იცოდე, ჩაერთე, მოითხოვე! _ თვითმმართველობისა და მოსახლეობის ურთიერთობის ახალი შესაძლებლობები

საზოგადოება

იცოდე, ჩაერთე, მოითხოვე! _ თვითმმართველობისა და მოსახლეობის ურთიერთობის ახალი შესაძლებლობები

2019 თებ 9 16:21:31

ოზურგეთის მუნიციპალიტეტის, სოფელ ლიხაურის მკვიდრი, პედაგოგი და აქტიური მოქალაქე ირმა გორდელაძე ბოლო დროს, ადგილობრივ ხელისუფლებას და დეპუიტატებს,  სოფლის პრობლემების მოგვარების მიზნით, საკრებულოს სხდომაზე ხან პირდაპირი ჩართვის მეშვეობით მიმართავს, ხან კიდევ ელექტრონულ  პეტიციას არეგისტრირებს.

„როდესაც სოფელში ცხოვრობ ადამიანი, შეიძლება არ გქონდეს დრო ქალაქში ჩახვიდე და დაესწრო საკრებულოს სხდომებს. ამიტომ, ადგილობრივი არასამთავრობო ორგანიზაციები ამის შესაძლებლობას გვაძლევს თანამედროვე ტექნოლოგიებში ჩავერთოთ მოსახლეობა, ჩემთვის ეს მოსახერხებელია.

მე, პირადად, პროექტ “მართე სახლიდან“ ფარგლებში, საკრებულოს სხდომაზე დავაყენე საკითხი _ სოფელში არ იყო საკმარისი ნაგვის ურნები და მინდა გითხრათ, რომ ეს პრობლემა მოგვარდა. რაც შეეხება პეტიციას, აქ უფრო რთულად არის საკითხი და ველოდები კონკრეტულად, როდის გაგვცემენ ოფიციალურ პასუხს“, _  ამბობს ირმა გორდელაძე.

ირმა გორდელაძემ საკრებულოს ბიუროს ერთ-ერთ სხდომაზე პეტიციის შინაარსზე დაწვრილებით ისაუბრა. ხაზი გაუსვა საკითხს, რომლის მოგვარება მისთვის და მისი  თანასოფლელებისთვის მნიშვნელოვანია და შეეცადა, დაერწმუნებინა დეპუტატები, მხარი დაეჭირათ, საკითხის დადებითად გადაწყვეტაში. საკითხი კი, მართლაც მნიშვნელოვანია, არამარტო ერთი კონკრეტული სოფლისთვის.

“აიკრძალოს სოფელ ლიხაურში მდინარე აჭისწყლის აუზში ქვიშა-ხრეშის მოპოვება. სოფელი ლიხაური არის ტურისტული ზონა. ყველას მოგეხსენებათ, რომ აჭის წყლის ხეობა არის უნიკალური, ეს სიმდიდრე უნდა შევუნახოთ ჩვენს მომავალს და ქვეყანას. ტურისტებისთვის ეს ადგილი არის ერთ-ერთი მიმზიდველი, აქედან გამომდინარე, ლიხაურელებს სურთ, ეს სოფელი უფრო განვითარებული და წარმატებული იყოს. დიდია საშიშროება, რომ ის უნიკალურობა, რაც აქვს  ხეობას, დაკარგოს და მოსახლეობას ეს ნამდვილად არ გვინდა. დარწმუნებული ვარ, არც ხელისუფლების წარმომადგენლებს აქვთ ამის სურვილი. მდინარე აჭისწყალი უზრუნველყოფს სოფელ ლიხაურსა და დაბა ანასეულს სასმელი და ტექნიკური წყლით. თუ კი ამ საკითხის მოგვარებაში დაგვეხმარებით, დიდი მადლობელი დაგრჩებით“, _ თქვა ბიუროს სხდომაზე ირმა გორდელაძემ.

პეტიციიით მოსახლეობა აჭის წყლის ხეობის რეკრეაციულ ზონად გამოცხადებას და მდინარიდან ინერტული მასალის გატანის აკრძალვას  ითხოვს.

მოქალაქეთა  ჩართულობის მნიშვნელობა და შესაძლებლობები

2015 წლის 22 ივლისს „ადგილობრივი თვითმმართველობის კოდექსში“  შევიდა ცვლილებები, რომელიც ადგილობრივი თვითმმართველობის გახორციელებაში, მოქალაქეთა მონაწილეობის სხვადასხვა ფორმას შეეხო.  შეტანილი ცვლილებებიდან, გამორჩეული მნიშვნელობა პეტიციის წარდგენის უფლებას ეხება, რაც ადგილობრივი ხელისუფლების საქმიანობაში მოქალაქეთა ჩართულობის ერთ-ერთ უმნიშვნელოვანეს და ქმედით მექანიზმს წარმოადგენს.

“მიგვაჩნია, რომ ქვეყნის განვითარება ძლიერი თვითმმართველობის გარეშე შეუძლებელია. ცენტრალურ ხელისუფლებასთან „უფლებებისთვის ბრძოლაში”, აუცილებელია ადგილობრივი მოსახლეობის გააქტიურება და მათი ჩართვა გადაწყეტილების მიღების პროცესებში“, _ ასე ფიქრობს ინოვაციებისა და სამოქალაქო განვითარების ცენტრი - „პროგრესის სახლის“ პროგრამების მენეჯერი ლევან მჟავანაძე.

ორგანიზაციაში ამბობენ, რომ სამოქალაქო ჩართულობის ახალი მექანიზმების დანერგვის მიზნით, პროექტი მომზადდა, რაც ოზურგეთის მუნიციპალიტეტის საკრებულოში ელექტრონული პეტიციის მექანიზმების დანერგვას გულისხმობს. კერძოდ, საკრებულოს ოფიციალურ ვებ-გვერდზე შესაბამისი ოპციების დამატებასა და ნორმატიულ მხარდაჭერას.

„ფაქტობრივად, ეს იყო ერთგვარი მცდელობა ცენტრალური ხელისუფლების დონეზე არსებული ღია მმართველობის კარგი გამოცდილების გადმოტანისა, ადგილობრივი თვითმმართველობის დონეზე, _ ამბობს, ლევან მჟავანაძე.

 ელექტრონული პეტიციების პორტალი  ichange.gov.ge საქართველოს მთავრობის პროექტია, რომელიც ღია მმართველობის პარტნიორობის (OGP) ფარგლებში, 2017 წლის გაზაფხულიდან მოქმედებს. პორტალის ფუნქციონირება გამყარებულია საქართველოს მთავრობის №245 დადგენილებით. მოცემულ  ეტაპზე აღნიშნულ პორტალზე 80-მდე ელექტრონული პეტიციაა დარეგისტრირებული.  ერთი მნიშვნელოვანი დეტალი, კერძოდ: არც ერთ დარეგისტრირებულ პეტიციას არ მოუგროვებია საჭირო 100 ათასი ხელმოწერა.

„ჩვენი მოსაზრებით, ერთ-ერთი ძირითადი მიზეზი, რის გამოც ვერ გროვდებოდა საჭირო ხმები, პეტიციაზე ელექტრონული ხელმოწერის განთავსების სირთულე იყო. პეტიციაზე ხელმოწერისთვის აუცილებელია სისტემაში რეგისტრაციის გავლა, რაც უბრალო მომხმარებლისთვის, ზოგადად, სირთულეს წარმოადგენს“, _ მიიჩნევს, „პროგრესის სახლის“ პროგრამების მენეჯერი.  ამ ყველაფრის გათვალისწინებით, „პროგრესის სახლის“ მიერ, 2017 წელს მომზადდა პროექტი, რომელიც მხარდაჭერილ იქნა აღმოსავლეთ-დასავლეთის ინსტიტუტის მიერ. ორგანიზაციაში ამბობენ, რომ გათვალისწინებულ იქნა  ichange.gov.ge გამოცდილება, რის შემდეგაც დაიწყეს მზადება ელექტრონული პეტიციის სისტემის დანერგვაზე.

„ელექტრონული პეტიციის სისტემის მოდული მომზადებულ იქნა ჩვენი პარტნიორი ორგანიზაციის „სამოქალაქო კულტურის საერთაშორისო ცენტრმის“  მიერ.   2018 წლის ზაფხულში ოზურგეთის მუნიციპალიტეტის საკრებულოს ვებ. გვერდზე მოვახდინეთ სისტემის ინტეგრირება. უკვე აგვისტოს თვეში პირველი პეტიციაც დარეგისტრირდა.  ამავე პერიოდში ოზურგეთის მუნიციპალიტეტის საკრებულომ 1%-დან 0.5%-მდე შეამცირა ელექტრონული პეტიციის წარსადგენად აუცილებელი ხელწერების რაოდენობა. მოცემული ეტაპისთვის პეტიციის წარსადგენად აუცილებელია ოზურგეთის მუნიციპალიტეტის ტერიტორიაზე რეგისტრირებულ 315 ამომრჩეველის ხელმოწერა,-გვეუბნება, „პროგრესის სახლის“ პროგრამების მენეჯერი ლევან მჟავანაძე.

პროექტის გახორციელების პერიოდში,  მოსახლეობის ინფორმირების მიზნით, სამუშაო  შეხვედრები ეწყობოდა სხვადასხვა სოფელში, რომელზეც ორგანიზაციის წარმომადგენლები,  ოზურგეთის საკრებულოს წევრებთან ერთად პოპულარიზაციას უწევდნენ, როგორც ოზურგეთის ადგილობრივი თვითმმართველობის დონეზე შექმნილი ელექტრონული პეტიციის შესაბამის ვებ-გვერდს, ისე ცენტრალური ხელისუფლების მიერ შექმნილ ichange.gov.ge-ს.

ამ დროისთვის, ოზურგეთის მუნიციპალიტეტის საკრებულოში 8 პეტიციაა შესული. ერთ მათგანზე წარმდგენებს უარი იმ მოტივით ეთქვათ, რომ   მოთხოვნა მოკლებული იყო  პეტიციის წარდგენის სამართლებრივ საფუძველებს და მასში ასახული არა იყო მუნიციპალიტეტის ტერიტორიაზე რეგისტრირებულ ამომრჩეველთა საერთო მნიშვნელობის პრობლემა.

„ერთი პეტიცია უარყოფილ იქნა, რადგანაც  საჭირო რაოდენობის ხელმოწერები ვერ დააგროვა. რაც შეეხება 6 პეტიციას მათი განხილვა გახორცილდა საკრებულოს მიერ. აღსანიშნავია ერთი მნიშვნელოვანი მომენტი _ წარმოდგენილი პეტიციები, ძირითადად, ასახავს საერთო მნიშვნელობის ინფრასტრუქტურულ პრობლემებს, რომელთა გადასაჭრელად ხშირად საბიუჯეტო თანხების მობილიზებაა საჭირო. აღნიშნულის გამო ეს პეტიციები (როგორც მუნიციპალიტეტის ვებგვერდზე პეტიციების რეესტრის განყოფილებაში ჩანს, ასეთი 5 პეტიციაა) გადაგზავნილია მერიაში განსახილველად“, _ ამბობს, ლევან მჟავანაძე.

კანონმდებლობის მიხედვით,  იმ შემთხვევაში, თუ პეტიცია მუნიციპალიტეტის მერს გაეგზავნა,  მას განხილვის ვალდებულება ეკისრება. განხილვის შედეგები კი, საკრებულოს  1 თვის ვადაში უნდა აცნობოს. ვადის გახანგრძლივება, მხოლოდ საკრებულოს ბიუროს თანხმობით ხდება.   საკრებულო უფლებამოსილია, მერს მოსთხოვოს პეტიციის განხილვის შედეგების შესახებ ანგარიშის, ან დამატებითი ინფორმაციის საკრებულოს სხდომაზე პირადად წარდგენა.

მოცემულ ეტაპზე ჩვენ არ გვაქვს ზუსტი სტატისტიკა თუ რამდენი პეტიცია დაკმაყოფილდა. ელექტრონული პეტიციების რეესტრი ასეთ ზუსტ სურათს არ იძლევა.

“მართე სახლიდან“-  ჩაერთე გადაწყვეტილების მიღების პროცესში

რატომ დადგა დღის წესრიგში, პროექტის _ „მართე სახლიდან“ საჭიროება, რამდენად აქტიურები იყვნენ მოქალაქეები და  რა რისკები ახლდა თან მის წარმატებით გახორციელებას? _ ამ კითხვებით “გურია ნიუსმა“ “გურიის ახალგაზრდული რესურსცენტრის“  აღმასრულებელ დირექტორს თამარ ღლონტს მიმართა.

„XXI საუკუნის ტექნოლოგიურმა მიღწევებმა, ახალი შესაძლებლობა მოგვცა _  ინტერნეტის გამოყენებით ჩაგვერთო ადგილობრივი საზოგადოება  გადაწყვეტილებათა მიღების პროცესში. ჩვენი ორგანიზაცია, „გურიის ახალგაზრდული რესურსცენტრის“ ერთ-ერთი მიმართულება, სწორედ ადგილობრივი თვითმმართველობის ანგარიშვალდებულებისა და გამჭვირვალეობის გაზრდაა. სწორედ ამ ორ მხარეს შორის არსებული ბარიერის შემცირებას ისახავდა მიზნად პროექტი _ „მართე სახლიდან“ ინოვაციური ტექნოლოგიების გამოყენებით“.

თამარ ღლონტი, იმ რისკებზე საუბრობს, რომელიც პროექტის გახორციელებას ახლდა თან. მათ შორის გამოყოფს, თვითმმართველობისა და საზოგადოების დაბალი ინტერესს.
„შესაძლოა, ეს რისკი ყოფილიყო, მაგრამ  უნდა აღინიშნოს, რომ თვითმმართველობამ დიდი ინტერესი გამოხატა და აქტიურად ჩაერთო პროექტში.  გარდა რიგითი სხდომებისა, შუქდებოდა რიგგარეშე სხდომებიც“, _ ამბობს, თამარ ღლონტი.

მისივე განცხადებით, ინტერესი არსებობს მოსახლეობის მხრიდანაც, თუმცა, მეტი სამუშოა გასაწევი მათი ჩართულობის გასაზრდელად. 

 „ხალხის ჩართულობა პროექტის განმავლობაში გაცილებით მაღალი იყო. მე ვფიქრობ, მეტი სამუშაოა გასაწევი, რათა მოსახლეობამ უკეთ გაიგოს მონაწილეობის დადებითი მხარეები და კარგად იცნობდნენ ამ მექანიზმს. ვფიქრობ, სოფლად მერის წარმომადგენლებმა და არჩეულმა დეპუტატებმა გარკვეული სამუშაო უნდა გასწიონ ამისათვის“, _ გვეუბნება, თამარ ღლონტი.

რა იყო ახალი ტექნოლოგიების გამოყენებამდე?

ახალი ტექნოლოგიების ეპოქამდე კი ხალხის და ადგილობრივი ხელისუფლების დაახლოებას “საქართველოს დემოკრატიული განვითარების კავშირი“ ცდილობდა. ორგანიზაციის აღმასრულებელი დირექტორი ლევან ხინთიბიძე, ხაზს უსვამს,   მესამე სექტორის ვალდებულებებს.

„სამოქალაქო სექტორი ასრულებს დამაკავშირებელის როლს  მოსახლეობასა და ხელისუფლებას შორის.  ხშირად გვქონია ისეთი პროექტები, რომელმაც ხელი შეუწყო ურთიერთკავშირს მოსახლეობასა და ადგილობრივ ხელისუფლებას შორის. ეს თანამშრომლობა უნდა იყოს, მჭიდრო და   პარტნიორული“, _ დასძენს ლევან ხინთიბიძე.

ხინთიბიძეს ერთ-ერთ  მნიშვნელოვან საკითხად, საკრებულოს დეპუტატების ანგარიშვალდებულება მიაჩნია. მესამე სექტორის წარმომადგენელი ამბობს, რომ დეპუტატები წარმომადგენლობით ორგანოში შესვლით, საკუთარი ამომრჩევლის წინაშე იღებენ ვალდებულებას, ამომრჩევლის მნიშვნელოვანი პრობლემები მოაგვარონ.

მოსახლეობასთან შეხვედრებს ითვალისწინებს საკრებულოს რეგლამენტიც. ლევან ხინთიბიძის თქმით, მოსახლეობის პასიურობის მიზეზი, ხშირ შემთხვევაში, მათი ნაკლებ ინფორმირებულობაა.

“პირველ რიგში, საჭიროა საინფორმაციო კამპანიის სწორად წამართვა. როდესაც სოფლებში დავდიოდი, ხალხს არ ჰქონდა ინფორმაცია საკრებულოს და მისი წევრების შესახებ. მოსახლეობამ არ იცოდა ის, რომ საკრებულოს დეპუტატს თვეში ერთხელ უნდა გაემართა მათან შეხვედრა. პირველი ნაბიჯი სწორედ ამ მიმართულებით გადავდგით, სათემო ჯგუფებისა და ადგილობრივი  მედიის  დახმარებით. კონკრეტული ინფორმაცია მივაწოდეთ ადამიანებს - რომელ სოფელში, როდის იმართებოდა შეხვედრა. თავიდან ეს პროცესი პასიურად  მიმდინარეობდა, ხალხი არ აქტიურობდა. დეპუტატები მეტ-ნაკლებად ჩართულები იყვნენ ვალდებულების შესრულების კუთხით. თუმცა, როდესაც სრული ინფორმირება მოხდა მოსახლეობის, ძალიან გაიზარდა მათი რიცხვი შეხვედრებზე. შესაბამისად გაიზარდა საკრებულოს წევრების პასუხისმგებლობა, ვალდებულების ნაწილში. ეს პროექტი 2011 წელს გვქონდა, რომლის მედია პარტნიორი მედიასახლი “გურია ნიუსი“ იყო“, _ ამბობს, “საქართველოს დემოკრატიული განვითარების კავშირის“ აღმასრულებელი დირექტორი.

მოსახლეობის ჩართულობა და მოლოდინები

ის, რომ ანგარიშვალდებულება და გამჭვირვალობა, ადგილობრივი თვითმმართველობების განვითარების მნიშვნელოვანი კომპონენტებია, საერთაშორისო კვლევებიც ადასტურებს და პრაქტიკაც. მათი გამორიცხვა, რომ ზეგავლენას ახდენს თვითმმართველობის მუშაობაში საზოგადოების მონაწილეობაზე, არც ესაა უცხო. უფრო მეტიც,  ოზურგეთის მუნიციპალიტეტის საკრებულოს აპარატის უფროსი ნანა თავდუმაძე გვეუბნება, რომ   გამჭვირვალობის დაბალი ხარისხი,   საზოგადოების გაუცხოებასა და მოსახლეობაში სკეპტიკური დამოკიდებულებების გაღვივებას  უწყობს ხელს.

„დემოკრატიის ერთ-ერთი უმნიშვნელოვანესი პრინციპი ადგილობრივი თვითმმართველობის მიერ გადაწყვეტილების მიღების პროცესში მოქალაქეთა ჩართულობაა, _ ამიტომ დემოკრატიის ხელშეწყობისათვის უმნიშვნელოვანესია ასეთი პროექტების განხორციელება. გონივრული გადაწყვეტილება იყო საკრებულოს ინიციატივა- "თვითმართველობა განათლებისთვის". ეს გახლდათ ცოდნისა და ცნობიერების ამაღლების კამპანია, რომელმაც მთელი მუნიციპალიტეტი მოიცვა. კამპანია თანამონაწილეობით და პირდაპირი ტრანსლაციით მიმდინარეობდა. მოსახლეობას გავაცანით ჩართულობის ინსტრუმენტები“, _ ამბობს, ნანა თავდუმაძე.

“ელექტრონული პეტიციების პორტალი, ელექტრონული პეტიციის მომართვის შედეგად შეიქმნა. ერთი სიტყვით, გურიის ახალგაზრდული რესურსცენტრის მიერ შემოტანილი ელექტრონული პეტიციის შედეგია, "პროგრესის სახლის მიერ" შექმნილი და საკრებულოს მიერ დანერგილი ახალი პლატფორმა. ამჟამად 8 პეტიციაზე მიმდინარეობს წარმოება. ეს უპრეცედენტოო რაოდენობაა.  საინტერესო გამოცდილება მივიღეთ. წარმოიდგინეთ სამი საზოგადოებრივი ორგანიზაცია: “პროგრესის სახლი“, “გურიის ახალგაზრდული რესურსცენტრი“,“საქართველოს დემოკრატიული განვითარების კავშირის“ და ორი საჯარო უწყება - ოზურგეთის მუნიციპალიტეტი  (მერია და საკრებულო), საქართველოს პარლამენტის ეროვნული ბიბლიოთეკა გაერთიანდა იმისთვის, რომ გააძლიერონ, გააღრმავონ დემოკრატიული პროცესები და ერთად შეასრულონ OGP-ს ვალდებულებები გამჭვირვალობისა და ჩართულობის კუთხით“, _ გვეუბნება, ნანა თავდუმაძე. ის იმედს არ კარგავს, რომ მოსახლეობა უფრო გააქტიურდება, რაშიც პეტიციების დადებითი  შედეგი, მნიშვნელოვან როლს ითამაშებს.




 ახალი ამბები
  • მამუკა ბახტაძე: "ამ საკითხის პოლიტიკურ სპეკულაციებში გადატანა, რა თქმა უნდა, სრული უპასუხისმებლობაა"საქართველოს პრემიერ-მინისტრი მამუკა ბახტაძე ყველას მოუწოდებს, "თიბისი ბანკთან" დაკავშირებით პოლიტიკური სპეკულაციებისგან თავი შეიკავონ. როგორც მთავრობის მეთაურმა ქართველ ჟურნალისტებს მიუნხენში ამთემაზე დასმული კითხვის საპასუხოდ განუცხადა, ეროვნულმა ბანკმა, როგორც მარეგულირებელმა, მიიღო გადაწყვეტილება და თუ ვინმეს ამ საკითხზე პრეტენზიები აქვს, სწორედ შინაარსობრივი არგუმენტები უნდადასახელდეს. "სამწუხაროდ, კიდევ ერთხელ მოვისმინეთ პოლიტიკური სპეკულაციები ამ საკითხთან დაკავშირებით. "თიბისი ბანკი" არის სისტემური მნიშვნელობის, ძლიერი ფინანსური ორგანიზაცია. რა თქმა უნდა, ის, რომ "თიბისიბანკი" წარმოდგენილია ლონდონის საფონდო ბირჟაზე, ჩვენი ეკონომიკის წარმატებაა და ეს ყველას კარგად აქვს გააზრებული. ეროვნულმა ბანკმა, როგორც რეგულატორმა მიიღო გადაწყვეტილება და ბუნებრივია, მე მისშინაარსობრივ შეფასებას ვერ გავაკეთებ, მაგრამ ვიცი ერთი რამ - ეროვნული ბანკი ყოველთვის მოქმედებს ძალიან მაღალი პროფესიული სტანდარტების დაცვით და ეს არის ყველა საერთაშორისო ფინანსური ინსტიტუტისპოზიცია. "თიბისი ბანკი" არის ძლიერი, სისტემური ბანკი და ერთ-ერთი ყველაზე წამყვანი ფინანსური ინსტიტუტი არა მხოლოდ ფინანსური სექტორისთვის, არამედ ზოგადად ჩვენი ეროვნული ეკონომიკისთვის. აქედანგამომდინარე, მსურს, კიდევ ერთხელ მოვუწოდო ყველას, თავი შეიკავონ პოლიტიკური სპეკულაციებისგან. ეს არის ძალიან ჩარჩოში მოქცეული პროფესიული მიდგომებიდან შესაფასებელი სიტუაცია და მას პოლიტიკასთანარანაირი კავშირი არ აქვს. მარეგულირებელმა მიიღო შესაბამისი გადაწყვეტილება და თუ ვინმეს აქვს პრეტენზია ამ საკითხზე, სწორედ შინაარსობრივი არგუმენტები უნდა ისმოდეს და არა პოლიტიკური სპეკულაციები. ეს ნამდვილად არ წაადგება საქმეს", _- განაცხადა პრემიერ-მინისტრმა. მამუკა ბახტაძის შეფასებით, ასევე ძალიან ცუდი სპეკულაციაა აღნიშნული თემის დაკავშირება ანაკლიის პორტის მშენებლობასთან. "მინდა ყველას შევახსენო, რომ სწორედ ჩვენი პოლიტიკური გუნდი გახლავთ ამ უმნიშვნელოვანესი იდეის ინიციატორი და ჩვენ, როგორც მთავრობა, ყველა ფინანსურ ინსტიტუტთან აქტიურად ვსაუბრობთ, რომ რაც შეიძლებადროულად დაიწყოს საერთაშორისო ფინანსური ორგანიზაციებისგან ამ უმნიშვნელოვანესი პროექტის დაფინანსება. ეს არის სტრატეგიული მნიშვნელობის პროექტი ჩვენი ქვეყნისთვის და ამავე დროს რეგიონისთვის. ჩვენშევძელით, რომ ძალიან მნიშვნელოვანი და ინტენსიური მოლაპარაკებების შედეგად ყველა წამყვანმა ფინანსურმა ინსტიტუტმა გაითვალისწინა ანაკლია და მიმდინარეობს მისი დაფინანსების განხილვა. შესაბამისად, ამ საკითხის პოლიტიკურ სპეკულაციებში გადატანა, რა თქმა უნდა, სრული უპასუხისმებლობაა. საქართველოს სჭირდება ღრმაწყლოვანი პორტი და აუცილებლად ექნება ის", - განაცხადა მამუკა ბახტაძემ.   ... ...
  • რა ქონებას ფლობენ ჩოხატაურის მერი და მისი მოადგილეებიჩოხატაურის მუნიციპალიტეტის მერმა, ირაკლი კუჭავამ ქონებრივი დეკლარაცია ბოლოს გასული წლის სექტემბერში შეავსო. დოკუმენტის თანახმად, ირაკლი კუჭავა ფლობს მემკვიდრეობით მიღებულ 400კვ.მ. ფართის საცხოვრებელ სახლს და 2 500 კვ.მ. მიწის ნაკვეთს ჩოხატაურში, აღმაშენებლის #40-ში. მერის საკუთრებაშია, ასევე, მემკვიდრეობით მიღებული 3 000 კვ.მ. მიწის ფართობი დაბა ჩოხატაურში. ირაკლი კუჭავას 2011 წელს შეძენილი აქვს 50 000 კვ.მ. მიწის ფართი ჩოხატაურის მუნიციპალიტეტის სოფელ ბუკნარში. მისი მეუღლე, ელისო სიხარულიძე ფლობს 100 კვ.მ. მიწის ფართს დაბა ბახმაროში, რომელიც 2011 წელს საკუთრების აღიარების ფორმით აქვს მიღებული. დეკლარაციის მიხედვით, ირაკლი კუჭავას, 2015 წელს აღმაშენებლის ქუჩაზე მდებარე 1 200 კვ.მ. მიწის ნაკვეთი საჩუქრად აქვს მიღებული. დეკლარაციაში მჩუქებლის ვინაობა მითითებული არ არის. ჩოხატაურის მერი "გურია ნიუსთან" საუბრისას ამბობს, რომ მიწის ნაკვეთი მეზობელმა აჩუქა: _ ეს ნაკვეთი ჩემი ეზოს მიმდებარე ტერიტორიაზეა. ადრე ჩემი ოჯახის საკუთრება იყო. შემდეგ დოკუმენტებით აღმოჩნდა მეზობლის _ მზია ჟღენტის საკუთრებაში და ამიტომ, ქალბატონმა მზიამ ჩუქების სახით დამიბრუნა, _ აღნიშნა ჩვენთან საუბრისას ირაკლი კუჭავამ. რაც შეეხება ფულად შემოსავლებს _ დეკლარაციის შევსების დროს ირაკლი კუჭავას სახელფასო ანგარიშზე 2 200 ლარი ჰქონდა; ხოლო მის მეუღლეს _ 3 500 ლარი. ამავე დოკუმენტიდან ირკვევა, რომ 2017 წელს ელისო სიხარულიძემ, როგორც შპს"მედალფა ჩოხატაურის" ექიმმა, 31 652 ლარი მიიღო, ხოლო როგორც სოფელ ზოტის უბნის ექიმმა _ 7 800 ლარი. ირაკლი კუჭავას შემოსავალი 2017 წელს 31 170 ლარი იყო. ჩოხატაურის გამგებლის ოჯახს გასულ წელს გასავალიც ჰქონდა _ ელისო სიხარულიძემ "საქართველოს ბანკში" არსებული სამომხმარებლო სესხის საფასური _ 919 ლარი გადაიხადა. კუჭავაზე რამდენიმე თვით ადრე, 2018 წლის გაზაფხულზე აქვს შევსებული ქონებრივი დეკლარაცია მის პირველ მოადგილეს თამაზ ჯინჭარაძეს. დოკუმენტის თანახმად, იგი ფლობს 2014 წელს მემკვიდრეობით მიღებულ 150 კვ.მ. ფართის საცხოვრებელ სახლს და 1 500 კვ.მ მიწის ნაკვეთს ჩოხატაურში, ჯალაღანიას ქუჩაზე. ამავე პერიოდში, ჯინჭარაძეს მემკვიდრეობით აქვს მიღებული 54 კვ.მ არასაცხოვრებელი ფართი და ამდენივე მიწის ნაკვეთი ჩოხატაურში, დუმბაძის #11-ში. ჩოხატაურის მერის პირველი მოადგილე ფლობს 2014 წელს 8 500 დოლარად შეძენილ ავტომანქანას _ TOYOTA 4runner. ჯინჭარაძის საკუთრებაშია, ასევე, ავტომანქანა HONDA CIVIC, რომელიც 2017 წელს 6 000 ლარად არის ნაყიდი. დეკლარაციის შევსების დროს, თამაზ ჯინჭარაძის სახელფასო ანგარიშზე 15 ლარი და 61 თეთრი იყო. ხოლო მისი მეუღლის, საქართველოს წითელი ჯვრის საზოგადოების კატასტროფების მართვის ოფიცრის, ირინა მამალაძის სახელფასო ანგარიშზე 31 ლარი და 55 თეთრი. დეკლარაციის მიხედვით, 2017 წელს თამაზ ჯინჭარაძემ ხელფასის სახით 23 399 ლარი მიიღო, მისმა მეუღლემ კი _ 7 425 ლარი. რაც შეეხება გასავლებს _ თამაზ ჯინჭარაძემ 4 701 ლარი გადაიხადა "ლიბერთი ბანკსა" და "საქართველოს ბანკში" დადებული სასესხო ხელშეკრულებების შესაბამისად; სესხის თანხა _ 3 660 ლარი აქვს გადახდილი მის მეუღლესაც. კიდევ ერთი გასავალი, რაც დეკლარაციაში თამაზ ჯინჭარაძეს უწერია, სარემონტო ხარჯებია _ მერის პირველმა მოადგილემ 2017 წელს რემონტში 6 200 ლარი დახარჯა. რაც შეეხება მერის მეორე მოადგილეს _ მინდია ჟღერიას, მის საკუთრებაშია 24 კვ.მ. ფართის ბინა და ამდენივე არასაცხოვრებელი ფართი ბათუში, ჭავჭავაძის #33-ში, რომელიც მას ჩუქების სახით აქვს მიღებული. მინდია ჟღერიას მეუღლე _ ქეთევან მეფარიშვილი ფლობს ავტომანქანა აუდი A4-ს, რომელიც 2015 წელს 4 500 დოლარად აქვს შეძენილი. დეკლარაციის შევსების დროს მინდია ჟღერიას სახელფასო ანგარიშზე 3 ლარი და 44 თეთრი ჰქონდა, ხოლო მის მეუღლეს, რომელიც "საქართველოს ბანკის" თანამშრომელია, 87 ლარი. მინდია ჟღერიამ 2017 წელს ხელფასის სახით 20 800 ლარი აიღო; დეკლარაციის თანახმად, 9188 ლარის შემოსავალი ჰქონდა მის მეუღლეს. მერის მოადგილემ 7 936 ლარი გადაუხადა "საქართველოს ბანკს" ორ სესხში, ხოლო მისი მეუღლის გასავალი, რომელიც, ასევე, სესხის თანხად არის მითითებული, 3 314 ლარი ... ...
  • ბოლო ერთ თვეში ბიძინა ივანიშვილის ქონება 100 მლნ დოლარით გაიზარდაBloomberg-ის მილიარდერთა სიაში სულ 500 მილიარდერია. აღსანიშნავია, რომ რეიტინგში საქართველოდან მხოლოდ 62 წლის ბიძინა ივანიშვილია, რომლის ქონებაც 2019 წლის 15 თებერვლის მდგომარეობით, 5.17 მლრდ დოლარად არის შეფასებული. ამასთან, ამ დროისთვის ივანიშვილი Bloomberg-ის მილიარდერთა სიაში 314-ე ადგილზეა. როგორც „ბლუმბერგის“ მილიარდერთა ინდექსშია აღნიშნული, მისი ქონება ბოლო ერთ თვეში 100 მლნ დოლარით არის გაზრდილი. ცნობისთვის, 2019 წლის 15 იანვრის მდგომარეობით, მისი ქონება 5.07 მილიარდ დოლარად იყო შეფასებული. 5.17 მილიარდი დოლარით ბიძინა ივანიშვილს შეუძლია შეიძინოს 3.93 მილიონი უნცია ოქრო და 78 მილიონი ბარელი ნავთობი. მისი ქონება უტოლდება შეერთებული შტატების მშპ-ს 0.0267%-ს, მსოფლიოს 500 ყველაზე მდიდარი ადამიანის ქონების 0.1%-ს, შეერთებულ შტატებში „ტოპ“ 200 აღმასრულებელი დირექტორისთვის მიცემული კომპენსაციის 82%-ს, შეერთებული შტატების „ტოპ“ 100 კოლეჯის შეწირულობის 1.31%-ს. აღსანიშნავია, რომ მილიარდერების ინდექსის თანახმად, ივანიშვილის ქონება ყველაზე მაღალი – 2013 წელს იყო, როცა 6.40 მლრდ აშშ დოლარს შეადგენდა. გამოცემას ბიზნესმენთან დაკავშირებით მცირე ინფორმაციაც აქვს დატანილი, სადაც ივანიშვილის ბიზნეს საქმიანობის დაწყებისა და პოლიტიკური კარიერის მოკლე ისტორიაა ასახული. „ივანიშვილმა კარიერა პოსტ-საბჭოთა რუსეთში 1990-იან წლებში რკინის მადნის მოპოვებაში, ბანკებსა და უძრავ ქონებაში ფულის ჩადებით დაიწყო. თავისი აქტივების უმეტესობა 2003-2006 წლებში გაყიდა, დანარჩენი ნაწილი გაიყიდა საქართველოში პრემიერ-მინისტრად არჩევამდე 2012 წელს. ერთი წლის შემდეგ კი ის თანამდებობიდან გადადგა,“ – იუწყება გამოცემა. ცნობისთვის, Bloomberg-ის მილიარდერების ინდექსი მსოფლიოს ყველაზე მდიდარი ადამიანების ყოველდღიური რეიტინგია. ... ...
  • შსს-მ თბილისში მომხდარი ყაჩაღობის 3 ფაქტი გახსნა _ დაკავებულია 4 პირიშინაგან საქმეთა სამინისტროს თბილისის პოლიციის დეპარტამენტის ისანი-სამგორის სამმართველოს თანამშრომლებმა წარსულში ქურდობისთვის ნასამართლევი პირი ყაჩაღობის ბრალდებით დააკავეს. ცხელ კვალზე ჩატარებული ოპერატიულ-სამძებრო და საგამოძიებო ღონისძიებები შედეგად დაკავებულია 2000 წელს დაბადებული ლ.ც. მის მიერ ჩადენილი დანაშაული 5-დან 7 წლამდე ვადით თავისუფლების აღკვეთას ითვალისწინებს. გამოძიებით დადგინდა, რომ ბრალდებულმა თბილისში, ვარკეთილის მე-3 მიკრორაიონში მდებარე მარკეტი დანის მუქარით დააყაჩაღა და შემთხვევის ადგილიდან მიიმალა. სამართალდამცველებმა ლ.ც. მომხდარიდან რამდენიმე წუთში დააკავეს. პოლიციამ მარკეტიდან გატაცებული ფული - 500 ლარი ნივთმტკიცებად ამოიღო. ასევე, ყაჩაღობის ბრალდებით დააკავეს თბილისის პოლიციის დეპარტამენტის დიდუბე-ჩუღურეთის სამმართველოს თანამშრომლებმა 1994 წელს დაბადებული ი.ს. და 1992 წელს დაბადებული ა.მ. ჩადენილი დანაშაული 6-დან 9 წლამდე ვადით თავისუფლების აღკვეთას ითვალისწინებს. გამოძიებამ დაადგინა, რომ ბრალდებულები თავს დაესხნენ თბილისში, ბელიაშვილის ქუჩაზე მდებარე ერთ-ერთ ავტოგასამართ სადგურს, საიდანაც ცეცხლსასროლი იარაღის მუქარით თანხა გაიტაცეს და შემთხვევის ადგილიდან მიიმალნენ. სამართალდამცველებმა ორივე პირი, ცხელ კვალზე ჩატარებული ოპერატიულ-სამძებრო და საგამოძიებო მოქმედებების შედეგად, თბილისში დააკავეს. პოლიციამ ერთ-ერთი ბრალდებულის - ა.მ.-ს საცხოვრებელი ბინის ჩხრეკისას ნივთმტკიცებად ამოიღო 2 პისტოლეტი, რომლებზეც დანიშნულია შესაბამისი ექსპერტიზები. ორივე დაკავებული ჩადენილ დანაშაულს აღიარებს. გარდა ამისა, თბილისის პოლიციის დეპარტამენტის გლდანი-ნაძალადევის სამმართველოს თანამშრომლებმა, ოპერატიულ-სამძებრო ღონისძიებების შედეგად, ყაჩაღობის ბრალდებით, ცხელ კვალზე დააკავეს 1984 წელს დაბადებული ვ.მ. დაკავებულმა თბილისში, სანზონაში მდებარე ერთ-ერთი მარკეტიდან ცეცხლსასროლი იარაღის მუქარით, დაახლოებით, 400 ლარი და სხვადასხვა დასახელების სიგარეტი გაიტაცა. პოლიციამ, ვ.მ.-ს პირადი ჩხრეკისას, გატაცებული თანხა, სიგარეტები, დანა და ცეცხლსასროლი იარაღი ნივთმტკიცებად ამოიღო. სამივე სისხლის სამართლის საქმეზე გამოძიება საქართველოს სსკ-ს 179-ე მუხლით ... ...
  • დიდი ოდენობით ნარკოტიკული საშუალების უკანონო შეძენა-შენახვის ბრალდებით 2 პირი დააკავესშინაგან საქმეთა სამინისტროს თბილისის პოლიციის დეპარტამენტის დეტექტივების სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, თურქეთის რესპუბლიკის მოქალაქე, 1982 წელს დაბადებული ჰ.გ. და ყაზახეთის მოქალაქე, 1990 წელს დაბადებული ჟ.ი. დააკავეს. მათ ბრალი განსაკუთრებით დიდი ოდენობით ნარკოტიკული საშუალების უკანონო შეძენა-შენახვაში ედებათ. დანაშაული 8-დან 20 წლამდე ან უვადო თავისუფლების აღკვეთას ითვალისწინებს.  სამართალდამცველებმა თბილისში მდებარე ერთ-ერთი სასტუმროს ნომრიდან, სადაც დაკავებულები დროებით ცხოვრობდნენ, ნარკოტიკული საშუალების 133 აბი და 6 ნატეხი ნივთმტკიცებად ამოიღეს. გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე, საქართველოს სსკ-ს 260-ე მუხლის მე-6 ნაწილის „ა“ ქვეპუნქტით ... ...

არქივი

ზაფრანი

ჰეგემონი ციფრები

ბედის ციფრის გამოთვლის ტექნიკა ჩვენი...

რატომ ეჩვენებათ მთვრალ მამაკაცებს ყველა ქალი ლამაზი

არსებობს ცნობილი რუსული გამოთქმა: ულამაზო...

დედამიწაზე ყველა ცოცხალი არსება გონიერი რომ გახდეს

ერთ მშვენიერ დღეს დედამიწაზე ყველა...

"ტატუ" იმუნურ სისტემას აუმჯობესებს

აქამდე ტატუს (სვირინგი) დანიშნულება, მხოლოდ...

როგორ გამოვიცნოთ პატიოსანი ადამიანი

ყველასთვის ცნობილია, რომ ბილწსიტყვაობა და...

როგორი მამაკაცი გჭირდებათ?

ქალების უმეტესობას მიაჩნია, რომ მამაკაცი,...
კარმიდამო ჩემი

როგორ უნდა იცხოვროთ ისე, რომ სიმსივნით არ დაავადდეთ

ადამიანები, რომლებიც სიმსივნით იტანჯებიან და...

ოხრახუშს უნარი აქვს განკურნოს დეპრესია, შიზოფრენია და ალცჰეიმერის დაავადება

ბიოაქტიური ნივთიერება, რომელსაც შეიცავს ოხრახუში,...

"ბარი უნდა იცნობდეს მთასა და საქმეზე შეყვარებული და-ძმას"

ოზურგეთის მუნიციპალიტეტის სოფელ მთისპირის მკვიდრი...

რა გავაკეთოთ შემოდგომის მიწურულს საკარმიდამო ნაკვეთებში

ნოემბერ-დეკემბერში აქტიური სამეურნეო სამუშაოები ძირითადად...

პესტიციდების გამოყენებისას უდიდესი სიფრხილეა საჭირო

არსებობს უნივერსალური პესტიციდები, რომლებსაც ერთდროულად...

სიმინდის მოვლა თავიდან უნდა ვისწავლოთ

სიმინდის მოვლა-მოყვანის წესებს დასავლეთ საქართველოს...

რატომ უნდა მოვაშენოთ ბატი

როგორც უხნესი ადამიანები ამბობენ, საქართველოში...

დედოფლის ყვავილს დედოფალივით მოვლა სულ არ სჭირდება

წარსულში ძალზე პოპულარული და მერე...

მოვამზადოთ ნესვის სასმელი

ნესვი გოგრისებრთა ოჯახის ერთ-ერთი ყველაზე...

თაფლის ღვინო _ "თაფლუჭა"

თაფლის ღვინო და არაყი უნიკალური...

"ზამთარშიც გაზაფხულს ვეძებ და "გატყავებულ" გარემოს ვმოსავ"

"კარმიდამო ჩემის" უამრავ რესპონდენტს შორის,...