საზოგადოებრივ მაუწყებელში მიმდინარე მოვლენები მასზე პოლიტიკური კონტროლის გაძლიერების რისკებს ქმნის - EMC

საზოგადოება

საზოგადოებრივ მაუწყებელში მიმდინარე მოვლენები მასზე პოლიტიკური კონტროლის გაძლიერების რისკებს ქმნის - EMC

2017 თებ 9 19:13:29

ადამიანის უფლებების სწავლებისა და მონიტორინგის ცენტრი (EMC)  საზოგადოებრივ მაუწყებელში მიმდინარე მოვლენებს ეხმიანება და საზოგადოებრივი მაუწყებლის სამეურვეო საბჭოს მოუწოდებს შეაჩეროს ახალი დირექტორის მიერ წარმოდგენილი რეფორმის იდეა, რომელიც რადიკალურად ეწინააღმდეგება საზოგადოებრივი მაუწყებლის კონცეფციასა და კანონით გათვალისწინებულ მოთხოვნებს.

"გურია ნიუსი" ორგანიზაციის განცხადებას უცვლელად გთავაზობთ:

"2016 წლის 6 თებერვალს, საზოგადოებრივი მაუწყებლის ახლადარჩეულმა დირექტორმა ვასილ მაღლაფერიძემ საზოგადოებასა და სამეურვეო საბჭოს საზოგადოებრივი მაუწყებლის გარდაქმნისა და განვითარების სამწლიანი გეგმა (2017-2019) წარუდგინა. სამოქმედო გეგმის თანახმად, საზოგადოებრივი მაუწყებლის არსებული კრიზისული სიტუაციიდან გამოყვანის მიზნით იგეგმება შემდეგი ღონისძიებების გატარება: მაუწყებლის ყველა პლატფორმაზე ყველა გადაცემისა და წარმოების შეჩერება (გარდა საინფორმაციო გამოშვებებისა); თანამშრომლების რაოდენობის ოპტიმიზაცია; გამოთავისუფლებული თანხების მიმართვა მატერიალურ-ტექნიკური და ტექნოლოგიური ბაზის განსაახლებლად; მაუწყებლის ყველა სეგმენტში კონკურენციის პრინციპზე გადასვლა.

დირექტორის განცხადებით, ახალი სამაუწყებლო ბადის დანერგვა 2018 წლიდან იგეგმება, შესაბამისად 2017 წლის განმავლობაში საზოგადოებრივი მაუწყებლის საქმიანობის წარმართვა მხოლოდ საინფორმაციო გამოშვების რეჟიმში იგეგმება. აღნიშნულ საკითხებზე საბოლოო გადაწყვეტილებას მაუწყებლის სამეურვეო საბჭო საჯარო ადმინისტრაციული წესით იღებს.

საზოგადოებრივი მაუწყებელი საჯარო მიზნებისა და ინტერესებისთვის შექმნილი, საზოგადოების მიერ დაფინანსებული და მის წინაშე ანგარიშვალდებული მაუწყებელია, რომელიც თავისუფალი უნდა იყოს კომერციული და პარტიულ-პოლიტიკური ჯგუფების გავლენებისგან და საზოგადოების ინფორმირებას, პოლიტიკური ცნობიერების ჩამოყალიბებას, სხვადასხვა ჯგუფების უკმაყოფილებების, მოთხოვნებისა და საჭიროებების რეპრეზენტაციას უნდა უწყობდეს ხელს. მისი საქმიანობა პლურალიზმის, პროგრამული მრავალფეროვნების, სარედაქციო დამოუკიდებლობის, სათანადო, ანგარიშვალდებული და გამჭვირვალე დაფინანსების პრინციპებს უნდა ეფუძნებოდეს. ფინანსური და პარტიული ინტერესებისგან თავისუფალი მედია და სოციალური სივრცე საზოგადოების ნამდვილ მოთხოვნებს და დღის წესრიგებს უნდა ასახავდეს და კრიტიკული საზოგადოებრივ-პოლიტიკური გადაცემებით ხელისუფლებისა და სხვა ძალაუფლებრივი სუბიექტების ანგარიშვალდებულებას უნდა უწყობდეს ხელს. საზოგადოებრივ მაუწყებლებს განსაკუთრებული როლი აქვთ გამოხატვის თავისუფლების დაცვის კონტექსტში და მათი, როგორც პლურალისტული კომუნიკაციისა და სოციალური ერთობის მატარებელი სივრცის როლი, განსაკუთრებით მნიშვნელოვანია დემოკრატიულ საზოგადოებაში.

EMC მიიჩნევს, რომ საზოგადოებრივ მაუწყებელში დღეს მიმდინარე მოვლენები არსებითად აზიანებს საზოგადოებრივი მაუწყებლის იდეას და მედია სივრცის ჩაკეტვისა და მასზე პოლიტიკური კონტროლის გაძლიერების რისკებს ქმნის. საზოგადოებრივი მაუწყებლის დირექტორის პოზიციაზე ვასილ მაღლაფერიძის არჩევა, რომელიც 2014-2016 წლებში მმართველი პოლიტიკური გუნდის ხელმძღვანელობასთან დაკავშირებული შპს „ჯი-დი-ეს“-ისთვის გენერალური პროდიუსერი იყო, საზოგადოებრივი მაუწყებელზე ხელისუფლების გავლენების გაძლიერების თაობაზე ეჭვებს იმთავითვე აჩენდა. ნაჩქარევად, სათანადო კვლევისა და საჯარო დისკუსიების გარეშე, ახლადარჩეული დირექტორის მიერ საზოგადოებრივი მაუწყებლის რეფორმის გეგმა, რომელიც მაუწყებლის საქმიანობის ფაქტობრივ შეჩერებას ყველაზე კრიტიკულ პოლიტიკურ კონტექსში (მათ შორის, მოსალოდნელი არჩევნების, საკონსტიტუციო ცვლილებების, სოციალური კრიზისების ფონზე), ითვალისწინებს, არსებულ ეჭვებს კიდევ უფრო მეტად აძლიერებს. ზოგადად ბოლო პერიოდში მედიაში მიმდინარე პროცესების შუქზე (მათ შორის, დიდი ტელევიზიების- იმედის, მაესტროსა და GDS) ერთ მედია ჰოლდინგში გაერთიანება[5], რუსთავი 2-ის ირგვლივ მიმდინარე პროცესები მედია პლურალიზმსა და გამოხატვის თავისუფლებას მნიშვნელოვნად აზიანებს და პოლიტიკური ძალაუფლების კონცენტრაციის ტენდეციაზე უთითებს.

უნდა აღინიშნოს, რომ წარდგენილი სამოქმედო გეგმის შინაარსი, რომელიც რეფორმის პროცესში მნიშვნელოვანი საზოგადოებრივი პოლიტიკური პროგრამების დახურვასა და მხოლოდ საინფორმაციო გადაცემების შენარჩუნებას ითვალისწინებს, არ შეესაბამება საზოგადოებრივი მაუწყებლობისთვის კანონმდებლობით დაკისრებულ ვალდებულებებს, რომელიც საზოგადოებრივ მაუწყებელს, მათ შორის, ავალდებულებს:

– უზრუნველყოს აუდიტორიის დროული და ყოველმხრივი ინფორმირება საქართველოში, მის რეგიონებსა და მსოფლიოში მიმდინარე მნიშვნელოვანი მოვლენების შესახებ;

– საუკეთესო დროს გადასცეს ახალი ამბებისა და საზოგადოებრივ-პოლიტიკური პროგრამები, ხოლო საარჩევნო კამპანიის მსვლელობისას – აგრეთვე წინასაარჩევნო დებატები;

– უზრუნველყოს საზოგადოებრივი ინტერესის შესაბამისი თანასწორობა ახალი ამბების, საზოგადოებრივ-პოლიტიკურ, საგანმანათლებლო-შემეცნებით, კულტურულ და სპორტულ პროგრამებს შორის;

– ასახოს საზოგადოებაში არსებულ მოსაზრებათა პლურალიზმი.

ცხადია, საზოგადოებრივი მაუწყებლის რეფორმირების, მათ შორის, მოდერნიზაციის ობიექტური საჭიროება არსებობს, თუმცა რეფორმის პროცესის კანონის, ადამიანის უფლებების სტანდარტებისა და საზოგადოებრივი ინტერესების უგულებელყოფის ხარჯზე წარმართვა, მიუღებელია და ის კიდევ უფრო მეტად დააზიანებს საზოგადოებრივი მაუწყებლის იდეას და მედია პლურალიზმს ქვეყანაში. ბოლო დროს საზოგადოებრივ მაუწყებლმა შეძლო რამდენიმე მნიშვნელოვანი საზოგადოებრივ-ანალიტიკური გადაცემის ამუშავება, რომელიც ჩაგრული, მარგინალიზებული სოციალური ჯგუფების პრობლემების ჩვენებისა და ჩაგვრის გამომწვევი პოლიტიკური, სოციალური და ეკონომიკური მიზეზების გააზრებისთვის მნიშვნელოვანი სივრცე გახდა. მსგავსი გადაცემების დახურვა სოციალური სამართლიანობისა და თანასწორობისთვის ბრძოლას მნიშვნელოვნად დააზიანებს და ისედაც გარიყული თემების და ჯგუფების ხილვადობას შეასუსტებს.

ამასთან უნდა აღინიშნოს, რომ დირექტორის მხრიდან კონკურენციის და ბაზრის მოთხოვნების კონცეფციაში საზოგადოებრივი მაუწყებლის რეფორმის განხილვა, იმთავითვე წინააღმდეგობაში მოდის საზოგადოებრივი მაუწყებლის, როგორც საჯარო ინტერესების გამტარი მედიუმის და საჯარო სიკეთის იდეასთან. პოლიტიკური პოლარიზაციის პირობებში, ნეიტრალური, საჯარო ინტერესებზე ორიენტირებული მედია სივრცე მნიშვნელოვანი და გადასარჩენი ღირებულებაა საზოგადოებისთვის.

ამავდროულად ხაზი უნდა გაესვას საზოგადოებრივი მაუწყებლის თანამშრომლების რაოდენობის ოპტიმიზაციის თაობაზე გაკეთებული განცხადების პრობლემურობას, რომელიც ორგანიზაციაში მომუშავე ადამიანიების მასობრივი გათავისუფლებისა და შრომითი უფლებების უხეში დარღვევის წინაპირობა შეიძლება გახდეს. საზოგადოებრივი მაუწყებლის ტექნიკური მოდერნიზაციის ხარჯზე, იქ დასაქმებული ადამიანების მასობრივი გათავისუფლება და მათი სოციალური და ჟურნალისტური ინტერესების სრული უგულებელყოფა, ანტიჰუმანური და უკანონო პოლიტიკური გადაწყვეტილება იქნება.

ზემოთ აღნიშნულის გათვალისწინებით, EMC მოუწოდებს საზოგადოებრივი მაუწყებლის სამეურვეო საბჭოსა და მენეჯმენტს:

მკაცრად დაიცვას საზოგადოებრივი მაუწყებლის პოლიტიკური ნეიტრალიტეტისა და დამოუკიდებლობის პრინციპები და არ დაუშვას საზოგადოებრივ-პოლიტიკური გადაცემების დახურვა და მათი ფორმატების შეზღუდვა;

რეფორმის კონცეფციისა და სამოქმედო გეგმის შემუშავება საზოგადოებრივი მაუწყებლის, როგორც საჯარო ინტერესების გამტარი მედიუმის იდეის განუხრელი დაცვითა და სხვადასხვა საზოგადოებრივ ჯგუფებთან და მათ შორის, საზოგადოებრივი მაუწყებლის თანამშრომლებთან აქტიური თანამშრომლობითა და დემოკრატიული, ანგარიშვალდებული პროცედურების ფარგლებში განხორციელდეს;

არ დაუშვას საზოგადოებრივი მაუწყებლის თანამშრომლების მასობრივი გათავისუფლება და უზრუნველყოს მათი შრომითი და ჟურნალისტური უფლებების ეფექტიანი და სამართლიანი დაცვა.

EMC გააგრძლებს საზოგადობრივ მაუწყებელში მიმდინარე პროცესების მონიტორინგს და მათ შორის, დაგეგმავს სამართლებრივი რეაგირების პროცესებს", _ აღნიშნავენ ორგანიზაციაში.




 ახალი ამბები
  • სოფელ ჭველეში გაჩენილ ხანძარს მსხვერპლი მოჰყვაჯვარში, სოფელ ჭველეში, საცხოვრებელ სახლში გაჩენილ ხანძარს 75 წლის მამაკაცი ემსხვერპლა. საგანგებო სიტუაციების მართვის სამსახურს ინფორმაციით, ცეცხლი ორსართულიან საცხოვრებელ სახლში გაჩნდა _ დამწვარია 130 კვ.მ ფართობი. ადგილზე მუშაობდა 3 სახანძრო-სამაშველო ჯგუფი. საგანგებო სიტუაცების მართვის სამსახურის ცნობით, ხანძარი უკვე ... ...
  • პოლიციამ რუსთავში ნარკოდანაშაულისთვის 3 პირი დააკავაშინაგან საქმეთა სამინისტროს ქვემო ქართლის პოლიციის დეპარტამენტის რუსთავის რაიონული სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, ნარკოდანაშაულისთვის დააკავეს: 1983 წელს დაბადებული, წარსულში მრავალგზის ნასამართლევი თ.ჩ., და ასევე, წარსულში ნასამართლევი, ამჟამად პირობითი მსჯავრის ქვეშ მყოფი ორი პირი - 1968 წელს დაბადებული თ.პ. და 1986 წელს დაბადებული ზ.ქ.. დანაშაული 5-დან 8 წლამდე ვადით თავისუფლების აღკვეთას ითვალისწინებს. სამართალდამცველებმა, თ.ჩ.-ს პირადი ჩხრეკისას, ნარკოტიკული საშუალება „ჰეროინი“ ამოიღეს. პოლიციამ თ.პ.-ს და ზ.ქ.-ს პირადი და საცხოვრებელი სახლის ჩხრეკისას კი ნივთმტკიცებად ამოიღო „ამფეტამინის“ და „მეტამფეტამინის“ შემცველი ნარკოტიკული საშუალება, რომელიც მათ პირადი მოხმარებისთვის ჰქონდათ გამზადებული. გამოძიება დიდი ოდენობით ნარკოტიკული საშუალების უკანონო შეძენა-შენახვის და ნარკოტიკული საშუალების არაერთგზის შეძენა-შენახვის ფაქტებზე, საქართველოს სსკ-ს 260-ე მუხლის მე-3 ნაწილის „ა“ და „დ“ ქვეპუნქტებით ... ...
  • "ევროპული საქართველო" და "თავისუფალი დემოკრატები" გაერთიანდნენ „ევროპული საქართველო“ და „თავისუფალი დემოკრატები“ საარჩევნო ბლოკში გაერთიანდნენ. ამის შესახებ დღეს, პარტიების მიერ ერთობლივად გამართულ ბრიფინგზე გახდა ცნობილი. როგორც ბრიფინგზე ითქვა, გაერთიანებული პარტიები, მთაწმინდის მაჟორიტარულ ოლქში, პარლამენტის შუალედურ არჩევნებში შალვა შავგულიძის კანდიდატურას წარადგენენ. მთაწმინდაზე შუალედური არჩევნების დანიშვნის მიზეზი საქართველოს პრეზიდენტ სალომე ზურაბიშვილისთვის სადეპუტატო უფლებამოსილების შეწყვეტა გახდა, რომელიც მეცხრე მოწვევის პარლამენტში მთაწმინდის ოლქის დამოუკიდებელი მაჟორიტარი დეპუტატი იყო. შუალედური არჩევნები 19 მაისს ... ...
  • თალაკვაძე: არ ვფიქრობ, რომ კვაჭანტირაძის მიმართ გადაწყვეტილება ტექნიკური ხარვეზებით იყო განპირობებულიპირდაპირ ვიტყვი, არ ვფიქრობ, რომ ზვიად კვაჭანტირაძის მიმართ გადაწყვეტილება ტექნიკური ხარვეზებით იყო განპირობებული, – განაცხადა საპარლამენტო უმრავლესობის ლიდერმა, არჩილ თალაკვაძემ პირველი არხის გადაცემაში „მოამბე-დღის თემა“. „შესაძლოა, ერთი-ორმა ადამიანმა არასწორად გაიგო პროცედურა და ეს მერე იუმორის საგანი გახდა. თქვენთან ერთად, მეც შემიძლია, ამას იუმორით შევხედო, მაგრამ თვითონ გადაწყვეტილება ნამდვილად არ აიხსნება იმით, რომ აქ რაღაც ტექნიკური გლობალური ხარვეზი იყო, როდესაც ხმები არასაკმარისი აღმოჩნდა გადაწყვეტილების მისაღებად“, – განაცხადა თალაკვაძემ. ამ განცხადებით არჩილ თალაკვაძემ გადაცემის წამყვანის შეკითხვას უპასუხა, რა მოხდა რეალურად, რატომ დასრულდა ზვიად კვაჭანტირაძის გადაყენების პირველი მცდელობა უშედეგოდ და ზოგადად, არის თუ არა მმართველი გუნდისთვის დამაფიქრებელი ეს ფაქტი, რომ ყოფილი თანაგუნდელის გადაყენების პროცესი ასეთი მარტივი არ აღმოჩნდა. მისი თქმით, დღეს, სასამართლო პროექტთან დაკავშირებით გადაწყვეტილება უმრავლესობამ მაღალი მხარდაჭერით და მყარი უმრავლესობით მიიღო, გუშინ კი, ზვიად კვაჭანტირაძის გადაყენებასთანდაკავშირებით უმრავლესობამ ასეთი გადაწყვეტილება ვერ მიიღო. „ეს გვეუბნება შემდეგს, რომ როდესაც საქმე ჩვენს ყოფილ თანაგუნდელს ეხება, ვისთანაც პარლამენტის წევრების ნაწილს, ჩვენს თანაგუნდელებს წარსული სამუშაო გამოცდილება, ადამიანური ურთიერთობები და გარკვეული ემოციები აკავშირებს, როდესაც დღის წესრიგში იყო ადამიანური ფაქტორი და ადამიანური საკითხი, ვნახეთ, რომ რეაქცია განსხვავებული იყო. გუნდის დიდმა ნაწილმა დაუჭირა ამას მხარი, გარკვეულმა ადამიანებმა კი არა და მე სწორედ ამით ვხსნი ამ გადაწყვეტილების შედეგებს“, – განაცხადა თალაკვაძემ. თამთა სანიკიძის შეკითხვაზე, რამდენად გამართლებული იყო საპარლამენტო ტრიბუნიდან ყოფილი თანაგუნდელის მისამართით ის, როცა ზვიად კვაჭანტირაძეს კომიტეტის თავმჯდომარედ მუშაობის ხარისხი დაუწუნეს და თუ ასეთი პრეტენზიები მართლაც არსებობდა, რატომ გამოითქვა ის გუშინ და არა უფრო ადრე, არჩილ თალაკვაძემ განაცხადა, რომ კომიტეტის საქმიანობა შეიძლება, შეფასების საგანი გახდეს, ამაში არალეგიტიმურს ვერაფერს ხედავს და პარლამენტის თავმჯდომარეს თავის არგუმენტებში ეთანხმება, მაგრამ აქ არის მეორე საკითხიც. „მე პირადად მიმაჩნია და ამ შემთხვევაში მაგალითად, ასე მოვიქცეოდი – როდესაც კონკრეტულ თანამდებობაზე უმრავლესობის მიერ ხარ წარდგენილი და ჩამოყალიბებულია პოლიტიკური ტრადიცია, რომ ამ თანამდებობებს უმრავლესობა აკომპლექტებს, როცა ამ დროს ტოვებ უმრავლესობას, პარტიას, გუნდს და ამას საჯაროდ და შემდეგ, ოფიციალური განცხადებით აკეთებ, ვფიქრობ, სწორი გადაწყვეტილება ისაა, ის თანამდებობაც დატოვო, რომელზეც უმრავლესობის გუნდმა წარგადგინა. ასე რომ, საბოლოოდ რა შედეგიც დადგა, ვფიქრობ, თავიდანვე იქნებოდა უპრიანი, ასეთი გადაწყვეტილება ყოფილიყო მიღებული. ეს კენჭისყრა და დისკუსია, რომელიც წარმოიშვა, სადაც თქვენ ამბობთ, რომ გარკვეული უხერხულობებიიყო, ზუსტად ამან გამოიწვია, მაგრამ საბოლოოდ, ვფიქრობ, პროცესი იმ შედეგით დასრულდა, რომელიც ლოგიკური და სამართლიანი იყო“, – განაცხადა არჩილ თალაკვაძემ. ... ...
  • სამართალდამცველებმა ბათუმში განსაკუთრებით დიდი ოდენობით „მეტადონი“ ამოიღესშინაგან საქმეთა სამინისტროს აჭარის პოლიციის დეპარტამენტის ბათუმის საქალაქო სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით, 1981 წელს დაბადებული გ.შ. დააკავეს. დანაშაული 8-დან 20 წლამდე ან უვადო თავისუფლების აღკვეთას ითვალისწინებს. სამართალდამცველებმა, დაკავებულის პირადი ჩხრეკისას, 50 აბი „მეტადონი“ ნივთმტკიცებად ამოიღეს. გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე, საქართველოს სსკ-ს 260-ე მუხლის მე-6 ნაწილის „ა“ ქვეპუნქტით ... ...

არქივი

ზაფრანი

ეს „მახინჯი“ ეიფელის კოშკი

პარიზში ეიფელის კოშკის მშენებლობის დაწყებისას...

ლონდონური „ექსპერიმენტი“

ცოტა ხნის წინ, ქალაქ ლონდონის...

„ახალბედა მწერალი“

ცნობილმა მსახიობმა მეთიუ მაკკონაჰიმ ცოტა...

“უცნაური” ვარსკვლავები

ნებისმიერ პიროვნებას გარკვეული უცნაურობები ახასიათებს...

ადამიანის თვალის უსაზღვრო ხედვა

ამერიკელმა მკვლევარებმა დააფიქსირეს, რომ ადამიანის...

ინტერპოლი ეძებს კატას

რამდენიმე დღის წინ გამოცემამ „The...
კარმიდამო ჩემი

ჟოლო გახდომაში დაგეხმარებათ

ჟოლოს ერთდღიანი დიეტა ორგანიზმს შლაკებისა...

თაფლი მხედველობას აუმჯობესებს

დღეისათვის კომპიუტერთან მუშაობა ჩვეულებრივ ამბად...

თხილის მცენარის დაავადებათა აფეთქება

თხილის დაავადების აფეთქებას ჩვენში მოსახლეობა...

მეფუტკრე და ადრიანი გაზაფხული

გაზაფხულის დადგომისთანავე განსაკუთრებული ყურადღება უნდა...

თხილის დამღუპველ დაავადებას წლევანდელი თბილი ზამთარი ეხმარება

თხილის კულტურას რომ ყოფნა-არყოფნის საფრთხე...

მოვამზადოთ სათესლე მასალა და დახურულ გრუნტში დავთესოთ

სხვადასხვა ბოსტნეულის დათესვა, უმჯობესია, თებერვლის...

სანამ გაგრძელდება მშრომელი ხალხის აბუჩად აგდება?

საქართველოში, დამოუკიდებლობის გამოცხადების შემდეგ, ჩვენ,...

როგორ უნდა იცხოვროთ ისე, რომ სიმსივნით არ დაავადდეთ

ადამიანები, რომლებიც სიმსივნით იტანჯებიან და...

ოხრახუშს უნარი აქვს განკურნოს დეპრესია, შიზოფრენია და ალცჰეიმერის დაავადება

ბიოაქტიური ნივთიერება, რომელსაც შეიცავს ოხრახუში,...

"ბარი უნდა იცნობდეს მთასა და საქმეზე შეყვარებული და-ძმას"

ოზურგეთის მუნიციპალიტეტის სოფელ მთისპირის მკვიდრი...