დაკითხავენ თუ არა ზუგდიდის გამგებელსა და პოლიციის უფროსს დანაშაულში თანამონაწილეობისთვის

საზოგადოება

დაკითხავენ თუ არა ზუგდიდის გამგებელსა და პოლიციის უფროსს დანაშაულში თანამონაწილეობისთვის

2012 ივლ 25 21:50:50

ეს იქნება დიდი გაკვეთილი იმისთვის, ვისაც ჩემსა და გაჭირვებულს შორის ჩადგომა სურს. ძალიან გაბრაზებული ვარ. თქვენც გაგაბრაზეს, მაგრამ მე შეურაცხყოფილი ვიყავი. ვერასდროს ვერავინ უნდა გაბედოს, რომ ჩემსა და იმ ადამიანს შორის ჩადგეს, რომელსაც უჭირს", - განაცხადა პრეზიდენტმა გუშინდელი ინციდენტისგან დაზარალებული როზა ცხაბელიას ოჯახში სტუმრობისას.

ამავდროულად, შინაგან საქმეთა სამინისტრომ საკუთარ ვებგვერდზე ინციდენტების პრევენციისა და მათზე რეაგირების ჯგუფის შექმნის შესახებ განაცხადა, რომლის ფუნქციაც გუშინდელი და კიდევ უფრო ადრინდელი ინცინდენტების მსგავსი შემთხვევების გამოძიება იქნება. ჯგუფს საინფორმაციო-ანალიტიკური დეპარტამენტის, ანალიზისა და კოორდინაციის სამმართველოს უფროსის მოადგილე, კახაბერ ქემოკლიძე ჩაუდგება სათავეში.

დღეს გამართულ პრესკონფერენციაზე, ახალგაზრდა იურისტთა ასოციაციამ გუშინ სოფელ ცაისში მომხდარი ინცინდენტის ობიექტური გამოძიება მოითხოვა.

„საია შეშფოთებას გამოთქვამს ბოლო პერიოდში გახშირებულ შემთხვევებთან დაკავშირებით, რა დროსაც მოქალაქეებს, რომლებსაც სურვილი აქვთ შეხვედრაზე მისულ საქართველოს პრეზიდენტს საკუთარ პრობლემებზე ესაუბრონ, არ ეძლევათ მოსაზრებების გამოთქმის საშუალება და უფრო მეტიც, ხდებიან სხვადასხვაგვარი ძალადობის მსხვერპლნი,“ _ ნათქვამია ორგანიზაციის მიერ გავრცელებულ განცხადებაში.

გუშინ, 24 ივლისს საქართველოს პრეზიდენტი ზუგდიდის მუნიციპალიტეტის სოფელ ცაიშის მოსახლეობასთან შეხვედრაზე იმყოფებოდა, სადაც მისული იყო ამავე სოფლის მკვიდრი, როზა წყაბელიაც, რომელსაც არ მიეცა პრეზიდენტთან შეხვედრის საშუალება.

საკუთარ პრობლემებთან დაკავშირებით ის ჟურნალისტებს ესაუბრებოდა, როდესაც უცნობმა პირებმა გაიტაცეს.

მოგვიანებით, ქალბატონმა წყაბელიამ სრულად მოყვა მომხდარის შესახებ, კერძოდ განაცხადა , რომ 4-მა პირმა, რომელთაგან 2-ს პირადად იცნობს და დანარჩენი 2-ის ამოცნობაც შეუძლია, იგი ძალის გამოყენებით წაიყვანა და ერთ-ერთი საცხოვრებელი შენობის სარდაფში შეაგდო. სარდაფში მასთან ზუგდიდის მუნიციპალიტეტის გამგებელი ალექსანდრე ქობალია მივიდა, რომელმაც წყაბელიას მხრიდან თვითმკვლელობის მუქარის შემდეგ, მოძალადეებს მისთვის თავის დანებება უბრძანა. წყაბელიასთან მივიდა ადგილობრივი პოლიციის უფროსი ქირიაც, რომელმაც, წყაბელიას მონაყოლით, მოტყუებით გაიყვანა ის გარეთ, სადაც შეუკრეს ხელ-ფეხი და სახლში მიიყვანეს. დაზარალებული წყაბელია იხსენებს უბნის რწმუნებულსაც, რომელიც მას ეჩხუბა და ფული შესთავაზა. წყაბელია ფულის აღებაზე უარს ამბობს.

საიას განცხადებით, წყაბელიას მონათხრობიდან ერთდროულად რამდენიმე დანაშაულებრივი ქმედება იკვეთება, რომელშიც რამდენიმე პირი, მათ შორის, საჯარო მოხელეები მონაწილეობენ. სავარაუდოდ, იკვეთება სისხლის სამართლის კოდექსით გათვალისწინებული დანაშაულის ნიშნებიც.

„განსაკუთრებით შემაშფოთებელია როზა წყაბელიას მიმართ განხორციელებულ დანაშაულებრივ ქმედებებში საჯარო მოსამსახურეებისა და თანამდებობის პირების მონაწილეობა. ქალბატონი წყაბელია ინციდენტის აღწერისას ასახელებს ზუგდიდის მუნიციპალიტეტის გამგებელს ალექსანდრე ქობალიას, ადგილობრივი პოლიციის უფროსს ქირიას და უბნის რწმუნებულს. დაზარალებულის მონათხრობიდან იკვეთება, რომ აღნიშნული პირები უშუალოდ მონაწილეობენ დანაშაულში, რა დროსაც აძლევენ მითითებებს დანარჩენ პირებს,“_ ნათქვამია საიას მიერ გავრცელებულ განცხადებაში.

გამომდინარე იქიდან, რომ საქართველოს შინაგან საქმეთა სამინისტრო უკიდურესად ცენტრალიზებული სისტემაა, საია ფიქრობს, რომ ადგილობრივი პოლიციის თანამშრომლების ქმედებები პოლიციის მაღალჩინოსნებთან იყო შეთანხმებული.

აღსანიშნავია, რომ ეს არ არის პრეზიდენტთან შესახვედრად მისული და სხვადასხვა პრობლემებზე საუბრის მსურველი მოქალაქეების მიმართ ძალადობის პირველი შემთხვევა. ამა წლის 16 ივნისს ანაკლიაში პრეზიდენტთან შეხვედრაზე მისული 75 წლის ცინარა აბულაძე პოლიციელებმა ჯოხით სცემეს, რასაც მეზობლები წერილობით ადასტურებენ.

გუშინ, სოფელ ცაიშში მომხდარ ინციდენტთან დაკავშირებით, პოლიციამ 2 პირი დააკავა, რომელთაც 15 დღით ადმინისტრაციული პატიმრობა შეეფარდათ. ასევე, შსს-მ მიიღო გადაწყვეტილება და სამსახურიდან გაათავისუფლა ზუგდიდის სამხარეო მთავარი სამმართველოს საუბნო განყოფილების უფროსი, რომელიც შეესწრო აღნიშნულ ფაქტს.

„მიგვაჩნია, რომ შინაგან საქმეთა სამინისტროს მიერ განხორციელებული რეაგირება არ არის საკმარისი და არსებობს გამოძიების დაწყების საფუძველი. გარდა ამისა, გამოძიების დამოუკიდებლად და მიუკერძოებლად წარმართვისათვის, აღნიშნულ საქმეზე გამოძიება უნდა აწარმოოს არა შინაგან საქმეთა სამინისტრომ, არამედ საქართველოს პროკურატურამ,“- მიაჩნიათ ახალგაზრდა იურისთა ასოციაციაში.

საია მიიჩნევს, რომ გამოძიების უფლება არ უნდა მიეცეს ზუგდიდის პროკურატურას, რადგან შსს-ს მინისტრის ბაჩანა ახალაიას მამა როლანდ ახალაია სამეგრელო-ზემო სვანეთის საოლქო პროკურორია.

საია მიმართავს სამართალდამცავ ორგანოებს, დროულად გამოიძიონ პრეზიდენტთან შესახვედრად მისული სხვა მოქალაქეების მიმართ განხორციელებული ძალადობრივი ქმედებების ფაქტები.




 ახალი ამბები
  • ვიდეო, რომელმაც გული არაერთ ადამიანს გაუთბომეორე მსოფლიო ომის ვეტერანმა, ჯასტინ ტიმბერლეიკის სიმღერაზე იცეკვა. ვიდეო ამერიკის შეერთებულ შტატებში, უისკონსინში არის გადაღებული. 97 წლის ჩაკი საკუთარი სახლის წინ ცეკვავს. ვიდეომ, სოციალური დისტანციის პირობებში,  მსოფლიოში არაერთი ადამიანის გული გაათბო, მათ შორის ტიმბერლეიკისაც. ცნობისთვის, ეს არ არის პირველი შემთხვევა, როდესაც ჩაკის ცეკვამ ინტერნეტ სივრცე დაიპყრო. 2018 წელს ფრენკ სინატრას "Let it snow"-ზე,  ხოლო 2017 წელს "Jingle Bells"-ზე ... ...
  • ვეტერანების საქმეთა სახელმწიფო სამსახური აგრძელებს შეჭირვებული ბენეფიციარების თანადგომას (R)მსოფლიოში კორონავირუსის პანდემიასთან დაკავშირებით, ჩვენს ქვეყანაში გამოცხადებული საგანგებო მდგომარეობის დროს, ვეტერანების საქმეთა სახელმწიფო სამსახური კვლავ აგრძელებს კანონით გათვალისწინებული შესაძლებლობების ფარგლებში, უწყების უკიდურესად შეჭირვებულ, მკვეთრად გამოხატული შშმ და ხანდაზმული ასაკის გამო, განსაკუთრებული რისკის ქვეშ მყოფ ბენეფიციართა თანადგომას. უწყებამ, ამჯერად, აღნიშნული კატეგორიის 2200 ვეტერანისათვისმოამზადა სასურსათო კალათები, რომლებიცორშაბათიდან, მთელი საქართველოს მასშტაბითდარიგდება.  ვეტერანების საქმეთა სახელმწიფო სამსახური, მთელი ქვეყნის მასშტაბით კვლავ გააგრძელებსვეტერანთა მხარდაჭერას მისთვის კანონით განსაზღვრული უფლებამოსილების ფარგლებში. ამ მიზნით, უახლოეს მომავალში იგეგმებაბენეფიციართათვის 1000 ასეთივე სასურსათო კალათის მომზადება. ვეტერანების საქმეთა სახელმწიფო სამსახური ვეტერანებს მიმართავს თხოვნით, გაითვალისწინონ ახალი კორონავირუსის გავრცელებისა და ეპიდემიის წინააღმდეგ მიმართული პრევენციული ღონისძიებების ფარგლებში, საქართველოს მთავრობის მიერ დადგენილი შეზღუდვები და უკიდურესი აუცილებლობის გარდა, მოერიდონ გარეთ გასვლას, საზოგადოებრივი თავშეყრის ადგილებს, რათა თავიდან ავირიდოთ, როგორც ჩვენი, ისე ჩვენს ირგვლივ მყოფ პირთა დასნებოვნება. გავუფრთხილდეთ ჩვენი და ერთმანეთის სიცოცხლეს! #StopCov#Covid19 #დარჩისახლში ... ...
  • კომუნალური გადასახადების დაფინანსებაზე უარი 1000-ზე მეტმა მოქალაქემ თქვასაქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარის, დავით ნარმანიას განცხადებით, ამ დროისთვის სახელმწიფოს მხრიდან კომუნალური გადასახადების სუბსიდირებაზე უარი 1000-ზე მეტმა მოქალაქემ თქვა. როგორც დავით ნარმანიამ „ინტერპრესნიუსს“ განუცხადა, 8 აპრილიდან დღემდე 1000-ზე მეტმა მოქალაქემ უარი დაახლოებით 3000-მდე კომუნალური სერვისის დაფინანსებაზე თქვა, რაც მოიცავს ელექტროენერგიის, ბუნებრივი აირის, წყალმომარაგებისა და დასუფთავების მოსაკრებელს. „სურვილის შემთხვევაში უარის თქმა მოქალაქეებს სემეკის ვებგვერდზე მარტივი ფორმის შევსებით შეუძლიათ. მარტის თვის მოხმარების სუბსიდირებაზე უარის თქმის შესაძლებლობა ხვალ, დღის ბოლომდეა. ეს დაზოგავს საბიუჯეტო სახსრებს“, - აღნიშნავს ნარმანია. შეგახსენებთ, რომ მთავრობის გადაწყვეტილებით, მოქალაქეებს, რომლებიც 200 კილოვატზე ნაკლებ ელექტროენერგიას და 200 მ3-ზე ნაკლებ ბუნებრივ აირს მოიხმარენ, მარტში, აპრილსა და მაისში კომუნალური გადასახადი სრულად დაუფინანსდებათ. დეტალური ინფორმაცია სუბსიდირებაზე უარის თქმის შესახებ იხილეთ ... ...
  • ჩვენი გადასაწყვეტია, გავიკეთებთ ამ ტესტირებას, თუ არ გავიკეთებთ - მამა დიმიტრი ვეკუაეს ჩვენი გადასაწყვეტია _ გავიკეთებთ ამ ტესტირებას, თუ არ გავიკეთებთ - ზუგდიდისა და ცაიშის ეპარქიის მდივნის, დიმიტრი ვეკუას განცხადებით, COVID-19-ის ინფექციაზე მასობრივ ტესტირებაში სასულიერო პირთა ჯგუფის მოხვედრაზე ინფორმაცია მისთვის სიახლეა. ამის შესახებ, მამა დიმიტრი ვეკუამ "რუსთავი 2"-თან სატელეფონო საუბარში განაცხადა. "ეს სიახლეა ჩვენთვის. ახალი ამბავია, პირველად გავიგეთ ამის შესახებ და პირველად გაჟღერდა საზოგადოებაში ფართოდ ეს ინფორმაცია. არ ვიცით, საერთოდ, რა სახის და რომელ ტესტებზეა საუბარი. მესმის, რომ მთავრობას სურს, ეს პროცესი კონტროლს დაუქვემდებაროს. აუცილებლად ვიმსჯელებთ ამის შესახებ და მივიღებთ გადაწყვეტილებას. ეს ჩვენი გადასაწყვეტია - გავიკეთებთ ამ ტესტირებას, თუ არ გავიკეთებთ,"- განაცხადა სასულიერო პირმა.  შეგახსენებთ, რომ ჯანდაცვის სამინისტროს მიერ 1 აპრილს დამტკიცებული ალგორითმის თანახმად, COVID 19-ზე მასობრივ ტესტირებას ექვემდებარებიან შემდეგი ჯგუფები: პენიტენციურ დაწესებულებებში, ხანდაზმულთა სადღეღამისო სპეციალიზებულ დაწესებულებებში, სტაციონარულ ფსიქიატრიულ დაწესებულებებში მყოფი პირები, თავდაცვის ძალები და საეკლესიო პირები, მათ შორის, მონასტრებში მყოფი ... ...
  • ჩვენ მივეცით რეკომენდაცია, ჩვენთან შემოწმდა ეს პირბადეები _ გამყრელიძეჩვენ მივეცით რეკომენდაცია, ჩვენთან შემოწმდა ეს პირბადეები-აცხადებს დაავადებათა კონტროლის ცენტრის ხელმძღანელი ამირან გამყრელიძე "პირველ არხთან" საუბარში. მისივე თქმით, საქართველოში დამზადებული პირბადეები საყოფაცხოვრებო მოხმარებისთვის სავსებით მისაღებია, სამედიცინო მიზნით მოხმარებისას კი ის ერთჯერადად უნდა გამოიყენონ. "ჩვენ მივეცით რეკომენდაცია, ჩვენთან შემოწმდა ეს პირბადეები. გაიარა დაავადებათა კონტროლის ცენტრში შესაბამისი საკონტროლო სამუშაოები ჩატარდა. გვაქვს დიდი დეპარტამენტი, ბიოუსაფრთხოებისა და ბიოდაცვის, რომელიც მუშაობს ამ ტიპის საკითხებზე, როგორი პირბადე უნდა ეკეთოს ადამიანს, როგორი ხალათი უნდა ეცვას", — განაცხადა ამირან გამყრელიძეიმ. ცნობისთვის, ქართული პირბადეების ხარისხი და დიზაინი სოციალურ ქსელში კრიტიკისა და განხილვის საგანი გახდა. აღნიშნული პირბადეები სააფთიაქო ქსელებში უკვე გაყიდვაშია, მათი ღირებულება 50 თეთრია და ერთ პირს მხოლოდ სამი პირბადის შეძენა ... ...

არქივი


კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...