ერთი პროექტის ორი მხარე _ ის, რაც ბიზნესმენისთვის დანაშაულია, მერიისთვის _ კანონიერი

საზოგადოება

ერთი პროექტის ორი მხარე _ ის, რაც ბიზნესმენისთვის დანაშაულია, მერიისთვის _ კანონიერი

2019 აპრ 15 16:07:42

გია გოთუამ, რომელიც წლების წინ ლანჩხუთის პირველი პირის სავარძელს იკავებდა, ახლა კი ბიზნესშია ჩაბმული, პრესკონფერენცია გამართა.

ცნობისთვის, ბიზნესში საქმიანობა გოთუამ რამდენიმე წლის წინ დაიწყო და თავდაპირველად ლანჩხუთში გაზიფიცირების პროექტი განახორციელა. მთლიანობაში მას რამდენიმე დიდი პროექტი აქვს გახორციელებული მთელი ქვეყნის მასშტაბით და მათ შორის ლანჩხუთშიც, სადაც გაზიფიცირების გარდა, წყლის სისტემების სამონტაჟო სამუშაოები შეუსრულებია. ჰოდა, როგორც აღმოჩნდა, ამჯერად გოთუას მთავარი სასაუბრო თემა სწორედ ის პროექტი გახლდათ, რომლის მიხედვითაც ტენდერში გამარჯვებულმა ფირმამ შპს „B&B“ გვიმბალაურის, ღრმაღელის, სუფსისა და ჩოჩხათის ადმინისტრაციულ ერთეულებში წყალმომარაგების სისტემის მოწყობა-რეაბილიტაცია უნდა განახორციელოს. გოთუას მოსაზრებით, ამ პროექტზე ხელის მოწერა მუნიციპალიტეტის ხელმძღვანელობის მხრიდან დანაშაულის ტოლფასია და მათ საკითხის ხელმეორედ გადახედვისკენ მოუწოდებს.

პირდაპირ გეუბნებით, ის, რაზეც ხელის მოწერას აპირებს მერია, არის არასწორი და დანაშაული _ საქმე ეხება ოთხი თემის წყლით მომარაგებას. ისეთი სისულელეები წერია აღნიშნულ პროექტში, რომ გაოცდებით. თითქოს წყლის ტუმბოს გაკეთება ღირს 2000 ლარი, რაც აბსურდია, ხოლო მილები, რომელიც გათვალისწინებულია წყალგაყვანილობისთვის რეალურად, ერთი მეტრი 1 ლარი ღირს, იქ კი ასეთი მილი 450 ლარადაა შეფასებული. ეს არის სწორედ კორუფცია“, _ ამბობს გოთუა.

მან ისიც გვითხრა, რომ  ბოლო წლებში 240 ტენდერში მიიღო მონაწილეობა და ბევრ მათგანში გამარჯვება მოიპოვა, მაგრამ ამ შემთხვევაში ბევრ წინააღმდეგობას წააწყდა და ამის შესახებ მუნიციპალიტეტის მერი, ალექსანდრე სარიშვილიც ჩააყენა საქმის კურსში.

 „მე ვესაუბრე მერიის ხელმძღვანელობას ამის შესახებ. პირადად მერს ვუთხარი, რომ საპროექტო სამუშაოები ცუდად არის შესრულებული და მისი ღირებულებაც შესაბამისად, არასწორად დაანგარიშებული. ვერავინ იტყვის, რომ საქმის კურსში არ ჩავაყენე. მაქვს გამოცდილება და ჩემი გამოცდილებით ავხსენი ყველაფერი, მაგრამ დამიჯერეს?!  ბიუჯეტიდან ფული სწორად თუ არ დაიხარჯა, ისე არაფერი გამოგვივა. მე აქაური ვარ, მინდა, რომ უკეთესობისკენ წავიდეთ და არა უარესობისკენ. როცა მუნიციპალიტეტი  ერთ მეტრ პოლიეთილენის მილს 450 ლარად იძენს, ხოლო 1კბმ. ქვიშას ერთ ლარად, ცოტა გაგიკვირდება, აბა, რა იქნება. არსად წერია, ასევე, რომ იქ ხრეშია საჭირო. მთელი სოფლის გზას რომ გადათხრი, იმას მარტო ქვიშით გაასწორებ?! მერთან საუბრისას შესაბამის სამსახურს დავურეკეთ და ვკითხეთ, თუ ხრეშის რა ოდენობაა დაფიქსირებული აღნიშნულ პროექტში.  პასუხი ვერ გაგვცეს, ჩავხედავთ ხარჯთაღრიცხვაში და მერე გეტყვითო, _ გვიპასუხეს. არადა, წესით, ეს და სხვა ნიუანსი ზეპირად უნდა იცოდნენ. პირდაპირ ვამბობ, პროექტი იმდენად ცუდია, ჩათვალეთ, რომ თანხის უმეტესი ნაწილი წყალში გადაყრილი იქნება და რაც მთავარია, შედეგს ვერ მივიღებთ და ხალხი ისევ უწყლოდ დარჩება.

მაგალითად, ერთ-ერთ სოფელში წყლის ტენდერი მქონდა, გავაკეთე, კორექტირებაც კი შევატანინე პროექტში, რადგან უფრო უკეთესი მინდოდა გამოსულიყო. წერილი მომწერა მერიამ, სადაც წერია, რომ დარღვევები ყოფილა აღმოჩენილი, ამ ყველაფერს კი თემის რწმუნებულის მიერ აღწერილი ფაქტებით ამყარებდა. როცა ვნახე, ძალიან არ მომეწონა, რადგან ეს ჩემთან გამოსაგზავნი წერილი ნამდვილად არ გახლდათ. საქმე იმაშია, რომ იქ ჩამოთვლილი ფაქტები, ჩემ მიერ გაკეთებულ საქმესთან კავშირში საერთოდ არ იყო და სულ სხვა ადამიანების მოსაგვარებელი იყო. აი, ასეთი მიდგომები აქვთ“, _ დასძინა გია გოთუამ.

პრესკონფერენციაზე ბიზნესმენის მხრიდან ამ კონკრეტულ პროექტზე გამოთქმულ ბრალდებებს მუნიციპალიტეტის მერიაც გამოეხმაურა.

„გია გოთუას მიერ გამართული პრესკონფერენციის პასუხად გაცნობებთ, რომ ლანჩხუთის მუნიციპალიტეტის გვიმბალაურის, ღრმაღელის, სუფსის და ჩოჩხათის ადმინისტრაციულ ერთეულებში წყალმომარაგების სისტემის მოწყობა-რეაბილიტაციის საპროექტო სახარჯთაღრიცხვო დოკუმენტაცია მომზადებულია შპს „ვეგა+“-ის მიერ. პროექტის ღირებულება შეადგენს 1 376 660 ლარს. ექსპერტიზა ჩაატარა შპს „რეალ ექსპერტმა“, რომელმაც აღნიშნულ პროექტზე წარმოადგინა  დადებითი დასკვნა, რომელიც შეესაბამება დადგენილ ნორმებს და სტანდარტებს. ექსპერტიზაგავლილი პროექტის შესაბამისად გამოცხადდა ელექტრონული ტენდერი აუქციონის გარეშე.  სისტემის მიერ გამოვლინდა ყველაზე დაბალი ფასის მქონე პრეტენდენტი შპს „B&B“. მის მიერ შემოთავაზებული ფასი შეადგენს 1 101 329 ლარს. იმის გამო, რომ გამარჯვებული პრეტენდენტის მიერ დაფიქსირებული ფასი (20%-ზე მეტით) არ აღემატებოდა პროექტის სავარაუდო ღირებულებას, შესყიდვების კანონმდებლობის თანახმად, პრეტენდენტს არ მოეთხოვა ფასწარმოქმნის ადეკვატურობის დამადასტურებელი დოკუმენტების წარმოდგენა.“

 ამასთანავე, გია გოთუამ პრესკონფერენციაზე აღნიშნა, რომ თითქოს მუნიციპალიტეტი  ერთ მეტრ პოლიეთილენის მილს 450 ლარად იძენს, ხოლო 1 მკბ. ქვიშას ერთ ლარად, ეს არ შეესაბამება რეალობას, რადგან საპროექტო-სახარჯთაღრიცხვო დოკუმენტაციაში მითითებული კონკრეტული სამშენებლო მასალის შეძენა არ ხდება, არამედ მუნიციპალიტეტი იძენს წყალმომარაგების სისტემის რეაბილიტაციას სრულად. ხელშეკრულების შესრულებაზე კონტროლს აწარმოებს მუნიციპალიტეტის მიერ მოწვეული დამოუკიდებელი საექსპერტო-საზედამხედველო ორგანიზაცია და ასევე, მუნიციპალიტეტის მერის ბრძანებით შექმნილი ინსპექტირების ჯგუფი, რაც უზრუნველყოფს პროექტის ხარისხიან შესრულებას. რაც მთავარია, აღნიშნული პროექტი 1500-ზე მეტ მოქალაქეს მოემსახურება და უზრუნველყოფს წყლით“, _ ნათქვამია მერიის განცხადებაში.




 ახალი ამბები
  • "ჯადოსნური ახალი წელი აბუ დაბიში" _ ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის...15 ოქტომბრის 00:00:01 საათიდან 24 ნოემბრის 23:59:59 საათის ჩათვლით Apple Pay-ს საშუალებით Visa ბარათით განხორციელებული ტრანზაქციები ლიბერთის მომხმარებლისთვის მომგებიანია!  კამპანიის ფარგლებში კამპანიის პირობებით განსაზღვრული ყველა Visa ბარათის მფლობელი,  რომელიც კამპანიის პერიოდში გადაიხდის მინიმუმ 10 ლარს Apple Pay-ს საშუალებით მიიღებს ქეშბექს 10 ლარის ოდენობით პირველ გადახდაზე.   კამპანიის დასრულების შემდეგ გამოვლინდება გამარჯვებული, რომელიც მიიღებს სამოგზაურო პაკეტს აბუ დაბიში ახალი წლის ღამეს ბრუნო მარსის კონცერტზე დასასწრებად! კამპანიის გამარჯვებულს გამოავლენს ლიბერთი ბანკი მის ხელთ არსებული მონაცემების საფუძველზე და გამარჯვებულად ჩაითვლება კამპანიაში მონაწილე პირი, რომელსაც 15 ოქტომბრის 00:00:01 საათიდან 24 ნოემბრის 23:59:59 საათის ჩათვლით დაუფიქსირდება ბანკის Visa ბარათით განხორციელებული ყველაზე მეტი ტრანზაქცია Apple Pay-ს საშუალებით (თითო ტრანზაქცია - მინიმუმ 10 ლარი). სამოგზაურო პაკეტი მოიცავს:   5 დღიან საგზურს აბუ დაბიში, 5 ან მეტ ვარსკვლავიან სასტუმროში 2 ადამიანზე; ავიაბილეთებს; საახალწლო ვახშამს; 2 VIP ბილეთს ბრუნო მარსის კონცერტზე, 31 დეკემბერს  იხილეთ დეტალური წესები და პირობები ბმულზე: http://bit.ly/2OJOkCF  ლიბერთის მომხმარებლები, Apple Pay-ს მარტივი, უსაფრთხო და კონფიდენციალური გადახდის სისტემით მთელი ქვეყნის მასშტაბით, ლიბერთი ბანკის პარტნიორ ორგანიზაციებში 3 სექტემბრიდან უკვე სარგებლობენ. აქციის ფარგლებში ქეშბექის და სამოგზაურო პაკეტის მოგების შანსის მიღება3500-ზე მეტ უკონტაქტო ტერმინალზე გადახდისას არის შესაძლებელი. Apple Pay-ს გამოყენება და მასში ბარათების დამატება მარტივია. მაღაზიებში, Apple Pay-ს გამოყენება შესაძლებელია iPhone SE, iPhone 6 და მის შემდეგ გამოშვებული მოდელების, ასევე Apple Watch მოწყობილობების გამოყენებით.  გაიგე როგორ დაამატო ბარათი Apple ... ...
  • „დეპრესიას უმადურობა იწვევს“ - ფსიქოლოგი მარინა კაჭარავა„აზროვნების აკადემია“,  პროექტ  „სალონური საუბრების” ფარგლებში, სოციალურ ქსელში ამჯერად ფსიქოლოგ მარინა კაჭარავას ლექციას აქვეყნებს, რომელიც დერპესიულ აშლილობას ეხება: “ფსიქიატრების აზრი ძალიან უახლოვდება რელიგიურ მოსაზრებას, რომ უმადურება უდრის დეპრესიას. ამ დროს არ აქვს მნიშვნელობა, ბევრი გაქვს თუ ცოტა, ხახვის და პურის უმადური ხარ თუ სასახლეები გაქვს და ამის. ზოგადად, უმადურობა იწვევს დეპრესიას. აღმოჩნდა, რომ თავის ტვინში არის ოპიატური რეცეპტორები, სიამოვნების ჰორმონი, რომელიც თურმე გამომუშავდება მაშინ, როდესაც ხარ მადლიერი. როდესაც არ ხარ მადლიერი, ეს სიამოვნება დაკარგული გაქვს და მას ეძებ.  თუ ხარ მადლიერი იმის, რაც გაქვს, გაქვს სიმშვიდეც. სიმშვიდეც მადლიერებას მოაქვს და ანტიდეპრესანტიც ეგაა. ჩვენ კულტურალურად ძალიან დამძიმებულები და უმადურები ვართ. დაახლოებით 20 წლის წინ ამერიკელებთან ერთად ტრენინგზე ვისხედით და იქ იყო ასეთი სიტუაიცა. ყველა იწყებდა საუბარს ასე, გამარჯობა, მინდა მადლობა გადავუხადო ბებიას, რომელმაც ფუნთუშები დამიმზადა. მეორემ მადლობა მეზობელს გადაუხადა, რომელმაც გაუღიმა. მესამემ მადლობა გადაუხადა მზეს მზეს და მივხვდი, რომ აქ ხდება პოზიტივში საკუთარი თავის ამოქოქვა. ანუ დღეს ვიწყებთ პოზიტიურად იმით, რომ მადლობას ვუხდით ვინმეს და ეს თურმე ჩვენთვისვე არის კარგი. მადლობელი რომ ხარ უკვე ეს ჩემთვისაა კარგი და არა მისთვის, მისაც ... ...
  • მართვის მოწმობის აღების ასაკი იცვლება17 წლის მოქალაქე მართვის მოწმობას ვეღარ აიღებს. კანონში დაგეგმილი ცვლილებების მიხედვით, მოქალაქე 18 წლის უნდა იყოს, რათა მოტოციკლისა და მსუბუქი ავტომობილის მართვის უფლება მოიპოვოს. „საგზაო მოძრაობის შესახებ“ კანონში ცვლილებების შეტანის ინიციატივა შინაგან საქმეთა სამინისტროს ეკუთვნის. „მთავარი ის კი არ არის, 17 წლისა აიღებს მართვის მოწმობას ადამიანი, 37 წლისა თუ 57-ის, არამედ ის, თუ რა ცოდნის საფუძველზე იღებს ის მართვის მოწმობას. დღეს ჩვენ გვაქვს პრობლემა, რომ ე.წ. ავტოსკოლებში მოქალაქეებს კოდირების გზით მართვის მოწმობის აღებას ასწავლიან. გამოცდაზე ადამიანები გადიან ცოდნის გარეშე, დაზეპირებული კოდებით, რის გამოც მართვის მოწმობას იღებს ადამიანი, რომელმაც საგზაო მოძრაობის შესახებ საერთოდ არაფერი იცის“, - ამბობს „ტრანსპორტისა და გზების ასოციაციის“ თავმჯდომარე დავით ... ...
  • "2020 წელს ვინ გაიმარჯვებს, ამას მოსახლეობა გადაწყვეტს და არა გიგა ბოკერია" _ კალაძე2020 წელს ვინ გაიმარჯვებს, ამას გადაწყვეტს ჩვენი ქვეყნის მოსახლეობა და არა გიგა ბოკერია, - ასე ეხმიანება დედაქალაქის მერი კახა კალაძე „ევროპული საქართველოს“ ერთ-ერთი ლიდერის, გიგა ბოკერიას განცხადებას. მისივე თქმით, ქვეყანაში პოლიტიკური კულტურის ნაკლებობაა და ამის ნათელი მაგალითი ოპონენტების განცხადებებია. „მე შემიძლია კიდევ ერთხელ მოვიშველიო ჩვენი პარტიის ლიდერის, ბიძინა ივანიშვილის განცხადება, რომ ჩვენ მოვექცევით ჩვენს ოპონენტებს ისე, როგორც ჩვენს ქვეყანას ეკადრება და არა ისე, რასაც ისინი იმსახურებენ. თუმცა, ამ წლების განმავლობაში ისინი შეეცადნენ, რომ ეს მიდგომა, ეს დამოკიდებულება ჩვენ წინააღმდეგ გამოეყენებინათ“, - განაცხადა კახა ... ...
  • „ტურიზმის განვითარების მიმართულებაში მთავარი „ჩაის გზაა“ _ კარლ ჰარცელი გურულ სოფელშიევროკავშირის ელჩმა კარლ ჰარცელმა, ევროპის დღეებთან დაკავშირებული ვიზიტის   ფარგლებში, ოზურგეთის მუნიციპალიტეტის სოფელ წითელმთაში მეწარმე ლიკა მეგრელაძის საოჯახო სასტუმრო „კომლი“ დაათვალიერა. სახლის მფოლობელმა ლიკა მეგრელაძემ  ევროკავშირის მხარდაჭერილი პროექტის, “მონაწილეობითი პრონციპები გურიის ტურიზმის განვითარების სტრატეგიისთვის”, მიერ გაცემული გრანტის ფარგლებში, მოახდინა ჩაის პლანტაციის რეაბილიტაცია და გაფართოება, განაახლა ტრადიციული ჩაის ჯიშები. საპატიო სტუმართან ტურიზმის განვითარების მიმართულებებში ერთ-ერთ უმთავრესზე, „ჩაის გზის“ შესახებ, ოზურგეთის მუნიციპალიტეტის მერიის ეკონომიკის სამსახურის უფროსმა ალეკო მამეშვილმა ისაუბრა: _  ბევრი ვიფიქრეთ, რა უნდა ყოფილიყო ისეთი, რაც გურიას  საქართველოს სხვა  რეგიონებისგან განასხვავებდა და ეს არის სწორედ, „ჩაის გზა“. ასე დავიწყეთ ამ პროექტის შექმნა.  ჩვენი ერთ-ერთი წარმატებული ნაბიჯი არის ის, რომ ტურისტების 70% ყოფილი საბჭოთა კქვეყნებიდან შემოდის და  კარგად ახსოვთ ქართული ჩაის გემო. ამიტომ ნაკლები რეკლამა სჭირდება ამ საქმეს. გვაქვს ოთხი ძირითადი ლოკაცია. ასევე, ტურიზმის განვითარების სტრატეგიაში ერთ-ერთი საინტერესო მიმართულებაა ბალნეოლოგიური ტურიზმი, _ უთხრა სტუმრებს მამეშვილმა და გააცნო მათ ინფორმაცია ნასაკირალის სამკურნალო წყლების შესახებ,  უთხრა, რომ აქ 1930 წელს გაიხსნა ბალნეოლოგიური კურორტი. კარლ ჰარცელმა ინტრესით   დაათვალიერა იქვე, სახელდახელო მოწყობილი გამოფენა, სადაც ვიზუალურად, ფოტოებით იყო ნაჩვენები 1930 წელს ნასაკირაში ბალნეოლოგიური კურრორტის გახსნა და თანმხლები ... ...

არქივი

ზაფრანი

ჩაის რეცეპტი, რომელიც სიგარეტის მოწევის სურვილს აქრობს

თუ სიგარეტისთვის თავის დანებება გინდათ,...

რომელი პროდუქტი არ უნდა შეინახოთ საყინულეში

მაცივრის საყინულეში ბევრ საკვებ პროდუქტებს...

როგორ ამოვიცნოთ გენმოდიფიცირებული პროდუქტი

საზიანოა თუ არა გენმოდიფიცერებული საკვები...

მარტივი მეთოდები ჯანმრთელობის შესამოწმებლად

თვალები _ მოშორდით მონიტორს 4-5 ნაბიჯით,...

ხილი, რომელსაც უნდა ვერიდოთ

სამწუხაროდ, ყველა ხილი ჩვენი ფიგურისთვის...

მკურნალი ყველი

რამდენი თვის წინ დანიელმა მეცნიერებმა...
კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...