"სახეზეა ყვითელი სიმინდის "შეტენვის" მცდელობა!"

საზოგადოება

"სახეზეა ყვითელი სიმინდის "შეტენვის" მცდელობა!"

2011 მარ 9 07:43:16

 

გურიაში ხელისუფლება ე.წ. ყვითელ სიმინდს, ჟარგონი რომ ვიხმაროთ, (დღეს აქ თითქმის ყველა ასე ამბობს) "ატენის" საჯარო მოხელეებს, გინდათ თუ არა, უნდა იყიდოთო. გამონაკლისს არც კერძო ბიზნესი წარმოადგენს _ დაძალება მათ მიმართაც იგივე მეთოდით ხორციელდება. საინტერესოა, კორპუსებში მცხოვრებ ადამიანებს რაში სჭირდებათ ეს ყბადაღებული ყვითელი თესლი, რომელიც უკვე, გურულების გულღია საუბრით, რომც აჩუქო ვინმეს, ვირუსი ეგონება და ამრეზით შემოგხედავს. ჩვენ არა ერთ მოქალაქეს შევხვდით, რომლებსაც თესლის ყიდვას აძალებენ, თუმცა, ისინი ვინაობას ღიად არ ასახელებენ, რადგან ამ ხელისუფლების დამსჯელ მეთოდებსაც იცნობენ. ხელისუფლებაზე დამოკიდებულ მაძღართა განმარტებით, "ყვითელსიმინდობია" სოფლის მეურნეობაში გადადგმული ძლიერი ნაბიჯია, რომელსაც "მხოლოდ სუსტი მხედველობისანნი ვერ ამჩნევენ".

 

ამ და სხვა უფრო სერიოზულ საკითხებზე "გურია ნიუსი" არასამთავრობო ორგანიზაცია "სასოფლო-სამეურნეო პროგრესის" გამგეობის წევრს ტიფო მიქატაძეს ესაუბრა.

მიქატაძე მიიჩნევს, რომ ჰიბრიდული სიმინდით ადგილობრივი ჯიშების ჩანაცვლება უკიდურესად მცდარი პოზიციაა, ისევე, როგორც მცდარია მეორე პოზიციაც _ თითქოს, ჰიბრიდები საერთოდ არ უნდა შემოვიტანოთ.

_ ბატონო ტიფო, რა უპირატესობა აქვს ამ ჰიბრიდულ ყვითელ სიმინდს და ადამიანის საკვებად რამდენად ვარგისია? არავინ აკონკრეტებს, საფურაჟეა იგი თუ ადამიანის საკვებად გამოსადეგი.

_ ჰიბრიდული სიმინდის თესლი შეიძლება იყოს, როგორც ყვითელი, ისე თეთრი ფერის. არის, როგორც მხოლოდ საფურაჟე, ისე ადამიანის საკვებად გამოსადეგი. ჰიბრიდები ერთმანეთისგან განსხვავდებიან ბევრი სხვა მახასიათებლებითაც. ასე რომ, სახელმწიფომ რომელ ჰიბრიდებზე გააკეთა აქცენტი, არ ვიცით. მათი მიღების შემდეგ, სრულფასოვანი და ამომწურავი ინფორმაცია და კონსულტაცია უნდა მიეწოდოს დაინტერესებულ ფერმერებს, რათა რაციონალური არჩევანი გააკეთონ, თავიანთი მოთხოვნილებიდან გამომდინარე.

ზოგადად, ჰიბრიდულ ჯიშს ახასიათებს მრავალი უპირატესობა ადგილობრივ ჯიშებთან შედარებით. თუმცა ჰიბრიდის შერჩევა უნდა მოხდეს ადგილობრივ აგროკლიმატურ პირობებთან შესაბამისობაში. არ ვიცი, რა ჯიშის, რომელ ჰიბრიდებთან გვექნება საქმე. ამჯერად, თავს შევიკავებდი მათ უპირატესობებზე უფრო დაწვრილებით საუბრისგან. დარწმუნებული ვარ, სათესლე მასალა მაღალხარისხოვანი იქნება, რომელსაც მწარმოებელი კომპანიის (ამერიკული კომპანია "პიონერი") მაღალი ავტორიტეტი განაპირობებს, თუმცა, ხაზს ვუსვამ _ მთავარია, რომელი ჰიბრიდები გვექნება. ასე რომ, დარწმუნებული ვარ, ხელისუფლება ათვითცნობიერებს სიმინდის პროგრამის მნიშვნელობას. ამიტომ, სავარაუდოდ, იგი შეეცდება, პროგრამა არ ჩავარდეს და კარგი პიარი მოიტანოს.

_ საქართველოს რელიეფის მქონე ქვეყნისთვის, როგორ შეიძლება მოხდეს ჩვენებური სიმინდის ამ ჯიშით შეცვლა?

_ ჰიბრიდული სიმინდის ფორმატთა მრავალფეროვნება (მარტო "პიონერს" აქვს ათეულობით ჰიბრიდი) იძლევა საშუალებას, რომ შევარჩიოთ შესაბამისი ფორმა. სავარაუდოა, რომ სახელმწიფომ შეუკვეთა და შემოგვთავაზებს რამდენიმე ფორმისას, საიდანაც ფერმერს მიეცემა არჩევნის გაკეთების საშუალება. რაც შეეხება ჰიბრიდული სიმინდით ადგილობრივი ჯიშების "ჩანაცვლებას," ვიმეორებ _ ეს არის უკიდურესად მცდარი პოზიცია ისევე, როგორც მცდარია მეორე უკიდურესი პოზიცია, თითქოს, ჰიბრიდები საერთოდ არ უნდა შემოვიტანოთ და არ გავავრცელოთ. ჩემი პოზიცია ასეთია: პროგრამამ არ უნდა შეავიწროვოს ადგილობრივი ჯიშები _ იგი უნდა შემოვიდეს, როგორც დამატებითი, და არა სანაცვლო, სათესლე მასალა, სოფლის მოსახლეობის მძიმე მდგომარეობისა და სათესლე სიმინდის დეფიციტის გათვალისწინებით. პროგრამის დახმარებით, მესიმინდემ უნდა მოიწიოს სიმინდის დამატებითი მოსავალი (რითაც დააკმაყოფილებს ოჯახისა და მეურნეობის მოთხოვნას) და მომავალი წლის გაზაფხულზე, დასათესად შეიქმნას ადგილობრივი ჯიშის სიმინდის სათესლე მასალის საკმარისი რესურსი. ამის გარდა, ჰიბრიდული სიმინდის თესლზე მოთხოვნის გაჩენით, პროგრამამ სტიმული უნდა მისცეს მსგავსი თესლის წარმოებას ჩვენს ქვეყანაში. შეგახსენებთ, რომ ამ მხრივ ჩვენში საინტერესო სამეცნიერო და პრაქტიკული გამოცდილება არსებობს და განვითარება სჭირდება.

_ როგორც ვიცით, ჰიბრიდული სიმინდი თქვენ ათეული წლების წინ, შემოიტანეთ სარეალიზაციოდ.

_ ჩვენი პირველი "შეხვედრა" ჰიბრიდულ სიმინდთან იყო 1995-96 წლებში. გაითვალისწინეს რა, ამ პერიოდში ქვეყანაში სათესლე სიმინდის დეფიციტი, საერთაშორისო დონორმა ორგანიზაციებმა შემოიტანეს ამერიკული ჰიბრიდების თესლი. იგი გავრცელდა, ძირითადად, მემამულეთა კავშირის ქსელის მეშვეობით. ჩვენ მაქსიმალურად გავითვალისწინეთ უცხოელი და ადგილობრივი სპეციალისტების რჩევები და პროგრამა შედეგიანი გახდა.

ბოლო წლებში შპს "ხელხვავი", რომლის დამფუძნებელი მე ვიყავი, ავრცელებდა იგივე კომპანია "პიონერის" ჰიბრიდული სიმინდის თესლის ხუთ-ექვს განსხვავებულ ფორმატს. სარეალიზაციო ფასი თორმეტი-ცამეტი ლარის ფარგლებში მერყეობდა. ჰიბრიდული სიმინდის მაღალი მოსავალი მეტად არის დამოკიდებული მოვლაზე, ვიდრე ადგილობრივი ჯიშებისა. განსაკუთრებული მნიშვნელობა აქვს მცენარის სრულფასოვან გამოკვებას, აზოტოვანი, ფოსფოროვანი და კალიუმიანი ან კომბინირებული სასუქების შეტანას ნიადაგში. ეს და ტექნოლოგიაში სხვა ელემენტების ჩართვა, დამატებით ხარჯებთან არის დაკავშირებული, რაც სიმინდის თესლის მაღალ ფასთან ერთად, ჩვენი ფერმერისთვის მძიმე სასტარტო ფასს შეადგენს. ამიტომ, შპს "ხელხვავში" უმნიშვნელო რაოდენობით იყიდებოდა სიმინდის თესლი. დანარჩენს კი, წლის ბოლოს, ქსელიდან ვიღებდით და ვანადგურებდით. მიუხედავად იმისა, რომ ყოველწლიურად ასეთ ზარალს ვნახულობდი, მე მაინც დაჟინებით ვაგრძელებდი მომავალ წელს ახალი თესლის შემოტანას და ასორტიმენტის გაფართოებას _ სურვილი მქონდა, რომ თუნდაც მცირე რაოდენობით, მაინც გავრცელებულიყო დაინტერესებულ ადამიანებს შორის, რაც თანდათან საწინდარი გახდებოდა ჩვენს რეგიონში სიმინდის მოვლა-მოყვანის თანამედროვე ტექნოლოგიების დანერგვისა. სიმინდის სახელმწიფო პროგრამის წარმატებით გახორციელება, გაზრდის რა დაინტერესებას ფერმერთა მხრიდან ჰიბრიდულ თესლზე, სასიკეთოდ იმოქმედებს იმ კერძო კომერციული კომპანიების საქმიანობაზე, რომლებიც ამ თესლის წარმოებითა და რეალიზაციით იქნებიან დაკავებულნი.

_ როგორ ფიქრობთ, "აბაშურ ექსპერიმენტს" ძალიან ხომ არ დაემსგავსება "ყვითელი ექსპერიმეტი?"

_ "აბაშურ ექსპერიმენტსა" და მის "ყვითელ ექსპერიმენტთან" შედარებაზე საუბარი, შორს წაგვიყვანს. ამ პროგრამასთან დაკავშირებულ მახინჯ ექსპერიმენტზე ლაპარაკი კი ამ ეტაპზეც შეიძლება _ სიმინდი იმტვერება ქარის მეშვეობით. როცა ჰიბრიდული ყვითელი სიმინდის ყვავილობა ემთხვევა ადგილობრივი თეთრი სიმინდის ყვავილობას და მათი ნაკვეთები ახლოს, არაიზოლირებულად მდებარეობენ, დამტვერვის შედეგად, ხდება თეთრი სიმინდის "აჭრელება" _ ტაროზე მარცვლები ფერს იცვლის, რის შედეგადაც ეცემა მისი, როგორც სათესლე ღირებულება, ისე სასაქონლო ფასიც. ესე იგი ადგილობრივი თეთრი სიმინდის მომყვანი ფერმერი ზარალდება. ამიტომ სპეციალისტები, ერთნაირი ვეგეტაციის მქონე სიმინდის ერთდროული თესვის დროს, ურჩევენ მათი ნაკვეთების სივრცობრივ იზოლაციას. სათესლე მეურნეობებისთვის რეკომენდირებულია მინიმუმ 300-500 მეტრის დაშორებით, ხოლო სამეურნეო ნაკვეთებისთვის ასეთ შეზღუდვა მოხსნილია. მაგრამ არ უნდა დაგვავიწყდეს, რომ ჩვენში სპეციალიზირებული სიმინდის სათესლე მეურნეობები, სადაც ადგილობრივი თეთრი ჯიშები გამოჰყავთ, არ არსებობენ და ფერმერები სათესლედ იყენებენ წინა წლის სიმინდის მოსავლიდან გამორჩეულ მარცვალს. ანუ, აშკარად არსებობს მომავალში ადგილობრივი სიმინდის სათესლე მასალის დეფიციტის გაზრდის საშიშროება.

ამ შემთხვევაში, მესიმინდე ფერმერები, რომელთაც ნაკვეთები ერთმანეთთან ახლოს აქვთ, ამ უარყოფითი მოვლენის თავიდან ასაცილებლად, წინასწარ უთანხმებენ ერთმანეთს დასათესი სიმინდების ჯიშებსა და თესვის ვადებს, რათა რისკი მინიმალიზებული იქნას. ეს ხდება იქ, სადაც ამ კულტურის თესვისა და ფერმერთა ურთიერთობის საჭირო გამოცდილება არსებობს. ჩვენთან კი, სადაც თემის მობილიზებისა და თვითორგანიზების ძალზე დაბალი კულტურაა, რისკები გაცილებით მაღალია და უარყოფითი შედეგებიც უკვე მოსალოდნელია.

არის კიდევ ერთი გზა ჴ იზოლაცია დროში, რაც ნიშნავს, რომ ერთნაირი სავეგეტაციო პერიოდის ჰიბრიდული და ადგილობრივი ჯიშების თესვისას, ჰიბრიდულს თესავენ უფრო ადრე, ვიდრე ჩვენებურს. ამით თავიდან იცილებენ მათი ყვავილობის პერიოდის თანხვედრას და ნაკვეთების გვერდი-გვერდ არსებობაც, უკვე დასაშვებია.

ასე რომ, თუკი ერთ ფერმერს აქვს უფლება, დათესოს ჰიბრიდული ყვითელი სიმინდის თესლი და ჰქონდეს მოსავლისა და შემოსავლის გაზრდის იმედი, მის მეზობელ მეორე ფერმერსაც, რომელიც მხოლოდ ადგილობრივ ჯიშს თესავს, აქვს უფლება, მოითხოვოს, უსაფრთხოდ და ზარალის გარეშე მოყვანის პირობების უზრუნველყოფა.

გამოდის, რომ ჰიბრიდული სიმინდის გავრცელების პროგრამის წარმატება, რაც მისი, მთელი საზოგადოების (და არა რომელიმე ჯგუფის) სასიკეთოდ გამოყენებაში მდგომარეობს, დამოკიდებულია, უპირველეს ყოვლისა, ადგილებზე, სოფლებში, ნაკვეთებში, ფერმერებთან სერიოზულ კონსულტაციებზე, მათი ინტერესების გათვალისწინებაზე და ურთიერთშეთანხმებაზე. ერთი სიტყვით, კომუნიკაციის "საველე" ტექნოლოგიების მაღალ ხარისხსა და რაციონალიზაციაზე.

რაციონალურობა კი, როგორც ჩანს, ხელისუფლებას ნაკლებად ადარდებს. იმისთვის, რომ კამპანიურობის მოყვარულ ხელისუფლებას ერთგულება დაუმტკიცონ, გუბერნატორები და მუნიციპალური მმართველები, ერთმანეთს ეჯიბრებიან, რათა ბელადს პროგრამაში თანამონაწილეთა მეტი რაოდენობის ჩართვა უპატაკონ. როგორც მოსალოდნელი იყო, დაიწყო სიმინდის თესლის ძალით "შეტენვა" საჯარო მოხელეებისთვის. ამ ძალადობის მასიურ ხასიათში, საგანგაშოა ის, რომ შიშვლდება ხელისუფლების პოლიტიკა და იხრება იმ უკიდურესი და მცდარი მიმართულებისკენ, რასაც ჰიბრიდული სიმინდით ადგილობრივი ჯიშების "ჩანაცვლება" ჰქვია. ეს, რბილად რომ ვთქვათ, არარაციონალურია. გამახსენდა სიტყვა "ექსპანსიაც". ასეთი მახინჯი ელემენტებითა და დამოკიდებულებით, თავდაყირა დგება მთელი ეს პროგრამა და უკვე ხდება გაუფასურება. ეს ავადმყოფური ტვინების პროდუქტია და ამაზე ყველამ ხმა უნდა ამოვიღოთ.




 ახალი ამბები
  • დეკანოზ მამალაძის ჯანმრთელობის მდგომარობის შესახებ პენიტენციური დაწესებულება განცხადებას ავრცელებსდეკანოზ მამალაძის ჯანმრთელობის მდგომარობის შესახებ პენიტენციური დაწესებულება განცხადებას ავრცელებს. "მსჯავრდებული გიორგი მამალაძე, წინასწარი დიაგნოზით ჰიპერტონული კრიზი, თავის ტვინის ტრანზიტორული ტიპის იშემიური შეტევა, N9 პენიტენციური დაწესებულებიდან სამოქალაქო სექტორის სამედიცინო დაწესებულებაშია გადაყვანილი. მიმდინარე წლის 15 თებერვალს, 18.38 საათზე გიორგი მამალაძემ შეუძლოდ იგრძნო თავი. დაწესებულების სამედიცინო პერსონალის მიერ მას 18.41 საათიდან გაეწია პირველადი სამედიცინო დახმარება და გამოძახებულ იქნა სასწრაფო სამედიცინო დახმარების ბრიგადა, ასევე ექიმი ნევროლოგი. 19.18 საათზე დაწესებულებაში სასწრაფო დახმარების ბრიგადა გამოცხადდა. მსჯავრდებულისთვის გადაღებულმა კარდიოგრამამ არსებითი ცვლილებები არ უჩვენა, რის გამოც გიორგი მამალაძის სტაციონარში გადაყვანა სასწრაფო დახმარების მედპერსონალმა საჭიროდ არ მიიჩნია. 21.35 საათზე დაწესებულების მედპერსონალმა კვლავ გამოიძახა სასწრაფო სამედიცინო დახმარების ბრიგადა, რის შედეგადაც მსჯავრდებული შემდგომი კვლევებისათვის სამოქალაქო სექტორის კლინიკაში მოთავსდა", _ ნათქვამია ... ...
  • ბესელია: ჩემი გვარი კომიტეტზე მომხსენებლთა სიიდან ამოიღეს„დეკემბერში განვსაზღვრეთ... ამის შემდეგ 15 თებერვალს მე მივიღე დღის წესრიგი, სადაც შეცვლილი იყო ის, რაზეც შევთანხმდით დეკემბერში. მე პასუხი ელექტრონული ფორმითვე დავაბრუნე და მოვითხოვე შეთანხმებულ საკითხებზე ვყოფილიყავი ისევ მომხსენებელი, ამის შემდეგ თავიდან გადმომეგზავნა ისევ დღის წესრიგი, სადაც ჩემი მოთხოვნა გათვალისწინებული არ იყო და იგივე ვერსია იყო, რაც დღეს აქ არის დარიგებული. ვინ გადაწყვიტა ეს?! - ამ კითხვაზე მაინტერესებს პასუხი. ამ ახალი დღის წესრიგით ვარ ოთხი საკითხის მომხსენებელი, მათ შორის დაგიმატებიათ იარაღის შესახებ პროექტი. მე მაშინაც ვთქვი და ვიმეორებ, მე არ მიყვარს იარაღი, არ მომწონს ეს თემა და არც ვიცი ეს საკითხი კარგად, სხვა ტიპის იარაღს ვცნობ - უფრო პოლიტიკურს და სამართლებრივს. არ ვიცი ამ კანონპროექტს რატომ მიმაწერეს საერთოდ“, - განაცხადა ეკა ბესელიამ და სხდომიდან წამოსულ რეპლიკაზე, რომ კარგი იქნება, თუ ისწავლის ამ თემას, ბესელიამ უპასუხა: “სხვა რაღაცების სწავლა სჯობს, ეგ ვისაც სჭირდება იმან ისწავლოს“, - თქვა ბესელიამ. ასევე იურიდიულ საკითხთა კომიტეტის სხდომაზე ლევან გოგიჩაიშვილსა და ანრი ოხანაშვილს შორის შელაპარაკება მოხდა. როგორც ლევან გოგიჩაიშვილმა განაცხადა, მისი გვარი ამოღებულია ორი კანონპროექტიდან, სადაც ის გეგმის თავდაპირველი ვარიანტით პასუხისმგებელ პირთა შორის იყო. „ჩამწერეთ ისე, როგორც აქამდე ეწერა და მოიქეცით ისე, როგორც უნდა იქცეოდეს პარლამენტის წევრი“, - მიმართა გოგიჩაიშვილმა ანრი ოხანაშვილს. ოხანაშვილი კი განმარტავს, რომ კომიტეტის სამოქმედო გეგმის ფარგლებში გათვალისწინებულ კანონპროექტებზე ყველა დეპუტატი, როგორც კომიტეტის პასუხისმგებელი პირი, მათი სურვილის მიხედვით შეირჩა. შეკამათების შემდეგ ლევან გოგიჩაიშვილმა იურიდიული საკითხთა კომიტეტის სხდომა დატოვა, თუმცა მოგვიანებით უკან დაბრუნდა. საპარლამენტო უმრავლესობის წევრის ეკა ბესელიას განცხადებით,  მოსამართლეთა უვადოდ დანიშვნასთან დაკავშირებული, ცხრა დეპუტატის მიერ ინიცირებული კანონპროექტის განხილვის პროცესი ჭიანურდება.  9 დეპუტატმა „საერთო სასამართლოების შესახებ“ კანონში ცვლილებები მოამზადა, რომლის გათვალისწინებით, რაიონულ და სააპელაციო სასამართლოებში მოსამართლეთა უვადოდ გამწესება 2024 წლის 31 დეკემბრამდე უნდა შეჩერდეს. კანონპროექტს ხელს აწერენ დაპუტეტები: ეკა ბესელია, ზვიად კვაჭანტირაძე, ალექსანდრე ერქვანია, გედევან ფოფხაძე, კობა ნარჩემაშვილი, ლევან გოგიჩაიშვილი, ლევან კობერიძე, დავით ჭიჭინაძე და ოთარ ჩრდილელი. წყარო: ... ...
  • „ბიძინა ივანიშვილისკენ თითის გაშვერა ტრადიციად იქცა, ბრალდებებს მტკიცებულებები სჭირდება“_ ზაქარეიშვილი„ქართული ოცნების“ წევრებს, მხოლოდ და მხოლოდ, ხელისუფლებაში ყოფნისა და ბიძინა ივანიშვილთან კარგი ურთიერთობის დამყარების სურვილი აერთიანებთ, მათ არც საქართველოს ინტერესები, არც ქართული ეკონომიკა, არც საერთაშორისო ურთიერთობები და კონფლიქტების დაძლევაზე ზრუნვა არ ადარდეთ“, _ აღნიშნა „გურია ნიუსთან“ შერიგებისა და სამოქალაქო თანასწორობის საკითხებში ყოფილმა სახელმწიფო მინისტრმა პაატა ზაქარეიშვილმა.  ზაქარეიშვილი „თიბისი ბანკის“ ირგვლივ განვითარებულ მოვლენებსაც გამოეხმაურა. მისი თქმით „ძალიან იოლია ბიძინა ივანიშვილის მისამართით გაიშვირო თითი და ყველაფერი მას დააბრალო, რაც ტრადიციად იქცა, მაგრამ ბრალდებებს მტკიცებულებებით დადასტურება სჭირდება“. _ ბატონო პაატა, საქართველოს ეროვნულმა ბანკმა "თიბისი ბანკის“ სამეთვალყურეო საბჭოდან ბანკის დამფუძნებლის მამუკა ხაზარაძისა და მისი მოადგილის, ბადრი ჯაფარიძის გასაწვევა მოითხოვა. პარალელურად, უკანონო შემოსავლის ლეგალიზაციის ფაქტზე გამოძიება მიმდინარეობს პროკურატურაში, საქმე ბანკის მიერ 2007-2008 წლებში გახორციელებულ ტრანზაქციებს ეხება. პოლიტიკოსთა ნაწილი ფიქრობს, რომ ბრძოლა ბანკის ხელმძღვანელების მიმართ პოლიტიკურად არის მოტივირებული. თქვენ რას უკავშირებთ „თიბისი ბანკის“ ირგვლივ განვითარებულ მოვლენებს? _ მამუკა ხაზარაძის განცხადება, რომელშიც „თიბისი ბანკის“ დამფუძნებელი აღნიშნავს, რომ საქართველოში პროგრესს შიდა ძალები ებრძვიან, ნამდვილად შემაშფოთებელია. საბანკო სისტემებში ნაკლებად ვერკვევი, თუმცა ნათლად ჩანს, რომ „თიბისი ბანკთან“ დაკავშირებით მიმდინარე პროცესები, პირველ ყოვლისა, საქართველოს რეპუტაციას დიდ ზიანს აყენებს. ფაქტია, საქართველოს ეკონომიკის განვითარება დიდი საფრთხის წინაშე დგება. დღეს ძალიან იოლია ბიძინა ივანიშვილის მისამართით გაიშვირო თითი და ყველაფერი მას დააბრალო, რაც ტრადიციად იქცა, მაგრამ ბრალდებებს მტკიცებულებებით დადასტურება სჭირდება. ყოველივე ამის გათვალისწინებით, აღნიშნულ საქმეში მეტი სიცხადის შეტანაა საჭირო. _ ოპოზიციურმა სპექტრმა საარჩევნო სისტემის შეცვლის მიზნით მილიონი ხელმოწერის შეგროვება დაიწყო. როგორ ფიქრობთ, მმართველი პარტია მაჟორიტარული სისტემის გაუქმებასა და მთლიანად პროპორციულ საარჩევნო სისტემაზე გადასვლას დასთანხმდება ? _ მმართველ პარტიაში, ჯერჯერობით, სურვილი არ აქვთ, რომ მთლიანად პროპორციულ საარჩევნო სისტემაზე გადავიდნენ, თუმცა გააჩნია, გაერთიანებული ოპოზიცია როგორ მოიქცევა. თუ ოპოზიცია მოახერხებს, რომ 50 ათასი ადამიანი ქუჩაში გამოიყვანოს, მაშინ ხელისუფლებას დათმობაზე წასვლა მოუწევს, მაგრამ ჩანს, რომ საზოგადოებისთვის მაჟორიტარული სისტემის გაუქმება არ არის პრინციპული საკითხი და ნათელია, რომ აღნიშნული მოთხოვნით ხალხი ქუჩაში არ გამოვა. დიდი ალბათობით, „ქართული ოცნება“ 2020 წლის საპარლამენტო არჩევნებში შერეულ საარჩევნო სისტემას შეინარჩუნებს, რაც მათივე პარტიისთვის იქნება დამამძიმებელი გარემოება. _ “ქართული ოცნების“ ლიდერები ოდიოზური მოსამართლეების მხარდაჭერას კვლავ აგრძელებენ. მართლმსაჯულებათან დაკავშირებული პრობლემები არის საკითხი, რომელსაც საზოგადოება “ქართულ ოცნებას“  2020 წლის საპარლამენტო არჩევნებში არ აპატიებს? _ თუ „ქართული ოცნების“ მხრიდან ოდიოზური მოსამართლეების მისამართით არაჯანსაღი დამოკიდებულება გაგრძელდება, მმართველი პარტია 2020 წლის საპარლამენტო არჩევნებში კარგ შედეგს ნამდვილად ვერ მიიღებს. მმართველ პარტიას, ბუნებრივია, სურს თანამდებობებზე მოსამართლეები უვადოდ დროულად განამწესოს, რადგან 2020 წლის საპარლამენტო არჩევნებში ამ მოსამართლეების მხარდაჭერა დასჭირდებათ. „ქართულ ოცნებას“ სასამართლო სისტემაში ისეთი მოსამართლეების ყოფნა სჭირდებათ, რომლებიც ნებისმიერ გადაცდომას სამართალდარღვევად არ  გაუფორმებენ. „ქართული ოცნება“ ასეთი არაგონივრული დამოკიდებულებით, პირველ ყოვლისა, საკუთარ გუნდსა და საქართველოს მომავალს აზარალებს. _“ნაციონალური მოძრაობის“ მმართველობის პერიოდში სასამართლო სისტემა მთლიანად ხელისუფლებას ემორჩილებოდა და ფაქტი იმის შესახებ, რომ „ქართულმა ოცნებამ“  სასამართლო სისტემაში არსებულ კლანს წინა რეჟიმის მსხვერპლი მოსამართლეების მანტიები მოარგო, რაზე მეტყველებს? _“ქართულმა ოცნებამ“ „ნაციონალური მოძრაობის“ გზა აირჩია. ხელისუფლებაში დარჩენის სურვილის გამო მათ სახელმწიფოს ინტერესები აღარ ადარდებთ. მმართველ გუნდს ჰგონია, რომ ხელისუფლებაში ყოფნა ჯილდოა, არა, ბატონებო, ეს დიდი პასუხისმგებლობაა. საზოგადოება, რომელმაც კარგად იცის, რა უნდა, ყოველ მანკიერ პროცესს შესაბამის პასუხს გასცემს. _ მმართველი პარტიის წევრებს შორის ურთიერთობა უფრო და უფრო იძაბება. 2020 წლის საპარლამენტო არჩევნებში გუნდი ისეთივე “ერთიანი“ იქნება, როგორც დღეს არის? _ ამჟამად „ქართული ოცნებიდან“ გამოსავალს არავინ ფიქრობს. ახლა ყველა საკუთარი პოზიციების გამყარებას ცდილობს. დღესდღეობით, ბიძინა ივანიშვილი ცდილობს გუნდი გაამაგროს. როგორც კი დადგება სიების შედგენის საკითხი, ბუნებრივია, გარკვეული ჯგუფები პარტიიდან კარების გამოჯახუნებით წავლენ. „ქართული ოცნების“ წევრებს, მხოლოდ და მხოლოდ, ხელისუფლებაში ყოფნის სურვილი და ბიძინა ივანიშვილთან კარგი ურთიერთობის დამყარება აერთიანებთ. მათ არც საქართველოს ინტერესები, არც საქართველოს ეკონომიკა, არც სიღარიბის დაძლევა, არც საერთაშორისო ურთიერთობები  და არც კონფლიქტების დაძლევის გზებზე ზრუნვა და მუშაობა ... ...
  • ურთიერთობის პროგრამა PLUS-ის უნიკალური PLUS გამოცდილება. ის, რასაც ფულით ვერ იყიდი (R)საქართველოს ბანკის, ქვეყნის წამყვანი ბანკის, ურთიერთობის პროგრამა PLUS-მა უნიკალური პროექტი - PLUS გამოცდილება დაიწყო. საქართველოს ბანკის ლოიალურ მომხმარებელს უკვე აქვს შესაძლებლობა, გახდეს PLUS გამოცდილების მთავარი გმირი და სულ სხვადასხვა ჟანრის თავგადასავლებში აღმოჩნდეს. უნიკალური პროექტის მიზანია, მომხმარებელს აღმოაჩენინოს ახალი, ჯერარგანცდილი ემოციები და მრავალფეროვანი გამოცდილება. PLUS გამოცდილების მიღება მხოლოდ PLUS ქულებით არის შესაძლებელი. საქართველოს ბანკის ერთგული მომხმარებელი დაგროვილ PLUS-ებს მარტივად გადაცვლის PLUS გამოცდილებაში. ამისთვის მომხმარებელი მხოლოდ უნდა ეწვიოს ვებგვერდს www.plus.ge თავგადასავლების ჩამონათვალი მრავალფეროვანია - მომხმარებელს შეუძლია, ეწვიოს თბილისში ყველაზე მაღალ წერტილს - ანძას და მოიწყოს პაემანი ღრუბლებთან. ასევე, გახდეს ნამდვილი დეტექტივი, აღმოაჩინოს მიწისქვეშა საიდუმლოებები. შესაძლებელია, ეწვიოს ახალ ზოოპარკს, ერთი დღით შეითავსოს ცხოველების მომთვინიერებლის პროფესია. ასევე, მიიღოს მონაწილეობა offroud-ში, ქუჩის არაჩვეულებრივ გამოფენაში, გახდეს პროფესიონალი მრბოლელი. საქართველოს ბანკი უნიკალურ გამოცდილებებს ექსკლუზიურად თვეში ერთხელ შესთავაზებს მომხმარებელს. ურთიერთობის პროგრამა PLUS-ი სპეციალურად საქართველოს ბანკის ერთგული მომხმარებლებისთვის შეიქმნა და ბევრ საბანკო თუ არასაბანკო ბენეფიტსა და პლუსს მოიცავს. საქართველოს ბანკის სადებეტო თუ საკრედიტო ბარათის გამოყენებით მომხმარებელი აგროვებს PLUS-ებს ნებისმიერ გადახდაზე, რომელთა გადაცვლაც შესაძლებელია: PLUS კატალოგის განსაკუთრებულ საჩუქრებზე - სხვადასხვა პროდუქტსა და მომსახურებაზე; უფასო მგზავრობაზე, კომუნალური მომსახურების, მობილურის ბალანსზე, ბენზინგასამართ სადგურში საწვავზე, სუპერმარკეტსა თუ აფთიაქში, სწრაფი კვების ობიექტებში სხვადასხვა პროდუქტზე. ამ ყველაფერთან ერთად ახლა უკვე შესაძლებელია PLUS ქულების გადაცვლა უნიკალურ PLUS გამოცდილებაზე. PLUS-ში ჩასართავად მომხმარებელი უნდა ეწვიოს საქართველოს ბანკის ნებისმიერ სერვისცენტრს და სრულიად უფასოდ ჩაერთოს PLUS-ის პროგრამაში. დაგროვილი PLUS-ების შესამოწმებლად საკმარისია, მომხმარებელმა აკრიფოს SMS ტექსტი – PLUS და გაგზავნოს ნომერზე – 4444. დამატებითი ინფორმაცია ურთიერთობის პროგრამა PLUS-ისა და PLUS გამოცდილების შესახებ იხილეთ: www. plus.ge ... ...
  • გარყვნილი ქმედებ 8 წლის გოგოს მიმართ _ დაკავებულს წინასწარი პატიმრობა შეუფარდეს8 წლის გოგოს მიმართ გარყვნილი ქმედების ფაქტზე დაკავებულს ბათუმის საქალაქო სასამართლომ წინასწარი პატიმრობა შეუფარდა. ადვოკატი გასაჩივრებას აპირებს.30 წლამდე კაცი მოსამართლის განჩინების საფუძველზე დააკავეს, მას გამოძიება არასრულწლოვნის მიმართ გარყვნილ ქმედებას ედავება. საქმეში ჩართულია სოციალური სააგენტო, ფსიქოლოგი და სახალხო დამცველის აპარატი.ბრალდებული უკრაინის მოქალაქეა. იგი სამუშაოდ აჭარაში რამდენიმე წლის წინ ჩავიდა. გარყვნილი ქმედების შესახებ 8 წლის გოგოს დედამ ... ...

არქივი

ზაფრანი

ჰეგემონი ციფრები

ბედის ციფრის გამოთვლის ტექნიკა ჩვენი...

რატომ ეჩვენებათ მთვრალ მამაკაცებს ყველა ქალი ლამაზი

არსებობს ცნობილი რუსული გამოთქმა: ულამაზო...

დედამიწაზე ყველა ცოცხალი არსება გონიერი რომ გახდეს

ერთ მშვენიერ დღეს დედამიწაზე ყველა...

"ტატუ" იმუნურ სისტემას აუმჯობესებს

აქამდე ტატუს (სვირინგი) დანიშნულება, მხოლოდ...

როგორ გამოვიცნოთ პატიოსანი ადამიანი

ყველასთვის ცნობილია, რომ ბილწსიტყვაობა და...

როგორი მამაკაცი გჭირდებათ?

ქალების უმეტესობას მიაჩნია, რომ მამაკაცი,...
კარმიდამო ჩემი

როგორ უნდა იცხოვროთ ისე, რომ სიმსივნით არ დაავადდეთ

ადამიანები, რომლებიც სიმსივნით იტანჯებიან და...

ოხრახუშს უნარი აქვს განკურნოს დეპრესია, შიზოფრენია და ალცჰეიმერის დაავადება

ბიოაქტიური ნივთიერება, რომელსაც შეიცავს ოხრახუში,...

"ბარი უნდა იცნობდეს მთასა და საქმეზე შეყვარებული და-ძმას"

ოზურგეთის მუნიციპალიტეტის სოფელ მთისპირის მკვიდრი...

რა გავაკეთოთ შემოდგომის მიწურულს საკარმიდამო ნაკვეთებში

ნოემბერ-დეკემბერში აქტიური სამეურნეო სამუშაოები ძირითადად...

პესტიციდების გამოყენებისას უდიდესი სიფრხილეა საჭირო

არსებობს უნივერსალური პესტიციდები, რომლებსაც ერთდროულად...

სიმინდის მოვლა თავიდან უნდა ვისწავლოთ

სიმინდის მოვლა-მოყვანის წესებს დასავლეთ საქართველოს...

რატომ უნდა მოვაშენოთ ბატი

როგორც უხნესი ადამიანები ამბობენ, საქართველოში...

დედოფლის ყვავილს დედოფალივით მოვლა სულ არ სჭირდება

წარსულში ძალზე პოპულარული და მერე...

მოვამზადოთ ნესვის სასმელი

ნესვი გოგრისებრთა ოჯახის ერთ-ერთი ყველაზე...

თაფლის ღვინო _ "თაფლუჭა"

თაფლის ღვინო და არაყი უნიკალური...

"ზამთარშიც გაზაფხულს ვეძებ და "გატყავებულ" გარემოს ვმოსავ"

"კარმიდამო ჩემის" უამრავ რესპონდენტს შორის,...