„ეს ერის განზრახ მკვლელობაა“_ ნათელაშვილი ხარაგაულში რკინიგზის ქსელის მშენებლობის შეჩერებას ითხოვს

gurianews.com

საზოგადოება

„ეს ერის განზრახ მკვლელობაა“_ ნათელაშვილი ხარაგაულში რკინიგზის ქსელის მშენებლობის შეჩერებას ითხოვს

2018 მაი 16 18:04:59

ლეიბორისტული პარტიის ლიდერი, შალვა ნათელაშვილი ხარაგაულში სარკინიგზო ქსელის  მშენებლობის შეჩერებას მოითხოვს.

ვიდეოში, რომელიც მან სოციალური ქსელით გაავრცელა ამბობს, რომ სარკინიგზო ქსელის მშენებლობა ეკოლოგიურ კატასტროფას გამოიწვევს.

„ხარაგაულის მუნიციპალიტეტის სოფელ ბეჟათუბანში გვირაბების სარკინიგზო ქსელი კეთდება და სამუშაოს „ჩინეთის რკინიგზის 23-ე“ ბიურო აწარმოებს. ეს ბიურო შემოიყვანა ივანიშვილი-ბახტაძის დაჯგუფებამ, თითქოს აქ არ იყვნენ გვირა მშენებლები და მეტრო ქართველებს არ აუშენებიათ.

ქვემო ქართლში იმ გლობალური ნგრევის შემდეგ, რაც ივანიშვილის ოქროს მომპოვებელმა კომპანიამ „არემჯი გოლდმა“ და „არემჯი  კოპერმა“  ჩაიდინეს, მათ მართლა აქვთ გადაწყვეტილი ნგრევის, ბუნების განადგურების, სოფლების დაცლის ხარჯზე მილიარდები და ტრილიონები იშოვნონ“, _  ამბობს ნათელაშვილი და აღნიშნავს, რომ გვირაბების მშენებლობა ტექნიკის გამოყენების ნაცვლად აფეთქებებით მიმდინარეობს, რაც სახლების ნგრევას იწვევს.

„თანამედროვე 21-ე საუკუნეში გვირაბები კეთდება სპეციალური აპარატებით. აპარატი თხრის მთას, აცემენტებს, ამაგრებს და ასრულებს მთელ ტექნოლოგიურ პროცესს. ამ ბატონებს კი გვირაბები აფეთქებების გზით გაყავთ. აფეთქებების შედეგად კი ბეჟათუბანში სახლებია უკვე დანგრეული, ხოლო ამ მონაკვეთზე გვირაბი არის ჩანგრეული. ყველაფერი არის ტექნოლოგიური წესების დაცვის ფეხებზე დაკიდებით გაკეთებული. ამ აფეთქებების შედეგად გვირაბის კედელსა და დედამიწას შორის ჩნდება საჰაერო ორმოები. ეს ორმო ადრე თუ გვიან აუცილებლად ჩამოიქცევა, ჩატეხავს გვირაბს და იმ მომენტში გავლილ მატარებელს რა დაემართება ხომ წარმოგდგენიათ. აფეთქებით გვირაბის გაყვანა ეს არის ომის გამოცხადება ქვეყნისთვის. ფაქტობრივად, აქ ომია“, _ ამბობს ნათელაშვილი.

ის, ასევე, აღნიშნავს, რომ ტერიტორია, სადაც გვირაბის მშენებლობა მიმდინარეობს, სათანადოდ არ არის შემოსაზღვრული, რაც ადგილობრივი მაცხოვრებლების სიცოცხლისთვის სახიფათოა.

„გაუბიათ წითელი ლენტები, მაგრამ ნასვამი კაცი ვერ მიხვდება და გავლის შემთხვევაში, ჩავარდება, ძროხა ხომ საერთოდ გაარღვევს ამ წითელ ამკრძალავ ლენტს“,_ამბობს ნათელაშვილი.

მისივე თქმით, მოსახლეობისთვის საფრთხეს  გვირაბის გასაყვანად მიმდინარე სამუშაოებიდან გამოტანილი მასალაც წარმოადგენს, რასაც მუშები მდინარეში ყრიან.

„ფიჭვნარის წყალი გუბდება. ხეობა ამოვსებულია მუშების  მიერ გამოტანილი გრუნტით, იკეტება და იქმნება დიდი ღვარცოფის საშიშროება. მდინარე გააკეთებს კაშხალს და ეს კაშხალი გადანგრევის შემთხვევაში წაიღებს ზესტაფონს, დაბლობ იმერეთს, კოლხეთის დაბლობს და ჩაიტანს შავ ზღვაში. სახეზეა ეკოლოგიური კატასტროფა. მომავალი ტექნოგენური კატასტროფების გამომწვევი. ჩინური კომპანია აკეთებს ეკოლოგიურ ატომურ ბომბს. მთის მდინარე გუბდება უზარმაზარ მთებს შორის. ეს ბომბზე უარესია. ბომბს შეიძლება ადამიანი გადაურჩეს, მაგრამ აქედან გადახეთქილ ოკეანეს  წინ ვერაფერი დაუდგება. მთელი ხეობა არის ეკოლოგიური გენოციდის არეალი ჩუმათელეთიდან, აი, ამ 30-კილომეტრიან მონაკვეთზე. მინერალური წყალი ზვარე, რომელიც აქ მოიპოვებოდა, განადგურებულია.  განადგურებულია ახალგაზრდული ბანაკი ზევით.  მეწყერია დაძრული და ნუნისიც უკვე კითხვის ნიშნის ქვეშ დგას, როგორც უნიკალური საკურორტო ადგილი.  ეს სამუშაოები დაუყონებლივ უნდა გაჩერდეს, ეს არის ერის განზრახ მკვლელობა მოფიქრებული ივანიშვილ-ბახტაძის დაჯგუფების მიერ, რომლებმაც  მოინდომეს შავი ფულის გათეთრება აზიის განვითარების ბაკისა და ჩინური კომპანიის მეშვეობით საქართველოს ნგრევის ხარჯზე. რასაც აკეთებენ ალგეთში და ქვემო ქართლში არანაკლები უბედურებაა აქ“,_ამბობს ნათელაშვილი.

მისი თქმით, მგზავრობის 40 წუთით შემცირება არ ღირდა იმ საფრთხედ, რაც მოსახლეობისა და გარემოს წინაშე წარმოიშვა და სისხლის სამართლის საქმეა აღსაძვრელი.

„ამ მილიონების დახარჯვას დასაბუთება ჰქონდა, ის რომ ბათუმამდე 40 წუთით შემცირდებოდა გზა. 40 წუთის გამო ამხელა ნგრევა რამდენად ოპტიმალური იყო. თუ აკეთებ ისე გააკეთე რომ მთები და სოფლები არ ჩაიქცეს. აქ მეწყერი დაწყებულია და მთა შეიძლება ნებისმიერ წამს წავიდეს დაბლა. ეს ტერიტორია სასწრაფოდ დასალუქია, ჩამოსასვლელია ექსპერტიზა, აღსაძვრელია სისხლის სამართლის საქმე და დასაჭერია ის პირები, ვინც ამხელა, რამ დაუშვა. დასაჭერია ბახტაძეც, არაფერს ვამბობ ივანიშვილზეც. კარგა ხანია მაგ ადგილის კანდიდატია.   მოვითხოვ ამ მშენებლობის შეჩერებას საერთაშორისო ექსპერტიზის ჩატარებას, დამნაშავე პირების სისხლის სამართლის პასუხისმგებლობაში მიცემას“, _ამბობს ნათელაშვილი.


ნახვა: 87


 ახალი ამბები
  • რატომ არ ჩაატარებინა მოსწავლეებს „ბოლო ზარი“ ზუგდიდის N5 საჯარო სკოლის დირექტორმაზუგდიდის მუნიციპალიტეტის #5 საჯარო სკოლის მოსწავლეებს სკოლის დირექტორმა ბოლო ზარის ჩატარების უფლება არ მისცა. როგორც „პრაიმტაიმს“ სანდო წყარომ აცნობა, დოდო ცქვიტაიამ ბავშვები მხოლოდ იმისთვის დასაჯა, რომ ისინი ბოლო პერიოდში გაკვეთილებს არ ესწრებოდნენ. წყაროს ინფორმაციით, აღნიშნულ სკოლაში დღეს საგამოცდო პროცესიც ხმაურის ფონზე მიმდინარეობდა. ასევე, ცნობილია, რომ დოდო ცქვიტაია დაახლოებით 25 წელია აღნიშნული სკოლის დირექტორია და მისი მხრიდან ეს შემთხვევა პირველი არ ყოფილა. როგორც ირკვევა, მსგავსი ფაქტი რამდენიმე წლის წინაც დაფიქსირებულა, თუმცა მაშინდელი მიზეზი უფრო მძმე და გაურკვეველია. ცქვიტაიამ 15 წლის წინ დამამთავრებელი კლასის მოსწავლეებს ის შეკითხვა არ აპატია, რომელიც ე.წ მოსაკრებელს ეხებოდა. ბავშვების ინტერესი კი დირექტორის მიერ ყოველთვიურად თითოეული ბავშვიდან აღებულ თითო ლარს ეხებოდა, რომელიც თითქოს სკოლის რემონტს ხმარდებოდა.  ... ...
  • მკვლელობა ხორავას ქუჩაზე _ პროკურატურა განცხადებას ავრცელებსხორავას ქუჩაზე არასრულწლოვნების მკვლელობის საქმესთან დაკავშირებით საქართველოს მთავარი პროკურატურა განცხადებას ავრცელებს. "გურია ნიუსი" განცხადებას უცვლელად გთავაზობთ. "მაღალი საზოგადოებრივი ინტერესის გათვალისწინებით გვინდა განვმარტოთ, რომ 2017 წლის პირველ დეკემბერს ხორავას ქუჩაზე მომხდარი მკვლელობის ირგვლივ ერთ-ერთი ტელეკომპანიის ეთერში ნაჩვენები  კადრები, რომელიც თითქოსდა ტელევიზიის მიერ  ექსკლუზიურად იყო მოპოვებული, წარმოადგენს სისხლის სამართლის საქმეზე გამოძიების მიერ მოპოვებულ მტკიცებულებას, რომელიც გაცვლილია დაცვის მხარისთვის და წარდგენილია სასამართლოში. რაც შეეხება სიუჟეტში ნახსენებ ფაქტს, რომ 2017 წლის პირველ დეკემბერს მირზა სუბელიანი პეკინის ქუჩაზე იმყოფებოდა, აღნიშნული გარემოება გამოძიებისთვის სიახლეს არ წარმოადგენს. საქმეზე ჩატარებული გამოძიებით დადგენილია, რომ ხსენებულ მისამართზე მირზა სუბელიანის მისვლის მიზანს არსებულ ვითარებაში გარკვევა, არასრულწლოვანი  შვილის ნახვა და სამართალდამცავებთან თანამშრომლობა წარმოადგენდა.  მან იმავე დღეს მისი არასრულწლოვანი შვილი პოლიციაში წარადგინა და როგორც კანონიერი წარმომადგენელი საგამოძიებო მოქმედებას - დაკითხვას დაესწრო. ის ასევე თავის ნათესავებს პოლიციასთან თანამშრომლობისკენ მოუწოდებდა, რაც დადასტურებულია როგორც გამოძიების ეტაპზე მოპოვებული მტკიცებულებებით, ასევე სასამართლო სხდომაზე დაკითხული მოწმეების ჩვენებებით. აღსანიშნავია, რომ დანაშაულის დაფარვის ფაქტზე მიმდინარე სისხლის სამართლის საქმეზე ჩატარდა არაერთი საგამოძიებო და საპროცესო მოქმედება: გამოიკითხა ათეულობით მოწმე, დათვალიერებულ იქნა შემთხვევის ადგილი, საიდანაც ამოღებული იქნა მნიშვნელოვანი ნივთიერი მტკიცებულებები, მათ შორის დანაშაულის ჩადენის იარაღები - ორი დანა  და სისხლიანი ტანსაცმელი. ასევე ჩატარებულია საგამოძიებო ექსპერიმენტები. საქმეზე მოპოვებული მტკიცებულებების საფუძველზე სისხლის სამართლის პასუხისგებაში მიცემულ იქნა 5 პირი. ზ.წ.-ს, თ.კ.-ს, და გ.შ.-ს მიმართ აღკვეთის ღონისძიების სახით გამოყენებულია პატიმრობა,  ლ.კ.-ს შეფარდებული აქვს  გირაო, ხოლო არასრულწლოვანი  მ.კ. იმყოფება მშობლის მეთვალყურეობის ქვეშ. ამჟამად თბილისის საქალაქო სასამართლოში მიმდინარეობს საქმის არსებითად განხილვა.  ცალსახად შეგვიძლია განვაცხადოთ, რომ გამოძიება ობიექტურად და კანონის მოთხოვნის სრული დაცვით მიმდინარეობდა. სამწუხაროა, რომ ზოგიერთი პოლიტიკური პარტიის წარმომადგენელი ცდილობს საქართველოს პროკურატურის დისკრედიტაციას,  საზოგადოების შეცდომაში შეყვანას და სისხლის სამართლის საქმის  პოლიტიკური მიზნებისთვის გამოყენებას, რაც ცალსახად დაუშვებელია. აქვე განვმარტავთ, რომ მირზა სუბელიანი აღარ არის საქართველოს პროკურატურის თანამშრომელი. ხორავას ქუჩაზე მომხდარი მკვლელობის შემდეგ, რამდენიმე დღეში პროკურატურიდან დათხოვნის თაობაზე  მან განცხადებით მიმართა საქართველოს მთავარ პროკურორს, რომელმაც  დააკმაყოფილა მისი განცხადება", _ აღნიშნულია ... ...
  • „გაძევებას“ სჯობს „დარბაზის დატოვება“ _ოზურგეთის საკრებულო ეთიკის კოდექსს განიხილავს დღეს,  ოზურგეთის დემოკრატიული ჩართულობის ცენტრში, ოზურგეთის მუნიციპალიტეტის საკრეულოს ეთიკის  კოდექსის პროექტის განხილვა დაიწყო. დეპუტატების, არასამთავრობო ორგანიზაციების და მასმედიის წარმომადგენელთა წინაშე მისასალმებელი სიტყვით წარდგა NDI-ის თვითმმართველობის პროგრამის რეგიონული კოორდინატორი, ირინე ურუშაძე. მან თქვა, რომ ოზურგეთის საკრებულო ამ კუთხით არის ახალი პარტნიორი, რაც სასიხარულოა და და ეხმარებიან საკითხის ორგანიზებაში. საკრებულოს თავმჯდომარემ,  დავით დარჩიამ განაცხადა, რომ ეთიკის კოდექსის განხილვა სასიამოვნო ფაქტია: _  კოდექსის შექმნის ინიციატორი ფარაქცია „ქართული ოცნების“ თავმჯდომარის მოადგილე მარიკა ჩხიკვიშვილია, რაც ძალიან სასიამოვნო ფაქტია. ეს იქნება უმნიშვნელოვანესი დოკუმენტი. ჩვენ ხალხის არჩეული ადამიანები ვართ და  ეთიკის კოდექსის პატივისცემა გვმართებს, _თქვა მან. დეპუტატმა მარი ჩხიკვიშვილმა  ხაზი გაუსვა პროექტის განხილვაში ოპოზიციური პარტიების მონაწილეობას და განმარტა, რომ უმნიშვნელოვანესია მათი ჩართულობა, რადგან ისეთი ვარიანტის მიღება უფრო უპრიანია, რომელიც ყველას მიერ კარგად იქნება მიჩნეული. საკრებულოს თავმჯდომარის მოადგილემ გიორგი ღურჯუმელიძემ გამოთქვა  საკუთარი მოსაზრება იმ კუთხით, რომ დეპუტატი შეურაცხყოფას არ უნდა აყენებდეს ვინმეს, არ უნდა არღვევდეს წესრიგს. პროექტის  განხილვისას უმთავრესი კითხვა რაც დაისვა, იყო ის,  თუ  რას ავალდებულებს კოდექსი დეპუტატს და როგორ უნდა შესრულდეს ის. ბევრი ისაუბრეს რეგლამენტში არსებულ სიტყვაზე,  „გაძევება“, რომლის ჩანაცვლება ამჯობინეს  სიტყვებით _  „დარბაზის დატოვება“. _ „გაძევება“ მართლაც არ არის სასიამოვნო მოსასმენი. აქ რაც წერია მედიასექტორთან თანამშრომლობის კუთხით, თუ ეს მოხდება, მარტო ამისთვის ღირს ამ კოდექსის მიღება, _  თქვა არასამთავრობო ორგანიზაცია: „ახლგაზრდული რესურსცენტრის“ ხელმძღვანელმა, ოთარ რევიშვილმა. ოთარ რევიშვილმა, ასევე, განაცხადა, რომ, როცა დეპუტატის მიერ დარბაზის დატოვების  საკითხი დაისმება, იქ არ იქნება მშვიდი სიტუაცია. მთავარია, გამოხატვის უფლება არ დაირღვეს. ეთიკის კოდექსის პროექტის გარშემო,  არაერთი მოსაზრება გამოთქვეს არასამთავრობო ორგანიზაციების წარმომადგენლებმა, დეპუტატებმა.  იყო სადავო და საკამათო კითხვები და  მოსაზრებები. ყოველივე ამის გამო, მონაწილეთა გადაწყვეტილებით, შეიქმნა სამუშაო ჯგუფი, რომელშიც მონაწილეობას  მიიღებენ არასამთავრობო ორგანიზაციების  და  ფრაქციის წარმომადგენლები და შეიმუშავებენ კონკრეტულ წინადადებებსა და რეკომენდაციებს.  შემდეგ კი, უახლოეს დღეებში, შედგება სამუშაო ჯგუფის ... ...
  • „ვხედავთ ურთიერთობების კიდევ უფრო განმტკიცების დიდ პოტენციალს“_ კვირიკაშვილი აშშ-ს სტუმრობსსაქართველოს პრემიერ-მინისტრის გიორგი კვირიკაშვილი ამერიკის შეერთებულ შტატებში იმყოფება და სამუშაო ვიზიტის ფარგლებში აშშ-ის სახელმწიფო მდივანს,  მაიკ პომპეოს შეხვდა. კვირიკაშვილმა პომპეოს თანამდებობაზე დანიშვნა მიულოცა და აღნიშნა: „დარწმუნებული ვარ, თქვენი მიზანდასახულობა და ენთუზიაზმი კიდევ უფრო განამტკიცებს მსოფლიოში აშშ-ის მტკიცე ლიდერობას და კიდევ უფრო გააღრმავებს აშშ-ს და საქართველოს მჭიდრო პარტნიორობას“. საქართველოს პრემიერისა და ამერიკის შეერთებული შტატების სახელმწიფო მდივნის საუბრის ძირითადი თემები აშშ-საქართველოს სტრატეგიული პარტნიორობის დღის წესრიგით გათვალისწინებული საკითხები და ორმხრივი კავშირების განვითარების პოზიტიური დინამიკა, ასევე, საქართველოს ევროატლანტიკური ინტეგრაციის პროცესი და ქვეყნის ტერიტორიულ მთლიანობასთან დაკავშირებული გამოწვევები იყო. „რამდენიმე დღეში ჩვენ აღვნიშნავთ საქართველოს პირველი დემოკრატიული რესპუბლიკის დაარსების მე-100 წლისთავს. ჩვენ დიდი გზა გამოვიარეთ, რათა გავმხდარიყავით ამერიკის შეერთებული შტატების ღირსეული პარტნიორი და ძლიერი მოკავშირე. პრეზიდენტ ტრამპის ხელმძღვანელობით პარტნიორობა ჩვენს სახელმწიფოებს შორის მნიშვნელოვნად გაძლიერდა. მომავალში ჩვენ ვხედავთ ჩვენი ურთიერთობების კიდევ უფრო განმტკიცების დიდ პოტენციალს ორივე ქვეყნის სტრატეგიული ინტერესების გათვალისწინებით და დღევანდელი სესია იძლევა შესანიშნავ შესაძლებლობას, არა მხოლოდ განვიხილოთ მიღწეული პროგრესი, არამედ დავსახოთ ჩვენი კავშირების გაღრმავების პრიორიტეტები. აშშ-ის უწყვეტი მხარდაჭერის წყალობით საქართველოში განხორციელდა დემოკრატიის კონსოლიდაცია, გაძლიერდა სახელისუფლებო ინსტიტუტები და შეიქმნა მეტი შესაძლებლობა არა მხოლოდ საქართველოს, არამედ მთელი რეგიონის ეკონომიკური განვითარებისთვის. ჩვენ ვამაყობთ, რომ ვართ მსოფლიოს ლიდერი რეფორმატორი ქვეყნების სიაში და ამერიკის შეერთებულ შტატებსაც შეუძლია, იამაყოს ამ წარმატებაში შეტანილი წვლილით. საქართველო დიდად აფასებს აშშ-ის მხრიდან ჩვენი ტერიტორიული მთლიანობისა და სუვერენიტეტის ურყევ და უპირობო მხარდაჭერას. აშშ-ის მხარდაჭერას რუსეთის ფედერაციასთან კონფლიქტის მშვიდობიანი გზით მოგვარებისა საქართველოს ტერიტორიების - აფხაზეთისა და ცხინვალის რეგიონების დეოკუპაციის პროცესში უდიდესი მნიშვნელობა აქვს საქართველოსთვის და რეგიონში სტაბილურობისთვის. ჩვენს სახელმწიფოებს აქვთ მთელს მსოფლიოში მშვიდობისა და სტაბილურობის შენარჩუნების საერთო მიზნები. ჩვენ ერთად, მხარდამხარ ვაგრძელებთ ბრძოლას ტერორიზმის წინააღდეგ ავღანეთში, სადაც ორივე ქვეყანამ მნიშვნელოვანი დანაკარგები განიცადა. თავდაცვის სფეროში ჩვენი ორმხრივი და მრავალმხრივი თანამშრომლობა დიდ დახმარებას უწევს საქართველოს შეიარაღებული ძალების მოდერნიზაციასა და თავდაცვისუნარიანობის განმტკიცებაში. რამდენიმე დღის წინ აშშ-ის ევროპული სარდლობის მეთაური გენერალი სკაპაროტი იმყოფებოდა საქართველოში და გახსნა საქართველოს თავდაცვის მზადყოფნის ისტორიული პროგრამა და ტრენინგის ინიციატივა, რაც წარმოადგენს ჩვენს ქვეყნებს შორის პარტნიორობაში ახალი ეპოქის დაწყებას, რომელსაც წვლილი შეაქვს შავი ზღვის რეგიონში უსაფრთხოების განმტკიცებაში და, შესაბამისად, ზოგადად ევროპაში უსაფრთხოების, სტაბილურობის საქმეში. ამ ეტაპზე ჩვენ უკვე მზად ვართ, მივაღწიოთ კიდევ უფრო შთამბეჭდავ პროგრესს უსაფრთხოების სფეროში ჩვენს ორმხრივ და მრავალმხრივ თანამშრომლობაში. ჩვენ მივაღწიეთ მნიშვნელოვან პროგრესს ნატოსთან ურთიერთქმედების განმტკიცების მხრივ. ჩვენი სტატისტიკა უკვე აღემატება მთლიანი შიდა პროდუქტიდან თავდაცვის ბიუჯეტზე გამოყოფილი სახსრების ნატოს სტანდარტს - 2 პროცენტს, სამხედრო ტექნიკაზე გამოყოფილი 20 პროცენტის ჩათვლით. ჩვენ მოხარული ვართ, რომ გვეძლევა შესაძლებლობა, შევიძინოთ აშშ-ის სამხედრო თავდაცვითი აღჭურვილობა. აშშ მნიშვნელოვან როლს ასრულებს ჩვენი ევროატლანტიკური ინტეგრაციის პროცესში. წელს, ბრიუსელის ნატოს სამიტის მოახლოებასთან ერთად, ჩვენ მოველით, რომ სათანადოდ აისახება ჩვენი უმნიშვნელოვანესი პროგრესი ნატოს წევრობისკენ მიმავალ გზაზე. საქართველოს გაწევრიანება ნატოში კიდევ უფრო განამტკიცებს ევრო-ატლანტიკურ უსაფრთხოებას. მინდა, მადლობა გადაგიხადოთ, მდივანო პომპეო, საქართველოს ნატოს წევრობასთან დაკავშირებით გამოთქმული თქვენი მხარდამჭერი სიტყვებისთვის. ეკონომიკური ტრანსფორმაცია და განათლება ასევე ის სფეროებია, რომლებშიც ჩვენ გვაქვს აშშ-ის მნიშვნელოვანი მხარდაჭერა. აშშ-ის დახმარებით, საქართველო იქცა მსოფლიოში ინვესტირებისა და ბიზნესის წარმოებისთვის ერთ-ერთ ყველაზე ხელსაყრელ ქვეყნად. დღეს, როდესაც ჩვენ გადავდივართ ჩვენი ურთიერთობების ახალ ეტაპზე, ჩვენ ვხედავთ ორმხრივი კავშირების გაღრმავების მნიშვნელოვან პოტენციალს. აშშ-ის კერძო ინვესტიციები ისეთ პროექტებში, როგორიცაა ანაკლიის ღრმაწყლოვანი პორტი, კიდევ უფრო განამტკიცებს ამერიკის სტრატეგიულ ეკონომიკურ ინტერესებს რეგიონში. როგორც ევრაზიის კარიბჭე, რომელსაც აქვს უმნიშვნელოვანესი და უნიკალური თავისუფალი ვაჭრობის შეთანხმებების ქსელი ევროკავშირიდან ჩინეთამდე, რასაც ემატება აშშ-ის თავისუფალი ვაჭრობის შეთანხმებათა ქსელი, საქართველო წარმოადგენს იდეალურ ბაზას, საიდანაც ამერიკული ბიზნესი დაიმკვიდრებს ადგილს მთლიანად რეგიონში. საქართველო არის მსოფლიოში იმ რამდენიმე ქვეყანას შორის, რომლებსაც აქვთ აუცილებელი ინსტიტუტები, სტრატეგია და ბიზნეს გარემო ამერიკის შეერთებულ შტატებთან ყოვლისმომცველი და სამართლიანი სავაჭრო შეთანხმებისთვის. ჩვენს ქვეყნებს შორის თავისუფალი ვაჭრობის შეთანხმების არსებობის შემთხვევაში, როგორც ამას „პრაისვოთერჰაუსკუპერსის“ (PricewaterhouseCoopers) უახლესი კვლევა ცხადყოფს, 5 წლის განმავლობაში ამერიკული პროდუქციის ექსპორტი შეიძლება გაიზარდოს 360%-ით, რის შედეგადაც აშშ-ში შეიქმნება ახალი სამუშაო ადგილები. ბატონო მდივანო, სამომავლო თანამშრომლობის პოტენციალი ორივე ქვეყნისთვის უდიდესია და მე იმედით შევყურებ თქვენთან თანამშრომლობას ყველა მიმართულებით, რომლებიც შედის ამერიკელი და ქართველი ხალხის ინტერესებში“,_განაცხადა კვირიკაშვილმა და აშშ-ს სახელმწიფო მდივნის საქართველოში ხილვის სურვილი გამოთქვა.       ... ...
  • ,,ნარკომომხმარებელი საჯარო სექტორში არ უნდა დასაქმდეს“ _ ნარკოპოლიტიკის სამპუნქტიანი გეგმაფრაქცია  „ქართული ოცნება - რეგიონების განვითარებისთვის“ თავმჯდომარე  კახაბერ ოქრიაშვილი  ,,გურია ნიუსთან“  იმ სამპუნქტიან გეგმაზე საუბრობს, რომელიც ნარკოპოლიტიკასთან დაკავშირებით შეიმუშავა. როგორც ოქრიაშვილი ჩვენთან საუბრისას აცხადებს, ყოფილ ან ამჟამინდელ ნარკომომხმარებელს საჯარო სექტორში დასაქმების უფლება არ უნდა ჰქონდეს. ამასთან, ოქრიაშვილის თქმით, ჯანდაცვის სამინისტროს დაქვემდებარებაში აუცილებლად უნდა შეიქმნას სამედიცინო დაწესებულება, სადაც ნარკომომხმარებელს საშუალება ექნება,ხ გარკვეული დოზის ნარკოტიკი მოიხმაროს. ოქრიაშვილის თქმით, მესამე პუნქტი ნარკორეალიზატორებთან ბრძოლას გულისხმობს. ,,ქართული ოცნების“  წარმომადგენელი ნარკოპოლიტიკის სამპუნქტიან გეგმას ხვალ, უმრავლესობის ფორმატში დაგეგმილ შეხვედრაზე წარადგენს. ,,ნარკოპოლიტიკასთან დაკავშირებით სამი პრინციპული პუნქტი ჩამომიყალიბდა. პირველი, უნდა გამკაცრდეს ბრძოლა ნარკორეალიზაციასთან, ნარკოტიკის ხელმისაწვდომობა შავ ბაზარზე ნულამდე უნდა იყოს დაყვანილი. მეორე პუნქტი არის ის, რომ ნარკომანის, როგორც პრობლემის სრული ლეგალიზაცია  მოხდეს, ნარკომანიის და არა ნარკოტიკებით ვაჭრობის, კერძოდ, ყველა ნარკოდამოკიდებული უნდა იყოს აღრიცხული ჯანდაცვის სამინისტროს მიერ სპეციალურად შექმნილ სტრუქტურებში, რათა ყველა ნარკომომხმარებელმა  უფასოდ მიიღოს ის ნივთიერება, რომელზეც დამოკიდებულია. მოგეხსენებათ, ამჟამად მეტადონის პროგრამა არსებობს, სადაც, დაახლოებით, 7 000 კაცია დარეგისტრირებული . ეს ადამიანები ყოველდღიურად მიდიან ნარკოლოგიური პროფილის სამედიცინო დაწესებულებაში, სადაც  სიროფს იღებენ, რომელიც არ ათრობს, მაგრამ ნარკოტიკის მიერ გამოწვეულ სინდრომს ხსნის. მესამე პრინციპია ის, რომ ნარკომომხმარებელს არ უნდა ჰქონდეს საშუალება, დასაქმდეს საჯარო სექტორში, ასევე, კერძო სექტორს უნდა გააჩნდეს ინფორმაცია იმის შესახებ, ვინ იყო ან არის ნარკოდამოკიდებული. ჩემს ხედვებს კოლეგებს ხვალინდელ შეხვედრაზე გავაცნობ“, _ გვითხრა ოქრიაშვილმა. ცნობისთვის, ხვალ უმრავლესობის ფორმატში დაგეგმილ შეხვედრაზე ნარკოპოლიტიკის კანონზე იმსჯელებენ. გავრცელებული ინფორმაციის მიხედვით, სხდომას პარტია „ქართული ოცნება-დემოკრატიულ საქართველოს“ თავმჯდომარე ბიძინა ივანიშვილი ... ...

არქივი

ზაფრანი

მსოფლიოში ყველაზე პატარა ირემი

აზიური ირმები - ძუძუმწოვარ ჩლიქოსანთა...

რას ვერ იტანენ მამაკაცები ზოდიაქოს ნიშნის მიხედვით

ვერძი _ მამაკაცი ვერძი გარეგნულად...

სმარტფონები ახლომხედველობას იწვევს

კვლევამ აჩვენა, რომ ადამიანს ტელეფონი...

საინტერესო ფაქტები შინაური ცხოველების შესახებ

ძველ ეგვიპტეში ცხოველების თაყვანისცემა ცხოვრების...

ქალის ფიგურის ექვსი ტიპი

ცოტა ხნის წინ ამერიკელებმა თავიანთი...

უიღბლო ადამიანების საერთო მახასიათებლები

სრულყოფილებისაკენ სწრაფვა თითქოს ამაში ცუდი...
კარმიდამო ჩემი

მარტო კაცის დიდი მეურნეობის სავიზიტო ბარათი იხვისა და ბატის ფერმაა

ლანჩხუთის მუნიციპალიტეტის სოფელ სუფსის მკვიდრი...

ევკალიპტი _"ტყეების ალმასი" და მისი ისტორია საქართველოში

ევკალიპტის კულტურას საქართველოში საუკუნეზე ცოტა...

როგორ გადავრგოთ და გავახაროთ ჟოლო

კენკროვანი კულტურები დღეს განსაკუთრებული პოპულარობით...

როგორ გამოვხადოთ თაფლის არაყი

საქართველოში მეფუტკრეობის განვითარების მრავალსაუკუნოვან გზაზე...

მაისში განსაკუთრებით ვიზრუნოთ შეწამვლით სამუშაოებზე

აპრილის ბოლოს, მაისის დასაწყისში, თვის...

როგორ ავიმაღლოთ იმუნიტეტი

იმუნიტეტი ეს არის ორგანიზმის დამცველობითი...

ბროკოლი გულს დაავადებებისგან იცავს

ორთქლზე მომზადებული კომბოსტო ბროკოლი გულის...

ეთნოგრაფიული ნივთების კოლექციონერის მიზნები და გულისტკივილი

დღეს საქართველოში მრავალი ეთნოგრაფიული მუზეუმი...

როდის დავთესოთ და როგორ მოვუაროთ ბოსტნეულს ღია გრუნტში

მარტის ბოლოს და აპრილის დასაწყისში...

შინაური პირუტყვის პროფილაქტიკა საგაზაფხულოდ

გამოზამთრებულ შინაურ პირუტყვს, მსხვილფეხა თუ...

თხილის პირველი საგაზაფხულო წამლობის პრინციპი

ვაგრძელებთ რჩევების მიცემას იმ ადამიანებისთვის...