სოციალურად დაუცველების "გაშიფრვა" _ "ნაცმოძრაობის" წინასაარჩევნო "პრიორიტეტი"

საზოგადოება

სოციალურად დაუცველების "გაშიფრვა" _ "ნაცმოძრაობის" წინასაარჩევნო "პრიორიტეტი"

2012 აგვ 23 23:33:48
ჩვენი წყაროს ინფორმაციით, შეხვედრა სოფელ მშვიდობაურში "ნაციონალების" საარჩევნო კომისიის წევრის თამაზ (სულიკო) ჭაღალიძის ოჯახში ყოფილა, სადაც საარჩევნო სიების განხილვა, არსებული მდგომარეობის ანალიზი, მომხრე-მოწინააღმდეგეების სიის შედგენა მომხდარა. ასევე, დეტალურად გადაუხედია ბატონ მოქიას იმ ოჯახებისთვის, რომლებიც სოციალურ დახმარებას იღებენ. ვინც არ იღებს, იმათი სიისთვისაც გადაუხედია.

_"არ ვიცი, რატომ იყო მოქია ამოსული, ყოველ შემთხვევისთვის, ჩვენთან არ მოსულა, რამდენიმე კაცი ნახა მხოლოდ. არც ამბავი უკითხავს, ერთი თქვენ ხართ, ვინც ამბავი იკითხა და აქ ამოვიდა. ამ ქვეყანაზე არავის არ გვახსენებივართ. რა უნდოდა "ნაციონალების" თავმჯდომარეს, რომ ახლა, საარჩევნოდ ამოვიდა? ან რაში აინტერესებდათ, ვინ იღებს სოციალურ დახმარებას და ვინ არა? ესე იგი, თუ მათი მომხრე არ ვართ, ალბათ, შიფრავენ, იმათ მოუხსნიან? ან ვინმეს დაუნიშნავენ თუ რაა? მაგათ დაპირებებს და ტყუილებს უკვე აღარავინ "ჭამს", _ჩვენც ვისწავლეთ ჭკუა, _ გვითხრეს სოფელ მშვიდობაურის მცხოვრებლებმა.

"გურია ნიუსი" ამ ინფორმაციის გადასამოწმებლად თამაზ ჭაღალიძეს ესაუბრა.

_ბატონო თამაზ, როგორც ვიცით, თქვენ უბანში სტუმრად ერთიანი "ნაციონალური მოძრაობის" თავმჯდომარე თემურ მოქია გსტუმრობდათ...

_კი ბატონო, დიახ. რა ხდება?

_იქნებ, გვითხრათ, რასთან დაკავშირებით იყო სტუმრად? მოსახლეობას შეხვდა?

_საარჩევნო სიებთან დაკავშირებით იყო მოსული. საარჩევნო სიების დასაზუსტებლად, უფრო სწორად.

_ სიების დაზუსტება როგორ ხდება? მომხრე-მოწინააღმდეგე როგორ "იშიფრება?"

_არ ვიცი, რა გითხრათ, მაგას ვინ მიხვდება მომხრე-მოწინააღდეგე ვინ არის? იქნებ, კაცმა "დაბრო" გითხრას და მერე იქ რას იზამს ეგ, ვინ იცის? ვინ ჩაიხედავს კაცის გულში?

_თქვენ ოჯახში რატომ განიხილავდით სიებს?

_მე მათი კოორდინატორი ვარ. საარჩევნო კომისიის წევრი ვარ. მარტო არ ვყოფილვარ, კიდევ იყო ორი - სამი კაცი, ჩემი მეზობელიც.

_ბატონო თამაზ, საუბარი ყიფილა იმაზე, ვინ იღებს სოციალურ დახმარებას და ვინ - არა . ამის გადამოწმება თქვენ რატომ გჭირდებოდათ, მოქიასთან ერთად? ჩვენი ინფორმაციით, თქვენ დაურეკეთ ერთ-ერთ ძალიან მძიმე ავადმყოფს და ჰკითხეთ, იღებდა თუ არა ის სოციალურ დახმარებას.

_ კი, ნუ რა ვიცი. მე "კარდაკარზე" დავდიოდი და ისედაც მაინტერესებდა. მაშინაც ვიგებდი, ვის ჰქონდა დახმარება და ვის-არა.

ფრაქცია "ერთიანი ნაციოანალური მოძრაობის" თავმჯდომარე თემურ მოქია ამ ფაქტს "გურის ნიუსთან" ადასტურებს.

_დიახ, ვიყავი მშვიდობაურში, მაგრამ ჭაღალიძის ოჯახში ვიყავი თუ არა ზუსტად არ მახსოვს, რა ხდება?

_ბატონო თემურ, ინფორმაცია გვქონდა, რომ საარჩევნო კომიის წევრის ოჯახში საარჩევნო სიებს განიხილავდით, ასევე იმ ოჯახების სიისთვის გადაგიხედავთ, ვინ იღებს სოციალურ დახმარებას და ვინ არა, ადასტურებთ ამ ინფორმაციას?

_მე ვიყავი მშვიდობაურში, მასე ვხვდები ჩვენს აქტივს ყველგან. ეს ჩვენი მუშაობის რეჟიმია .

_ ბატონო თემურ, მოსახლეობას ნაყინი და ტკბილეული არ დაურიგეთ?

_არა. არა. ეგ ნამდვილად არ ყოფილა, - გვითხრა მოქიამ.

არადა, თამაზ ჭაღალიძეს ნაყინის ამბავი სულაც არ უარყვია, მოკლედ გვიპასუხა, მე არ მიყვარს ნაყინიო...




 ახალი ამბები
  • საპენსიო სააგენტო მოსახლეობას სიფრთხილისკენ მოუწოდებსსაპენსიო სააგენტო მოსახლეობას სიფრთხილისკენ მოუწოდებს. სოციალურ ქსელში გამოჩნდა კიბერთაღლითების მიერ შექმნილი ყალბი ვებ-გვერდები, რომელსაც საპენსიო სააგენტოსთან არანაირი კავშირი არ აქვს.ვებ-გვერდზე მომხმარებლებს საბანკო ბარათის მონაცემების შეყვანას თხოვენ. ყალბი ვებ-გვერდები უკანონოდ იყებენენ საპენსიო სააგენტოს სიმბოლიკას. თაღლითური სქემის შესახებ საპენსიო სააგენტომ მიმართა შინაგან საქმეთა სამინისტროს. მიმდინარეობს გამოძიება. საპენსიო სააგენტო მოსახლეობას სიფრთხილისკენ მოუწოდებს და განმარტავს, რომ სააგენტოს ოფიციალური ვებ-გვერდის მისამართია pensions.ge, სადაც საბანკო მონაცემების შეყვანა არ არის გათვალისწინებული. საპენსიო ანგარიშის შესამოწმებლად საჭიროა მხოლოდ პირადი ნომერი და დამსაქმებლის მიერ მოწოდებული საწყისი ერთჯერადი პაროლი, თუ სისტემაში პირველად შედიხართ, ან თქვენი პირადი პაროლი. ... ...
  • რუსთავი-თბილისის მიმართულებით მგზავრობა გაძვირდა დღეიდან რუსთავი-თბილისის მიმართულებით 11-დან 6 მარშრუტზე მგზავრობა 30 თეთრით გაძვირდა და 1,8 ლარი გახდა. რაც შეეხება დანარჩენ 5 მარშრუტს, ფასი ჯერჯერობით, უცვლელია. ახალი ტარიფის გადახდა მგზავრებს დღეიდან მეტროს სადგურ „დიდუბის“, რკინიგზის სადგურის, მეტროს სადგურ „ვარკეთილისა“ და სპორტის სასახლის მიმართულებით მგზავრობისას უწევთ. მგზავრობის ღირებულება 1.50 ლარი რჩება რუსთავი, ძველი ბაზარი - თბილისი, მოსკოვის გამზირი; რუსთავი, ძველი ბაზარი - თბილისი, ისთ ფოინთი; რუსთავი, შარტავას გამზირი - თბილისი, ლილო; რუსთავი, მეტალურგიული ქარხანა - თბილისი, გლდანი; რუსთავი, მე-19 მიკრო რაიონი - თბილისი, უნივერსიტეტის მაღლივი ... ...
  • პატრიარქი: ადამიანის სულში ცვლილებებია და საჭიროა ყურადღება, რომ მიწიერმა არ გაიტაცოსსაქართველოს კათოლიკოს-პატრიარქმა, უწმინდესმა და უნეტარესმა ილია მეორემ სამების საკათედრო ტაძარში ფერისცვალების დღესასწაულთან დაკავშირებით მრევლს ქადაგებით მიმართა. მისი თქმით, მნიშვნელოვანია ადამიანმა სრულყოფილებასა და სულიერებაზე იზრუნოს. „ერთ მდგომარეობაში არაფერი ჩერდება, ყველაფერი მოძრაობს, იცვლება. ძველი რომაელები ამბობდნენ, დრონი იცვლებიან და ჩვენ ვიცვლებით მასთან ერთადო. დღეს, როცა ასეთი ცვლილებებია ადამიანის სულში, ბუნებაში, გონებაში, საჭიროა დიდი ყურადღება, რომ მიწიერმა, ხორციელმა არ გაიტაცოს ადამიანი. ადამიანი ან მაღლა ადის სრულყოფის კიბეზე, ან დაბლა ჩადის. ყველაფერი უნდა გავაკეთოთ, რომ ავიდეთ მაღლა და შევხვდეთ უფალს“,  - აღნიშნა პატრიარქმა. 19 აგვისტოს მართლმადიდებელი ეკლესია მაცხოვრის ფერისცვალებას აღნიშნავს. ამ დღეს ტაძრებში წირვა-ლოცვა სრულდება. სადღესასწაულო ლიტურგია სამების საკათედრო ტაძარში 10:00 საათზე ... ...
  • ამ ეტაპზე "რუსთავი 2"-ის მყიდველი არ გამოჩენილა - სალიაამ ეტაპზე რუსთავი 2-ის მყიდველი არ გამოჩენილა - ამის შესახებ განცხადება, არხის გენერალურმა დირექტორმა პაატა სალიამ ქრონიკასთან საუბრისას გააკეთა. მისი თქმით, თუ მყიდველი დღესაც არ გამოჩნდა, კონკრეტულ გეგმებს საზოგადოებას დღეს გააცნობს.  "ამ ეტაპზე მყიდველი არ გამოჩენილა. ჩვენი პირობა იყო რომ საჯაროდ გამოჩენილიყო აღნიშნულის თაობაზე. თუ არ გამოჩნდება მსურველი მაშინ გეგმების შესახებ დღესვე გავაცნობთ. საუბრები გაკოტრების შესახებ არის გადაჭარბებული. ასეთი რამ არ იგეგმება, მაგრამ იგეგმება კონკრეტული ღონისძიებები, რაც კომპანიის ვალების გასტუმრებაში შეუწყობს ხელს",- განაცხადა ... ...
  • ყიდულობს თუ არა ვანო ჩხარტიშვილი "რუსთავი 2"_ს _ ბიზნესმენის ექსკლუზიური კომენტარიგავრცელებული ინფორმაციით, ტელეკომპანია რუსთავი 2_ს, რომლის გაყიდვის შესახებ განცხადება ხალვაშმა რამდენიმე დღის წინ გაავრცელა, მყიდველი უკვე გამოუჩნდა. როგორც ამბობენ, ტელეკომპანის ბიზნესმენი ვანო ჩხარტიშვილი ბიძინა ივანიშვილის დავალებით ყიდულობს. თუმცა, გურია ნიუსისთვის მიცემულ ექსკლუზიურ კომენტარში ჩხარტიშვილი ამას ურყოფს: _ სისულელეა და ამაზე არ გავაკეთებ კომენტარს, _ გვითხრა ჩხარტიშვილმა და დააკონკრეტა, რომ ტელევიზიის ყიდვას არ ... ...

არქივი

ზაფრანი

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...

როგორი ცოლი სჭირდება მამაკაცს ზოდიაქოს ნიშნის მიხედვით

სრულიად საქალეთი და მამაკაცური სამყაროს...

ბავშვი, მშობელი, ასტროლოგია

ალბათ დაკვირვებიხართ იმ ფაქტს, რომ...

რეკორდული წაგება

იშვიათად მოიძებნება ადამიანი, რომლის გარემოცვაში...

ხუთი ყველაზე უცნაური პროფესია

ქოქოსის პალმის სპეციალისტი მისი დანიშნულებაა...
კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...