გვიდიანის ინიციატივა "საქართველოს ბანკისთვის" – "აზოტის" კრიზისიდან გამოსავალი

საზოგადოება

გვიდიანის ინიციატივა "საქართველოს ბანკისთვის" – "აზოტის" კრიზისიდან გამოსავალი

16 თებ. 2017, 19:16:07

“რუსთავის აზოტიდან” მასობრივი დათხოვნის გამო განვითარებულმა საპროტესტო ტალღამ გარდა სოციალური საკითხისა, რომელიც დათხოვნილ 350-მდე მუშა-მოსამსახურის ბედთან ერთად, ქალაქ რუსთავის და მთლიანად ქვემო ქართლის რეგიონის სოციალურ-ეკონომიკური მდგომარეობის გაუარესებასაც იწვევს, ზედაპირზე რამდენიმე სხვა მნიშვნელოვანი თემაც წამოსწია.

საზოგადოების ყურადღების ცენტრში მოექცა ქიმიურ კომბინატში შექმნილ ვითარებასთან ქვეყნის უმსხვილესი ბანკის „საქართველოს ბანკის“ მიმართება. ასევე გამოიკვეთა, რომ „საქართველოს ბანკის“ მოქმედებების გამო „აზოტში“ განვითარებულმა მოვლენებმა, შესაძლოა, სერიოზული ზიანი მიაყენოს საქართველოს იმიჯს და რეპუტაციას საერთაშორისო ბიზნეს-წრეებში.

„აზოტის“ საკთხთან დაკავშირებით, „ახალგაზრდა ფინანსისტთა და ბიზნესმენთა ასოციაციის“  ანალიტიკოსმა ანდრია გვიდიანმა „რეპორტიორის“ პრეს-კლუბში ბრიფინგი გამართა, რომელზეც საზოგადოებას გააცნო „საქართველოს ბანკისთვის“  „აზოტის“ კრიზისიდან გამოსავალის მისეული გეგმა.

გვიდიანის ინიციატივა, რომელიც  „საქართველოს ბანკისთვის“  „აზოტის“ კრიზისიდან გამოსავალს ეხება, ასე გამოიყურება:

1) გათავისუფლებული მუშების უპირობო აღდგენა სამსახურში. - პროტესტის დაცხრობისა და, შესაბამისად, პროცესების დასტაბილურების მიზნით, პირველ რიგში, აუცილებელია თითოეული გათავისუფლებული მუშის სამსახურში აღდგენა, რათა კომპანიის, კრედიტორების, თუ სხვა კომერციული ორგანიზაციების ინტერესებს დასაქმებულთა უფლებები არ შეეწიროს და მათთვის უზრუნველყოფილი იყოს მინიმალური საარსებო პირობები.

2) გაუქმდეს ჩატარებული ფიქტიური აუქციონის შედეგები. - როგორც ცნობილია, „რუსთავის აზოტის“ ქარხნის აუქციონი მთელი რიგი დარღვევების ფონზე გაიმართა. კერძოდ, „საქართველოს ბანკის“ ჯგუფმა აუქციონში კომპანია „ეუ ინვესტმეტსს“ გაამარჯვებინა, რომელიც მხოლოდ 2 კვირის დაფუძნებული იყო და, რომელსაც, სააქციო კაპიტალი მხოლოდ 100 ლარი ჰქონდა. სწორედ აღნიშნულ კომპანიაზე გასცა ბანკმა „აზოტის“ შესასყიდად 235 მილიონიანი კრედიტი, რაც აორმაგებს ეჭვს იმის შესახებ, რომ აუქციონი ფიქტიური იყო. გარდა ამისა, „საქართველოს ბანკმა“ „რუსთავის აზოტის“ აუქციონის გამოცხადების შესახებ ინფორმაცია „ევროპის განვითარების და რეკონსტრუქციის ბანკს“  მხოლოდ 2 დღით ადრე, ისიც ქართულ ენაზე, შეატყობინა. ამით დაირღვა სხვა კრედიტორების უპირატესი გამოსყიდვის უფლება. შესაბამისად, ასეთი დარღვევებით ჩატარებული აუქციონის შედეგების გაუქმება გარდაუვალ აუცილებლობას წარმოადგენს. ამასთან, ირკვევა, რომ აუქციონი ჩაატარა ფიქტიური მყიდველის ბიზნეს-პარტნიორის მიერ დაფუძნებულმა კომპანიამ, რაც უფრო საეჭვოს ხდის აუქციონის გამჭვირვალობასა და ამტკიცებს მოსაზრებას წინასწარგანზრახული სქემის არსებობის თაობაზე.

3) დაინიშნოს ახალი აუქციონის თარიღი. - რა თქმა უნდა, უმნიშვნელოვანესი ფაქტორია ახლად დანიშნულ აუქციონზე მოწვეული იყოს ყველა დაინტერესებული მხარე. პირველ რიგში, ინფორმაცია უნდა მიეწოდოს „ევროპის განვითარების და რეკონსტრუქციის ბანკს” - და ყველა სხვა კრედიტორებს. ასევე, აუქციონის ორგანიზება უნდა უზრუნველყოს გამოცდილმა კომპანიამ, რომლის ძირითად საქმიანობას, სწორედ ასეთი მასშტაბური აუქციონების გამართვა წარმოადგენს. გარდა ამისა, ცხადია, სწორად გამართული და საერთაშორისო სტანდარტების შესაბამისი აუქციონის გამართვა უზრუნველყოფს საქართველოს, როგორც სტაბილური იმიჯის მქონე ქვეყნის სტატუსის შენარჩუნებას.

4) საქართველოს მთავრობამ განაახლოს მოლაპარაკებები EBRD-თან „რუსთავის აზოტისთვის“ 155 მილიონიანი კრედიტის გამოყოფის თაობაზე.

" როგორც ვიცით, გასული წლის ივლისის თვეში „რუსთავის აზოტსა“ და EBRD-ს შორის გაფორმდა 155 მილიონი დოლარის მოცულობის სასესხო ხელშეკრულება. თუმცა, 3 კვირის შემდეგ „ევროპის განვითარების და რეკონსტრუქციის ბანკმა“ უარი თქვა აღნიშნული კრედიტის გაცემაზე. შესაბამისად, უმნიშვნელოვანესია, მყისიერად გაგრძელდეს მოლაპარაკებები EBRD-თან 155 მილიონი დოლარის სესხის განახლებაზე. 155 მილიონი დოლარის მოცულობის სესხს „ევროპის რეკონსტრუქციისა და განვითარების ბანკი“ ქართულ ბიზნეს-სუბიექტებს ყოველდღე არ უმტკიცებს. ამდენად, ამ მიღწეული შესაძლობლობის ხელიდან გაშვება დანაშაულადაც კი შეიძლება შეფასდეს.

ამასთან, მივმართავთ საქართველოს მთავრობას, მუშა-მოსამსახურეების მუდმივი კონტრაქტით  და კანონის სრული დაცვით „აზოტში“ აღდგენასთან დაკავშირებით, პროცესში აქტიურად ჩაერთოს შრომის ჯანმრთელობის დაცვის და სოციალური უზრუნველყოფის სამინისტრო.

მთლიანად მთავრობა და განსაკუთრებით ეკონომიკის სამინისტრო აქტიურად ჩაერთოს EBRD-თან სასესხო ხელშეკრულების განახლების უზრუნველყოფის მიზნით"_ აღნშნულია ორგანიზაციის მიერ გავრცელებულ განცხადებაში.

შეგახსენებთ, რომ ,,რუსთავის აზოტიდან" გათავისუფლებული მუშების საპროტესტო აქციები რამდენიმე დღეა გრძელდება. ისინი პასუხების მიღებას ამ დრომდე ცდილობენ კომპანიის ხელმძღვანელებისგან და "საქართველოს ბანკიდან", რომელიც, მათი მტკიცებით, საწარმოს არაოფიციალური მფლობელია.

ამ ბრალდებებს ამ დრომდე უარყოფენ "საქართველოს ბანკში" და აღნიშნავენ, რომ "რუსთავის აზოტთან" კავშირი არ აქვთ.

რა ურთიერთობა აქვს "რუსთავის აზოტის" ახალ მფლობელს "საქართველოს ბანკთან" და როგორ გაიმარჯვა 2016 წლის 10 აგვისტოს რეგისტრირებულმა კომპანიამ აუქციონში, ამაზე მოგვიანებით, ჩვენს ჟურნალისტურ გამოძიებაში გიამბობთ.




 ახალი ამბები
  • "ევროპულმა საქართველომ" სამტრედიაში მაჟორიტარი დეპუტატობის კანდიდატი წარადგინადღეს, "ევროპულმა საქართველომ" სამტრედიაში ამომრჩეველთან შეხვედრა გამართა. პარტიის თავმჯდომარემ დავით ბაქრაძემ ამომრჩეველს წარუდგინა, ევროპული საქართველოს" მაჟორიტარი დეპუტატობის კანდიდატი, აკაკი ბობოხიძე. დავით ბაქრაძემ ამომრჩეველს ,,ევროპული საქართველოს" საარჩევნო პროგრამა გააცნო და ადგილობრივების შეკითხვებს უპასუხა."საჭიროა გარდამტეხი ცვლილებები, რომ ქვეყანა წელში გაიმართოს და ქართველებმა იცხოვრონ ღირსეულად. ამიტომ აქვს მნიშვნელობა არჩევნებზე მისვლას და თქვენი პოზიციის დაფიქსირებას", _ მოუწოდა ბაქრაძემ სამტრედიაში, მომავლის პარკში შეკრებილ ... ...
  • გურიანთაში, მშენებარე ღვთისმშობლის შობის სახელობის ეკლესიაში, პირველი წირვა ჩაატარესოზურგეთის  მუნიციპალიტეტის  სოფელ  გურიანთაში,  ღვთისმშობლის შობის  სახელობის     ეკლესიის  მშენებლობა, რომელიც ორი წლის წინ დაიწყო,  დასასრულს  უახლოვდება. თუმცა, ამას    არ შეუშლია ხელი, რომ აქ პირველი წირვა ჩატარებულიყო. _შარშან , 21 სქტემბერს, სოფლის მცხოვრებლებმა  გადაწყვიტეს, რომ ამიერიდან, ეკლესიის დასრულებისთანავე, „გურიანთელობაც“ ეზეიმათ.  ჯერ მშენებლობა არ დასრულებულა, თუმცა მამა ერმოლაოსმა ბრწყინვალე წირვა აღავლინა. ადგილობრივები ძალიან გაგვახარა ამ ამბავმა, - გვითხრწეს გურიანთის  მრევლის წარმომადგენლებმა. _სამწუხაროდ, პანდემიამ შეგვიშალა ხელი, რომ   სოფლის   მასშტაბური დღესასწაული ჩატარებულიყო, თუმცა წირვა დაუსრულებელ ეკლესიაში მაინც ჩატარდა. ეკლესია კეთილი ადამინების შემოწირულობით   შენდება. ისინი თავს იკავებენ ვინაობის დასახელებისგან.  სოფლის მხარდამჭერი პროგრამით განსაზღვრული თანხა  კი, 40 ათასი ლარის ოდენობით, ადგილობრივთა გადაწყვეტილებით, ეკლესიის მიმდებარე სკვერის კეთილმოწყობას მოხმარდება. შორს არ არის ის დღე, როცა მთელი სოფელი   ღვთისმშობლის შობის ეკლესიის მშენებლობის დასრულებას   და „გურიანთელობას“ , ალბათ, მომდევნო წლის 21 სექტემბერს, ერთად იზეიმებს, - გვითხრა ოზურგეთის საკრებულოს წევრმა სოფელ გურიათიდან, მაია ... ...
  • გალტ & თაგარტი მომხმარებელს განახლებულ „G&T Trader”-ის ვებგვერდს სთავაზობსსს „გალტ & თაგარტი“ მომხმარებლისთვის უმაღლესი ხარისხის მომსახურების უზრუნველყოფას აგრძელებს. საინვესტიციო ბანკმა მომხმარებელს მასზე მორგებული და დახვეწილი „G&T Trader“-ის ვებგვერდის  განახლებული ვერსია შესთავაზა. განახლებული ვებგვერდის მეშვეობით, „G&T Trader“-ის პლატფორმა მომხმარებელს 35,000-ზე მეტ საინვესტიციო ინსტრუმენტთან წვდომას აძლევს. პლატფორმის ინტუიტიური ინტერფეისი მომხმარებელს ჰარმონიზებული ნავიგაციის მეშვეობით აძლევს შესაძლებლობას, იყიდოს, შეინახოს და გაყიდოს ფასიანი ქაღალდები. მოქნილი ონლაინ სივრცე სხვადასხვა მოწყობილობებიდან (როგორიცაა სტაციონალური კომპიუტერი, ლეპტოპი, ტაბლეტი თუ მობილური ტელეფონი) შეუფერხებელ ფუნქციონირებას უზრუნველყოფს.  ასევე, განახლებული ვებგვერდის მეშვეობით გამოცდილ ტრეიდერებს  ექნებათ წვდომა „G&T TraderPro“-სთანაც -  პროფესიონალური დონის, მულტიეკრანულ სავაჭრო პლატფორმასთან, რომელიც სრულად პასუხობს მომხმარებლის საჭიროებებს. მომხმარებელზე მორგებული „G&T Trader“ და „G&T TraderPro“ პლატფორმები გამოირჩევა პროდუქტის ფართო დიაპაზონით, როგორიცაა: აქციები, ობლიგაციები, ETF, CFD, FX, ფიუჩერსი და ოპციონები. „მოხარული ვართ, რომ მოგვეცა შესაძლებლობა, წარგვედგინა განახლებული „G&T Trader”-ის ვებგვერდი, რომელიც მოსახერხებელია ყველა დონის გამოცდილების მქონე მომხმარებლისთვის.  განახლებული ვებგვერდით ჩვენს კლიენტებს  ვთავაზობთ წვდომას ისეთ საერთაშორისო აღიარების მქონე პლატფორმებზე როგორიცაა: „G&T TraderPro“ და „G&T Trader“, რომლის მეშვეობითაც ნებისმიერი ჩვენი მომხმარებელი შეძლებს ჰქონდეს წვდომა საერთაშორისო ბაზრებზე.  განახლებული ვებგვერდის მეშვეობით მომხმარებელს საშუალება ეძლევა მარტივად გახსნას საბროკერო ანგარიში და დაიწყოს ინვესტირება“, - განაცხადა ოთარ შარიქაძემ, „გალტ & თაგარტი“-ს მმართველმა დირექტორმა. „გალტ & თაგარტი“ საქართველოში უმსხვილესი და რეგიონში ერთ-ერთი წამყვანი საბროკერო კომპანიაა, რომლის მეშვეობითაც კლიენტებს აქვთ წვდომა როგორც საერთაშორისო ბირჟებზე, ასევე რეგიონულ, ძნელად მისაწვდომ ბაზრებზე. კომპანია სარგებლობს უმაღლესი ხარისხის მომსახურების მიმწოდებლის რეპუტაციით, რომელიც სხვადასხვა ბაზრებზე სხვადასხვა კლასის აქტივების საბროკერო შეთავაზებებით მოიპოვა. „G&T Trader“ „გალტ & თაგარტი“-ს  ვებაპლიკაციაა, რომელიც ნებისმიერი ბრაუზერიდან არის ხელმისაწვდომი. მისი ჩამოტვირთვა შესაძლებელია მობილური აპლიკაციით, როგორც სმარტფონისთვის, ასევე ტაბლეტისთვის. როგორც  IOS-სზე, ასევე Android-ზე, რომელიც Apple App Store-სა და Google Play-ზეა ხელმისაწვდომი. ... ...
  • შსს-მ ფონიჭალაში 11 ნარკორეალიზატორი დააკავაშინაგან საქმეთა სამინისტროს ცენტრალური კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველოს და მთავარი პროკურატურის თანამშრომლებმა, ერთობლივად ჩატარებული ოპერატიულ-სამძებრო და საგამოძიებო ღონისძიებების შედეგად, ფონიჭალის დასახლებაში 11 ნარკორეალიზატორი დააკავეს. მოსამართლის განჩინების საფუძველზე დაკავებულები არიან: 1986 წელს დაბადებული ნ.ა., 1973 წელს დაბადებული ი.ა., 1987 წელს დაბადებული კ.ა., 1996 წელს დაბადებული ა.გ.,1967 წელს დაბადებული დ.ფ., 1976 წელს დაბადებული ს.გ., 1999 წელს დაბადებული ვ.მ., 1979 წელს დაბადებული ვ.ა., 1971 წელს დაბადებული ფ.ა., 1985 წელს დაბადებული რ.ნ. და 1999 წელს დაბადებული ე.გ. დაკავებულებს ნარკოტიკული საშუალების უკანონო შეძენა-შენახვა-გასაღება ედებათ ბრალად. დანაშაული 8-დან 20 წლამდე ან უვადო თავისუფლების აღკვეთას ითვალისწინებს. გამოძიებით დადგინდა, რომ ბრალდებულები ნარკოტიკულ საშუალებებს სისტემატურად ყიდდნენ. სამართალდამცველებმა, მოსამართლის განჩინების საფუძველზე, რამდენჯერმე განახორციელეს ბრალდებულებისგან ნარკოტიკული საშუალება „ჰეროინის“ საკონტროლო შესყიდვა და აღნიშნული შესყიდვების ფარული აუდიო-ვიდეოჩაწერა. პოლიციამ, დაკავებულების პირადი და საცხოვრებელი სახლების ჩხრეკისას, ნარკოტიკული საშუალება „ჰეროინი“, ფული და მობილური ტელეფონები ამოიღო. გამოძიება საქართველოს სისხლის სამართლის კოდექსის 260-ე მუხლის პირველი ნაწილით, მე-3 ნაწილის "ა" და "ბ" ქვეპუნქტებით, მეოთხე ნაწილით, მე-5 ნაწილის "ა" და"ბ" ქვეპუნქტებით და მე-6 ნაწილის "ა" ქვეპუნქტით მიმდინარეობს, რაც წინასწარი შეთანხმებით, ჯგუფის მიერ, განსაკუთრებით დიდი ოდენობით ნარკოტიკული საშუალების უკანონო შეძენა-შენახვა-გასაღებას ... ...
  • დაბა ლაითურის სკოლა დისტანციურ სწავლებაზე გადავიდადღეიდან ოზურგეთის მუნიციპალიტეტის, დაბა ლაითურის საჯარო სკოლა ორი კვირით დისტანციურ სწავლებაზე გადავიდა. ოზურგეთის საგანმანათლებლო რესურსცენტრის უფროსის ლელა იმედაშვილის თქმით, ეს იყო ჯანდაცვის სამინისტროს რეკომენდაცია და აქედან გამომდინარე დაბა ლაითურის მოსწავლეები გადავიდნენ დისტანციურ სწავლებაზე. „გურია ნიუსის“ ინფორმაციით, ამ დროისთვის დაბა ლაითურში სამი მოსწავლეს და ერთი მასწავლებელს აქვს კორონავირუსი. აქედან ორი ბავშვი სკოლის კლასტერი არ არის, რადგან მათ ახალი სასწავლო წელის დაწყების დროს სკოლაში არ ... ...

არქივი

ტესტები

ტესტი _ ყველაზე, ყველაზე...

იცი თუ არა გეოგრაფია

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...