სიმინდის ფილოსოფია

საზოგადოება

სიმინდის ფილოსოფია

2011 მარ 29 08:03:02

_ ახლა საქართველოში სიმინდზე საუბარი მოდაშია და  როგორ იქნება, სუფსამ "ყვითელ პოდიუმზე" არ გაიაროს? რაო? მთელი ლანჩხუთი თესავსო? ვინ თქვა მაგი? გია გოგუაძე თუ თესავს თავისთვის, არ ვიცით და ჩვენ რას ვთესავთ, ჩვენ გვკითხეთ. თაგვმა ჭამა და ვირთაგვად გადაიქცაო, გვაწონებენ ამ ყვითელ სიმინდს. ოქროს ქალთევზად გადაიქცეს, თუ უნდათ! არ გვითხოვია და რას გვაძალებენ?! თესლის საქმეს ჩვენ მოვაგვარებთ  _ ჩვენებური გვირჩევნია! მათ ამ გაპარტახებული  და მონგრეული ღობეების აღდგენაში დაგვეხმარონ. გვკითხა ვინმემ, რა სახის დახმარება გინდათო? ეს მორიგი  მიზანმიმართული პიარია, რომელიც ხელისუფლებას განსაკუთრებით სჭირდება! _ მკაცრი ტონი სჭარბობდა ლანჩხუთის მუნიციპალიტეტის სოფელ სუფსის მკვიდრ ცისანა გურგენიძის ხმაში. მის გვერდით მდგომმა ათამდე ქალბატონმა კი იმ გასაჭირზე გვიამბო, რომელიც კონკრეტულად ხვნა-თესვას და მასთან დაკავშირებულ პრობლემებს უკავშირდება.

მოსახლეობის "მარტის" გასაჭირი უსიმინდოდ დარჩენაა, რის მიზეზადაც აქაურების მიერ, როგორ გასაკვირადაც უნდა მოეჩვენოს ვინმეს, შეუღობავი საყანე ფართობები სახელდება. მათი თქმით, ხალხი ქათამსაც არ ტოვებს გაუყიდავს, რადგან სიმინდი აღარ აქვთ და ბალახი ჯერ ისე არ წამოზრდილა, შინაური ფრინველი მის იმედად იყოლიონ.

_ გასული წლის  გვალვიანი ზაფხული იმდენს ვერაფერს დაგვაკლებდა, რა ზარალსაც შეუღობავი ყანების გამო ვნახულობთ, აქ ტრიალი ფართობებია და საგანგებო შეღობვა სჭირდება, ეს კი ჩვენი საშუალებით არ ხერხდება. რაშიც დახმარება გვჭირდება, იმაში რომ შემოგვეშველნონ, მეტი მადლი რა გინდათ? _ გვითხრა პენსიონერმა ქალბატონმა, რომელსაც, ასაკის მიუხედავად, მუშაობის სურვილიც აქვს და შესაძლებლობაც, _ შარშან მე და ჩემმა ოჯახმა 700 ლარი დავხარჯეთ საყანე ფართობის დამუშავება-დახვნა-დათესვისთვის. შინ კი 200 კილო სიმინდი მივიტანეთ. და იცით, რატომ? შეუღობავ ყანებში საქონელი შედის და აჩანაგებს. რამდენჯერ დავსვით შეღობვის საკითხი მთავრობის წინაშე, მაგრამ ვინ გაქცევს ყურადღებას?

დიდია აქაურთა ინტერესი, "უნაგირა ჩქუნის" სახელით ცნობილი  ვრცელი საყანე ფართობის მიმართ, რომლის შეღობვაში, როგორც თვითონ ამბობენ, ხელისუფლება ხალხს რომ დაეხმარებოდეს, თითოეული ადამიანი უფრო კმაყოფილი იქნება და მუშაობის სტიმულიც მიეცემათ: _ ამ ყვითელი სიმინდის მოსაშენებლად რომ გაცილებით მეტი ხარჯების გასაღებად არიან მზად, ეს არ არის მუშა კაცის აბუჩად აგდება და დაცინვა? _ სვამს კითხვას ჩვენთან მოსაუბრე აქტიური მოსახლეობა. როგორც მათ გვითხრეს, განცხადებით მიმართეს გამგებელს აღნიშნული პრობლემის თაობაზე და პასუხად მიიღეს, "ვინც პრობლემიანები ხართ, ერთად შემოდითო": _ შეგვყარეს ნახირივით და გამოგვიშვეს უკან ისევე, როგორც მივედით!

სუფსის მცხოვრებლებმა სოფელში გამავალი რკინიგზის ხაზს იქეთ მდებარე კივის ფართობზეც ისაუბრეს, რომელიც ისრაელის მოქალაქეს შეუსყიდია: _ ამ ფართობის გასწვრივ საყანე ფართობებია, რომელიც არ დათესილა. ყვითელი სიმინდის "ხათრით" თუ დათესავენ, თვალს მივადევნებთ, _ თქვეს და ამ სიმინდის გენმოდიფიცირებულობაზეც გვითხრეს რამდენიმე სიტყვა: _ იქნებ, მართლაც ოქროს მარცვლებს ისხამს მაგი ამერიკული სიმინდი, მარა ისეთი ფორმით შემოაქვთ და აძალებენ ხალხს, უმეტესობა გულგრილად უცქერის ამ ამბებს.

რაც შეეხება ყვითელი სიმინდის გენმოდიფიცირებულობას, ბევრი ამას კატეგორიულად უარყოფს, რადგან ასეთი სათესლე მასალა გაცილებით ძვირი ღირს. "საქართველოს მწვანეთა პარტიის" თავმჯდომარე გიორგი გაჩეჩილაძე კი ამბობს, რომ თუ ასე გაგრძელდა, სასოფლო-სამეურნეო სექტორს საბოლოო განადგურება ემუქრება:

_ ამერიკის შეერთებული შტატების სახელმწიფო მდივანმა ჰენრი კისინჯერმა თქვა _ "ვინც აკონტროლებს ნავთობს, ის აკონტროლებს ქვეყნებს და ვინც აკონტროლებს საკვებს, ის აკონტროლებს მოსახლეობას!" _ ეს პოლიტიკა ტარდება დღეს საქართველოში.

როდესაც სოფლის მეურნეობის მინისტრმა ბაკურ კვეზერელმა რამდენიმე თვის წინ ამერიკული სიმინდის შემოტანის ამბავი დიდი ზარ-ზეიმით გვამცნო და აღნიშნა, რომ სიმინდის თესლი ეკუთვნის ამერიკულ კომპანია "პიონერს", ძალიან შევშფოთდით და სასწრაფოდ პრესკონფერენცია მოვაწყვეთ. ჩემთვის კარგად არის ცნობილი, კომპანია "პიონერის" საქმიანობა. "საქართველოს მწვანეთა პარტია" წლების განმავლობაში ებრძვის გენმოდიფიცირებულ თესლსა და პროდუქციას. საქართველოში 1996 წლიდან მოყოლებული, ამ სახის ნედლეულის შემოტანის არა ერთი მცდელობა იყო _ პირველად "მონსანტომ" შემოიტანა კარტოფილის თესლი სამცხე-ჯავახეთში, რითაც საფრთხე დაემუქრა კარტოფილის უნიკალურ ჯიშებს. იმხანად ყველაფერი გავაკეთეთ ამ ვანდალური აქტის აღმოსაფხვრელად. "ვარდების რევოლუციის" შემდეგ, ეს თემა კვლავ აქტუალური გახდა. ლაპარაკობენ, რომ შემოტანილია ჰიბრიდული და არა _ გენმოდიფიცირებული სიმინდის თესლი, მაგრამ ნუ ვიქნებით დარწმუნებულნი, რომ ეს თესლი გენმოდიფიცირებულიც არ არის. ამის დადგენა და შემოწმება საქართველოში შეუძლებელია, რადგან სათანადოდ აღჭურვილი ლაბორატორია არ არსებობს, _ თქვა გაჩეჩილაძემ.




 ახალი ამბები
  • სამტრედიელი გოგონა მოსკოვში, აჭარულის ცეკვის დროს გარდაიცვალა20 წლის გოგონა თავის დაბადების დღეზე, მოსკოვში, აჭარულის ცეკვის დროს გარდაიცვალა. მომხდარის შესახებ ინფორმაციას სოციალურ ქსელში გარდაცვლილის ოჯახის ახლობელი ავრცელებს. „ანა ენგიბარიანს საშინელმა ბედისწერამ მოსკოვში საკუთარ დაბადების დღეზე  აჭარულის ცეკვისას მოუსწრო. ამ შემზარავმა და დაუჯერებელმა ფაქტმა შავებით შემოსა გარი ენგიბარიანის ლამაზი სამშვილიანი ოჯახი. წარმოშობით სამტრედიელი გოგონა ასე მძიმედ დაემშვიდობა მოსკოვს სადაც ბავშვობა გაატარა და ახლა მშობლიური სამტრედია ჩაიხუტებს მის ცხედარს..“_ წერს ის. გარდაცვალების მიზეზი უცნობია, ახლობლების თქმით, გოგონა სიცოცხლეში არაფერს უჩიოდა. ანა ენგიბარიანი წარმოშობით სამტრედიელია. მისი ოჯახი საცხოვრებლად მოსკოვში, დაახლოებით, 15 წლის წინ გადავიდა. ენგიბარიანები მშობლიურ სამტრედიას ხშირად სტუმრობდნენ. გარდაცვლილ   გოგონას საქართველოში ხვალ ჩამოასვენებენ. ... ...
  • მოძველებული ინფრასტრუქტურა, სანიტარულ-ჰიგიენური პირობები_ რა ხდება “თბილისის ფსიქიკური ჯანმრთელობის ცენტრში“2020 წლის 14 თებერვალს სახალხო დამცველმა ნინო ლომჯარიამ შპს „თბილისის ფსიქიკური ჯანმრთელობის ცენტრი“ მოინახულა. სახალხო დამცველმა დაათვალიერა დაწესებულების ქალთა და კაცთა განყოფილებები, სასადილო სივრცე; შეხვდა და გაესაუბრა სტაციონარში მყოფ პაციენტებს და ცენტრის პერსონალს. ვიზიტის შესახებ ინფორმაციას სახალხო დამცველის აპარატი ავრცელებს. მათ მიერ გავრცელებულ ინფორმაციაში წერია, რომ პრობლემურია დაწესებულების მოძველებული ინფრასტრუქტურა, გადატვირთულობა და სანიტარულ-ჰიგიენური პირობები. ცენტრში არსებული მდგომარეობა არ ქმნის ხელსაყრელ თერაპიულ გარემოს. პაციენტები არ არიან უზრუნველყოფილი სათანადო საყოფაცხოვრებო პირობებით. არ აქვთ პირადი ნივთების შესანახი კარადები. განყოფილებებში არ დგას სკამები, რბილი ავეჯი. თამბაქოს მოსაწევი ადგილი არ არის იზოლირებული განყოფილების საერთო სივრციდან. შენობაში დგას მძაფრი სპეციფიური სუნი. პაციენტები მოკლებული არიან ყოველდღიური გასეირნების შესაძლებლობას. სველ წერტილებში არ მოდის ცხელი წყალი, რის გამოც მათ პირადი ჰიგიენის დაცვა ცივი წყლის გამოყენებით უწევთ. სტაციონარისთვის არსებული დაფინანსება აბრკოლებს პაციენტთა სათანადოდ მოვლის, ფსიქო-სოციალური რეაბილიტაციის ხარისხს. ბენეფიციართა შორის ხშირია კონფლიქტისა და ძალადობის შემთხვევები. არ ხდება ასეთი შემთხვევების სათანადო მართვა, არ ხორციელდება ძალადობის პრევენციისთვის საჭირო ღონისძიებები. დაწესებულებას არ ჰყავს საკმარისი რაოდენობის პერსონალი. ამასთან, არც დასაქმებულებს აქვთ სათანადო სამუშაო პირობები. სახალხო დამცველი მოუწოდებს სახელმწიფო უწყებებს გააძლიერონ ღონისძიებები ფსიქიკური ჯანმრთელობის სფეროში ადამიანის უფლებების დაცვის მაღალი სტანდარტის უზრუნველყოფის მიმართულებით. დროულად მოხდეს სფეროს დეინსტიტუციონალიზაციის სტრატეგიის შემუშავება, თემზე დაფუძნებული და ფსიქო-სოციალური რეაბილიტაციის სერვისების რაოდენობის ... ...
  • „ახალგაზრდობა,რომელიც მამების თაობას უმოქმედობას არ აპატიებს“_ სამტრედიის მერი მოსწავლეებს შეხვდა,,მე რომ მუნიციპალიტეტის მერი ვიყო"- ამ ფორმატში დიალოგი შედგა დღეს სამტრედიის მუნიციპალიტეტის მერიის სააქტო დარბაზში. მოსწავლე-ახალგაზრდობის სახლის მოსწავლეთა პარლამენტის წევრები სამტრედიის მუნიციპალიტეტის მერთან იმ ინიციატივებით შევიდნენ, რომლის განხორციელებაც ახალგაზრდების ინტერესში შედის. მოსწავლეების მიერ შეთავაზებული პროექტები  მოიწონა მერმა, ვალერიანე ფოცხვერიამ, განსაკუთრებით აქტუალურად მიიჩნია ქალაქში მომრავლებული მაწანწალა ძაღლების საკითხის მოგვარება და სპორტის სასახლის აშენება. მოსწავლეთა პარლამენტის წევრები ქალაქში დასუფთავების მიზნით ურნების დამატებას ითხოვენ. მათ გაუმართლებლად მიაჩნიათ ქალაქში საზოგადოებრივი ტუალეტის არ ქონა. მერმა შეხვედრაზე აღნიშნა, რომ წინა წლებში ხელშეკრულება ჰქონდათ გაფორმებული, კონტრაქტორს გაყავდა ძაღლები, აცრიდნენ, ყურზე ბირკას ადებდნენ და უკან აბრუნებდნენ, რასაც  მისახლეობისთვის სასურველი ეფექტი არ მოუტანია. ფოცხვერიას განცხადებით, ძაღლის კბენის ეშინია მოსახლეობას და უკან დაბრუნებული, თუნდაც აცრილი, კბენის საშიშროებისგან ვერ იცავს ქუჩაში მოსიარულეებს ,,ოპოზიცია რომ იყოთ, ვიცით, რა პასუხსაც გაგცემდით, მათი ხელისუფლებაში ყოფნის დროს მაწანწალა ძაღლების პრობლემა ,,მოგვარებული" ჰქონდათ, შუაგულ ქუჩაში ხოცავდნენ ძაღლებს. სრულიად სამართლიანია თქვენი მოთხოვნა, თქვენი თვალით დანახული პრობლემები. ვეცდებით,  გავითვალისწინოთ და დროულად მოვაგვაროთ. მოდის ახალგაზრდობა, რომელიც მამების თაობას უმოქმედობას არ აპატიებს,“_  განაცხადა ... ...
  • ოზურგეთის საკუთრებაში არსებული მიწის ნაკვეთი „ბლექსი არენას“ უსასყიდლოდ გადეცემადღეს ოზურგეთის მუნიციპალიტეტის საკრებულოს  სხდომაზე განიხილეს საკითხი: „ოზურგეთის მუნციპალიტეტის საკუთრებაში არსებული უძრავი ქონების სახელმწიფოსთვის საკუთრებაში გადაცემის შესახებ. საკითხის ირგვლივ მუნიციპალიტეტის მერიის შესაბამისი სამსახურის წარმომადგენელმა, პელაგია  კალანდაძემ ისაუბრა და თქვა, რომ ოზურგეთის მუნიციპალიტეტის საკუთრებაში არსებული 3724 კვ. მ და 502 კვ.მ. არასასოფლო-სამეურნეო დანიშნულების მიწის ნაკვეთები გადაეცეს უსასყიდლოდ  საკუთრებაში სახელმწიფოს შემდგომში   შპს „ბლექსი არენას ჯორჯიას“-სთვის  გადაცემის მიზნით. საკრებულოს დეპუტატებმა იკითხეს, რა დანიშნულებისთვის სჭირდება,რატომ უნდა გადაეცეს ეს მიწა „ბლექ სი არენას“. პელაგია კალანდაძემ უპასუხა, რომ ეს მიწის ფართი  იქ პარკირებისთვის ... ...
  • ლიხს იქეთ- აქეთა საქართველოს კურორტები ზამთრის სამოსშიწლევანდელი თებერვლის დადგომა, სულაც  არ გამოდგა ხეში წყალის ჩადგომის წინაპირობა და ბოლო წლების მანძილზე უთოვლოდ გასტუმრებულ არაერთ  ზამთარს, კვალში არ ჩაუდგა. ნანატრი ფიფქებიც უხვად გამოჩნდა და საქართველოს მთასა და ბარში თითქმის ერთნაირად მოთოვა. ჩვენ არაერთ ფოტორეპორტაჟს,  როგორც დასავლეთ, ისე აღმოსავლეთ საქართველოს დათოვლილი კურორტებიდან გთავაზობთ. ამჯერად, ლიხს იქეთ-აქეთა საქართველოს კურორტები ზამთრის  უჩვეულო სამოსში, ჩვენმა მეგობრებმა  მერი ჭანუყვაძემ, მაია გასიშვილმა და ლალი თავართქილაძემ გადაიღეს და გამოგვიგზავნეს _ნანატრი თოვლიანი ზამთარი ხომ ყველას განსაკუთრებულად ... ...

არქივი

ზაფრანი

„წყალგარეული“ ღვინის მომავალი

სამხრეთ აფრიკელმა მეღვინეებმა ბევრი იფიქრეს,...

ჯონ ლენონის ნივთები დღესაც სარფიანად იყიდება

მას შემდეგ, რაც დიდი ბრიტანელი...

ლუდი გონების სამსახურში

როგორც ამერიკელმა და ახალზელანდიელმა მეცნიერებმა...

ბრიტანელები ჰიტლერის ფოტოებით დაინტერესდნენ

ცოტა ხნის წინ, ამერიკის შეერთებულ...

საუკეთესო თეთრ ღვინოებს შორის

Chateau d'Yquem მსოფლიოში ერთ–ერთი ყველაზე ...
კარმიდამო ჩემი

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...