უგზოობის პრობლემა დიდთოვლობამ უარესად გაამწვავა

gurianews.com

საზოგადოება

უგზოობის პრობლემა დიდთოვლობამ უარესად გაამწვავა

2017 თებ 13 06:07:06

ოზურგეთის მუნიციპალიტეტის სოფელ ჭანიეთის თემში, სოფლების _ ჭანიეთისა და ქაქუთის გზა სავალალო მდგომარეობაშია. ის მთლიანად ამორტიზებული და ორმოებით სავსე გახდა ახლანდელი დიდთოვლობის შემდეგ.

ჭანიეთის თემში უგზოობის პრობლემის შესახებ "გურია ნიუსი" უკვე წერდა. მუნიციპალიტეტის საკრებულომ მიიღო გადაწყვეტილება, რომ აქ, 2017-2019 წლების განმავლობაში, გარდამავალი პროექტით ასფალტირებული გზა დაიგება, ოღონდ პირველ ეტაპზე, 2017 წელს კი მოხდება არსებული დაზიანებულ ასფალტის საფარიანი გზის დახვნა, გაფხვიერება და დატკეპნვა, მომდევნო წლებში კი _ ასფალტის დაგება.

"მართალია, ინფორმირებული ვართ და "გურია ნიუსიც" წერდა ამის შესახებ, მაგრამ კიდევ ერთხელ უნდა შეგაწუხოთ ჩვენი პრობლემის გასაშუქებლად. იანვრის დიდთოვლობის შემდეგ სოფელ ჭანიეთის გზა, ისედაც დაშლილ-დაზიანებული, იმდენად გაუარესდა, რომ ორმოები და ნაშალი მასა ისეთ ბარიერებს ქმნის, სარეისო მიკროავტობუსების თუ ნებისმიერი მანქანის მძღოლები ძლივს გადაადგილდებიან. სოფლის მცხოვრებლები ვითხოვთ კონკრეტულ პასუხს _ დროულად დაიწყება თუ არა გზის შეკეთება", _ გვწერენ ადგილობრივები.

"გურია ნიუსს" არა ერთი მათგანი ცალკეც დაუკავშირდა და გამოთქვა საკუთარი მოსაზრება.

მზია სურგულაძე, ჭანიეთის მკვიდრი: _ 30 წელი იქნება, რაც ჭანიეთში გზა არ გაკეთებულა. რამდენჯერ უნდა ვითხოვოთ და რამდენჯერ უნდა შეგვპირდნენ, რომ გაკეთდება?! ჯერ სამ წელზე გასანაწილებელი რა იყო, ვერ ვხვდები! დახნავენ, დატკეპნიან წელს და მომდევნო ორ წელში ასფალტს გადააგებენ? ივარგებს მერე ეს დახნულ-დატკეპნილი მომდევნო წლამდე? ისევ ორმოები არ გაჩნდება?

ახლა გვაინტერესებს, ამ წელს, რომელი თვიდან იწყება ეს დახვნა თუ გაფხვიერება. ერთს გთხოვთ _ ზაფხულისთვის არ გადაწიონ ეს საქმე და პაპანაქება სიცხეში, მტვერსა და ნაგავში ნუ დაგვახრჩობენ. კონკრეტული თვე და რიცხვი გვაინტერესებს, როდის იწყებენ!

ვალოდია ურუშაძე, ჭანიეთის მკვიდრი: _ თოვლმა სულ მოსპო ისედაც დანგრეული გზა. ორჯერ მეტი ორმოები გაჩნდა. ყველას გვაინტერესებს, როდის დაიწყება ისე გაკეთება, როგორც აპირებენ. უკეთესი კი იქნება, თუ სახსრებს გამოძებნიან და სამ წელიწადს არ გვალოდინებენ ამ გზის გაკეთებისთვის.

რამაზ კორტავა, სოფელ ქაქუთის მკვიდრი (ჭანიეთის თემი): _ თოვლი ცოტა დარჩა. ჩვენთან უსაშველო ზამთარი არ იცის და გვაინტერესებს, ამ გაზაფხულზე დაიწყება თუ არა ასე განადგურებული გზის გაკეთება და განახლება. ჩვენ არ ვამბობთ, ამ უამინდობაში იმუშაონ, ოღონდ ეს არ გაიწელოს და გაზაფხულზე, კარგი ამინდების დადგომისთანავე შეუდგნენ მუშაობას. კონკრეტული პასუხი გვაინტერესებს.

სოფელ ჭანიეთის ცენტრალური გზა იმდენად დაზიანებულია, რომ ყოველ მონაკვეთზე ორმოებში ჩავარდნის შიშით, მძღოლები ამჯობინებენ მოკლე გზით გავიდნენ ოზურგეთი-ბათუმის ტრასაზე და ისე ჩავიდნენ ოზურგეთში. ეს მოკლე შარაგზაც იმდენად დაზიანდა, რომ იქვე მცხოვრები ოჯახებიც პროტესტს გამოთქვამენ, ატალახებული გარემოს გამო.

ჯუმბერ სურგულაძე, ჭანიეთის მკვიდრი: _ ცენტრალური გზის უვარგისობის გამო, ხალხმა მოკლე გზით დაიწყო გადასვლა. მეზობელს ხომ არ აწყენინებ?! არადა, ისე ატალახდა აქაურობა, ჭიშკარში ვერ შევსულვარ. სანამ უნდა ვიყოთ ასე?! ზამთარში ტალახში ვეფლობით, ზაფხულში მტვერში ვართ ამოვლებული. დაგვეხმარეთ, კონკრეტული პასუხი გვაინტერესებს, როდის რას აპირებენ _ იქნებ, "გურია ნიუსის" საშუალებით გაგვარკვიონ. მოვითხოვთ, ზაფხულსა და შემოდგომაზე არ გადაწიონ ეს სამუშაოები. არ გვინდა შეხსენებები, რომ ჭანიეთში საბავშვო ბაღი აშენდა, სკოლა შენდება და ა. შ. კარგია ეს ყველაფერი და იმიტომაც ავირჩიეთ ეს ხელისუფლება, რომ გვქონდა იმედი, ხალხის ხმას გაიგებდა. ეს არ არის ჭირვეულობა, გზა გვინდა, ცუდ დღეში ვართ. განსაკუთრებით ამ დიდთოვლობის შემდეგ.

სერგო ბოიაჯანი, სოფელ ქაქუთის მკვიდრი: _ დიდი ხანია, ჭანიეთისა და ქაქუთის გზის გაკეთებას ველოდებით. თოვლმა და ყინვამ ისე გააფუჭა ყველაფერი, გაორმაგდა ორმოები და ნაირ-ნაირი ღრმულები. 30 წელია, გზა არ გაკეთებულა. მანქანით გადმოსვლა მეზარება, ვიცი, სარემონტო გახდება. ძალიან გვინდა, "გურია ნიუსმა" კიდევ ერთხელ კითხოს ხელისუფლებას, როდის გვეღირსება ის დახვნა-დატკეპნა მაინც, რომ ორმოებში ხტუნვა არ გვიწევდეს მუდმივად.

ეთერ ლომჯარია, ჭანიეთის მცხოვრები: _ სასწრაფო სამედიცინო დახმარება გვყავდა გამოძახებული და ღამით ძლივს ამოვიდა მანქანა. გვაინტერესებს, როდის შეუდგებიან საქმეს. ჩვენს ჭიშკართან გადადის გზა ოზურგეთი-ბათუმის ტრასაზე. ჭანიეთის გზა რომ გაფუჭდა, ახლა აქედან დაიწყეს მანქანებმა სიარული და ახლა ეს გზა მოისპო. იძულებული ვარ, ხალხს ვუთხრა, რომ აქედან არ იარონ. ველოდებით, რომ ბოლოს და ბოლოს, ამ გაზაფხულზე დროულად დაიწყებენ გზის გაკეთებას, თუმცა, ზუსტი თარიღი გვაინტერესებს.

"გურია ნიუსი" ოზურგეთის მუნიციპალიტეტის გამგებლის მოადგილეს ბადრი გობრონიძეს ესაუბრა:

_ გასაგებია, რომ გზა საჭიროა და მოსახლეობა ამაზე წუხს. ჩვენც არანაკლებ გვაწუხებს ასეთი მდგომარეობა და მაქსიმალურად ყველაფრის გაკეთებას ვცდილობთ. რომ გითხრათ, ეს პირველ კვარტალში გაკეთდება, ტყუილი იქნება. უფრო აპრილის შემდეგ, მაისში დაიწყება, ალბათ. აგვისტომდე და უფრო იქეთ ნამდვილად არ გადაიწევს. ჯერ ბიუჯეტიც არაა სრულად დამტკიცებული. ბევრი სამუშაოა. ჭანიეთში ამ ეტაპზე მხოლოდ დახვნა, დაფხვიერება და დატკეპნვა მოხდება. კონკრეტული რიცხვი არ ვიცი _ ასე არ ხდება. გაზაფხულის შუა რიცხვებიდან, უფრო მაისისკენ, ვფიქრობ, ეს საკითხი დადებითად გადაწყდება, _ გვითხრა ბადრი გობრონიძემ.


ნახვა: 121


 ახალი ამბები
  • პარლამენტი თბილისში სრულად დაბრუნდება, ქუთაისში მდებარე შენობა კი, სავარაუდოდ შს სამინისტროს გადაეცემასაქართველოს პარლამენტი პლენარული სხდომების ფორმატში საქმიანობას მომავალი წლის იანვრიდან სავარაუდოდ, დედაქალაქში გააგრძელებს. პირველი არხის ინფორმაციით, მმართველ გუნდში უკვე მიღებულია გადაწყვეტილება, რომ საკანონმდებლო ორგანო სრულად თბილისში დაბრუნდეს. შესაბამისად, რეგლამენტში, რომლის პროექტიც ახლა განიხილება, პარლამენტის ადგილმდებარეობად ქუთაისი აღარ იქნება მითითებული. რაც შეეხება ქუთაისში მდებარე შენობას, პირველი არხის ინფორმაციით, შენობა სავარაუდოდ, შინაგან საქმეთა სამინისტროს გადაეცემა. არსებული ინფორმაციით, შს სამინისტრო შენობაში რამდენიმე ქვედანაყოფის, მათ შორის პოლიციის აკადემიის, საინფორმაციო ცენტრ 112-ის განთავსებას აპირებს. ახალი კონსტიტუციით, რომელიც პრეზიდენტის ინაუგურაციის შემდეგ შევა ძალაში, პარლამენტის მდებარეობა არ არის განსაზღვრული. საკონსტიტუციო ცვლილებების განხილვისას უმრავლესობა აცხადებდა, რომ საკანონმდებლო ორგანოს ადგილსამყოფელი რეგლამენტით განისაზღვრებოდა. რეგლამენტის პროექტის განხილვისას კი, უმრავლესობის ნაწილი პარლამენტის ქუთაისში დარჩენის წინააღმდეგ გამოვიდა. საქართველოს პარლამენტმა ქუთაისში საქმიანობა 2012 წლის 21 ოქტომბერსდაიწყო, როცა მერვე მოწვევის პარლამენტმა პირველი სხდომა გამართა. ყოფილი სპიკერის, დავით უსუფაშვილის გადაწყვეტილებით, 2014 წელს საპარლამენტო კომიტეტებმა საქმიანობა თბილისში დაიწყეს. განხორციელდა ილია ჭავჭავაძისა და პირველი რესპუბლიკის დარბაზების რეაბილიტაცია. ასევე რეაბილიტაცია ჩაუტარდა სხდომათა დარბაზსაც. ... ...
  • ტრენინგები საჯარო მოხელეებისთვისსაქართველოს იუსტიციის სამინისტროს სსიპ „მონაცემთა გაცვლის სააგენტოსა“ და ამავე სამინისტროს სსიპ „სახელმწიფო სერვისების განვითარების სააგენტოს“ წარმომადგენლები საქართველოს ყველა მუნიციპალიტეტში ტრენინგების ციკლის ჩატარებას იწყებენ. მსგავსი ტრენინგი მიმდინარეობს ოზურგეთის დემოკრატიული ჩართულობის ცენტრში.  სატრენინგო კურსი მიზნად ისახავს ადგილობრივი თვითმმართველობის ორგანოთა წარმომადგენლებისთვის ინფორმაციის მიწოდებას „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონით გათვალისწინებული ვალდებულებების, კვალიფიციური ელექტრონული ხელმოწერის-შტამპისა და ელექტრონული სერვისების ერთიან პორტალზე (MY.GOV.GE) ხელმისაწვდომი ელექტრონული სერვისების გამოყენების პრაქტიკული ასპექტების შესახებ.  „აღსანიშნავია, რომ ხსენებული საკანონმდებლო ვალდებულების შესრულება საჯარო სექტორის მხრიდან გარკვეულ მომზადებას საჭიროებს, რაც გულისხმობს ტექნიკური მხარდაჭერის აუცილებლობას, ცნობიერების გაზრდას ამ სფეროში და საჯარო სექტორში დასაქმებული პირების შესაბამის კომპეტენციას, რომელიც გარკვეულ დროსა და ძალისხმევას, ასევე საჯარო უწყების მხრიდან კოორდინირებულ მართვას მოითხოვს. სწორედ ამ პროცესის მიზანმიმართულად წარმართვისა და ადმინისტრაციული ორგანოების მიერ კანონის იმპლემენტაციის პროცესის მხარდასაჭერად არის გამიზნული ტრენინგების ციკლის ჩატარება.  ამასთან, „მონაცემთა გაცვლის სააგენტომ“ ახლახან ელექტრონული სერვისების ერთიანი პორტალის (MY.GOV.GE) განახლებული ვერსია გაუშვა, რომელიც არაერთ ისეთ სერვისს აერთიანებს, სადაც საჭიროა ელექტრონული ხელმოწერის/შტამპის გამოყენება“, _ თქვა  ნიკოლოზ გაგნიძემ, საქართველოს იუსტიციის სამინისტროს სსიპ „მონაცემთა გაცვლის სააგენტოს“ თავმჯდომარემ. ... ...
  • ოზურგეთში 2-7 წლის ბავშვებში სისხლში ტყვიის შემცველობას შეამოწმებენკვლევის ჩატარებამდე საქართველოს 10 რეგიონში, მათ შორის ოზურგეთში საინფორმაციო კამპანია დაიწყო. კამპანიას  სამოქალაქო განვითარების სააგენტო (სიდა) ახორციელებს. ხოლო შეხვედრას ორგანიზება გურიის ახალგაზრდულმა რესურს-ცენტრმა გაუკეთა. როგორია ქალთა და ბავშვთა მდგომარეობა საქართველოში და რამდენად დაცულია მათი ჯანმრთელობა, გურიის ახალგაზრდული რესურს-ცენტრის ორგანიზებით საქართველოს სტატისტიკის ეროვნული სამსახურმა  და  გაეროს ბავშვთა ფონდმა საინფორმაციო შეხვედრა გამართა, სადაც მთავარი აქცენტი აღნიშნული კვლევის მნიშვნელობაზე გაკეთდა. მრავალინდიკატორული კლასტერული კვლევა (MICS) შინამეურნეობათა ერთ-ერთი უდიდესი კვლევაა, რომელსაც გაეროს ბავშვთა ფონდი სხვადასხვა ქვეყანაში ახორციელებს ბავშვებისა და ქალების მდგომარეობის შესაფასებლად. კვლევა  ხელს შეუწყობს მონაცემებზე დაფუძნებული პოლიტიკის დაგეგმვასა და შემუშავებას.  კვლევის ფარგლებში,  2-7 წლის  ბავშვებში სისხლში ტყვიის შემცველობის განსაზღვრა და წყლის სინჯების აღებაცაა გათვალისწინებული. კვლევის შედეგები, მათ შორის ტყვიის შემცველობის შესახებ, ხელმისაწვდომი, სავარაუდოდ, 2019 წლის გაზაფხულზე გახდება. საინფორმაციო შეხვედრები ქალაქ ოზურგეთის ცენტრალურ ბიბლიოთეკის დარბაზში ... ...
  • მიხეილ სააკაშვილი მეუფე იოსების განცხადებას ეხმაურება: 20 წელია ვიცნობ და პატივს ვცემშემოქმედელი მიტროპოლიტის, მეუფე იოსების მიერ გუშინ გავრცელებულ განცხადებას, რომელშიც მან სალომე ზურაბიშვილი იუდას შეადარა და აღნიშნა, რომ მისი გაპრეზიდენტება არ შეიძლება, საქართველოს ყოფილი პრეზიდენტი ეხმაურება: _ 20 წელია ვიცნობ და დიდ პატივს ვცემ. ძალიან უყვართ გურიაში, _ ამ ტექსტით ავრცელებს მიხეილ სააკაშვილი მეუფე იოსების განცხადებას. შეგახსენებთ, რომ მეუფე იოსები "ქართული ოცნების" მიერ მხარდაჭერილ პრეზიდენტობის კანდიდატს, სალომე ზურაბიშვილს სინანულისკენ მოუწოდებს და აღნიშნავს, რომ მისი "პრეზიდენტობა არ შეიძლება". "კონკორდატში, ქალბატონო სალომე, არ წერია უზნეობაზე ხმა არ ამოიღოო. პირიქით _ თუ ვინმე საზოგადოებას, ჩვენს მრევლს გადაცდომისკენ მოუწოდებს, მოვალე ვართ ჩვენ იგი ვამხილოთ. ეს მუქარა, რომელსაც თქვენ გამოთქვამთ წმინდა სინოდის მიმართ, კიდევ ერთი დასტურია, თქვენი გაპრეზიდენტების შემთხვევაში, თუ როგორი საშიში გახდებით ქართველი ერისა და ეკლესიის მიმართ. თქვენ ბრძანეთ ერთ-ერთ გამოსვლაში, რომ, თურმე, ეპისკოპოსები და სამღვდელოება უსახურ ტაძრებს ვაშენებთ და იქვე დaსძენთ, რად გინდათ ამდენი ტაძრების აშენება როცა უამრავი გაჭირვებულია საქართველოში და ხომ არ აჯობებდა ეს ფული მათთვის გამოვიყენოთო. მინდა შეგახსენოთ, რომ იუდამაც ზუსტად ასეთი სიტყვები უთხრა მაცხოვარს, როცა მარიამ მაგდალინელმა ნელსაცხებელი ცხო უფალს ფეხებზე. ეს და სხვა თქვენი გამოსვლებიდან გამომდინარე, ჩვენ და ქართველ საზოგადოებას გამოგვაქვს დასკვნა, რომ თქვენი პრეზიდენტობა არ შეიძლება. ეს არ არის პოლიტიკა, ეკლესია არც ერთი პოლიტიკური პარტიისკენ არ იშვერს ხელს და ხალხს არ მოუწოდებს, ხმა მას მიეცითო. მაგრამ რაც შეეხება იმ მოვლენებს, მოწოდებებს. ფუჭ დაპირებებს, ქართველი ერის დეგრადაციას, მათი მოთხოვნების უგულებელყოფას, ამაზე ჩვენ ვერ გავჩუმდებით, თვალს ვერ დავხუჭავთ. გამხილებთ სიყვარულით და მოგიწოდებთ სინანულისკენ. იმიტომ გვაკურთხა ჩვენ ღმერთმა უფალმა იესო ქრისტემ, რათა სიმართლე და ჭეშმარიტება ვიქადაგოთ", _ აღნიშნულია განცხადებაში, რომელიც შემოქმედელმა მიტროპოლიტმა მეუფე იოსებმა გაავრცელა. ამავე თემაზე: "მე ეკლესია ვარ და არ ვარ ვალდებული ინფორმაცია მოგაწოდოთ" _ ბიუჯეტის თანხები ეპარქიის ანგარიშზე, რომელსაც არავინ აკონტროლებს მეუფე იოსების პირად საკუთრებაში არსებული მილიონზე მეტად შეფასებული ... ...
  • „დაპირისპირება" ეკლესიასა და „ქართულ ოცნებას" შორის არის თითიდან გამოწოვილი გზავნილი _ კობახიძე„ეკლესია არ ერევა სახელმწიფოს საქმეებში-ეს არის, პირველ რიგში, თავად ეკლესიის პოზიცია და უმნიშვნელოვანესი პრინციპი, რომლითაც ხელმძღვანელობს ეკლესია და ეს გამოიხატა, ასევე, პატრიარქის განცხადებაში",- ამის შესახებ საქართველოს პარლამენტის თავმჯდომარემ განაცხადა. ირაკლი კობახიძე საქართველოს კათოლიკოს-პატრიარქ  ილია II-ს მადლობას უხდის. „პირველ რიგში, მინდა აღვნიშნო, რომ ეკლესია, რა თქმა უნდა, უნდა იყოს ნეიტრალური და ზუსტად ეს არის ასახული პატრიარქის განცხადებაში, უნდა იყოს საარჩევნო პროცესებიდან, რა თქმა უნდა, არსებითად გამიჯნული ეკლესია და საპატრიარქო და ეს იყო ზუსტად ამ განცხადების პათოსი და მე მინდა, მადლობა კიდევ ერთხელ გადავუხადო, რა თქმა უნდა, პატრიარქს ამ განცხადებისთვის. ეს არის ბუნებრივია, ის პრინციპი, რომლითაც უნდა ვიხელმძღვანელოთ თითოეულმა ჩვენგანმა. იყო რამდენიმე მცირე გადახვევა ამ პრინციპიდან, თუმცა, ეს არ ცვლის, რა თქმა უნდა, საპატრიარქოს სულისკვეთებას, პატრიარქის სულისკვეთებას, ჩვენ მოვისმინეთ რამდენიმე განცხადება სასულიერო პირების მხრიდან, რომელიც უკავშირდებოდა არჩევნებს და ეს, ალბათ, არ არის სწორი. შესაბამისად, ეს იყო რეაგირება, პატრიარქს ჰქონდა, ბუნებრივია, ამაზე რეაგირება და ეს არის, რა თქმა უნდა, ყველას საერთო სულისკვეთება. ჩვენ, კიდევ ერთხელ მინდა გავიმეორო, რომ ვმოქმედებთ იმ ინტერესების შესაბამისად, რომელიც არის ჩვენთვის საერთო და ეკლესიის საზოგადო ინტერესები და ხელისუფლების საზოგადო ინტერესები არის, ბუნებრივია, საერთო - ეს არის საზოგადოების განვითარების ინტერესი, ეს არის სახელმწიფოს განვითარების ინტერესი და ეს არის პოლიტიკური პროცესების სამართლიანად და სწორად განვითარების ინტერესი",- განაცხადა პარლამენტის თავმჯდომარემ. რაც შეეხება „დაპირისპირებას" ხელისუფლებასა და ეკლესიას შორის, ირაკლი კობახიძის თქმით, ეს თითიდან გამოწოვილი გზავნილია, რომელსაც ის პოლიტიკური ძალები ავრცელებენ, ვინც წლებია, ეკლესიას ებრძვის.  „რაც შეეხება „დაპირისპირებას" ხელისუფლებას, ანუ „ქართულ ოცნებასა" და ეკლესიას შორის, ეს არის თითიდან გამოწოვილი გზავნილი და თქვენ იცით, ვინ ავრცელებს ამ გზავნილს და ვინ ცდილობს, ასე ვთქვათ, ამ ატმოსფეროს ხელოვნურად შექმნას: ეს არის ის პოლიტიკური ძალები, რომლებიც თვითონ ვიცით, როგორ უდგებოდნენ ეკლესიას და ვიცით, როგორი დამოკიდებულება ჰქონდათ მათ ეკლესიის მიმართ. ესენი არიან ის პოლიტიკური ძალები, რომელთათვისაც ადამიანის ღირსების შელახვა იყო ჩვეულებრივი მოვლენა და ეს არის ყველაზე დიდი ქრისტიანული სიკეთე, რაც არსებობს და ეს არიან ის პოლიტიკური ძალები, რომლებიც უკვე წლებია, ათწლეულზე მეტია, ებრძვიან ეკლესიას, უპირისპირდებიან  ეკლესიას და უპირისპირდებიან ადამიანის რელიგიურ გრძნობებს -  ეს არიან ეს პოლიტიკური ძალები. ისინი არიან დაპირისპირებული ეკლესიასთან, რაც შეეხება „ქართულ ოცნებას", „ქართული ოცნებისთვის" არის უმნიშვნელოვანესი იმ პრინციპების მოქმედება, რომელსაც ეფუძნება ეკლესიის მოღვაწეობა",- განაცხადა პარლამენტის ... ...

არქივი

ზაფრანი

რა ემუქრება დედამიწას მზე რომ ჩაქრეს

მეცნიერები ფიქრობენ, რომ ადრე თუ...

შეცდომით აღმოჩენილი გენიალური გამოგონებები

პენიცილინი _ მედიკამენტი, რომელმაც გადატრიალება...

უცნაური სინდრომები

ფეთქებადი თავის სინდრომი  ესაა საკმაოდ...

საიდუმლოებით მოცული ადამიანები

საუკუნეების განმავლობაში ისტორია სავსეა საიდუმლოებით...

ბრძნული ცხოვრების პრინციპები

1. გაუშვით ადამიანები და სიტუაცია....

გიგანტების სამარხი

უკვე დიდი ხანია, რაც დედამიწაზე...
კარმიდამო ჩემი

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

საშემოდგომო თესვის დაწყება და ნიადაგის გაფხვიერების თავისებურება

აგვისტოს მიწურულს და სექტემბრის დასაწყისში,...

"მოგვაშორეთ ტურები"

ოზურგეთის მუნიციპალიტეტის სოფელ ლიხაურის, ჭანიეთის,...

"ჩაი გავანადგურეთ, თხილის ხარისხი კატასტროფულად დაეცა... სადაა გამოსავალი?"

მსოფლიოში მეჩაიეობის დარგში ჩამოყალიბებული დადებითი...

ჩინური კუნგ პაო

ჩინური სამზარეულოს ნამდვილი შედევრია "გუმბაო"....

როგორ წარმოიშობა "უავტორო" ხანძრები

მსოფლიომ "უავტორო" ხანძრების მთელი სერიები...

საწებელი _ მარტივად და გემრიელად

გვიან ზაფხულში და შემოდგომის დასაწყისიდანვე,...

როგორ ვებრძოლოთ ფესვის კიბოს

ფესვის ბაქტერიული კიბო ბევრი კულტურული...

გურული მეურნის მიერ დამორჩილებული ცნობილი "ლედის თითები" _ იგივე ბამია

ოზურგეთის მუნიციპალიტეტის სოფელ მაკვანეთის მკვიდრი,...

მცენარეთა რძე და რძის პროდუქტები

ჩვენს წარმოდგენაში რძე და რძის...