"შატალოზე" რესურსცენტრში და სკოლა დირექტორის გარეშე

საზოგადოება

"შატალოზე" რესურსცენტრში და სკოლა დირექტორის გარეშე

2012 ოქტ 27 07:34:21

 

აცანის საჯარო სკოლის დირექტორის მოვალეობის შემსრულებელმა დარეჯან სირაძემ აგვისტოს ბოლოს დაწერა განცხადება გათავისუფლების შესახებ, მაგრამ ახალი სასწავლო წელი ისე დაიწყო, რესურსცენტრის ხელმძღვანელობამ მისი მოთხოვნა არ დააკმაყოფილა. როგორც რესურსცენტრის ხელმძღვანელი ნათია ურუშაძე ჩვენთან საუბარში ამბობს, სირაძის წასვლის მოტივი ოჯახური მდგომარეობა გახდა. 17 ოქტომბერს, როგორც იქნა, დარეჯან სირაძის განცხადება დააკმაყოფილეს და სკოლის დირექტორის თანამდებობა ვაკანტური გახდა. ამ მოვალეობას, ამჟამად, ამავე სკოლის უხუცესი მასწავლებელი ციალა ჩხაიძე ასრულებს.

პრობლემის არსი იმაშია, რომ აცანის საჯარო სკოლის მოსწავლეებს, მშობლებისა და მასწავლებლების დიდ ნაწილს დირექტორად სერთიფიცირებული პედაგოგის ანდრო ქინქლაძის დანიშვნა სურთ, მაგრამ, მათი აზრით, ამას ვიღაც ხელს შეგნებულად უშლის.

აცანელი უფროსკლასელებიც სწორედ ამისთვის ჩამოვიდნენ ლანჩხუთის რესურსცენტრში.

ქეთი თევდორაძე, აცანის საჯარო სკოლის 12-ე კლასის მოსწავლე: _ ქალბატონმა დარეჯან სირაძემ სასწავლო წლის დაწყებამდე დაწერა განცხადება გადადგომის შესახებ, მაგრამ 17 ოქტომბრამდე მისი განცხადება არ დააკმაყოფილეს. ახლა დირექტორის მოვალეობას ასრულებს სასწავლო ნაწილის გამგე ციალა ჩხაიძე. მაგრამ ამაში არ არის პრობლემა. პრობლემაა, რომ ვიღაცას არ უნდა ბატონი ანდრო ქინქლაძის დანიშვნა დირექტორად. ანდრო ქინქლაძე სერთიფიცირებული მასწავლებელია, უკვე წელიწადნახევარია დაწერილი აქვს განცხადება დირექტორობაზე, მაგრამ მის კანდიდატურას ბლოკავენ.

_ კონკრეტულად ვინ არის მისი წინააღმდეგი? გაქვთ ამის შესახებ ინფორმაცია?

_ არ ვიცით, მაგრამ ეჭვს გვიჩენს ის, რომ მას უკვე წელიწადზე მეტია დაწერილი აქვს განცხადება. ხოლო ქალბატონი ნათია გვეუბნება, რომ უნდა ჩატარდეს კონკურსი, მაგრამ ანდრო ქინქლაძეს განცხადება არ აქვს შეტანილი.

გიორგი თევდორაძე: _ ასევე ვიცოდით, რომ ორშაბათს, 22 ოქტომბერს უნდა დანიშნულიყო ახალი დირექტორი, მაგრამ არავინ დაუნიშნავთ. წელიწადნახევარია სკოლას მართავს დირექტორის მოვალეობის შემსრულებელი, კონკურსს კი შეგნებულად არ ნიშნავენ. სკოლა დირექტორის გარეშეა ამდენი ხანი. რესურსცენტრის ხელმძღვანელი კი გვეუბნება, რომ ანდრო ქინქლაძეს, რომელიც სერთიფიცირებული მასწავლებელი და პრეზიდენტის სტიპენდიანტია, განცხადება შემოტანილი არ აქვს.

მარი ბერიძე, 12-ე კლასის მოსწავლე: _ ამის შემდეგ იძულებული გავხდით თავად ბატონ ანდროსთან დაგვერეკა, რომელმაც დაგვიდასტურა, რომ განცხადება წელიწადნახევრის წინ დატოვა რესურსცენტრში. როცა ეს ვუთხარით ქალბატონ ნათიას, იუარა და თქვა, რომ ასე არ უთქვამს.

სკოლაში, იმის გამო რომ ამდენი ხნის განმავლობაში ვერ მოხერხდა დირექტორის დანიშვნა, სასწავლო პროცესში პრობლემები იქმნება. მაგალითად, ცხრილში უზუსტობებია, ხშირად ხდება სხვადასხვა გაკვეთილის დამთხვევა. იყო შემთხვევა, რომ ქართულის და მათემატიკის მასწავლებლები ერთად შემოვიდნენ კლასში. ფაქტობრივად, სწავლის დაწყების პირველი ორი კვირა ცხრილი არ გვქონდა, ისე მიდიოდა სწავლება. მეთორმეტე კლასელი ვარ. აქ იმიტომ ჩამოვედით, რომ გავარკვიოთ რა გველის, მინდა მშვიდად ვიყო და დავრწმუნდე იმაში, რომ საატესტატო გამოცდების ჩაბარებაში ხელს არაფერი შეგვიშლის.

_ აცანის საჯარო სკოლის მასწავლებლები რას ფიქრობენ სკოლაში მიმდინარე პროცესების შესახებ?

ნათია ჩხაიძე, 12-ე კლასის მოსწავლე: _ ჩვენ დამოუკიდებლად გადავწყვიტეთ წამოვსულიყავით და უფროსების გარეშე გავრკვეულიყავით სიტუაციაში. მასწავლებლებთან ამ საკითხის შესახებ საუბარი არ გვქონია.

თორნიკე ჯინჭარაძე: _ ისიც გვაინტერესებს, რატომ დასჭირდა ამდენი ხანი დარეჯან სირაძის განცხადების დაკმაყოფილებას. თუ დირექტორი რეალურად არაფერს წყვეტს სკოლაში და მოვალეობის შემსრულებელი განუსაზღვრელი დროით შეიძლება დაინიშნოს, მაშინ რაღა საჭიროა საერთოდ დირექტორის სტატუსი?

ქეთი თევდორაძე: _ ჩვენ მხოლოდ ის გვინდა, რომ სკოლაში სწრაფად მოგვარდეს ყველა პრობლემა. ჩვენ დამამთავრებელი კლასის მოსწავლეები ვართ, წინ გველის საატესტატო და ეროვნული გამოცდები და არ გვინდა რამემ ხელი შეგვიშალოს ამ გამოცდების წარმატებით ჩაბარებაში. გვინდა, რაც შეიძლება სწრაფად დაინიშნოს კარგი დირექტორი, რომელიც მიხედავს სასწავლო პროცესს.

რესურსცენტრის ხელმძღვანელმა ნათია ურუშაძემ საგაზეთო კომენტარზე უარი განაცხადა. ლანჩხუთის სინამდვილეში რბილად რომ ვთქვათ, არასტანდარტული, ურთიერთგამომრიცხავი ფაქტები ფიქსირდება: თუ ერთ შემთხვევაში თანამდებობის პირი კატეგორიულად ითხოვს, მისი სახელის ხსენება მასთან შეუთანხმებლად არ გავბედოთ, სხვა, ანალოგიურ შემთხვევაში საჯარო მოხელე უარს აცხადებს მის სისტემასთან დაკავშირებული ფაქტის კომენტირებისგან. მისი სურვილის საწინააღმდეგოდ, მაინც მოვახერხეთ რესურსცენტრის ხელმძღვანელის ჩაწერა:

ნათია ურუშაძე: _ ბავშვების განცხადებები არის უსაფუძვლო. არასერიოზულია ამასთან დაკავშირებით კომენტარები ვაკეთო. თურმე "შატალოს" გეგმავდნენ. მოუფიქრებიათ ჯერ ოქონის მონასტერში წავიდეთო, შემდეგ კი უცებ გადაუწყვეტიათ რესურსცენტრში წამოსვლა.

ვფიქრობ, ისინი არასწორად მოტივირებულები იყვნენ და მათი აზრების უკან კონკრეტული ადამიანი დგას. არ მინდა საგაზეთოდ გავაკეთო კომენტარი, მაგრამ პირადად გეტყვით: ორი წლის წინ შეიცვალა დირექტორების დანიშვნის წესი და დაიწყო მათი სერთიფიცირება. ამ დროს ანდრო ქინქლაძემ ჩააბარა სასერთიფიკაციო გამოცდები. ასეთი გამოცდები ლანჩხუთში ხუთმა მასწავლებელმა ჩააბარა. მაგრამ ვაკანსია არ არსებობდა. როცა ვაკანსია გამოცხადდებოდა, ანდრო ქინქლაძეს მინისტრის სახელზე უნდა დაეწერა განცხადება, რომ სურდა კონკურსში მონაწილეობის მიღება.

ახლა რაც შეეხება ამ კონკრეტულ სიტუაციას, რასაც ბავშვები აპროტესტებენ. ანდრო ქინქლაძეს ნამდვილად ჰქონდა ძველი წესით სერთიფიკატი და პირადად მე მისი საწინააღმდეგო არაფერი მაქვს. სტრუქტურაში რაც უფრო მეტი კაცი იქნება, ჩემი აზრით, უკეთესია. ვიყავი მისი მომხრე, თუ გამოჩნდებოდა ვაკანსია. სირაძემ დაწერა განცხადება, რომლის დაკმაყოფილება 17-ში, სულ რაღაც ოთხი დღის წინ მოხდა. ამ ადგილზე ან მინისტრი ნიშნავს კანდიდატს, ან კონკურსის წესით აირჩევს სამეურვეო საბჭო. ჯერჯერობით კონკურსი არ გამოცხადებულა. ჯერ მინისტრიც არაა დამტკიცებული (საუბარი ჩაწერილია 22 ოქტომბერს. რედ.). მე გაგზავნილი მაქვს სამინისტროში ანდრო ქინქლაძის განცხადება. შეიძლება ახალმა მინისტრმა პირდაპირი წესით დანიშნოს იგი, შეიძლება დაინიშნოს კონკურსი.

_ სხვა მსურველებიც არსებობენ?

_ ჯერ ერთი კვირაც არაა გასული ძველი დირექტორის გათავისუფლებიდან. იმდენად მცირე იყო დრო, რომ ვერაფრის გაკეთება ვერ მოხერხდებოდა.

_ ბავშვებს რატომ გაუჩნდათ ეჭვი, რომ ვიღაც შეგნებულად ბლოკავს ქინქლაძის კანდიდატურას?

_ ვიღაცამ მოახდინა ამის პროვოცირება. ბავშვის ჩაწერა მშობლის თანხმობის გარეშე, არ შეიძლება. იმიტომ ჰქვია არასრულწლოვანი, რომ შეიძლება მათი აზრი ვინმემ არასწორად გამოიყენოს და ისეთი რამ ათქმევინოს, რაც არღვევს სამართლისა და ეთიკის ნორმებს. ამას სერიოზულად ვერ აღვიქვამ და სწორედ ამიტომ, არ მინდა ამ საკითხებზე კომენტარი გავაკეთო. რა უნდა ვთქვა ბავშვების მოთხოვნასთან დაკავშირებით, რომ წელიწადნახევარია დირექტორად უნდათ ანდრო ქინქლაძის დანიშვნა?!

აცანელების სასურველ კანდიდატს, რომელიც მასალის მომზადების პროცესში ქუთაისში იმყოფებოდა, "გურია ნიუსი" ტელეფონით დაუკავშირდა.

ანდრო ქინქლაძე: _ ძალიან მინდოდა ჩემი მშობლიური სოფლის სკოლის დირექტორად მემუშავა, მაგრამ ისე განვითარდა მოვლენები, რომ რატომღაც ჩემი კანდიდატურა დაიბლოკა. განაცხადი მეწერა ლანჩხუთის მუნიციპალიტეტზე. ეს იმას ნიშნავს, რომ თუ ადგილი იქნებოდა ლანჩხუთის რომელიმე სკოლაში, ჩემთვის უნდა ეცნობებინათ.

_ რესურსცენტრის ხელმძღვანელი ამბობს, რომ აქამდე არ არსებობდა ლანჩხუთის საჯარო სკოლების დირექტორის ვაკანსია და მხოლოდ დარეჯან სირაძის გათავისულების შემდეგ გამოთავისუფლდა ადგილი...

_ აქ მხოლოდ აცანის სკოლაზე არ არის საუბარი. რადგან მე ვარ სერთიფიცირებული მასწავლებელი, რესურსცენტრს არა მხოლოდ აცანის საჯარო სკოლის დირექტორობის, არამედ ლანჩხუთის ნებისმიერ სკოლაში არსებულ ვაკანსიაზე უნდა ეცნობებინა. მე მქონდა მითითებული აცანის სკოლა, მაგრამ თუ აქ არ გამოვიდოდა, ისინი ვალდებული იყვნენ სხვა თავისუფალი ადგილების შესახებაც ეცნობებინათ. ზუსტად არ ვიცი, მაგრამ ბოლო ერთი წლის მანძილზე, როგორც მითხრეს, ადგილის გამოთავისუფლების შვიდი შემთხვევა ყოფილა. თუ სერთიფიკატი არაფერს ნიშნავს, რატომ ჩატარდა სერთიფიცირება? ნათია ურუშაძემ მითხრა, რომ ჩემს სერთიფიკატს არანაირი ძალა არ აქვს.

_ ქალბატონი ნათია ამბობს, რომ მას არაფერი აქვს თქვენი საწინააღმდეგო.

_ მე პირადად, მის მიმართ არანაირი პრეტენზია არ მაქვს. მაგრამ ძალიან ვთხოვ ამიხსნას, როცა ერთ კვირაში შესაგროვებელი საბუთები ერთ დღეში შევაგროვე, მისი მოთხოვნით ხელმეორედ გავაკეთე ავტობიოგრაფია და გადავაგზავნე თბილისში, რა მოხდა, რატომ დაიბლოკა ჩემი კანდიდატურა? მე არანაირი საბუთი არ მაქვს ვამტკიცო, რომ ქალბატონ ნათიას პიროვნულად აქვს ჩემი საწინააღმდეგო რამე. არ მინდოდა ამ თემის აჟიტირება, მაგრამ საქმე ისე წავიდა, რომ ყველა მეუბნება, ალბათ შენ არ გინდა ეს თანამდებობა, თორემ მიაღწევდი კიდეცო. როგორ არ მინდა, მაგრამ, რატომღაც არ გამოდის.

სულ რაღაც ერთი თვის წინ ლანჩხუთის ერთ-ერთ გაზეთში გამოქვეყნდა ფოტო, რომელზეც ხუთი სერთიფიცირებული მასწავლებელი ვიყავით გამოსახული. ყველა მათგანს დაწყებული აქვს მუშაობა, ჩემს გარდა. ეს არაფერს ნიშნავს? უმუშევარი ვარ და წელიწადზე მეტია ადგილს ველოდები. როდესაც გამოცდები ტარდებოდა, თბილისშიც და შემდეგ ბათუმშიც გვითხრეს, რომ სერთიფიცირებულ მასწავლებელს თანამდებობაზე დასანიშნად არანაირი კონკურსი არ ესაჭიროებოდა. სწორედ ამაში მდგომარეობდა ჩვენი პრივილეგირებულობა. წინააღმდეგ შემთხვევაში, ნებისმიერ მასწავლებელს შეეძლებოდა დირექტორად საკუთარი კანდიდატურა წარედგინა.

_ ისევ აპირებთ გააგრძელოთ ბრძოლა აცანის საჯარო სკოლის დირექტორის თანამდებობის მოსაპოვებლად?

_ რა თქმა უნდა, ეს ჩემთვის პრინციპის საკითხია.

აცანელები კარგა ხანია ცდილობენ გაარკვიონ, კონკრეტულად ვის არ აწყობს ანდრო ქინქლაძის დანიშვნა აცანის სკოლის დირექტორად, თუმცა, უშედეგოდ. სამწუხაროდ, ამის გარკვევა ვერც ჩვენ მოვახერხეთ.

რესურსცენტრის ხელმძღვანელს კი დავამშვიდებთ _ არც ერთი მშობლის თანხმობის გარეშე, მოზარდების კომენტარები არ გამოგვიქვეყნებია.




 ახალი ამბები
  • საოჯახო ტიპის სასტუმროებისათვის სასმელი წყლის ახალი ტარიფის მოდელი 2020 წლის 1-ლი იანვრიდან ამოქმედდება (R)საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ  (სემეკ) საოჯახო სასტუმროებისათვის სასმელი წყლის ახალი ტარიფის მოდელი დაამტკიცა. 20 ივნისის საჯარო სხდომაზე მიღებული გადაწყვეტილება არ შეეხება ბინებს, რომლებიც ქირავდება გარკვეული პერიოდულობით, მათ შორის სხვადასხვა საიტების საშუალებით  (AirBnB, booking.com და სხვა ) აქედან გამომდინარე, პირები, რომლებიც აქირავებენ ბინებს, როგორც დღიურად ასევე გრძელვადიან პერიოდში, ისევ გადაიხდიან სასმელი წყლის საყოფაცხოვრებო ტარიფს. კომისიის საჯარო სხდომაზე მიღებული გადაწყვეტილება, რომელიც 2020 წლის 1-ლი იანვრიდან შევა ძალაში, შეეხება მხოლოდ საოჯახო ტიპის სასტუმროსათვის სასმელი წყლის ტარიფის მოდელის განსაზღვრას. გადაწყვეტილების შესაბამისად, საოჯახო სასტუმროს მფლობელ მომხმარებლად მიიჩნევა ფიზიკური პირი, რომელიც სასმელ წყალს ყიდულობს ერთდროულად, როგორც საკუთარი საყოფაცხოვრებო მოხმარებისთვის, ასევე მის საცხოვრებელ ადგილზე ტურისტთა განსათავსებლად, მათი სისტემატური და ორგანიზებული მომსახურებისთვის. რაც შეეხება ტარიფის მოდელს, კომისიის მიერ დამტკიცებულია ორი ტიპის მოდელი და  მომხმარებელი (საოჯახო სასტუმროს მფლობელი) უფლებამოსილია მოითხოვოს მათგან ერთ-ერთი.  პირველი მოდელის შესაბამისად, საოჯახო სასტუმროს მფლობელის მთელ ობიექტზე სასმელი წყლის მოხმარება აღირიცხება ერთობლივად, რა შემთხვევაშიც არასაყოფაცხოვრებო ტარიფი დაერიცხება მოხმარებული სასმელი წყლის მხოლოდ იმ ოდენობას, რაც აღემატება თვის განმავლობაში 25მ3-ს. მეორე მოდელის მიხედვით,  სასმელი წყლის მოხმარება ობიექტის იმ ნაწილზე, სადაც ხორციელდება ტურისტების მომსახურება, აღირიცხება განცალკევებულად. ანუ, მხოლოდ იმ ნაწილზე, სადაც ხორციელდება ტურისტების სისტემატური და ორგანიზებული მომსახურება, სასმელი წყლის საფასური დაირიცხება არასაყოფაცხოვრებო ტარიფით. ამ მოდელის გამოყენების შემთხვევაში საოჯახო სასტუმროს მფლობელი ისარგებლებს ორი მრიცხველით. მათგან ერთი განკუთვნილი იქნება საყოფაცხოვრებო (საკუთარი) მოხმარების აღსარიცხავად, რა შემთხვევაშიც მომხმარებელი ისარგებლებს სასმელი წყლის  საყოფაცხოვრებო ტარიფით, ხოლო მეორე მრიცხველი დამონტაჟდება უძრავი ქონების იმ ნაწილზე, სადაც ხდება ტურისტების მომსახურება. სწორედ აღნიშნული მომსახურების შემთხვევაში საოჯახო სასტუმროს მფლობელი გადაიხდის მოხმარებული სასმელი წყლის საფასურს არასაყოფაცხოვრებო ტარიფით.  სემეკმა აღნიშნული გადაწყვეტილება მიიღო ხანგრძლივი განხილვებისა და დისკუსიების შედეგად. განხილვებში ჩართული იყო ყველა დაინტერესებული მხარე. მათ შორის, საოჯახო სასტუმროს მფლობელები, ბინის გამქირავებლები, ტურიზმის  სექტორის წარმომადგენლები და ... ...
  • „ქართულ ოცნებას მოუწევს მტკივნეული ნაბიჯის გადადგმა“_ სოსო ცინცაძე„არ ვიცი, რით დამთავრდება ეს სკანდალი, მაგრამ „ქართულ ოცნებას“ მოუწევს სახის შენარჩუნების მიზნით ზოგიერთი მტკივნეული ნაბიჯის გადადგმა, თუნდაც, ქუცნაშვილის მისამართით“,_ აღნიშნული განცხადება „გურია ნიუსთან“ პოლიტოლოგმა სოსო ცინცაძემ პარლამენტში დღეს განვითარებული მოვლენების შეფასებისას გააკეთა. შეგახსენებთ, რომ დღეს რუსი დეპუტატები საქართველოს პარლამენტში მივიდნენ, სადაც მართლმადიდებელი საპარლამენტთაშორისო ასამბლეის რიგით 26-ე სესია იმართებოდა, რუსეთის დელეგაციის  ერთ-ერთი წევრმა, გავრილოვმა, კი საქართველოს პარლამენტის თავმჯდომარის სავარძელი დაიკავა. როგორც პოლიტოლოგი სოსო ცინცაძე ამბობს, მსგავსი ღონისძიების პარლამენტის შენობაში გამართვა მსოფლიო პრაქტიკაში დაუშვებელია. „ეს ის შემთხვევაა, როდესაც რელიგია და პოლიტიკა ტყუპისცალებივით გამოდიან კონფერენციაზე. შემთხვევვითი არ არის ის, რომ სტუმრების უმრავლესობა პოლიტიკოსებია. გარდა  ამისა,  მსოფლიო პრაქტიკაში აბსოლუტურად დაუშვებელია ამ ხასიათის ღონისძიებებისათვის პარლამენტის დარბაზის დათმობა, არ ვიცი ვის მოუვიდა ტავში ასეთი აზრი, მაგრამ ვინც თანხმობა გასცა პასუხი უნდა აგოს“,_ამბობს ცინცაძე. პარლამენტის შენობაში რუსი დეპუტატების გამოჩენას და მათ მიერ სხდომის გახსნას ოპოზიციის პროტესტი მოჰყვა. საპარლამენტო უმრავლესობის არაერთმა დეპუტატმა განაცხადა ისიც, რომ რუსი დეპუტატების ადგილი საქართველოს პარლამენტში არ არის. თუმცა, უმრავლესობის მხრიდან ღონისძიების ჩატარებამდე კეთდებოდა განცხადებები, რომ ეს იყო ღონისძიება, რომელსაც საქართველოს პრობლემები უნდა გადაეწყვიტა. ცინცაძის თქმით, ის რომ დეპუტატებმა არაფერი იცოდნენ დაუჯერებელია. „ისე ხომ არ მოხდა, რომ გავრილოვი თავისი ნებით უცბად წამოხტა, ავარდა ტრიბუნაზე და ჩაჯდა თავმჯდომარის სავარძელში? ეს ხომ დაიგეგმა. დღეს, რომ იძახიან უმრავლესობის წარმომადგენლები რომ არ იცოდნენ, ძნელად დასაჯერებელია. ქუცნაშვილს თუ დავუჯერებთ, ამ ღონისძიებას ერთი დიდი ნაბიჯი უნდა გადაედგა აფხაზეთისა და სამაჩაბლოს დაბრუნებისათვის. თუ ასეთი დიდი ღონისძიებაა, როგორ მიუშვეს თვითდინებაზე და როგორ გახდა შესაძლებელი პროტოკოლში დაუშვებელი შეცდომა“,_ ამბობს ცინცაძე. ამ დროისთვის საქართველოს პარლამენტის შენობაში მართლმადიდებელი საპარლამენტთაშორისო ასამბლეის რიგით 26-ე სესია შეწყვეტილია. როგორც ბიძინა ივანიშვილმა განაცხადა, სხდომის დაუყონებლივ შეწყვეტა მისი რეკომენდაციით მოხდა და პარლამენტში დღეს განვითარებული მოვლენები პროტოკოლური შეცდომაა. „ეს თუ პროტოკოლური შეცდომა იყო, ამ პროტოკოლის უკან დგანან კონკრეტული პიროვნებები. მიმღები მხარე საერთაშორისო ნორმების ე.ი. საქართველო, ამ დროს  დღის წესრიგის შედგენაში ასრულებს გადამწყვეტ როლს. რა თქმა უნდა პროტოკოლის მიმღები ადამიანების პასუხისმგებლობის საკითხი უნდა დადგეს. თუმცა, მოხდა პროტოკოლური შეცდომა და ბოდიშს ვიხდით, ასე არ უნდა იყოს, რადგან სერიოზული მოვლენაა“,_ამბობს ... ...
  • "მანდატები დაყარონ, დაგვიჩოქონ და ბოდიშები გვიხადონ" - ალეკო ელისაშვილიამ წუთებში სასტუმრო "რედისონის" ტერიტორიაზე პოლიტიკოსები არიან შეკრებილები და რუსულ დელეგაციას ქვეყნის დატოვებისკენ მოუწოდებენ. ალეკო ელისაშვილმა უმრავლესობის წევრებს მიმართა, დაიჩოქონ და პ[ატყიება ითხოვონ. ელისაშვილმა მათ მანდატების დატოვებისკენ მოუწოდა.  „დაგვიჩოქონ და ბოდიშები გვიხადონ. პარლამენტის თავმჯდომარემ აი, ის შეურაცხყოფილი და შებილწული სავარძელი უნდა დატოვოს და ისიც უნდა გადადგეს და მიჰყვეს. რას ჰქვია საზღვარგარეთაა და საქმის კურსში არ იყო. ვინ შეათრია ის კაცი იმ პარლამენტის დარბაზში, ძალიან მაინტერესებს. როგორ მისცეს იქ დაჯდომის უფლება. ეს არის შეფურთხება თითოეული ქართველის. ბოდიშებს კი ნუ იხდიან, არ ვიცოდითო ივანიშვილი და სხვები, ყველამ მანდატები დაყარონ, დაიჩოქონ, ბოდიშები იხადონ. ყველამ უნდა გაიზიაროს პასუხისმგებლობა, პირადად, ვინც მოათრევდა ამ კაცს საქართველოში, აი, ყველამ უნდა მანდატები დატოვონ, დაიჩოქონ და ბოდიშები იხადონ," - განაცხადა ... ...
  • ოზურგეთში კობახიძის გადადგომას მოითხოვენეს ფოტოები ოზურგეთის მუნიციპალიტეტის საკრებულოს წევრმა და “ერთიანი ნაციონალური მოძრაობის“ წევრმა, ბესო ქათამაძემ გაავრცელა. “ნაცმოძრაობის" წევრები საქართველოს პარლამენტის თავმჯდომარის ირაკლი კობახიძის გადადგომას ითხოვენ. პლაკატები კი საქართველოს პარლამენტის წევრის არჩილ თალაკვაძის ოზურგეთის ბიუროს ოფისთან გააკრეს.   ... ...
  • "უმძიმესი სანახავია!" _ პრემიერი განცხადებას ავრცელებს"უმძიმესი სანახავია საქართველოს უმაღლესი საკანონმდებლო ორგანოს მთავარ ტრიბუნასთან ოკუპანტი ქვეყნის დეპუტატის ხილვა!" - მამუკა ბახტაძემ განცხადება გაავრცელა. პრემიერი პარლამენტში მიმდინარე მოვლენებს გამოეხმაურა.  "ეს ფაქტი ზიანს აყენებს ჩვენი თავისუფლების იდეას, აზიანებს ქართულ პარლამენტარიზმს! სრულად ვიზიარებ ქართული საზოგადოების სამართლიან პროტესტს და მივმართავ ამის ორგანიზატორებს - დაუყოვნებლივ განუმარტონ საზოგადოებას მომხდარის მიზეზები და მოახდინონ მკაცრი რეაგირება მომხდარზე!" - აღნიშნავს ... ...

არქივი

ზაფრანი

ეს დიეტა 99% - იან შედეგს იძლევა

ამ დიეტის დროს ერთ კვირაში...

ჩინური მედიცინის რჩევები

ძველი ჩინური მედიცინის მეცნიერულ შესწავლას,...

იაპონური სილამაზის საიდუმლო

გაიკეთეთ სახის და ტანის ნიღაბი,...

5 აკრძალული საკვები

იდეალური ფიგურა და ბრტყელი მუცელი...

10 პროდუქტი დაღლილობის წინააღმდეგ

შვრია _ შვრია შეიცავს მაგნიუმს,...

როგორ ვებრძოლოთ ღამით ჭამას

ეგრეთ წოდებული, "ღამის დიეტის" ავტორი...
კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...