"დარწმუნებული ვარ, სოციალურ დახმარებას ჩემი ოპოზიციონერობის გამო არ მაძლევენ"

საზოგადოება

"დარწმუნებული ვარ, სოციალურ დახმარებას ჩემი ოპოზიციონერობის გამო არ მაძლევენ"

2012 სექ 13 11:10:53

ჩვენ დავინტერესდით მეგრელიძეების ოჯახის პრობლემით და მათ სახლში ვესტუმრეთ. დიასახლისი თავისი მრავალშვილიანი ოჯახის ეკონომიკურად გაუსაძლისი მდგომარეობის შესახებ გვესაუბრა _ ოჯახის არც ერთი წევრი არ მუშაობს; მათ საცხოვრებელ სახლს ორი ოთახი წარმოადგენს, ოთახებში ორი საწოლი და კარადა დგას, სხვა საოჯახო ნივთების სათავსო კი პოლიეთილენის პარკებია. მეგრელიძეების ოჯახი არც სოციალურ დახმარებას იღებს და არც მრავალშვილიანი ოჯახებისთვის განკუთვნილ დახმარებას. სოციალური აგენტის მიერ შევსებული დეკლარაციის საფუძველზე მინიჭებული სარეიტინგო ქულაა 76 100. ოჯახის წევრებს აინტერესებთ, თუ რაში მიიღეს ასეთი მაღალი ქულა, როცა მხოლოდ ელემენტარული საცხოვრებელი პირობები აქვთ. ოჯახი ფიქრობს, რომ ეს ყველაფერი მათ ოპოზიციურ დამოკიდებულებასთან შეიძლება იყოს დაკავშირებული.

_ ერთი წლის წინ სოციალური დახმარების დანიშვნის თაობაზე დავწერეთ განცხადება, მაგრამ ფულადი დახმარება ვერ მივიღეთ, მხოლოდ პოლისი მოგვცეს. წელს აღარ დამიწერია, რადგან მითხრეს, ახალი განცხადების დაწერა სამი წელის შემდეგ შეგიძლიათო. ერთხელ ოზურგეთიდან ამოვიდნენ გადამოწმებაზე და თავიდან შეავსეს დეკლარაცია. თურმე, მაშინ საჭირო სულაც არც ყოფილა თავიდან შევსება, არც ხელის მოწერა. ხელი რომ მოვაწერე, ეგ ჩემი დანაშაულია, მაგრამ ეს ახლა გავიგე. ფაქტობრივად, მომატყუეს. თუ არ ვცდები, აგენტი გვარად თოდუა იყო. საშუალება რომ მქონდეს, მაგ კაცს შეცდომაში შეყვანისთვის ვუჩივლებდი. დეკლარაციას რომ ავსებდა, დამუქრებასავით გამოუვიდა _ დეკლარაციას ხელს თუ არ მოაწერთ, ეგ პოლისიც გაგიუქმდებათო. ოჯახის წევრებში მხოლოდ მე, ჩემი მეუღლე და უმცროსი შვილი _ საბა ჩაწერა. დანარჩენი შვილები კი არ ჩაუწერია _ ოთხი შვილი მყავს. არც მეუღლე და არც ბავშვები, გარდა უმცროსისა, სახლში არ იყვნენ. ყველა უნდა იყოს სახლში, თორემ ვერ ჩავწერთო. ჩემი შვილები სკოლაში იყვნენ მაგ დროს, არც მეუღლე არ იყო სახლში. ესე იგი, მეუღლეც არ უნდა ჩაეწერა. მრავალშვილიანი რომ იყო, ყველანი სახლში უნდა გყავდესო. ჩოხატაურს გარეთ არც ერთი არ მყავდა, ბებიასთან იყვნენ ერკეთში, იქ სწავლობდნენ სკოლაში. ოთხი დღე იქ არიან, დანარჩენ დღეებში ჩემთან. მაინცდამაინც აქ უნდა იყვნენო და ჩოხატაურის სკოლაში სწავლობდნენო. რას მერჩის ეს ხალხი. ვფიქრობ, გადამეკიდნენ. ჯერ ილია კილასონია გადამეკიდა, მერე _ რამინ სიხარულიძე.

_ პოლისით თუ სარგებლობთ?

_ პოლისი მაქვს და ფულის გადახდას მაინც მთხოვენ. პატარა მყავდა ცუდად და მარტო ცისანა გოგოლაძე დამეხმარა უანგაროდ.

_ პოლისი გაქვთ და მაინც მოგთხოვეს ფულის გადახდა?

_ არ მინდა იმ ექიმის სახელის და გვარის დასახელება, ვინც ფულის გადახდა მომთხოვა მიუხედავად იმისა, რომ არ უნდა გადამეხადა. ამის გამო დიდი ჩხუბი გადამხდა. საერთოდ, არასწორ დიაგნოზსაც სვამენ. ბავშვი თირკმელების შეტევით მივიყვანე და მითხრეს, არაფერი არ სჭირს, ეტყობა ჯარში არ უნდა წასვლაო. ჯარში წავიდა და იქაც დაემართა შეტევა. ორი კვირა დასჭირდა მკურნალობა გორის საავადმყოფოში. ჩემს შვილს თირკმელების პრობლემა აქვს. ახლა მეორე შვილიც გაციებული მყავს. ექიმთან პოლისით რომ მივიდე, წამლებს ხომ გამომიწერს და ის წამალი რით უნდა ვიყიდო? ოჯახში არც ერთი არ ვმუშაობთ. მეუღლე ავადმყოფი მყავს _ მარცხენა ხელზე ცალი კუნთი მკვდარი აქვს. ხერხემლის მალები _ დაჩოჩებული, ამის გამო კუზი განუვითარდა. ექიმები იმედს ვერ გვაძლევენ. გვითხრეს, შეიძლება, ეტლი დასჭირდესო. ოპერაცია სჭირდება. მაგრამ მაგ ოპერაციას მხოლოდ საზღვარგარეთ აკეთებენ და 25 000 ევრო ჯდება.

_ არავისთვის გითხოვიათ დახმარება?

_ აქ რომ მივედი სოციალურ სამსახურში, უფროსი დამემალა. მითხრეს, არ არის და არც იქნებაო. არადა მისი მანქანა ეზოში იდგა. ილია კილასონიაც დამემალა, თუმცა მაინც მოვახერხე მისი ნახვა. ვერ ვხვდები, საიდან მიწერენ ასეთ მაღალ ქულებს _ ვიდეო მე არ მაქვს. ტელევიზორია და მასაც, აქვე, ქალაქიდან ზაფხულობით ჩამოსული დამსვენებლები მიტოვებენ წასვლისას. მანქანა დგას ეზოში ძველი და ისიც ჩვენი არ არის, არც მეუღლის სახელზე არ არის გაფორმებული. მცირე ნაკვეთზე ყანა გვითესია, მაგრამ მიწაა უვარგისი. ვენახიც არ გვაქვს, ბოსტნეულიც კი არ ხარობს ამ მიწაზე. შხამქიმიკატები სჭირდება, მაგრამ მისი შესაძენი ფული არ გვაქვს. როცა გამგებელი ლელა იმედაშვილი ვნახე და ჩემი ოჯახის ამბავი მოვუყევი, მითხრა, სამ დღეში ამოვლენ შემოწმებაზეო. ის სამი დღეც გავიდა, არავინ მოსულა. ამის შემდეგ, ვიღაც ამოვიდა "ნივით". ჩვენს მოსახვევში შემოვიდა, მე მეზობლად ვიყავი გადასული და იქიდან დავინახე, რომ ჩემს ჭიშკართან მოაბრუნა მანქანა და არც გაუჩერებიათ, ისე გააგრძელა გზა. როცა მოვიკითხე, თუ რატომ არავინ მოვიდა ოზურგეთიდან შემოწმებაზე, ასეთი პასუხი მომცეს _ იყვნენ ამოსულები და თქვეს, სახლი დაკეტილი დაგვხვდაო. თუ შემოწმება უნდოდათ, დაეძახათ. ასე შეამოწმეს? ვფიქრობ, ყველაფერი იმის გამო ხდება, ოპოზიციურ პარტიაში რომ ვიყავი. ისიც იმიტომ კი არა, რომ ხელისუფლებას რამეს ვერჩოდი _ აღებული ანაზღაურებით შვილების გამოკვებას ვახერხებდი. კომისიის წევრიც ვიყავი არჩევნებზე, ახლაც დამკვირვებელი ვარ, მეუღლე კი კომისიის წევრია. "ქართულ ოცნებას" ვუჭერ მხარს და გავყვები ბოლომდე. ამათ მაიძულეს ოპოზიციის მხარეზე დავმდგარიყავი. ცოტა ყურადღება მაინც მოექციათ და დაგვხმარებოდნენ. ერთჯერადი დახმარება მომცა გამგებელმა, 150 ლარი.

_ რით ირჩენს ოჯახი თავს?

_ ჩემი მეუღლე მეორე ჯგუფის ინვალიდია, 70 ლარს იღებს პენსიას და იმით ვარსებობთ. სახლში ერთ-ორ ქათამს თუ გავზრდი. ისიც, რომ დამჭირდება, გავყიდი და შაქარს და პურს ვიყიდი. სკოლის მოსწავლეები მყავს შვილები. სამწუხაროდ, არც წიგნებს აძლევენ უფასოდ. თუ სამი შვილი გყავს მოსწავლე, მაშინ მოგიწევთო, გვითხრეს. თუ ხარ "ნაციონალი", მაშინ მოგცემენ დახმარებას. ისეთ ადამიანებს აქვს დახმარება, რომ არ სჭირდებათ, ოჯახში ყველა დასაქმებულია და არც მრავალშვილიანები არიან. ბოლოს და ბოლოს "ჯიპი" ჰყავთ სახლში დაყენებული და იმათ აქვს დახმარება. მე ოთხი შვილის დედა ცემენტის იატაკზე ვცხოვრობ და მე არ მომიწია დახმარება. დარწმუნებული ვარ, რომ ჩემი ოპოზიციონერობის გამო არ მაძლევენ. კიდევ არ შევიდოდი ოპოზიციურ პარტიაში, მაგრამ ასე რომ წაიყვანეს ჩემი ოჯახის საქმე, იძულებული გავხდი. მითხრეს, რომ ამის გამო არ მომცემენ დახმარებას. ეს კი არა, დამემუქრნენ _ არ გეშინია, სამი შვილი რომ გყავსო. მაშინ სამი შვილი მყავდა. მე არ მეშინია, რადგან არავის არაფერს ვუშავებ.

_ კონკრეტულად შეგიძლიათ, გვითხრათ, ვინ დაგემუქრათ?

_ ადგილობრივები, ნაციონალური მოძრაობის წარმომადგენლები იყვნენ. დიდი ზეწოლა იყო, მუქარაც, ფულიც კი შემომთავაზეს, მაგრამ უარი ვთქვი. კონკრეტულად ვინ იყო, ამის დასახელებისგან მაინც თავს შევიკავებ.

_ რა თანხაზე იყო საუბარი?

_ დაახლოებით, 500 ლარზე. მე ახლაც ვიცი კონკრეტული ოჯახები, იმ ადამიანების სახელი და გვარები, ვის ოჯახშიც დაარიგეს ნაციონალური მოძრაობის წარმომადგენლებმა ფული. მოისყიდეს ხალხი, დამკვირვებლებიც და ა.შ. მაგრამ მათი დასახელებისგან ჯერ კიდევ თავს შევიკავებ. რედაქციას იმიტომ მოგმართეთ, რომ მინდოდა, თქვენ მაინც გაგეგოთ და ჩემს პრობლემას გასცნობოდით, გენახათ სად, როგორ და რა სოციალურ პირობებში მიწევს ცხოვრება, _ გვითხრა მეგრელიძემ.

მეგრელიძეების ოჯახის პრობლემის შესახებ ჩვენ ჩოხატაურის მუნიციპალიტეტის სოციალური სამსახურის უფროსს, ზურაბ კალანდაძეს ვესაუბრეთ: _ ოჯახში შედის დეკლარაცია, ივსება, ხელს აწერს ოჯახის სრულუფლებიანი წევრი. დეკლარაციის შევსების შემდეგ, პროგრამულად დგება ქულები. რაც შეეხება იმას, რომ ოჯახს სამი წლის შემდეგ აქვთ უფლება, დაწეროს განცხადება, ასეთი რამ მხოლოდ იმ შემთხვევაში ხდება, თუ ოჯახი რაიმეს დამალავს და მერე გამოჩნდება _ მაგალითად, მანქანა თუ ჰყავს და ამას არ ამბობს. რაც შეეხება იმას, რომ რომელიმე სოციალური აგენტი ცუდად მოექცა, შეურაცხყოფა მიაყენა და ა.შ., ეს მტკნარი სიცრუეა. მე პირადად თავს ვდებ, რომ კილასონია და სიხარულიძე მსგავს რამეს არ გააკეთებდნენ, გამორიცხულია. ეს არანაირად არ ჯდება ეთიკაში. და კიდევ _ სოციალური დახმარების მიღებას, არც პოზიციასთან და არც ოპოზიციასთან არანაირი კავშირი არ აქვს, რომ ამის გამო ვინმემ მიიღოს ან არ მიიღოს დახმარება, _ აღნიშნა "გურია ნიუსთან" საუბრისას კალანდაძემ.




 ახალი ამბები
  • დვაბზუს ადმინისტრაციული შენობის დაზიანების ფაქტზე 1 პირი დააკავესშინაგან საქმეთა სამინისტროს გურიის პოლიციის დეპარტამენტის ოზურგეთის რაიონული სამმართველოს თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო მოქმედებების შედეგად, 1982 წელს დაბადებული ჯ.წ. ნივთის დაზიანების ან განადგურების ფაქტზე ამხილეს. დანაშაული 1-დან 3 წლამდე ვადით თავისუფლების აღკვეთას ითვალისწინებს. გამოძიებამ დაადგინა, რომ არაფხიზელ მდგომარეობაში მყოფმა ბრალდებულმა მიმდინარე წლის 17 მაისს, შურისძიების მიზნით, ოზურგეთის მუნიციპალიტეტის სოფელ დვაბზუს ადმინისტრაციული შენობის მინები ჩაამსხვრია, რის შემდეგაც ამავე შენობაში არსებული ინვენტარი _ ტელევიზორი, მოდემი, ვენტილატორი, ტელეფონი და კომპიუტერის პრინტერი დააზიანა. გამოძიება საქართველოს სსკ-ს 187-ე მუხლის 1-ლი ნაწილით მიმდინარეობს, სხვისი ნივთის დაზიანების ან განადგურების ფაქტზე, რამაც მნიშვნელოვანი ზიანი ... ...
  • გიორგი მიქაუტაძე უვადო მოსამართლედ განამწესეს იუსტიციის საბჭოს მდივანი გიორგი მიქაუტაძე თბილისის საქალაქო სასამართლოს ადმინისტრაციულ საქმეთა პალატაში მოსამართლედ უვადოდ გაამწესეს. მიქაუტაძის კანდიდატურას საბჭოს 11-მა წევრმა ერთხმად დაუჭირა მხარი. მიქაუტაძესთან ერთად საქალაქოს ადმინისტრაციულ კოლეგიაში ნიკოლოზ მარსაგიშვილი გაამწესეს. საქალაქო სასამართლოს ადმინისტრაციულ საქმეთა პალატაში 2 ვაკანსიაზე 28 კანდიდატი ... ...
  • WHO : მნიშვნელოვანია ყურადღების გამახვილება ურბანულ განვითარებაზეჯანდაცვის მსოფლიო  ორგანიზაციის ინფორმაციით, მსოფლიო მოსახლეობის ნახევარი ქალაქებში ცხოვრობს, 2050 წლისთვის კი, მოსახლეობის რაოდენობის ზრდის შედეგად, ქალაქებში კიდევ 2.5 მილიარდი ადამიანი იცხოვრებს. აღნიშნული ტენდენცია კი  ნიშნავს, რომ მნიშვნელოვანია ყურადღების გამახვილება ურბანულ განვითარებაზე, რომ ხელი შეეწყოს ჯანსაღ ცხოვრებას ქალაქში. როგორც ჯანდაცვის მსოფლიო ორგანიზაციაში ამბობენ, ხალხი ქალაქში საცხოვრებლად ცხოვრების გასაუმჯობესებლად გადადის. თუმცა, ურბანული ცხოვრება  საზოგადოების ჯანმრთელობის სფეროში ბევრ გამოწვევას ქმნის. მაგალითად, არის  ქალაქები, რომლებსაც არ აქვთ სუფთა წყლის, სანიტარიისა და ნარჩენების მართვისთვის ეფექტური სისტემები, სადაც შეგხვდებათ ისეთი დაავადებები, როგორიცაა ქოლერა და დიარეა. ქალაქები ასევე დგანან დაბინძურებული ჰაერის, არაჯანსაღი კვების და არასაკმარისი ფიზიკური აქტივობის წინაშე. გარდა ამისა, საგზაო უსაფრთხოება და ძალადობა არის მუდმივი შეშფოთების საკითხი, ისევე როგორც ფსიქიკური ჯანმრთელობა. ჯანმრთელობაზე გავლენას ახდენს მრავალი ფაქტორი, რომელიც ცდება ჯანდაცვის მომსახურების ხელმისაწვდომობას. ეს მოიცავს ინფრასტრუქტურულ საკითხებს, ასევე დასაქმების, განათლებისა და საკვებ პროდუქტზე ხელმისაწვდომობას. ჯანდაცვის მსოფლიო ორგანიზაციის განცხადებით,  უნდა შეიქმნას ქალაქები, რომლებიც მათი დიზაინით, პოლიტიკით და პროგრამებით ჯანმრთელობას ხელს შეუწყობენ.       ... ...
  • ევაკუაცია ყავლაშვილის ქუჩაზე_ ჩამონგრეულია სახლის ნაწილითბილისში, შოთა ყავლაშვილის ქუჩაზე 2-სართულიანი საცხოვრებელი სახლის ნაწილი ჩამოინგრა. როგორც საგანგებო სიტუაციების მართვის სამსახურში აცხადებენ, შემთხვევის შედეგად არავინ დაშავებულა. ადგილზე მისვლისთანავე მეხანძრე-მაშველებმა უსაფრთხოების მიზნით, ამავე შენობასა და მის მიმდებარედ მცხოვრები მოსახლეობის ევაკუაცია განახორციელეს. ადგილზე მიღებულია უსაფრთხოების ზომები.       ... ...
  • ჭიათურაში არსებული სიტუაცია არის მძიმე და მე ვიზიარებ ჩვენი მაღაროელების მოთხოვნას _ ბახტაძეჭიათურაში არსებული სიტუაცია არის მძიმე და მე ვიზიარებ ჩვენი მაღაროელების სამართლიან და ობიექტურ მოთხოვნას ისეთ საკითხებში, როგორიც არის შრომის უფლებები, უსაფრთხოება, სამედიცინო მომსახურება ადგილზე, კვება, - განაცხადა საქართველოს პრემიერ-მინისტრმა.პრემიერ-მინისტრმა მოუწოდა ორივე მხარეს, მისაღებ შედეგებზე დროულად ჩამოყალიბდნენ.„მე ვიცი, რომ ამავე დროს, კომპანიამ მიიღო გადაწყვეტილება, მათ გააკეთეს შეთავაზება და მინდა ორივე მხარეს ვთხოვო, რომ რაც შეიძლება მეტი ინტენსიური დიალოგის შედეგად დროულად ჩამოვყალიბდეთ მისაღებ შედეგებზე. ეს არის სისტემური მნიშვნელობის მქონე საწარმო ჩვენი ეროვნული ეკონომიკისთვის და მისი სრულფასოვანი ფუნქციონირება არის ძალიან მნიშვნელოვანი“, _ განაცხადა მამუკა ... ...

არქივი

ზაფრანი

მიირთვით ბევრი ვაშლი, კივი და ფორთოხალი

მწვანე ჩაი არა მხოლოდ აუმჯობესებს...

ბრიტანელმა სწავლულებმა სინათლის სხივების შენელება ისწავლეს

ბრიტანელმა სწავლულებმა კიდევ ერთი ნაბიჯით...

შაოლინის მონასტრის დიეტა

დიეტით მხოლოდ ლამაზი ქალბატონები როდის...

როგორ ვებრძოლოთ სლოკინს

სლოკინთან დაკავშირებით შესაძლოა ბავშვობა და...

როგორ მოვიშოროთ კბილის ტკივილი

ყველაზე მარტივი რეცეპტები: მოამზადეთ "სალბის"...

გინდათ, არასდროს გასუქდეთ?

ზოგიერთი ჩვენგანი თვით ბუნებამ დაასაჩუქრა,...
კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...