"ვითხოვთ სიცოცხლის უფლებას"! _ კარვები "თიბისი ბანკის" შენობის წინ


საზოგადოება

"ვითხოვთ სიცოცხლის უფლებას"! _ კარვები "თიბისი ბანკის" შენობის წინ

26 იან. 2013, 10:29:40

2012 წლის ოქტომბერში,  წითელი არმიის სახელობის ამიერკავკასიის სამხედრო ოლქის ყოფილ შენობაში, თავშესაფრის მაძიებელი 72  ოჯახი საცხოვრებლად შევიდა. აქედან 29 დევნილი, დანარჩენი კი სოციალურად დაუცველი ადამიანია.

"გურია ნიუსს" იქ მაცხოვრებლებმა განუცხადეს, რომ შენობის მეპატრონე "თიბისი ბანკია", რომლის თანამშრომლებიც 3 დღის წინ მათთან მივიდნენ და გააფრთხილეს, 4 დღეში შენობა უნდა დატოვოთ, რემოტს ვიწყებთო.  შენობას არ გააჩნია, ფანჯარა, სველი წერტილი და იქ ანტისანიტარია სუფევს.  ყოფილი სამხედრო ოლქის შენობაში მცხოვრები ქალბატონი, რომელსაც 6 წლის  ავადმყოფი გოგონა ჰყავს, ამბობს, რომ წასასვლელი არსად აქვს:

"ერთ ოთახში ვცხოვრობთ, მე, ჩემი და, დისშვილი და ჩემი ნათლული. შეშა არ გვაქვს,  ძველ "ტუფლებს" ვწვავთ და ისე ვთბები, მინდა გადავრჩე. საჭმლის გაკეთებაზე ზედმეტია საუბარი. არ შეიძლება ასე ცხოვრობდეს 6 წლის ბავშვი, რომელიც კობახიძის სახელობის სკოლამ ნიჭიერად აღიარა. რომ წავიდე, სად წავიდე?! ვის მივაკითხო, არ ვიცი. დენი  და წყალი ჩვენ არ გვაქვს. სანთელია ჩვენი შუქი.

"თიბისი ბანკის" წარმომადგენელმა გვითხრა: ახალი წელი ხომ გაცალეთ, ახლა გადითo,"  -აცხადებს გიორგი მარჯანიძე, რომელმაც დედის ოპერაციის გამო ქარელში საცხოვრებელი სახლი გაყიდა, სოციალურად დაუცველია და 10 წელია თავშესაფარს ეძებს.

ლტოლვლთა და განსახლების სამინიტროს წამომადგენელმა, მურად  აბლოთიამ "გურია ნიუსთან" განაცხადა: "ეს შენობა "თიბისი ბანკის" საკუთრებაა. დარწმუნებული ვარ, ბანკი კანონის ფარგლებში მოქმედებს.

ყველა ამ ადამიანის მოთხოვნა შესწავლილია. ვისაც ეკუთვნოდა, ყველა აცხადებს, რომ მთავრობის 200 ლარიანი ქირის პროგრამაში ზიან. შესაბამისად, თანხები უნდა აიღონ და ფართი დაიქირაონ. ამ წუთისთვის, სამინისტრო  ობიექტების რეაბილიტაციას და საცხოვრებელ ბინებად გადაკეთებას ახდენს. ამ ადამიანების განცხადებების განხილვა ინდივიდულურად მოხდება.  შეფასდება კრიტერიუმების მიხედვით. ვისაც ეკუთვნის, საცხოვრებელ ფართს ყველა მიიღებს, იქ სადაც მათ ეკუთვნით, რამდენიც ეკუთვნით სულადობის მიხედვით.

აქ მყოფ ადამიანებს შევთავაზეთ ქირა, მაგრამ ნაწილმა უარი განაცხადა. აქ დგანან ისეთი ადამიანები, რომლებმაც ქირა აიღეს. ქირასთან დაკავშირებით, სოციალურად დაუცველ ადგილობრივებზე ყველაფერი ანალოგიურად ხორციელდება. მაგრამ, ადგილობრივი სოციალურად დაუცველების ბინის უზრუნველყოფა ჩვენი კომპეტენცია არ არის.  ამ შემთხვევაში ჩვენ ვსაუბრობთ დევნილებზე. ადგილობრივ სოციალურად დაუცველებს ადგილობრივმა მუნიციპალიტეტებმა უნდა მიხედოს.

სამინისტროს პოზიცია არის ასეთი: ამ ხალხს, ვისაც ქირა შესთავაზეს და უარი თქვეს, უნდა აიღონ.  თუ ვინმეს არ შეხვდა, შევისწავლით, თუ რამე შეცდომა იყო, ვნახავთ და გამოსწორდება. თუ ქირა არ აიღეს, გამოდის, ამ ადამინებს აქვთ საცხოვრებელი, ან ისეთი შემოსავალი, რომ  თვითონ შეუძლიათ იქირაონ ფართი. ჩვენს მიერ,  ძალიან ბევრს ჰქონდა ბინები კომპენსირებული. მაგრამ, მაინც შეიჭრნენ. ბევრი ცდილობს გაჭირვებული ადამიანის ხარჯზე   ხელის მოთბობას.

"გური ნიუსი"  ამ საკითხთან დაკავშირებით, შენობის მეპატრონეს, "თიბისი ბანკის" საგარეო ურთიერთობების და მედია კომუნიკაციის  დირექტორს, თამუნა კირვალიძეს ესაუბრა.

_ ქალბატონო თამუნა, წითელი არმიის სახელობის ამიერკავკასიის სამხედრო ოლქის ყოფილი შენობაში 72 თავშესაფარის მაძიებელი ცხოვრობს, რომელებსაც კარავი აქვთ გაშლილი და საპროტესტო აქციას მართავენ. ისინი  "გურია ნიუსთან" ამბობენ, რომ "თიბისი ბანკის" წარმომადგენლებმა შენობის დასაცლელად 4 დღიანი ვადა მისცეს.

_ არავითარი ვადა არ მიუციათ. რამდენი ხანია მანდ არიან, კაციშვილს არ შეუწუხებია. პირიქით, როდესაც შენობაში შევიდნენ, მე მისული ვიყავი და ვუთხარი: ჩვენ ყველას გავაგებინებთ, ლტოლვილთა და განსახლების სამინისტროს, პრესას, ტელევიზიას  ყურადღება მოგაქციონ. მანამდე იყავით, როგორც თქვენ ჩათვლით საჭიროდ-თქო. ახლა რომ აცივდა, ეტყობა კარავი დადგეს. ჩვენი წარმომადგენელი მივიდა  და უთხრა: უსაფრთხოების დაცვის მიზნით, ჩვენ ვალდებული ვართ გაცნობოთ აქ ბავშვები დარბიან, გაქვთ პირადი  ნივთები, ძალიან მალე, იმ კვირაში ვიწყებთ სარემონტო სამუშაოებსო... შენობა რომ ვიყიდეთ 12 000 000 გადავიხადეთ. კერძო საკუთრებაა და ვიწყებთ რემონტს. ტყუილად ხომ არ ვიყიდეთ?! მათ უთხრეს, რომ რემონტს ვიწყებთ, რომელიც თქვენ გარკვეულ დისკომფორტს შეგიქმნით. უსაფრთხოების მხრივადაც რისკია. თუ შეიძლება, გაითვალისწინეთო. პირდაპირ მუშებს ხომ არ მივაყენებდით ერთ მშვენიერ დღეს?! კარვის გაშლა რას ნიშნავს, გამაგრებას აპირებდნენ გრძელვადიანად? ეს იყო და ეს, მეტი არაფერი. ახლა პიკეტის მოწყობასაც გეგმავენ. მაგრამ, რა ვქნათ, ერთი სამინისტრო, მეორე სამინისტრო, პრესა, ტელევიზია,  საქმის კურსში გვყავს ჩაყენებული. მათ სახელმწიფო თუ არ მიხედავს, ჩვენ სახლს ხომ არ ვუყიდით, რა გავაკეთოთ?!

_ კანონმდებლობით დევნილი, ან სოციალურად დაუცველი თუ არ იქნება ალტერნატიული თავშესაფარით უზრუნველყოფილი მათი გამოსახლება აკრძალულია .

_ როცა შენობაში რემონტი დაიწყება, ქუჩაში იქნებიან?! ისხდნენ თუ ისხდებიან. გამოსახლება არავის უთქვამს, უბრალოდ ვიწყებთ რემონტს. რა ვქნათ ახლა 12 000 000 შენობა არ გავარემონტოთ, სანამ სახელმწიფო მათ სახლს არ აუშენებს?!

_ 72  ოჯახის ბედზეა საუბარი.

_ გასაგებია! იმედი გვაქვს, რომ სახელმწიფო ამაზე იზრუნებს. კიდევ ერთხელ დავუკავშირდით ვისთანაც გვაქვს კონტაქტი. ვთხოვეთ, რომ ამ ადამიანებისთვის მეტი ყურადღება მიექციათ.  მათ არავინ ასახლებს. რეალურად, არც შესახლებულან. ისინი დღისით მოდიან, ღამით კი სამი კაცი რჩება და გარეთ უნთიათ კოცონი. იქ, შიგნით არავინ ცხოვრობს. პირობები არ არსებობს. ეს არის ბეტონი, რომელსაც არც ფანჯარა აქვს და არც იატაკი. იქ ცხოვრება შეუძლბელია.

_ "გურია ნიუსმა" შენობა დაათვალიერა. იქ ქალბატონი 6 წლის ავადმყოფ შვილთან ერთად ცხოვრობს. ასევე არის რამდენიმე ოჯახი, რომლებსაც  დენი არ აქვთ.  შეშის ფეჩში ძველ ფეხსაცმელებს წვავენ და ასე თბებიან.

_ თუ კომფორტულად არიან, ალბათ შეუძლიათ იყონ. არ ვიცი, მეტი რა უნდა გითხრათ. ძალინ ვწუხვართ, თანავუგრძნობთ. პირველი დღიდან მივედით და ვუთხარით, არავინ ხელს არ გახლებთ, მაქსიმალურად გავაგებინებთ ყველას, ვისაც ეს ეხება. ბანკი სახლს ვერ იყიდის, მაგრამ ერთადერთი, შეგვიძლია, შესაბამის უწყებებს მუდმივად შევახსენოთ თავისი ვალდებულება. მეტი რა ვქნათ?!

_ თქვენი წინადადება თუ არ მიიღეს, მაინც დაიწყებთ სარემონტო სამუშაოებს?

_ სარემონტო სამუშაოებს მაინც დავიწყებთ.  შენობა ძალიან დიდია 40 000 კვადრატული მეტრია. პირდაპირ იქ არ ვეცემით, სადაც ის ოჯახები ცხოვრობს,  ალბათ სხვა მხარეს დავიწყებთ.

_ "თიბისი ბანკმა" როდის შეიძინა შენობა?

_ ამისი დოკუმენტები არსებობს, ერთი წლის წინ.   თვე და რიცხვი ზუსტად არ მახსოვს. თუ  სიტუაცია გამწვავდება, ჩვენ განცხადებას გავაკეთებთ. მოსახლეობას  ყველა ინფორმაციას  მივაწვდით. ჩვენ ნამდვილად არ გვინდა მათი დისკომფორტი.




 ახალი ამბები
  • უნდა დავშალოთ თუ არა ნაძვის ხე ნათლისღებამდეგადმოცემის მიხედვით, საახალწლო  ნაძვის ხე ნათლისღებამდე უნდა დაიშალოს. უნდა დავშალოთ თუ არა ნაძვის ხე ნათლისღებამდე- ამ კითხვით ჩოხატაურის წმინდა იოაკიმესა და ანას სახელობის საკათედრო ტაძრის წინამძღვარს, დეკანოზ თომა სიხარულიძეს მივმართეთ. „საეკლესიო წესდებაში არ წერია რომ ნაძვის ხე ნათლისღებამდე უნდა დაიშალოს. ტრადიციაა ალბათ ასეთი. მე, მაგალითად, იანვრის ბოლომდე მაქვს ნაძვის ხე და არ ვშლი. სავალდებულო არ არის ნაძვის ხის დაშლა, თუ ვინმეს სურვილი აქვს, შეუძლია დაშალოს“,_ გვიპასუხა ... ...
  • ჩოხატაურში საახალწლო დეკორაციების დაშლა მიმდინარეობსჩოხატაურში საახალწლო დეკორაციების დაშლა მიმდინარეობს. ამ წუთებში კულტურის ცენტრთან განთავსებულ ნაძვის ხეს შლიან. ცნობისთვის, ჩოხატაურში მთავარი ნაძვის ხე 21 დეკემბერს ... ...
  • "19 იანვარს დიდი ღონისძიებები არ იგეგმება" _ დეკანოზი ბასილი გოგოტიშვილიშემოქმედის ეპარქიის პრესსამსახურის უფროსი დეკანოზი ბასილი გოგოტიშვილი “გურია ნიუსთან“ საუბრის დროს ამბობს, რომ 19 იანვარს არ იგეგმება მათი მხრიდან დიდი ღონისძიებები. “პანდემიის გამო მდინარეში არ მოხდება საყოველთაო ნათლობა. ხვალ გაიმართება ყველა მოქმედ ეკლესია-ტაძარში წირვა, რის ბოლოს იქნება წყლის კურთხევა", _ გვითხრა მამა ბასილმა. მამა ბასილის თქმით, თუ ვინმე გავა მდინარეში, ეს იქნება საკუთარი ინიციატივით. "გურია ნიუსის" კითხვაზე, იგეგმება თუ არა ოზურგეთის ტაძრებში ტრადიციული ნათლობა, მამა ბასილი გვპასუხობს, რომ ნათლობას მასშტაბური ხასათი არ ექნება. “ვისაც ექნება სურვილი, ნათლობა გაიმართება, მაგრამ ეს მასშტაბურის სახით არ მოხდება", _ აღნიშნა მამა ბასილმა. შეგახსენებთ, რომ ნათლისღების დღესასწაულზე განსაკუთრებით დიდი შეკრება ქალაქ ოზურგეთში, მდინარე ბჟუჟზე იმართებოდა, სადაც საყოველთაო ნათლობა ... ...
  • გიორგი ვოლსკი: ეს არ არის ბოიკოტი, ეს არის საბოტაჟი ახლა მეტი აქცენტი კეთდება ერთსულოვნებაზე, ბოიკოტზე და რეალობაში ვხედავთ, რომ აქ ერთსულოვნებაზე ლაპარაკი საერთოდ არ არის და მეორე, ეს არ არის ბოიკოტი, ეს არის საბოტაჟი და დაპირისპირება ქვეყნის სტაბილურობასთან, - ამის შესახებ პარლამენტის პირველმა ვიცე-სპიკერმა, გიორგი ვოლსკიმ განაცხადა. მისი თქმით, დარწმუნებულია, რომ ოპოზიციაში გამოჩნდებიან სუბიექტები, რომლებსაც მიაჩნიათ, რომ უპირველეს ყოვლისა ქვეყნის ინტერესებია გასათვალისწინებელი. „დარწმუნებული ვარ, ამ პოლიტიკურ ასპარეზზე, ოპოზიციური სპექტრიდან უნდა გამოჩნდნენ პოლიტიკური სუბიექტები, რომლებსაც მიაჩნიათ, რომ ქვეყნის ინტერესები არის უპირველეს ყოვლისა გასათვალისწინებელი და არ დარჩებიან სააკაშვილის რევოლუციური სცენარის მძევლებად“, - განაცხადა გიორგი ... ...
  • ამირან გამყრელიძე: ეპიდსიტუაცია სტაბილიზაციისკენ მიდისეპიდსიტუაცია სტაბილიზაციისკენ მიდის. ბოლო ერთი თვის განმავლობაში ჩვენ ყოველდღიურად გვაქვს ახალი შემთხვევებისა და ინფექციის ცირკულაციის გავრცელების კლების ტენდენცია, - ამის შესახებ დაავადებათა კონტროლისა და საზოგადოებრივი ჯანდაცვის ცენტრის ხელმძღვანელმა, ამირან გამყრელიძემ საკოორდინაციო საბჭოს სხდომის შემდეგ გამართულ ბრიფინგზე განაცხადა. მისი თქმით, ჰელსმეტრიკის ინსტიტუტმა კარგად შეაფასა შეზღუდვების ის კომპლექსი, რაც დღეს ქვეყანაში მუშაობს. „ეპიდსიტუაცია მიდის სტაბილიზაციისკენ. ბოლო ერთი თვის განმავლობაში ჩვენ ყოველდღიურად გვაქვს კლების ტენდენცია ახალი შემთხვევებისა და ინფექციის ცირკულაციის გავრცელების, მაგრამ ეს დამშვიდების საფუძველს არ გვაძლევს, რადგან ევროპაში ვითარება დაძაბულია და მიმოსვლა სერიოზულია. ასევე, ძალიან მნიშვნელოვანია, რომ ჰელსმეტრიკის ინსტიტუტმა კარგად შეგვიფასა შეზღუდვების ის კომპლექსი, რაც დღეს ქვეყანაში მუშაობს. 6-ბალიანი სისტემიდან დაახლოებით 5-ბალიან სისტემას ვაკმაყოფილებთ. ერთდროულად გვაქვს 16-დან 20-მდე სხვადასხვა შემზღუდველი ღონისძიება და სწორედ ერთიანად, ამ შემზღუდველმა ღონისძიებებმა და ტესტირებაზე მეტმა ხელმისაწვდომობამ მიგვიყვანა იქამდე, რომ უფრო ადვილად ვავლენთ ინფიცირებულებს და შემთხვევების რაოდენობა იკლებს“, - განაცხადა ამირან ... ...

არქივი

ტესტები

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ იცი თუ არა ყველაფერი?

როგორ უნდა გაარკვიოთ მხარეები ტყეში...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

კარმიდამო ჩემი

ძიმითში ტყუპი ხბო დაიბადა

ოზურგეთის მუნიციპალიტეტის სოფელ ძიმითში ტყუპი...

"მიკვირს _ ეს მე შევქმენი?!" _ თორმეტწლიანი შრომით შექმნილი ჯადოსნური სამყარო

ჩვენი სტუმარი ქალბატონი, ყვავილების მესაიდუმლე...

პრიორიტეტულ კულტურებს შორის თამბაქოც დაიკავებს ადგილს

დასავლეთ საქართველოს სუბტროპიკულ ზონაში, დღეისთვის...

"მკვდარი სეზონის" სამუშაოები _ რა გავაკეთოთ ზამთრის დასაწყისში

შემოდგომის მიწურულის და დეკემბრის დასაწყისის...

რატომ დაიწყო ფეიჰოამ ხმობა?

ფეიჰოა ცნობილია, როგორც ყინვაგამძლე და...

როგორ გამოვიყვანოთ ნიგვზის საუკეთესო ზეთი _ ურწყული

საახალწლოდ, განსაკუთრებით პოპულარულია და რიტუალის...

მოვამზადოთ მსხვრევადი, კრატუნა და გემრიელი გოზინაყი

ახალი წელი გოზინაყის გარეშე წარმოუდგენელია....

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....