები არიან ჩართულები და საპროცესო წარმომადგენლობა დაიწყეს. „ბათუმელების“ ინფორმაციით, დედა, რომელიც თავის 9 წლის გოგონაზე ძალადობდა, უკვე დააკავა პოლიციამ. ქალის დაკავების შესახებ ინფორმაცია ამ დრომდე ვერ მოგვაწოდეს შინაგან საქმეთა სამინისტროდან და მას მიღებისთანავე აქვე ... ...
  • როდის აღდგება საქართველოში შიდა ფრენებიშიდა ტურიზმის ხელშეწყობის მიზნით, უწყებათაშორისი საკოორდინაციო საბჭოს გადაწყვეტილებით, უახლოეს დღეებში აღდგება შიდა ავიარეისები. საბჭოს სხდომაზე ასევე განიხილეს PCR ტესტირებების პროცესის მიმდინარეობა, ქვეყანაში არსებული სიმძლავრეები და კლინიკების რესურსები. დღევანდელი მონაცემებით, საქართველოში კორონავირუსით ინფიცირების 953 დადასტურებული შემთხვევაა, საიდანაც 830 პირი უკვე გამოჯანმრთელდა. უცხოეთიდან სამკურნალოდ საქართველოში გადმოყვანილია საქართველოს 3 მოქალაქე. გარდაცვლილია 15 ადამიანი. ამ ეტაპზე კარანტინში იმყოფება 3903 ადამიანი, ხოლო სტაციონარში, მეთვალყურეობის ქვეშ - 202 პირი. პრემიერ-მინისტრის ხელმძღვანელობით მოქმედი უწყებათაშორისი საკოორდინაციო საბჭოს მუშაობაში აქტიურად მონაწილეობენ საქართველოს პარლამენტი, თავმჯდომარე არჩილ თალაკვაძის ხელმძღვანელობით და პრეზიდენტის ... ...

არქივი

ტესტები

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ ყველაზე, ყველაზე...

იცი თუ არა გეოგრაფია

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...