ჩუქება იძულების წესით

საზოგადოება

ჩუქება იძულების წესით

23 იან. 2013, 21:03:38

სოფელ ტყვირში მცხოვრებმა თამაზ გვალიამ, 2006 წელს, სხვისი დახმარებით შეიძინა 720 კვ.მ, მიწის ფართობი, შემოღობა, გაასუფთავა და გეგმებიც დასახა, რას გააკეთებდა ამ მიწაზე და რამდენად სასარგებლო იქნებოდა ყოველივე ეს მისი ოჯახისთვის, მაგრამ მას ამ მიწის სახელმწიფოსთვის იძულების გზით ჩუქება მოუხდა.

თამაზ გვალია: "დიდი ხარჯი გავწიე იმისთვის, რომ ეს ტერიტორია შემომეკავებინა. მინდოდა რამე სამუშაოების დაწყება, მაგრამ დამიბარეს გამგეობაში. მაშინ გამგებელი ბადრი ჩაჩავა იყო. რომ მივედი, მითხრა, იმ მიწაზე მინდა დაგელაპარაკო, ახლახანს რომ შემოაკავე _ ეს მიწა უნდა დათმოო. უარი ვუთხარი. ასე მითხრა, არ აჩქარდე, მოიფიქრე და მერე დავილაპარაკოთ კიდეო. დამიბარა მეორეჯერ. უფრო მომთხოვნი და კატეგორიული იყო და პირდაპირ მითხრა, ამ მიწით გუბერნიაა დაინტერესებული და უნდა გადავიდეს სახელმწიფო საკუთრებაშიო. თან დაამატა, ხუთი შვილი გყავს, წინ გაიხედე, მიკიბვ-მოკიბვის გარეშე გეტყვი, ამ მიწით როლანდ ახალაიაა დაინტერესებული და არა მგონია, უარის თქმამ ცუდი შედეგი არ მოგიტანოსო. სიმართლე გითხრათ შიში დამეუფლა _ გაგონილი მქონდა, ახალაია რას უკეთებდა მის ურჩებს და არ მინდოდა ჩემი ოჯახისთვის რამე დაეშავებინათ, ამიტომ მეორე დღეს მივედი ნოტარიუსში და გავაკეთე ჩუქება. ახლა ქვეყანაში გამოჩნდა სიმართლის მარცვალი _ მინდა ჩემი კუთვნილი მიწა დავიბრუნო. ფული გადახდილი მაქვს, ხარჯი _ გაწეული. იმედი მაქვს სამართალია აღსდგება."

მიწის დაბრუნებას ითხოვენ სოფელ ძველ აბაშაში მცხოვრები გიორგი თოფურია და მისი ორი მეწილე.

გიორგი თოფურია: _ მიწის ნაკვეთი თავიდან არენდის წესით გვქონდა აღებული, თანხას ვიხდიდით, ყველა დოკუმენტი და გადახდის ქვითარი გვაქვს. შემდეგ ყველა კანონის დაცვით შევიძინეთ სამმა ადამიანმა, საჯარო რეესტრშიც გატარებულია და მიწით სარგებლობის თანხაც წინასწარ გადახდილი. მაგრამ ერთ დღესაც დაგვიბარეს გამგეობაში და მოგვთხოვეს ეს ტერიტორია სახელმწიფოსთვის გადაგვეცა, გაგვეკეთებინა ჩუქება. ცოტა ხნის მერე გაგვაფორმებინეს დროებითი სარგებლობა ამ მიწაზე და ახლაც კი ვიხდით ჩვენს ნაყიდ მიწაში იჯარას. მხოლოდ წელს არ გადაგვიხდია.

– რატომ დათმეთ ან მაშინ რატომ არ გამოთქვით პროტესტი და არ გაასაჩივრეთ?

– რა აზრი ჰქონდა? რატომ დავთმეთ და გვაიძულეს, დაგვემუქრნენ, ახალგაზრდა კაცები ხართ, სადმე გახვალთ და ჯიბეში ნარკოტიკები აღმოგაჩნდებათ, რად გინდათ ამ მიწისთვის ცხოვრება დაინგრიოთო. შიში იყო დიდი.

– ვინ გეუბნებოდათ ამას?

– მაშინდელი გამგებელი ბადრი ჩაჩავა, მიწის მართვის სამსახური, პოლიციელებიც. ახალაიასთან თუ გინდა დაბარება და იქ დალაპარაკება ამ საკითხებზე, რა პრობლემაა, ჩვენ თვითონ წაგიყვანთო.

– რას აპირებთ?

– ახლა მთავრობა შეიცვალა, რაღაც კანონიერი გადაწყვეტილებები იქნა მიღებული და ცოტა იმედი მომეცა. ზოგიერთი ის ადამიანი, რომელიც ჩვენზე ზეწოლას და შანტაჟს ახდენდა, ჯერ ისევ თანამდებობებზე არიან, მაგრამ საერთო მდგომარეობა შეცვლილია და აუცილებლად ვაპირებთ ჩივილს. ახლა გავიგეთ, კიდევ თავიდან იყიდება ეს ფართობი ეკონომიკის სამინისტროს მიერ, ამიტომ გამგებელ გუნავასთან მივიტანეთ განცხადება, რომ გამგეობამ ეკონომიკის სამინისტროს არ მიაწოდოს ცრუ ინფორმაცია და გადასცეს ცნობა, რომ ეს მიწა უკანონოდ არის წართმეული მესაკუთრეებისთვის.

ასევე არავის არაფერი უკითხავს აბაშის მკვიდრ თენგიზ ბესელიასთვის და ისე ჩაატარეს აუქციონი მისი კუთვნილი მიწის ნაკვეთის გასაყიდად. მეპატრონემ საკუთრების გაყიდვის შესახებ მოგვიანებით გაიგო და ისიც შემთხვევით.

თენგიზ ბესელია: "2001 წელს შევიძინე ყველა კანონის დაცვით რუსთაველის ქუჩაზე მდებარე 150 კვადრატული მეტრი მიწის ნაკვეთი. მიწის გადასახადს ყოველთვის ვიხდიდი. ოქტომბერში შემთხვევით გავიგე, რომ ამ ტერიტორიის უმეტესი ნაწილი გაიყიდა. ქონების გადასახადის დოკუმენტზე, რომელიც ამ პერიოდში მივიღე, მიწის ნაკვეთი გადაფარული იყო, რაც კარგად ჩანს საჯარო რეესტრის მიერ გაცემულ საკადასტრო რუკაზე. მე თვითონ ეს მიწები აუქციონის გზით მაქვს ნაყიდი და ყველა პროცედურა ვიცი. რატომ იქნა ეკონომიკის სამინისტროსთვის არასწორი ინფორმაცია მიცემული, ან ვინ მისცა, ან როდის და სად ჩატარდა ეს აუქციონი, პასუხს ვერავინ მაძლევს. რატომ გაყიდეს ჩემი საკუთრება, ამის გარკვევა მინდა და აუცილებლად ბოლომდე მივიყვან ამ საქმეს. დამნაშავე უნდა დაისაჯოს. სხვაც ბევრია ჩემ დღეში და სიმართლის გარკვევის მერე ამოიღებენ, ალბათ ხმას, ახლა მაინც აღარ არის ძველი დრო, რომ დააშინონ და დააშანტაჟონ ხალხი. ახალმა მეპატრონემ საჯარო რეესტრშიც გაატარა უკანონოდ შეძენილი მიწა და დაარეგისტრირა კიდეც. ნუთუ ვერავინ ნახა, რომ ეს მიწა უკვე საკუთრება იყო?"

ამ საკითხის გარკვევა საჯარო რეესტრში ვცადეთ და უფროსის მოადგილეს, მამუკა კვიტაშვილს გავესაუბრეთ.

მამუკა კვიტაშვილი: "ადრე ხდებოდა ხელით აზომვები, ახლა ხდება ელექტრონული ვერსიების გაკეთება თანამედროვე ტექნოლოგიებით. აიზომა ეს ნაკვეთი, მოხდა აქ ზედდება. ეს ფაქტია, მაგრამ ორივე პატრონის უფლება დაცულია ორივე შემთხვევაში. რადგან ხელით აზომილი არ იჯდა ბაზაში, ამიტომ მისი დაფიქსირება მოხდა მას შემდეგ, რაც პატრონმა ააზომვინა ელექტრონულად და მოხდა ურთიერთგადაფარვა. ათასობით მიწის ნაკვეთია, ჩვენ ზეპირად ყველას ვერ გავითვალისწინებთ, მით უმეტეს ჩვენს დაუკითხავად შემოდის პიროვნება, მოაქვს აზომვითი ნახაზი. ეს დაარეგისტრირა სახელმწიფომ, გაიტანა აუქციონზე და მოხდა გაყიდვა. ჩვენთვის ეგ არ იყო ცნობილი".

ამის შემდეგ ეკონომიკისა და ინფრასტრუქტურის განვითარების სამსახურის უფროსს გიორგი თოფურიას ვესაუბრეთ.

გიორგი თოფურია: _ ჩვენთან შემოვიდა განცხადებით ამ მიწის ნაკვეთის ყიდვით დაინტერესებული პიროვნება. შემდეგ ამ მიწის ნაკვეთზე შედგა აზომვითი ნახაზი, გაიგზავნა სამინისტროში და თანხმობის შედეგად გამოცხადდა აუქციონი. მიიღო ამ პიროვნებამ მონაწილეობა და მოიგო კიდეც.

– რამდენი ადამიანი მონაწილეობდა აუქციონში?

– მხოლოდ დაინტერესებული პირი, სხვა მყიდველი არ ყოფილა. ყველანაირი კანონიერების დაცვით შეიძინა.

– ეს მიწის ნაკვეთი რომ სხვისი საკუთრება იყო?

– ეს არსად აღარ ჩანდა უკვე. ეს უნდა სცოდნობა ეკონომიკის სამინისტროს. სამინისტროდან მოვიდა პასუხი, რომ ეს იყო ცარიელი მიწის ნაკვეთი და მუნიციპალიტეტმაც აუქციონი გამოაცხადა.

– როგორც არ უნდა იყოს, პირველი მესაკუთრის უფლებები დაირღვა და მოხდა კერძო საკუთრების გასხვისება მფლობელის თანხმობის გარეშე.

– მართალია. ამიტომ ყველანაირად ვეცდებით, მოვიკვლიოთ, რატომ ვერ ინახა, რომ ეს მიწა კერძო საკუთრება იყო და თუ კანონი მოგვცემს ამის საშუალებას, აუცილებლად აღვადგენთ ბალანსს. შევეცდებით, ურთიერთმოლაპარაკების საშუალებით მოვაგვაროთ აღნიშნული პრობლემა.




 ახალი ამბები
  • "საქმე გვაქვს „ჩასაფრებული ადამიანის“ კლასიკურ შემთხვევასთან" _ ცერცვაძე ჟამურაშვილს პასუხობსინფექციური პათოლოგიის, შიდსისა და კლინიკური იმუნოლოგიის ცენტრის გენერალურმა დირექტორმა, პროფესორმა თენგიზ ცერცვაძემ გერმანიაში მომუშავე ქართველი ექიმის, თამარ ჟამურაშვილის საპასუხოდ წერილი გამოაქვეყნა. წერილში ცერცვაძე ჟამურაშვილს აკრიტიკებს საქართველოს ჰოსპიტალურ სექტორთან დაკავშირებით გამოთქმული უარყოფითი შეფასების გამო და აცხადებს, რომ მისი პოზიცია “ჩასაფრებული” ადამიანის პოზიციაა. 22 მაისს რადიო თავისუფლებამ გამოაქვეყნა ინტერვიუ გერმანიაში მომუშავე ქართველ ექიმთან ქ-ნ თამარ ჟამურაშვილთან. ინტერვიუს წამძღვარებული აქვს წინასიტყვაობა, რომ „თამარი გერმანიის გარდა საქართველოზეც ფიქრობს და ამბობს, რომ დრო, როცა მთელი ქვეყნის მოსახლეობა რეკომენდაციებს ასრულებდა და სახლში რჩებოდა, საქართველოს სამედიცინო სექტორის გასაძლიერებლად არ ყოფილა გამოყენებული და თუ შემოდგომისთვის მაინც არ დავიჭერთ თადარიგს, მეორე ჯერზეც გამართლების იმედად მოგვიწევს ყოფნა“ . რატომღაც, სამწუხაროდ, შეიმჩნევა ერთი ტენდენცია. უცხოეთში სამუშაოდ წასული ქართველი ექიმების ნაწილი, საბედნიეროდ მხოლოდ ერთი ნაწილი, ცდილობს დააკნინოს და ნეგატიურ ჭრილში წარმოაჩინოს ქართული მედიცინა და მისი მიღწევები. არადა, ეს ყოველთვის სამართლიანი არ არის. მართალია, ევროპისა და ჩრდილოეთ ამერიკის ქვეყნების უმრავლესობა საქართველოზე ეკონომიკურად ბევრად უფრო ძლიერია და ბევრად უფრო ძლიერი და გამართული ჯანდაცვის სისტემაც აქვთ, მაგრამ ეს სულაც არ ნიშნავს, რომ ქართულ მედიცინაში არაფერი ღირებული არ არის, მაღალი დონის სპეციალისტები არა გვყავს და ა.შ. არაიშვიათად უცხოეთში სამუშაოდ წასული ექიმები, სულაც არ გამოირჩევიან მაღალი დონით და თავიანთი ცოდნით და პროფესიონალიზმით არაფრით სჯობიან ქართველ კოლეგებს. ვფიქრობთ, ქ-ნი თამარი, ბ-ნი იაგო ფრანგიშვილის და სხვა მსგავსი ექსპონატებისაგან განსხვავებით, ნამდვილად კარგი პროფესიონალია. იგი კარგად აღწერს გერმანიის ჯანდაცვის სისტემის COVID-19-თან საპასუხო ღონისძიებების მაღალ დონეს და ეფექტიანობას და ასევე ობიექტურად აფასებს და კარგ შეფასებას აძლევს საქართველოს ეპიდსაწინააღმდეგო სამსახურის მუშაობას, მაგრამ ჩვენთვის უცნობი მიზეზების გამო უკიდურესად ნეგატიურად და თან ყოველგვარი არგუმენტების გარეშე აფასებს საქართველოს ჰოსპიტალურ სექტორს და უაპელაციოდ ამბობს, „გაგვიმართლა, ძალიან გაგვიმართლა, რომ ასეთი ცოტა რაოდენობის კრიტიკული შემთხვევები გვქონდა“, თორემ შავ დღეში აღმოვჩნდებოდითო. ქ-ნი თამარი ხაზს უსვამს აგრეთვე საქართველოში მედპერსონალის ინფიცირების დიდ რაოდენობას, რასაც ასევე ჰოსპიტალური სექტორის მომზადების დაბალი დონით ხსნის. მე მინდა შევახსენო ქ-ნ თამარს ზოგიერთი ციფრები: გერმანიას, რომელიც მართლაც ერთ-ერთ ყველაზე წარმატებულად ითვლება ევროპაში COVID-19-თან ბრძოლის საქმეში, სადღეისოდ ჰყავს 183 294 COVID-19-ით ავადმყოფი და 8 600 გარდაცვლილი, რაც დადასტურებული შემთხვევების 4,69%-ს შეადგენს. საქართველოს ჰყავს 783 ავადმყოფი და მხოლოდ 12 (თორმეტი) გარდაცვლილი, რაც დადასტურებული შემთხვევების 1,53%-ს შეადგენს. თუ ამ ციფრებს გადავიანგარიშებთ ერთ მილიონ მოსახლეზე, მივიღებთ, რომ გერმანიას ჰყავს 2 208 COVID-19-ით ავადმყოფი და - 104 გარდაცვლილი, ხოლო საქართველოს ჰყავს 196 ჩOVID-19-ით ავადმყოფი (11-ჯერ ნაკლები, ვიდრე გერმანიას) და მხოლოდ 3 გარდაცვლილი (34-ჯერ ნაკლები, ვიდრე გერმანიას). სხვანაირად რომ ვთქვათ, საქართველოზე შეუდარებლად უფრო ძლიერ გერმანიას რეალურად ერთ მილიონ მოსახლეზე საქართველოზე 11-ჯერ მეტი COVID-19-ით ავადმყოფი და 34-ჯერ მეტი გარდაცვლილი ჰყავს. აღარაფერს ვამბობ ევროპის იმ ქვეყნებზე (ინგლისი, საფრანგეთი, იტალია და სხვ.), სადაც გარდაცვლილთა რიცხვი 10-დან 19%-მდეა. რაც შეეხება ინფიცირებულ მედპერსონალს, საქართველოს მართლაც ჰყავს 96 COVID-19-ით ინფიცირებული სამედიცინო მუშაკი (ერთ მილიონ მოსახლეზე 24). მაშინ, როცა გერმანიას 10 000-ზე მეტი ინფიცირებული სამედიცინო მუშაკი ჰყავს (ერთ მილიონ მოსახლეზე 120-ზე მეტი). ანუ, საქართველოზე სულ ცოტა 5-ჯერ მეტი. ეს მაშინ, როდესაც გერმანიის მატერიალურ-ტექნიკური ბაზა შეუდარებლად უფრო ძლიერია. აი, ამას ჰქვია, რომ „კაცი საკუთარ თვალში დირეს ვერ ხედავს და სხვის თვალში კი ბეწვსაც ამჩნევსო“. გერმანიასთან შედარებას რომ თავი დავანებოთ, ჯანმო-ს მონაცემებით მსოფლიოში მედპერსონალზე მოდის COVID-19-ის ყველა დადასტურებული შემთხვევის, დაახლოებით 20%. მაშინ, როდესაც საქართველოში ინფიცირებული სამედიცინო მუშაკები დადასტურებული შემთხვევების მხოლოდ 12,6%-ს შეადგენს. აი ასეთია ობიექტური რეალობა და თუ ქ-ნ თამარს მართლა სჯერა, რომ ეს ყველაფერი მხოლოდ გამართლების და თან ძალიან გამართლების შედეგია, მისი ნებაა, „ნეტარ არიან მორწმუნენი“. რაც შეხება ავადმყოფების სიმძიმეს - საქართველოში 783 დადასტურებული შემთხვევიდან 101 ავადმყოფი იყო მძიმე, ხოლო 39 ავადმყოფი - კრიტიკულად მძიმე და მათგან მხოლოდ 12 გარდაიცვალა. ამასთან, მათ რიცხვში შედის ის ავადმყოფებიც, რომლებსაც COVID-19 ჰქონდათ, მაგრამ რეალურად სხვა თანმხლები დაავადებისგან (მაგ. ინსულტისგან) გარდაიცვალნენ, ხოლო 2 ავადმყოფი გარდაცვალებისას სულაც უკვე ვირუსნეგატიურები იყვნენ და მაინც COVID-19-ისგან გარდაცვალებულად ჩაითვალნენ. ანუ, საქართველო ზეპატიოსნად ითვლის COVID-19-ისგან გარდაცვალებულ პირებს, მაშინ როდესაც ყველა ქვეყანა ასე სულაც არ იქცევა. საინტერესოა, საიდან იცის ქ-ნმა თამარმა, რომ საქართველოს ჰოსპიტალური სექტორი, მისი სტაფი სრულიად მოუმზადებელი და გაუმართავი შეხვდა COVID-19-ის პანდემიას?! რასაც იგი არაერთგზის შესაშური დაჟინებით იმეორებს. მაშინ, როცა შედეგები საპირისპიროს მეტყველებს. სინამდვილეში საქართველოში სწორედ ჰოსპიტალური სექტორი მუშაობდა საათივით გამართულად. პაციენტების კვლევის და ნაკადების მოძრაობის ალგორითმები და პროტოკოლები იყო ოპტიმალური: სასწრაფო_სპეციალურად მომზადებული ოჯახის ექიმი_ე.წ. ცხელების ცენტრი _ COVID ცენტრი. არცერთი პაციენტი 1 საათიც კი არ მდგარა რიგში და არ დარჩენილა მაღალკვალიფიციური მომსახურების გარეშე. COVID-ის დიაგნოზი ისმებოდა მაქსიმუმ 12 საათში, ხოლო COVID ცენტრებში პაციენტებს მკურნალობენ უმაღლესი საერთაშორისო სტანდარტებით. ეს ეხება როგორც სიმპტომურ და დამხმარე მკურნალობას, ისე პათოგენეზურ მკურნალობას და ინოვაციურ მიდგომებს - პლაქვენილი, ლოპინავირ/რიტონავირი, ტოცილიზუმაბი, კონვალესცენტების პლაზმის გადასხმა, პლაზმაფერეზი, ექსტრაკორპორალური „სისხლის გაწმენდა“ სხვადასხვა სორბენტების გამოყენებით და სხვ. სხვათაშორის პლაქვენილზე საქართველოში არცერთი სერიოზული გვერდითი მოვლენა არ დაფიქსირებულა. ამასთან, მსოფლიოს ბევრი წამყვანი ქვეყნისგან განსხვავებით, საქართველოში დროულად მოხდა L და H ტიპების გამიჯვნა და არასაჭირო ინტუბაციების თავიდან აცილება, რაც სავარაუდოდ პოზიტიურად აისახა გარდაცვლილთა რაოდენობაზე. სხვათაშორის, როდესაც ჩვენ საქართველოში COVID-19-თან წარმატებული ბრძოლის შედეგებს ვდებთ, გაღიზიანებული ოპონენტები ხშირად გვეკითხებიან - „ესე იგი, თქვენ გინდათ თქვათ, რომ დასავლეთის განვითარებულ ქვეყნებზე უფრო ძლიერი ჯანდაცვის სისტემა აქვთ“. არამცდა არამც, სამწუხაროდ, ეს ასე არ არის. ჩვენი ჯანდაცვის სისტემა მთლიანობაში გაცილებით უფრო სუსტია, მაგრამ ეს არ გამორიცხავს, რომ ცალკეულ სეგმენტებში ჩვენ შეიძლება უფრო წარმატებულები ვიყოთ და ამის შესანიშნავი მაგალითია ის, რომ აშშ დაავადებათა კონტროლის ცენტრმა და კომპანია GILEAD-მა მსოფლიოს 200-ზე მეტი ქვეყნიდან C ჰეპატიტის ელიმინაციისათვის პირველ სამოდელი ქვეყანად სწორედ საქართველო აირჩიეს და არც შემცდარან, ან თუნდაც ის, რომ საქართველოში აივ/შიდსით სიკვდილობის მაჩვენებელი 2.5 ჯერ ნაკლებია, ვიდრე საშუალოდ მსოფლიოში და 2-ჯერ ნაკლები, ვიდრე აშშ-ში. ასეთი მაგალითების მოყვანა კიდევ შეიძლება. ქ-ნი თამარი იმასაც ამბობს, რომ საქართველოში COVID-19-ის გავრცელება გვიან დაიწყო, თორემ იანვარში რომ დაწყებულიყო, სავალალო შედეგები გვექნებოდაო. მოკლედ, აღარ იცის რა თქვას. ამის საპასუხოდ ერთ მაგალითს მოვიყვან. საქართველოში COVID-19-ის პირველი შემთხვევა ა.წ. 26 თებერვალს დაფიქსირდა და სადღეისოდ 783 ავადმყოფი და 12 გარდაცვლილი (1.53%) გვყავს. ხოლო ევროპის ერთ-ერთ სამაგალითო ქვეყანაში - ნიდერლანდებში COVID-19-ის პირველი შემთხვევა ა.წ. 27 თებერვალს დაფიქსირდა, მაგრამ მათ სადღეისოდ 46 422 ავადმყოფი და 5 956 გარდაცვლილი (12,83%) ჰყავთ. ასეთი მაგალითები სხვაც ბევრია. ასე, რომ ჩვენ მიღწეული შედეგებით, რა თქმა უნდა, ზედმეტად არ უნდა გავთამამდეთ და თვითკმაყოფილებას არ უნდა მივეცეთ, მაგრამ არც ის იქნება სწორი, რომ მუდმივად არასრულფასოვნების კომპლექსით ვიყოთ შეპყრობილი და მიგვაჩნდეს, რომ უცხოეთის ქვეყნებთან შედარებით ჩვენთან ყველაფერი უფრო ცუდად კეთდება. ზედმეტად მიმაჩნია იმის გამეორება, რომ ყველა საერთაშორისო ინსტიტუციები და ავტორიტეტული ლიდერები გაეროთი და ჯანმო-თი დაწყებული და აშშ-ს პრეზიდენტით და Washington POST-ით დამთავრებული, საქართველოს COVID-19-თან ბრძოლაში ერთ-ერთ ყველაზე წარმატებულ ქვეყნად მიიჩნევენ. ქ-ნი თამარი არ ტოვებს ისეთი პიროვნების შთაბეჭდილებას, რომელიც კარგს და ცუდს ერთმანეთისგან ვერ არჩევს. მაშინ რატომ დასჭირდა მას საქართველოს ჰოსპიტალური სექტორის უკიდურესად ნეგატიურად და ტენდენციურად წარმოჩენა? ვფიქრობთ, მიზეზები ყველასთვის გასაგებია. საქმე გვაქვს „ჩასაფრებული ადამიანის“ კლასიკურ შემთხვევასთან. სხვათაშორის, ნიშანდობლივია, რომ ქ-ნი თამარი ძალიან გაახალისა (მისივე სიტყვებით) იმ დაუდასტურებულმა შეტყობინებამ, რომ მარნეულში სამარშრუტო ტაქსის მძღოლმა მგზავრებს პირბადეები ათხოვა და ჩასვლისას უკან დააბრუნებინა. ამის გაკეთება ცხადია, არ შეიძლება, მაგრამ სამწუხარო ის არის, რომ ქ-ნი თამარი საქართველოში მხოლოდ ნეგატიური ფაქტების წარმოჩენითაა დაკავებული და ძალიან „უტყდება“. და ბოლოს, ქ-ნო თამარ! გერმანია დიდი ქვეყანაა და COVID-19-ს ისევე, როგორც ნებისმიერ სხვა გამოწვევას იგი უთქვენოდაც გაუმკლავდება. დასაფასებელი ის არის, როცა ამას საქართველოსნაირი ეკონომიკურად შეზღუდული შესაძლებლობების ქვეყანა აკეთებს და თან ძალიან დიდი ... ...
  • რატომ არ მიეწოდება საგურამოს მოსახლეობას ელექტრო ენერგია და გაზისაგურამოს მოსახლეობას ამ დროისთვის არც გაზი და არც ელექტროენერგია არ მიეწოდება. ამის შესახებ ადგილობრივმა მოსახლეობამ „გურია ნიუსს“ აცნობა. როგორც ჩვენთვის ცნობილია, გაზის შეწყვეტა მოსახლეობისთვის გაზსადენის მილზე მომხდარმა დაზიანებამ გამოიწვია. საგურამოს ადმინისტრაციული ერთეულის წარმომადგენლის, ბადრი უნდილაშვილის თქმით, ელექტროენერგიის გათიშვას კავშირი ბუნებრივი აირის მილის დაზიანებასთან არ აქვს. „დაზიანდა გაზის მილი სადღაც და გამშვები აყენია საგურამოში, რის გამოც შეწყდა გაზი, რომ გააკეთონ. ელექტროენერგიის გათიშვა კი  ავარიულად მოხდა და მალე ჩაირთვება“,_ გვითხრა უნდილაშვილმა. როგორც "ენერგო პრო ჯორჯიას" მიერ აბონენტებისთვის გაგზავნილ შეტყობინებაშია ნათქვამი, ელექტრო ენერგიის შეწყვეტა ქსელში ავარიულმა დაზიანებამ გამოიწვია. მიმდინარეობს აღდგენითი სამუშაოები. აღდგენის სავარაუდო დროდ კი 22:00 საათი ... ...
  • ავტოავარია ოზურგეთში _ გარდაცვლილია 60 წლამდე ასაკის ქალბატონი, მძღოლი კი მიიმალაახლახან ოზურგეთში, პეტრიწისქუჩაზე, ტრაგიკულად დასრულდა ავტოავარია. ავტომანქანის მძღოლი, რომელიც ქუჩის კუთხეში მდგარ ქალბატონს დაეჯახა ადგილიდან მიიმალა. ქალატონი კი გარდაიცვალა. ადგილზე მობილიზებულია პოლიცია. შსს-ს ინფორმაციით, საქმე აღძრულია და გამოძიება მიმდინარეობს სისხლის სამართლის კოდექსის 267-ე ... ...
  • „აივანზე ჩამომხრჩვალი იპოვეს“ – 16 წლის მოზარდმა სიცოცხლე თვითმკვლელობით დაასრულასაზარელი ტრაგედია მოხდა გორში - სოფელ ახალშენში 16 წლის მოზარდმა სიცოცხლე თვითმკვლელობით დაასრულა. როგორც „გურია ნიუსს“ მერის წარმომადგენელმა აღნიშნულ თემში, დავით ცერცვაძემ განუცხადა, გოგონა  გარდაცვლილი დღეს დილით, საკუთარ სახლში აივანზე იპოვეს. რა გახდა სუიციდის მიზეზი ... ...
  • წვიმა, სეტყვა, ძლიერი ქარი, ზღვაზე ღელვა- გაფრთხილება ამინდის შესახებგარემოს ეროვნული სააგენტოს ინფორმაციით, 2 ივნისს, დღის ბოლოდან 4 ივნისის დილამდე და 4 ივნისის საღამოდან 6 ივნისის დილამდე საქართველოში მოსალოდნელია დროგამოშვებით წვიმა ელჭექით, ზოგან ძლიერი, შესაძლებელია სეტყვა, იქროლებს დასავლეთის მიმართულების ძლიერი ქარი, ზღვაზე შესაძლებელია 2-3 ბალიანი ღელვა. მოსალოდნელმა ძლიერმა ნალექებმა შესაძლებელია საქართველოს მდინარეებზე წყლის დონეების მნიშვნელოვანი მატება და პატარა მდინარეებზე წყალმოვარდნები გამოიწვიოს.ქვეყნის მთიან ზონებში შესაძლოა მეწყრულ-ღვარცოფული პროცესების ჩასახვა-გააქტიურება ... ...

არქივი

ტესტები

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ ყველაზე, ყველაზე...

იცი თუ არა გეოგრაფია

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

ხვალ რომ საპარლამენტო არჩევნები იყოს, რომელ პარტიას მისცემდით ხმას?