"გუბერნატორი კი ვარ, მაგრამ..." _ შეიძლება თუ არა გამგეობაში ყვავილებით შესვლა

gurianews.com

საზოგადოება

"გუბერნატორი კი ვარ, მაგრამ..." _ შეიძლება თუ არა გამგეობაში ყვავილებით შესვლა

2017 მაი 19 19:44:51

გასულ ხუთშაბათს, ოზურგეთის მუნიციპალიტეტის საკრებულოს სხდომას, სადაც მუნიციპალიტეტების გაერთიანების საკითხს განიხილავდნენ, ხმაურის გარეშე არ ჩაუვლია. უფრო მეტიც, ექსპერტს თვითმმართველობის საკითხებში კოკა კიღურაძეს დაცვის პოლიცია ადმინისტრაციულ შენობაში შესვლის საშუალებას არ აძლევდა. კიღურაძესთან ერთად, შენობიდან ძალის გამოყენებით გამოაგდეს საკრებულოს დეპუტატი დავით მჟავანაძეც.

ეს სამარცხვინოდ შეფასებული ინციდენტი მთელმა საქართველომ იხილა, თუმცა, მათ შორის არ ყოფილა გურიის გუბერნატორი გია სალუქვაძე. ყოველ შემთხვევაში, ასე ამბობს თვითონ და "გურია ნიუსთან" საუბრისას ამტკიცებს, რომ კადრებიც კი არ უნახავს _ კადრები, რომელიც თითქმის ერთი ერთში ჰგავდა 2012 წლის მარტში განვითარებული მოვლენების კადრებს, როცა კონტროლოს პალატა გამგეობის შენობაში იმ ადამიანებს დაკითხვას საკმაოდ შეურაცხმყოფელ ფორმებში უტარებდა, რომლებმაც ბიძინა ივანიშვილისთვის მოქალაქეობის მინიჭების მოთხოვნას ხელი მოაწერეს და რომლებიც „ნაციონალური მოძრაობის“ მხარდამჭერებად არ მოიაზრებოდნენ.

მაშინ დაცვის თანამშრომლები, ისევე, როგორც გასულ ხუთშაბათს, ოზურგეთში, ადმინისტრაციული შენობის შესასვლელში იდგნენ და შიგ არავის უშვებდნენ. უფრო მეტიც _ კადრებში დაცვის პოლიციის ის თანამშრომლებიც ჩანდნენ, რომლებიც 2012 წელს ასე მყარად „იცავდნენ“ მოქალაქეებისგან და საჯარო მოხელეებს ოზურგეთსა და ჩოხატაურში.

როგორც გაირკვა, გუბერნატორს არც ეს ახსოვს და ჩვენთან საუბრისას აღნიშნავს, რომ მომხდარზე კომენტარს მას შემდეგ გააკეთებს, რაც დეტალებს გაეცნობა.

_ მე მაგ ინცინდენტს არ შევსწრებივარ და ვერაფერს გეტყვით, _ აღნიშნა სალუქვაძემ.

_ ბატონო გია, კადრებიც არ გინახავთ?

_ მართალი გითხრათ, ვერ მოვიცალე, გუშინ მსოფლიო ბანკის წარმომადგენლები მყავდა სტუმრად და იქნებ, თქვენ თვითონ მითხრათ, რა მოხდა, _ ჩვენგან მოითხოვა მისი ადმინისტრაციის შენობაში მომხდარი ინციდენტის შესახებ ინფორმაციის მოწოდება სალუქვაძემ.

_ შენობაში არ უშვებდნენ ექსპერტს თვითმმართველობის საკითხებში კოკა კიღურაძეს, რომელსაც უნდოდა საკრებულოს სხდომაზე დასწრება. კიღურაძე დაცვის წევრებმა ძალის გამოყენებით გამოაგდეს შენობიდან და 2012 წლის მარტის მოვლენები გაგვახსენეს _ იგივე ადგილი, დაცვის იგივე თანამშრომლები და ანალოგიური ქმედება...

 _ შენობაში არშეშვების უფლება არავის აქვს. მაშინ მიმდინარეობდა საკრებულოს სხდომა და მუნიციპალიტეტების გაერთიანების შესახებ საკითხის საჯარო განხილვა. თუ სხვა დარღვევა არ იყო მათი მხრიდან, არ ვიცი _ დღეს სოციალურ ქსელს რომ გადავხედე, საკრებულოს ერთ-ერთი წევრი ბუკეტით შედიოდა შენობაში.

_ ადმინისტრაციულ შენობაში ყვავილით შესვლა აკრძალულია?

  _ ყვავილით შესვლა აკრძალული არაა, მაგრამ თუ ამას ჰქონდა პროვოკაციული ხასიათი და იქ მსჯელობა სერიოზულ საკითხზე მიდიოდა...

_ ფიქრობთ, რომ არ უნდა შეეშვათ?

_ არ ვიცი, მე თქვენ ამაზე კომენტარს ვერ გაგიკეთებთ. გუშინ ჩოხატაურში მსოფლიო ბანკის წარმომადგენლებთან ერთად გახლდით. თქვენ არ იყავით ამ შეხვედრაზე და ბანკის მისია შემიფასეთ,-მეთქი რომ გითხრათ, ხომ ვერ შემიფასებთ?! _ გვითხრა გუბერნატორმა თუმცა, არ დაუკონკრეტებია, რატომ არ მიიწვია რწმუნებული-გუბერნატორის ადმინისტრაციამ ასეთი მაღალი დონის შეხვედრაზე „გურია ნიუსი“.

 _ ბატონო გია, ახლა ამაზე არ ვსაუბრობთ. თქვენ გუბერნატორი ბრძანდებით და არ ფიქრობთ, რომ, მინიმუმ, ვალდებული ხართ, იცოდეთ, რა ხდება იმ შენობაში, რომელშიც თქვენი კაბინეტია?

_ გუბერნატორი კი ვარ, მაგრამ თვითმმართველობა დამოუკიდებელი სტრუქტურაა.

_ ბატონო გია, ჩვენ შენობის შესასვლელზე ვსაუბრობთ.

_ კიდევ ერთხელ გეუბნებით, რომ გვიან ღამემდე ვიყავი ძალიან დაკავებული, გავეცნობი და მერე შემიძლია გავაკეთო კომენტარი, _ აღნიშნა „გურია ნიუსთან“  საუბრისას გუბერნატორმა.

ჩვენ ამ საკითხის შეფასება ოზურგეთის მაჟორიტარ დეპუტატს, უმრავლესობის ლიდერს, არჩილ თალაკვაძესაც ვთხოვეთ, თუმცა უშედეგოდ _ დაპირების მიუხედავად, თალაკვაძემ კითხვებზე პასუხის გაცემა არ ისურვა.

უნდა ითქვას ისიც, რომ ამ სტატიის ვებგვერდზე გამოქვეყნების შემდეგ, კომენტარი აღარც გია სალუქვაძეს გაუკეთებია. როგორც ჩანს, მხარის პირველმა პირმა კადრების სანახავად „ვერ მიიცალა“ და ვერც ვერავინ ნახა ისეთი, რომელიც ხუთშაბათს განვითარებული მოვლენების შესახებ საქმის კურსში ჩააყენებდა, თუმცა, ამ კადრებმა საქართველოს მთელი მედიასივრცე დაიპყრო. არადა, ეს ინციდენტი იმ შენობის შესასვლელში მოხდა, სადაც გუბერნატორის ადმინისტრაციაა განთავსებული და გია სალუქვაძეს ხშირად უწევს იმ კარით სარგებლობა, რომელიც მოქალაქეებისთვის საგულდაგულოდ ჰქონდათ ჩარაზული ხუთშაბათს _ ზუსტად ისე, როგორც ხუთი წლის წინ კონტროლის პალატას, რასაც რამდენიმე თვეში ხელისუფლების ცვლილება მოჰყვა!


ნახვა: 818


 ახალი ამბები
  • საქართველოს მართლმადიდებელი ეკლესია სულთმოფენობის დღესასწაულს აღნიშნავსდღეს, საქართველოს მართლმადიდებელი ეკლესია სულთმოფენობის დღესასწაულს აღნიშნავს. ამ დღეს ყველა მოქმედ ტაძარში წირვა აღევლინება, მორწმუნეები სულთმოფენობის დღესასწაულს, აღდგომიდან  50-ე დღეს ზეიმობენ. ამ დღეს მაცხოვრის მიერ დაპირებული სულიწმინდა,  ცეცხლის ენების სახით გარდამოვიდა მოციქულებსა და მორწმუნეებზე, თითოეული მათგანი კი სულიწმინდის მადლით აღავსო. „გარდამოხდა ზეცით ნუგეშინისმცემელი იგი, ზღუდე სიმტკიცისაი და წმიდა-მყოფელი ეკლესიათაი, და მოღვაწეი იგი სულთაი, შემწეი იგი სულთაი, შემწეი ჭირვეულთაი, განმანათლებელი შეცდომილთაი, გვირგვინის მომცემელი იგი მოღვაწეთაი“... სადღესასწაულო მსახურებას საქართველოს კათოლიკოს პატრიარქი ილია მეორე სამების საკათედრო ტაძარში ... ...
  • გიორგი კვირიკაშვილი: მინდა მადლობა გადავუხადო კახა კახიშვილს შესრულებული სამუშაოსთვის (R)„საქართველო შეირჩა როგორც ქვეყანა, რომელმაც კონკრეტულ, მნიშვნელოვან შედეგებს მიაღწია ადამიანის უფლებათა განმტკიცების პროცესში და ამ მიმართულებით, განაგრძობს ძალისხმევას. აღსანიშნავია, რომ საქართველო რეგიონში იქნება ერთადერთი სახელმწიფო, რომელიც ევროკავშირის ამ ინიციატივაში მიიღებს მონაწილეობას. ევროკავშირის სპეციალურმა წარმომადგენელმა რეკომენდაციის სახით თავად გამოყო ის სფეროები, რომელთა გატანაც, მისი მოსაზრებით, შესაძლებელია „ექსპორტზე“, მათ შორის ერთ- ერთი არის პენიტენციურ დაწესებულებებში გატარებული რეფორმები და წამებისა და სხვა არასათანადო მოპყრობის აღმოფხვრა.“- ამის შესახებ საქართველოს პრემიერ- მინისტრმა გიორგი კვირიკაშვილმა მთავრობის სხდომაზე განაცხადა.  პრემიერ მინისტრმა სასჯელაღსრულებისა და პრობაციის მინისტრს კახა კახიშვილს პენიტენციურ სფეროში გაწეული სამუშაოთვის და რეფორმების აღიარებისთვის მადლობა გადაუხადა. „მინდა მადლობა გადავუხადო კახა კახიშვილს შესრულებული სამუშაოსთვის, მის მიერ ჩატარებული რეფორმების აღიარებისთვის. ამ ინიციატივაში საქართველოს მიწვევა არის ძალიან მნიშვნელოვანი მოვლენა ჩვენი ქვეყნის ევროპული ინტეგრაციის გზაზე და მნიშვნელოვნად შეუწყობს ხელს ჩვენი ქვეყნის პოზიტიურად წარმოჩენას, პოზიციების განმტკიცებას საერთაშორისო ასპარეზზე. მოხარული ვარ, რომ გვექნება შესაძლებლობა სხვა ქვეყნებს გავუზიაროთ ჩვენს მიერ გატარებული რეფორმების პოზიტიური მაგალითები“.- განაცხადა პრემიერმა. გიორგი კვირიკაშვილმა აღნიშნა, რომ სულ ცოტა ხნის წინ შედგა საქართველოში ევროკავშირის სპეციალური წარმომადგენლის ვიზიტი, რომელიც კიდევ ერთი დასტურია -ადამიანის უფლებათა საკითხებში საქართველოს მიერ მიღწეული პროგრესის. „ევროკავშირის სპეციალური წარმომადგენლის სტავროს ლამბრინიდისის მიერ საქართველოში ვიზიტის დროს წარმოდგენილი ინიციატივის - ,,ადამიანის უფლებების დაცვის პოზიტიური მაგალითები“ (Good Human Rights Stories) ფარგლებში, საქართველომ სხვა წარმატებულ 15 ქვეყანასთან ერთად მიიღო წინადადება, მთელს მსოფლიოში, სახელმწიფოებს გაუზიაროს საკუთარი გამოცდილება. - აღნიშნა პრემიერმა. ... ...
  • საჯავახოზე მომხდარ ავარიას მამაკაცის სიცოცხლე ემსხვერპლაცოტა ხნის წინ, ავტოავარია მოხდა ჩოხატაურში, ე.წ. საჯავახოს უღელტეხილზე. როგორც თვითმხილველებმა გვითხრეს, ერთმანეთს ორო ავტომობილი შეეჯახა. შეჯახების შედეგად ჩოხატაურელი მამაკაცი, სოფელ შუა ამაღლებაში მცხოვრები ნ.კ. ემსხვერპლა. მომხდარზე უკვე დაწყებულია ... ...
  • ავარიის გამო წეროვანთან რამდენიმე კილომეტრიანი საცობიაამ წუთებში მოძრაობა შეჩერებულოა ავტობანზე. წეროვნთან მომხდარი ავარიის გამო გზაზე რამდენიმეკილომეტრიანი საცობია. როგორც "გურია ნიუსს" თვითმხილველებმა უთხრეს, მსუბუქი ავტომობილი სამარშუტო მიკროავტობუსს დაეჯახა, რის შემდეგაც მსუბუქი მიკროავტობუსი, რომელშიც მგზავრები ისხდნენ, საპირისპირო გზაზე მომავალ სატვირთოს დაეჯახა. შემთხვევას მსხვერპლი არ მოჰყოლია. ადგილზე ამ წუთებში საპატრულო პოლიციის ეკიპაჟაჟებია ... ...
  • „ერეკლე მეფის ჩამოყვანილი ივანოვი ვარ და საქართველოზე ვმღერი“ _ოზურგეთული ზეიმის წინა ქრონიკადღეს, დილაადრიან, ოზურგეთში, საქართველოს დამოუკიდებლობის 100 წლის იუბილესთან დაკავშირებული ზეიმის დაწყებამდე,  ქალაქის  ერთ-ერთ ცენტრალურ   ადგილას, ღია ცის ქვეშ,  ორი   მამაკაცის  კარგად შეწყობილი  სიმღერა _ „ქართველო,  ხელი ხმალს იკარ“ _ ისმოდა. როცა მივუახლოვდი, ერთმა სასწრაფოდ შეწყვიტა სიმღერა: „უკვე სურათი გადაგვიღე? ასკანელი კაცი ვარ, მზიანში ვცხოვრობ, ივანოვი ვარ გვარად. აბა, ივანიშვილობა ღმერთმა დამიფაროს.  იცი, როდიდან ვარ საქართველოში? ერეკლე მეფემ რომ თათრების წინააღმდეგ  საბრძოლველად გამოგვიძახა.  მე ქართველი ვარ, სიმღერას სახალხო ლოტბარი ჯემალ ჭელიძე მასწავლიდა. ვიმღერებ კიდევ ცოტა ხანს, მერე კი წავალ და ხვალიდან ასკანაში შრომას შევუდგები. აბა, რავა გგონია... ჰარალალე,   ,,თოფი ვერაფერს დამაკლებს, თუ ხელში ხმალი მიჭირავს“... „ ჰე, ჩემო ლამაზო სამშობლო, შენ კი გენაცვალე“ _ ასე, საუბარის და სიმღერის მონაცვლეობით, კითხვის დაუსმელად გაგვეცნო  ასკანელი ტარიელ ივანოვი. _ ბატონო ტარიელ, ივანიშვილობა რატომ დაგიფაროთ ღმერთმა? _ რატომ  გეღიმებათ? იმიტომ, რომ პუტინი მეორე  ჰიტლერია. ვერც „ედიკამ“ გააგდო აქიდან, ვერც _ მიშამ და ვერც აი ივანიშვილი უშობა რამეს, ძაან ყველაფერს რომ გვპირდებოდა.   ვინც საქართველოს  დამოუკიდებლობას ებრძვის, არავინ მიყვარს.  მე მიყვარს მეფე ერეკლე და საქართველო... აგერ, ჩემ წინ რომ კაცი ზის, თემურ შათირიშვილი, ჩემზე უკეთ თუ არა, ნაკლებად არ მღერის. ჩვენ ასე აღვნიშნეთ ამ დილით ჩვენი საქართველოს დამოუკიდებლობის  100 წლის იუბილე. გაუმარჯოს ჩვენს ქვეყანას, _ გვითხრა ტარიელ ივანოვმა და კვლავ გააგრძელა ... ...

არქივი

ზაფრანი

აღმოჩენა, რომელმაც, შესაძლოა, შეცვალოს მსოფლიო ისტორია

დინოზავრის სახეობამ, რომელის ნარჩენებიც ცოტა...

საინტერესო ფაქტები ცაციების შესახებ

1) მსოფლიოს მოსახლეობის 10% ცაციაა....

როგორ შეიქმნა დედამიწა

ამერიკის შეერთებულ შტატებში უახლესი კვლევების...

სამოთხის ფრინველი

სამოთხის ფრინველი – ზღაპრულად ლამაზი...

როგორ მოვიპოვოთ წარმატება

იყავით იმ ადამიანების გარემოცვაში, რომლებიც...

წითელი ხახვი კიბოს წინააღმდეგ

იცით თუ არა, რომ წითელი...
კარმიდამო ჩემი

მარტო კაცის დიდი მეურნეობის სავიზიტო ბარათი იხვისა და ბატის ფერმაა

ლანჩხუთის მუნიციპალიტეტის სოფელ სუფსის მკვიდრი...

ევკალიპტი _"ტყეების ალმასი" და მისი ისტორია საქართველოში

ევკალიპტის კულტურას საქართველოში საუკუნეზე ცოტა...

როგორ გადავრგოთ და გავახაროთ ჟოლო

კენკროვანი კულტურები დღეს განსაკუთრებული პოპულარობით...

როგორ გამოვხადოთ თაფლის არაყი

საქართველოში მეფუტკრეობის განვითარების მრავალსაუკუნოვან გზაზე...

მაისში განსაკუთრებით ვიზრუნოთ შეწამვლით სამუშაოებზე

აპრილის ბოლოს, მაისის დასაწყისში, თვის...

როგორ ავიმაღლოთ იმუნიტეტი

იმუნიტეტი ეს არის ორგანიზმის დამცველობითი...

ბროკოლი გულს დაავადებებისგან იცავს

ორთქლზე მომზადებული კომბოსტო ბროკოლი გულის...

ეთნოგრაფიული ნივთების კოლექციონერის მიზნები და გულისტკივილი

დღეს საქართველოში მრავალი ეთნოგრაფიული მუზეუმი...

როდის დავთესოთ და როგორ მოვუაროთ ბოსტნეულს ღია გრუნტში

მარტის ბოლოს და აპრილის დასაწყისში...

შინაური პირუტყვის პროფილაქტიკა საგაზაფხულოდ

გამოზამთრებულ შინაურ პირუტყვს, მსხვილფეხა თუ...

თხილის პირველი საგაზაფხულო წამლობის პრინციპი

ვაგრძელებთ რჩევების მიცემას იმ ადამიანებისთვის...