"ბევრი გასაჭირი გამოვიარეთ ერთად, მაგრამ მაინც შევინარჩუნეთ ქართული ტრადაციები"

საზოგადოება

"ბევრი გასაჭირი გამოვიარეთ ერთად, მაგრამ მაინც შევინარჩუნეთ ქართული ტრადაციები"

13 დეკ. 2016, 16:03:05

ფოლკლორული ანსამბლი "იადონი" 43 წელია წარმატებით აგრძელებს თავის შემოქმედებას. მასში 17 წევრია გაერთიანებული. ანსამბლის ხელმძღვანელი ბიძინა მჟავია, წევრი დიმა ბაქანიძე და უხუცესი მომღერალი მოსე სვანიძე "გურია ნიუსთან" "იადონის" ისტორიაზე,  მათ თავგადასავალზე და კურიოზებზე საუბრობენ.

მათი თქმით, ანსამბლმა და მისმა წევრებმა ურთულესი პერიოდი გამოიარეს ტრადიციების შესანარჩუნებლად.

1968 წლის პირველ  სექტემბერს, გიორგი სალუქვაძის ინიციატივით, ოზურგეთის რაიონში  გურული ხალხური სიმღერების აღმდგენი და შემსწავლელი ოთხწლიანი სკოლა გაიხსნა, ამ სკოლის დირექტორი და საჩონგურო სიმღერების პედაგოგი  თავად გიორგი სალუქვაძე გახლდათ. როგორც "გურია ნიუსთან" საუბრისას ანსამბლის ხელმძღვანელი ბიძინა მჟავია ამბობს, საგალობლებისა და ხალხური სიმღერების მასწავლებლებად მოიწვიეს ცნობილი მომღერლები: ვლადიმერ ერქომაიშვილი, დომენტი ქარჩავა და შალვა ლორთქიფანიძე.

სკოლის დამთავრებისთანავე წარჩინებულ მსმენელთა ბაზაზე შეიქმნა ფოლკლორული ანსამბლი "იადონი'', რომელშიც გაწევრიანებული იყო 34 წევრი, გიორგი სალუქვაძემ ანსამბლი მოცეკვავეებით გააფართოვა, სიმღერების უმრავლესობა სრულდებოდა ცეკვებთან ერთად.
ანსაბლის წევრების თქმით, "იადონი'' მიწვეული იყო სხვადასხვა ქვეყანაში _ მოსკოვში, ლენინგრადში, ესტონეთში, ბელორუსიაში, ანსამბლის ყველა წევრს მიღებული აქვს ბელორუსიის და საქართველოს ლაურეატის წოდება.

1990 წელს გიორგი სალუქვაძის გარდაცვალების შემდეგ ანსამბლს სათავეში  ჩაუდგა ანსამბლის წევრი დიმიტრი ხომერიკი, რომელმაც შესანიშნავად გააგრძელა  წინსვლა.  2001-2002 წლებში ანსამბლი მიწვეული იყო თბილისის ხალხური სიმღერების ფესტივალზე, სადაც დაიმსახურა ფულადი ჯილდო.
ანსამბლმა წარმატებით გამართა კონცერტები თურქეთში.

2009 წელს ანსამბლს სათავეში ჩაუდგა ანსამბლის წევრი ბიძინა მჟავია, ამავე წელს საქართველოს ფოლკლორის ცენტრმა ოზურგეთში მიავლინა სიმღერების ჩამწერი ჯგუფი, პროფესორ ნატო დუმბაძის ხელმძღვანელობით, რომელმაც ჩაწერა ხალხური სიმღერები.

ფესტივალ "არტ-გენის" დაარსების დღიდან ანსამბლი ყოველწლიურად მონაწილეობს აღნიშნულ ფესტივალში, 2005 წელს "არტ-გენის'' ორგანიზატორმა ზაზა კორინთელმა და გია დიასამიძემ ანსამბლ "იადონის''  25 ხალხური სიმღერა ჩაიწერეს, გადაიღეს გურული "კალანდობა''.
2010 წელს სოფელ ცხემლისხიდში გ. სალუქვაძის სახლ-მუზეუმში ჩატარდა ტრადიციული "კალანდობა'', რომელიც ფილმის სახით გადაიღეს. ღონისძიებაში მონაწილეობდა ანსამბლი "იადონი.

2011 წელს ფოლკლორის ცენტრის დირექტორმა გიორგი უშიკიშვილმა რადიო-გადაცემისათვის ჩაიწერა "იადონის'' 3 სიმღერა. მათ შორის, ახალაღდგენილი "ასკანურა''.

"2013 წელს ანსამბლი "იადონი'' მიწვეული იყო ინგლისში, მსოფლიო პოლიფონისტთა ფესტივალზე, სადაც შევასრულეთ 42 სხვადასხვა სიმღერა,  2015 წელს ანსამბლი მიწვეული იყო გომისმთაზე "ჯვართმინდვრის'' ფესტივალზე, სადაც საუკეთესო შესრულებისთვის და სიგელი დავიმსახურეთ. წლების განმავლობაში აქტიურად მონაწილეობდა სხვადასხვა ფესტივალებში, სატელევიზიო გადაცემებში, სახალხო დღესასწაულებში, _ სიამაყით გვიყვებიან ანსამბლის წევრები
ანსამბლის ხელმძღვანელი ბიძინა მჟავია, მომღერალი დიმა ბაქანიძე და "იადონის" უხუცესი წევრი, 89 წლის მოსე სვანიძე  "გურია ნიუსთან" ანსამბლთან დაკავშირებულ ისტორიებს იხსენებენ და ამბობენ, რომ ტრადიციებს გაფრთხილება და შენარჩუნება სჭირდება.
"ჩვენ, ყველა ერთად,  მთელი ანსამბლი ერთი ოჯახი ვართ,  კი ხელფასი გვაქვს, მაგრამ ის თანხა, რაც აქ გვეძლევა, გზის ფულს თუ დაფარავს, ის რომ ამ ხელფასით ოჯახში  რაიმე შეიტანო გამორიცხულია, ყველა ენთუზიაზმით  და სიმღერის სიყვარულით ვართ, ერთმანეთს ვაძლიერებთ, გვინდა, რომ არ დაიკარგოს და მომავალ თაობას გადავცეთ ჩვენი ისტორია"
, _ ამბობენ ანსამბლის წევრები და იხსენებენ:

"თბილისში ვიყავით, "არტ-გენზე",  შემდეგ ტელევიზიაში მიგვიწვიეს ჩაწერაზე, გვითხრეს, ბოდიშს გიხდით, ყველას ადგილი ტელევიზიაში არ გვაქვსო და სამი ან ოთხი კაცი გამოუშვით, ისეთი,  ვისაც იუმორის გრძნობა ექნებაო, შევარჩიეთ მოსე და  დიმიტრი ხომერიკი. მოსე მეკითხება _  იქ რომ მივალ, რა უნდა ვთქვაო. არ ვიცი, რამე ისეთი, ხალხს რომ გავაცინებთ-მეთქი. კი, მაგრამ საციგნოდ მიძახიან ამხელა კაცსო? მე ვუთხარი მოსეს, აბა, სერიოზული რომ ნდომებოდათ, შენ კი არ დაგიძახედნენ, მე დამიძახებდნენ-მეთქი".

88 წლის მოსე სვანიძე ანსამბლ "იადონის" უხუცესი წევრია. ბატონი მოსე "გურია ნიუსთან" ტრადიციების შესახებ საუბრობს:
"ვაკიჯვარში ვცხოვრობ, 1928 წელს დავიბადე. სკოლიდან მიყვარდა სიმღერა, 24 წელია ვარ "იადონში", მანამდე ვლადიმერ ერქომაიშვილის ანსამბლში ვმღეროდი. ჩემთვის  ეს ანსამბლი და მისი წევრები  მთელი ცხოვრებაა, ესენი მაცოცხლებენ.

ჯაზმა დაღუპა საქართველო, ქორწილში ვერ იმღერებ, ვერ დაილაპარაკებ, ნათესავებს ვერ ჰკითხავ, როგორ არიან, რად გინდა მარტო ღვინის დალევა?! ქორწილი წინათ იყო სანახაობა, შეჯიბრი. ახლა სუფრას რესტორანში შლიან.  ჩვენი ანსამბლის წევრის ქორწილი იყო, მოვემზადეთ დავსხედით ერთ მაგიდასთან, მაგრამ ვინ გამღერა, ვის აინტერსებდა ჩვენი ამბავი,  აღარავის აინტერესებს ტრადიცია", _ სინანულით ამბობს ბატონი მოსე.

როგორც ანსამბლის უხუცესმა წევრმა გვიამბო, ქართული ადათ-წესების შესანარუნებლად უამრავ გასაჭირს გაუძლეს. "გაჭირვება ბევრი გვაქვს გამოვლილი, უხელფასოდ, სიცივეში, ყინვაში, დავდიოდით ტრადიციების შესანარჩუნებლად და  ასე, ვაივაგლახით შევინაჩუნეთ, ანსამბლი, _ ამბობს მოსე სვანიძე.
ანსამბლი, მთელი თავისი არსებობის განმავლობაში ცდილობს ტრადიციების   შენარჩუნებას, ასევე, მოიძიონ ის მარგალიტები, რომლებიც დღემდე შემორჩა ქართველი  ხალხის მეხსიერებას და არცერთი მათგანი ძალ-ღონეს არ იშურებს ამ მისიის შესასრულებლად.




 ახალი ამბები
  • "ცხედრები ძლივს ამოიცნეს" - ვინ არიან ხობში დაღუპული ახალგაზრდებიხობში მომხდარი ავტოსაგზაო შემთხვევის შესახებ "გურია ნიუსისთვის" ახალი დეტალები ხდება ცნობილი. როგორც ერთ-ერთმა ადგილობრივმა სააგენტოს განუცხადა, გარდაცვილები 30-წლამდე ახალგაზრდები არიან და ისინი მეზობლები იყვენენ. "სოფელში საშინელება ტრიალებს. ორი მიცვალებული ასვენია. ავარია იმდენად ძლიერი ყოფილა, ცხედრები ძლივს ამოუცნიათ", _ განაცხადა ადგილობრივმა, რომელმაც ვინაობის გამხელა არ ისურვა. შეგახსენებთ, ავტოსაგზაო შემთხვევა ცოტა ხნის წინ, სოფელ ბიაში ... ...
  • ავტოსაგზაო შემთხვევა ხობში- გარადაცვლილია 2 ადამიანიცოტა ხნის წინ ავარია მოხდა ხობის მუნიციპალიტეტის სოფელ ბიაში. როგორც ადგილიდან  „გურია ნიუსის“ კორესპონდენტი იუწყება მსუბუქი ავტომობილი ხეს შეეჯახა, რის შედეგადაც 2 ადამიანი გარდაიცვალა. ჩვენი ინფორმაციით, დაღუპულები 30 წლამდე ახალგაზრდები არიან. რა გახდა ავარიის მიზეზი უცნობია. როგორც "გურია ნიუსს"შინაგან საქმეთა სამინისტროში განუცხადეს, მომხარდზე  გამოძიება სისხლის სამართლის კოდექსის  276-ე  მუხლის მე-8  ნაწილით მიმდინარეობს,რაც ტრანსპორტის მოძრაობის უსაფრთხოების ან ექსპლუატაციის წესის დარღვევას ... ...
  • უბედური შემთხვევა საგარეჯოში - 70 წლის ქალბატონი საკუთარ თონეში ჩაიწვაუბედური შემთხვევა მოხდა საგარეჯოში - სოფელ  ვერხვიანში 70 წლის ქალბატონი საკუთარ  თონეში ჩაიწვა. ინფორმაცია „გურია ნიუსს“ მერის წარმომადგენელმა აღნიშნულ თემში,  ნოდარ ბეგიაშვილმა  დაუდასტურა. მისი განცხადებით, უბედური შემთხვევა დღეს, დაახლოებით პირველ საათზე მოხდა. არსებული ინფრმაციით, დაშავებული ქალის დახმარება ოჯახის წევრებმა სცადეს, თუმცა  იგი მიღებული დამწვრობით  ადგილზე ... ...
  • სამტრედიაში მარტის ბიუჯეტი 74, 5 პროცენტით, ხოლო აპრილის-63,1 პროცენტით შესრულდა1 ივნისს სამტრედიის მუნიციპალიტეტის საკრებულოს სხდომა გაიმართა, რომელსაც მუნიციპალიტეტის საკრებულოს თავმჯდომარის მოადგილე, კობა ძიძიგური უძღვებოდა. საკრებულოს წევრებმა მხარი დაუჭირეს ,,სპორტული კომპლექსი სამტრედიას" ბიუჯეტში ცვლილებას. კერძოდ გაიზარდა სტადიონის სარემონტო სამუშაოების დაფინანსება და საცურაო აუზში დანადგარების შეძენის ხარჯი. ინფორმაციის სახით გაჟღერდა 2020 წლის მარტისა და აპრილის ბიუჯეტის შესრულების ანალიზი. მარტში ადგილობრივი შემოსავლები 13 357 100 ლარით განისაზღვრა. მათ შორის საგადასახადო შემოსავლები-11 259 500 ლარი, სხვა შემოსავლები-2 900 700 ლარი. არაფინანსური აქტივების ზრდა-87 900 ლარი. მარტის ბიუჯეტი 74, 5 პროცენტით შესრულდა. აპრილის თვეში ადგილობრივი შემოსავლები იგივე დაგეგმარებით იყო, რაც მარტში. ბიუჯეტის შესრულებამ 63, 1 პროცენტი შეადგინა. მომხსენებლის, საფინანსო-საბიუჯეტო საკითხთა კომისიის თავმჯდომარის, შალვა არზუმანიანის თქმით, მარტისა და აპრილის ბიუჯეტის დაბალი მაჩვენებლით შესრულება კოვიდ 19-ის პანდემიას უკავ ... ...
  • ბავშვთა დაცვის დღე "ჯეო ჰოსპიტალსის" სამტრედიის ამბულატორიულ ცენტრშისაზეიმო ვითარებაში აღინიშნა ბავშვთა დაცვის დღე "ჯეო ჰოსპიტალს"-ის სამტრედიის ამბულატორიულ ცენტრში სადაც განსაკუთრებული და სადღესასწაულო გარემო დაახვედრეს კლინიკაში მოსულ ბენეფიციარებს. პატარა პაციენტებს სასიამოვნო სიურპრიზებიც დაახვედრეს და კლინიკის გარემო საყვარელი გმირების ფერადი ნახატებით, ბუშტებით გააფორმეს და ტკბილეულით გაუმასპინძლდენენ. ამ ფორმით "ჯეო ჰოსპიტალსის" ადგილობრივმა სამედიცინო პერსონალმა და მენეჯმენტმა COVID 19 დაკავშირებული შეზღუდული რეგულაციების ფონზე მათთვის დღესასწაულის გახალისება ... ...

არქივი

ტესტები

ტესტი _ ყველაზე, ყველაზე...

იცი თუ არა გეოგრაფია

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

რას ფიქრობთ სოფლის მეურნეობის დახმარების პროგრამაზე?